Padma Purāṇa 5.74

ईश्वर उवाच-। एकदा रहसि श्रीमानुद्धवो भगवित्प्रियः । सनत्कुमारमेकांते ह्यपृच्छत्पार्षदः प्रभो

īśvara uvāca-| ekadā rahasi śrīmānuddhavo bhagavitpriyaḥ | sanatkumāramekāṃte hyapṛcchatpārṣadaḥ prabho

Sanskrit only: no published translation is held for this verse.

यत्र क्रीडति गोविंदो नित्यं नित्यसुरास्पदे । गोपांगनाभिर्यत्स्थानं कुत्र वा कीदृशं परम्

yatra krīḍati goviṃdo nityaṃ nityasurāspade | gopāṃganābhiryatsthānaṃ kutra vā kīdṛśaṃ param

Sanskrit only: no published translation is held for this verse.

तत्तत्क्रीडनवृत्तांतमन्यद्यद्यत्तदद्भुतम् । ज्ञातं चेत्तव तत्कथ्यं स्नेहो मे यदि वर्त्तते

tattatkrīḍanavṛttāṃtamanyadyadyattadadbhutam | jñātaṃ cettava tatkathyaṃ sneho me yadi varttate

Sanskrit only: no published translation is held for this verse.

सनत्कुमार उवाच-। कदाचिद्यमुनाकूले कस्यापि च तरोस्तले । सुवृत्तेनोपविष्टेन भगवत्पार्षदेन वै

sanatkumāra uvāca-| kadācidyamunākūle kasyāpi ca tarostale | suvṛttenopaviṣṭena bhagavatpārṣadena vai

Sanskrit only: no published translation is held for this verse.

यद्रहोऽनुभवस्तस्य पार्थेनापि महात्मना । दृष्टं कृतं च यद्यत्तत्प्रसंगात्कथितं मयि

yadraho'nubhavastasya pārthenāpi mahātmanā | dṛṣṭaṃ kṛtaṃ ca yadyattatprasaṃgātkathitaṃ mayi

Sanskrit only: no published translation is held for this verse.

तत्तेऽहं कथयाम्येतच्छृणुष्वावहितः परम् । किंत्वेतद्यत्र कुत्रापि न प्रकाश्यं कदाचन

tatte'haṃ kathayāmyetacchṛṇuṣvāvahitaḥ param | kiṃtvetadyatra kutrāpi na prakāśyaṃ kadācana

Sanskrit only: no published translation is held for this verse.

अर्जुन उवाच-। शंकराद्यैर्विरिंच्याद्यैरदृष्टमश्रुतं च यत् । सर्वमेतत्कृपांभोधे कृपया कथय प्रभो

arjuna uvāca-| śaṃkarādyairviriṃcyādyairadṛṣṭamaśrutaṃ ca yat | sarvametatkṛpāṃbhodhe kṛpayā kathaya prabho

Sanskrit only: no published translation is held for this verse.

किं त्वया कथितं पूर्वमाभीर्यस्तव वल्लभाः । तास्ताः कतिविधा देव कति वा संख्यया पुनः

kiṃ tvayā kathitaṃ pūrvamābhīryastava vallabhāḥ | tāstāḥ katividhā deva kati vā saṃkhyayā punaḥ

Sanskrit only: no published translation is held for this verse.

नामानि कति वा तासां का वा कुत्र व्यवस्थिताः । तासां वा कति कर्माणि वयोवेषश्च कः प्रभो

nāmāni kati vā tāsāṃ kā vā kutra vyavasthitāḥ | tāsāṃ vā kati karmāṇi vayoveṣaśca kaḥ prabho

Sanskrit only: no published translation is held for this verse.

काभिः सार्द्धं क्व वा देव विहरिष्यसि भो रहः । नित्ये नित्यसुखे नित्यविभवे च वने वने

kābhiḥ sārddhaṃ kva vā deva vihariṣyasi bho rahaḥ | nitye nityasukhe nityavibhave ca vane vane

Sanskrit only: no published translation is held for this verse.

तत्स्थानं कीदृशं कुत्र शाश्वतं परमं महत् । कृपा चेत्तादृशी तन्मे सर्वं वक्तुमिहार्हसि

tatsthānaṃ kīdṛśaṃ kutra śāśvataṃ paramaṃ mahat | kṛpā cettādṛśī tanme sarvaṃ vaktumihārhasi

Sanskrit only: no published translation is held for this verse.

यदपृष्टं मयाप्येवमज्ञातं यद्रहस्तव । आर्तार्तिघ्न महाभाग सर्वं तत्कथयिष्यसि

yadapṛṣṭaṃ mayāpyevamajñātaṃ yadrahastava | ārtārtighna mahābhāga sarvaṃ tatkathayiṣyasi

Sanskrit only: no published translation is held for this verse.

श्रीभगवानुवाच-। तत्स्थानं वल्लभास्ता मे विहारस्तादृशो मम । अपि प्राणसमानानां सत्यं पुंसामगोचरः

śrībhagavānuvāca-| tatsthānaṃ vallabhāstā me vihārastādṛśo mama | api prāṇasamānānāṃ satyaṃ puṃsāmagocaraḥ

Sanskrit only: no published translation is held for this verse.

कथिते दृष्टुमुत्कंठा तव वत्स भविष्यति । ब्रह्मादीनामदृश्यं यत्किं तदन्य जनस्य वै

kathite dṛṣṭumutkaṃṭhā tava vatsa bhaviṣyati | brahmādīnāmadṛśyaṃ yatkiṃ tadanya janasya vai

Sanskrit only: no published translation is held for this verse.

