Padma Purāṇa 3.2

सूत उवाच-। आदिसर्गमहं तावत्कथयामि द्विजोत्तमाः । ज्ञायते येन भगवान्परमात्मा सनातनः

sūta uvāca-| ādisargamahaṃ tāvatkathayāmi dvijottamāḥ | jñāyate yena bhagavānparamātmā sanātanaḥ

Sanskrit only: no published translation is held for this verse.

सृष्टेषु प्रलयादूर्ध्वं नासीत्किंचिद्द्विजोत्तमाः । ब्रह्मसंज्ञमभूदेकं ज्योतिर्वै सर्वकारकम्

sṛṣṭeṣu pralayādūrdhvaṃ nāsītkiṃciddvijottamāḥ | brahmasaṃjñamabhūdekaṃ jyotirvai sarvakārakam

Sanskrit only: no published translation is held for this verse.

नित्यं निरंजनं शांतं निर्मलं नित्यनिर्मलम् । आनंदसागरंस्वच्छं यत्कांक्षंति मुमुक्षवः

nityaṃ niraṃjanaṃ śāṃtaṃ nirmalaṃ nityanirmalam | ānaṃdasāgaraṃsvacchaṃ yatkāṃkṣaṃti mumukṣavaḥ

Sanskrit only: no published translation is held for this verse.

सर्वज्ञं ज्ञानरूपत्वादनंतमजमव्ययम् । अविनाशि सदास्वच्छमच्युतं व्यापकं महत्

sarvajñaṃ jñānarūpatvādanaṃtamajamavyayam | avināśi sadāsvacchamacyutaṃ vyāpakaṃ mahat

Sanskrit only: no published translation is held for this verse.

सर्गकाले तु संप्राप्ते ज्ञात्वा तं ज्ञानरूपकम् । आत्मलीनं विकारं च तत्स्रष्टुमुपचक्रमे

sargakāle tu saṃprāpte jñātvā taṃ jñānarūpakam | ātmalīnaṃ vikāraṃ ca tatsraṣṭumupacakrame

Sanskrit only: no published translation is held for this verse.

तस्मात्प्रधानमुद्भूतं ततश्चापि महानभूत् । सात्विको राजसश्चैव तामसश्च त्रिधा महान्

tasmātpradhānamudbhūtaṃ tataścāpi mahānabhūt | sātviko rājasaścaiva tāmasaśca tridhā mahān

Sanskrit only: no published translation is held for this verse.

प्रधानेनावृतो ह्येव त्वचा बीजमिवावृतम् । वैकारिकस्तैजसश्च भूतादिश्चैव तामसः

pradhānenāvṛto hyeva tvacā bījamivāvṛtam | vaikārikastaijasaśca bhūtādiścaiva tāmasaḥ

Sanskrit only: no published translation is held for this verse.

त्रिविधोयमहंकारो महत्तत्वादजायत । यथा प्रधानेन महान्महता स तथा वृतः

trividhoyamahaṃkāro mahattatvādajāyata | yathā pradhānena mahānmahatā sa tathā vṛtaḥ

Sanskrit only: no published translation is held for this verse.

भूतादिस्तु विकुर्वाणः शब्दतन्मात्रकं ततः । ससर्ज शब्दतन्मात्रादाकाशं शब्दलक्षणम्

bhūtādistu vikurvāṇaḥ śabdatanmātrakaṃ tataḥ | sasarja śabdatanmātrādākāśaṃ śabdalakṣaṇam

Sanskrit only: no published translation is held for this verse.

शब्दमात्रं तथाकाशं भूतादिः सममावृणोत् । शब्दमात्रं तथाकाशं स्पर्शमात्रं ससर्ज ह

śabdamātraṃ tathākāśaṃ bhūtādiḥ samamāvṛṇot | śabdamātraṃ tathākāśaṃ sparśamātraṃ sasarja ha

Sanskrit only: no published translation is held for this verse.

बलवानभवद्वायुस्तस्य स्पर्शो गुणो मतः । आकाशं शब्दमात्रं तु स्पर्शमात्रं समावृणोत्

balavānabhavadvāyustasya sparśo guṇo mataḥ | ākāśaṃ śabdamātraṃ tu sparśamātraṃ samāvṛṇot

Sanskrit only: no published translation is held for this verse.

