स्कंदउवाच-
अपरस्यापि पृच्छामि फलस्य पूततां तरोः।
सर्वलोकहितार्थाय वद नो जगदीश्वर१।
ईश्वर उवाच-
धात्रीफलं परं पूतं सर्वलोकेषु विश्रुतम्।
यस्य रोपान्नरो नारी मुच्यते जन्मबंधनात्२।
पावनं वासुदेवस्य फलं प्रीतिकरं शुभम्।
अस्य भक्षणमात्रेण मुच्यते सर्वकल्मषात्३।
भक्षणे च भवेदायुः पाने वै धर्मसंचयः।
अलक्ष्मीनाशनं स्नाने सर्वैश्वर्यमवाप्नुयात्४।
यस्मिन्गृहे महासेन धात्री तिष्ठति सर्वदा।
तस्मिन्गृहे न गच्छंति प्रेता दैतेय राक्षसाः
skaṃdauvāca-
aparasyāpi pṛcchāmi phalasya pūtatāṃ taroḥ|
sarvalokahitārthāya vada no jagadīśvara1|
īśvara uvāca-
dhātrīphalaṃ paraṃ pūtaṃ sarvalokeṣu viśrutam|
yasya ropānnaro nārī mucyate janmabaṃdhanāt2|
pāvanaṃ vāsudevasya phalaṃ prītikaraṃ śubham|
asya bhakṣaṇamātreṇa mucyate sarvakalmaṣāt3|
bhakṣaṇe ca bhavedāyuḥ pāne vai dharmasaṃcayaḥ|
alakṣmīnāśanaṃ snāne sarvaiśvaryamavāpnuyāt4|
yasmingṛhe mahāsena dhātrī tiṣṭhati sarvadā|
tasmingṛhe na gacchaṃti pretā daiteya rākṣasāḥ
Sanskrit only: no published translation is held for this verse.
न गंगा न गया चैव न काशी न च पुष्करम्।
एकैव हि नृणां धात्री संप्राप्ते हरिवासरे
na gaṃgā na gayā caiva na kāśī na ca puṣkaram|
ekaiva hi nṛṇāṃ dhātrī saṃprāpte harivāsare
Sanskrit only: no published translation is held for this verse.
एकादश्यां पक्षयुगे धात्रीस्नानं करोति यः।
सर्वपापक्षयं यांति विष्णुलोके महीयते
ekādaśyāṃ pakṣayuge dhātrīsnānaṃ karoti yaḥ|
sarvapāpakṣayaṃ yāṃti viṣṇuloke mahīyate
Sanskrit only: no published translation is held for this verse.
धात्रीफलं सदा सेव्यं भक्षणे स्नान एव च।
नियतं पारणे विष्णोः स्नानमात्रे हरेर्दिने
dhātrīphalaṃ sadā sevyaṃ bhakṣaṇe snāna eva ca|
niyataṃ pāraṇe viṣṇoḥ snānamātre harerdine
Sanskrit only: no published translation is held for this verse.
संयते पारणे चैव धात्र्येकस्पर्शने नरः।
भुक्त्वा तु लंघयेद्यस्तु एकादश्यां सितासिते
saṃyate pāraṇe caiva dhātryekasparśane naraḥ|
bhuktvā tu laṃghayedyastu ekādaśyāṃ sitāsite
Sanskrit only: no published translation is held for this verse.
एकेनैवोपवासेन कृतेन तु षडानन।
सप्तजन्मकृतात्पापान्मुच्यते नात्र संशयः
ekenaivopavāsena kṛtena tu ṣaḍānana|
saptajanmakṛtātpāpānmucyate nātra saṃśayaḥ
Sanskrit only: no published translation is held for this verse.
अक्षयं लभते स्वर्गं विष्णुसायुज्यमाव्रजेत्।
तस्मात्सर्वप्रयत्नेन धात्रीव्रतं समाचर
akṣayaṃ labhate svargaṃ viṣṇusāyujyamāvrajet|
tasmātsarvaprayatnena dhātrīvrataṃ samācara
Sanskrit only: no published translation is held for this verse.