तस्माद्विरम वत्सैतत्किं नु तेन विना तव । एवं भगवतस्तस्य श्रुत्वा वाक्यं सुदारुणम्

tasmādvirama vatsaitatkiṃ nu tena vinā tava | evaṃ bhagavatastasya śrutvā vākyaṃ sudāruṇam

Sanskrit only: no published translation is held for this verse.

दीनः पादांबुजद्वंद्वे दंडवत्पतितोऽर्जुनः । ततो विहस्य भगवान्दोर्भ्यामुत्थाप्य तं विभुः

dīnaḥ pādāṃbujadvaṃdve daṃḍavatpatito'rjunaḥ | tato vihasya bhagavāndorbhyāmutthāpya taṃ vibhuḥ

Sanskrit only: no published translation is held for this verse.

उवाच परमप्रेम्णा भक्ताय भक्तवत्सलः । तत्किं तत्कथनेनात्र द्रष्टव्यं चेत्त्वया हि यत्

uvāca paramapremṇā bhaktāya bhaktavatsalaḥ | tatkiṃ tatkathanenātra draṣṭavyaṃ cettvayā hi yat

Sanskrit only: no published translation is held for this verse.

यस्यां सर्वं समुत्पन्नं यस्यामद्यापि तिष्ठति । लयमेष्यति तां देवीं श्रीमत्त्रिपुरसुंदरीम्

yasyāṃ sarvaṃ samutpannaṃ yasyāmadyāpi tiṣṭhati | layameṣyati tāṃ devīṃ śrīmattripurasuṃdarīm

Sanskrit only: no published translation is held for this verse.

आराध्य परया भक्त्या तस्यै स्वं च निवेदय । तां विनैतत्पदं दातुं न शक्नोमि कदाचन

ārādhya parayā bhaktyā tasyai svaṃ ca nivedaya | tāṃ vinaitatpadaṃ dātuṃ na śaknomi kadācana

Sanskrit only: no published translation is held for this verse.

श्रुत्वैतद्भगवद्वाक्यं पार्थो हर्षाकुलेक्षणः । श्रीमत्यास्त्रिपुरादेव्या ययौ श्रीपादुकातलम्

śrutvaitadbhagavadvākyaṃ pārtho harṣākulekṣaṇaḥ | śrīmatyāstripurādevyā yayau śrīpādukātalam

Sanskrit only: no published translation is held for this verse.

तत्र गत्वा ददर्शैनां श्रीचिंतामणिवेदिकाम् । नानारत्नैर्विरचितैः सोपानैरतिशोभिताम्

tatra gatvā dadarśaināṃ śrīciṃtāmaṇivedikām | nānāratnairviracitaiḥ sopānairatiśobhitām

Sanskrit only: no published translation is held for this verse.

तत्र कल्पतरुं नाना पुष्पैः फलभवैर्नतम् । सर्वर्त्तुकोमलदलैः स्नवन्माध्वीकशीकरैः

tatra kalpataruṃ nānā puṣpaiḥ phalabhavairnatam | sarvarttukomaladalaiḥ snavanmādhvīkaśīkaraiḥ

Sanskrit only: no published translation is held for this verse.

वर्षद्भिर्वायुनालोलैः पल्लवैरुज्ज्वलीकृतम् । शुकैश्च कोकिलगणैः सारिकाभिः कपोतकैः

varṣadbhirvāyunālolaiḥ pallavairujjvalīkṛtam | śukaiśca kokilagaṇaiḥ sārikābhiḥ kapotakaiḥ

Sanskrit only: no published translation is held for this verse.

लीलाचकोरकै रम्यैः पक्षिभिश्च निनादितम् । यत्र गुंजद्भृंगराज कोलाहलसमाकुलम्

līlācakorakai ramyaiḥ pakṣibhiśca nināditam | yatra guṃjadbhṛṃgarāja kolāhalasamākulam

Sanskrit only: no published translation is held for this verse.

मणिभिर्भास्वरैरुद्यद्दावानल मनोहरम् । श्रीरत्नमंदिरं दिव्यं तले तस्य महाद्भुतम्

maṇibhirbhāsvarairudyaddāvānala manoharam | śrīratnamaṃdiraṃ divyaṃ tale tasya mahādbhutam

Sanskrit only: no published translation is held for this verse.

रत्नसिंहासनं तत्र महाहैमाभिमोहनम् । तत्र बालार्कसंकाशां नानालंकारभूषिताम्

ratnasiṃhāsanaṃ tatra mahāhaimābhimohanam | tatra bālārkasaṃkāśāṃ nānālaṃkārabhūṣitām

Sanskrit only: no published translation is held for this verse.

नवयौवनसंपन्नां सृणिपाशधनुः शरैः । राजच्चतुर्भुजलतां सुप्रसन्नां मनोहराम्

navayauvanasaṃpannāṃ sṛṇipāśadhanuḥ śaraiḥ | rājaccaturbhujalatāṃ suprasannāṃ manoharām

Sanskrit only: no published translation is held for this verse.

ब्रह्मविष्णुमहेशादि किरीटमणिरश्मिभिः । विराजितपदांभोजामणिमादिभिरावृताम्

brahmaviṣṇumaheśādi kirīṭamaṇiraśmibhiḥ | virājitapadāṃbhojāmaṇimādibhirāvṛtām

Sanskrit only: no published translation is held for this verse.

प्रसन्नवदनां देवीं वरदां भक्तवत्सलाम् । अर्जुनोऽहमिति ज्ञातः प्रणम्य च पुनःपुनः

prasannavadanāṃ devīṃ varadāṃ bhaktavatsalām | arjuno'hamiti jñātaḥ praṇamya ca punaḥpunaḥ

Sanskrit only: no published translation is held for this verse.

