Library·Padma Purāṇa·6·6.11
नारद उवाच- अथ जालंधरो दूतवचः श्रुत्वा प्रतापवान् । सर्वसैन्यं समाहूय प्रयाणमकरोत्तदा । ततस्ततः समेतानां सैन्यानां श्रूयते ध्वनिः
nārada uvāca- atha jālaṃdharo dūtavacaḥ śrutvā pratāpavān | sarvasainyaṃ samāhūya prayāṇamakarottadā | tatastataḥ sametānāṃ sainyānāṃ śrūyate dhvaniḥ
Sanskrit only: no published translation is held for this verse.
सस्त्रीन्मन्दरकंदरेषु शयितानुत्थापयन्किन्नरान् । मेरोर्मंदरकंदरे प्रतिरवानुत्थापयन्वारणान् । सिहानां च ततीर्व्यमुंचत पुरःपंथानमेवंविधस्त्रै। लोक्यं बधिरीचकार महतः सैन्यस्य कोलाहलः
sastrīnmandarakaṃdareṣu śayitānutthāpayankinnarān | merormaṃdarakaṃdare pratiravānutthāpayanvāraṇān | sihānāṃ ca tatīrvyamuṃcata puraḥpaṃthānamevaṃvidhastrai| lokyaṃ badhirīcakāra mahataḥ sainyasya kolāhalaḥ
Sanskrit only: no published translation is held for this verse.
ततो दुंदुभिनादोऽभूत्पीठे जालंधरे नृप । तन्निनादेन शूराणां प्रियेण महता तदा
tato duṃdubhinādo'bhūtpīṭhe jālaṃdhare nṛpa | tanninādena śūrāṇāṃ priyeṇa mahatā tadā
Sanskrit only: no published translation is held for this verse.
कंपंति गिरयस्तुंगाः प्रासादा विचलंति च । सप्तसागरगर्भेभ्यो निःसृता दैत्यदानवाः
kaṃpaṃti girayastuṃgāḥ prāsādā vicalaṃti ca | saptasāgaragarbhebhyo niḥsṛtā daityadānavāḥ
Sanskrit only: no published translation is held for this verse.
सन्नद्धाश्चातिगर्जंति नानावाहनसंयुताः । हेषा ययौ महानादा वाजिनां बाह्यतः पुरः
sannaddhāścātigarjaṃti nānāvāhanasaṃyutāḥ | heṣā yayau mahānādā vājināṃ bāhyataḥ puraḥ
Sanskrit only: no published translation is held for this verse.
रथांगेनाथ संहृष्टा धरां संचलतेऽथवा । चालितैर्गजयूथैश्च पृथ्वी रुद्धा सकानना
rathāṃgenātha saṃhṛṣṭā dharāṃ saṃcalate'thavā | cālitairgajayūthaiśca pṛthvī ruddhā sakānanā
Sanskrit only: no published translation is held for this verse.
जालंधरेरितैर्भीमैरयुतैः स्यंदनस्थितैः । अश्वार्बुदसहस्रे द्वे अर्बुदं दंतिनामपि
jālaṃdhareritairbhīmairayutaiḥ syaṃdanasthitaiḥ | aśvārbudasahasre dve arbudaṃ daṃtināmapi
Sanskrit only: no published translation is held for this verse.
रराज सैन्यलक्षैकं रथिनां सपताकिनाम् । परार्द्धनवतिः कोट्यः दृश्यंते मुख्यनायकाः । निर्जगाम महासैन्यं छत्रैः संछाद्य भास्करम्
rarāja sainyalakṣaikaṃ rathināṃ sapatākinām | parārddhanavatiḥ koṭyaḥ dṛśyaṃte mukhyanāyakāḥ | nirjagāma mahāsainyaṃ chatraiḥ saṃchādya bhāskaram
Sanskrit only: no published translation is held for this verse.