ततो वायुविकुर्वाणो रूपमात्रं ससर्ज ह । ज्योतिरुत्पद्यते वायोस्तद्रूपगुणमुच्यते

tato vāyuvikurvāṇo rūpamātraṃ sasarja ha | jyotirutpadyate vāyostadrūpaguṇamucyate

Sanskrit only: no published translation is held for this verse.

स्पर्शमात्रस्तु वै वायू रूपमात्रं समावृणोत् । ज्योतिश्चापि विकुर्वाणं रसमात्रं ससर्ज ह

sparśamātrastu vai vāyū rūpamātraṃ samāvṛṇot | jyotiścāpi vikurvāṇaṃ rasamātraṃ sasarja ha

Sanskrit only: no published translation is held for this verse.

संभवंति ततोंभांसि रसमात्राणि तानि तु । रसमात्राणिचांभांसि रूपमात्रं समावृणोत्

saṃbhavaṃti tatoṃbhāṃsi rasamātrāṇi tāni tu | rasamātrāṇicāṃbhāṃsi rūpamātraṃ samāvṛṇot

Sanskrit only: no published translation is held for this verse.

विकुर्वाणानिचांभांसिगंधमात्रंससर्जिरे । तस्माज्जाता मही चेयं सर्वभूतगुणाधिका

vikurvāṇānicāṃbhāṃsigaṃdhamātraṃsasarjire | tasmājjātā mahī ceyaṃ sarvabhūtaguṇādhikā

Sanskrit only: no published translation is held for this verse.

ससंघातो यतस्तस्मात्तस्य गंधो गुणो मतः । तस्मिंस्तस्मिंस्तु तन्मात्रात्तेन तन्मात्रता स्मृता

sasaṃghāto yatastasmāttasya gaṃdho guṇo mataḥ | tasmiṃstasmiṃstu tanmātrāttena tanmātratā smṛtā

Sanskrit only: no published translation is held for this verse.

तन्मात्राण्यविशेषाणि विशेषाः क्रमशो पराः । भूततन्मात्रसर्गोयमहंकारात्तु तामसात्

tanmātrāṇyaviśeṣāṇi viśeṣāḥ kramaśo parāḥ | bhūtatanmātrasargoyamahaṃkārāttu tāmasāt

Sanskrit only: no published translation is held for this verse.

कीर्तितस्तु समासेन मुनिवर्यास्तपोधनाः । तैजसानींद्रियाण्याहुर्देवा वैकारिका दश

kīrtitastu samāsena munivaryāstapodhanāḥ | taijasānīṃdriyāṇyāhurdevā vaikārikā daśa

Sanskrit only: no published translation is held for this verse.

एकादशं मनश्चात्र कीर्तितं तत्त्वचिंतकैः । ज्ञानेंद्रियाणि पंचात्र पंचकर्मेंद्रियाणि च

ekādaśaṃ manaścātra kīrtitaṃ tattvaciṃtakaiḥ | jñāneṃdriyāṇi paṃcātra paṃcakarmeṃdriyāṇi ca

Sanskrit only: no published translation is held for this verse.

तानि वक्ष्यामि तेषां च कर्माणि कुलपावनाः । श्रवणं त्वक्चक्षुर्जिह्वा नासिका चैव पंचमी

tāni vakṣyāmi teṣāṃ ca karmāṇi kulapāvanāḥ | śravaṇaṃ tvakcakṣurjihvā nāsikā caiva paṃcamī

Sanskrit only: no published translation is held for this verse.

शब्दादिज्ञानसिद्ध्यर्थं बुद्धियुक्तानि पंच वै । पायूपस्थं हस्तपादौ कीर्तिता वाक्चपंचमी

śabdādijñānasiddhyarthaṃ buddhiyuktāni paṃca vai | pāyūpasthaṃ hastapādau kīrtitā vākcapaṃcamī

Sanskrit only: no published translation is held for this verse.

विसर्गानंदनादानगत्युक्तिकर्मतत्स्मृतम् । आकाशवायुतेजांसि सलिलं पृथिवी तथा

visargānaṃdanādānagatyuktikarmatatsmṛtam | ākāśavāyutejāṃsi salilaṃ pṛthivī tathā

Sanskrit only: no published translation is held for this verse.

शब्दादिभिर्गुणैर्विप्राः संयुक्ता उत्तरोत्तरैः । नानावीर्याः पृथग्भूतास्ततस्ते संहतिं विना

śabdādibhirguṇairviprāḥ saṃyuktā uttarottaraiḥ | nānāvīryāḥ pṛthagbhūtāstataste saṃhatiṃ vinā

Sanskrit only: no published translation is held for this verse.

