Padma Purāṇa 6.129

तस्मात्सर्वप्रयत्नेन महाभक्त्या च धार्मिक । करस्थं तस्य कैवल्यं योगं गां सेवते सदा

tasmātsarvaprayatnena mahābhaktyā ca dhārmika | karasthaṃ tasya kaivalyaṃ yogaṃ gāṃ sevate sadā

Sanskrit only: no published translation is held for this verse.

आयुष्मान्भव पांथत्वं मा धर्मविरतो भव । त्वयाऽहं तारितः सद्यो गंगांबुकणदानतः

āyuṣmānbhava pāṃthatvaṃ mā dharmavirato bhava | tvayā'haṃ tāritaḥ sadyo gaṃgāṃbukaṇadānataḥ

Sanskrit only: no published translation is held for this verse.

इत्युक्त्वा प्रस्थितो नाकं पिशाचस्तु स केरलः । आशीर्भिरभिनंद्याथ पांथं बंधुवरं नरम्

ityuktvā prasthito nākaṃ piśācastu sa keralaḥ | āśīrbhirabhinaṃdyātha pāṃthaṃ baṃdhuvaraṃ naram

Sanskrit only: no published translation is held for this verse.

प्रेतं विमोक्ष्य पांथोऽपि पुनरादाय तज्जलम् । गतस्तेनैव मार्गेण स्मरंस्तीर्थोदकौतुकम्

pretaṃ vimokṣya pāṃtho'pi punarādāya tajjalam | gatastenaiva mārgeṇa smaraṃstīrthodakautukam

Sanskrit only: no published translation is held for this verse.

वसिष्ठ उवाच। इत्थं प्रयागमाहात्म्यं श्रुत्वा नत्वा च तं मुनिम् । प्रयागं सहसा माघे पिशाचः सत्वरं गतः 6.129.२५०। स्नात्वा सितासिते सोऽपि माघमासे द्विजोत्तम । पिशाचः क्षीणपापस्तु पैशाचीं विजहौ तनुम्

vasiṣṭha uvāca| itthaṃ prayāgamāhātmyaṃ śrutvā natvā ca taṃ munim | prayāgaṃ sahasā māghe piśācaḥ satvaraṃ gataḥ 6.129.250| snātvā sitāsite so'pi māghamāse dvijottama | piśācaḥ kṣīṇapāpastu paiśācīṃ vijahau tanum

Sanskrit only: no published translation is held for this verse.

दिव्यदेहस्ततो भूत्वा द्राविडो भूपतिस्तदा । स्तुवन्नारायणं देवं भक्त्या दोषविवर्जितः

divyadehastato bhūtvā drāviḍo bhūpatistadā | stuvannārāyaṇaṃ devaṃ bhaktyā doṣavivarjitaḥ

Sanskrit only: no published translation is held for this verse.

गंधर्वैः स्तूयमानस्तु नाकनारीसुपूजितः । उत्तमेन विमानेन पुरंदरपुरं ययौ

gaṃdharvaiḥ stūyamānastu nākanārīsupūjitaḥ | uttamena vimānena puraṃdarapuraṃ yayau

Sanskrit only: no published translation is held for this verse.

इति ते कथितं विप्र पूर्ववृत्तं सकौतुकम् । इतिहासं द्विजश्रेष्ठ सद्यः पातकनाशनम्

iti te kathitaṃ vipra pūrvavṛttaṃ sakautukam | itihāsaṃ dvijaśreṣṭha sadyaḥ pātakanāśanam

Sanskrit only: no published translation is held for this verse.

ज्ञानदं मोक्षदं विप्र श्रुतं दुर्गतिनाशनम् । इति ते कथितं सर्वं पुरावृत्तं सकौतुकम्

jñānadaṃ mokṣadaṃ vipra śrutaṃ durgatināśanam | iti te kathitaṃ sarvaṃ purāvṛttaṃ sakautukam

Sanskrit only: no published translation is held for this verse.

इतिहासं द्विजश्रेष्ठ श्रुतं दुर्गतिनाशनम् । अधुना तु मया सार्धमिमाः कन्याः सुतश्च ते

itihāsaṃ dvijaśreṣṭha śrutaṃ durgatināśanam | adhunā tu mayā sārdhamimāḥ kanyāḥ sutaśca te

Sanskrit only: no published translation is held for this verse.