आसीत्पिंजरपांडुपंकजवनं श्वेतातपत्रैः क्वचित् । मायूरातपवारणैः क्वचिदभूतदुन्नीलनीलोत्पलम् । उन्मेघं क्वचिदूर्ध्वधूलिपटलैर्यस्य प्रयाणेऽभवत् । सद्वीचि क्वचिदंबरं सर इवोत्सर्पत्पताकापटैः
āsītpiṃjarapāṃḍupaṃkajavanaṃ śvetātapatraiḥ kvacit | māyūrātapavāraṇaiḥ kvacidabhūtadunnīlanīlotpalam | unmeghaṃ kvacidūrdhvadhūlipaṭalairyasya prayāṇe'bhavat | sadvīci kvacidaṃbaraṃ sara ivotsarpatpatākāpaṭaiḥ
Sanskrit only: no published translation is held for this verse.
गजवाजीमयी भूमिर्ध्वजच्छत्रमयं नभः । दिक्चक्रं चामरमयं दैत्यसैन्ये प्रसर्पति
gajavājīmayī bhūmirdhvajacchatramayaṃ nabhaḥ | dikcakraṃ cāmaramayaṃ daityasainye prasarpati
Sanskrit only: no published translation is held for this verse.
ततो जालंधरो दैत्यः प्रयाणाय समुत्सुकः । स्कंधे चारोपयन्शक्तिं नानारत्नविभूषिताम्
tato jālaṃdharo daityaḥ prayāṇāya samutsukaḥ | skaṃdhe cāropayanśaktiṃ nānāratnavibhūṣitām
Sanskrit only: no published translation is held for this verse.
आजगाम महाविष्णुं प्रष्टुं सागरवासिनम् । अभिवाद्य जगादाथ हरिं जालंधरस्त्विदम्
ājagāma mahāviṣṇuṃ praṣṭuṃ sāgaravāsinam | abhivādya jagādātha hariṃ jālaṃdharastvidam
Sanskrit only: no published translation is held for this verse.
भोगार्थां किं प्रयच्छामि तुभ्यं भावुक कथ्यताम् । श्रुत्वा नारायणो वाक्यमब्धिजस्य मुदान्वितः
bhogārthāṃ kiṃ prayacchāmi tubhyaṃ bhāvuka kathyatām | śrutvā nārāyaṇo vākyamabdhijasya mudānvitaḥ
Sanskrit only: no published translation is held for this verse.
उवाच किं करोमीति प्रियं सिंधुसुतेप्सितम् । इत्युक्तः स प्रहृष्टोऽथ हरिं प्रोवाच सत्वरः
uvāca kiṃ karomīti priyaṃ siṃdhusutepsitam | ityuktaḥ sa prahṛṣṭo'tha hariṃ provāca satvaraḥ
Sanskrit only: no published translation is held for this verse.
यामि योद्धुं रणेऽहं त्वं सुखी तिष्ठेह सागरे । लक्ष्म्या दत्ताक्षतस्तत्र केशवेनाथ पूजितः
yāmi yoddhuṃ raṇe'haṃ tvaṃ sukhī tiṣṭheha sāgare | lakṣmyā dattākṣatastatra keśavenātha pūjitaḥ
Sanskrit only: no published translation is held for this verse.
स निर्गत्य हरेः स्थानात्समुद्रं प्रष्टुमागतः । सोऽर्णवं प्रणिपत्याह तात यास्यामि दूरतः
sa nirgatya hareḥ sthānātsamudraṃ praṣṭumāgataḥ | so'rṇavaṃ praṇipatyāha tāta yāsyāmi dūrataḥ
Sanskrit only: no published translation is held for this verse.
नीलकंठं रणे जेतुमनुज्ञां दातुमर्हसि । पुत्रस्य वचनं श्रुत्वा यियासोः शंकरं प्रति
nīlakaṃṭhaṃ raṇe jetumanujñāṃ dātumarhasi | putrasya vacanaṃ śrutvā yiyāsoḥ śaṃkaraṃ prati
Sanskrit only: no published translation is held for this verse.
सिंधुराजेन सोऽप्युक्तः पुत्र तं तापसं त्यज । भुंक्ष्व राज्यं मया दत्तं तापसं त्यज दूरतः
siṃdhurājena so'pyuktaḥ putra taṃ tāpasaṃ tyaja | bhuṃkṣva rājyaṃ mayā dattaṃ tāpasaṃ tyaja dūrataḥ
Sanskrit only: no published translation is held for this verse.
