Padma Purāṇa 6.128

त्वमस्ति नास्ति वैकुंठ त्वामहं शरणं गतः । त्वं कर्मफलदाता च दीक्षितानां क्रियाफलम्

tvamasti nāsti vaikuṃṭha tvāmahaṃ śaraṇaṃ gataḥ | tvaṃ karmaphaladātā ca dīkṣitānāṃ kriyāphalam

Sanskrit only: no published translation is held for this verse.

त्वं हेतुः सर्वभूतानां त्वमेव शरणं मम । युवतीनां यथा यूनि यूनां च युवतौ यथा

tvaṃ hetuḥ sarvabhūtānāṃ tvameva śaraṇaṃ mama | yuvatīnāṃ yathā yūni yūnāṃ ca yuvatau yathā

Sanskrit only: no published translation is held for this verse.

मनोऽभिरमते तद्वत्प्रीतिर्मे रमतां त्वयि । अपि पापं दुराचारं नरं त्वत्प्रणतं हरे

mano'bhiramate tadvatprītirme ramatāṃ tvayi | api pāpaṃ durācāraṃ naraṃ tvatpraṇataṃ hare

Sanskrit only: no published translation is held for this verse.

नेक्षंते किंकरा याम्या उलूकास्तपनं यथा । तापत्रयमघौघश्च तावत्पीडयते जनम्

nekṣaṃte kiṃkarā yāmyā ulūkāstapanaṃ yathā | tāpatrayamaghaughaśca tāvatpīḍayate janam

Sanskrit only: no published translation is held for this verse.

यावत्स्मरति नो नाथ भक्त्या त्वत्पादपंकजम्

yāvatsmarati no nātha bhaktyā tvatpādapaṃkajam

Sanskrit only: no published translation is held for this verse.

यं नस्पृशंति गुणजातिशरीरधर्मा यं न स्पृशंति गतयस्त्वखिलेंद्रियाणाम् । यं च स्पृशंति मुनयो गतसंगमोहास्तस्मै नमो भगवते हरये करोमि

yaṃ naspṛśaṃti guṇajātiśarīradharmā yaṃ na spṛśaṃti gatayastvakhileṃdriyāṇām | yaṃ ca spṛśaṃti munayo gatasaṃgamohāstasmai namo bhagavate haraye karomi

Sanskrit only: no published translation is held for this verse.

स्थूलं विलाप्यकरणे करणं निदाने तत्कारणं करणकारणवर्जिते च । इत्थं विलाप्य मुनयः प्रविशंति तत्र तस्मै नमोस्तु हरये मुनिसेविताय

sthūlaṃ vilāpyakaraṇe karaṇaṃ nidāne tatkāraṇaṃ karaṇakāraṇavarjite ca | itthaṃ vilāpya munayaḥ praviśaṃti tatra tasmai namostu haraye munisevitāya

Sanskrit only: no published translation is held for this verse.

यद्ध्यानसंवहनघूर्णवशीकृतांतामैश्वर्यचारुगुणिनीं सुखमोक्षलक्ष्मीम् । आलिंग्य शेरत इहात्मसुखैकभाजस्तस्मैनमोऽस्तु हरये मुनिसेविताय

yaddhyānasaṃvahanaghūrṇavaśīkṛtāṃtāmaiśvaryacāruguṇinīṃ sukhamokṣalakṣmīm | āliṃgya śerata ihātmasukhaikabhājastasmainamo'stu haraye munisevitāya

Sanskrit only: no published translation is held for this verse.

जन्मादिभावविकृतेर्विरहस्वभावे यस्मिन्नयं परिधुनोति षडूर्मिवर्गः । यं तापयंति न सदा मदनादिदोषास्तं वासुदेवममलं प्रणतोऽस्मि हार्दम्

janmādibhāvavikṛtervirahasvabhāve yasminnayaṃ paridhunoti ṣaḍūrmivargaḥ | yaṃ tāpayaṃti na sadā madanādidoṣāstaṃ vāsudevamamalaṃ praṇato'smi hārdam

Sanskrit only: no published translation is held for this verse.

