Padma Purāṇa 6.128

ज्ञानकृन्मानसे माघस्तस्मान्मोक्षफलप्रदः । हिमवत्पृष्ठतीर्थेषु सर्वपापप्रणाशनः

jñānakṛnmānase māghastasmānmokṣaphalapradaḥ | himavatpṛṣṭhatīrtheṣu sarvapāpapraṇāśanaḥ

Sanskrit only: no published translation is held for this verse.

इंद्रलोकप्रदोच्छोदे निर्दिष्टो वेदवादिभिः । सर्वपापहरो माघो मोक्षदो बदरीवने

iṃdralokapradocchode nirdiṣṭo vedavādibhiḥ | sarvapāpaharo māgho mokṣado badarīvane

Sanskrit only: no published translation is held for this verse.

पापहा दुःखहारी च सर्वकामफलप्रदः । रुद्रलोकप्रदो माघो नार्मदे पापनाशनः

pāpahā duḥkhahārī ca sarvakāmaphalapradaḥ | rudralokaprado māgho nārmade pāpanāśanaḥ

Sanskrit only: no published translation is held for this verse.

यामुनः सूर्यलोकाय भवेत्कल्मषनाशनः । सारस्वतोऽघविध्वंसी ब्रह्मलोकफलप्रदः

yāmunaḥ sūryalokāya bhavetkalmaṣanāśanaḥ | sārasvato'ghavidhvaṃsī brahmalokaphalapradaḥ

Sanskrit only: no published translation is held for this verse.

विशालफलदो माघो विशालायां द्विजोत्तम । पातकेंधनदावाग्निर्गर्भहेतु क्रियापहः

viśālaphalado māgho viśālāyāṃ dvijottama | pātakeṃdhanadāvāgnirgarbhahetu kriyāpahaḥ

Sanskrit only: no published translation is held for this verse.

विष्णुलोकाय मोक्षाय जाह्नवः परिकीर्तितः । शरयू गंडकी सिंधुश्चंद्रभागा च कौशिकी

viṣṇulokāya mokṣāya jāhnavaḥ parikīrtitaḥ | śarayū gaṃḍakī siṃdhuścaṃdrabhāgā ca kauśikī

Sanskrit only: no published translation is held for this verse.

तापी गोदावरी भीमा पयोष्णी कृष्णवेणिका । कावेरी तुंगभद्रा च अन्या याश्च समुद्रगाः

tāpī godāvarī bhīmā payoṣṇī kṛṣṇaveṇikā | kāverī tuṃgabhadrā ca anyā yāśca samudragāḥ

Sanskrit only: no published translation is held for this verse.

आशु माघी नरो याति स्वर्गलोकं विकल्मषः । नैमिषे विष्णुसायुज्यं पुष्करे ब्रह्मणोंतिकम्

āśu māghī naro yāti svargalokaṃ vikalmaṣaḥ | naimiṣe viṣṇusāyujyaṃ puṣkare brahmaṇoṃtikam

Sanskrit only: no published translation is held for this verse.

आखंडलस्य लोको हि कुरुक्षेत्रे तु माघतः । माघो देवह्रदे विप्र योगसिद्धिफलप्रदः

ākhaṃḍalasya loko hi kurukṣetre tu māghataḥ | māgho devahrade vipra yogasiddhiphalapradaḥ

Sanskrit only: no published translation is held for this verse.

प्रभासे मकरादित्ये स्नानाद्रुद्रगणो भवेत् । देवक्यां देवतादेहो नरो भवति माघतः

prabhāse makarāditye snānādrudragaṇo bhavet | devakyāṃ devatādeho naro bhavati māghataḥ

Sanskrit only: no published translation is held for this verse.

माघस्नानेन भो विप्र गोमत्यां न पुनर्भवः । हेमकूटे महाकाले ॐकारे अमरेश्वरे

māghasnānena bho vipra gomatyāṃ na punarbhavaḥ | hemakūṭe mahākāle oṃkāre amareśvare

Sanskrit only: no published translation is held for this verse.

नीलकंठेर्बुदे माघाद्रुद्रलोके महीयते । सर्वासां सरितां विप्र संगमे मकरे रवौ

nīlakaṃṭherbude māghādrudraloke mahīyate | sarvāsāṃ saritāṃ vipra saṃgame makare ravau

Sanskrit only: no published translation is held for this verse.

स्नानेन सर्वकामानामवाप्तिर्जायते नृणाम् । माघस्तु प्राप्यते धन्यैः प्रयागे द्विजसत्तम । अपुनर्भवदं तत्र सितासितजलं यतः

snānena sarvakāmānāmavāptirjāyate nṛṇām | māghastu prāpyate dhanyaiḥ prayāge dvijasattama | apunarbhavadaṃ tatra sitāsitajalaṃ yataḥ

Sanskrit only: no published translation is held for this verse.

गायंति देवाः सततं दिविस्था माघः प्रयागे किल नो भविष्यति । स्नानान्नरा यत्र न गर्भवेदनां पश्यंति तिष्ठंति च विष्णुसन्निधौ

gāyaṃti devāḥ satataṃ divisthā māghaḥ prayāge kila no bhaviṣyati | snānānnarā yatra na garbhavedanāṃ paśyaṃti tiṣṭhaṃti ca viṣṇusannidhau

Sanskrit only: no published translation is held for this verse.

मज्जंति येऽपित्र्यहमत्र मानवास्तीर्थे प्रयागे बहुपापकंचुकाः । व्रजंति ते नो निरयेषु धर्मिणः स्वर्गे शुभे चारु चरंति देववत्

majjaṃti ye'pitryahamatra mānavāstīrthe prayāge bahupāpakaṃcukāḥ | vrajaṃti te no nirayeṣu dharmiṇaḥ svarge śubhe cāru caraṃti devavat

Sanskrit only: no published translation is held for this verse.