अत्यद्भुतः प्रतापस्ते त्वत्तुल्यो नास्ति भूमिपः । स्वर्गादाधिक्यतां नीतं त्वया वत्स धरातलम्
atyadbhutaḥ pratāpaste tvattulyo nāsti bhūmipaḥ | svargādādhikyatāṃ nītaṃ tvayā vatsa dharātalam
Sanskrit only: no published translation is held for this verse.
तव राज्येव सुमती वैकुंठ इव राजते । यो देवो दुर्जयो दैत्यैरानीतः सह सश्रिया
tava rājyeva sumatī vaikuṃṭha iva rājate | yo devo durjayo daityairānītaḥ saha saśriyā
Sanskrit only: no published translation is held for this verse.
ममांतिकं वत्स वस शंकरं भिक्षुकं त्यज । एवमुक्तो ह्यर्णवेन गिरिजां प्रति रागवान्
mamāṃtikaṃ vatsa vasa śaṃkaraṃ bhikṣukaṃ tyaja | evamukto hyarṇavena girijāṃ prati rāgavān
Sanskrit only: no published translation is held for this verse.
पितृवाक्यमविज्ञाय आगत्य स्वभटान्स्वकान् । सज्जीभूतं तु युद्धाय वृंदा जालंधरं जगौ
pitṛvākyamavijñāya āgatya svabhaṭānsvakān | sajjībhūtaṃ tu yuddhāya vṛṃdā jālaṃdharaṃ jagau
Sanskrit only: no published translation is held for this verse.
वृंदोवाच। नाथ युद्धं न कर्तव्यं राजेंद्र कुत्सयोगिना । मनो निवर्त्यतां पश्य प्रवृत्तं पार्वतीं प्रति
vṛṃdovāca| nātha yuddhaṃ na kartavyaṃ rājeṃdra kutsayoginā | mano nivartyatāṃ paśya pravṛttaṃ pārvatīṃ prati
Sanskrit only: no published translation is held for this verse.
गौरीं त्वं वांछसि कस्मात्पार्वती किं ममाधिका । तपस्विनी निरालंबा संसक्ता स्थाणवे सदा
gaurīṃ tvaṃ vāṃchasi kasmātpārvatī kiṃ mamādhikā | tapasvinī nirālaṃbā saṃsaktā sthāṇave sadā
Sanskrit only: no published translation is held for this verse.
सुतानुरागिणी वंध्या ततः कृत्रिमपुत्रिका । वृथास्तुता नारदेन तां त्यजस्व भजस्व माम्
sutānurāgiṇī vaṃdhyā tataḥ kṛtrimaputrikā | vṛthāstutā nāradena tāṃ tyajasva bhajasva mām
Sanskrit only: no published translation is held for this verse.
इति वृंदावचः श्रुत्वा प्रत्युवाचार्णवात्मजः । अदृष्ट्वा पार्वतीरूपं मच्चेतो न निवर्तते
iti vṛṃdāvacaḥ śrutvā pratyuvācārṇavātmajaḥ | adṛṣṭvā pārvatīrūpaṃ macceto na nivartate
Sanskrit only: no published translation is held for this verse.
वृंदे त्वया जनपदो राजधानी प्रपाल्यताम् । स्मर्तव्योऽहं सदा चंडि यदि मां हंति शंकरः
vṛṃde tvayā janapado rājadhānī prapālyatām | smartavyo'haṃ sadā caṃḍi yadi māṃ haṃti śaṃkaraḥ
Sanskrit only: no published translation is held for this verse.
इति भर्तृवचः श्रुत्वा वृंदा हाससमन्विता । जगाम शिबिकारूढा पीठं जालंधरं तदा
iti bhartṛvacaḥ śrutvā vṛṃdā hāsasamanvitā | jagāma śibikārūḍhā pīṭhaṃ jālaṃdharaṃ tadā
Sanskrit only: no published translation is held for this verse.