धात्रीद्रवेण सततं यस्य केशाः सुरंजिताः।
न पिबेत्स पुनर्मातुः स्तनं कश्चित्षडानन
dhātrīdraveṇa satataṃ yasya keśāḥ suraṃjitāḥ|
na pibetsa punarmātuḥ stanaṃ kaścitṣaḍānana
Sanskrit only: no published translation is held for this verse.
धात्रीदर्शनसंस्पर्शान्नाम्न उच्चारणेपि वा।
वरदः संमुखो विष्णुः संतुष्टो भवति प्रियः
dhātrīdarśanasaṃsparśānnāmna uccāraṇepi vā|
varadaḥ saṃmukho viṣṇuḥ saṃtuṣṭo bhavati priyaḥ
Sanskrit only: no published translation is held for this verse.
धात्रीफलं च यत्रास्ते तत्र तिष्ठति केशवः।
तत्र ब्रह्मा स्थिरा पद्मा तस्मात्तां तु गृहे न्यसेत्
dhātrīphalaṃ ca yatrāste tatra tiṣṭhati keśavaḥ|
tatra brahmā sthirā padmā tasmāttāṃ tu gṛhe nyaset
Sanskrit only: no published translation is held for this verse.
अलक्ष्मीर्नश्यते तत्र यत्र धात्री प्रतिष्ठति।
संतुष्टास्सर्वदेवाश्च न त्यजंति क्षणं मुदा१५।
धात्रीफलेन नैवेद्यं यो ददाति महाधनम्।
तस्य तुष्टो भवेद्विष्णुर्नान्यैः क्रतुशतैरपि
alakṣmīrnaśyate tatra yatra dhātrī pratiṣṭhati|
saṃtuṣṭāssarvadevāśca na tyajaṃti kṣaṇaṃ mudā15|
dhātrīphalena naivedyaṃ yo dadāti mahādhanam|
tasya tuṣṭo bhavedviṣṇurnānyaiḥ kratuśatairapi
Sanskrit only: no published translation is held for this verse.
स्नात्वा धात्रीद्रवेणैव पूजयेद्यस्तु माधवम्।
सोभीष्टफलमाप्नोति यद्वा मनसि वर्तते
snātvā dhātrīdraveṇaiva pūjayedyastu mādhavam|
sobhīṣṭaphalamāpnoti yadvā manasi vartate
Sanskrit only: no published translation is held for this verse.
तथैव लक्षणं स्मृत्वा पूजयित्वा फलेन तु।
सुवर्णशतसाहस्रं फलमेति नरोत्तमः
tathaiva lakṣaṇaṃ smṛtvā pūjayitvā phalena tu|
suvarṇaśatasāhasraṃ phalameti narottamaḥ
Sanskrit only: no published translation is held for this verse.
या गतिर्ज्ञानिनां स्कंद मुनीनां योगसेविनाम्।
गतिं तां समवाप्नोति धात्रीसेवा रतो नरः१९।
तीर्थसेवाभिगमने व्रतैश्च विविधैस्तथा।
सा गतिर्लभ्यते पुंसां धात्रीफलसुसेवया२०।
प्रीतिश्च सर्वदेवानां देवीनां नो गणस्य च।
संमुखा वरदा स्नाने धात्रीफलनिषेवणे
yā gatirjñānināṃ skaṃda munīnāṃ yogasevinām|
gatiṃ tāṃ samavāpnoti dhātrīsevā rato naraḥ19|
tīrthasevābhigamane vrataiśca vividhaistathā|
sā gatirlabhyate puṃsāṃ dhātrīphalasusevayā20|
prītiśca sarvadevānāṃ devīnāṃ no gaṇasya ca|
saṃmukhā varadā snāne dhātrīphalaniṣevaṇe
Sanskrit only: no published translation is held for this verse.
