Library·Padma Purāṇa·6·6.126
वसिष्ठ उवाच। अधुना माघमाहात्म्यं प्रवक्ष्यामि नृपोत्तम । पृच्छते कार्तवीर्याय दत्तात्रेयेण भाषितम्
vasiṣṭha uvāca| adhunā māghamāhātmyaṃ pravakṣyāmi nṛpottama | pṛcchate kārtavīryāya dattātreyeṇa bhāṣitam
Sanskrit only: no published translation is held for this verse.
दत्तात्रेयं हरिं साक्षाद्वसंतं सह्य पर्वते । पप्रच्छ तं द्विजं गत्वा राजा माहिष्मतीपतिः
dattātreyaṃ hariṃ sākṣādvasaṃtaṃ sahya parvate | papraccha taṃ dvijaṃ gatvā rājā māhiṣmatīpatiḥ
Sanskrit only: no published translation is held for this verse.
सहस्रार्जुन उवाच। भगवन्योगिनां श्रेष्ठ सर्वे धर्माः श्रुता मया । माघस्नानफलं ब्रूहि कृपया मम सुव्रत
sahasrārjuna uvāca| bhagavanyogināṃ śreṣṭha sarve dharmāḥ śrutā mayā | māghasnānaphalaṃ brūhi kṛpayā mama suvrata
Sanskrit only: no published translation is held for this verse.
दत्तात्रेय उवाच। श्रूयतां नृपशार्दूल एतत्प्रश्नोत्तरं शुभम् । ब्रह्मणोक्तं पुरा ह्येतन्नारदाय महात्मने
dattātreya uvāca| śrūyatāṃ nṛpaśārdūla etatpraśnottaraṃ śubham | brahmaṇoktaṃ purā hyetannāradāya mahātmane
Sanskrit only: no published translation is held for this verse.
तत्सर्वं कथयिष्यामि माघस्नानफलं महत् । यथादेशं यथातीर्थं यथाविधि यथाक्रियम्
tatsarvaṃ kathayiṣyāmi māghasnānaphalaṃ mahat | yathādeśaṃ yathātīrthaṃ yathāvidhi yathākriyam
Sanskrit only: no published translation is held for this verse.
अस्मिन्वै भारते वर्षे कर्मभूमौ विशेषतः । अमाघस्नायिनां नॄणां निष्फलं जन्मकीर्तितम्
asminvai bhārate varṣe karmabhūmau viśeṣataḥ | amāghasnāyināṃ nṝṇāṃ niṣphalaṃ janmakīrtitam
Sanskrit only: no published translation is held for this verse.
असूर्यं गगनं यद्वदचन्द्रमुडुमंडलम् । तद्वन्नाभाति सत्कर्म माघस्नानं विना नृप
asūryaṃ gaganaṃ yadvadacandramuḍumaṃḍalam | tadvannābhāti satkarma māghasnānaṃ vinā nṛpa
Sanskrit only: no published translation is held for this verse.
व्रतैर्दानैस्तपोभिश्च न तथा प्रीयते हरिः । माघमज्जनमात्रेण यथा प्रीणाति केशवः
vratairdānaistapobhiśca na tathā prīyate hariḥ | māghamajjanamātreṇa yathā prīṇāti keśavaḥ
Sanskrit only: no published translation is held for this verse.
न समं विद्यते किंचित्तेजः सौरेण तेजसा । तद्वत्स्नानेन माघस्य न समाः क्रतुजाः क्रियाः
na samaṃ vidyate kiṃcittejaḥ saureṇa tejasā | tadvatsnānena māghasya na samāḥ kratujāḥ kriyāḥ
Sanskrit only: no published translation is held for this verse.
प्रीतये वासुदेवस्य सर्वपापापनुत्तये । माघस्नानं प्रकुर्वीत स्वर्गलाभाय मानवः
prītaye vāsudevasya sarvapāpāpanuttaye | māghasnānaṃ prakurvīta svargalābhāya mānavaḥ
Sanskrit only: no published translation is held for this verse.
किं रक्षितेन देहेन सुपुष्टेन बलीयसा । अध्रुवेणाप्यशुचिना माघस्नानं विना भवेत्
kiṃ rakṣitena dehena supuṣṭena balīyasā | adhruveṇāpyaśucinā māghasnānaṃ vinā bhavet
Sanskrit only: no published translation is held for this verse.
