Library·Padma Purāṇa·3·3.39
नारद उवाच- अथ संध्यां समासाद्य स विद्यांतीर्थमुत्तमम् । उपस्पृश्य नरो विद्वान्भवेन्नास्त्यत्र संशयः
nārada uvāca- atha saṃdhyāṃ samāsādya sa vidyāṃtīrthamuttamam | upaspṛśya naro vidvānbhavennāstyatra saṃśayaḥ
Sanskrit only: no published translation is held for this verse.
रामस्य च प्रसादेन तीर्थराजं कृतं पुरा । तल्लौहित्यं समासाद्य विंद्याद्बहुसुवर्णकम्
rāmasya ca prasādena tīrtharājaṃ kṛtaṃ purā | tallauhityaṃ samāsādya viṃdyādbahusuvarṇakam
Sanskrit only: no published translation is held for this verse.
करतोयां समासाद्य त्रिरात्रोपोषितो नरः । अश्वमेधमवाप्नोति शक्रलोकं च गच्छति
karatoyāṃ samāsādya trirātropoṣito naraḥ | aśvamedhamavāpnoti śakralokaṃ ca gacchati
Sanskrit only: no published translation is held for this verse.
गंगायास्त्वथ राजेंद्र सागरस्य च संगमे । अश्वमेधं दशगुणं प्रवदंति मनीषणः
gaṃgāyāstvatha rājeṃdra sāgarasya ca saṃgame | aśvamedhaṃ daśaguṇaṃ pravadaṃti manīṣaṇaḥ
Sanskrit only: no published translation is held for this verse.
गंगायास्तु परं द्वीपं प्राप्य यः स्नाति भारत । त्रिरात्रोपोषितो राजन्सर्वकाममवाप्नुयात्
gaṃgāyāstu paraṃ dvīpaṃ prāpya yaḥ snāti bhārata | trirātropoṣito rājansarvakāmamavāpnuyāt
Sanskrit only: no published translation is held for this verse.
ततो वैतरणीं गत्वा नदीं पापप्रमोचनीम् । विरजं तीर्थमासाद्य विराजति यथा शशी
tato vaitaraṇīṃ gatvā nadīṃ pāpapramocanīm | virajaṃ tīrthamāsādya virājati yathā śaśī
Sanskrit only: no published translation is held for this verse.
प्रभावे च कुलं पूत्वा सर्वपापं व्यपोहति । गोसहस्रफलं लब्ध्वा पुनाति स्वकुलं नरः
prabhāve ca kulaṃ pūtvā sarvapāpaṃ vyapohati | gosahasraphalaṃ labdhvā punāti svakulaṃ naraḥ
Sanskrit only: no published translation is held for this verse.
शोणस्य ज्योतिरथ्याश्च संगमे निवसञ्छुचिः । तर्पयित्वा पितॄन्देवानग्निष्टोमफलं लभेत्
śoṇasya jyotirathyāśca saṃgame nivasañchuciḥ | tarpayitvā pitṝndevānagniṣṭomaphalaṃ labhet
Sanskrit only: no published translation is held for this verse.
शोणस्य नर्मदायाश्च प्रभवे कुरुपुंगव । वंशगुल्ममुपस्पृश्य वाजिमेधफलं लभेत्
śoṇasya narmadāyāśca prabhave kurupuṃgava | vaṃśagulmamupaspṛśya vājimedhaphalaṃ labhet
Sanskrit only: no published translation is held for this verse.
ऋषभं तीर्थमासाद्य कोशलायां नराधिप । वाजिमेधमवाप्नोति त्रिरात्रोपोषितो नरः
ṛṣabhaṃ tīrthamāsādya kośalāyāṃ narādhipa | vājimedhamavāpnoti trirātropoṣito naraḥ
Sanskrit only: no published translation is held for this verse.
कोशलायां समासाद्य कालतीर्थमुपस्पृशेत् । वृषभैकादशगुणं लभते नात्र संशयः
kośalāyāṃ samāsādya kālatīrthamupaspṛśet | vṛṣabhaikādaśaguṇaṃ labhate nātra saṃśayaḥ
Sanskrit only: no published translation is held for this verse.
पुष्पवत्यामुपस्पृश्य त्रिरात्रोपोषितो नरः । गोसहस्रफलं विंद्यात्कुलं चैव समुद्धरेत्
puṣpavatyāmupaspṛśya trirātropoṣito naraḥ | gosahasraphalaṃ viṃdyātkulaṃ caiva samuddharet
Sanskrit only: no published translation is held for this verse.
ततो बदारिकातीर्थे स्नात्वा प्रयतमानसः । दीर्घायुष्यमवाप्नोति स्वर्गलोकं च गच्छति
tato badārikātīrthe snātvā prayatamānasaḥ | dīrghāyuṣyamavāpnoti svargalokaṃ ca gacchati
Sanskrit only: no published translation is held for this verse.
ततो महेंद्रमासाद्य जामदग्न्यनिषेवितम् । रामतीर्थे नरः स्नात्वा वाजिमेधफलं लभेत्
tato maheṃdramāsādya jāmadagnyaniṣevitam | rāmatīrthe naraḥ snātvā vājimedhaphalaṃ labhet
Sanskrit only: no published translation is held for this verse.
मतंगस्य तु केदारं तत्रैव भरतर्षभ । तत्र स्नात्वा नरो राजन्गोसहस्रफलं लभेत्
mataṃgasya tu kedāraṃ tatraiva bharatarṣabha | tatra snātvā naro rājangosahasraphalaṃ labhet
Sanskrit only: no published translation is held for this verse.