ग्रहा दुष्टाश्च ये केचिदुग्राश्च दैत्यराक्षसाः।
सर्वे न दुष्टतां यांतिधात्रीफल सुसेवनात्
grahā duṣṭāśca ye kecidugrāśca daityarākṣasāḥ|
sarve na duṣṭatāṃ yāṃtidhātrīphala susevanāt
Sanskrit only: no published translation is held for this verse.
सर्वयज्ञेषु कार्येषु शस्तं चामलकीफलम्।
सर्वदेवस्य पूजायां वर्जयित्वा रविं सुत
sarvayajñeṣu kāryeṣu śastaṃ cāmalakīphalam|
sarvadevasya pūjāyāṃ varjayitvā raviṃ suta
Sanskrit only: no published translation is held for this verse.
तस्माद्रविदिने तात सप्तम्यां च विशेषतः।
धात्रीफलानि सततं दूरतः परिवर्जयेत्
tasmādravidine tāta saptamyāṃ ca viśeṣataḥ|
dhātrīphalāni satataṃ dūrataḥ parivarjayet
Sanskrit only: no published translation is held for this verse.
यस्तु स्नाति तथाश्नाति धात्रीं च रविवासरे।
आयुर्वित्तं कलत्रं च सर्वं तस्य विनश्यति
yastu snāti tathāśnāti dhātrīṃ ca ravivāsare|
āyurvittaṃ kalatraṃ ca sarvaṃ tasya vinaśyati
Sanskrit only: no published translation is held for this verse.
इति श्रीपाद्मपुराणे प्रथमे सृष्टिखंडे तुलसीमाहात्म्यं नाम षष्टितमोऽध्यायः
iti śrīpādmapurāṇe prathame sṛṣṭikhaṃḍe tulasīmāhātmyaṃ nāma ṣaṣṭitamo'dhyāyaḥ
Sanskrit only: no published translation is held for this verse.
दानमानार्चनैर्नैव यैर्विप्रा भुवि तर्पिताः९५।
पितरो गुरवश्चैव प्रेतास्ते कर्मजा भृशम्।
पतिं त्यक्त्वा च या नार्यो वसंति चेतरैर्जनैः९६।
प्रेतलोके चिरं स्थित्वा जायंते चांत्ययोनिषु।
पतिं च वंचयित्वा या विषयेंद्रियमोहिताः९७।
मिष्टं चादंति याः पापास्तास्तु प्रेताश्चिरं भुवि।
विण्मूत्रभक्षका ये च ब्रह्मस्व भक्षणे रताः९८।
अभक्ष्यभक्षकाश्चान्ये ते प्रेताश्चापुनर्भवाः।
बलाद्ये परवस्तूनि गृह्णंति न ददत्यपि९९।
अतिथीनवमन्यंते प्रेता निरयमास्थिताः।
तस्मादामलकीं भुक्त्वा स्नात्वा तस्य द्रवेण च १०० 1.60.100।
सर्वपापाद्विनिर्मुक्तो विष्णुलोके महीयते।
तस्मात्सर्वप्रयत्नेन सेवयामलकीं शिवाम्
dānamānārcanairnaiva yairviprā bhuvi tarpitāḥ95|
pitaro guravaścaiva pretāste karmajā bhṛśam|
patiṃ tyaktvā ca yā nāryo vasaṃti cetarairjanaiḥ96|
pretaloke ciraṃ sthitvā jāyaṃte cāṃtyayoniṣu|
patiṃ ca vaṃcayitvā yā viṣayeṃdriyamohitāḥ97|
miṣṭaṃ cādaṃti yāḥ pāpāstāstu pretāściraṃ bhuvi|
viṇmūtrabhakṣakā ye ca brahmasva bhakṣaṇe ratāḥ98|
abhakṣyabhakṣakāścānye te pretāścāpunarbhavāḥ|
balādye paravastūni gṛhṇaṃti na dadatyapi99|
atithīnavamanyaṃte pretā nirayamāsthitāḥ|
tasmādāmalakīṃ bhuktvā snātvā tasya draveṇa ca 100 1.60.100|
sarvapāpādvinirmukto viṣṇuloke mahīyate|
tasmātsarvaprayatnena sevayāmalakīṃ śivām
Sanskrit only: no published translation is held for this verse.
