Padma Purāṇa 6.14

युधिष्ठिर उवाच- इति मायामहेशेन मोहिता गिरिजा यदा । अतः किं समभूद्ब्रह्मन्तन्ममाख्यातुमर्हसि

yudhiṣṭhira uvāca- iti māyāmaheśena mohitā girijā yadā | ataḥ kiṃ samabhūdbrahmantanmamākhyātumarhasi

Sanskrit only: no published translation is held for this verse.

नारद उवाच- क्षीराब्धौ तु शयानस्य चुक्षोभ हृदयं हरेः । अकस्मादेव राजेंद्र नयनेऽश्रुपरिप्लुते

nārada uvāca- kṣīrābdhau tu śayānasya cukṣobha hṛdayaṃ hareḥ | akasmādeva rājeṃdra nayane'śrupariplute

Sanskrit only: no published translation is held for this verse.

दृष्ट्वा तन्महदुत्पातलक्षणं भगवांस्ततः । उत्थाय शेषपर्यंकान्मां च वायुं विलोक्य च

dṛṣṭvā tanmahadutpātalakṣaṇaṃ bhagavāṃstataḥ | utthāya śeṣaparyaṃkānmāṃ ca vāyuṃ vilokya ca

Sanskrit only: no published translation is held for this verse.

किं कार्यमिति गोविंदस्तन्नागारिमथास्मरत् । स चाग्रे स्मृतिमात्रेण तस्थौ बद्धांजलिः प्रभो

kiṃ kāryamiti goviṃdastannāgārimathāsmarat | sa cāgre smṛtimātreṇa tasthau baddhāṃjaliḥ prabho

Sanskrit only: no published translation is held for this verse.

विनतानंदनं दृष्ट्वा पुरतः प्राह केशवः । सुपर्ण तत्र गच्छ त्वं यत्र युद्धं प्रवर्तते

vinatānaṃdanaṃ dṛṣṭvā purataḥ prāha keśavaḥ | suparṇa tatra gaccha tvaṃ yatra yuddhaṃ pravartate

Sanskrit only: no published translation is held for this verse.

हतो जालंधरो वीरो हरो वा तेन मोहितः । दृष्ट्वा तं शीघ्रमागत्य कथयस्व ममाखिलम्

hato jālaṃdharo vīro haro vā tena mohitaḥ | dṛṣṭvā taṃ śīghramāgatya kathayasva mamākhilam

Sanskrit only: no published translation is held for this verse.

जालंधरेशयोर्युद्धं द्रष्टुं शक्तस्त्वमेव हि । कोऽन्यो महाहवे तस्मिन्ज्ञात्वा याति शरीरवान्

jālaṃdhareśayoryuddhaṃ draṣṭuṃ śaktastvameva hi | ko'nyo mahāhave tasminjñātvā yāti śarīravān

Sanskrit only: no published translation is held for this verse.

कदाचिद्दुर्गमं तत्र युद्धं शस्त्रास्त्रवृष्टिभिः । अथ त्वं बाणसंचारं गत्वापि हितविग्रहः

kadāciddurgamaṃ tatra yuddhaṃ śastrāstravṛṣṭibhiḥ | atha tvaṃ bāṇasaṃcāraṃ gatvāpi hitavigrahaḥ

Sanskrit only: no published translation is held for this verse.

संदृष्ट्वा पार्वतीवृत्तिं शीघ्रमायातुमर्हसि । दैत्यमायानिरासार्थं विचिंत्य भगवांस्त्वरन्

saṃdṛṣṭvā pārvatīvṛttiṃ śīghramāyātumarhasi | daityamāyānirāsārthaṃ viciṃtya bhagavāṃstvaran

Sanskrit only: no published translation is held for this verse.

गुटिकां सर्वसिद्धां च गरुडाय ददौ हरिः । अनया न भ्रमो वीर तथेत्युक्त्वा मुखेक्षिपत्

guṭikāṃ sarvasiddhāṃ ca garuḍāya dadau hariḥ | anayā na bhramo vīra tathetyuktvā mukhekṣipat

Sanskrit only: no published translation is held for this verse.