श्रीपर्वतं समासाद्य नदीतीरमुपस्पृशेत् । अश्वमेधमवाप्नोति परां सिद्धिं च गच्छति
śrīparvataṃ samāsādya nadītīramupaspṛśet | aśvamedhamavāpnoti parāṃ siddhiṃ ca gacchati
Sanskrit only: no published translation is held for this verse.
श्रीपर्वते महादेवो देव्या सह महाद्युतिः । न्यवसत्परमप्रीतो ब्रह्मा च त्रिदशैर्वृतः
śrīparvate mahādevo devyā saha mahādyutiḥ | nyavasatparamaprīto brahmā ca tridaśairvṛtaḥ
Sanskrit only: no published translation is held for this verse.
तत्र देवह्रदे स्नात्वा शुचिः प्रयतमानसः । अश्वमेधमवाप्नोति परां सिद्धिं च गच्छति
tatra devahrade snātvā śuciḥ prayatamānasaḥ | aśvamedhamavāpnoti parāṃ siddhiṃ ca gacchati
Sanskrit only: no published translation is held for this verse.
ऋषभं पर्वतं गत्वा भांडेषु सुरपूजितम् । वाजपेयमवाप्नोति नाकपृष्ठे च मोदते
ṛṣabhaṃ parvataṃ gatvā bhāṃḍeṣu surapūjitam | vājapeyamavāpnoti nākapṛṣṭhe ca modate
Sanskrit only: no published translation is held for this verse.
ततो गच्छेत कावेरीं वृतामृप्सरसां गणैः । तत्र स्नात्वा नरो राजन्गोसहस्रफलं लभेत्
tato gaccheta kāverīṃ vṛtāmṛpsarasāṃ gaṇaiḥ | tatra snātvā naro rājangosahasraphalaṃ labhet
Sanskrit only: no published translation is held for this verse.
तत्र तीर्थे समुद्रस्य कन्यातीर्थमुपस्पृशेत् । तत्रोपस्पृश्य राजेंद्र सर्वपापैः प्रमुच्यते
tatra tīrthe samudrasya kanyātīrthamupaspṛśet | tatropaspṛśya rājeṃdra sarvapāpaiḥ pramucyate
Sanskrit only: no published translation is held for this verse.
अथ गोकमर्णमासाद्य त्रिषुलोकेषु विश्रुतम् । समुद्रमध्ये राजेंद्र सर्वलोकनमस्कृतम्
atha gokamarṇamāsādya triṣulokeṣu viśrutam | samudramadhye rājeṃdra sarvalokanamaskṛtam
Sanskrit only: no published translation is held for this verse.
यत्र ब्रह्मादयो देवा मुनयश्च तपोधनाः । भूतयक्षाः पिशाचाश्च किन्नराः समहोरगाः
yatra brahmādayo devā munayaśca tapodhanāḥ | bhūtayakṣāḥ piśācāśca kinnarāḥ samahoragāḥ
Sanskrit only: no published translation is held for this verse.
सिद्धचारणगंधर्वा मानुषाः पन्नगास्तथा । सरितः सागराः शैला उपासंते उमापतिम्
siddhacāraṇagaṃdharvā mānuṣāḥ pannagāstathā | saritaḥ sāgarāḥ śailā upāsaṃte umāpatim
Sanskrit only: no published translation is held for this verse.
तत्रेशानं समभ्यर्च्य त्रिरात्रोपोषितो नरः । दशाश्वमेधमाप्नोति गाणपत्यं च विंदति
tatreśānaṃ samabhyarcya trirātropoṣito naraḥ | daśāśvamedhamāpnoti gāṇapatyaṃ ca viṃdati
Sanskrit only: no published translation is held for this verse.
उपोष्य द्वादशरात्रं कृतार्थो जायते नरः । तस्मिन्नेव तु गायत्र्याः स्थानं त्रैलोक्यविश्रुतम्
upoṣya dvādaśarātraṃ kṛtārtho jāyate naraḥ | tasminneva tu gāyatryāḥ sthānaṃ trailokyaviśrutam
Sanskrit only: no published translation is held for this verse.
त्रिरात्रमुषितस्तत्र गोसहस्रफलं लभेत् । निदर्शनं च प्रत्यक्षं ब्राह्मणानां नराधिप
trirātramuṣitastatra gosahasraphalaṃ labhet | nidarśanaṃ ca pratyakṣaṃ brāhmaṇānāṃ narādhipa
Sanskrit only: no published translation is held for this verse.
गायत्रीं पठते यस्तु योनिसंकरजो द्विजः । गाथा वा गीतिका वाणी तस्य संपद्यते नृप
gāyatrīṃ paṭhate yastu yonisaṃkarajo dvijaḥ | gāthā vā gītikā vāṇī tasya saṃpadyate nṛpa
Sanskrit only: no published translation is held for this verse.
अब्राह्मणस्य पठतः सावित्री तूपनश्यति । संवर्तस्य तु विप्रर्षे वापीमासाद्य दुर्ल्लभाम्
abrāhmaṇasya paṭhataḥ sāvitrī tūpanaśyati | saṃvartasya tu viprarṣe vāpīmāsādya durllabhām
Sanskrit only: no published translation is held for this verse.
रूपस्य भागी भवति सुभगश्चाभिजायते । ततो वेणां समासाद्य तर्पयेत्पितृदेवताः
rūpasya bhāgī bhavati subhagaścābhijāyate | tato veṇāṃ samāsādya tarpayetpitṛdevatāḥ
Sanskrit only: no published translation is held for this verse.