त्वं चायातु प्रयागं वै सर्वे सद्गतिमीप्सवः । माघस्नानं प्रकुर्मोऽत्र देवानामपि दुर्लभम्

tvaṃ cāyātu prayāgaṃ vai sarve sadgatimīpsavaḥ | māghasnānaṃ prakurmo'tra devānāmapi durlabham

Sanskrit only: no published translation is held for this verse.

तत्र मोक्ष्यंति पैशाच्यं सद्यः पापसमुद्भवम्

tatra mokṣyaṃti paiśācyaṃ sadyaḥ pāpasamudbhavam

Sanskrit only: no published translation is held for this verse.

महेश उवाच। एवं वसिष्ठवक्त्राब्जकथामधुरसंमुदा । पीत्वा प्रमुदिताः सर्वे निस्तीर्णा नरकार्णवात्

maheśa uvāca| evaṃ vasiṣṭhavaktrābjakathāmadhurasaṃmudā | pītvā pramuditāḥ sarve nistīrṇā narakārṇavāt

Sanskrit only: no published translation is held for this verse.

प्रस्थितास्तेन सार्धं ते सत्वरं व्योम्नि हर्षिताः । दिलीप शृणु तत्सर्वं तत्तीर्थं तु सितासितम्

prasthitāstena sārdhaṃ te satvaraṃ vyomni harṣitāḥ | dilīpa śṛṇu tatsarvaṃ tattīrthaṃ tu sitāsitam

Sanskrit only: no published translation is held for this verse.

सत्वरं व्योममार्गेण काममासाद्य दुःसहाः । समागम्य तदा तत्र संहृष्टहृदयाश्च ते

satvaraṃ vyomamārgeṇa kāmamāsādya duḥsahāḥ | samāgamya tadā tatra saṃhṛṣṭahṛdayāśca te

Sanskrit only: no published translation is held for this verse.

अथोचे लोमशस्तत्र सदयं गगनांगणे । पश्यंतु श्रद्धया सर्वे तीर्थराजमिमं भुवि

athoce lomaśastatra sadayaṃ gaganāṃgaṇe | paśyaṃtu śraddhayā sarve tīrtharājamimaṃ bhuvi

Sanskrit only: no published translation is held for this verse.

विना ज्ञानं प्रयागेऽस्मिन्मुच्यंते सर्वजंतवः । इष्ट्वात्रैव महायज्ञं स्रष्टुकामः प्रजापतिः

vinā jñānaṃ prayāge'sminmucyaṃte sarvajaṃtavaḥ | iṣṭvātraiva mahāyajñaṃ sraṣṭukāmaḥ prajāpatiḥ

Sanskrit only: no published translation is held for this verse.

अवाप सृष्टिसामर्थ्यं ततः सृष्टिं चकार सः । अत्र नारायणः सस्नौ पत्नीकामः सितासिते

avāpa sṛṣṭisāmarthyaṃ tataḥ sṛṣṭiṃ cakāra saḥ | atra nārāyaṇaḥ sasnau patnīkāmaḥ sitāsite

Sanskrit only: no published translation is held for this verse.

अतः स लब्धवान्लक्ष्मीं भार्याममृतमंथने । उषित्वा चात्र षण्मासं स्नात्वा वेण्यां यथेच्छया

ataḥ sa labdhavānlakṣmīṃ bhāryāmamṛtamaṃthane | uṣitvā cātra ṣaṇmāsaṃ snātvā veṇyāṃ yathecchayā

Sanskrit only: no published translation is held for this verse.

त्रिपुरं घातयामास त्रिबाणेन त्रिशूलभृत् । इमानि त्रीणि कुंडानि दीप्तान्यजस्रवह्निभिः

tripuraṃ ghātayāmāsa tribāṇena triśūlabhṛt | imāni trīṇi kuṃḍāni dīptānyajasravahnibhiḥ

Sanskrit only: no published translation is held for this verse.

एष तृप्तिं गतो वह्निर्यः केनापि च पुष्यति । अत्र देवास्त्रयस्त्रिंशत्तृप्ता मुमुदिरे भृशम्

eṣa tṛptiṃ gato vahniryaḥ kenāpi ca puṣyati | atra devāstrayastriṃśattṛptā mumudire bhṛśam

Sanskrit only: no published translation is held for this verse.