नारद उवाच-। अथ प्रतस्थे कैलासं सिंधुसूनुर्महाबलः । महापद्मसहस्राणां षष्ट्या सैन्येन संवृतः
nārada uvāca-| atha pratasthe kailāsaṃ siṃdhusūnurmahābalaḥ | mahāpadmasahasrāṇāṃ ṣaṣṭyā sainyena saṃvṛtaḥ
Sanskrit only: no published translation is held for this verse.
अत्रांतरे परित्यज्य कैलांसं शंकरो गतः । गणपुत्रप्रियायुक्तः कैलासं मानसोत्तरम्
atrāṃtare parityajya kailāṃsaṃ śaṃkaro gataḥ | gaṇaputrapriyāyuktaḥ kailāsaṃ mānasottaram
Sanskrit only: no published translation is held for this verse.
जालंधरस्ततः प्राप्तः कैलासं प्रथमेऽहनि । सेनाः संस्थाप्य कैलास आलोकनकुतूहली
jālaṃdharastataḥ prāptaḥ kailāsaṃ prathame'hani | senāḥ saṃsthāpya kailāsa ālokanakutūhalī
Sanskrit only: no published translation is held for this verse.
दिव्यकेसरमंदाररजःपुंज परिश्रिताः । शीतांबुशीकरासारैः प्रभुग्ना वांति वायवः
divyakesaramaṃdārarajaḥpuṃja pariśritāḥ | śītāṃbuśīkarāsāraiḥ prabhugnā vāṃti vāyavaḥ
Sanskrit only: no published translation is held for this verse.
यत्र सिद्धांगना पीनस्तनोत्तुंगतरंगिणः । मंदारमकरंदाढ्याः सुंदरा वांति वायवः
yatra siddhāṃganā pīnastanottuṃgataraṃgiṇaḥ | maṃdāramakaraṃdāḍhyāḥ suṃdarā vāṃti vāyavaḥ
Sanskrit only: no published translation is held for this verse.
यत्राशोकरुचिस्निग्धपादन्यासं च योषिताम् । विलोक्य दानवेंद्रोभून्मनोरथसमाकुलः
yatrāśokarucisnigdhapādanyāsaṃ ca yoṣitām | vilokya dānaveṃdrobhūnmanorathasamākulaḥ
Sanskrit only: no published translation is held for this verse.
प्राप्नुवंति सुराः प्रीतिं स्वबिंबालोकहर्षिताः । यत्र किन्नरकांतानां सुरतव्यंजितप्रभाः
prāpnuvaṃti surāḥ prītiṃ svabiṃbālokaharṣitāḥ | yatra kinnarakāṃtānāṃ suratavyaṃjitaprabhāḥ
Sanskrit only: no published translation is held for this verse.
विभांति सर्वतस्तत्र मंदाराः शीर्णपल्लवाः । यत्र शंभुगणाक्रांता नानावेलाकुलद्रुमाः
vibhāṃti sarvatastatra maṃdārāḥ śīrṇapallavāḥ | yatra śaṃbhugaṇākrāṃtā nānāvelākuladrumāḥ
Sanskrit only: no published translation is held for this verse.
भांति मन्मथभूपाल यशसा सुधृता इव । यत्र चंदनकस्तूरी गंधोन्मत्तालिसंचयाः । विभांति दग्धकंदर्प्प निर्वाणांगारसन्निभाः
bhāṃti manmathabhūpāla yaśasā sudhṛtā iva | yatra caṃdanakastūrī gaṃdhonmattālisaṃcayāḥ | vibhāṃti dagdhakaṃdarppa nirvāṇāṃgārasannibhāḥ
Sanskrit only: no published translation is held for this verse.
यत्रांगनानां सकलं विलोक्य सौरभ्यमत्युत्तमकांतिमित्रम् । मन्ये परिष्वक्तमनोविनोदा कस्तूरिका गाहति कालिमानम्
yatrāṃganānāṃ sakalaṃ vilokya saurabhyamatyuttamakāṃtimitram | manye pariṣvaktamanovinodā kastūrikā gāhati kālimānam
Sanskrit only: no published translation is held for this verse.