य इदं शृणुयान्नित्यं पुण्याख्यानमिदं शुभम्।
सर्वपाप प्रपूतात्मा विष्णुलोके महीयते
ya idaṃ śṛṇuyānnityaṃ puṇyākhyānamidaṃ śubham|
sarvapāpa prapūtātmā viṣṇuloke mahīyate
Sanskrit only: no published translation is held for this verse.
श्रावयेत्सततं लोके वैष्णवेषु विशेषतः।
स याति विष्णुसायुज्यमिति पौराणिका विदुः
śrāvayetsatataṃ loke vaiṣṇaveṣu viśeṣataḥ|
sa yāti viṣṇusāyujyamiti paurāṇikā viduḥ
Sanskrit only: no published translation is held for this verse.
स्कंद उवाच-
महीरुह फलं ज्ञातं प्रपूतं द्विविधं प्रभो।
इदानीं श्रोतुमिच्छामि पत्रं पुष्पं सुमोक्षदम्
skaṃda uvāca-
mahīruha phalaṃ jñātaṃ prapūtaṃ dvividhaṃ prabho|
idānīṃ śrotumicchāmi patraṃ puṣpaṃ sumokṣadam
Sanskrit only: no published translation is held for this verse.
ईश्वर उवाच-
सर्वेभ्यः पत्रपुष्पेभ्यः सत्तमा तुलसी शिवा।
सर्वकामप्रदा शुद्धा वैष्णवी विष्णुसुप्रिया
īśvara uvāca-
sarvebhyaḥ patrapuṣpebhyaḥ sattamā tulasī śivā|
sarvakāmapradā śuddhā vaiṣṇavī viṣṇusupriyā
Sanskrit only: no published translation is held for this verse.
भुक्तिमुक्तिप्रदा मुख्या सर्वलोकपरा शुभा।
यामाश्रित्य गताः स्वर्गमक्षयं मुनिसत्तमाः
bhuktimuktipradā mukhyā sarvalokaparā śubhā|
yāmāśritya gatāḥ svargamakṣayaṃ munisattamāḥ
Sanskrit only: no published translation is held for this verse.
हितार्थं सर्वलोकानां विष्णुनारोपिता पुरा।
तुलसीपत्रपुष्पं च सर्वधर्मप्रतिष्ठितम्
hitārthaṃ sarvalokānāṃ viṣṇunāropitā purā|
tulasīpatrapuṣpaṃ ca sarvadharmapratiṣṭhitam
Sanskrit only: no published translation is held for this verse.
यथा विष्णोः प्रियालक्ष्मीर्यथाहं प्रिय एव च।
तथेयं तुलसीदेवी चतुर्थो नोपपद्यते
yathā viṣṇoḥ priyālakṣmīryathāhaṃ priya eva ca|
tatheyaṃ tulasīdevī caturtho nopapadyate
Sanskrit only: no published translation is held for this verse.
तुलसीपत्रमेकं तु शतहेमफलप्रदम्।
नान्यैः पुष्पैस्तथापत्रैर्नान्यैर्गंधानुलेपनैः
tulasīpatramekaṃ tu śatahemaphalapradam|
nānyaiḥ puṣpaistathāpatrairnānyairgaṃdhānulepanaiḥ
Sanskrit only: no published translation is held for this verse.
तुष्यते दैत्यहा विष्णुस्तुलस्याश्च दलैर्विना।
अनेन पूजितो येन हरिर्नित्यं पराशया
tuṣyate daityahā viṣṇustulasyāśca dalairvinā|
anena pūjito yena harirnityaṃ parāśayā
Sanskrit only: no published translation is held for this verse.