मयूरहंससंयुक्तं विमानं लभते नरः । ततो गोदावरीं प्राप्य नित्यसिद्धनिषेविताम्
mayūrahaṃsasaṃyuktaṃ vimānaṃ labhate naraḥ | tato godāvarīṃ prāpya nityasiddhaniṣevitām
Sanskrit only: no published translation is held for this verse.
गवामयमवाप्नोति वायुलोकं च गच्छति । वेणायाः संगमे स्नात्वा वाजपेयफलं लभेत्
gavāmayamavāpnoti vāyulokaṃ ca gacchati | veṇāyāḥ saṃgame snātvā vājapeyaphalaṃ labhet
Sanskrit only: no published translation is held for this verse.
वरदासंगमं स्नात्वा गोसहस्रफलं लभेत् । ब्रह्मस्थूणां समासाद्य त्रिरात्रोपोषितो नरः
varadāsaṃgamaṃ snātvā gosahasraphalaṃ labhet | brahmasthūṇāṃ samāsādya trirātropoṣito naraḥ
Sanskrit only: no published translation is held for this verse.
गोसहस्रफलं विंद्यात्स्वर्गलोकं च गच्छति । कुब्जावनं समासाद्य ब्रह्मचारी समाहितः
gosahasraphalaṃ viṃdyātsvargalokaṃ ca gacchati | kubjāvanaṃ samāsādya brahmacārī samāhitaḥ
Sanskrit only: no published translation is held for this verse.
त्रिरात्रोपोषितः स्नात्वा गोसहस्रफलं लभेत् । ततो देवह्रदे स्नात्वा कृष्णवेणा जलोद्भवे
trirātropoṣitaḥ snātvā gosahasraphalaṃ labhet | tato devahrade snātvā kṛṣṇaveṇā jalodbhave
Sanskrit only: no published translation is held for this verse.
ज्योतिर्मात्र ह्रदे चैव तथा कन्याश्रमे नृप । यत्र क्रतुशतैरिष्ट्वा देवराजो दिवं गतः
jyotirmātra hrade caiva tathā kanyāśrame nṛpa | yatra kratuśatairiṣṭvā devarājo divaṃ gataḥ
Sanskrit only: no published translation is held for this verse.
अग्निष्टोमशतं विंद्याद्गमनादेव तत्र तु । सर्वदेवह्रदे स्नात्वा गोसहस्रफलं लभेत्
agniṣṭomaśataṃ viṃdyādgamanādeva tatra tu | sarvadevahrade snātvā gosahasraphalaṃ labhet
Sanskrit only: no published translation is held for this verse.
जातिमात्र ह्रदे स्नात्वा भवेज्जातिस्मरो नरः । शरभंगाश्रमं गत्वा शुकस्य च महात्मनः
jātimātra hrade snātvā bhavejjātismaro naraḥ | śarabhaṃgāśramaṃ gatvā śukasya ca mahātmanaḥ
Sanskrit only: no published translation is held for this verse.
पितृदेवार्चनरतो गोसहस्रफलं लभेत् । दंडकारण्यमासाद्य महाराज उपस्पृशेत्
pitṛdevārcanarato gosahasraphalaṃ labhet | daṃḍakāraṇyamāsādya mahārāja upaspṛśet
Sanskrit only: no published translation is held for this verse.
शरभंगाश्रमं गत्वा शुकस्य च महात्मनः । न दुर्गतिमवाप्नोति पुनाति स्वकुलं नरः
śarabhaṃgāśramaṃ gatvā śukasya ca mahātmanaḥ | na durgatimavāpnoti punāti svakulaṃ naraḥ
Sanskrit only: no published translation is held for this verse.
ततः सूर्यारकं गच्छेज्जमदग्निनिषेवितम् । रामतीर्थं नरः स्नात्वा विंद्याद्बहुसुवर्णकम्
tataḥ sūryārakaṃ gacchejjamadagniniṣevitam | rāmatīrthaṃ naraḥ snātvā viṃdyādbahusuvarṇakam
Sanskrit only: no published translation is held for this verse.
सप्तगोदावरीं स्नात्वा नियतो नियताशनः । महापुण्यमवाप्नोति देवलोकं च गच्छति
saptagodāvarīṃ snātvā niyato niyatāśanaḥ | mahāpuṇyamavāpnoti devalokaṃ ca gacchati
Sanskrit only: no published translation is held for this verse.
ततो देवपथं गच्छेन्नियतो नियताशनः । देवसत्रस्य यत्पुण्यं तदवाप्नोति मानवः
tato devapathaṃ gacchenniyato niyatāśanaḥ | devasatrasya yatpuṇyaṃ tadavāpnoti mānavaḥ
Sanskrit only: no published translation is held for this verse.
तुंगकारण्यमासाद्य ब्रह्मचारी जितेंद्रियः । वेदानध्यापयत्तत्र मुनीन्सारस्वतः पुरा
tuṃgakāraṇyamāsādya brahmacārī jiteṃdriyaḥ | vedānadhyāpayattatra munīnsārasvataḥ purā
Sanskrit only: no published translation is held for this verse.
तत्र वेदान्प्रणष्टांस्तु मुनेरांगिरसः सुतः । उपविष्टो महर्षीणामुत्तरीयेषु भारत
tatra vedānpraṇaṣṭāṃstu munerāṃgirasaḥ sutaḥ | upaviṣṭo maharṣīṇāmuttarīyeṣu bhārata
Sanskrit only: no published translation is held for this verse.
ॐकारेण यथान्यायं सम्यगुच्चारितेन ह । येन यत्पूर्वमभ्यस्तं तस्य तत्समुपस्थितम्
oṃkāreṇa yathānyāyaṃ samyaguccāritena ha | yena yatpūrvamabhyastaṃ tasya tatsamupasthitam
Sanskrit only: no published translation is held for this verse.