तीर्थैर्व्रतैर्दानतपोभिरध्वरैः सार्धं विधात्रा तुलया धृतं पुरः । माघे प्रयागस्य तयोर्द्वयोरभून्माघो गरीयानत एव सोऽधिकः

tīrthairvratairdānatapobhiradhvaraiḥ sārdhaṃ vidhātrā tulayā dhṛtaṃ puraḥ | māghe prayāgasya tayordvayorabhūnmāgho garīyānata eva so'dhikaḥ

Sanskrit only: no published translation is held for this verse.

वातांबुपर्णाशनदेहशोषणैस्तपोभिरुग्रैश्चिरकालसंचितैः । योगैश्च संयांति नरा नतां गतिं स्नानेन माघस्य हि यांति यां गतिम् 6.128.१५०। स्नाताश्च ये मकरभास्करोदये तीर्थे प्रयागे सुरसिंधुसंगमे । तेषां गृहद्वारमलंकरोति किं भृंगावलि कुंजरकर्णताडिता

vātāṃbuparṇāśanadehaśoṣaṇaistapobhirugraiścirakālasaṃcitaiḥ | yogaiśca saṃyāṃti narā natāṃ gatiṃ snānena māghasya hi yāṃti yāṃ gatim 6.128.150| snātāśca ye makarabhāskarodaye tīrthe prayāge surasiṃdhusaṃgame | teṣāṃ gṛhadvāramalaṃkaroti kiṃ bhṛṃgāvali kuṃjarakarṇatāḍitā

Sanskrit only: no published translation is held for this verse.

यो राजसूयाद्धयमेधयज्ञतः स्नानात्फलं संप्रददाति चाधिकम् । पापानि सर्वाणि विलोप्य लीलया नूनं प्रयागः स कथं न सेव्यते

yo rājasūyāddhayamedhayajñataḥ snānātphalaṃ saṃpradadāti cādhikam | pāpāni sarvāṇi vilopya līlayā nūnaṃ prayāgaḥ sa kathaṃ na sevyate

Sanskrit only: no published translation is held for this verse.

अवंतिविषये राजा वीरसेनोऽभवत्पुरा । नर्मदातीरमागत्य राजसूयं चकार सः

avaṃtiviṣaye rājā vīraseno'bhavatpurā | narmadātīramāgatya rājasūyaṃ cakāra saḥ

Sanskrit only: no published translation is held for this verse.

षोडशैरश्वमेधैश्च स्वर्णवाटविराजितैः । स्वर्णभूषणयूपाढ्यैरीजे सोऽपि यथाविधि

ṣoḍaśairaśvamedhaiśca svarṇavāṭavirājitaiḥ | svarṇabhūṣaṇayūpāḍhyairīje so'pi yathāvidhi

Sanskrit only: no published translation is held for this verse.

प्रददौ धान्यराशींश्च द्विजेभ्यः पर्वतोपमान् । वदान्यो देवताभक्तो गोप्रदः स सुवर्णदः

pradadau dhānyarāśīṃśca dvijebhyaḥ parvatopamān | vadānyo devatābhakto gopradaḥ sa suvarṇadaḥ

Sanskrit only: no published translation is held for this verse.

ब्राह्मणो भद्रको नाम मूर्खो हीनकुलस्तथा । कृषीवलो दुराचारः सर्वधर्मबहिष्कृतः

brāhmaṇo bhadrako nāma mūrkho hīnakulastathā | kṛṣīvalo durācāraḥ sarvadharmabahiṣkṛtaḥ

Sanskrit only: no published translation is held for this verse.

कृषिकर्मसमुद्विग्नो बंधुभिश्चाप्यसंस्कृतः । इतस्ततः परिभ्रम्य निर्गतः क्षुत्प्रपीडितः

kṛṣikarmasamudvigno baṃdhubhiścāpyasaṃskṛtaḥ | itastataḥ paribhramya nirgataḥ kṣutprapīḍitaḥ

Sanskrit only: no published translation is held for this verse.

दैवतः सार्थमाविश्य प्रयागं स समागतः । महामाघीं पुरस्कृत्य सस्नौ तत्र दिनत्रयम्

daivataḥ sārthamāviśya prayāgaṃ sa samāgataḥ | mahāmāghīṃ puraskṛtya sasnau tatra dinatrayam

Sanskrit only: no published translation is held for this verse.

अनघः स्नानमात्रेण भूत्वेह स द्विजोत्तमः । प्रयागाच्चलितस्तत्र पुनर्यस्मात्समागतः

anaghaḥ snānamātreṇa bhūtveha sa dvijottamaḥ | prayāgāccalitastatra punaryasmātsamāgataḥ

Sanskrit only: no published translation is held for this verse.

स राजा सोऽपि विप्रश्च विपन्नावेकदा तदा । तयोर्गतिः समादृष्टा मया शक्रस्य सन्निधौ

sa rājā so'pi vipraśca vipannāvekadā tadā | tayorgatiḥ samādṛṣṭā mayā śakrasya sannidhau

Sanskrit only: no published translation is held for this verse.

तेजो रूपं बलं स्त्रैणं देवयानं विभूषणम् । पारिजातमयीमाला नृत्यं गीतं तयोः समम्

tejo rūpaṃ balaṃ straiṇaṃ devayānaṃ vibhūṣaṇam | pārijātamayīmālā nṛtyaṃ gītaṃ tayoḥ samam

Sanskrit only: no published translation is held for this verse.

इति दृष्टं हि माहात्म्यं क्षेत्रस्य कथमुच्यते । माघः सितासिते विप्र राजसूयैः समो मतः

iti dṛṣṭaṃ hi māhātmyaṃ kṣetrasya kathamucyate | māghaḥ sitāsite vipra rājasūyaiḥ samo mataḥ

Sanskrit only: no published translation is held for this verse.

धनुस्त्रिशतविस्तीर्णे सितनीलांबुसंगमे । अपुनरावृत्तिर्माघी राजसूयी पुनर्भवेत्

dhanustriśatavistīrṇe sitanīlāṃbusaṃgame | apunarāvṛttirmāghī rājasūyī punarbhavet

Sanskrit only: no published translation is held for this verse.

