Padma Purāṇa 5.114

श्रुत्वा न कोपि मे ब्रूयात्प्रायश्चित्तं विधीयताम् । किंतु कस्मिन्पुराणे तु श्रुते ज्ञातं भविष्यति

śrutvā na kopi me brūyātprāyaścittaṃ vidhīyatām | kiṃtu kasminpurāṇe tu śrute jñātaṃ bhaviṣyati

Sanskrit only: no published translation is held for this verse.

इति कृत्वा मतिं सोथ पुराणज्ञमभाषत । पुराणमेकं मे तात व्याख्यातु भगवानिति

iti kṛtvā matiṃ sotha purāṇajñamabhāṣata | purāṇamekaṃ me tāta vyākhyātu bhagavāniti

Sanskrit only: no published translation is held for this verse.

जातकर्मादिसंस्कारान्कारयस्व ममाशु वै । द्विजो भूत्वा शृणोम्यद्य प्रायश्चित्तं करोम्यतः

jātakarmādisaṃskārānkārayasva mamāśu vai | dvijo bhūtvā śṛṇomyadya prāyaścittaṃ karomyataḥ

Sanskrit only: no published translation is held for this verse.

विधायकं पुराणं मे भविष्यति च कीर्तितम् । अतः शक्यं करिष्यामि पुराणार्थं विनिश्चयन्

vidhāyakaṃ purāṇaṃ me bhaviṣyati ca kīrtitam | ataḥ śakyaṃ kariṣyāmi purāṇārthaṃ viniścayan

Sanskrit only: no published translation is held for this verse.

पौराणिक उवाच- यथावत्कीर्तयिष्यामि पुराणं पापनाशनम् । यथाज्ञानं यथाशक्ति यथाशुद्धं यथाविधि

paurāṇika uvāca- yathāvatkīrtayiṣyāmi purāṇaṃ pāpanāśanam | yathājñānaṃ yathāśakti yathāśuddhaṃ yathāvidhi

Sanskrit only: no published translation is held for this verse.

किं वांच्छसि पुराणं तु कीर्तयिष्ये तदेव तु । गौतम उवाच- सर्वं रुचि पुराणं मे वक्तव्यं किं हितं वद

kiṃ vāṃcchasi purāṇaṃ tu kīrtayiṣye tadeva tu | gautama uvāca- sarvaṃ ruci purāṇaṃ me vaktavyaṃ kiṃ hitaṃ vada

Sanskrit only: no published translation is held for this verse.

श्रुते यस्मिन्भिदा नैव जायते तु हरीशयोः । पौराणिक उवाच- कौर्मोक्तं यत्पुराणं तद्देवयोरभिदाभिधम्

śrute yasminbhidā naiva jāyate tu harīśayoḥ | paurāṇika uvāca- kaurmoktaṃ yatpurāṇaṃ taddevayorabhidābhidham

Sanskrit only: no published translation is held for this verse.

शृणोति यस्तत्प्रथमं तस्य पापं विनश्यति । तस्य वक्ता तु यो विप्रस्तस्य विघ्नांतरं भवेत्

śṛṇoti yastatprathamaṃ tasya pāpaṃ vinaśyati | tasya vaktā tu yo viprastasya vighnāṃtaraṃ bhavet

Sanskrit only: no published translation is held for this verse.

श्रोतव्यं मन्यते पापो यदि भार्या विनश्यति । किंचैकं दुष्करं वक्ष्ये श्रोतुर्वक्तुरनिंदकम्

śrotavyaṃ manyate pāpo yadi bhāryā vinaśyati | kiṃcaikaṃ duṣkaraṃ vakṣye śroturvakturaniṃdakam

Sanskrit only: no published translation is held for this verse.

व्याख्यातरि यदि प्रीतिर्द्धर्मादेव प्रकाशिनी । आचारदर्शने पुण्ये कर्ममोक्षादिदर्शके

vyākhyātari yadi prītirddharmādeva prakāśinī | ācāradarśane puṇye karmamokṣādidarśake

Sanskrit only: no published translation is held for this verse.

तदा तुष्टो महेशः स्याद्विष्णुरिष्टफलप्रदः । पितरस्तारितास्तेन यांति ते परमां गतिम्

tadā tuṣṭo maheśaḥ syādviṣṇuriṣṭaphalapradaḥ | pitarastāritāstena yāṃti te paramāṃ gatim

Sanskrit only: no published translation is held for this verse.