ऋषयस्तत्र देवाश्च वरुणोऽग्निप्रजापतिः । हरिर्नारायणो देवो महादेवस्तथैव च
ṛṣayastatra devāśca varuṇo'gniprajāpatiḥ | harirnārāyaṇo devo mahādevastathaiva ca
Sanskrit only: no published translation is held for this verse.
पितामहश्च भगवान्देवैस्सह महाद्युतिः । भृगुं नियोजयामास याजनार्थे महाद्युतिम्
pitāmahaśca bhagavāndevaissaha mahādyutiḥ | bhṛguṃ niyojayāmāsa yājanārthe mahādyutim
Sanskrit only: no published translation is held for this verse.
ततः स चक्रे भगवानृषीणां विधिवत्तदा । सर्वेषां पुनराधानं देवदृष्टेन कर्मणा
tataḥ sa cakre bhagavānṛṣīṇāṃ vidhivattadā | sarveṣāṃ punarādhānaṃ devadṛṣṭena karmaṇā
Sanskrit only: no published translation is held for this verse.
आज्यभागेन वै तत्र तर्पितास्तु यथाविधि । देवास्त्रिभुवनं याता ऋषयश्च यथासुखम्
ājyabhāgena vai tatra tarpitāstu yathāvidhi | devāstribhuvanaṃ yātā ṛṣayaśca yathāsukham
Sanskrit only: no published translation is held for this verse.
तदरण्यं प्रविष्टस्य तुंगकं राजसत्तम । पापं विनश्यते सद्यः स्त्रिया वै पुरुषस्य वा
tadaraṇyaṃ praviṣṭasya tuṃgakaṃ rājasattama | pāpaṃ vinaśyate sadyaḥ striyā vai puruṣasya vā
Sanskrit only: no published translation is held for this verse.
तत्र मासं वसेद्धीरो नियतो नियताशनः । ब्रह्मलोकं व्रजेद्राजन्पुनीते च कुलं पुनः
tatra māsaṃ vaseddhīro niyato niyatāśanaḥ | brahmalokaṃ vrajedrājanpunīte ca kulaṃ punaḥ
Sanskrit only: no published translation is held for this verse.
मेधावनं समासाद्य पितृदेवांश्च तर्पयेत् । अग्निष्टोममवाप्नोति स्मृतिं मेधां च विंदति
medhāvanaṃ samāsādya pitṛdevāṃśca tarpayet | agniṣṭomamavāpnoti smṛtiṃ medhāṃ ca viṃdati
Sanskrit only: no published translation is held for this verse.
तत्र कालंजरं गत्वा गोसहस्रफलं लभेत् । आत्मानं साधयेत्तत्र गिरौ कालंजरे नृप
tatra kālaṃjaraṃ gatvā gosahasraphalaṃ labhet | ātmānaṃ sādhayettatra girau kālaṃjare nṛpa
Sanskrit only: no published translation is held for this verse.
स्वर्गलोके महीयेत नरो नास्त्यत्र संशयः । ततो गिरिवरश्रेष्ठे चित्रकूटे विशांपते
svargaloke mahīyeta naro nāstyatra saṃśayaḥ | tato girivaraśreṣṭhe citrakūṭe viśāṃpate
Sanskrit only: no published translation is held for this verse.
मंदाकिनीं समासाद्य नदीं पापविमोचनीम् । अत्राभिषेकं कुर्वाणः पितृदेवार्चने रतः
maṃdākinīṃ samāsādya nadīṃ pāpavimocanīm | atrābhiṣekaṃ kurvāṇaḥ pitṛdevārcane rataḥ
Sanskrit only: no published translation is held for this verse.
अश्वमेधमवाप्नोति गतिं च परमां व्रजेत् । ततो गच्छेत राजेंद्र गुहस्थानमनुत्तमम्
aśvamedhamavāpnoti gatiṃ ca paramāṃ vrajet | tato gaccheta rājeṃdra guhasthānamanuttamam
Sanskrit only: no published translation is held for this verse.
यत्र देवो महासेनो नित्यं सन्निहितो नृप । पुमांस्तत्र नरःश्रेष्ठ गमनादेव सिध्यति
yatra devo mahāseno nityaṃ sannihito nṛpa | pumāṃstatra naraḥśreṣṭha gamanādeva sidhyati
Sanskrit only: no published translation is held for this verse.
कोटितीर्थे नरः स्नात्वा गोसहस्रफलं लभेत् । प्रदक्षिणमुपावृत्य यशःस्थानं व्रजेन्नरः
koṭitīrthe naraḥ snātvā gosahasraphalaṃ labhet | pradakṣiṇamupāvṛtya yaśaḥsthānaṃ vrajennaraḥ
Sanskrit only: no published translation is held for this verse.
अभिगम्य महादेवं विराजति यथा शशी । तत्र कूपो महाराज विश्रुतो भरतर्षभ
abhigamya mahādevaṃ virājati yathā śaśī | tatra kūpo mahārāja viśruto bharatarṣabha
Sanskrit only: no published translation is held for this verse.
समुद्रा यत्र चत्वारो निवसंति युधिष्ठिर । ततोपस्पृश्य राजेंद्र कृत्वा चापि प्रदक्षिणम्
samudrā yatra catvāro nivasaṃti yudhiṣṭhira | tatopaspṛśya rājeṃdra kṛtvā cāpi pradakṣiṇam
Sanskrit only: no published translation is held for this verse.