माघमासीय वातोऽपि सितासितजलं स्पृशेत् । अधर्म्यं न स्पृशेन्नूनं महापातकहा हि सः

māghamāsīya vāto'pi sitāsitajalaṃ spṛśet | adharmyaṃ na spṛśennūnaṃ mahāpātakahā hi saḥ

Sanskrit only: no published translation is held for this verse.

किमत्र बहुनोक्तेन श्रूयतां द्विज निश्चितम् । समुद्भूतफलं पापं तीर्थे माघः प्रणाशयेत्

kimatra bahunoktena śrūyatāṃ dvija niścitam | samudbhūtaphalaṃ pāpaṃ tīrthe māghaḥ praṇāśayet

Sanskrit only: no published translation is held for this verse.

पुरा देवद्युतिर्विप्रो वैष्णवो वेदपारगः

purā devadyutirvipro vaiṣṇavo vedapāragaḥ

Sanskrit only: no published translation is held for this verse.

पिशाचान्मोचयामास करुणाप्लुतमानसः

piśācānmocayāmāsa karuṇāplutamānasaḥ

Sanskrit only: no published translation is held for this verse.

दिलीप उवाच। कुत्र स्थितः कस्य पुत्रो नियमः कोऽस्य वा जपः । केन वा वैष्णवो वृत्तः के पिशाचाश्च मोचिताः

dilīpa uvāca| kutra sthitaḥ kasya putro niyamaḥ ko'sya vā japaḥ | kena vā vaiṣṇavo vṛttaḥ ke piśācāśca mocitāḥ

Sanskrit only: no published translation is held for this verse.

एतद्विस्तरतः सर्वं कीर्तयस्व महामुने । कौतूहलं महापुण्यं शृणुमस्त्वत्प्रसादतः

etadvistarataḥ sarvaṃ kīrtayasva mahāmune | kautūhalaṃ mahāpuṇyaṃ śṛṇumastvatprasādataḥ

Sanskrit only: no published translation is held for this verse.

वसिष्ठ उवाच। प्लक्षप्रस्रवणे पुण्ये सरस्वत्यास्तटे शुभे । तत्राश्रमपदं तस्य शैलमाश्रित्य शोभनम्

vasiṣṭha uvāca| plakṣaprasravaṇe puṇye sarasvatyāstaṭe śubhe | tatrāśramapadaṃ tasya śailamāśritya śobhanam

Sanskrit only: no published translation is held for this verse.

शालैस्तालैस्तमालैश्च बिल्वैर्बकुलपाटलैः । तिंतिडीचिरिबिल्वैश्च चूतचंपककांचनैः

śālaistālaistamālaiśca bilvairbakulapāṭalaiḥ | tiṃtiḍīciribilvaiśca cūtacaṃpakakāṃcanaiḥ

Sanskrit only: no published translation is held for this verse.

करंजैः कोविदारैश्च केसरैः कुंजराशनैः । तिलकैः कर्णिकारैश्च कुंभैः खादिरतिंदुकैः

karaṃjaiḥ kovidāraiśca kesaraiḥ kuṃjarāśanaiḥ | tilakaiḥ karṇikāraiśca kuṃbhaiḥ khādiratiṃdukaiḥ

Sanskrit only: no published translation is held for this verse.

वानीरैः साल्वजंबीरैः पीलूदुंबरवेतसैः । शाकोटैरटरूषैश्च करहाटैर्वटद्रुमैः

vānīraiḥ sālvajaṃbīraiḥ pīlūduṃbaravetasaiḥ | śākoṭairaṭarūṣaiśca karahāṭairvaṭadrumaiḥ

Sanskrit only: no published translation is held for this verse.

घोंटाकुटजपालाशैरशोकैः शोकहारिभिः । जंबूनिंबकदंबैश्च क्षीरिकाकरमर्दकैः

ghoṃṭākuṭajapālāśairaśokaiḥ śokahāribhiḥ | jaṃbūniṃbakadaṃbaiśca kṣīrikākaramardakaiḥ

Sanskrit only: no published translation is held for this verse.

बीजपूरैः सनारिंगै रंभाराजिविराजितैः । पनसै रसवद्भिश्च नारिकेलैः सदाफलैः

bījapūraiḥ sanāriṃgai raṃbhārājivirājitaiḥ | panasai rasavadbhiśca nārikelaiḥ sadāphalaiḥ

Sanskrit only: no published translation is held for this verse.

सप्तच्छदैस्त्रिपत्रैश्च शिरीषामलकैः शुभैः । कर्कंधू लकुचैरक्षैः पारिभद्रैर्वचादिभिः

saptacchadaistripatraiśca śirīṣāmalakaiḥ śubhaiḥ | karkaṃdhū lakucairakṣaiḥ pāribhadrairvacādibhiḥ

Sanskrit only: no published translation is held for this verse.

केतकैः सिंदुवारैश्च तगरैः कुन्दमल्लिकैः । पद्मेन्दीवरकह्लार मालती यूथिकादिभिः

ketakaiḥ siṃduvāraiśca tagaraiḥ kundamallikaiḥ | padmendīvarakahlāra mālatī yūthikādibhiḥ

Sanskrit only: no published translation is held for this verse.

मालती मोगरैश्चैव जातीफलविराजितैः । पुन्नागैः किंशुकैश्चैव बर्बरीतुलसीद्रुमैः

mālatī mogaraiścaiva jātīphalavirājitaiḥ | punnāgaiḥ kiṃśukaiścaiva barbarītulasīdrumaiḥ

Sanskrit only: no published translation is held for this verse.

आश्रमो रमणीयः स द्रुमैर्नानाविधैर्नृप । वनमध्ये नदी याति पुण्यतोया सरस्वती

āśramo ramaṇīyaḥ sa drumairnānāvidhairnṛpa | vanamadhye nadī yāti puṇyatoyā sarasvatī

Sanskrit only: no published translation is held for this verse.

