Library·Padma Purāṇa·6·6.12
नारद उवाच- दैत्यसैन्यं हतं दृष्ट्वा गणैर्नंदिपुरोगमैः । क्रुद्धाः शुंभादयो दैत्याः समाजग्मुर्गणान्प्रति
nārada uvāca- daityasainyaṃ hataṃ dṛṣṭvā gaṇairnaṃdipurogamaiḥ | kruddhāḥ śuṃbhādayo daityāḥ samājagmurgaṇānprati
Sanskrit only: no published translation is held for this verse.
ततः शुंभो महादैत्यो नंदिनं प्रत्ययुध्यत । महाकालं निशुंभोऽथ कालो लोकेश्वरं रणे
tataḥ śuṃbho mahādaityo naṃdinaṃ pratyayudhyata | mahākālaṃ niśuṃbho'tha kālo lokeśvaraṃ raṇe
Sanskrit only: no published translation is held for this verse.
पुष्पदंतं शैलरोमा माल्यवंतं महाबलः । कोलाहलो रणे राजन्प्राप्तो मायाबलेन च
puṣpadaṃtaṃ śailaromā mālyavaṃtaṃ mahābalaḥ | kolāhalo raṇe rājanprāpto māyābalena ca
Sanskrit only: no published translation is held for this verse.
चंडं भयानको नाम राहुः स्कंदमधावत । कूष्मांडं सर्परोमा च घर्घरो मदनं तथा
caṃḍaṃ bhayānako nāma rāhuḥ skaṃdamadhāvata | kūṣmāṃḍaṃ sarparomā ca ghargharo madanaṃ tathā
Sanskrit only: no published translation is held for this verse.
शुभं केतुमुखो हंतुं ययौ जंभो विनायकम् । हासं पातालकेतुश्च भृंगीशं रोमकंटकः
śubhaṃ ketumukho haṃtuṃ yayau jaṃbho vināyakam | hāsaṃ pātālaketuśca bhṛṃgīśaṃ romakaṃṭakaḥ
Sanskrit only: no published translation is held for this verse.
युयुधुः कोटिशो रुद्रगणा दैत्याः परस्परम् । पश्यतोरुभयोस्तत्र स्वामिनोरिति ते युधि
yuyudhuḥ koṭiśo rudragaṇā daityāḥ parasparam | paśyatorubhayostatra svāminoriti te yudhi
Sanskrit only: no published translation is held for this verse.
दृढप्रहारिणो जघ्नुर्गणा दैत्याः शरैरथ । नंदी मुमोच तान्बाणान्महासारो यथा नगे
dṛḍhaprahāriṇo jaghnurgaṇā daityāḥ śarairatha | naṃdī mumoca tānbāṇānmahāsāro yathā nage
Sanskrit only: no published translation is held for this verse.
ततः संपूरयामास मुखं शुंभस्य पत्रिभिः । यथा पर्णचयैर्वातो मंदरस्येव कंदरम्
tataḥ saṃpūrayāmāsa mukhaṃ śuṃbhasya patribhiḥ | yathā parṇacayairvāto maṃdarasyeva kaṃdaram
Sanskrit only: no published translation is held for this verse.
शुंभोऽथ कार्मुकं त्यक्त्वा रथात्तं प्रत्यधावत । उत्पाट्य च गिरिं तेन जघान हृदि नंदिनः
śuṃbho'tha kārmukaṃ tyaktvā rathāttaṃ pratyadhāvata | utpāṭya ca giriṃ tena jaghāna hṛdi naṃdinaḥ
Sanskrit only: no published translation is held for this verse.
नंदिनो हृदयं भित्त्वा चूर्णयित्वा रथं रणे । पपात भूमौ स गिरिर्वज्रं प्राप्य गिरिं यथा
naṃdino hṛdayaṃ bhittvā cūrṇayitvā rathaṃ raṇe | papāta bhūmau sa girirvajraṃ prāpya giriṃ yathā
Sanskrit only: no published translation is held for this verse.
मूर्च्छां प्राप्य क्षणात्संज्ञां वेगवान्स पलायितः । महाकालो निशुंभेन मुद्गरेण हतो हृदि
mūrcchāṃ prāpya kṣaṇātsaṃjñāṃ vegavānsa palāyitaḥ | mahākālo niśuṃbhena mudgareṇa hato hṛdi
Sanskrit only: no published translation is held for this verse.