क्वचित्प्रवरगैरिकासमसमुल्लसत् पंकजं लवंगदलसन्निभासनचलच्चकोरं क्वचित् । क्वचिद्गिरिसरित्तटीतरणिवत्स्फुरत्कुंडलं चलन्निचुलमंजरीविनयनम्रभृंगं क्वचित्
kvacitpravaragairikāsamasamullasat paṃkajaṃ lavaṃgadalasannibhāsanacalaccakoraṃ kvacit | kvacidgirisarittaṭītaraṇivatsphuratkuṃḍalaṃ calanniculamaṃjarīvinayanamrabhṛṃgaṃ kvacit
Sanskrit only: no published translation is held for this verse.
क्वचिद्दलितकोकिलाकुलितनूत्नचूतांकुरं कुरंगकुलसेवितं प्रबलशालिमूलं क्वचित् । क्वचित्प्रवरसुंदरैः सुरवधूपदैः पावनं वनं नयति विक्रियामिह मनो मुनीनामपि
kvaciddalitakokilākulitanūtnacūtāṃkuraṃ kuraṃgakulasevitaṃ prabalaśālimūlaṃ kvacit | kvacitpravarasuṃdaraiḥ suravadhūpadaiḥ pāvanaṃ vanaṃ nayati vikriyāmiha mano munīnāmapi
Sanskrit only: no published translation is held for this verse.
एवंगुणसमायुक्तं विलोक्य हरमंदिरम् । विचित्रं चापि कैलासं सर्वरत्नसमाश्रयम्
evaṃguṇasamāyuktaṃ vilokya haramaṃdiram | vicitraṃ cāpi kailāsaṃ sarvaratnasamāśrayam
Sanskrit only: no published translation is held for this verse.
अत्यंतविस्मितो दैत्यः प्रोवाच भृगुनंदनम् । कस्मात्तं तापसं तात प्रवदंति भवादृशाः
atyaṃtavismito daityaḥ provāca bhṛgunaṃdanam | kasmāttaṃ tāpasaṃ tāta pravadaṃti bhavādṛśāḥ
Sanskrit only: no published translation is held for this verse.
तादृशी यस्य सा भार्या गृहमीदृङ्मनोहरम् । तत्रादृष्ट्वावदच्छंभुं हरः कुत्र गतः कवे
tādṛśī yasya sā bhāryā gṛhamīdṛṅmanoharam | tatrādṛṣṭvāvadacchaṃbhuṃ haraḥ kutra gataḥ kave
Sanskrit only: no published translation is held for this verse.
कथं मम भयाच्चेति पृष्टः प्रोवाच भार्गवः । देवशंभुर्महाशैलमगम्यं मानसोत्तरम्
kathaṃ mama bhayācceti pṛṣṭaḥ provāca bhārgavaḥ | devaśaṃbhurmahāśailamagamyaṃ mānasottaram
Sanskrit only: no published translation is held for this verse.
ययौ तत्र महादेवो गंतुं चान्यैर्न शक्यते । इति काव्यवचः श्रुत्वा प्राह दैत्यो महाबलः
yayau tatra mahādevo gaṃtuṃ cānyairna śakyate | iti kāvyavacaḥ śrutvā prāha daityo mahābalaḥ
Sanskrit only: no published translation is held for this verse.
जालंधर उवाच-। अहं यास्यामि देवेशं त्वं पुरा गच्छ भार्गव । इत्युक्त्वा प्रययौ तत्र यत्रास्ते शंकरः स्वयम्
jālaṃdhara uvāca-| ahaṃ yāsyāmi deveśaṃ tvaṃ purā gaccha bhārgava | ityuktvā prayayau tatra yatrāste śaṃkaraḥ svayam
Sanskrit only: no published translation is held for this verse.
अपश्यत्तं गिरिवरं सिंधुजो मानसोत्तरम् । तस्य षष्टिसहस्राणि योजनानां समुच्छ्रयः
apaśyattaṃ girivaraṃ siṃdhujo mānasottaram | tasya ṣaṣṭisahasrāṇi yojanānāṃ samucchrayaḥ
Sanskrit only: no published translation is held for this verse.
