Padma Purāṇa 5.41

शेष उवाच युद्धाय ते सुसंनद्धाः शत्रुघ्नस्य महाबलाः । ययुर्वीरमणेः सैन्यमध्ये शौर्यसमन्विताः

śeṣa uvāca yuddhāya te susaṃnaddhāḥ śatrughnasya mahābalāḥ | yayurvīramaṇeḥ sainyamadhye śauryasamanvitāḥ

Sanskrit only: no published translation is held for this verse.

शरान्विमुंचमानास्ते भिंदंतः सैनिकान्बहून् । व्यदृश्यंत रणांतःस्थाः शरासनधरा नराः

śarānvimuṃcamānāste bhiṃdaṃtaḥ sainikānbahūn | vyadṛśyaṃta raṇāṃtaḥsthāḥ śarāsanadharā narāḥ

Sanskrit only: no published translation is held for this verse.

अनेके निहतास्तत्र गजा मणिमया रथाः । भग्ना वाहसमेताश्च दृश्यंते रणमंडले

aneke nihatāstatra gajā maṇimayā rathāḥ | bhagnā vāhasametāśca dṛśyaṃte raṇamaṃḍale

Sanskrit only: no published translation is held for this verse.

विहितं कदनं तेषां श्रुत्वा रुक्मांगदो बली । रथे मणिमये तिष्ठन्ययौ योद्धुं ससैनिकान्

vihitaṃ kadanaṃ teṣāṃ śrutvā rukmāṃgado balī | rathe maṇimaye tiṣṭhanyayau yoddhuṃ sasainikān

Sanskrit only: no published translation is held for this verse.

शरासने शरान्धास्यन्निषुधी अक्षयौ दधत् । शोणनेत्रांतरो भीमो महाकोपसमन्वितः

śarāsane śarāndhāsyanniṣudhī akṣayau dadhat | śoṇanetrāṃtaro bhīmo mahākopasamanvitaḥ

Sanskrit only: no published translation is held for this verse.

अनेकबाणसंविग्नान्कुर्वञ्छूरान्सहस्रशः । हाहाकारं कारयंस्तद्ययौ रुक्मांगदो बली

anekabāṇasaṃvignānkurvañchūrānsahasraśaḥ | hāhākāraṃ kārayaṃstadyayau rukmāṃgado balī

Sanskrit only: no published translation is held for this verse.

राजपुत्रः स्वसदृशं बलेन यशसा श्रिया । आह्वयामास शत्रुघ्नं भारतिं पुष्कलं बली

rājaputraḥ svasadṛśaṃ balena yaśasā śriyā | āhvayāmāsa śatrughnaṃ bhāratiṃ puṣkalaṃ balī

Sanskrit only: no published translation is held for this verse.

रुक्मांगद उवाच आगच्छ वीरकर्मा त्वं महाबलपराक्रम । मया योद्धुं तु बलिना राजपुत्रेण भास्वता

rukmāṃgada uvāca āgaccha vīrakarmā tvaṃ mahābalaparākrama | mayā yoddhuṃ tu balinā rājaputreṇa bhāsvatā

Sanskrit only: no published translation is held for this verse.

किमन्यैस्त्रासितैर्वीर निहतैः कोटिभिर्नरैः । मया समं महायुद्धं विधाय जयमाप्नुहि

kimanyaistrāsitairvīra nihataiḥ koṭibhirnaraiḥ | mayā samaṃ mahāyuddhaṃ vidhāya jayamāpnuhi

Sanskrit only: no published translation is held for this verse.

इत्युक्तवं तं तरसा प्रहसन्पुष्कलो बली । जघान विपुले मध्ये वक्षसस्तीक्ष्णपर्वभिः

ityuktavaṃ taṃ tarasā prahasanpuṣkalo balī | jaghāna vipule madhye vakṣasastīkṣṇaparvabhiḥ

Sanskrit only: no published translation is held for this verse.

तदमृष्यन्राजपुत्रो महाचापे दधच्छरान् । जघान दशभिर्वीरं पुष्कलं वक्षसोंऽतरे

tadamṛṣyanrājaputro mahācāpe dadhaccharān | jaghāna daśabhirvīraṃ puṣkalaṃ vakṣasoṃ'tare

Sanskrit only: no published translation is held for this verse.