आगत्य दैत्यं गदया जघान मुकुटोपरि । तत्प्रहारमचिंत्याथ निशुंभोऽपि महाबलः
āgatya daityaṃ gadayā jaghāna mukuṭopari | tatprahāramaciṃtyātha niśuṃbho'pi mahābalaḥ
Sanskrit only: no published translation is held for this verse.
तं गृहीत्वा चरणयोर्महाकालं महाबलः । भ्रामयित्वा करतलाच्चिक्षेप च ननाद च
taṃ gṛhītvā caraṇayormahākālaṃ mahābalaḥ | bhrāmayitvā karatalāccikṣepa ca nanāda ca
Sanskrit only: no published translation is held for this verse.
स तद्वक्त्रानिलं पीत्वा ननाद रुधिरारुणः । पुष्पदंतः शैलरोम्णा चाहतो मुष्टिना मुखे
sa tadvaktrānilaṃ pītvā nanāda rudhirāruṇaḥ | puṣpadaṃtaḥ śailaromṇā cāhato muṣṭinā mukhe
Sanskrit only: no published translation is held for this verse.
गदया शैलरोमाणं हत्वा भूमौ न्यपातयत् । तं दृष्ट्वा पतितं भूमौ गिरिकेतुर्महाबलः
gadayā śailaromāṇaṃ hatvā bhūmau nyapātayat | taṃ dṛṣṭvā patitaṃ bhūmau giriketurmahābalaḥ
Sanskrit only: no published translation is held for this verse.
पुष्पदंतं महाभीमं मुद्गरेण व्यपोथयत् । पुष्पंदंतोऽथ खड्गेन गिरिकेतोः शिरोऽछिनत्
puṣpadaṃtaṃ mahābhīmaṃ mudgareṇa vyapothayat | puṣpaṃdaṃto'tha khaḍgena giriketoḥ śiro'chinat
Sanskrit only: no published translation is held for this verse.
गृहीत्वा चर्म खड्गं च गिरिकेतोरधावत । शिरस्तं प्राह किं यासि मां त्यक्त्वा समरार्थिनम्
gṛhītvā carma khaḍgaṃ ca giriketoradhāvata | śirastaṃ prāha kiṃ yāsi māṃ tyaktvā samarārthinam
Sanskrit only: no published translation is held for this verse.
शिरोहीने च कायेऽस्मिन्किं तु धावन्न लज्जसे । इत्युक्ते शिरसा तेन कबंधेन तु पादयोः
śirohīne ca kāye'sminkiṃ tu dhāvanna lajjase | ityukte śirasā tena kabaṃdhena tu pādayoḥ
Sanskrit only: no published translation is held for this verse.
विधृतः पुष्पदंतश्च कुक्षौ तीक्ष्णासिनाच्छिनत् । निश्चक्रामासुरः कुक्षेः शतशीर्षो महाबलः
vidhṛtaḥ puṣpadaṃtaśca kukṣau tīkṣṇāsinācchinat | niścakrāmāsuraḥ kukṣeḥ śataśīrṣo mahābalaḥ
Sanskrit only: no published translation is held for this verse.
द्विशताक्षिसमायुक्तः शतद्वयभुजाकुलः । भ्रमत्तस्य शिरो राजन्कबंधोपांतमागमत्
dviśatākṣisamāyuktaḥ śatadvayabhujākulaḥ | bhramattasya śiro rājankabaṃdhopāṃtamāgamat
Sanskrit only: no published translation is held for this verse.
तच्छिरः प्राप्तमालोक्य पुष्पदंतोऽसिनाच्छिनत् । ततो भूकंपनो नाम ज्वरो दैत्यो भयावहः
tacchiraḥ prāptamālokya puṣpadaṃto'sinācchinat | tato bhūkaṃpano nāma jvaro daityo bhayāvahaḥ
Sanskrit only: no published translation is held for this verse.
पुष्पंदंतस्तदा तत्र द्वाभ्यां राजन्विमर्दितः । ज्वरेण तेन च क्लिष्टो दुःसहेनातिवेगिना
puṣpaṃdaṃtastadā tatra dvābhyāṃ rājanvimarditaḥ | jvareṇa tena ca kliṣṭo duḥsahenātiveginā
Sanskrit only: no published translation is held for this verse.