विहितांजलिरेकांते स्थितो भक्तिभरान्वितः । सा तस्योपासितं ज्ञात्वा प्रसादं च कृपानिधिः

vihitāṃjalirekāṃte sthito bhaktibharānvitaḥ | sā tasyopāsitaṃ jñātvā prasādaṃ ca kṛpānidhiḥ

Sanskrit only: no published translation is held for this verse.

उवाच कृपया देवी तस्य स्मरणविह्वला । भगवत्युवाच-। किं वा दानं त्वया वत्स कृतं पात्राय दुर्लभम्

uvāca kṛpayā devī tasya smaraṇavihvalā | bhagavatyuvāca-| kiṃ vā dānaṃ tvayā vatsa kṛtaṃ pātrāya durlabham

Sanskrit only: no published translation is held for this verse.

इष्टं यज्ञेन केनात्र तपो वा किमनुष्ठितम् । भगवत्यमला भक्तिः का वा प्राक्समुपार्ज्जिता

iṣṭaṃ yajñena kenātra tapo vā kimanuṣṭhitam | bhagavatyamalā bhaktiḥ kā vā prāksamupārjjitā

Sanskrit only: no published translation is held for this verse.

किं वास्मिन्दुर्लभं लोके किं वा कर्म शुभं महत् । प्रसादस्त्वयि येनायं प्रपन्ने च मुदा किल

kiṃ vāsmindurlabhaṃ loke kiṃ vā karma śubhaṃ mahat | prasādastvayi yenāyaṃ prapanne ca mudā kila

Sanskrit only: no published translation is held for this verse.

गूढातिगूढश्चानन्य लभ्यो भगवता कृतः । नैतादृङ्मर्त्यलोकानां न च भूतलवासिनाम्

gūḍhātigūḍhaścānanya labhyo bhagavatā kṛtaḥ | naitādṛṅmartyalokānāṃ na ca bhūtalavāsinām

Sanskrit only: no published translation is held for this verse.

स्वर्गिणां देवतादीनां तपस्वीश्वरयोगिनाम् । भक्तानां नैव सर्वेषां नैव नैव च नैव च

svargiṇāṃ devatādīnāṃ tapasvīśvarayoginām | bhaktānāṃ naiva sarveṣāṃ naiva naiva ca naiva ca

Sanskrit only: no published translation is held for this verse.

प्रसादस्तु कृतो वत्स तव विश्वात्मना यथा । तदेहि भज बुद्ध्वैव कुलकुंडं सरो मम

prasādastu kṛto vatsa tava viśvātmanā yathā | tadehi bhaja buddhvaiva kulakuṃḍaṃ saro mama

Sanskrit only: no published translation is held for this verse.

सर्वकामप्रदा देवी त्वनया सह गम्यताम् । तत्रैव विधिवत्स्नात्वा द्रुतमागम्यतामिह

sarvakāmapradā devī tvanayā saha gamyatām | tatraiva vidhivatsnātvā drutamāgamyatāmiha

Sanskrit only: no published translation is held for this verse.

तदैव तत्र गत्वा स स्नात्वा पार्थस्तथागतः । आगतं तं कृतस्नानं न्यासमुद्रार्पणादिकम्

tadaiva tatra gatvā sa snātvā pārthastathāgataḥ | āgataṃ taṃ kṛtasnānaṃ nyāsamudrārpaṇādikam

Sanskrit only: no published translation is held for this verse.

कारयित्वा ततो देव्या तस्य वै दक्षिणश्रुतौ । सद्यः सिद्धिकरी बाला विद्यानिगदिता परा

kārayitvā tato devyā tasya vai dakṣiṇaśrutau | sadyaḥ siddhikarī bālā vidyānigaditā parā

Sanskrit only: no published translation is held for this verse.

हकारार्द्धपरा द्वीपा द्वितीया विश्वभूषिता । अनुष्ठानं च पूजां च जपं च लक्षसंख्यकम्

hakārārddhaparā dvīpā dvitīyā viśvabhūṣitā | anuṣṭhānaṃ ca pūjāṃ ca japaṃ ca lakṣasaṃkhyakam

Sanskrit only: no published translation is held for this verse.

कोरकैः करवीराणां प्रयोगं च यथातथम् । निर्वर्त्य तमुवाचेदं कृपया परमेश्वरी

korakaiḥ karavīrāṇāṃ prayogaṃ ca yathātatham | nirvartya tamuvācedaṃ kṛpayā parameśvarī

Sanskrit only: no published translation is held for this verse.

अनेनैव विधानेन क्रियतां मदुपासनम् । ततो मयि प्रसन्नायां तवानुग्रहकारणात्

anenaiva vidhānena kriyatāṃ madupāsanam | tato mayi prasannāyāṃ tavānugrahakāraṇāt

Sanskrit only: no published translation is held for this verse.

ततस्तु तत्र पर्य्यंतेष्वधिकारो भविष्यति । इत्ययं नियमः पूर्वं स्वयं भगवता कृतः

tatastu tatra paryyaṃteṣvadhikāro bhaviṣyati | ityayaṃ niyamaḥ pūrvaṃ svayaṃ bhagavatā kṛtaḥ

Sanskrit only: no published translation is held for this verse.

श्रुत्वैवमर्जुनस्तेन वर्मणा तां समर्चयत् । ततः पूजां जपं चैव कृत्वा देवी प्रसादिता

śrutvaivamarjunastena varmaṇā tāṃ samarcayat | tataḥ pūjāṃ japaṃ caiva kṛtvā devī prasāditā

Sanskrit only: no published translation is held for this verse.