उभौ समरसंरब्धावुभावपि जयैषिणौ । रेजाते समरे तौ हि कुमारतारकौ यथा

ubhau samarasaṃrabdhāvubhāvapi jayaiṣiṇau | rejāte samare tau hi kumāratārakau yathā

Sanskrit only: no published translation is held for this verse.

बाणान्धनुषि संधाय दशसंख्यान्महाशितान् । अकरोत्पुष्कलो वीरो विरथं राजपुत्रकम्

bāṇāndhanuṣi saṃdhāya daśasaṃkhyānmahāśitān | akarotpuṣkalo vīro virathaṃ rājaputrakam

Sanskrit only: no published translation is held for this verse.

चतुर्भिश्चतुरोवाहान्द्वाभ्यां सूतमपातयत् । एकेन ध्वजमेतस्य द्वाभ्यां स्यंदनरक्षकौ

caturbhiścaturovāhāndvābhyāṃ sūtamapātayat | ekena dhvajametasya dvābhyāṃ syaṃdanarakṣakau

Sanskrit only: no published translation is held for this verse.

एकेन हृदि विव्याध राजपुत्रस्य वेगवान् । तदद्भुतं कर्म दृष्ट्वा सर्वे वीराः प्रतोषिताः

ekena hṛdi vivyādha rājaputrasya vegavān | tadadbhutaṃ karma dṛṣṭvā sarve vīrāḥ pratoṣitāḥ

Sanskrit only: no published translation is held for this verse.

सच्छिन्नधन्वा विरथो हताश्वो हतसारथिः । अत्यंतं कोपमापन्नः स्यंदनं परमाविशत्

sacchinnadhanvā viratho hatāśvo hatasārathiḥ | atyaṃtaṃ kopamāpannaḥ syaṃdanaṃ paramāviśat

Sanskrit only: no published translation is held for this verse.

स स्थित्वा स्यंदनवरे हयरत्नेन भूषिते । शरासनं महद्धृत्वा सुदृढं गुणपूरितम्

sa sthitvā syaṃdanavare hayaratnena bhūṣite | śarāsanaṃ mahaddhṛtvā sudṛḍhaṃ guṇapūritam

Sanskrit only: no published translation is held for this verse.

उवाच पुष्कलं वीरं रुक्मांगद इदं वचः । महत्पराक्रमं कृत्वा क्व यास्यसि परंतप

uvāca puṣkalaṃ vīraṃ rukmāṃgada idaṃ vacaḥ | mahatparākramaṃ kṛtvā kva yāsyasi paraṃtapa

Sanskrit only: no published translation is held for this verse.

पश्य मेऽद्यपराक्रांतिं यद्बलेन विनिर्मिताम् । यत्नात्तिष्ठस्व भो वीर नयामि त्वद्रथं नभः

paśya me'dyaparākrāṃtiṃ yadbalena vinirmitām | yatnāttiṣṭhasva bho vīra nayāmi tvadrathaṃ nabhaḥ

Sanskrit only: no published translation is held for this verse.

इत्युक्त्वा शरमत्युग्रं दधार स्वशरासने । मंत्रयित्वा ततश्चास्त्रं भ्रामकं पौष्कले रथे

ityuktvā śaramatyugraṃ dadhāra svaśarāsane | maṃtrayitvā tataścāstraṃ bhrāmakaṃ pauṣkale rathe

Sanskrit only: no published translation is held for this verse.

मुमोच निशितं बाणं स्वर्णपंखैकशोभितम् । तेन बाणेन नीतोऽस्य रथो योजनमात्रकम्

mumoca niśitaṃ bāṇaṃ svarṇapaṃkhaikaśobhitam | tena bāṇena nīto'sya ratho yojanamātrakam

Sanskrit only: no published translation is held for this verse.

धृतः कृच्छ्रेण सूतेन रथो बभ्राम भूतले । कृच्छ्रेण प्राप्य स्वस्थानं पुष्कलः परमास्त्रवित्

dhṛtaḥ kṛcchreṇa sūtena ratho babhrāma bhūtale | kṛcchreṇa prāpya svasthānaṃ puṣkalaḥ paramāstravit

Sanskrit only: no published translation is held for this verse.