त्यक्त्वा शिवगणः संख्यं कंपमानो गिरिं ययौ । कोलाहलो महाधन्वी माल्यवंतं शरैस्त्रिभिः
tyaktvā śivagaṇaḥ saṃkhyaṃ kaṃpamāno giriṃ yayau | kolāhalo mahādhanvī mālyavaṃtaṃ śaraistribhiḥ
Sanskrit only: no published translation is held for this verse.
विव्याध स्कंधयोर्भाले माल्यवांश्च ततोऽसुरम् । बाणाहतो माल्यवता शस्त्रैर्नानाविधैः शितैः
vivyādha skaṃdhayorbhāle mālyavāṃśca tato'suram | bāṇāhato mālyavatā śastrairnānāvidhaiḥ śitaiḥ
Sanskrit only: no published translation is held for this verse.
कोलाहलः प्रहृतवान्दर्शयन्नात्मलाघवम् । सोऽपि हेति व्यथां त्यक्त्वा माल्यवांश्च गणाग्रणीः
kolāhalaḥ prahṛtavāndarśayannātmalāghavam | so'pi heti vyathāṃ tyaktvā mālyavāṃśca gaṇāgraṇīḥ
Sanskrit only: no published translation is held for this verse.
गिरिं गृहीत्वा तेनाजौ कोलाहलमथाहनत् । निश्चक्राम ज्वरस्तस्माज्ज्वलनो नाम भीषणः
giriṃ gṛhītvā tenājau kolāhalamathāhanat | niścakrāma jvarastasmājjvalano nāma bhīṣaṇaḥ
Sanskrit only: no published translation is held for this verse.
त्रिशीर्षो नवहस्तश्च नवपादोऽतिपिंगलः । स ज्वरो मोहयामास माल्यवंतं स्वतेजसा
triśīrṣo navahastaśca navapādo'tipiṃgalaḥ | sa jvaro mohayāmāsa mālyavaṃtaṃ svatejasā
Sanskrit only: no published translation is held for this verse.
माल्यवान्समरं त्यक्त्वा पराक्रांतो गिरिं ययौ । चंडिर्भयानकेनाजौ पाशेन हृदये हतः
mālyavānsamaraṃ tyaktvā parākrāṃto giriṃ yayau | caṃḍirbhayānakenājau pāśena hṛdaye hataḥ
Sanskrit only: no published translation is held for this verse.
हयो विनिर्गतस्तस्मात्क्षिप्तः सोऽपि च सागरे । कार्त्तिकेयो रणे राहुं शितैर्बाणैः समाहनत्
hayo vinirgatastasmātkṣiptaḥ so'pi ca sāgare | kārttikeyo raṇe rāhuṃ śitairbāṇaiḥ samāhanat
Sanskrit only: no published translation is held for this verse.
आच्छाद्य शरजालैश्च शीघ्रं शक्तिं मुमोच ह । आपतंतीं महाशक्तिं ज्वलंतीमिव तेजसा
ācchādya śarajālaiśca śīghraṃ śaktiṃ mumoca ha | āpataṃtīṃ mahāśaktiṃ jvalaṃtīmiva tejasā
Sanskrit only: no published translation is held for this verse.
दृष्ट्वा राहुः खमुत्पत्य कराभ्यां जगृहे द्रुतम् । स तां शक्तिं गृहीत्वा तु विनद्योच्चैः पुनः पुनः
dṛṣṭvā rāhuḥ khamutpatya karābhyāṃ jagṛhe drutam | sa tāṃ śaktiṃ gṛhītvā tu vinadyoccaiḥ punaḥ punaḥ
Sanskrit only: no published translation is held for this verse.
स्वर्भानुः शिरसोनोपि तस्य शक्त्या जघान तम् । वक्षस्यभिहते शक्त्या तद्देहान्निर्गता सरित्
svarbhānuḥ śirasonopi tasya śaktyā jaghāna tam | vakṣasyabhihate śaktyā taddehānnirgatā sarit
Sanskrit only: no published translation is held for this verse.