आविर्भूतो महेशोऽत्र नीलकंठः कपालभृत् । अनिशंस सुरैः सेव्य आयातोंजलये बटुः

āvirbhūto maheśo'tra nīlakaṃṭhaḥ kapālabhṛt | aniśaṃsa suraiḥ sevya āyātoṃjalaye baṭuḥ

Sanskrit only: no published translation is held for this verse.

मृकंडसूनुना कल्पे प्रविश्य यन्मुखे स्थितम् । लोके ज्वालाकुले सोऽयं योगरूपी जनार्दनः

mṛkaṃḍasūnunā kalpe praviśya yanmukhe sthitam | loke jvālākule so'yaṃ yogarūpī janārdanaḥ

Sanskrit only: no published translation is held for this verse.

सेयं भागीरथी शंभोः सर्वदुःखापहारिणी । सिद्ध्यर्थं सेव्यते सिद्धैर्भुक्तिमुक्तिफलप्रदा

seyaṃ bhāgīrathī śaṃbhoḥ sarvaduḥkhāpahāriṇī | siddhyarthaṃ sevyate siddhairbhuktimuktiphalapradā

Sanskrit only: no published translation is held for this verse.

अनिशं भूतिदा या च स्वर्गमार्गे ह्यनुत्तमा । स्वर्गहेतुश्च या देवी सेयं भागीरथी नदी

aniśaṃ bhūtidā yā ca svargamārge hyanuttamā | svargahetuśca yā devī seyaṃ bhāgīrathī nadī

Sanskrit only: no published translation is held for this verse.

यदंभः स्नानमात्रेण विकर्तन सलोकताम् । लभंते प्राणिनः सर्वे नदी सा यमुना स्वयम्

yadaṃbhaḥ snānamātreṇa vikartana salokatām | labhaṃte prāṇinaḥ sarve nadī sā yamunā svayam

Sanskrit only: no published translation is held for this verse.

अनयोः पुण्यनद्योश्च संगमः सुखदो मुने । अत्र स्नाता न पच्यंते नरके ज्ञानभाविताः

anayoḥ puṇyanadyośca saṃgamaḥ sukhado mune | atra snātā na pacyaṃte narake jñānabhāvitāḥ

Sanskrit only: no published translation is held for this verse.

विना ज्ञानं प्रयागेऽस्मिन्मुच्यंते सर्वजंतवः । अन्यच्च श्रूयतां विप्र इतिहासं पुरातनम्

vinā jñānaṃ prayāge'sminmucyaṃte sarvajaṃtavaḥ | anyacca śrūyatāṃ vipra itihāsaṃ purātanam

Sanskrit only: no published translation is held for this verse.

शृण्वतां सर्वपापघ्नं सर्वरोगविनाशनम् । ऋचीकेन पुरा शप्तो गंधर्वो वायसोऽभवत्

śṛṇvatāṃ sarvapāpaghnaṃ sarvarogavināśanam | ṛcīkena purā śapto gaṃdharvo vāyaso'bhavat

Sanskrit only: no published translation is held for this verse.

शापं मुमोच सोऽत्रैव स्नातः सद्यः सितासिते । वासवस्य तु शापेन स्वर्गाद्भ्रष्टाप्सरोर्वशी

śāpaṃ mumoca so'traiva snātaḥ sadyaḥ sitāsite | vāsavasya tu śāpena svargādbhraṣṭāpsarorvaśī

Sanskrit only: no published translation is held for this verse.

स्वर्गकामा च सा सस्नौ लेभे स्वर्गं ततोचिरात् । पुत्रं च शंकरं लेभे ययातिर्नाहुषो मुने

svargakāmā ca sā sasnau lebhe svargaṃ tatocirāt | putraṃ ca śaṃkaraṃ lebhe yayātirnāhuṣo mune

Sanskrit only: no published translation is held for this verse.

पुत्रकामः प्रयागे हि स्नात्वा पुण्ये सितासिते । धनकामः पुरा शक्रः सुस्नातोऽत्र द्विजोत्तम

putrakāmaḥ prayāge hi snātvā puṇye sitāsite | dhanakāmaḥ purā śakraḥ susnāto'tra dvijottama

Sanskrit only: no published translation is held for this verse.