एवं संप्रेरितः पत्री हरिं कृत्वा प्रदक्षिणम् । निश्चक्राम खमाविश्य जगामाद्भुतवेगवान्

evaṃ saṃpreritaḥ patrī hariṃ kṛtvā pradakṣiṇam | niścakrāma khamāviśya jagāmādbhutavegavān

Sanskrit only: no published translation is held for this verse.

तत्र गत्वा रणं घोरं दैत्यसंघैः स दुःसहम् । दृष्टवानखिलेनासौ न किंचिज्ज्ञातवान्किल

tatra gatvā raṇaṃ ghoraṃ daityasaṃghaiḥ sa duḥsaham | dṛṣṭavānakhilenāsau na kiṃcijjñātavānkila

Sanskrit only: no published translation is held for this verse.

तस्मादुत्पत्य वेगेन गतोऽसौ मानसोत्तरम् । शैलं तुंगतरं दुर्गमगम्यं मरुतामपि

tasmādutpatya vegena gato'sau mānasottaram | śailaṃ tuṃgataraṃ durgamagamyaṃ marutāmapi

Sanskrit only: no published translation is held for this verse.

विलोकयन्न ददृशे गौरीस्थानं पतंगराट् । तत्रागत्य भुजंगारिर्ध्वनिं संश्रुतवान्किल

vilokayanna dadṛśe gaurīsthānaṃ pataṃgarāṭ | tatrāgatya bhujaṃgārirdhvaniṃ saṃśrutavānkila

Sanskrit only: no published translation is held for this verse.

गत्वा समीपे ददृशे मायापशुपतिं ततः । गरुडो गुटिकां क्षिप्य मुखेन भ्रममाप सः

gatvā samīpe dadṛśe māyāpaśupatiṃ tataḥ | garuḍo guṭikāṃ kṣipya mukhena bhramamāpa saḥ

Sanskrit only: no published translation is held for this verse.

ज्ञात्वा बुद्ध्वाथ दैत्योऽयमिति नायं वृषध्वजः । हा कष्टमिति चोक्त्वा च रुदन्नागत्य चार्णवम्

jñātvā buddhvātha daityo'yamiti nāyaṃ vṛṣadhvajaḥ | hā kaṣṭamiti coktvā ca rudannāgatya cārṇavam

Sanskrit only: no published translation is held for this verse.

कथयामास वृत्तांतं पुरतः कैटभद्विषः । देव जालंधरेणायं हरो देवो विडंबितः

kathayāmāsa vṛttāṃtaṃ purataḥ kaiṭabhadviṣaḥ | deva jālaṃdhareṇāyaṃ haro devo viḍaṃbitaḥ

Sanskrit only: no published translation is held for this verse.

उमा प्रतारिता तेन पापेन छद्मरूपिणा । सुरस्त्वं यदि गोविंद समरं प्रतियाह्यतः

umā pratāritā tena pāpena chadmarūpiṇā | surastvaṃ yadi goviṃda samaraṃ pratiyāhyataḥ

Sanskrit only: no published translation is held for this verse.

मायायुद्धं तु देवेश कुरु जालंधरं प्रति । तस्य राज्ञी मया दृष्टा पीठे जालंधरे शुभे

māyāyuddhaṃ tu deveśa kuru jālaṃdharaṃ prati | tasya rājñī mayā dṛṣṭā pīṭhe jālaṃdhare śubhe

Sanskrit only: no published translation is held for this verse.

प्रासादभूम्यां क्रीडंती वाद्यगीतादिवर्त्तनैः । सा सुंदरतरा गौर्या रंभोर्वश्योः शतादपि

prāsādabhūmyāṃ krīḍaṃtī vādyagītādivarttanaiḥ | sā suṃdaratarā gauryā raṃbhorvaśyoḥ śatādapi

Sanskrit only: no published translation is held for this verse.

नेदानीं मानुषे लोके न पातालेषु तत्समा । भार्या तेन समा वेश्या नारीणां का कथा हरे

nedānīṃ mānuṣe loke na pātāleṣu tatsamā | bhāryā tena samā veśyā nārīṇāṃ kā kathā hare

Sanskrit only: no published translation is held for this verse.