अस्थिस्तंभं स्नायुबद्धं मांसक्षतज लेपनम् । चर्मावनद्धं दुर्गंधं पात्रं मूत्रपुरीषयोः
asthistaṃbhaṃ snāyubaddhaṃ māṃsakṣataja lepanam | carmāvanaddhaṃ durgaṃdhaṃ pātraṃ mūtrapurīṣayoḥ
Sanskrit only: no published translation is held for this verse.
जराशोकविपद्व्याप्तं रोगमंदिरमातुरम् । रजस्वलमनित्यं च सर्वदोषसमाश्रयम्
jarāśokavipadvyāptaṃ rogamaṃdiramāturam | rajasvalamanityaṃ ca sarvadoṣasamāśrayam
Sanskrit only: no published translation is held for this verse.
परोपतापितापार्तं परद्रोहि परं विषम् । लोलुपं पिशुनं क्रूरं कृतघ्नं क्षणिकं तथा
paropatāpitāpārtaṃ paradrohi paraṃ viṣam | lolupaṃ piśunaṃ krūraṃ kṛtaghnaṃ kṣaṇikaṃ tathā
Sanskrit only: no published translation is held for this verse.
दुष्पूरं दुर्धरं दुष्टं दोषत्रयसमन्वितम् । अशुचिस्रावि सच्छिद्रं तापत्रयविमोहितम्
duṣpūraṃ durdharaṃ duṣṭaṃ doṣatrayasamanvitam | aśucisrāvi sacchidraṃ tāpatrayavimohitam
Sanskrit only: no published translation is held for this verse.
क्रिमिविड्भस्मभवति परिणामे शुनां हविः । ईदृक्शरीरं व्यर्थं हि माघस्नानविवर्जितम्
krimiviḍbhasmabhavati pariṇāme śunāṃ haviḥ | īdṛkśarīraṃ vyarthaṃ hi māghasnānavivarjitam
Sanskrit only: no published translation is held for this verse.
बुद्बुदाइव तोयेषु पूतिका इव जंतुषु । जायंते मरणायैव माघस्नानविवर्जिताः
budbudāiva toyeṣu pūtikā iva jaṃtuṣu | jāyaṃte maraṇāyaiva māghasnānavivarjitāḥ
Sanskrit only: no published translation is held for this verse.
अवैष्णवो हतो विप्रो हतं श्राद्धमयोगि च । अब्रह्मण्यं हतं क्षेत्रमनाचारं हतं कुलम्
avaiṣṇavo hato vipro hataṃ śrāddhamayogi ca | abrahmaṇyaṃ hataṃ kṣetramanācāraṃ hataṃ kulam
Sanskrit only: no published translation is held for this verse.
सदंभश्च हतो धर्मः क्रोधेनैव हतं तपः । अदृढं च हतं ज्ञानं प्रमादेन हतं श्रुतम्
sadaṃbhaśca hato dharmaḥ krodhenaiva hataṃ tapaḥ | adṛḍhaṃ ca hataṃ jñānaṃ pramādena hataṃ śrutam
Sanskrit only: no published translation is held for this verse.
गुर्वभक्ता हता नारी ब्रह्मचारी तया हतः । अदीप्तेऽग्नौ हतो होमो हता भुंक्तिरसाक्षिका
gurvabhaktā hatā nārī brahmacārī tayā hataḥ | adīpte'gnau hato homo hatā bhuṃktirasākṣikā
Sanskrit only: no published translation is held for this verse.
उपजीव्या हता कन्या स्वार्थे पाकक्रिया हता । शूद्रभिक्षो हतो यागः कृपणस्य हतं धनम्
upajīvyā hatā kanyā svārthe pākakriyā hatā | śūdrabhikṣo hato yāgaḥ kṛpaṇasya hataṃ dhanam
Sanskrit only: no published translation is held for this verse.
अनभ्यासा हता विद्या हतो राजा विरोधकृत् । जीवनार्थं हतं तीर्थं जीवनार्थं हतं व्रतम्
anabhyāsā hatā vidyā hato rājā virodhakṛt | jīvanārthaṃ hataṃ tīrthaṃ jīvanārthaṃ hataṃ vratam
Sanskrit only: no published translation is held for this verse.
असत्या च हता वाणी तथा पैशुन्यवादिनी । संदिग्धश्च हतो मंत्रो व्यग्रचित्तो हतो जपः
asatyā ca hatā vāṇī tathā paiśunyavādinī | saṃdigdhaśca hato maṃtro vyagracitto hato japaḥ
Sanskrit only: no published translation is held for this verse.