नियतात्मा नरः पूतो गच्छेत परमां गतिम् । ततो गच्छेत्कुरुश्रेष्ठ शृंगवेरपुरं महत्
niyatātmā naraḥ pūto gaccheta paramāṃ gatim | tato gacchetkuruśreṣṭha śṛṃgaverapuraṃ mahat
Sanskrit only: no published translation is held for this verse.
यत्र तीर्णो महाप्राज्ञो रामो दाशरथिः पुरा । गंगायां तु नरः स्नात्वा ब्रह्मचारी जितेंद्रियः
yatra tīrṇo mahāprājño rāmo dāśarathiḥ purā | gaṃgāyāṃ tu naraḥ snātvā brahmacārī jiteṃdriyaḥ
Sanskrit only: no published translation is held for this verse.
विधूतपाप्मा भवति वाजपेयं च विंदति । ततो मुंजवटं गछेत्स्थानं देवस्य धीमतः
vidhūtapāpmā bhavati vājapeyaṃ ca viṃdati | tato muṃjavaṭaṃ gachetsthānaṃ devasya dhīmataḥ
Sanskrit only: no published translation is held for this verse.
अभिगम्य महादेवमभ्यर्च्य च नराधिप । प्रदक्षिणमुपावृत्य गाणपत्यमवाप्नुयात्
abhigamya mahādevamabhyarcya ca narādhipa | pradakṣiṇamupāvṛtya gāṇapatyamavāpnuyāt
Sanskrit only: no published translation is held for this verse.
ततो गच्छेत राजेंद्र प्रयागमृषिसंस्तुतम् । यत्र ब्रह्मादयो देवा दिशश्च सदिगीश्वराः
tato gaccheta rājeṃdra prayāgamṛṣisaṃstutam | yatra brahmādayo devā diśaśca sadigīśvarāḥ
Sanskrit only: no published translation is held for this verse.
लोकपालाश्च सिद्धाश्च निरताः पितरस्तथा । सनत्कुमारप्रमुखास्तथैव च महर्षयः
lokapālāśca siddhāśca niratāḥ pitarastathā | sanatkumārapramukhāstathaiva ca maharṣayaḥ
Sanskrit only: no published translation is held for this verse.
तथा नागाः सुपर्णाश्च सिद्धाः शुक्रधरास्तथा । सरितः सागराश्चैव गंधर्वाप्सरसस्तथा
tathā nāgāḥ suparṇāśca siddhāḥ śukradharāstathā | saritaḥ sāgarāścaiva gaṃdharvāpsarasastathā
Sanskrit only: no published translation is held for this verse.
हरिश्च भगवानास्ते प्रजापतिपुरस्कृतः । तत्र त्रीण्यपि कुंडानि तयोर्मध्येन जाह्नवी
hariśca bhagavānāste prajāpatipuraskṛtaḥ | tatra trīṇyapi kuṃḍāni tayormadhyena jāhnavī
Sanskrit only: no published translation is held for this verse.
प्रयागात्समतिक्रांता सर्वतीर्थपुरस्कृता । तपनस्य सुता तत्र त्रिषु लोकेषु विश्रुता
prayāgātsamatikrāṃtā sarvatīrthapuraskṛtā | tapanasya sutā tatra triṣu lokeṣu viśrutā
Sanskrit only: no published translation is held for this verse.
यमुनागंगया सार्द्धं संगता लोकभाविनी । गंगायमुनयोर्मध्ये पृथिव्या जघनं स्मृतम्
yamunāgaṃgayā sārddhaṃ saṃgatā lokabhāvinī | gaṃgāyamunayormadhye pṛthivyā jaghanaṃ smṛtam
Sanskrit only: no published translation is held for this verse.
प्रयागं जघनस्यांतमुपस्थमृषयो विदुः । प्रयागं सुप्रतिष्ठानं कंबलाश्वतरावुभौ
prayāgaṃ jaghanasyāṃtamupasthamṛṣayo viduḥ | prayāgaṃ supratiṣṭhānaṃ kaṃbalāśvatarāvubhau
Sanskrit only: no published translation is held for this verse.
तीर्थं भोगवती चैव वेदी प्रोक्ता प्रजापतेः । तत्र वेदाश्च यज्ञाश्च मूर्त्तिमंतो युधिष्ठिर
tīrthaṃ bhogavatī caiva vedī proktā prajāpateḥ | tatra vedāśca yajñāśca mūrttimaṃto yudhiṣṭhira
Sanskrit only: no published translation is held for this verse.
प्रजापतिमुपासंत ऋषयश्च महानघाः । यजंते क्रतुभिर्देवांस्तथा चक्रधरा नृप
prajāpatimupāsaṃta ṛṣayaśca mahānaghāḥ | yajaṃte kratubhirdevāṃstathā cakradharā nṛpa
Sanskrit only: no published translation is held for this verse.
ततः पुण्यतमं नास्ति त्रिषु लोकेषु भारत । प्रयागं सर्वतीर्थेभ्यः प्रभावेणाधिकं प्रभो
tataḥ puṇyatamaṃ nāsti triṣu lokeṣu bhārata | prayāgaṃ sarvatīrthebhyaḥ prabhāveṇādhikaṃ prabho
Sanskrit only: no published translation is held for this verse.
श्रवणात्तस्य तीर्थस्य नामसंकीर्तनादपि । मूर्धका नमनाद्वापि सर्वपापैः प्रमुच्यते
śravaṇāttasya tīrthasya nāmasaṃkīrtanādapi | mūrdhakā namanādvāpi sarvapāpaiḥ pramucyate
Sanskrit only: no published translation is held for this verse.