यस्तां स्पृशति देहेन सकृतार्थः पुमान्भवेत् । तव श्यालकपत्नी च हर त्वं तां रम प्रियाम् । शंकरस्योपकारं च कुरु चैवात्मनः सुखम्

yastāṃ spṛśati dehena sakṛtārthaḥ pumānbhavet | tava śyālakapatnī ca hara tvaṃ tāṃ rama priyām | śaṃkarasyopakāraṃ ca kuru caivātmanaḥ sukham

Sanskrit only: no published translation is held for this verse.

नारद उवाच- श्रुत्वा तार्क्ष्यस्य वचनं तं निर्भर्त्स्य रमाप्रियः । सम्यग्व्यवस्य चोपायं विससर्ज द्रुतं द्विजम्

nārada uvāca- śrutvā tārkṣyasya vacanaṃ taṃ nirbhartsya ramāpriyaḥ | samyagvyavasya copāyaṃ visasarja drutaṃ dvijam

Sanskrit only: no published translation is held for this verse.

श्रियंपतार्य्य संछाद्य मंचके पीतवाससा । निर्गतोऽन्येन रूपेण योगि मायाबलेन च

śriyaṃpatāryya saṃchādya maṃcake pītavāsasā | nirgato'nyena rūpeṇa yogi māyābalena ca

Sanskrit only: no published translation is held for this verse.

वृंदारिकानुरागेण मोहितो मधुसूदनः । दृष्ट्वा हरिं तु गच्छंतं प्रतिछन्नं युधिष्ठिर

vṛṃdārikānurāgeṇa mohito madhusūdanaḥ | dṛṣṭvā hariṃ tu gacchaṃtaṃ pratichannaṃ yudhiṣṭhira

Sanskrit only: no published translation is held for this verse.

शेषोप्यन्यतमेनासौ रूपेणागत्य केशवम् । जगाद भक्त्या त्वं तिष्ठ ममानुज्ञातुमर्हसि

śeṣopyanyatamenāsau rūpeṇāgatya keśavam | jagāda bhaktyā tvaṃ tiṣṭha mamānujñātumarhasi

Sanskrit only: no published translation is held for this verse.

किं करोमि क्व गच्छामि ब्रूहि कार्यं जनार्दन । सदा तव मुखं दृष्ट्वा भोक्ष्यामीति भवेत्सुखम्

kiṃ karomi kva gacchāmi brūhi kāryaṃ janārdana | sadā tava mukhaṃ dṛṣṭvā bhokṣyāmīti bhavetsukham

Sanskrit only: no published translation is held for this verse.

श्रीभगवानुवाच- जालंधरस्त्रियं रम्यां हरिष्ये हरकारणात् । पार्वत्याश्चोपकाराय संछाद्य स्वात्मनस्तनुम्

śrībhagavānuvāca- jālaṃdharastriyaṃ ramyāṃ hariṣye harakāraṇāt | pārvatyāścopakārāya saṃchādya svātmanastanum

Sanskrit only: no published translation is held for this verse.

एहि यामो वयं बंधो कांतारं दुरतिक्रमम् । वृंदाकर्षणसिद्ध्यर्थमित्युक्त्वा तौ वनं गतौ

ehi yāmo vayaṃ baṃdho kāṃtāraṃ duratikramam | vṛṃdākarṣaṇasiddhyarthamityuktvā tau vanaṃ gatau

Sanskrit only: no published translation is held for this verse.

ततो विष्णुश्च शेषश्च जटावल्कलधारिणौ । आश्रमं चक्रतुः पुण्यं सर्वकामफलप्रदम्

tato viṣṇuśca śeṣaśca jaṭāvalkaladhāriṇau | āśramaṃ cakratuḥ puṇyaṃ sarvakāmaphalapradam

Sanskrit only: no published translation is held for this verse.

तयोः शिष्याः प्रशिष्याश्च बभूवुः कामरूपिणः । सिंहव्याघ्रवराहाश्च ऋक्षवानरमर्कटाः

tayoḥ śiṣyāḥ praśiṣyāśca babhūvuḥ kāmarūpiṇaḥ | siṃhavyāghravarāhāśca ṛkṣavānaramarkaṭāḥ

Sanskrit only: no published translation is held for this verse.