हतमश्रोत्रिये दानं हतो लोकश्च नास्तिकः । अश्रद्धया हतं सर्वं कृतं यत्पारलौकिकम्
hatamaśrotriye dānaṃ hato lokaśca nāstikaḥ | aśraddhayā hataṃ sarvaṃ kṛtaṃ yatpāralaukikam
Sanskrit only: no published translation is held for this verse.
इहलोको हतो नॄणां दरिद्राणां यथा नृप । मनुष्याणां तथा जन्म माघस्नानं विना हतम्
ihaloko hato nṝṇāṃ daridrāṇāṃ yathā nṛpa | manuṣyāṇāṃ tathā janma māghasnānaṃ vinā hatam
Sanskrit only: no published translation is held for this verse.
मकरस्थे रवौ यो हि न स्नात्यनुदिते रवौ । कथं पापैः प्रमुच्येत कथं स त्रिदिवं व्रजेत्
makarasthe ravau yo hi na snātyanudite ravau | kathaṃ pāpaiḥ pramucyeta kathaṃ sa tridivaṃ vrajet
Sanskrit only: no published translation is held for this verse.
ब्रह्महा हेमहारी च सुरापो गुरुतल्पगः । माघस्नायी विपापः स्यात्तत्संसर्गी च पंचमः
brahmahā hemahārī ca surāpo gurutalpagaḥ | māghasnāyī vipāpaḥ syāttatsaṃsargī ca paṃcamaḥ
Sanskrit only: no published translation is held for this verse.
माघमासे रटंत्यापः किंचिदभ्युदिते रवौ । ब्रह्मघ्नं वा सुरापं वा कंपंतं तं पुनीमहे
māghamāse raṭaṃtyāpaḥ kiṃcidabhyudite ravau | brahmaghnaṃ vā surāpaṃ vā kaṃpaṃtaṃ taṃ punīmahe
Sanskrit only: no published translation is held for this verse.
उपपापानि सर्वाणि पातकानि महांत्यपि । भस्मीभवंति सर्वाणि माघस्नानोद्यतं नरम्
upapāpāni sarvāṇi pātakāni mahāṃtyapi | bhasmībhavaṃti sarvāṇi māghasnānodyataṃ naram
Sanskrit only: no published translation is held for this verse.
कंपंति सर्वपापानि माघस्नानसमागमे । नाशकालोऽयमस्माकं यदि स्नास्यति वारिणि
kaṃpaṃti sarvapāpāni māghasnānasamāgame | nāśakālo'yamasmākaṃ yadi snāsyati vāriṇi
Sanskrit only: no published translation is held for this verse.
एवं क्रोशंति पापानि दृष्ट्वा स्नानोद्यतं नरम् । पावका इव दीप्यंते माघस्नानैर्नरोत्तमाः
evaṃ krośaṃti pāpāni dṛṣṭvā snānodyataṃ naram | pāvakā iva dīpyaṃte māghasnānairnarottamāḥ
Sanskrit only: no published translation is held for this verse.
विमुक्ताः सर्वपापेभ्यो मेघेभ्य इव चंद्रमाः । आर्द्रशुष्कं लघुस्थूलं वाङ्मनः कर्मभिः कृतम्
vimuktāḥ sarvapāpebhyo meghebhya iva caṃdramāḥ | ārdraśuṣkaṃ laghusthūlaṃ vāṅmanaḥ karmabhiḥ kṛtam
Sanskrit only: no published translation is held for this verse.
माघस्नानं दहेत्पापं पावकः समिधो यथा । प्रामादिकं च यत्पापं ज्ञानाज्ञानकृतं च यत्
māghasnānaṃ dahetpāpaṃ pāvakaḥ samidho yathā | prāmādikaṃ ca yatpāpaṃ jñānājñānakṛtaṃ ca yat
Sanskrit only: no published translation is held for this verse.
स्नानमात्रेण तन्नश्येन्मकरस्थे दिवाकरे । निष्पापास्त्रिदिवं यांति पापिष्ठा यांति शुद्धताम्
snānamātreṇa tannaśyenmakarasthe divākare | niṣpāpāstridivaṃ yāṃti pāpiṣṭhā yāṃti śuddhatām
Sanskrit only: no published translation is held for this verse.