कृत्वा ततः शुभं होमं स्नानं च विधिना ततः । कृतकृत्यमिवात्मानं प्राप्तप्रायमनोरथम्

kṛtvā tataḥ śubhaṃ homaṃ snānaṃ ca vidhinā tataḥ | kṛtakṛtyamivātmānaṃ prāptaprāyamanoratham

Sanskrit only: no published translation is held for this verse.

करस्थां सर्वसिद्धिं च स पार्थः सममन्यत । अस्मिन्नवसरे देवी तमागत्य स्मितानना

karasthāṃ sarvasiddhiṃ ca sa pārthaḥ samamanyata | asminnavasare devī tamāgatya smitānanā

Sanskrit only: no published translation is held for this verse.

उवाच गच्छ वत्स त्वमधुना तद्गृहांतरे । ततः ससंभ्रमः पार्थः समुत्थाय मुदान्वितः

uvāca gaccha vatsa tvamadhunā tadgṛhāṃtare | tataḥ sasaṃbhramaḥ pārthaḥ samutthāya mudānvitaḥ

Sanskrit only: no published translation is held for this verse.

असंख्यहर्षपूर्णात्मा दंडवत्तां ननाम ह । आज्ञप्तस्तु तया सार्द्धं देवी वयस्ययार्जुनः

asaṃkhyaharṣapūrṇātmā daṃḍavattāṃ nanāma ha | ājñaptastu tayā sārddhaṃ devī vayasyayārjunaḥ

Sanskrit only: no published translation is held for this verse.

गतो राधापतिस्थानं यत्सिद्धैरप्यगोचरम् । ततश्च स उपादिष्टो गोलोकादुपरिस्थितम्

gato rādhāpatisthānaṃ yatsiddhairapyagocaram | tataśca sa upādiṣṭo golokāduparisthitam

Sanskrit only: no published translation is held for this verse.

स्थिरं वायुधृतं नित्यं सत्यं सर्वसुखास्पदम् । नित्यं वृंदावनं नाम नित्यरासमहोत्सवम्

sthiraṃ vāyudhṛtaṃ nityaṃ satyaṃ sarvasukhāspadam | nityaṃ vṛṃdāvanaṃ nāma nityarāsamahotsavam

Sanskrit only: no published translation is held for this verse.

अपश्यत्परमं गुह्यं पूर्णप्रेमरसात्मकम् । तस्या हि वचनादेव लोचनैर्वीक्ष्य तद्रहः

apaśyatparamaṃ guhyaṃ pūrṇapremarasātmakam | tasyā hi vacanādeva locanairvīkṣya tadrahaḥ

Sanskrit only: no published translation is held for this verse.

विवशः पतितस्तत्र विवृद्धप्रेमविह्वलः । ततः कृच्छ्राल्लब्धसंज्ञो दोर्भ्यामुत्थापितस्तया

vivaśaḥ patitastatra vivṛddhapremavihvalaḥ | tataḥ kṛcchrāllabdhasaṃjño dorbhyāmutthāpitastayā

Sanskrit only: no published translation is held for this verse.

सांत्वनावचनैस्तस्याः कथंचित्स्थैर्यमागतः । ततस्तपः किमन्यन्मे कर्त्तव्यं विद्यते वद

sāṃtvanāvacanaistasyāḥ kathaṃcitsthairyamāgataḥ | tatastapaḥ kimanyanme karttavyaṃ vidyate vada

Sanskrit only: no published translation is held for this verse.

इति तद्दर्शनोत्कंठाभरेण तरलोऽभवत् । ततस्तया करे तस्य धृत्वा तत्पददक्षिणे

iti taddarśanotkaṃṭhābhareṇa taralo'bhavat | tatastayā kare tasya dhṛtvā tatpadadakṣiṇe

Sanskrit only: no published translation is held for this verse.

प्रतिपेदे सुदेशेन गत्वा चोक्तमिदं वचः । स्नानायैतच्छुभं पार्थ विश त्वं जलविस्तरम्

pratipede sudeśena gatvā coktamidaṃ vacaḥ | snānāyaitacchubhaṃ pārtha viśa tvaṃ jalavistaram

Sanskrit only: no published translation is held for this verse.

सहस्रदलपद्मस्थ संस्थानं मध्यकोरकम् । चतुःसरश्चतुर्धारमाश्चर्यकुलसंकुलम्

sahasradalapadmastha saṃsthānaṃ madhyakorakam | catuḥsaraścaturdhāramāścaryakulasaṃkulam

Sanskrit only: no published translation is held for this verse.

अस्यांतरे प्रविश्याथ विशेषमिह पश्यसि । एतस्य दक्षिणे देश एष चात्र सरोवरः

asyāṃtare praviśyātha viśeṣamiha paśyasi | etasya dakṣiṇe deśa eṣa cātra sarovaraḥ

Sanskrit only: no published translation is held for this verse.

मधुमाध्वीकपानं यन्नाम्ना मलयनिर्झरः । एतच्च फुल्लमुद्यानं वसंते मदनोत्सवम्

madhumādhvīkapānaṃ yannāmnā malayanirjharaḥ | etacca phullamudyānaṃ vasaṃte madanotsavam

Sanskrit only: no published translation is held for this verse.

कुरुते यत्र गोविंदो वसंतकुसुमोचितम् । यत्रावतारं कृष्णस्य स्तुवंत्येव दिवानिशम्

kurute yatra goviṃdo vasaṃtakusumocitam | yatrāvatāraṃ kṛṣṇasya stuvaṃtyeva divāniśam

Sanskrit only: no published translation is held for this verse.