अथ तस्मिन्वने वृंदां मंत्रेणाकर्षयद्धरिः । तस्या हृदयसंतापं चकार मधुसूदनः

atha tasminvane vṛṃdāṃ maṃtreṇākarṣayaddhariḥ | tasyā hṛdayasaṃtāpaṃ cakāra madhusūdanaḥ

Sanskrit only: no published translation is held for this verse.

एतस्मिन्नंतरे राज्ञी तापमुग्रमुपागता । चामरांश्चालयामास दिव्यस्त्रीकरचालितान्

etasminnaṃtare rājñī tāpamugramupāgatā | cāmarāṃścālayāmāsa divyastrīkaracālitān

Sanskrit only: no published translation is held for this verse.

प्रियस्यागमनं तन्वीं चिंतयंती मुहुर्मुहुः । चंदनागुरुलिप्तांगी मूर्च्छां याति हि सत्वरम्

priyasyāgamanaṃ tanvīṃ ciṃtayaṃtī muhurmuhuḥ | caṃdanāguruliptāṃgī mūrcchāṃ yāti hi satvaram

Sanskrit only: no published translation is held for this verse.

तुर्ययामे विभावर्याश्चतुर्दश्यां नृपांगना । स्वप्नं ददर्श भयदं वैधव्यभयसूचकम्

turyayāme vibhāvaryāścaturdaśyāṃ nṛpāṃganā | svapnaṃ dadarśa bhayadaṃ vaidhavyabhayasūcakam

Sanskrit only: no published translation is held for this verse.

जालंधरशिरः शुष्कं मर्दितं पांडुभस्मना । गृध्रेण कृष्टनयनं छिन्नकर्णाग्रनासिकम्

jālaṃdharaśiraḥ śuṣkaṃ marditaṃ pāṃḍubhasmanā | gṛdhreṇa kṛṣṭanayanaṃ chinnakarṇāgranāsikam

Sanskrit only: no published translation is held for this verse.

मुक्तकेशी करालास्या कृष्णवर्णारुणांबरा । चखाद काली रक्तास्या हस्ते विधृतखर्परा

muktakeśī karālāsyā kṛṣṇavarṇāruṇāṃbarā | cakhāda kālī raktāsyā haste vidhṛtakharparā

Sanskrit only: no published translation is held for this verse.

ईदृशं ददृशे स्वप्नं तथात्मानं विडंबितम् । दैत्यक्षयगुणोपेतं सा ददर्श नृपांगना

īdṛśaṃ dadṛśe svapnaṃ tathātmānaṃ viḍaṃbitam | daityakṣayaguṇopetaṃ sā dadarśa nṛpāṃganā

Sanskrit only: no published translation is held for this verse.

ततः प्रबुद्धाऽसुरराजपत्नी गीतेन वाद्येन च मागधानाम् । गेयप्रबंधैः स्तवनैर्व चोभिर्वं शस्तवैः किंपुरुषप्रपाठितैः

tataḥ prabuddhā'surarājapatnī gītena vādyena ca māgadhānām | geyaprabaṃdhaiḥ stavanairva cobhirvaṃ śastavaiḥ kiṃpuruṣaprapāṭhitaiḥ

Sanskrit only: no published translation is held for this verse.

ततस्तान्सकलान्श्रांतान्धनं दत्वा प्रसादजम् । निवार्य विप्रानाहूय स्वप्नं दृष्टं न्यवेदयत् । तं स्वप्नं ब्राह्मणाः श्रुत्वा तामूचुः शास्त्रपारगाः

tatastānsakalānśrāṃtāndhanaṃ datvā prasādajam | nivārya viprānāhūya svapnaṃ dṛṣṭaṃ nyavedayat | taṃ svapnaṃ brāhmaṇāḥ śrutvā tāmūcuḥ śāstrapāragāḥ

Sanskrit only: no published translation is held for this verse.