तेन दत्तं हुतं ज्ञातं कृतं यज्ञव्रतादिकम्।
जन्मजन्मनि भासित्वं सुखं भाग्यं यशः श्रियं
tena dattaṃ hutaṃ jñātaṃ kṛtaṃ yajñavratādikam|
janmajanmani bhāsitvaṃ sukhaṃ bhāgyaṃ yaśaḥ śriyaṃ
Sanskrit only: no published translation is held for this verse.
कुलं शीलं कलत्रं च पुत्रं दुहितरं तथा।
धनं राज्यमरोगत्वं ज्ञानं विज्ञानमेव च
kulaṃ śīlaṃ kalatraṃ ca putraṃ duhitaraṃ tathā|
dhanaṃ rājyamarogatvaṃ jñānaṃ vijñānameva ca
Sanskrit only: no published translation is held for this verse.
वेदवेदांगशास्त्रं च पुराणागमसंहिताः।
सर्वं करगतं मन्ये तुलस्याभ्यर्चने हरेः
vedavedāṃgaśāstraṃ ca purāṇāgamasaṃhitāḥ|
sarvaṃ karagataṃ manye tulasyābhyarcane hareḥ
Sanskrit only: no published translation is held for this verse.
यथा गंगा पवित्रांगी सुरलोके विमोक्षदा।
यथा भागीरथी पुण्या तथैवं तुलसी शिवा
yathā gaṃgā pavitrāṃgī suraloke vimokṣadā|
yathā bhāgīrathī puṇyā tathaivaṃ tulasī śivā
Sanskrit only: no published translation is held for this verse.
किं च गंगाजले नैव किंच पुष्करसेवया।
तुलसीदलमिश्रेण जलेनैव प्रमोद्यते
kiṃ ca gaṃgājale naiva kiṃca puṣkarasevayā|
tulasīdalamiśreṇa jalenaiva pramodyate
Sanskrit only: no published translation is held for this verse.
माधवः संमुखो यस्य जन्मजन्मसुधीमतः।
तस्य श्रद्धा भवेछ्रुत्वा तुलस्या हरिमर्चितुम्
mādhavaḥ saṃmukho yasya janmajanmasudhīmataḥ|
tasya śraddhā bhavechrutvā tulasyā harimarcitum
Sanskrit only: no published translation is held for this verse.
यो मंजरीदलैरेव तुलस्या विष्णुमर्चयेत्।
तस्य पुण्यफलं स्कन्द कथितुं नैव शक्यते
yo maṃjarīdalaireva tulasyā viṣṇumarcayet|
tasya puṇyaphalaṃ skanda kathituṃ naiva śakyate
Sanskrit only: no published translation is held for this verse.
तत्र केशवसान्निध्यं यत्रास्ति तुलसीवनम्।
तत्र ब्रह्मा च कमला सर्वदेवगणैः सह
tatra keśavasānnidhyaṃ yatrāsti tulasīvanam|
tatra brahmā ca kamalā sarvadevagaṇaiḥ saha
Sanskrit only: no published translation is held for this verse.
तस्मात्तां संनिकृष्टे तु सदा देवीं प्रपूजयेत्।
स्तोत्रमंत्रादिकं यद्वा सर्वमानंत्यमश्नुते
tasmāttāṃ saṃnikṛṣṭe tu sadā devīṃ prapūjayet|
stotramaṃtrādikaṃ yadvā sarvamānaṃtyamaśnute
Sanskrit only: no published translation is held for this verse.
ये च प्रेताश्च कूश्मांडाः पिशाचा ब्रह्मराक्षसाः।
भूतदैत्यादयस्तत्र पलायंते सदैव हि
ye ca pretāśca kūśmāṃḍāḥ piśācā brahmarākṣasāḥ|
bhūtadaityādayastatra palāyaṃte sadaiva hi
Sanskrit only: no published translation is held for this verse.
अलक्ष्मीर्नाशिनी घूर्णा या डाकिन्यादि मातरः।
सर्वाः संकोचितां यांति दृष्ट्वा तु तुलसीदलं
alakṣmīrnāśinī ghūrṇā yā ḍākinyādi mātaraḥ|
sarvāḥ saṃkocitāṃ yāṃti dṛṣṭvā tu tulasīdalaṃ
Sanskrit only: no published translation is held for this verse.