कूजंति सारसास्तत्र मदस्निग्धकलं सदा । नदंति कोकिलाः शब्दं गुंजंति च मधुव्रताः

kūjaṃti sārasāstatra madasnigdhakalaṃ sadā | nadaṃti kokilāḥ śabdaṃ guṃjaṃti ca madhuvratāḥ

Sanskrit only: no published translation is held for this verse.

बहुकोलाहलं भूप तद्वनं शुकसारिभिः । चरंति श्वापदास्तत्र विविधाः काननोत्तमे

bahukolāhalaṃ bhūpa tadvanaṃ śukasāribhiḥ | caraṃti śvāpadāstatra vividhāḥ kānanottame

Sanskrit only: no published translation is held for this verse.

सदाफलं सदापुष्पं परागकणधूसरम् । आच्छन्नं काननं सर्वं मधुवृक्षैः समंततः

sadāphalaṃ sadāpuṣpaṃ parāgakaṇadhūsaram | ācchannaṃ kānanaṃ sarvaṃ madhuvṛkṣaiḥ samaṃtataḥ

Sanskrit only: no published translation is held for this verse.

नवपल्लवसंजातमंजरीभरवल्लिभिः । आश्लिष्टमभितोरम्यं प्रियाभिरिव वल्लभः

navapallavasaṃjātamaṃjarībharavallibhiḥ | āśliṣṭamabhitoramyaṃ priyābhiriva vallabhaḥ

Sanskrit only: no published translation is held for this verse.

तस्य शापभयात्त्रस्तो वातो वाति समंततः । न वर्षंत्यश्मभिर्मेघा न शोषयति भास्करः

tasya śāpabhayāttrasto vāto vāti samaṃtataḥ | na varṣaṃtyaśmabhirmeghā na śoṣayati bhāskaraḥ

Sanskrit only: no published translation is held for this verse.

वनं नोपद्रवं तद्धि सदा सिद्धनिषेवितम् । आह्लादजनकं नित्यं वनं चैत्ररथं यथा

vanaṃ nopadravaṃ taddhi sadā siddhaniṣevitam | āhlādajanakaṃ nityaṃ vanaṃ caitrarathaṃ yathā

Sanskrit only: no published translation is held for this verse.

तस्मिन्वसति धर्मात्मा देवद्युतिर्द्विजोत्तमः । पुत्रः सुमित्रो विप्रस्य लब्धो लक्ष्मीपतेर्वरात्

tasminvasati dharmātmā devadyutirdvijottamaḥ | putraḥ sumitro viprasya labdho lakṣmīpatervarāt

Sanskrit only: no published translation is held for this verse.

नियमः श्रूयतां तस्य सर्वदा नियतात्मनः । ग्रीष्मे पंचतपा नित्यं सूर्यन्यस्तविलोचनः

niyamaḥ śrūyatāṃ tasya sarvadā niyatātmanaḥ | grīṣme paṃcatapā nityaṃ sūryanyastavilocanaḥ

Sanskrit only: no published translation is held for this verse.

वर्षत्कादंबिनी यावद्वर्षास्वभ्रावकाशगः । वाते प्रवाते निष्कंपो दुःसहो हिमवानिव

varṣatkādaṃbinī yāvadvarṣāsvabhrāvakāśagaḥ | vāte pravāte niṣkaṃpo duḥsaho himavāniva

Sanskrit only: no published translation is held for this verse.

वसत्यप्सु स हेमंते ह्रदे सारस्वते द्विज । उपस्पृशति काले स त्रिवारं वारिनिर्मलम्

vasatyapsu sa hemaṃte hrade sārasvate dvija | upaspṛśati kāle sa trivāraṃ vārinirmalam

Sanskrit only: no published translation is held for this verse.

पितॄन्देवानृषीन्नित्यं संतर्पयति श्रद्धया । ब्रह्मयज्ञपरो नित्यं सत्यवादी जितेंद्रियः

pitṝndevānṛṣīnnityaṃ saṃtarpayati śraddhayā | brahmayajñaparo nityaṃ satyavādī jiteṃdriyaḥ

Sanskrit only: no published translation is held for this verse.

भूमौ विश्राम्य विश्रांतः प्रदध्यौ प्रार्थयन्हरिम् । वन्यैर्जुहोत्यग्निहोत्रं श्रद्धयातिथिपूजकः

bhūmau viśrāmya viśrāṃtaḥ pradadhyau prārthayanharim | vanyairjuhotyagnihotraṃ śraddhayātithipūjakaḥ

Sanskrit only: no published translation is held for this verse.

चांद्रायणविधानेन कालं नयति सर्वदा । स्वयं विगलितैः पत्रैः फलैर्वृत्तिं समीहते

cāṃdrāyaṇavidhānena kālaṃ nayati sarvadā | svayaṃ vigalitaiḥ patraiḥ phalairvṛttiṃ samīhate

Sanskrit only: no published translation is held for this verse.

अनुद्विग्नस्तपोनिष्ठो वेदवेदांगपारगः । धमनी विकरालोसावस्थिमात्रकलेवरः

anudvignastaponiṣṭho vedavedāṃgapāragaḥ | dhamanī vikarālosāvasthimātrakalevaraḥ

Sanskrit only: no published translation is held for this verse.

इत्थं जगाम वर्षाणां सहस्रं तस्य कानने । तदा जज्वाल शैलोऽसौ तपसस्तस्य तेजसा

itthaṃ jagāma varṣāṇāṃ sahasraṃ tasya kānane | tadā jajvāla śailo'sau tapasastasya tejasā

Sanskrit only: no published translation is held for this verse.

सोढुं न शक्यते भूतैस्तेजस्तस्य महात्मनः । वैश्वानर इवाभाति प्रज्वलंस्तपसा द्विज

soḍhuṃ na śakyate bhūtaistejastasya mahātmanaḥ | vaiśvānara ivābhāti prajvalaṃstapasā dvija

Sanskrit only: no published translation is held for this verse.