स शैलो मानसो राजन्दैत्यसैन्यैः समावृतः । बहवो दैत्यराजानः शैलमारुरुहुर्द्रुतम्
sa śailo mānaso rājandaityasainyaiḥ samāvṛtaḥ | bahavo daityarājānaḥ śailamāruruhurdrutam
Sanskrit only: no published translation is held for this verse.
छत्रांधकारं पर्यासीत्वाद्यनादेन वेपथुः । सैन्यकोलाहलस्तेषां पूरयामास रोदसी
chatrāṃdhakāraṃ paryāsītvādyanādena vepathuḥ | sainyakolāhalasteṣāṃ pūrayāmāsa rodasī
Sanskrit only: no published translation is held for this verse.
नारद उवाच-। अथैवमागतं दृष्ट्वा दैत्यसैन्यं महत्तदा । अत्युच्चे स गिरेः शृंगे स्थाप्य गौरीं सखीवृताम् 6.11.५०। भगवांश्च गणैः सर्वैः सन्नद्धैर्युद्धदुर्मदैः । त्रिंशन्महाब्जसाहस्रैः प्रमथानां वृतः शिवः
nārada uvāca-| athaivamāgataṃ dṛṣṭvā daityasainyaṃ mahattadā | atyucce sa gireḥ śṛṃge sthāpya gaurīṃ sakhīvṛtām 6.11.50| bhagavāṃśca gaṇaiḥ sarvaiḥ sannaddhairyuddhadurmadaiḥ | triṃśanmahābjasāhasraiḥ pramathānāṃ vṛtaḥ śivaḥ
Sanskrit only: no published translation is held for this verse.
उवाच नंदिनं शंभुर्गणानामधिपं त्वया । प्रहर्तव्यो महादैत्यो वीरो जालंधरो रणे
uvāca naṃdinaṃ śaṃbhurgaṇānāmadhipaṃ tvayā | prahartavyo mahādaityo vīro jālaṃdharo raṇe
Sanskrit only: no published translation is held for this verse.
महाकालादिभिः शूरैर्याहि त्वं परिवारितः । तावदाजौ त्वया तस्माद्योद्धव्यमतिपौरुषात्
mahākālādibhiḥ śūrairyāhi tvaṃ parivāritaḥ | tāvadājau tvayā tasmādyoddhavyamatipauruṣāt
Sanskrit only: no published translation is held for this verse.
यावद्युद्धे नारिजयो मम वीर भविष्यति । इति शंभोर्वचः श्रुत्वा स च सारथिमब्रवीत्
yāvadyuddhe nārijayo mama vīra bhaviṣyati | iti śaṃbhorvacaḥ śrutvā sa ca sārathimabravīt
Sanskrit only: no published translation is held for this verse.
काकतुंडरथं मेऽद्य समानय महामते । नंदिनो वचनं श्रुत्वा सोपि स्यंदनमाहरत्
kākatuṃḍarathaṃ me'dya samānaya mahāmate | naṃdino vacanaṃ śrutvā sopi syaṃdanamāharat
Sanskrit only: no published translation is held for this verse.
द्वात्रिंशदश्वसंयुक्तं चक्रषोडशसंयुतम् । षष्टिध्वजसमोपेतं द्वात्रिंशद्योजनायुतम्
dvātriṃśadaśvasaṃyuktaṃ cakraṣoḍaśasaṃyutam | ṣaṣṭidhvajasamopetaṃ dvātriṃśadyojanāyutam
Sanskrit only: no published translation is held for this verse.
सर्वशस्त्रैश्च संपूर्णं प्राप्तं सांग्रामिकं रथम् । नंदिनश्चक्ररक्षार्थं पुत्रौ स्कंदविनायकौ
sarvaśastraiśca saṃpūrṇaṃ prāptaṃ sāṃgrāmikaṃ ratham | naṃdinaścakrarakṣārthaṃ putrau skaṃdavināyakau
Sanskrit only: no published translation is held for this verse.
समादिष्टौ शंकरेण सन्नद्धौ तौ स्ववाहनौ । गणैः परिवृतो नंदी वाग्भिः संपूज्य चेश्वरम्
samādiṣṭau śaṃkareṇa sannaddhau tau svavāhanau | gaṇaiḥ parivṛto naṃdī vāgbhiḥ saṃpūjya ceśvaram
Sanskrit only: no published translation is held for this verse.