द्विजा ऊचुः - देवि दुःस्वप्नमत्युग्रमचिंत्यं भयदायकम् । देहि दानं द्विजातिभ्यो ह्यचिंत्य भयनाशकम्

dvijā ūcuḥ - devi duḥsvapnamatyugramaciṃtyaṃ bhayadāyakam | dehi dānaṃ dvijātibhyo hyaciṃtya bhayanāśakam

Sanskrit only: no published translation is held for this verse.

धेनुर्वासांसि रत्नानि गजांश्चाभरणानि च । ब्राह्मणाः परिसंतुष्टाः सिषिचुस्तां नृपस्त्रियम्

dhenurvāsāṃsi ratnāni gajāṃścābharaṇāni ca | brāhmaṇāḥ parisaṃtuṣṭāḥ siṣicustāṃ nṛpastriyam

Sanskrit only: no published translation is held for this verse.

अभिषिक्तापि सा वृंदा ज्वरेण परितप्यते । विसृज्य विप्रप्रवरान्प्रासादमगमत्तदा

abhiṣiktāpi sā vṛṃdā jvareṇa paritapyate | visṛjya viprapravarānprāsādamagamattadā

Sanskrit only: no published translation is held for this verse.

तत्र स्थितापि स्वपुरं ददृशे दीप्तमंगला । ततः स्वकर्मणा राजन्नाकृष्टा हरिणा तु सा

tatra sthitāpi svapuraṃ dadṛśe dīptamaṃgalā | tataḥ svakarmaṇā rājannākṛṣṭā hariṇā tu sā

Sanskrit only: no published translation is held for this verse.

न शशाक गृहे स्थातुं ततो राज्ञी वनं ययौ । रथमश्वतरीयुक्तं स्मरदूतीसखीवहम्

na śaśāka gṛhe sthātuṃ tato rājñī vanaṃ yayau | rathamaśvatarīyuktaṃ smaradūtīsakhīvaham

Sanskrit only: no published translation is held for this verse.

समारुह्य क्षणात्तन्वी प्राप्ता सौभाग्यकाननम् । नानावृक्षसमायुक्तं नानापक्षिगणान्वितम्

samāruhya kṣaṇāttanvī prāptā saubhāgyakānanam | nānāvṛkṣasamāyuktaṃ nānāpakṣigaṇānvitam

Sanskrit only: no published translation is held for this verse.

पुष्पप्रस्रवणोपेतं स्वर्गनारीविभूषितम् । मंदानिलप्रवेशोऽस्ति यत्र नान्यस्य कस्यचित्

puṣpaprasravaṇopetaṃ svarganārīvibhūṣitam | maṃdānilapraveśo'sti yatra nānyasya kasyacit

Sanskrit only: no published translation is held for this verse.

वनं वृंदारिका दृष्ट्वा सस्मार पतिमात्मनः । कथं जालंधरं वीरं द्रक्ष्यामि प्राप्तमग्रतः

vanaṃ vṛṃdārikā dṛṣṭvā sasmāra patimātmanaḥ | kathaṃ jālaṃdharaṃ vīraṃ drakṣyāmi prāptamagrataḥ

Sanskrit only: no published translation is held for this verse.

सा तत्र न सुखं लेभे विवेशान्यतमं वनम् । सखीरथसमायुक्ता विष्णुमायाविमोहिता

sā tatra na sukhaṃ lebhe viveśānyatamaṃ vanam | sakhīrathasamāyuktā viṣṇumāyāvimohitā

Sanskrit only: no published translation is held for this verse.

ततो विलोकयामास विपिनं तरुसंकुलम् । उरुपाषाणसंरुद्धं कुरंगाक्षी भयावहम् 6.14.५०। सिंहव्याघ्रभयाकीर्णंशृगालव्यालसेवितम् । द्रुमैः स्पृशच्छिखाकाशैर्गुहासु ध्वांतपूरितम्

tato vilokayāmāsa vipinaṃ tarusaṃkulam | urupāṣāṇasaṃruddhaṃ kuraṃgākṣī bhayāvaham 6.14.50| siṃhavyāghrabhayākīrṇaṃśṛgālavyālasevitam | drumaiḥ spṛśacchikhākāśairguhāsu dhvāṃtapūritam

Sanskrit only: no published translation is held for this verse.