यद्ध्यानसंगतमलं विजहात्यविद्यां यद्ध्यानवह्निपतितं जगदेति नाशम् । यज्ज्ञानमुल्लसदसिद्यति संशयारिं तं त्वां हरिं विशदिबोधघनं नमामि

yaddhyānasaṃgatamalaṃ vijahātyavidyāṃ yaddhyānavahnipatitaṃ jagadeti nāśam | yajjñānamullasadasidyati saṃśayāriṃ taṃ tvāṃ hariṃ viśadibodhaghanaṃ namāmi

Sanskrit only: no published translation is held for this verse.

चराचराणि भूतानि सर्वाणि च हरेर्वशे । यथात्र तेन सत्येन पुरस्तिष्ठतु मे हरिः

carācarāṇi bhūtāni sarvāṇi ca harervaśe | yathātra tena satyena purastiṣṭhatu me hariḥ

Sanskrit only: no published translation is held for this verse.

यथा नारायणः सर्वं जगत्स्थावरजंगमम् । तेन सत्येन मे रूपं प्रदर्शयतु केशवः

yathā nārāyaṇaḥ sarvaṃ jagatsthāvarajaṃgamam | tena satyena me rūpaṃ pradarśayatu keśavaḥ

Sanskrit only: no published translation is held for this verse.

भक्तिर्यथा हरौ मेऽस्ति तद्वरिष्ठा गुरौ यदि । ममास्ति तेन सत्येन स्वं दर्शयतु केशवः

bhaktiryathā harau me'sti tadvariṣṭhā gurau yadi | mamāsti tena satyena svaṃ darśayatu keśavaḥ

Sanskrit only: no published translation is held for this verse.

तस्यैवं शपथैः सत्यैर्भक्तिं तस्यानुचिंतयन् । दर्शयामास चात्मानं स प्रीतः पुरुषोत्तमः

tasyaivaṃ śapathaiḥ satyairbhaktiṃ tasyānuciṃtayan | darśayāmāsa cātmānaṃ sa prītaḥ puruṣottamaḥ

Sanskrit only: no published translation is held for this verse.

ततो दत्त्वा वरं तस्य पूरयित्वा मनोरथम् । जगाम कमलाकांतः स्तुत्या विप्रेण तोषितः

tato dattvā varaṃ tasya pūrayitvā manoratham | jagāma kamalākāṃtaḥ stutyā vipreṇa toṣitaḥ

Sanskrit only: no published translation is held for this verse.

कृतकृत्यो द्विजः सोऽपि वासुदेवपरायणः । शिष्यैः सार्धं जपन्स्तोत्रं तस्मिन्नास्ते तपोवने

kṛtakṛtyo dvijaḥ so'pi vāsudevaparāyaṇaḥ | śiṣyaiḥ sārdhaṃ japanstotraṃ tasminnāste tapovane

Sanskrit only: no published translation is held for this verse.

कीर्तयेद्यनइदंनस्तोत्रंनशृणुयाद्योऽपिनमानवः । अश्वमेधस्यनयज्ञस्यनप्राप्नोतिनविपुलंनफलम्

kīrtayedyanaidaṃnastotraṃnaśṛṇuyādyo'pinamānavaḥ | aśvamedhasyanayajñasyanaprāpnotinavipulaṃnaphalam

Sanskrit only: no published translation is held for this verse.

आत्मविद्याप्रबोधं च लभते ब्राह्मणः सदा । न पापे जायते बुद्धिर्नैव पश्यत्यमंगलम्

ātmavidyāprabodhaṃ ca labhate brāhmaṇaḥ sadā | na pāpe jāyate buddhirnaiva paśyatyamaṃgalam

Sanskrit only: no published translation is held for this verse.

बुद्धिस्वास्थ्यं मनःस्वास्थ्यं स्वास्थ्यमैंद्रियकं तथा । नृणां भवति सर्वेषामस्य स्तोत्रस्य कीर्तनात्

buddhisvāsthyaṃ manaḥsvāsthyaṃ svāsthyamaiṃdriyakaṃ tathā | nṛṇāṃ bhavati sarveṣāmasya stotrasya kīrtanāt

Sanskrit only: no published translation is held for this verse.