ब्रह्महत्यादयः पापव्याधयः पापसंभवाः।
कुमंत्रिणा कृता ये च सर्वे नश्यंति तत्र वै
brahmahatyādayaḥ pāpavyādhayaḥ pāpasaṃbhavāḥ|
kumaṃtriṇā kṛtā ye ca sarve naśyaṃti tatra vai
Sanskrit only: no published translation is held for this verse.
भूतले वापि तं येन हर्यर्थं तुलसीवनम्।
कृतं क्रतुशतं तेन विधिवत्प्रियदक्षिणम्
bhūtale vāpi taṃ yena haryarthaṃ tulasīvanam|
kṛtaṃ kratuśataṃ tena vidhivatpriyadakṣiṇam
Sanskrit only: no published translation is held for this verse.
हरिलिंगेषु चान्येषु सालग्रामशिलासु च।
तुलसीग्रहणं कृत्वा विष्णोः सायुज्यमाव्रजेत्
hariliṃgeṣu cānyeṣu sālagrāmaśilāsu ca|
tulasīgrahaṇaṃ kṛtvā viṣṇoḥ sāyujyamāvrajet
Sanskrit only: no published translation is held for this verse.
नंदंति पुरुषास्तस्य माधवार्थे क्षितौ तु यः।
तुलसीं रोपयेद्धीरः स याति माधवालयम्
naṃdaṃti puruṣāstasya mādhavārthe kṣitau tu yaḥ|
tulasīṃ ropayeddhīraḥ sa yāti mādhavālayam
Sanskrit only: no published translation is held for this verse.
पूजयित्वा हरिं देवं निर्माल्यं तुलसीदलम्।
धारयेद्यः स्वशीर्षे तु पापात्पूतो दिवं व्रजेत्१२६।
पूजने कीर्त्तने ध्याने रोपणे धारणे कलौ।
तुलसी दहते पापं र्स्वर्गं मोक्षं ददाति च
pūjayitvā hariṃ devaṃ nirmālyaṃ tulasīdalam|
dhārayedyaḥ svaśīrṣe tu pāpātpūto divaṃ vrajet126|
pūjane kīrttane dhyāne ropaṇe dhāraṇe kalau|
tulasī dahate pāpaṃ rsvargaṃ mokṣaṃ dadāti ca
Sanskrit only: no published translation is held for this verse.
उपदेशं दिशेदस्याः स्वयमाचरते पुनः
upadeśaṃ diśedasyāḥ svayamācarate punaḥ
Sanskrit only: no published translation is held for this verse.
स याति परमं स्थानं माधवस्य निकेतनम्।
हरेः प्रियकरं यच्च तन्मे प्रियतरं भवेत्
sa yāti paramaṃ sthānaṃ mādhavasya niketanam|
hareḥ priyakaraṃ yacca tanme priyataraṃ bhavet
Sanskrit only: no published translation is held for this verse.
सर्वेषामपि देवानां देवीनां च समंततः।
श्राद्धेषु यज्ञकार्येषु पर्णमेकं षडानन
sarveṣāmapi devānāṃ devīnāṃ ca samaṃtataḥ|
śrāddheṣu yajñakāryeṣu parṇamekaṃ ṣaḍānana
Sanskrit only: no published translation is held for this verse.
तस्मात्सर्वप्रयत्नेन तुलसीसेवनं कुरु।
तुलसी सेविता येन तेन सर्वं तु सेवितम्
tasmātsarvaprayatnena tulasīsevanaṃ kuru|
tulasī sevitā yena tena sarvaṃ tu sevitam
Sanskrit only: no published translation is held for this verse.