भवेद्यत्स्मरणादेव मुनेः स्वांते स्मरांकुरः । ततोऽस्मिन्सरसि स्नात्वा गत्वा पूर्वसरस्तटम्

bhavedyatsmaraṇādeva muneḥ svāṃte smarāṃkuraḥ | tato'sminsarasi snātvā gatvā pūrvasarastaṭam

Sanskrit only: no published translation is held for this verse.

उपस्पृश्य जलं तस्य साधयस्व मनोरथम् । ततस्तद्वचनं श्रुत्वा तस्मिन्सरसि तज्जले

upaspṛśya jalaṃ tasya sādhayasva manoratham | tatastadvacanaṃ śrutvā tasminsarasi tajjale

Sanskrit only: no published translation is held for this verse.

कल्हारकुमुदांभोजरक्तनीलोत्पलच्युतैः । परागैरंजिते मंजुवासिते मधुबिंदुभिः

kalhārakumudāṃbhojaraktanīlotpalacyutaiḥ | parāgairaṃjite maṃjuvāsite madhubiṃdubhiḥ

Sanskrit only: no published translation is held for this verse.

तुंदिले कलहंसादि नादैरांदोलिते ततः । रत्नाबद्धचतुस्तीरे मंदानिलतरंगिते

tuṃdile kalahaṃsādi nādairāṃdolite tataḥ | ratnābaddhacatustīre maṃdānilataraṃgite

Sanskrit only: no published translation is held for this verse.

मग्ने जलांतः पार्थे तु तत्रैवांतर्दधेऽथ सा । उत्थाय परितो वीक्ष्य संभ्रांता चारुहासिनी

magne jalāṃtaḥ pārthe tu tatraivāṃtardadhe'tha sā | utthāya parito vīkṣya saṃbhrāṃtā cāruhāsinī

Sanskrit only: no published translation is held for this verse.

सद्यः शुद्धस्वर्णरश्मिगौरकांततनूलताम् । स्फुरत्किशोरवर्षीयां शारदेंदुनिभाननाम्

sadyaḥ śuddhasvarṇaraśmigaurakāṃtatanūlatām | sphuratkiśoravarṣīyāṃ śāradeṃdunibhānanām

Sanskrit only: no published translation is held for this verse.

सुनीलकुटिलस्निग्धविलसद्रत्नकुंतलाम् । सिंदूरबिंदुकिरणप्रोज्ज्वलालकपट्टिकाम्

sunīlakuṭilasnigdhavilasadratnakuṃtalām | siṃdūrabiṃdukiraṇaprojjvalālakapaṭṭikām

Sanskrit only: no published translation is held for this verse.

उन्मीलद्भ्रूलताभंगि जितस्मरशरासनाम् । घनश्यामलसल्लोल खेलल्लोचनखंजनाम्

unmīladbhrūlatābhaṃgi jitasmaraśarāsanām | ghanaśyāmalasallola khelallocanakhaṃjanām

Sanskrit only: no published translation is held for this verse.

मणिं कुंडलतेजोंशु विस्फुरद्गंडमण्डलाम् । मृणालकोमलभ्राजदाश्चर्यभुजवल्लरीम्

maṇiṃ kuṃḍalatejoṃśu visphuradgaṃḍamaṇḍalām | mṛṇālakomalabhrājadāścaryabhujavallarīm

Sanskrit only: no published translation is held for this verse.

शरदंबुरुहां सर्वश्रीचौरपाणिपल्लवाम् । विदग्धरचितस्वर्णकटिसूत्रकृतांतराम्

śaradaṃburuhāṃ sarvaśrīcaurapāṇipallavām | vidagdharacitasvarṇakaṭisūtrakṛtāṃtarām

Sanskrit only: no published translation is held for this verse.

कूजत्कांचीकलापांत विभ्राजज्जघनस्थलाम् । भ्राजद्दुकूलसंवीतनितंबोरुसुमंदिराम्

kūjatkāṃcīkalāpāṃta vibhrājajjaghanasthalām | bhrājaddukūlasaṃvītanitaṃborusumaṃdirām

Sanskrit only: no published translation is held for this verse.

शिंजानमणिमंजीरसुचारुपदपंकजाम् । स्फुरद्विविधकंदर्पकलाकौशलशालिनीम्

śiṃjānamaṇimaṃjīrasucārupadapaṃkajām | sphuradvividhakaṃdarpakalākauśalaśālinīm

Sanskrit only: no published translation is held for this verse.

सर्वलक्षणसंपन्नां सर्वाभरणभूषिताम् । आश्चर्यललनाश्रेष्ठामात्मानं सव्यलोकयत्

sarvalakṣaṇasaṃpannāṃ sarvābharaṇabhūṣitām | āścaryalalanāśreṣṭhāmātmānaṃ savyalokayat

Sanskrit only: no published translation is held for this verse.

विसस्मार च यत्किंचित्पौर्वदेहिकमेव च । मायया गोपिकाप्राणनाथस्य तदनंतरम्

visasmāra ca yatkiṃcitpaurvadehikameva ca | māyayā gopikāprāṇanāthasya tadanaṃtaram

Sanskrit only: no published translation is held for this verse.

इति कर्त्तव्यतामूढा तस्थौ तत्र सुविस्मिता । अत्रांतरेंऽबरे धीर ध्वनिराकस्मिकोऽभवत्

iti karttavyatāmūḍhā tasthau tatra suvismitā | atrāṃtareṃ'bare dhīra dhvanirākasmiko'bhavat

Sanskrit only: no published translation is held for this verse.