संदेहो नात्र कर्तव्यो माघस्नाने नराधिप । सर्वेऽधिकारिणो माघे विष्णुभक्तौ यथा नृप
saṃdeho nātra kartavyo māghasnāne narādhipa | sarve'dhikāriṇo māghe viṣṇubhaktau yathā nṛpa
Sanskrit only: no published translation is held for this verse.
सर्वेषां स्वर्गदो माघः सर्वेषां पापनाशनः । एष एव परो मंत्रो ह्येतदेव परं तपः
sarveṣāṃ svargado māghaḥ sarveṣāṃ pāpanāśanaḥ | eṣa eva paro maṃtro hyetadeva paraṃ tapaḥ
Sanskrit only: no published translation is held for this verse.
प्रायश्चित्तं परं चैतन्माघस्नानमनुत्तमम् । नृणां जन्मांतराभ्यासान्माघस्नाने मतिर्भवेत्
prāyaścittaṃ paraṃ caitanmāghasnānamanuttamam | nṛṇāṃ janmāṃtarābhyāsānmāghasnāne matirbhavet
Sanskrit only: no published translation is held for this verse.
अध्यात्मज्ञानकौशल्यं जन्माभ्यासाद्यथा नृप । संसारकर्दमालेप प्रक्षालन विशारदम्
adhyātmajñānakauśalyaṃ janmābhyāsādyathā nṛpa | saṃsārakardamālepa prakṣālana viśāradam
Sanskrit only: no published translation is held for this verse.
पावनं पावनानां च माघस्नानपरं नृप । स्नांति माघे न ये राजन्सर्वकामफलप्रदे
pāvanaṃ pāvanānāṃ ca māghasnānaparaṃ nṛpa | snāṃti māghe na ye rājansarvakāmaphalaprade
Sanskrit only: no published translation is held for this verse.
कथं ते भुंजते भोगांश्चंद्रसूर्यग्रहोपमान् । शृणु राजन्महाश्चर्यं माघस्नानप्रभावजम्
kathaṃ te bhuṃjate bhogāṃścaṃdrasūryagrahopamān | śṛṇu rājanmahāścaryaṃ māghasnānaprabhāvajam
Sanskrit only: no published translation is held for this verse.
कुब्जिका नाम कल्याणी ब्राह्मणी भृगुवंशजा । बालवैधव्यदुःखार्ता तपस्तेपे सुदुस्तरम्
kubjikā nāma kalyāṇī brāhmaṇī bhṛguvaṃśajā | bālavaidhavyaduḥkhārtā tapastepe sudustaram
Sanskrit only: no published translation is held for this verse.
विंध्यपादे महाक्षेत्रे रेवाकपिलसंगमे । तत्र सा व्रतिनी भूत्वा नारायणपरायणा
viṃdhyapāde mahākṣetre revākapilasaṃgame | tatra sā vratinī bhūtvā nārāyaṇaparāyaṇā
Sanskrit only: no published translation is held for this verse.
सदाचारवती नित्यं नित्यं संगविवर्जिता । जितेंद्रिया जितक्रोधा सत्यवागल्पभाषिणी
sadācāravatī nityaṃ nityaṃ saṃgavivarjitā | jiteṃdriyā jitakrodhā satyavāgalpabhāṣiṇī
Sanskrit only: no published translation is held for this verse.
सुशीला दानशीला च देहशोषणशालिनी । पितृदेवद्विजेभ्यश्च दत्वा हुत्त्वा तथानले
suśīlā dānaśīlā ca dehaśoṣaṇaśālinī | pitṛdevadvijebhyaśca datvā huttvā tathānale
Sanskrit only: no published translation is held for this verse.
षष्ठे काले च सा भुङ्क्ते ह्युंच्छवृत्तिः सदा नृप । कृच्छ्रातिकृच्छ्र पाराक तप्तकृच्छ्रादिभिर्व्रतैः
ṣaṣṭhe kāle ca sā bhuṅkte hyuṃcchavṛttiḥ sadā nṛpa | kṛcchrātikṛcchra pārāka taptakṛcchrādibhirvrataiḥ
Sanskrit only: no published translation is held for this verse.
पुण्यान्नयति सा मासान्नर्मदायाश्च रोधसि । एवं तया तपस्विन्या वल्कलिन्या सुशीलया
puṇyānnayati sā māsānnarmadāyāśca rodhasi | evaṃ tayā tapasvinyā valkalinyā suśīlayā
Sanskrit only: no published translation is held for this verse.