नाशक्नुवन्प्रजाः स्रष्टुमसमागत्य कृत्स्नशः । समेत्यान्योन्यसंयोगं परस्परमथाश्रयात्

nāśaknuvanprajāḥ sraṣṭumasamāgatya kṛtsnaśaḥ | sametyānyonyasaṃyogaṃ parasparamathāśrayāt

Sanskrit only: no published translation is held for this verse.

एकसंघास्सलक्ष्याश्च संप्राप्यैक्यमशेषतः । पुरुषाधिष्ठितत्वाच्च प्रधानानुग्रहेण च

ekasaṃghāssalakṣyāśca saṃprāpyaikyamaśeṣataḥ | puruṣādhiṣṭhitatvācca pradhānānugraheṇa ca

Sanskrit only: no published translation is held for this verse.

महदादयो विशेषांता अंडमुत्पादयंति ते । तत्क्रमेण विवृद्धं तु जलबुद्बुदवत्सदा

mahadādayo viśeṣāṃtā aṃḍamutpādayaṃti te | tatkrameṇa vivṛddhaṃ tu jalabudbudavatsadā

Sanskrit only: no published translation is held for this verse.

भूतेभ्योंडं महाप्राज्ञा वृद्धं तदुदकेशयम् । प्राकृतं ब्रह्मरूपस्य विष्णोः स्थानमनुत्तमम्

bhūtebhyoṃḍaṃ mahāprājñā vṛddhaṃ tadudakeśayam | prākṛtaṃ brahmarūpasya viṣṇoḥ sthānamanuttamam

Sanskrit only: no published translation is held for this verse.

तत्राव्यक्तस्वरूपोसौ विष्णुर्विश्वेश्वरः प्रभुः । ब्रह्मरूपं समास्थाय स्वयमेव व्यवस्थितः

tatrāvyaktasvarūposau viṣṇurviśveśvaraḥ prabhuḥ | brahmarūpaṃ samāsthāya svayameva vyavasthitaḥ

Sanskrit only: no published translation is held for this verse.

स्वेदजांडमभूत्तस्य जरायुश्च महीधराः । गर्भोदकं समुद्राश्च तस्याभून्महदात्मनः

svedajāṃḍamabhūttasya jarāyuśca mahīdharāḥ | garbhodakaṃ samudrāśca tasyābhūnmahadātmanaḥ

Sanskrit only: no published translation is held for this verse.

साद्रिद्वीपसमुद्राश्च सज्योतिर्लोकसंग्रहः । तस्मिन्नंडेभवत्सर्वं सदेवासुरमानुषम्

sādridvīpasamudrāśca sajyotirlokasaṃgrahaḥ | tasminnaṃḍebhavatsarvaṃ sadevāsuramānuṣam

Sanskrit only: no published translation is held for this verse.

अनादिनिधनस्यैव विष्णोर्नाभेः समुत्थितम् । यत्पद्मं तद्धैममंडमभूच्छ्रीकेशवेच्छया

anādinidhanasyaiva viṣṇornābheḥ samutthitam | yatpadmaṃ taddhaimamaṃḍamabhūcchrīkeśavecchayā

Sanskrit only: no published translation is held for this verse.

रजोगुणधरो देवः स्वयमेव हरिः परः । ब्रह्मरूपंसमास्थाय जगत्स्रष्टुं प्रवर्तते

rajoguṇadharo devaḥ svayameva hariḥ paraḥ | brahmarūpaṃsamāsthāya jagatsraṣṭuṃ pravartate

Sanskrit only: no published translation is held for this verse.

सृष्टं च पात्यनुयुगं यावत्कल्पविकल्पना । नारसिंहादिरूपेण रुद्ररुपेण संहरेत्

sṛṣṭaṃ ca pātyanuyugaṃ yāvatkalpavikalpanā | nārasiṃhādirūpeṇa rudrarupeṇa saṃharet

Sanskrit only: no published translation is held for this verse.

सब्रह्मरूपं विसृजन्महात्मा जगत्समस्तं परिपातुमिच्छन् । रामादिरूपं स तु गृह्य याति बभूव रुद्रो जगदेतदत्तुम्

sabrahmarūpaṃ visṛjanmahātmā jagatsamastaṃ paripātumicchan | rāmādirūpaṃ sa tu gṛhya yāti babhūva rudro jagadetadattum

Sanskrit only: no published translation is held for this verse.