तया संप्लावितः पुत्रो महादेवस्य संयुगे । कथंचित्सा नदी रुद्धा समं पूरो गिरिं ययौ
tayā saṃplāvitaḥ putro mahādevasya saṃyuge | kathaṃcitsā nadī ruddhā samaṃ pūro giriṃ yayau
Sanskrit only: no published translation is held for this verse.
श्रुत्वार्णवजो ज्वरतः कटककदंबस्य कर्कशं विरुतम् । सुस्वरवचनविदग्धं तमपि च कोकिलापतिं न सस्मार
śrutvārṇavajo jvarataḥ kaṭakakadaṃbasya karkaśaṃ virutam | susvaravacanavidagdhaṃ tamapi ca kokilāpatiṃ na sasmāra
Sanskrit only: no published translation is held for this verse.
शरैः किरंतं दहनमसिना बर्बरोऽवधीत् । कूष्मांडो निहतो मूर्ध्नि सर्परोम्णाथ मुष्टिना
śaraiḥ kiraṃtaṃ dahanamasinā barbaro'vadhīt | kūṣmāṃḍo nihato mūrdhni sarparomṇātha muṣṭinā
Sanskrit only: no published translation is held for this verse.
पातालकेतुना हासो मुद्गरेण समाहतः । तस्य देहाद्विनिष्क्रम्य हस्ती मुद्गरमाभुनक्
pātālaketunā hāso mudgareṇa samāhataḥ | tasya dehādviniṣkramya hastī mudgaramābhunak
Sanskrit only: no published translation is held for this verse.
शुंडायां मुष्टिघातेन हतः पातालकेतुना । आयुधैर्जर्जरं चक्रे भृंगीशं रोमकंटकः
śuṃḍāyāṃ muṣṭighātena hataḥ pātālaketunā | āyudhairjarjaraṃ cakre bhṛṃgīśaṃ romakaṃṭakaḥ
Sanskrit only: no published translation is held for this verse.
भृंगीशोऽपि रणाद्भीतस्त्वरन्नेव गिरिं ययौ । सहसा धूम्रवर्णश्च शुभ्रः केतुमुखेऽपतत्
bhṛṃgīśo'pi raṇādbhītastvaranneva giriṃ yayau | sahasā dhūmravarṇaśca śubhraḥ ketumukhe'patat
Sanskrit only: no published translation is held for this verse.
गणं गिलितवान्दैत्यो महाकायो महाननः । हाहाकारो महानासीद्गिलिते केतुना रणे
gaṇaṃ gilitavāndaityo mahākāyo mahānanaḥ | hāhākāro mahānāsīdgilite ketunā raṇe
Sanskrit only: no published translation is held for this verse.
जृंभस्य निशितैर्बाणैश्छिन्नांगोऽथ विनायकः । शुंडादंडं परशुना तस्य चिच्छेद दंतिनः
jṛṃbhasya niśitairbāṇaiśchinnāṃgo'tha vināyakaḥ | śuṃḍādaṃḍaṃ paraśunā tasya ciccheda daṃtinaḥ
Sanskrit only: no published translation is held for this verse.
जृंभासुरो जघानाथ शक्त्या लंबोदरोदरम् । मूषकोऽपि शरैर्भिन्नः प्रविवेश गुहामुखम्
jṛṃbhāsuro jaghānātha śaktyā laṃbodarodaram | mūṣako'pi śarairbhinnaḥ praviveśa guhāmukham
Sanskrit only: no published translation is held for this verse.
विनायकः प्रहारार्त्तो विललापाकुलो रणे । हा मातस्तात हा भ्रातर्हा मूषक मम प्रिय
vināyakaḥ prahārārtto vilalāpākulo raṇe | hā mātastāta hā bhrātarhā mūṣaka mama priya
Sanskrit only: no published translation is held for this verse.
गणेशक्रंदितं श्रुत्वा भगवत्या तया तदा । समेत्य कूटादन्यस्मात्पार्वत्योक्तः शिवस्तदा
gaṇeśakraṃditaṃ śrutvā bhagavatyā tayā tadā | sametya kūṭādanyasmātpārvatyoktaḥ śivastadā
Sanskrit only: no published translation is held for this verse.
हेरंबो वध्यते दैत्यैः स्कंदोऽपि विनिपातितः । शिव किं क्रीडसे शैले रक्ष पुत्रौ गणानपि
heraṃbo vadhyate daityaiḥ skaṃdo'pi vinipātitaḥ | śiva kiṃ krīḍase śaile rakṣa putrau gaṇānapi
Sanskrit only: no published translation is held for this verse.