सुमहासत्त्वशालिन्या धृति संतोषयुक्तया । षष्टिर्माघास्तया स्नाता रेवाकपिलसंगमे
sumahāsattvaśālinyā dhṛti saṃtoṣayuktayā | ṣaṣṭirmāghāstayā snātā revākapilasaṃgame
Sanskrit only: no published translation is held for this verse.
ततः सा तपसा क्षीणा तस्मिंस्तीर्थे मृता नृप । माघस्नानजपुण्येन तेन सा वैष्णवे पुरे
tataḥ sā tapasā kṣīṇā tasmiṃstīrthe mṛtā nṛpa | māghasnānajapuṇyena tena sā vaiṣṇave pure
Sanskrit only: no published translation is held for this verse.
उवास प्रमुदा युक्ता चतुर्युगसहस्रकम् । सुंदोपसुंदनाशाय पश्चात्पद्मभवात्पुनः 6.126.५०। तिलोत्तमेति नाम्ना सा ब्रह्मलोकेऽवतारिता । तेन पुण्यस्यशेषेण रूपस्यैकायनं ययौ
uvāsa pramudā yuktā caturyugasahasrakam | suṃdopasuṃdanāśāya paścātpadmabhavātpunaḥ 6.126.50| tilottameti nāmnā sā brahmaloke'vatāritā | tena puṇyasyaśeṣeṇa rūpasyaikāyanaṃ yayau
Sanskrit only: no published translation is held for this verse.
अयोनिजाबलारत्नं देवानामपि मोहिनी । लावण्यहृदनी तन्वी साभूदप्सरसां वरा
ayonijābalāratnaṃ devānāmapi mohinī | lāvaṇyahṛdanī tanvī sābhūdapsarasāṃ varā
Sanskrit only: no published translation is held for this verse.
निपुणस्य विधेः स्रष्टुर्नूनमाश्चर्यकारिणी । तामुत्पाद्य विधाता वै तुष्टोऽनुज्ञां तदा ददौ
nipuṇasya vidheḥ sraṣṭurnūnamāścaryakāriṇī | tāmutpādya vidhātā vai tuṣṭo'nujñāṃ tadā dadau
Sanskrit only: no published translation is held for this verse.
एणशावाक्षि गच्छ त्वं दैत्यनाशाय सत्वरम् । ततः सा ब्रह्मणो लोकाद्वीणामादाय भामिनी
eṇaśāvākṣi gaccha tvaṃ daityanāśāya satvaram | tataḥ sā brahmaṇo lokādvīṇāmādāya bhāminī
Sanskrit only: no published translation is held for this verse.
गता पुष्करमार्गेण यत्र तौ देववैरिणौ । तत्र स्नात्वा तु रेवायाः पवित्रे निर्मले जले
gatā puṣkaramārgeṇa yatra tau devavairiṇau | tatra snātvā tu revāyāḥ pavitre nirmale jale
Sanskrit only: no published translation is held for this verse.
परिधायांबरं रक्तं बंधूककुसुमप्रभम् । रणद्वलयिनीचारु सिंजन्मेखलनूपुरा
paridhāyāṃbaraṃ raktaṃ baṃdhūkakusumaprabham | raṇadvalayinīcāru siṃjanmekhalanūpurā
Sanskrit only: no published translation is held for this verse.
लोलमुक्तावलीकंठी चलत्कुंडलशोभना । माधवी कुसुमापीडा कंकेली विटपे स्थिता
lolamuktāvalīkaṃṭhī calatkuṃḍalaśobhanā | mādhavī kusumāpīḍā kaṃkelī viṭape sthitā
Sanskrit only: no published translation is held for this verse.
गायंती सुस्वरं सापि पीडयंती तु वल्लकीम् । मूर्च्छयंती स्वरषट्कं सुस्निग्धं कोमलं कलम्
gāyaṃtī susvaraṃ sāpi pīḍayaṃtī tu vallakīm | mūrcchayaṃtī svaraṣaṭkaṃ susnigdhaṃ komalaṃ kalam
Sanskrit only: no published translation is held for this verse.