अनेनैव पथा सुभ्रु गच्छ पूर्वसरोवरम् । उपस्पृश्य जलं तस्य साधयस्व मनोरथम्

anenaiva pathā subhru gaccha pūrvasarovaram | upaspṛśya jalaṃ tasya sādhayasva manoratham

Sanskrit only: no published translation is held for this verse.

तत्र संति हि सख्यस्ते मा सीद वरवर्णिनि । ता हि संपादयिष्यंति तत्रैव वरमीप्सितम्

tatra saṃti hi sakhyaste mā sīda varavarṇini | tā hi saṃpādayiṣyaṃti tatraiva varamīpsitam

Sanskrit only: no published translation is held for this verse.

इति दैवीं गिरं श्रुत्वा गत्वा पूर्वसरोऽथ सा । नानापूर्वप्रवाहं च नानापक्षिसमाकुलम्

iti daivīṃ giraṃ śrutvā gatvā pūrvasaro'tha sā | nānāpūrvapravāhaṃ ca nānāpakṣisamākulam

Sanskrit only: no published translation is held for this verse.

स्फुरत्कैरवकह्लारकमलेंदीवरादिभिः । भ्राजितं पद्मरागैश्च पद्मसोपानसत्तटम्

sphuratkairavakahlārakamaleṃdīvarādibhiḥ | bhrājitaṃ padmarāgaiśca padmasopānasattaṭam

Sanskrit only: no published translation is held for this verse.

विविधैः कुसुमोद्दामैर्मंजुकुंजलताद्रुमैः । विराजितचतुस्तीरमुपस्पृश्य स्थिता क्षणम्

vividhaiḥ kusumoddāmairmaṃjukuṃjalatādrumaiḥ | virājitacatustīramupaspṛśya sthitā kṣaṇam

Sanskrit only: no published translation is held for this verse.

तत्रांतरे क्वणत्कांची मंजुमंजीररंजितम् । किंकिणीनां झणत्कारं शुश्रावोत्कर्णसंपुटे

tatrāṃtare kvaṇatkāṃcī maṃjumaṃjīraraṃjitam | kiṃkiṇīnāṃ jhaṇatkāraṃ śuśrāvotkarṇasaṃpuṭe

Sanskrit only: no published translation is held for this verse.

ततश्च प्रमदावृंदमाश्चर्ययुतयौवनम् । आश्चर्यालंकृतिन्यासमाश्चर्याकृतिभाषितम्

tataśca pramadāvṛṃdamāścaryayutayauvanam | āścaryālaṃkṛtinyāsamāścaryākṛtibhāṣitam

Sanskrit only: no published translation is held for this verse.

अद्भुतांगमपूर्वं सा पृथगाश्चर्यविभ्रमम् । चित्रसंभाषणं चित्रहसितालोकनादिकम्

adbhutāṃgamapūrvaṃ sā pṛthagāścaryavibhramam | citrasaṃbhāṣaṇaṃ citrahasitālokanādikam

Sanskrit only: no published translation is held for this verse.

मधुराद्भुतलावण्यं सर्वमाधुर्यसेवितम् । चिल्लावण्यगतानंतमाश्चर्याकुलसुंदरम्

madhurādbhutalāvaṇyaṃ sarvamādhuryasevitam | cillāvaṇyagatānaṃtamāścaryākulasuṃdaram

Sanskrit only: no published translation is held for this verse.

आश्चर्यस्निग्धसौंदर्यमाश्चर्यानुग्रहादिकम् । सर्वाश्चर्यसमुदयमाश्चर्यालोकनादिकम्

āścaryasnigdhasauṃdaryamāścaryānugrahādikam | sarvāścaryasamudayamāścaryālokanādikam

Sanskrit only: no published translation is held for this verse.

दृष्ट्वा तत्परमाश्चर्यं चिंतयंती हृदा कियत् । पादांगुष्ठेना लिखंती भुवं नम्रानना स्थिता

dṛṣṭvā tatparamāścaryaṃ ciṃtayaṃtī hṛdā kiyat | pādāṃguṣṭhenā likhaṃtī bhuvaṃ namrānanā sthitā

Sanskrit only: no published translation is held for this verse.

ततस्तासां संभ्रमोऽभूद्दृष्टीनां च परस्परम् । केयं मदीयजातीया चिरेणानस्तकौतुका

tatastāsāṃ saṃbhramo'bhūddṛṣṭīnāṃ ca parasparam | keyaṃ madīyajātīyā cireṇānastakautukā

Sanskrit only: no published translation is held for this verse.

इति सर्वाः समालोक्य ज्ञातव्येयमिति क्षणम् । आमंत्र्य मंत्रणाभिज्ञाः कौतुकाद्द्रष्टुमागताः

iti sarvāḥ samālokya jñātavyeyamiti kṣaṇam | āmaṃtrya maṃtraṇābhijñāḥ kautukāddraṣṭumāgatāḥ

Sanskrit only: no published translation is held for this verse.

आगत्य तासामेकाथ नाम्ना प्रियमुदा मता । गिरा मधुरया प्रीत्या तामुवाच मनस्विनी

āgatya tāsāmekātha nāmnā priyamudā matā | girā madhurayā prītyā tāmuvāca manasvinī

Sanskrit only: no published translation is held for this verse.

प्रियमुदोवाच-। कासि त्वं कस्य कन्यासि कस्य त्वं प्राणवल्लभा । जाता कुत्रासि केनास्मिन्नानीता वा गता स्वयम्

priyamudovāca-| kāsi tvaṃ kasya kanyāsi kasya tvaṃ prāṇavallabhā | jātā kutrāsi kenāsminnānītā vā gatā svayam

Sanskrit only: no published translation is held for this verse.