तत्राभिषेकं यः कुर्यात्संगमे संशितव्रतः । पुण्यं सुमहदाप्नोति राजसूयाश्वमेधयोः
tatrābhiṣekaṃ yaḥ kuryātsaṃgame saṃśitavrataḥ | puṇyaṃ sumahadāpnoti rājasūyāśvamedhayoḥ
Sanskrit only: no published translation is held for this verse.
एषा यजनभूमिर्हि देवानामपि तत्कथा । दत्तं तत्र स्वल्पमपि महद्भवति भारत
eṣā yajanabhūmirhi devānāmapi tatkathā | dattaṃ tatra svalpamapi mahadbhavati bhārata
Sanskrit only: no published translation is held for this verse.
न देववचनात्तात न लोकवचनादपि । मतिरुत्क्रमणीया ते प्रयागमरणं प्रति
na devavacanāttāta na lokavacanādapi | matirutkramaṇīyā te prayāgamaraṇaṃ prati
Sanskrit only: no published translation is held for this verse.
दशतीर्थसहस्राणि षष्टिकोट्यस्तथापराः । येषां सान्निध्यमत्रैव कीर्त्तितं कुरुनंदन
daśatīrthasahasrāṇi ṣaṣṭikoṭyastathāparāḥ | yeṣāṃ sānnidhyamatraiva kīrttitaṃ kurunaṃdana
Sanskrit only: no published translation is held for this verse.
चतुर्विद्ये च यत्पुण्यं सत्यवादिषु चैव यत् । स्नातएवतदाप्नोतिगंगायामुनसंगमे
caturvidye ca yatpuṇyaṃ satyavādiṣu caiva yat | snātaevatadāpnotigaṃgāyāmunasaṃgame
Sanskrit only: no published translation is held for this verse.
ततो भोगवती नाम वासुकेस्तीर्थमुत्तमम् । तत्राभिषेकं यः कुर्यात्सोऽश्वमेधमवाप्नुयात्
tato bhogavatī nāma vāsukestīrthamuttamam | tatrābhiṣekaṃ yaḥ kuryātso'śvamedhamavāpnuyāt
Sanskrit only: no published translation is held for this verse.
तत्र हंसप्रपतनं तीर्थं त्रैलोक्यविश्रुतम् । दशाश्वमेधिकं चैव गंगायां कुरुनंदन
tatra haṃsaprapatanaṃ tīrthaṃ trailokyaviśrutam | daśāśvamedhikaṃ caiva gaṃgāyāṃ kurunaṃdana
Sanskrit only: no published translation is held for this verse.
कुरुक्षेत्रसमा गंगा यत्र तत्रावगाहिता । विशेषो वै कनखले प्रयागं परमं महत्
kurukṣetrasamā gaṃgā yatra tatrāvagāhitā | viśeṣo vai kanakhale prayāgaṃ paramaṃ mahat
Sanskrit only: no published translation is held for this verse.
यद्यकार्यशतं कृत्वा कृतं गंगावसेवनम् । सर्वं तत्तस्य गंगापो दहत्यग्निरिवेंधनम्
yadyakāryaśataṃ kṛtvā kṛtaṃ gaṃgāvasevanam | sarvaṃ tattasya gaṃgāpo dahatyagniriveṃdhanam
Sanskrit only: no published translation is held for this verse.
सर्वं दहति गंगापस्तूलराशिमिवानलः । सर्वं कृतयुगे पुण्यं त्रेतायां पुष्करं स्मृतम्
sarvaṃ dahati gaṃgāpastūlarāśimivānalaḥ | sarvaṃ kṛtayuge puṇyaṃ tretāyāṃ puṣkaraṃ smṛtam
Sanskrit only: no published translation is held for this verse.
द्वापरे तु कुरुक्षेत्रं गंगा कलियुगे स्मृता । पुष्करे तु तपस्तप्येद्दानं दद्यान्महालये
dvāpare tu kurukṣetraṃ gaṃgā kaliyuge smṛtā | puṣkare tu tapastapyeddānaṃ dadyānmahālaye
Sanskrit only: no published translation is held for this verse.
मलये त्वग्निमारोहेद्भृगुतुंगे त्वनाशनम् । पुष्करे तु कुरुक्षेत्रे गंगापो मध्यगेषु च
malaye tvagnimārohedbhṛgutuṃge tvanāśanam | puṣkare tu kurukṣetre gaṃgāpo madhyageṣu ca
Sanskrit only: no published translation is held for this verse.
सद्यस्तारयते जंतुः सप्तसप्तावरांस्तथा । पुनाति कीर्त्तिता पापं दृष्ट्वा पुण्यं प्रयच्छति
sadyastārayate jaṃtuḥ saptasaptāvarāṃstathā | punāti kīrttitā pāpaṃ dṛṣṭvā puṇyaṃ prayacchati
Sanskrit only: no published translation is held for this verse.
अवगाढा च पीत्वा च पुनात्यासप्तमं कुलम् । यावदस्थि मनुष्यस्य गंगायाः स्पृशते जलम्
avagāḍhā ca pītvā ca punātyāsaptamaṃ kulam | yāvadasthi manuṣyasya gaṃgāyāḥ spṛśate jalam
Sanskrit only: no published translation is held for this verse.
तावत्स पुरुषो राजन्स्वर्गलोके महीयते । यथा पुण्यानि तीर्थानि पुण्यान्यायतनानि च
tāvatsa puruṣo rājansvargaloke mahīyate | yathā puṇyāni tīrthāni puṇyānyāyatanāni ca
Sanskrit only: no published translation is held for this verse.
उपास्य पुण्यं लब्ध्वा च भवति परलोकभाक् । न गंगा सदृशं तीर्थं न देवः केशवात्परः
upāsya puṇyaṃ labdhvā ca bhavati paralokabhāk | na gaṃgā sadṛśaṃ tīrthaṃ na devaḥ keśavātparaḥ
Sanskrit only: no published translation is held for this verse.