सदा शूलादिशस्त्राणां धृतानामद्य वै क्षणः । अथ गौर्या वचः श्रुत्वा वीरभद्रं शिवोऽब्रवीत्
sadā śūlādiśastrāṇāṃ dhṛtānāmadya vai kṣaṇaḥ | atha gauryā vacaḥ śrutvā vīrabhadraṃ śivo'bravīt
Sanskrit only: no published translation is held for this verse.
वृषः सज्जीयतां शीघ्रमित्युक्ते स तदाकरोत् । बबंध मुकुटं तस्य शृंगयोर्भास्करप्रभम्
vṛṣaḥ sajjīyatāṃ śīghramityukte sa tadākarot | babaṃdha mukuṭaṃ tasya śṛṃgayorbhāskaraprabham
Sanskrit only: no published translation is held for this verse.
कंठे घंटाशतं बद्ध्वा कर्णयोर्दर्पणौ धृतौ । स्कंधे च किंकिणीजालं चरणे नूपुरं महत्
kaṃṭhe ghaṃṭāśataṃ baddhvā karṇayordarpaṇau dhṛtau | skaṃdhe ca kiṃkiṇījālaṃ caraṇe nūpuraṃ mahat
Sanskrit only: no published translation is held for this verse.
पुच्छे चामरसाहस्रं तस्य पाशाष्टकं मुखे । कल्याणी च तदा देवी शर्वपार्श्वे व्यस्थिता
pucche cāmarasāhasraṃ tasya pāśāṣṭakaṃ mukhe | kalyāṇī ca tadā devī śarvapārśve vyasthitā
Sanskrit only: no published translation is held for this verse.
पाशाष्टकेन संयुक्ता तत्र खड्गधरांबिका । न्यस्तानि सर्वशस्त्राणि स वृषः सज्जितो बभौ
pāśāṣṭakena saṃyuktā tatra khaḍgadharāṃbikā | nyastāni sarvaśastrāṇi sa vṛṣaḥ sajjito babhau
Sanskrit only: no published translation is held for this verse.
पार्वत्या भूषितः सोऽथ निजया घंटमालया । कृतं च तिलकं देव्या प्रोक्तः सत्कृतिपूर्वकम् 6.12.५०। हरस्त्वया न मोक्तव्यो वृषेन्द्र रणसंकटे । आगंतव्यमरीन्जित्वा शंभुना सह संगरे
pārvatyā bhūṣitaḥ so'tha nijayā ghaṃṭamālayā | kṛtaṃ ca tilakaṃ devyā proktaḥ satkṛtipūrvakam 6.12.50| harastvayā na moktavyo vṛṣendra raṇasaṃkaṭe | āgaṃtavyamarīnjitvā śaṃbhunā saha saṃgare
Sanskrit only: no published translation is held for this verse.
इति श्रुत्वा वचो देव्या हरो वृषमथारुहत् । धृत्वायुधसहस्रं तु निजालंकारभूषितः । रणं गच्छामि तां प्राह पार्वतीं प्रति सादरम्
iti śrutvā vaco devyā haro vṛṣamathāruhat | dhṛtvāyudhasahasraṃ tu nijālaṃkārabhūṣitaḥ | raṇaṃ gacchāmi tāṃ prāha pārvatīṃ prati sādaram
Sanskrit only: no published translation is held for this verse.
ईश्वर उवाच- त्वं तिष्ठसि स्वरूपाणि एकाकिन्यपि सस्पृहा । भामिनी दुरभिप्राया दानवा हि समागताः
īśvara uvāca- tvaṃ tiṣṭhasi svarūpāṇi ekākinyapi saspṛhā | bhāminī durabhiprāyā dānavā hi samāgatāḥ
Sanskrit only: no published translation is held for this verse.
तस्मात्त्वयात्मनैवात्मा रक्षणीयो वरानने । इत्युक्त्वा वृषभारूढो ययौ रुद्रो रणांगणम्
tasmāttvayātmanaivātmā rakṣaṇīyo varānane | ityuktvā vṛṣabhārūḍho yayau rudro raṇāṃgaṇam
Sanskrit only: no published translation is held for this verse.