एतच्च सर्वमस्माकं कथ्यतां चिंतया किमु । स्थानेऽस्मिन्परमानंदे कस्यापि दुःखमस्ति किम्

etacca sarvamasmākaṃ kathyatāṃ ciṃtayā kimu | sthāne'sminparamānaṃde kasyāpi duḥkhamasti kim

Sanskrit only: no published translation is held for this verse.

इति पृष्टा तया सा तु विनयावनतिं गता । उवाच सुस्वरं तासां मोहयंती मनांसि च

iti pṛṣṭā tayā sā tu vinayāvanatiṃ gatā | uvāca susvaraṃ tāsāṃ mohayaṃtī manāṃsi ca

Sanskrit only: no published translation is held for this verse.

अर्जुन उवाच- । का वास्मि कस्य कन्या वा प्रजाता कस्य वल्लभा । आनीता केन वा चात्र किं वाथ स्वयमागता

arjuna uvāca- | kā vāsmi kasya kanyā vā prajātā kasya vallabhā | ānītā kena vā cātra kiṃ vātha svayamāgatā

Sanskrit only: no published translation is held for this verse.

एतत्किंचिन्न जानामि देवी जानातु तत्पुनः । कथितं श्रूयतां तन्मे मद्वाक्ये प्रत्ययो यदि

etatkiṃcinna jānāmi devī jānātu tatpunaḥ | kathitaṃ śrūyatāṃ tanme madvākye pratyayo yadi

Sanskrit only: no published translation is held for this verse.

अस्यैव दक्षिणे पार्श्वे एकमस्ति सरोवरम् । तत्राहं स्नातुमायाता जाता तत्रैव संस्थिता

asyaiva dakṣiṇe pārśve ekamasti sarovaram | tatrāhaṃ snātumāyātā jātā tatraiva saṃsthitā

Sanskrit only: no published translation is held for this verse.

विषमोत्कंठिता पश्चात्पश्यंती परितो दिशम् । एकमाकाशसंभूतं ध्वनिमश्रौषमद्भुतम्

viṣamotkaṃṭhitā paścātpaśyaṃtī parito diśam | ekamākāśasaṃbhūtaṃ dhvanimaśrauṣamadbhutam

Sanskrit only: no published translation is held for this verse.

तत्र संति हि सख्यस्ते मा सीद वरवार्णिनि । ताहि संपादयिष्यंति तत्र ते वरमीप्सितम्

tatra saṃti hi sakhyaste mā sīda varavārṇini | tāhi saṃpādayiṣyaṃti tatra te varamīpsitam

Sanskrit only: no published translation is held for this verse.

इत्याकर्ण्य वचस्तस्य तस्मादत्र समागता । विषादहर्षपूर्णात्मा चिंताकुलसमाकुला

ityākarṇya vacastasya tasmādatra samāgatā | viṣādaharṣapūrṇātmā ciṃtākulasamākulā

Sanskrit only: no published translation is held for this verse.

आगतास्य जलं स्पृष्ट्वा नानाविधशुभध्वनिम् । अश्रौषं च ततः पश्चादपश्यं भवतीः पराः

āgatāsya jalaṃ spṛṣṭvā nānāvidhaśubhadhvanim | aśrauṣaṃ ca tataḥ paścādapaśyaṃ bhavatīḥ parāḥ

Sanskrit only: no published translation is held for this verse.

एतन्मात्रं विजानामि कायेन मनसा गिरा । एतदेव मया देव्यः कथितं यदि रोचते

etanmātraṃ vijānāmi kāyena manasā girā | etadeva mayā devyaḥ kathitaṃ yadi rocate

Sanskrit only: no published translation is held for this verse.

का यूयं तनुजाः केषां क्व जाताः कस्य वल्लभाः । तच्छ्रुत्वा वचनं तस्याः सा वै प्रियमुदाब्रवीत्

kā yūyaṃ tanujāḥ keṣāṃ kva jātāḥ kasya vallabhāḥ | tacchrutvā vacanaṃ tasyāḥ sā vai priyamudābravīt

Sanskrit only: no published translation is held for this verse.

अस्त्वेवं प्राणसख्यः स्म तस्यैव च वयं शुभे । वृंदावनकलानाथ विहारदारिकाः सुखम्

astvevaṃ prāṇasakhyaḥ sma tasyaiva ca vayaṃ śubhe | vṛṃdāvanakalānātha vihāradārikāḥ sukham

Sanskrit only: no published translation is held for this verse.

ता आत्ममुदितास्तेन व्रजबाला इहागताः । एताः श्रुतिगणाः ख्याता एताश्च मुनयस्तथा

tā ātmamuditāstena vrajabālā ihāgatāḥ | etāḥ śrutigaṇāḥ khyātā etāśca munayastathā

Sanskrit only: no published translation is held for this verse.

वयं बल्लवबाला हि कथितास्ते स्वरूपतः । अत्र राधापतेरंगात्पूर्वायाः प्रेयसीतमाः

vayaṃ ballavabālā hi kathitāste svarūpataḥ | atra rādhāpateraṃgātpūrvāyāḥ preyasītamāḥ

Sanskrit only: no published translation is held for this verse.

नित्या नित्यविहारिण्यो नित्यकेलि भुवश्चराः । एषा पूर्णरसा देवी एषा च रसमंथरा

nityā nityavihāriṇyo nityakeli bhuvaścarāḥ | eṣā pūrṇarasā devī eṣā ca rasamaṃtharā

Sanskrit only: no published translation is held for this verse.