गतवैराणि भूतानि समजायंत तद्वने । मृगव्याघ्राखुमार्जारा मिथः क्रीडंति निर्भयाः

gatavairāṇi bhūtāni samajāyaṃta tadvane | mṛgavyāghrākhumārjārā mithaḥ krīḍaṃti nirbhayāḥ

Sanskrit only: no published translation is held for this verse.

अन्योऽपि नियमस्तस्य श्रूयतामतिदुर्लभः । नारायणं त्रिकालं स संपूजयति नित्यशः

anyo'pi niyamastasya śrūyatāmatidurlabhaḥ | nārāyaṇaṃ trikālaṃ sa saṃpūjayati nityaśaḥ

Sanskrit only: no published translation is held for this verse.

पुष्पाणां तु सहस्रेण विकचेन सुगंधिना । वेदसूक्तविधानेन विष्णुध्यानपरायणः

puṣpāṇāṃ tu sahasreṇa vikacena sugaṃdhinā | vedasūktavidhānena viṣṇudhyānaparāyaṇaḥ

Sanskrit only: no published translation is held for this verse.

विष्णोः संप्रीतये विप्रः कुरुते कर्म चाखिलम् । दधीचेर्वरदानात्स संजातो वरवैष्णवः

viṣṇoḥ saṃprītaye vipraḥ kurute karma cākhilam | dadhīcervaradānātsa saṃjāto varavaiṣṇavaḥ

Sanskrit only: no published translation is held for this verse.

एकदा मासि वैशाखे एकादश्यां महामुनिः । पूजां कृत्वा हरे रम्यां विचित्रामकरोत्स्तुतिम् 6.128.२००। तदैव खगमारुह्य देवो देवो हरिः स्वयम् । आजगाम पुरस्तस्य तया स्तुत्यातिहर्षितः

ekadā māsi vaiśākhe ekādaśyāṃ mahāmuniḥ | pūjāṃ kṛtvā hare ramyāṃ vicitrāmakarotstutim 6.128.200| tadaiva khagamāruhya devo devo hariḥ svayam | ājagāma purastasya tayā stutyātiharṣitaḥ

Sanskrit only: no published translation is held for this verse.

तं दृष्ट्वा गरुडारूढं प्रत्यक्षं जलदच्छविम् । चतुर्बाहुं विशालाक्षं सर्वालंकारभूषितम्

taṃ dṛṣṭvā garuḍārūḍhaṃ pratyakṣaṃ jaladacchavim | caturbāhuṃ viśālākṣaṃ sarvālaṃkārabhūṣitam

Sanskrit only: no published translation is held for this verse.

उद्भूतपुलको विप्रः सानंद जललोचनः । जगाम शिरसा भूमौ कृतकृत्यमनास्तदा

udbhūtapulako vipraḥ sānaṃda jalalocanaḥ | jagāma śirasā bhūmau kṛtakṛtyamanāstadā

Sanskrit only: no published translation is held for this verse.

न ममौ तेन हर्षेण स ब्रह्मांडोदरेऽपि हि । न सस्मार निजं देहं ब्रह्मभूत इवाभवत्

na mamau tena harṣeṇa sa brahmāṃḍodare'pi hi | na sasmāra nijaṃ dehaṃ brahmabhūta ivābhavat

Sanskrit only: no published translation is held for this verse.

ततः संभाषितः प्रीत्या हरिणा वैष्णवो मुनिः । देवद्युते विजानामि मद्भक्तस्त्वं मदाश्रयः

tataḥ saṃbhāṣitaḥ prītyā hariṇā vaiṣṇavo muniḥ | devadyute vijānāmi madbhaktastvaṃ madāśrayaḥ

Sanskrit only: no published translation is held for this verse.

संन्यस्ताखिलकर्मासि मद्भावो मन्मनाः सदा । वरं ब्रूहि प्रसन्नोऽस्मि स्तोत्रेणानेन चानघ

saṃnyastākhilakarmāsi madbhāvo manmanāḥ sadā | varaṃ brūhi prasanno'smi stotreṇānena cānagha

Sanskrit only: no published translation is held for this verse.

इति श्रुत्वा हरेर्वाक्यं प्रत्युवाच स तापसः । देवदेवारविंदाक्ष स्वमायाधृतविग्रह

iti śrutvā harervākyaṃ pratyuvāca sa tāpasaḥ | devadevāraviṃdākṣa svamāyādhṛtavigraha

Sanskrit only: no published translation is held for this verse.

त्वद्दर्शनात्सदा देव दुर्लभो नापरो वरः । ब्रह्मादयः सुराः सर्वे योगिनः सनकादयः

tvaddarśanātsadā deva durlabho nāparo varaḥ | brahmādayaḥ surāḥ sarve yoginaḥ sanakādayaḥ

Sanskrit only: no published translation is held for this verse.

त्वां साक्षात्कर्तुमिच्छंति सिद्धाश्च कपिलादयः । अहं ममेति पाशा ये मोह लोभाः शुभाशुभाः

tvāṃ sākṣātkartumicchaṃti siddhāśca kapilādayaḥ | ahaṃ mameti pāśā ye moha lobhāḥ śubhāśubhāḥ

Sanskrit only: no published translation is held for this verse.

सहेतुकाश्च दह्यंते दृष्टे त्वयि परावरे । जन्मनः कर्मणो बुद्धेराविर्भूतं फलं मम

sahetukāśca dahyaṃte dṛṣṭe tvayi parāvare | janmanaḥ karmaṇo buddherāvirbhūtaṃ phalaṃ mama

Sanskrit only: no published translation is held for this verse.

यद्दृष्टोऽसि जगन्नाथ प्रार्थये किमतः परम् । न वरार्थं हि देवेश त्वत्पादपंकजं हृदि

yaddṛṣṭo'si jagannātha prārthaye kimataḥ param | na varārthaṃ hi deveśa tvatpādapaṃkajaṃ hṛdi

Sanskrit only: no published translation is held for this verse.