जगाद वचनं तं वै बाणं बिभ्रच्छरासने । स्वर्गं प्राप्नुहि वीराग्र्य सर्वदेवैश्च सेवितम्

jagāda vacanaṃ taṃ vai bāṇaṃ bibhraccharāsane | svargaṃ prāpnuhi vīrāgrya sarvadevaiśca sevitam

Sanskrit only: no published translation is held for this verse.

त्वादृशाः पृथिवीयोग्या न भवंति नृपोत्तम । शतक्रतुसभायोग्यास्तद्गच्छ त्वं सुरालयम्

tvādṛśāḥ pṛthivīyogyā na bhavaṃti nṛpottama | śatakratusabhāyogyāstadgaccha tvaṃ surālayam

Sanskrit only: no published translation is held for this verse.

इत्युक्त्वा स मुमोचास्त्रमाकाशप्रापकं महत् । तेन बाणेन सरथो ययौ खमनुलोमतः

ityuktvā sa mumocāstramākāśaprāpakaṃ mahat | tena bāṇena saratho yayau khamanulomataḥ

Sanskrit only: no published translation is held for this verse.

सर्वांल्लोकानतिक्रामन्ययौ सूर्यस्य मंडलम् । तज्ज्वालया रथो दग्धो हयसूतसमन्वितः

sarvāṃllokānatikrāmanyayau sūryasya maṃḍalam | tajjvālayā ratho dagdho hayasūtasamanvitaḥ

Sanskrit only: no published translation is held for this verse.

तत्करैर्दग्धभूयिष्ठ कलेवरः सुदुःखितः । पपात चंद्रचूडं स धृत्वा हृद्यसुखार्दनम्

tatkarairdagdhabhūyiṣṭha kalevaraḥ suduḥkhitaḥ | papāta caṃdracūḍaṃ sa dhṛtvā hṛdyasukhārdanam

Sanskrit only: no published translation is held for this verse.

भूमौ निपतितस्तत्र करदग्धकलेवरः । अत्यंतं दुःखमापन्नो मुमूर्च्छ रणमंडले

bhūmau nipatitastatra karadagdhakalevaraḥ | atyaṃtaṃ duḥkhamāpanno mumūrccha raṇamaṃḍale

Sanskrit only: no published translation is held for this verse.

तस्मिन्निपतिते भूमौ मूर्च्छिते राजपुत्रके । हाहाकारो महानासीत्तत्र संग्राममूर्धनि

tasminnipatite bhūmau mūrcchite rājaputrake | hāhākāro mahānāsīttatra saṃgrāmamūrdhani

Sanskrit only: no published translation is held for this verse.

वैरिणो जयलक्ष्मीं ते प्रापुः पुष्कलमुख्यकाः । पलायनपरा जाता वैरिणो हयरक्षकाः

vairiṇo jayalakṣmīṃ te prāpuḥ puṣkalamukhyakāḥ | palāyanaparā jātā vairiṇo hayarakṣakāḥ

Sanskrit only: no published translation is held for this verse.

तदा पुत्रस्य वै मूर्च्छां दृष्ट्वा वीरमणिर्नृपः । प्रायात्समरमध्यस्थं पुष्कलं कोपपूरितः

tadā putrasya vai mūrcchāṃ dṛṣṭvā vīramaṇirnṛpaḥ | prāyātsamaramadhyasthaṃ puṣkalaṃ kopapūritaḥ

Sanskrit only: no published translation is held for this verse.

तदा भूमिश्चचालेयं सपर्वतवनोत्तमा । शूरा वै हर्षमापन्नाः कातरा भयपीडिताः

tadā bhūmiścacāleyaṃ saparvatavanottamā | śūrā vai harṣamāpannāḥ kātarā bhayapīḍitāḥ

Sanskrit only: no published translation is held for this verse.

चापं महद्दधानः स इषुधी अक्षयावपि । रोषान्निःश्वासमामुंचन्नाह्वयामास वैरिणम्

cāpaṃ mahaddadhānaḥ sa iṣudhī akṣayāvapi | roṣānniḥśvāsamāmuṃcannāhvayāmāsa vairiṇam

Sanskrit only: no published translation is held for this verse.