धनदस्य निधीन्सर्वाञ्जहार स च मायया । कश्यपोऽत्र तपस्तेपे शिवाराधनतत्परः

dhanadasya nidhīnsarvāñjahāra sa ca māyayā | kaśyapo'tra tapastepe śivārādhanatatparaḥ

Sanskrit only: no published translation is held for this verse.

अस्मिंस्तीर्थे भरद्वाजो योगसिद्धिमवाप्तवान् । अस्मिंस्तीर्थे पुरा विप्र योगेशाः शांतमानसाः

asmiṃstīrthe bharadvājo yogasiddhimavāptavān | asmiṃstīrthe purā vipra yogeśāḥ śāṃtamānasāḥ

Sanskrit only: no published translation is held for this verse.

योगस्य फलभूमिं तु लेभिरे सनकादयः । अस्मिन्माघे तु ये स्नाता गंगायामुनसंगमे

yogasya phalabhūmiṃ tu lebhire sanakādayaḥ | asminmāghe tu ye snātā gaṃgāyāmunasaṃgame

Sanskrit only: no published translation is held for this verse.

तारारूपाश्च ते सर्वे तैर्व्याप्तं सकलं जगत् । विंदंति कामिनः कामान्मुक्तिं यांति मुमुक्षवः

tārārūpāśca te sarve tairvyāptaṃ sakalaṃ jagat | viṃdaṃti kāminaḥ kāmānmuktiṃ yāṃti mumukṣavaḥ

Sanskrit only: no published translation is held for this verse.

विंदंति साधकाः सिद्धिं प्रयागे हि द्विजोत्तम । सांप्रतं मुक्तिकामास्तु कन्याश्चापि सुतश्च ते

viṃdaṃti sādhakāḥ siddhiṃ prayāge hi dvijottama | sāṃprataṃ muktikāmāstu kanyāścāpi sutaśca te

Sanskrit only: no published translation is held for this verse.

मद्वाक्यादत्र मज्जंतु सर्वे त्वं च सितासिते । प्राक्कालीनाघविध्वंसि वेणीजलबलेन तु

madvākyādatra majjaṃtu sarve tvaṃ ca sitāsite | prākkālīnāghavidhvaṃsi veṇījalabalena tu

Sanskrit only: no published translation is held for this verse.

लभंतामखिलं लक्ष्मीं प्राप्तशापमहाफलाम् । एवमार्षवचः सत्यमतींद्रियमलंघनम्

labhaṃtāmakhilaṃ lakṣmīṃ prāptaśāpamahāphalām | evamārṣavacaḥ satyamatīṃdriyamalaṃghanam

Sanskrit only: no published translation is held for this verse.

श्रुत्वा चोत्कंठचित्तास्तेसर्वे स्नानाय चोद्यताः । प्रयागं प्राप्य दुष्प्राप्यं पैशाच्यं विजहुः क्षणात्

śrutvā cotkaṃṭhacittāstesarve snānāya codyatāḥ | prayāgaṃ prāpya duṣprāpyaṃ paiśācyaṃ vijahuḥ kṣaṇāt

Sanskrit only: no published translation is held for this verse.

विमुक्ताः शापदुःखेन तनुं स्वां स्वां च लेभिरे । दृष्ट्वा वेदनिधिः पुत्रं ताः कन्या दिव्यरूपिणीः

vimuktāḥ śāpaduḥkhena tanuṃ svāṃ svāṃ ca lebhire | dṛṣṭvā vedanidhiḥ putraṃ tāḥ kanyā divyarūpiṇīḥ

Sanskrit only: no published translation is held for this verse.

तुष्टाव लोमशं प्रीत्या प्रसन्नेनांतरात्मना । त्वदनुग्रहमात्रेणोत्तीर्णः पापमहार्णवः

tuṣṭāva lomaśaṃ prītyā prasannenāṃtarātmanā | tvadanugrahamātreṇottīrṇaḥ pāpamahārṇavaḥ

Sanskrit only: no published translation is held for this verse.

इदानीमुचितं ब्रूहि बालानामृषिसत्तम । लोमश उवाच। कुमारोधीतवेदोऽयं समाप्तनियमो युवा

idānīmucitaṃ brūhi bālānāmṛṣisattama | lomaśa uvāca| kumārodhītavedo'yaṃ samāptaniyamo yuvā

Sanskrit only: no published translation is held for this verse.