वनं विलोक्य सा भीमं चकिता चपलेक्षणा । स्मरदूतीं सखीं वृंदा जगाद रथवाहिनीम् । रथं प्रेषय मे शीघ्रं स्मरदूति गृहं प्रति

vanaṃ vilokya sā bhīmaṃ cakitā capalekṣaṇā | smaradūtīṃ sakhīṃ vṛṃdā jagāda rathavāhinīm | rathaṃ preṣaya me śīghraṃ smaradūti gṛhaṃ prati

Sanskrit only: no published translation is held for this verse.

स्मरदूतिरुवाच- नाहं जानामि दिग्भागं न यामि क्व रथं सखि । श्रांता अश्व्यः प्रवर्तंते मार्गश्चात्र न विद्यते

smaradūtiruvāca- nāhaṃ jānāmi digbhāgaṃ na yāmi kva rathaṃ sakhi | śrāṃtā aśvyaḥ pravartaṃte mārgaścātra na vidyate

Sanskrit only: no published translation is held for this verse.

प्रेरितो दैवकेनापि स्यंदनो यातु यत्र च । अत्र कोपि च मांसादो भक्षयिष्यति नान्यथा

prerito daivakenāpi syaṃdano yātu yatra ca | atra kopi ca māṃsādo bhakṣayiṣyati nānyathā

Sanskrit only: no published translation is held for this verse.

इत्युक्ता सा द्रुततरा रथं शीघ्रमवाहयत् । स रथो वेगतः प्राप्तो यत्र सिद्धा मुदान्विताः

ityuktā sā drutatarā rathaṃ śīghramavāhayat | sa ratho vegataḥ prāpto yatra siddhā mudānvitāḥ

Sanskrit only: no published translation is held for this verse.

तत्र सिद्धाश्च दृश्यंते काननं च भयावहम् । न यत्र प्रबलो वायुर्न शब्दः पक्षिणामपि

tatra siddhāśca dṛśyaṃte kānanaṃ ca bhayāvaham | na yatra prabalo vāyurna śabdaḥ pakṣiṇāmapi

Sanskrit only: no published translation is held for this verse.

न च तेजः प्रकाशोऽस्ति न जलं प्रदिशो दिशः । तत्र प्राप्तरथस्यापि लक्षणेऽभूद्विपर्ययः

na ca tejaḥ prakāśo'sti na jalaṃ pradiśo diśaḥ | tatra prāptarathasyāpi lakṣaṇe'bhūdviparyayaḥ

Sanskrit only: no published translation is held for this verse.

अश्वतर्यो न हेषंते न च शब्दश्च नेमिजः । न चलंति पताकास्ता घंटिका न क्वणंति च

aśvataryo na heṣaṃte na ca śabdaśca nemijaḥ | na calaṃti patākāstā ghaṃṭikā na kvaṇaṃti ca

Sanskrit only: no published translation is held for this verse.

न स्वनंति महाघंटा ध्वजस्तंभे निवेशिताः । विलोक्यैवंविधं प्राह तत्र वृंदा सखीं प्रति

na svanaṃti mahāghaṃṭā dhvajastaṃbhe niveśitāḥ | vilokyaivaṃvidhaṃ prāha tatra vṛṃdā sakhīṃ prati

Sanskrit only: no published translation is held for this verse.

स्मरदूति क्व यास्यामो व्याघ्रसिंहभयं वनम् । न गृहे न सुखं राज्ये मम जातं वने सखि

smaradūti kva yāsyāmo vyāghrasiṃhabhayaṃ vanam | na gṛhe na sukhaṃ rājye mama jātaṃ vane sakhi

Sanskrit only: no published translation is held for this verse.

स्मरदूतिरुवाच- शृणुष्व देवि पश्य त्वं पुरः शैलोऽतिदारुणः । दृष्ट्वाग्रतो न गच्छंति तुरंग्यो भयविह्वलाः

smaradūtiruvāca- śṛṇuṣva devi paśya tvaṃ puraḥ śailo'tidāruṇaḥ | dṛṣṭvāgrato na gacchaṃti turaṃgyo bhayavihvalāḥ

Sanskrit only: no published translation is held for this verse.