गुरुं विप्रं देवतीर्थं तस्मात्सेवय षण्मुख।
शिखायां तुलसीं कृत्वा यस्तु प्राणान्परित्यजेत्
guruṃ vipraṃ devatīrthaṃ tasmātsevaya ṣaṇmukha|
śikhāyāṃ tulasīṃ kṛtvā yastu prāṇānparityajet
Sanskrit only: no published translation is held for this verse.
दुष्कृतौघाद्विनिर्मुक्तः स्वर्गमेति निरामयम्।
राजसूयादिभिर्यज्ञैर्व्रतैश्च विविधैर्यमैः
duṣkṛtaughādvinirmuktaḥ svargameti nirāmayam|
rājasūyādibhiryajñairvrataiśca vividhairyamaiḥ
Sanskrit only: no published translation is held for this verse.
या गतिः प्राप्यते धीरैः तुलसीसेविनां भवेत्।
तुलसीदलेन चैकेन पूजयित्वा हरिं नरः
yā gatiḥ prāpyate dhīraiḥ tulasīsevināṃ bhavet|
tulasīdalena caikena pūjayitvā hariṃ naraḥ
Sanskrit only: no published translation is held for this verse.
वैष्णवत्वमवाप्नोति किमन्यैः शास्त्रविस्तरैः।
न पिबेत्स पयो मातुस्तुलस्याः कोटिसंख्यकैः
vaiṣṇavatvamavāpnoti kimanyaiḥ śāstravistaraiḥ|
na pibetsa payo mātustulasyāḥ koṭisaṃkhyakaiḥ
Sanskrit only: no published translation is held for this verse.
अर्चितः केशवो येन शाखामृदुलपल्लवैः।
भावयेत्पुरुषान्मर्त्यः शतशोथ सहस्रशः
arcitaḥ keśavo yena śākhāmṛdulapallavaiḥ|
bhāvayetpuruṣānmartyaḥ śataśotha sahasraśaḥ
Sanskrit only: no published translation is held for this verse.
पूजयित्वा हरिं नित्यं कोमलैस्तुलसीदलैः।
प्रधानतो गुणास्तात तुलस्या गदिता मया
pūjayitvā hariṃ nityaṃ komalaistulasīdalaiḥ|
pradhānato guṇāstāta tulasyā gaditā mayā
Sanskrit only: no published translation is held for this verse.
निखिलं पुरुकालेन गुणं वक्तुं न शक्नुमः।
यस्त्विदं शृणुयान्नित्यमाख्यानं पुण्यसंचयम्
nikhilaṃ purukālena guṇaṃ vaktuṃ na śaknumaḥ|
yastvidaṃ śṛṇuyānnityamākhyānaṃ puṇyasaṃcayam
Sanskrit only: no published translation is held for this verse.
पूर्वजन्मकृतात्पापान्मुच्यते जन्मबंधनात्।
सकृत्पठनमात्रेण वह्निष्टोमफलं लभेत्
pūrvajanmakṛtātpāpānmucyate janmabaṃdhanāt|
sakṛtpaṭhanamātreṇa vahniṣṭomaphalaṃ labhet
Sanskrit only: no published translation is held for this verse.
न तस्य व्याधयः पुत्र मूर्खत्वं न कदाचन।
सर्वदा जयमाप्नोति न गच्छेत्स पराजयं
na tasya vyādhayaḥ putra mūrkhatvaṃ na kadācana|
sarvadā jayamāpnoti na gacchetsa parājayaṃ
Sanskrit only: no published translation is held for this verse.
लेखस्तिष्ठेद्गृहे यस्य तस्य लक्ष्मीः प्रवर्तते।
न चाधयो न च प्रेता न शोको नावमानना
lekhastiṣṭhedgṛhe yasya tasya lakṣmīḥ pravartate|
na cādhayo na ca pretā na śoko nāvamānanā
Sanskrit only: no published translation is held for this verse.
न तिष्ठंति क्षणं तत्र यत्रेयं वर्तते लिपिः
na tiṣṭhaṃti kṣaṇaṃ tatra yatreyaṃ vartate lipiḥ
Sanskrit only: no published translation is held for this verse.