नंदी रथं समारुह्य निर्ययौ दानवान्प्रति । विराजते तस्य मूर्ध्नि छत्रं द्वादशयोजनम्
naṃdī rathaṃ samāruhya niryayau dānavānprati | virājate tasya mūrdhni chatraṃ dvādaśayojanam
Sanskrit only: no published translation is held for this verse.
यावत्स निर्ययौ नंदी तावत्ते दानवाः पुरः । शैलोपरि समारूढा दानवा घोरदर्शनाः
yāvatsa niryayau naṃdī tāvatte dānavāḥ puraḥ | śailopari samārūḍhā dānavā ghoradarśanāḥ
Sanskrit only: no published translation is held for this verse.
गणानामायुधैस्तीक्ष्णैः निहताः पतिता भुवि । हन्यमाना गणैर्दैत्यास्तत्यजुर्दूरतो गिरिम्
gaṇānāmāyudhaistīkṣṇaiḥ nihatāḥ patitā bhuvi | hanyamānā gaṇairdaityāstatyajurdūrato girim
Sanskrit only: no published translation is held for this verse.
ततो धूमसमं तस्मादवरुह्य शिलोच्चयात् । जघ्नुर्दैत्यान्शितैः शस्त्रैर्गणा राजन्महाबलान्
tato dhūmasamaṃ tasmādavaruhya śiloccayāt | jaghnurdaityānśitaiḥ śastrairgaṇā rājanmahābalān
Sanskrit only: no published translation is held for this verse.
अमरैराचितं दृष्ट्वा रुरुधुर्दैत्यसैनिकाः । ततः समभवद्युद्धं गणानां दानवैः सह
amarairācitaṃ dṛṣṭvā rurudhurdaityasainikāḥ | tataḥ samabhavadyuddhaṃ gaṇānāṃ dānavaiḥ saha
Sanskrit only: no published translation is held for this verse.
शरवर्षमथात्युग्रं दानवानां दिवौकसाम् । ततः समस्तान्मातंगाञ्जघ्नुः शिखिमुखा रणे
śaravarṣamathātyugraṃ dānavānāṃ divaukasām | tataḥ samastānmātaṃgāñjaghnuḥ śikhimukhā raṇe
Sanskrit only: no published translation is held for this verse.
रथान्हयान्पदातींश्च काकतुंडा महाबलाः । हतानां दैत्यसंघांनां संगरे भृशमायिनाम्
rathānhayānpadātīṃśca kākatuṃḍā mahābalāḥ | hatānāṃ daityasaṃghāṃnāṃ saṃgare bhṛśamāyinām
Sanskrit only: no published translation is held for this verse.
शिरोभिर्गगनं व्याप्तं प्रहसद्भिर्भयावहैः । मुक्तकेशारुणमुखैर्भीमदंष्ट्राविलोचनैः
śirobhirgaganaṃ vyāptaṃ prahasadbhirbhayāvahaiḥ | muktakeśāruṇamukhairbhīmadaṃṣṭrāvilocanaiḥ
Sanskrit only: no published translation is held for this verse.
सिंहैः कबंधजंघोरुकटिपृष्ठनिकृंतनैः । चिता सर्वत्र वसुधा कबंधैरुधिरारुणैः
siṃhaiḥ kabaṃdhajaṃghorukaṭipṛṣṭhanikṛṃtanaiḥ | citā sarvatra vasudhā kabaṃdhairudhirāruṇaiḥ
Sanskrit only: no published translation is held for this verse.
ततो विरावः सुमहान्बभूव दैत्येश्वराणां ध्वजिनीषु धावताम् । शंभोर्गणैः पातितसैनिकानां यथार्णवानां नदतां युगक्षये
tato virāvaḥ sumahānbabhūva daityeśvarāṇāṃ dhvajinīṣu dhāvatām | śaṃbhorgaṇaiḥ pātitasainikānāṃ yathārṇavānāṃ nadatāṃ yugakṣaye
Sanskrit only: no published translation is held for this verse.