तस्यास्तद्वचनं श्रुत्वा संत्रस्ता सा नृपांगना । दृष्ट्वा हारं स्वकंठस्थं स्यंदनाच्छीघ्रमुत्थिता

tasyāstadvacanaṃ śrutvā saṃtrastā sā nṛpāṃganā | dṛṣṭvā hāraṃ svakaṃṭhasthaṃ syaṃdanācchīghramutthitā

Sanskrit only: no published translation is held for this verse.

एतस्मिन्नंतरे प्राप्तो राक्षसो भीषणाकृतिः । त्रिपादः पंचहस्तश्च सप्तनेत्रोऽतिदारुणः

etasminnaṃtare prāpto rākṣaso bhīṣaṇākṛtiḥ | tripādaḥ paṃcahastaśca saptanetro'tidāruṇaḥ

Sanskrit only: no published translation is held for this verse.

पिंगलो व्याघ्रकर्णश्च सिंहस्कंधस्तथाननः । विहंगेशसमाः केशा लंबंते रुधिरारुणाः

piṃgalo vyāghrakarṇaśca siṃhaskaṃdhastathānanaḥ | vihaṃgeśasamāḥ keśā laṃbaṃte rudhirāruṇāḥ

Sanskrit only: no published translation is held for this verse.

तं दृष्ट्वा पद्मकोशांगी सहसा सभयाभवत् । नेत्रे कराभ्यामाच्छाद्य चकंपे कदलीव सा

taṃ dṛṣṭvā padmakośāṃgī sahasā sabhayābhavat | netre karābhyāmācchādya cakaṃpe kadalīva sā

Sanskrit only: no published translation is held for this verse.

प्रतिहारी प्रतोदं तु त्यक्त्वा राज्ञीमभाषत । भीतां मां त्राहि देवि त्वमयं धावति भक्षितुम्

pratihārī pratodaṃ tu tyaktvā rājñīmabhāṣata | bhītāṃ māṃ trāhi devi tvamayaṃ dhāvati bhakṣitum

Sanskrit only: no published translation is held for this verse.

एतस्मिन्नंतरे प्राप्तो राक्षसो रथसंनिधौ । रथमुत्क्षिप्य हस्तेन भ्रामयंश्चाश्विनीयुतम्

etasminnaṃtare prāpto rākṣaso rathasaṃnidhau | rathamutkṣipya hastena bhrāmayaṃścāśvinīyutam

Sanskrit only: no published translation is held for this verse.

सा राज्ञी पतिता भूमौ मृगी व्याघ्रभयादिव । स्मरदूती तरोर्मूले छिन्नाशोकलता यथा

sā rājñī patitā bhūmau mṛgī vyāghrabhayādiva | smaradūtī tarormūle chinnāśokalatā yathā

Sanskrit only: no published translation is held for this verse.

ततस्ताश्चाश्विनीः सर्वाः भक्षयामास राक्षसः । तेन राज्ञी धृता हस्ते सिंहेनैणवधूरिव

tatastāścāśvinīḥ sarvāḥ bhakṣayāmāsa rākṣasaḥ | tena rājñī dhṛtā haste siṃhenaiṇavadhūriva

Sanskrit only: no published translation is held for this verse.

तामुवाच ततो रक्षः प्राणैस्ते कारणं यदि । तव भर्ता हतः संख्ये हरेणेति श्रुतं मया

tāmuvāca tato rakṣaḥ prāṇaiste kāraṇaṃ yadi | tava bhartā hataḥ saṃkhye hareṇeti śrutaṃ mayā

Sanskrit only: no published translation is held for this verse.

मामासाद्याद्य भर्तारं चिरंजीवाकुतोभया । पिबाथ वारुणीं स्वाद्वीं महामांससमन्विताम् । शृण्वंतीति वचो राज्ञी गतसत्वा इवाभवत्

māmāsādyādya bhartāraṃ ciraṃjīvākutobhayā | pibātha vāruṇīṃ svādvīṃ mahāmāṃsasamanvitām | śṛṇvaṃtīti vaco rājñī gatasatvā ivābhavat

Sanskrit only: no published translation is held for this verse.