विचार्यार्थं जपेद्यस्तु श्रद्धया तत्परो नरः । स विधूयेह पापानि लभते वैष्णवं पदम्

vicāryārthaṃ japedyastu śraddhayā tatparo naraḥ | sa vidhūyeha pāpāni labhate vaiṣṇavaṃ padam

Sanskrit only: no published translation is held for this verse.

लभते वांच्छितान्कामान्पुत्रपौत्रान्पशूंस्तथा । दीर्घमायुर्बलं वीर्यं लभते स सदा पठन्

labhate vāṃcchitānkāmānputrapautrānpaśūṃstathā | dīrghamāyurbalaṃ vīryaṃ labhate sa sadā paṭhan

Sanskrit only: no published translation is held for this verse.

तिलपात्रसहस्रेण गोसहस्रेण यत्फलम् । तत्फलं समवाप्नोति य इमां कीर्तयेत्स्तुतिम्

tilapātrasahasreṇa gosahasreṇa yatphalam | tatphalaṃ samavāpnoti ya imāṃ kīrtayetstutim

Sanskrit only: no published translation is held for this verse.

धर्मार्थकाममोक्षाणां यं यं कामयते सदा । अचिरात्तमवाप्नोति स्तोत्रेणानेन मानवः

dharmārthakāmamokṣāṇāṃ yaṃ yaṃ kāmayate sadā | acirāttamavāpnoti stotreṇānena mānavaḥ

Sanskrit only: no published translation is held for this verse.

आचारे विनये धर्मे ज्ञाने तपसि सन्नये । नृणां भवति नित्यं धीरिमां संशृण्वतां स्तुतिम्

ācāre vinaye dharme jñāne tapasi sannaye | nṛṇāṃ bhavati nityaṃ dhīrimāṃ saṃśṛṇvatāṃ stutim

Sanskrit only: no published translation is held for this verse.

महापातकयुक्तो वा युक्तो वा ह्युपपातकैः । सद्यो भवति शुद्धात्मा स्तोत्रस्य पठनात्सकृत्

mahāpātakayukto vā yukto vā hyupapātakaiḥ | sadyo bhavati śuddhātmā stotrasya paṭhanātsakṛt

Sanskrit only: no published translation is held for this verse.

प्रज्ञा लक्ष्मीर्यशः कीर्तिज्ञानधर्मविवर्धनम् । दुष्टग्रहोपशमनं सर्वाशुभविनाशनम्

prajñā lakṣmīryaśaḥ kīrtijñānadharmavivardhanam | duṣṭagrahopaśamanaṃ sarvāśubhavināśanam

Sanskrit only: no published translation is held for this verse.

सर्वव्याधिहरं पथ्यं सर्वारिष्टनिषूदनम् । दुर्गतेस्तरणं स्तोत्रं पठितव्यं द्विजातिभिः

sarvavyādhiharaṃ pathyaṃ sarvāriṣṭaniṣūdanam | durgatestaraṇaṃ stotraṃ paṭhitavyaṃ dvijātibhiḥ

Sanskrit only: no published translation is held for this verse.

नक्षत्रग्रहापीडासु राजचोरभयेषु च । अग्निचोरनिपातेषु सद्यः संकीर्तयेदिदम्

nakṣatragrahāpīḍāsu rājacorabhayeṣu ca | agnicoranipāteṣu sadyaḥ saṃkīrtayedidam

Sanskrit only: no published translation is held for this verse.

सिंहव्याघ्रभयं नास्ति नाभिचारभयं तथा । भूतप्रेतपिशाचेभ्यो राक्षसेभ्यस्तथैव च

siṃhavyāghrabhayaṃ nāsti nābhicārabhayaṃ tathā | bhūtapretapiśācebhyo rākṣasebhyastathaiva ca

Sanskrit only: no published translation is held for this verse.

पूतना जृंभकेभ्यश्च विघ्नेभ्यश्चैव सर्वदा । नृणां क्वचिद्भयं नास्ति स्तवे ह्यस्मिन्प्रकीर्तिते

pūtanā jṛṃbhakebhyaśca vighnebhyaścaiva sarvadā | nṛṇāṃ kvacidbhayaṃ nāsti stave hyasminprakīrtite

Sanskrit only: no published translation is held for this verse.