त्रिंशन्महाब्जसाहस्रैः प्रमथानां वृतः शिवः । वीरभद्रो रथेनाशु सिंहयुक्तेन सत्वरः
triṃśanmahābjasāhasraiḥ pramathānāṃ vṛtaḥ śivaḥ | vīrabhadro rathenāśu siṃhayuktena satvaraḥ
Sanskrit only: no published translation is held for this verse.
वामपार्श्वं महेशस्य शूरो रक्षति पार्थिव । मणिभद्रो ऽश्वयुक्तेन रथेन परवीरहा
vāmapārśvaṃ maheśasya śūro rakṣati pārthiva | maṇibhadro 'śvayuktena rathena paravīrahā
Sanskrit only: no published translation is held for this verse.
दक्षिणं धूर्जटेः पार्श्वं संरक्षति धनुर्द्धरः । तुंगादुत्तीर्य शैलेंद्राद्रणं प्राप्तो गणैः सह
dakṣiṇaṃ dhūrjaṭeḥ pārśvaṃ saṃrakṣati dhanurddharaḥ | tuṃgāduttīrya śaileṃdrādraṇaṃ prāpto gaṇaiḥ saha
Sanskrit only: no published translation is held for this verse.
दृष्ट्वा जगर्जुस्ते दैत्या महेशानं वृषस्थितम् । ततो महान्निनादोऽभूद्दैत्यप्रमथसेनयोः
dṛṣṭvā jagarjuste daityā maheśānaṃ vṛṣasthitam | tato mahānninādo'bhūddaityapramathasenayoḥ
Sanskrit only: no published translation is held for this verse.
तयोरभून्मिथो राजन्संप्रमर्दोऽथ दारुणः । ततो नंदी महाकालः कालस्कंदौ महाबलः
tayorabhūnmitho rājansaṃpramardo'tha dāruṇaḥ | tato naṃdī mahākālaḥ kālaskaṃdau mahābalaḥ
Sanskrit only: no published translation is held for this verse.
माल्यवान्पुष्पदंतश्च वृषली स्वर्णदंतिकः । चंडीशो मदनश्चंडः कूष्मांडो गुप्तलोमकः
mālyavānpuṣpadaṃtaśca vṛṣalī svarṇadaṃtikaḥ | caṃḍīśo madanaścaṃḍaḥ kūṣmāṃḍo guptalomakaḥ
Sanskrit only: no published translation is held for this verse.
ये ये पूर्वं रणे भग्नाः प्राप्तास्ते रणसंकटम् । शिवस्य पुरतो दैत्या युयुधुस्ते महाबलाः
ye ye pūrvaṃ raṇe bhagnāḥ prāptāste raṇasaṃkaṭam | śivasya purato daityā yuyudhuste mahābalāḥ
Sanskrit only: no published translation is held for this verse.
गणदानवयोधानां संग्रामोऽभूद्भयावहः । ततो गणानां विद्राव्य सैन्यं ते च महाबलाः
gaṇadānavayodhānāṃ saṃgrāmo'bhūdbhayāvahaḥ | tato gaṇānāṃ vidrāvya sainyaṃ te ca mahābalāḥ
Sanskrit only: no published translation is held for this verse.
रणे संवेष्टयामासुः शरौघैः सर्वतः शिवम् । शूलैः कुंतैर्गदाभिश्च मुद्गरैः परिघैरपि
raṇe saṃveṣṭayāmāsuḥ śaraughaiḥ sarvataḥ śivam | śūlaiḥ kuṃtairgadābhiśca mudgaraiḥ parighairapi
Sanskrit only: no published translation is held for this verse.
इंद्रियाणि यथात्मानं विषयैः पंचपंचभिः । जघानाथ रणे दैत्याञ्छंभुर्बाणैः सुदारुणैः । यथाशु माघः पापानि हंति स्नानेन तत्क्षणात्
iṃdriyāṇi yathātmānaṃ viṣayaiḥ paṃcapaṃcabhiḥ | jaghānātha raṇe daityāñchaṃbhurbāṇaiḥ sudāruṇaiḥ | yathāśu māghaḥ pāpāni haṃti snānena tatkṣaṇāt
Sanskrit only: no published translation is held for this verse.