ब्राह्मणेभ्यः परं नास्ति एवमाह पितामहः । यत्र गंगा महाराज स देशस्तत्र योजनम्
brāhmaṇebhyaḥ paraṃ nāsti evamāha pitāmahaḥ | yatra gaṃgā mahārāja sa deśastatra yojanam
Sanskrit only: no published translation is held for this verse.
सिद्धक्षेत्रं च विज्ञेयं गंगातीरसमाश्रितम् । इदं सत्यं द्विजातीनां साधूनां मानसेषु च
siddhakṣetraṃ ca vijñeyaṃ gaṃgātīrasamāśritam | idaṃ satyaṃ dvijātīnāṃ sādhūnāṃ mānaseṣu ca
Sanskrit only: no published translation is held for this verse.
मुक्तिं चैव जपेत्कर्णे शिष्टस्यानुगतस्य च । इदं धर्म्यमिदं मेध्यमिदं स्वर्ग्यमिदं सुखम्
muktiṃ caiva japetkarṇe śiṣṭasyānugatasya ca | idaṃ dharmyamidaṃ medhyamidaṃ svargyamidaṃ sukham
Sanskrit only: no published translation is held for this verse.
इदं पुण्यतमं रम्यं पावनं धर्ममुत्तमम् । महीशीर्षमिदं गुह्यं सर्वपापप्रमोचनम्
idaṃ puṇyatamaṃ ramyaṃ pāvanaṃ dharmamuttamam | mahīśīrṣamidaṃ guhyaṃ sarvapāpapramocanam
Sanskrit only: no published translation is held for this verse.
अधीत्य द्विजमध्ये च निर्मलत्वमवाप्नुयात् । श्रीमत्स्वर्ग्यं महापुण्यं सपत्नशमनं शिवम्
adhītya dvijamadhye ca nirmalatvamavāpnuyāt | śrīmatsvargyaṃ mahāpuṇyaṃ sapatnaśamanaṃ śivam
Sanskrit only: no published translation is held for this verse.
मेधाजननमग्र्यं वै तीर्थवंशानुकीर्त्तनम् । अपुत्रो लभते पुत्रमधनो धनमाप्नुयात्
medhājananamagryaṃ vai tīrthavaṃśānukīrttanam | aputro labhate putramadhano dhanamāpnuyāt
Sanskrit only: no published translation is held for this verse.
महीं विजयते राजा वैश्यो धनमवाप्नुयात् । शूद्रो यातीप्सितान्कामान्ब्राह्मणः पारगः पठन्
mahīṃ vijayate rājā vaiśyo dhanamavāpnuyāt | śūdro yātīpsitānkāmānbrāhmaṇaḥ pāragaḥ paṭhan
Sanskrit only: no published translation is held for this verse.
यश्चेदं शृणुयान्नित्यं तीर्थपुण्यं सदा शुचि । जातिस्मरत्वमाप्नोति नाकपृष्ठे च मोदते
yaścedaṃ śṛṇuyānnityaṃ tīrthapuṇyaṃ sadā śuci | jātismaratvamāpnoti nākapṛṣṭhe ca modate
Sanskrit only: no published translation is held for this verse.
गम्यान्यपि च तीर्थानि कीर्तितान्यगमान्यपि । मनसाप्यभिगच्छेत सर्वतीर्थमनीषया
gamyānyapi ca tīrthāni kīrtitānyagamānyapi | manasāpyabhigaccheta sarvatīrthamanīṣayā
Sanskrit only: no published translation is held for this verse.
एतानि वसुभिः साध्यैरादित्यैर्मरुदश्विभिः । ऋषिभिर्देवकल्पैश्च कृतानि सुकृतैषिभिः
etāni vasubhiḥ sādhyairādityairmarudaśvibhiḥ | ṛṣibhirdevakalpaiśca kṛtāni sukṛtaiṣibhiḥ
Sanskrit only: no published translation is held for this verse.
एवं त्वमपि कौरव्य विधिनानेन सुव्रत । व्रज तीर्थानि नियतः पुण्यं पुण्येन वर्द्धते
evaṃ tvamapi kauravya vidhinānena suvrata | vraja tīrthāni niyataḥ puṇyaṃ puṇyena varddhate
Sanskrit only: no published translation is held for this verse.
भावितैः करणैः पूर्वमास्तिक्याछ्रुतिदर्शनात् । प्राप्यंते तानि तीर्थानि सद्भिः शिष्टानुदर्शिभिः
bhāvitaiḥ karaṇaiḥ pūrvamāstikyāchrutidarśanāt | prāpyaṃte tāni tīrthāni sadbhiḥ śiṣṭānudarśibhiḥ
Sanskrit only: no published translation is held for this verse.
नाकृतो नाकृतात्मा च नाशुचिर्न च तस्करः । स्नाति तीर्थेषु कौरव्य न च वक्रमतिर्नरः
nākṛto nākṛtātmā ca nāśucirna ca taskaraḥ | snāti tīrtheṣu kauravya na ca vakramatirnaraḥ
Sanskrit only: no published translation is held for this verse.
त्वया तु सम्यग्वृत्तेन नित्यं धर्मार्थदर्शिना । पितरस्तर्पितास्तात सर्वे च प्रपितामहाः । पितामहपुरोगाश्च देवाः सर्षिगणास्तथा
tvayā tu samyagvṛttena nityaṃ dharmārthadarśinā | pitarastarpitāstāta sarve ca prapitāmahāḥ | pitāmahapurogāśca devāḥ sarṣigaṇāstathā
Sanskrit only: no published translation is held for this verse.