वासुदेवस्य पूजां यः कृत्वा स्तोत्रमुदीरयेत् । लिप्यते पातकैर्नासौ पद्मपत्रमिवांभसा

vāsudevasya pūjāṃ yaḥ kṛtvā stotramudīrayet | lipyate pātakairnāsau padmapatramivāṃbhasā

Sanskrit only: no published translation is held for this verse.

गंगादिपुण्यतीर्थेषु या स्नानैर्नाप्यते गतिः । तां गतिं समवाप्नोति पठन्पुण्यामिमां स्तुतिम्

gaṃgādipuṇyatīrtheṣu yā snānairnāpyate gatiḥ | tāṃ gatiṃ samavāpnoti paṭhanpuṇyāmimāṃ stutim

Sanskrit only: no published translation is held for this verse.

एककालं द्विकालं वा त्रिकालं वापि यः पठेत् । सर्वदा सर्वकालेषु सोऽक्षयं सुखमश्नुते

ekakālaṃ dvikālaṃ vā trikālaṃ vāpi yaḥ paṭhet | sarvadā sarvakāleṣu so'kṣayaṃ sukhamaśnute

Sanskrit only: no published translation is held for this verse.

चतुर्णामपि वेदानां त्रिरावृत्त्या च यत्फलम् । तत्फलं लभते स्तोत्रमधीयानः सकृन्नरः

caturṇāmapi vedānāṃ trirāvṛttyā ca yatphalam | tatphalaṃ labhate stotramadhīyānaḥ sakṛnnaraḥ

Sanskrit only: no published translation is held for this verse.

अक्षय्यं धनमाप्नोति स्त्रीणां भवति वल्लभः । पूजां विंदति लोकेऽस्मिच्छ्रद्धया संस्मरन्हरिम्

akṣayyaṃ dhanamāpnoti strīṇāṃ bhavati vallabhaḥ | pūjāṃ viṃdati loke'smicchraddhayā saṃsmaranharim

Sanskrit only: no published translation is held for this verse.

सर्वदा संपदायुक्तो विपदं नैव गच्छति । गोभिर्न ह्रियते स्तोत्रं नित्यं यः कीर्तयेद्धि यत्

sarvadā saṃpadāyukto vipadaṃ naiva gacchati | gobhirna hriyate stotraṃ nityaṃ yaḥ kīrtayeddhi yat

Sanskrit only: no published translation is held for this verse.

अलक्ष्मी कालकर्णी च दुःस्वप्नं दुर्विचिंतितम् । सद्यो नश्यंति भक्तानामेतं संशृण्वतां स्तवम्

alakṣmī kālakarṇī ca duḥsvapnaṃ durviciṃtitam | sadyo naśyaṃti bhaktānāmetaṃ saṃśṛṇvatāṃ stavam

Sanskrit only: no published translation is held for this verse.

प्रातरुत्थाय योऽधीते शुचिर्विष्णुपरायणः । अक्षय्यं लभते सौख्यमिह लोके परत्र च

prātarutthāya yo'dhīte śucirviṣṇuparāyaṇaḥ | akṣayyaṃ labhate saukhyamiha loke paratra ca

Sanskrit only: no published translation is held for this verse.

देवद्युतिप्रणीतं वै विष्णुप्रीतिकरं शुभम् । विष्णुप्रसादजननं विष्णुदर्शनकारकम्

devadyutipraṇītaṃ vai viṣṇuprītikaraṃ śubham | viṣṇuprasādajananaṃ viṣṇudarśanakārakam

Sanskrit only: no published translation is held for this verse.

योगसारमिदं नाम स्तोत्रं परमपावनम् । यः पठेत्सततं भक्त्या विष्णुलोकं स गच्छति

yogasāramidaṃ nāma stotraṃ paramapāvanam | yaḥ paṭhetsatataṃ bhaktyā viṣṇulokaṃ sa gacchati

Sanskrit only: no published translation is held for this verse.

इति ते कथितं स्तोत्रं गुह्यं पापप्रणाशनम् । अत ऊर्ध्वं प्रवक्ष्यामि पिशाचस्य विमोचनम्

iti te kathitaṃ stotraṃ guhyaṃ pāpapraṇāśanam | ata ūrdhvaṃ pravakṣyāmi piśācasya vimocanam

Sanskrit only: no published translation is held for this verse.