इत्थं तिलोत्तमा बाला तिष्ठंत्यशोककानने । दृष्ट्वा दैत्यभटैरिंदोः कलेव सुखदा हृदि ५९पु। तां दृष्ट्वा विस्मितै राजन्सानंदैः सैनिकैर्भृशम् । त्वरमाणैरदृष्ट्वैव गत्वा सुंदोपसुंदयोः
itthaṃ tilottamā bālā tiṣṭhaṃtyaśokakānane | dṛṣṭvā daityabhaṭairiṃdoḥ kaleva sukhadā hṛdi 59pu| tāṃ dṛṣṭvā vismitai rājansānaṃdaiḥ sainikairbhṛśam | tvaramāṇairadṛṣṭvaiva gatvā suṃdopasuṃdayoḥ
Sanskrit only: no published translation is held for this verse.
कथिता संभ्रमेणैव वर्णयित्वा पुनः पुनः । हे दैत्यौ न विजानीमो देवी वा दानवी नु किम्
kathitā saṃbhrameṇaiva varṇayitvā punaḥ punaḥ | he daityau na vijānīmo devī vā dānavī nu kim
Sanskrit only: no published translation is held for this verse.
नागांगनाथ वा यक्षी स्त्रीरत्नं सर्वथा तु सा । युवां रत्नभुजौ लोके रत्नभूता हि साबला
nāgāṃganātha vā yakṣī strīratnaṃ sarvathā tu sā | yuvāṃ ratnabhujau loke ratnabhūtā hi sābalā
Sanskrit only: no published translation is held for this verse.
वर्तते नाति दूरेऽग्रे अशोके शोकहारिणी । गत्वा तां पश्यतं शीघ्रं मन्मथस्यापि मोहिनीम्
vartate nāti dūre'gre aśoke śokahāriṇī | gatvā tāṃ paśyataṃ śīghraṃ manmathasyāpi mohinīm
Sanskrit only: no published translation is held for this verse.
इति सेनापतीनां तौ श्रुत्वा वाचं मनोहराम् । चषकं सीधुनस्त्यक्त्वा विहाय जलसेचनम्
iti senāpatīnāṃ tau śrutvā vācaṃ manoharām | caṣakaṃ sīdhunastyaktvā vihāya jalasecanam
Sanskrit only: no published translation is held for this verse.
उत्तमस्त्रीसहस्राणि त्यक्त्वा तस्माज्जलाशयात् । शतभारायसीं क्रूरां कालदंडोपमां गदाम्
uttamastrīsahasrāṇi tyaktvā tasmājjalāśayāt | śatabhārāyasīṃ krūrāṃ kāladaṃḍopamāṃ gadām
Sanskrit only: no published translation is held for this verse.
भिन्नाभिन्नां गृहीत्वा तु जवेनाभिप्लुतं गतौ । यत्र शृंगारसज्जा सा हंतुं चंडीव संस्थिता
bhinnābhinnāṃ gṛhītvā tu javenābhiplutaṃ gatau | yatra śṛṃgārasajjā sā haṃtuṃ caṃḍīva saṃsthitā
Sanskrit only: no published translation is held for this verse.
राजन्संधुक्षयंतीव दैत्ययोर्मन्मथानलम् । स्थित्वा तस्याः पुरो जाल्मौ तद्रूपेणविमोहितौ
rājansaṃdhukṣayaṃtīva daityayormanmathānalam | sthitvā tasyāḥ puro jālmau tadrūpeṇavimohitau
Sanskrit only: no published translation is held for this verse.
विशेषान्मधुनामत्तावूचतुस्तौपरस्परम् । भ्रातर्विरम भार्येयं ममास्तु वरवर्णिनी
viśeṣānmadhunāmattāvūcatustauparasparam | bhrātarvirama bhāryeyaṃ mamāstu varavarṇinī
Sanskrit only: no published translation is held for this verse.
त्वमेवार्य त्यजैतां मे भार्यां तु मदिरेक्षणाम् । इत्याग्रहेण संरब्धौ मातंगाविव सोन्मदौ
tvamevārya tyajaitāṃ me bhāryāṃ tu madirekṣaṇām | ityāgraheṇa saṃrabdhau mātaṃgāviva sonmadau
Sanskrit only: no published translation is held for this verse.
अन्योन्यं कालनिर्दिष्टौ गदया जघ्नतुस्तदा । परस्परप्रहारेण गतासू पतितौ भुवि
anyonyaṃ kālanirdiṣṭau gadayā jaghnatustadā | parasparaprahāreṇa gatāsū patitau bhuvi
Sanskrit only: no published translation is held for this verse.