चिंतयामि सदा भक्त्या त्वद्गतेनांतरात्मना । इममेव वरं याचे त्वद्भक्तिरचला मम

ciṃtayāmi sadā bhaktyā tvadgatenāṃtarātmanā | imameva varaṃ yāce tvadbhaktiracalā mama

Sanskrit only: no published translation is held for this verse.

अस्तु वै कमलानाथ प्रार्थये नापरं वरम् । इति श्रुत्वा वचस्तस्य प्रसन्नवदनो हरिः

astu vai kamalānātha prārthaye nāparaṃ varam | iti śrutvā vacastasya prasannavadano hariḥ

Sanskrit only: no published translation is held for this verse.

प्रत्युवाच प्रसन्नात्मा एवमस्तु द्विजोत्तम । अन्यस्ते तपसः कश्चित्प्रत्यूहो न भविष्यति

pratyuvāca prasannātmā evamastu dvijottama | anyaste tapasaḥ kaścitpratyūho na bhaviṣyati

Sanskrit only: no published translation is held for this verse.

एतच्च त्वत्कृतं स्तोत्रं ये पठिष्यंति मानवाः । तेषां मद्विषया भक्तिर्निश्चला च भविष्यति

etacca tvatkṛtaṃ stotraṃ ye paṭhiṣyaṃti mānavāḥ | teṣāṃ madviṣayā bhaktirniścalā ca bhaviṣyati

Sanskrit only: no published translation is held for this verse.

धर्मकार्यं च यत्किंचित्सांगं सर्वं भविष्यति । ज्ञाने च परमा निष्ठा तेषां स्थास्यति निश्चला

dharmakāryaṃ ca yatkiṃcitsāṃgaṃ sarvaṃ bhaviṣyati | jñāne ca paramā niṣṭhā teṣāṃ sthāsyati niścalā

Sanskrit only: no published translation is held for this verse.

इत्युक्त्वांतर्हितस्तत्र देवदेवो जनार्दनः । देवद्युतिस्तदारभ्य नारायणपरोऽभवत्

ityuktvāṃtarhitastatra devadevo janārdanaḥ | devadyutistadārabhya nārāyaṇaparo'bhavat

Sanskrit only: no published translation is held for this verse.

दिलीप उवाच। महर्षेऽनुगृहीतोऽस्मि कथया पावनीकृतः । अनया विष्णुसंगत्या गंगयेवाहमद्य वै

dilīpa uvāca| maharṣe'nugṛhīto'smi kathayā pāvanīkṛtaḥ | anayā viṣṇusaṃgatyā gaṃgayevāhamadya vai

Sanskrit only: no published translation is held for this verse.

किं तत्स्तोत्रं समाख्याहि प्रसन्नो येन माधवः । तस्यानघस्य विप्रस्य महत्कौतूहलं मम

kiṃ tatstotraṃ samākhyāhi prasanno yena mādhavaḥ | tasyānaghasya viprasya mahatkautūhalaṃ mama

Sanskrit only: no published translation is held for this verse.

त्वत्प्रसादादहं विप्र मन्ये प्राप्तं मनोरथम् । महतां संगतिः कस्य महत्त्वाय न कल्पते

tvatprasādādahaṃ vipra manye prāptaṃ manoratham | mahatāṃ saṃgatiḥ kasya mahattvāya na kalpate

Sanskrit only: no published translation is held for this verse.

कथयस्व प्रसादेन विष्णोः स्तोत्रमनुत्तमम् । येन तुष्टः स भगवान्ददौ तस्य च दर्शनम्

kathayasva prasādena viṣṇoḥ stotramanuttamam | yena tuṣṭaḥ sa bhagavāndadau tasya ca darśanam

Sanskrit only: no published translation is held for this verse.

वसिष्ठ उवाच। कथयामि रहस्यं ते यज्जप्तं स्तोत्रमुत्तमम् । प्राग्गृहीतं सुपर्णेन गरुडान्मयि चागतम्

vasiṣṭha uvāca| kathayāmi rahasyaṃ te yajjaptaṃ stotramuttamam | prāggṛhītaṃ suparṇena garuḍānmayi cāgatam

Sanskrit only: no published translation is held for this verse.

अध्यात्मगर्भसारं तन्महोदयकरं शुभम् । सर्वपापहरं भूप स्वात्मज्ञानकरं परम्

adhyātmagarbhasāraṃ tanmahodayakaraṃ śubham | sarvapāpaharaṃ bhūpa svātmajñānakaraṃ param

Sanskrit only: no published translation is held for this verse.

ॐ नमो वासुदेवाय नमो विश्वाय चक्रिणे । भक्तप्रियाय कृष्णाय जगन्नाथाय शार्ङ्गिणे

oṃ namo vāsudevāya namo viśvāya cakriṇe | bhaktapriyāya kṛṣṇāya jagannāthāya śārṅgiṇe

Sanskrit only: no published translation is held for this verse.

स्तोता स्तुत्यः स्तुतिः सर्वं जगद्विष्णुमयं यदा । तदा संस्तूयते केन भक्तिर्मोदकरी नृणाम्

stotā stutyaḥ stutiḥ sarvaṃ jagadviṣṇumayaṃ yadā | tadā saṃstūyate kena bhaktirmodakarī nṛṇām

Sanskrit only: no published translation is held for this verse.

यस्य देवस्य निःश्वासो वेदाः सांगाः ससूत्रकाः । का स्तुतिः प्रमुदे तस्य भक्त्याऽहं मुखरोऽभवम्

yasya devasya niḥśvāso vedāḥ sāṃgāḥ sasūtrakāḥ | kā stutiḥ pramude tasya bhaktyā'haṃ mukharo'bhavam

Sanskrit only: no published translation is held for this verse.