एषा रसालया नाम एषा च रसवल्लरी । रसपीयूषधारेयमेषा रसतरंगिणी

eṣā rasālayā nāma eṣā ca rasavallarī | rasapīyūṣadhāreyameṣā rasataraṃgiṇī

Sanskrit only: no published translation is held for this verse.

रसकल्लोलिनी चैषा इयं च रसवापिका । अनंगसेना एषैव इयं चानंगमालिनी

rasakallolinī caiṣā iyaṃ ca rasavāpikā | anaṃgasenā eṣaiva iyaṃ cānaṃgamālinī

Sanskrit only: no published translation is held for this verse.

मदयंती इयं बाला एषा च रसविह्वला । इयं च ललिता नाम इयं ललितयौवना

madayaṃtī iyaṃ bālā eṣā ca rasavihvalā | iyaṃ ca lalitā nāma iyaṃ lalitayauvanā

Sanskrit only: no published translation is held for this verse.

अनंगकुसुमा चैषा इयं मदनमंजरी । एषा कलावती नाम इयं रतिकला स्मृता

anaṃgakusumā caiṣā iyaṃ madanamaṃjarī | eṣā kalāvatī nāma iyaṃ ratikalā smṛtā

Sanskrit only: no published translation is held for this verse.

इयं कामकला नाम इयं हि कामदायिनी । रतिलोला इयं बाला इयं बाला रतोत्सुका

iyaṃ kāmakalā nāma iyaṃ hi kāmadāyinī | ratilolā iyaṃ bālā iyaṃ bālā ratotsukā

Sanskrit only: no published translation is held for this verse.

एषा चरति सर्वस्व रतिचिंतामणिस्त्वसौ । नित्यानंदाः काश्चिदेता नित्यप्रेमरसप्रदाः

eṣā carati sarvasva raticiṃtāmaṇistvasau | nityānaṃdāḥ kāścidetā nityapremarasapradāḥ

Sanskrit only: no published translation is held for this verse.

अतःपरं श्रुतिगणास्तासां काश्चिदिमाः शृणु । उद्गीतैषा सुगीतेयं कलगीता त्वियं प्रिया

ataḥparaṃ śrutigaṇāstāsāṃ kāścidimāḥ śṛṇu | udgītaiṣā sugīteyaṃ kalagītā tviyaṃ priyā

Sanskrit only: no published translation is held for this verse.

एषा कलसुराख्याता बालेयं कलकंठिका । विपंचीयं क्रमपदा एषा बहुहुता मता

eṣā kalasurākhyātā bāleyaṃ kalakaṃṭhikā | vipaṃcīyaṃ kramapadā eṣā bahuhutā matā

Sanskrit only: no published translation is held for this verse.

एषा बहुप्रयोगेयं ख्याता बहुकला बला । इयं कलावती ख्याता मता चैषा क्रियावती

eṣā bahuprayogeyaṃ khyātā bahukalā balā | iyaṃ kalāvatī khyātā matā caiṣā kriyāvatī

Sanskrit only: no published translation is held for this verse.

अतःपरं मुनिगणास्तासां कतिपया इह । इयमुग्रतपा नाम एषा बहुगुणा स्मृता

ataḥparaṃ munigaṇāstāsāṃ katipayā iha | iyamugratapā nāma eṣā bahuguṇā smṛtā

Sanskrit only: no published translation is held for this verse.

एषा प्रियव्रता नाम सुव्रता च इयं मता । सुरेखेयं मता बाला सुपर्वेयं बहुप्रदा

eṣā priyavratā nāma suvratā ca iyaṃ matā | surekheyaṃ matā bālā suparveyaṃ bahupradā

Sanskrit only: no published translation is held for this verse.

रत्नरेखा त्वियं ख्याता मणिग्रीवा त्वसौ मता । सुपर्णा चेयमाकल्पा सुकल्पा रत्नमालिका

ratnarekhā tviyaṃ khyātā maṇigrīvā tvasau matā | suparṇā ceyamākalpā sukalpā ratnamālikā

Sanskrit only: no published translation is held for this verse.

इयं सौदामिनी सुभ्रूरियं च कामदायिनी । एषा च भोगदाख्या ता इयं विश्वमता सती

iyaṃ saudāminī subhrūriyaṃ ca kāmadāyinī | eṣā ca bhogadākhyā tā iyaṃ viśvamatā satī

Sanskrit only: no published translation is held for this verse.

एषा च धारिणी धात्री सुमेधा कांतिरप्यसौ । अपर्णेयं सुपर्णैषा मतैषा च सुलक्षणा

eṣā ca dhāriṇī dhātrī sumedhā kāṃtirapyasau | aparṇeyaṃ suparṇaiṣā mataiṣā ca sulakṣaṇā

Sanskrit only: no published translation is held for this verse.

सुदतीयं गुणवती चैषासौ कलिनी मता । एषा सुलोचना ख्याता इयं च सुमनाः स्मृता

sudatīyaṃ guṇavatī caiṣāsau kalinī matā | eṣā sulocanā khyātā iyaṃ ca sumanāḥ smṛtā

Sanskrit only: no published translation is held for this verse.

अश्रुता च सुशीला च रतिसुखप्रदायिनी । अतः परं गोपबाला वयमत्रागतास्तु याः

aśrutā ca suśīlā ca ratisukhapradāyinī | ataḥ paraṃ gopabālā vayamatrāgatāstu yāḥ

Sanskrit only: no published translation is held for this verse.