तौ मृतौ सैनिकैर्दृष्ट्वा कृतः कोलाहलो महान् । कालरात्रिसमा केयं हा किमेतदुपस्थितम्
tau mṛtau sainikairdṛṣṭvā kṛtaḥ kolāhalo mahān | kālarātrisamā keyaṃ hā kimetadupasthitam
Sanskrit only: no published translation is held for this verse.
एवं वदत्सु सैन्येषु दैत्यौ सुंदोपसुंदकौ । पातयित्वा गिरेः शृंगे ह्रादिनीव त्तिलोत्तमा
evaṃ vadatsu sainyeṣu daityau suṃdopasuṃdakau | pātayitvā gireḥ śṛṃge hrādinīva ttilottamā
Sanskrit only: no published translation is held for this verse.
प्रस्थिता गगनं शीघ्रं द्योतयंती दिशो दश । देवकार्यं ततः कृत्वा आगता ब्रह्मणः पुरः
prasthitā gaganaṃ śīghraṃ dyotayaṃtī diśo daśa | devakāryaṃ tataḥ kṛtvā āgatā brahmaṇaḥ puraḥ
Sanskrit only: no published translation is held for this verse.
ततस्तुष्टेन देवेन विधिना सानुमोदिता । स्थानं सूर्यरथे दत्तं तव चंद्रानने मया
tatastuṣṭena devena vidhinā sānumoditā | sthānaṃ sūryarathe dattaṃ tava caṃdrānane mayā
Sanskrit only: no published translation is held for this verse.
भुंक्ष्व भोगाननेकांस्त्वं यावत्सूर्योंबरे स्थितः । इत्थं सा ब्राह्मणी राजन्भूत्वा चाप्सरसां वरा
bhuṃkṣva bhogānanekāṃstvaṃ yāvatsūryoṃbare sthitaḥ | itthaṃ sā brāhmaṇī rājanbhūtvā cāpsarasāṃ varā
Sanskrit only: no published translation is held for this verse.
भुंक्तेद्यापि रवेर्लोके माघस्नानफलं महत् । तस्मात्प्रयत्नतो राजन्श्रद्दधानैः सदा नरैः
bhuṃktedyāpi raverloke māghasnānaphalaṃ mahat | tasmātprayatnato rājanśraddadhānaiḥ sadā naraiḥ
Sanskrit only: no published translation is held for this verse.
स्नातव्यं मकरादित्ये वांच्छद्भिः परमां गतिम् । नानवाप्तोऽत्र तस्यास्ति पुरुषार्थो हि कश्चन
snātavyaṃ makarāditye vāṃcchadbhiḥ paramāṃ gatim | nānavāpto'tra tasyāsti puruṣārtho hi kaścana
Sanskrit only: no published translation is held for this verse.
नाक्षीणं पातकं कंचिन्माघे मज्जति यो नरः । तुलयंति न तेनात्र यज्ञाः सर्वे सदक्षिणाः
nākṣīṇaṃ pātakaṃ kaṃcinmāghe majjati yo naraḥ | tulayaṃti na tenātra yajñāḥ sarve sadakṣiṇāḥ
Sanskrit only: no published translation is held for this verse.
माघस्नानेन राजेंद्र तीर्थे चैव विशेषतः । न चान्यत्स्वर्गदं कर्म न चान्यत्पापनाशनम्
māghasnānena rājeṃdra tīrthe caiva viśeṣataḥ | na cānyatsvargadaṃ karma na cānyatpāpanāśanam
Sanskrit only: no published translation is held for this verse.
न चान्यन्मोक्षदं यस्मान्माघस्नानसमं भुवि
na cānyanmokṣadaṃ yasmānmāghasnānasamaṃ bhuvi
Sanskrit only: no published translation is held for this verse.
इति श्रीपाद्मे महापुराणे पंचपंचाशत्सहस्रसंहितायामुत्तरखंडे माघमाहात्म्ये वसिष्ठदिलीपसंवादे माघस्नानप्रशंसायां सुंदोपसुंददैत्यवधोनाम षड्विंशत्यधिकशततमोध्यायः
iti śrīpādme mahāpurāṇe paṃcapaṃcāśatsahasrasaṃhitāyāmuttarakhaṃḍe māghamāhātmye vasiṣṭhadilīpasaṃvāde māghasnānapraśaṃsāyāṃ suṃdopasuṃdadaityavadhonāma ṣaḍviṃśatyadhikaśatatamodhyāyaḥ
Sanskrit only: no published translation is held for this verse.