चक्रवद्भ्रमते सर्वं त्रैलोक्यं सचराचरम् । अतस्त्वं गीयते देव चक्रपाणि वरायुध

cakravadbhramate sarvaṃ trailokyaṃ sacarācaram | atastvaṃ gīyate deva cakrapāṇi varāyudha

Sanskrit only: no published translation is held for this verse.

वेदो न वक्ति यं साक्षान्न च वाग्वेत्ति नो मनः । मद्विधस्तं कथं स्तौति भक्तिमान्वा कथं भवेत्

vedo na vakti yaṃ sākṣānna ca vāgvetti no manaḥ | madvidhastaṃ kathaṃ stauti bhaktimānvā kathaṃ bhavet

Sanskrit only: no published translation is held for this verse.

ब्रह्मादिब्रह्मविष्णुस्त्वं त्वमेव सकलाश्रयः । स्रष्टा ब्रह्मनिदानं च शुद्धं ब्रह्मत्वमेव च

brahmādibrahmaviṣṇustvaṃ tvameva sakalāśrayaḥ | sraṣṭā brahmanidānaṃ ca śuddhaṃ brahmatvameva ca

Sanskrit only: no published translation is held for this verse.

(कोऽयं कायस्तव विभो भित्त्वा स्पृशति कायिनम् । कायदोषैर्न चाघ्रातस्तस्मै नमोस्तु योगिने १)। देवभावेन जागर्ति न निद्राति निजात्मनि । सुखसंदोहबुद्धिर्या सा त्वं विष्णो न संशयः

(ko'yaṃ kāyastava vibho bhittvā spṛśati kāyinam | kāyadoṣairna cāghrātastasmai namostu yogine 1)| devabhāvena jāgarti na nidrāti nijātmani | sukhasaṃdohabuddhiryā sā tvaṃ viṣṇo na saṃśayaḥ

Sanskrit only: no published translation is held for this verse.

महदादयो महाभावास्तथा वैकारिका गुणाः । त्वमेव नाथ तत्सर्वं नानात्वं मूढकल्पना

mahadādayo mahābhāvāstathā vaikārikā guṇāḥ | tvameva nātha tatsarvaṃ nānātvaṃ mūḍhakalpanā

Sanskrit only: no published translation is held for this verse.

केशकेशवरूपाभिः कल्पना तिसृभिस्तथा । त्वमेव कल्पसे ब्रह्म पुमानिव सुतादिभिः

keśakeśavarūpābhiḥ kalpanā tisṛbhistathā | tvameva kalpase brahma pumāniva sutādibhiḥ

Sanskrit only: no published translation is held for this verse.

विदोषं विगुणं चैकं चिन्मूर्तिरखिलं जगत् । कवीनां भाति यत्तत्त्वं तं विष्णुं नौमि निर्मलम्

vidoṣaṃ viguṇaṃ caikaṃ cinmūrtirakhilaṃ jagat | kavīnāṃ bhāti yattattvaṃ taṃ viṣṇuṃ naumi nirmalam

Sanskrit only: no published translation is held for this verse.

यस्य ज्ञानेन कुर्वंति कर्मापि श्रुतिभाषितम् । निरीषणा जगन्मित्राः शुद्धं ब्रह्म नमामि तत्

yasya jñānena kurvaṃti karmāpi śrutibhāṣitam | nirīṣaṇā jaganmitrāḥ śuddhaṃ brahma namāmi tat

Sanskrit only: no published translation is held for this verse.

ध्वस्तेतरच्च सन्मात्रं यत्प्रबोधादुपासते । योगिनः सर्वभूतेषु सद्रूपं नौमि तं हरिम्

dhvastetaracca sanmātraṃ yatprabodhādupāsate | yoginaḥ sarvabhūteṣu sadrūpaṃ naumi taṃ harim

Sanskrit only: no published translation is held for this verse.

ब्रह्माहमिति गायंति यं ज्ञात्वैकं वरा द्विजाः । पश्यंतो हि त्वया तुल्यं देव तं नौमि माधवम्

brahmāhamiti gāyaṃti yaṃ jñātvaikaṃ varā dvijāḥ | paśyaṃto hi tvayā tulyaṃ deva taṃ naumi mādhavam

Sanskrit only: no published translation is held for this verse.

मायया मोहवैचित्र्यं तथाहं ममतां नृणाम् । यो नाशयति पापौघान्नमस्तस्मै चिदात्मने

māyayā mohavaicitryaṃ tathāhaṃ mamatāṃ nṛṇām | yo nāśayati pāpaughānnamastasmai cidātmane

Sanskrit only: no published translation is held for this verse.

प्रयाणे वा प्रयाणे च यन्नामस्मरतां नृणाम् । सद्यो नश्यंति पापौघा नमस्तस्मै चिदात्मने

prayāṇe vā prayāṇe ca yannāmasmaratāṃ nṛṇām | sadyo naśyaṃti pāpaughā namastasmai cidātmane

Sanskrit only: no published translation is held for this verse.

मोहानललसज्ज्वाला ज्वलल्लोकेषु सर्वदा । यत्पादांभोरुहच्छायां प्रविष्टश्च न दह्यते

mohānalalasajjvālā jvalallokeṣu sarvadā | yatpādāṃbhoruhacchāyāṃ praviṣṭaśca na dahyate

Sanskrit only: no published translation is held for this verse.

यस्य स्मरणमात्रेण न मोहो नैव दुर्गतिः । न रोगा नैव दुःखानि तमनंतं नमाम्यहम्

yasya smaraṇamātreṇa na moho naiva durgatiḥ | na rogā naiva duḥkhāni tamanaṃtaṃ namāmyaham

Sanskrit only: no published translation is held for this verse.

कामयंते प्रजा नैव धिषणाभ्यः समुत्थिताः । लोकमात्मैव पश्यंति यं बुद्ध्वैकचरा जनाः

kāmayaṃte prajā naiva dhiṣaṇābhyaḥ samutthitāḥ | lokamātmaiva paśyaṃti yaṃ buddhvaikacarā janāḥ

Sanskrit only: no published translation is held for this verse.