आसां तु सानुरागाणां गृह्णातु करपंकजम् । ततो लोमशवाक्येन स्वपितुर्वचनात्तदा

āsāṃ tu sānurāgāṇāṃ gṛhṇātu karapaṃkajam | tato lomaśavākyena svapiturvacanāttadā

Sanskrit only: no published translation is held for this verse.

विवाहविधिना चाशु ब्रह्मचारी स धार्मिकः । शुभद्रव्यैश्च मंत्रैश्च ऋषिभिः कृतमंगलः

vivāhavidhinā cāśu brahmacārī sa dhārmikaḥ | śubhadravyaiśca maṃtraiśca ṛṣibhiḥ kṛtamaṃgalaḥ

Sanskrit only: no published translation is held for this verse.

पंचानामपि कन्यानां पाणिं जग्राह धर्मतः । आनंदिन्यस्तदा सर्वाः कन्याः पूर्णमनोरथाः

paṃcānāmapi kanyānāṃ pāṇiṃ jagrāha dharmataḥ | ānaṃdinyastadā sarvāḥ kanyāḥ pūrṇamanorathāḥ

Sanskrit only: no published translation is held for this verse.

बभूवुः स कुमारश्च संतुष्टश्च बभूव ह । दत्त्वानुज्ञां मुनिः सोऽथ लोमशस्तैर्नमस्कृतः

babhūvuḥ sa kumāraśca saṃtuṣṭaśca babhūva ha | dattvānujñāṃ muniḥ so'tha lomaśastairnamaskṛtaḥ

Sanskrit only: no published translation is held for this verse.

जगाम स्वाश्रमं मेरुं पर्वतं सुरसेवितम् । ततो वेदनिधी राजन्स्नुषाः पंचसुतं तथा । पुरस्कृत्य मुदायुक्तो धनदस्य पुरं ययौ

jagāma svāśramaṃ meruṃ parvataṃ surasevitam | tato vedanidhī rājansnuṣāḥ paṃcasutaṃ tathā | puraskṛtya mudāyukto dhanadasya puraṃ yayau

Sanskrit only: no published translation is held for this verse.

इति नृपवरमाघे स्नानसंजातपुण्यान्मुनिवरवचसा द्राक्तीर्थराजप्रयागे । सकलकलुषमुक्ताः पंच गंधर्वकन्या अलमभिगतलाभात्प्राप्य तर्षं च जग्मुः

iti nṛpavaramāghe snānasaṃjātapuṇyānmunivaravacasā drāktīrtharājaprayāge | sakalakaluṣamuktāḥ paṃca gaṃdharvakanyā alamabhigatalābhātprāpya tarṣaṃ ca jagmuḥ

Sanskrit only: no published translation is held for this verse.

परमिममितिहासं पावनं तीर्थभूतं वृजिनविलयहेतुं यः शृणोतीह नित्यम् । स भवति खलु पूर्णः सर्वकामैरभीष्टैर्व्रजति च सुरलोके दुर्लभो धर्मयुक्तः

paramimamitihāsaṃ pāvanaṃ tīrthabhūtaṃ vṛjinavilayahetuṃ yaḥ śṛṇotīha nityam | sa bhavati khalu pūrṇaḥ sarvakāmairabhīṣṭairvrajati ca suraloke durlabho dharmayuktaḥ

Sanskrit only: no published translation is held for this verse.

इतिहासमिमं श्रुत्वा पूजयेद्यस्तु पाठकम् । गोभिर्हिरण्यवस्त्रैश्च ब्रह्मतुल्यो यतो हि सः

itihāsamimaṃ śrutvā pūjayedyastu pāṭhakam | gobhirhiraṇyavastraiśca brahmatulyo yato hi saḥ

Sanskrit only: no published translation is held for this verse.

वाचके पूजिते यस्माद्विष्णुर्भवति पूजितः । तस्मात्प्रपूजयेन्नित्यं यदीच्छेत्सफलं भवम्

vācake pūjite yasmādviṣṇurbhavati pūjitaḥ | tasmātprapūjayennityaṃ yadīcchetsaphalaṃ bhavam

Sanskrit only: no published translation is held for this verse.