वसिष्ठ उवाच- त्वं च धर्मेण धर्मज्ञ नित्यमेवाभितोषिताः । दिलीपकीर्तिं महतीं प्राप्स्यसे भुवि शाश्वतीम्
vasiṣṭha uvāca- tvaṃ ca dharmeṇa dharmajña nityamevābhitoṣitāḥ | dilīpakīrtiṃ mahatīṃ prāpsyase bhuvi śāśvatīm
Sanskrit only: no published translation is held for this verse.
नारद उवाच- एवमुक्त्वाभ्यनुज्ञाप्य वसिष्ठो भगवानृषिः । प्रीतः प्रीतेनमनसा तत्रैवांतरधीयत
nārada uvāca- evamuktvābhyanujñāpya vasiṣṭho bhagavānṛṣiḥ | prītaḥ prītenamanasā tatraivāṃtaradhīyata
Sanskrit only: no published translation is held for this verse.
दिलीपः कुरुशार्दूल शास्त्रतत्त्वार्थदर्शनात् । वसिष्ठवचनाच्चैव पृथिवीमनुचक्रमे
dilīpaḥ kuruśārdūla śāstratattvārthadarśanāt | vasiṣṭhavacanāccaiva pṛthivīmanucakrame
Sanskrit only: no published translation is held for this verse.
एवमेषा महाभाग प्रतिष्ठाने प्रतिष्ठिता । तीर्थयात्रा महापुण्या सर्वपापप्रमोचनी
evameṣā mahābhāga pratiṣṭhāne pratiṣṭhitā | tīrthayātrā mahāpuṇyā sarvapāpapramocanī
Sanskrit only: no published translation is held for this verse.
अनेन विधिना यस्तु पृथिवीं पर्यटिष्यति । अश्वमेधशतं साग्रं फलं प्रेत्यैष भोक्ष्यते
anena vidhinā yastu pṛthivīṃ paryaṭiṣyati | aśvamedhaśataṃ sāgraṃ phalaṃ pretyaiṣa bhokṣyate
Sanskrit only: no published translation is held for this verse.
ततश्चाष्टगुणं पार्थ प्राप्स्यसे धर्ममुत्तमम् । दिलीपः पार्थ नृपतिर्यथापूर्वमवाप्तवान्
tataścāṣṭaguṇaṃ pārtha prāpsyase dharmamuttamam | dilīpaḥ pārtha nṛpatiryathāpūrvamavāptavān
Sanskrit only: no published translation is held for this verse.
नेता च त्वमृषीन्यस्मात्तस्मात्तेष्टगुणं फलम् । रक्षोगणविकीर्णानि तीर्थान्येतानि भारत
netā ca tvamṛṣīnyasmāttasmātteṣṭaguṇaṃ phalam | rakṣogaṇavikīrṇāni tīrthānyetāni bhārata
Sanskrit only: no published translation is held for this verse.
न गतिर्विद्यतेऽन्यस्य त्वामृते कुरुनंदन । इदं देवर्षिचरितं सर्वतीर्थानुसंश्रितम्
na gatirvidyate'nyasya tvāmṛte kurunaṃdana | idaṃ devarṣicaritaṃ sarvatīrthānusaṃśritam
Sanskrit only: no published translation is held for this verse.
यः पठेत्कल्यमुत्थाय सर्वपापैः प्रमुच्यते । ऋषिमुख्याः सदा यत्र वाल्मीकिस्त्वथ कश्यपः
yaḥ paṭhetkalyamutthāya sarvapāpaiḥ pramucyate | ṛṣimukhyāḥ sadā yatra vālmīkistvatha kaśyapaḥ
Sanskrit only: no published translation is held for this verse.
आत्रेयस्त्वथ कौंडिन्यो विश्वामित्रोऽथ गौतमः । असितो देवलश्चैव मार्कंडेयोऽथ गालवः
ātreyastvatha kauṃḍinyo viśvāmitro'tha gautamaḥ | asito devalaścaiva mārkaṃḍeyo'tha gālavaḥ
Sanskrit only: no published translation is held for this verse.
भरद्वाजस्य शिष्यश्च मुनिरुद्दालकस्तथा । शौनकः सह पुत्रेण व्यासश्च तपतां वरः
bharadvājasya śiṣyaśca muniruddālakastathā | śaunakaḥ saha putreṇa vyāsaśca tapatāṃ varaḥ
Sanskrit only: no published translation is held for this verse.
दुर्वासाश्च मुनिश्रेष्ठो जाबालिश्च महातपाः । एते ऋषिवराः सर्वे त्वत्प्रतीक्ष्यास्तपोधनाः
durvāsāśca muniśreṣṭho jābāliśca mahātapāḥ | ete ṛṣivarāḥ sarve tvatpratīkṣyāstapodhanāḥ
Sanskrit only: no published translation is held for this verse.
एभिः सह महाभाग तीर्थान्येतान्यनुव्रज । प्राप्स्यसे महतीं कीर्तिं यथा राजा महाभिषः
ebhiḥ saha mahābhāga tīrthānyetānyanuvraja | prāpsyase mahatīṃ kīrtiṃ yathā rājā mahābhiṣaḥ
Sanskrit only: no published translation is held for this verse.
यथा ययातिर्धर्मात्मा यथा राजा पुरूरवाः । तथा त्वं कुरुशार्दूल स्वेन धर्मेण शोभसे
yathā yayātirdharmātmā yathā rājā purūravāḥ | tathā tvaṃ kuruśārdūla svena dharmeṇa śobhase
Sanskrit only: no published translation is held for this verse.