शब्दार्थः संविदर्थश्च विष्णोर्नामपरो यदि । सत्येन तेन संसारो मा संस्पृशतु माधव

śabdārthaḥ saṃvidarthaśca viṣṇornāmaparo yadi | satyena tena saṃsāro mā saṃspṛśatu mādhava

Sanskrit only: no published translation is held for this verse.

नारायणो जगद्व्यापी यदि वेदादिसंमतः । सत्येन तेन निर्विघ्ना विष्णुभक्तिर्ममास्तु वै

nārāyaṇo jagadvyāpī yadi vedādisaṃmataḥ | satyena tena nirvighnā viṣṇubhaktirmamāstu vai

Sanskrit only: no published translation is held for this verse.

यो न बीजं विना बीजं बीजे यो बीजभावितः । स विष्णुर्भव बीजं मे सितविद्यासि नाद्य तु

yo na bījaṃ vinā bījaṃ bīje yo bījabhāvitaḥ | sa viṣṇurbhava bījaṃ me sitavidyāsi nādya tu

Sanskrit only: no published translation is held for this verse.

त्रितनुर्नटवद्यस्तु सृष्टि स्थिति लयेषु च । गुणैर्भवति कार्येषु स प्रसीदतु मे हरिः

tritanurnaṭavadyastu sṛṣṭi sthiti layeṣu ca | guṇairbhavati kāryeṣu sa prasīdatu me hariḥ

Sanskrit only: no published translation is held for this verse.

दशधेहाऽवतीर्णो यो धर्मत्राणाय केवलम् । अभ्यर्थितः सुरैः सर्वैः स प्रसीदतु मे हरिः

daśadhehā'vatīrṇo yo dharmatrāṇāya kevalam | abhyarthitaḥ suraiḥ sarvaiḥ sa prasīdatu me hariḥ

Sanskrit only: no published translation is held for this verse.

ब्रह्मादिस्तंबपर्यंतं प्राणिहृन्मंदिरेऽमलः । एको वसति यो देवः स प्रसीदतु मे हरिः

brahmādistaṃbaparyaṃtaṃ prāṇihṛnmaṃdire'malaḥ | eko vasati yo devaḥ sa prasīdatu me hariḥ

Sanskrit only: no published translation is held for this verse.

इच्छां चक्रे स देवाग्रे एकश्चैव बहुस्तथा । प्रविष्टो देवताः स्रष्टा स प्रसीदतु मे हरिः

icchāṃ cakre sa devāgre ekaścaiva bahustathā | praviṣṭo devatāḥ sraṣṭā sa prasīdatu me hariḥ

Sanskrit only: no published translation is held for this verse.

हृत्खगः खसमः खादिः खातीतः खक्रियः खगः । खं ब्रह्मा खादिभुक्चांते खमूर्तिस्त्वं मखाशनः

hṛtkhagaḥ khasamaḥ khādiḥ khātītaḥ khakriyaḥ khagaḥ | khaṃ brahmā khādibhukcāṃte khamūrtistvaṃ makhāśanaḥ

Sanskrit only: no published translation is held for this verse.

यद्भासायन्मुदा यस्य मायया सज्यते जगत् । जाड्यं दुःखमसत्यं च स भवानेव तन्मयः 6.128.२५०। त्वत्सृष्टं मोदते विश्वं त्वत्त्यक्तमशुचिर्भवेत् । तत्संगतोऽप्यसंगस्त्वं विकारस्तेन तेन हि

yadbhāsāyanmudā yasya māyayā sajyate jagat | jāḍyaṃ duḥkhamasatyaṃ ca sa bhavāneva tanmayaḥ 6.128.250| tvatsṛṣṭaṃ modate viśvaṃ tvattyaktamaśucirbhavet | tatsaṃgato'pyasaṃgastvaṃ vikārastena tena hi

Sanskrit only: no published translation is held for this verse.

भूतयोगजचैतन्यं चार्वाकायमुपासते । सौगता ब्रवते तर्कैस्त्वां बुद्धिं क्षणभंगुराम्

bhūtayogajacaitanyaṃ cārvākāyamupāsate | saugatā bravate tarkaistvāṃ buddhiṃ kṣaṇabhaṃgurām

Sanskrit only: no published translation is held for this verse.

शरीरपरिमाणं त्वां मन्यंते जिनदेवताः । ध्यायंति पुरुषं सांख्यास्त्वामेव प्रकृतेः परम्

śarīraparimāṇaṃ tvāṃ manyaṃte jinadevatāḥ | dhyāyaṃti puruṣaṃ sāṃkhyāstvāmeva prakṛteḥ param

Sanskrit only: no published translation is held for this verse.

जन्मादिरहितः पूर्वं यः स्यादानंदलक्षणम् । त्वामेवोपनिषद्ब्रह्म चिंतयंति परस्परम्

janmādirahitaḥ pūrvaṃ yaḥ syādānaṃdalakṣaṇam | tvāmevopaniṣadbrahma ciṃtayaṃti parasparam

Sanskrit only: no published translation is held for this verse.

खादिभूतानि देहश्च मनो बुद्धींद्रियाणि च । विद्याविद्ये त्वमेवात्र नान्यत्त्वत्तोऽस्ति किंचन

khādibhūtāni dehaśca mano buddhīṃdriyāṇi ca | vidyāvidye tvamevātra nānyattvatto'sti kiṃcana

Sanskrit only: no published translation is held for this verse.

त्वं धाता सर्वभूतानां त्वमेव शरणं मम । त्वमग्निस्त्वं हविः शक्रो होता मंत्रः क्रियाफलम्

tvaṃ dhātā sarvabhūtānāṃ tvameva śaraṇaṃ mama | tvamagnistvaṃ haviḥ śakro hotā maṃtraḥ kriyāphalam

Sanskrit only: no published translation is held for this verse.