Library·Padma Purāṇa·6·6.18
श्रीनारद उवाच- अथ जालंधरः प्राह रक्षात्मानमितः शिवम् । शिवाद्य त्वां क्षिपाम्याशु यत्रास्ते मधुसूदनः
śrīnārada uvāca- atha jālaṃdharaḥ prāha rakṣātmānamitaḥ śivam | śivādya tvāṃ kṣipāmyāśu yatrāste madhusūdanaḥ
Sanskrit only: no published translation is held for this verse.
पश्चाद्ब्रह्माणमाकृष्य पातयिष्यामि सागरे । धृतेषु युष्मासु यदा तदा सर्वेश्वरो ह्यहम्
paścādbrahmāṇamākṛṣya pātayiṣyāmi sāgare | dhṛteṣu yuṣmāsu yadā tadā sarveśvaro hyaham
Sanskrit only: no published translation is held for this verse.
इत्युक्त्वा सैन्यसंभारं न्यस्य शुंभासुरादिषु । भटैर्गुप्तं निशुंभाद्यैश्चतुरंगमनंतकम्
ityuktvā sainyasaṃbhāraṃ nyasya śuṃbhāsurādiṣu | bhaṭairguptaṃ niśuṃbhādyaiścaturaṃgamanaṃtakam
Sanskrit only: no published translation is held for this verse.
शुंभो निशुंभः फेंकारो फेरुंडो धूम्रलोचनः । केतुर्बिडालजंघश्च राहुर्दुर्वारणो यमः
śuṃbho niśuṃbhaḥ pheṃkāro pheruṃḍo dhūmralocanaḥ | keturbiḍālajaṃghaśca rāhurdurvāraṇo yamaḥ
Sanskrit only: no published translation is held for this verse.
कालासुरोऽथ लवणो भूमिरेतोंधकासुरः । रक्तवीर्यादयश्चंडी चामुंडी दैत्यपुंगवाः
kālāsuro'tha lavaṇo bhūmiretoṃdhakāsuraḥ | raktavīryādayaścaṃḍī cāmuṃḍī daityapuṃgavāḥ
Sanskrit only: no published translation is held for this verse.
सर्वानेवोद्यतान्दृष्ट्वा संख्ये दानवपुंगवान् । रुरुधुः समरे राजन्वीरभद्रादयो गणाः
sarvānevodyatāndṛṣṭvā saṃkhye dānavapuṃgavān | rurudhuḥ samare rājanvīrabhadrādayo gaṇāḥ
Sanskrit only: no published translation is held for this verse.
ततो युद्धमभूद्धोरं तुमुलं लोमहर्षणम् । पतंति प्रथमा यत्र दैत्याश्चापि क्षतातुराः
tato yuddhamabhūddhoraṃ tumulaṃ lomaharṣaṇam | pataṃti prathamā yatra daityāścāpi kṣatāturāḥ
Sanskrit only: no published translation is held for this verse.
अथ शुंभादिभिर्दैत्यैः सर्वशस्त्रैर्महामृधे । हताः पेतुर्गणाश्चान्ये पलायांचक्रिरे नृप
atha śuṃbhādibhirdaityaiḥ sarvaśastrairmahāmṛdhe | hatāḥ peturgaṇāścānye palāyāṃcakrire nṛpa
Sanskrit only: no published translation is held for this verse.
गणान्विजित्य समरे रुरुधुर्दानवाः शिवम् । वर्षंतः शरधाराभिर्घना मेरुगिरिं यथा
gaṇānvijitya samare rurudhurdānavāḥ śivam | varṣaṃtaḥ śaradhārābhirghanā merugiriṃ yathā
Sanskrit only: no published translation is held for this verse.
ततः पिनाकमाकृष्य वृषभोपरि भैरवः । जघान बाणनिवहैर्दानवान्समरांगणे । तीक्ष्णाग्रैस्तु क्षुरप्रौघैर्दानवानहनद्बली
tataḥ pinākamākṛṣya vṛṣabhopari bhairavaḥ | jaghāna bāṇanivahairdānavānsamarāṃgaṇe | tīkṣṇāgraistu kṣurapraughairdānavānahanadbalī
Sanskrit only: no published translation is held for this verse.
केचिन्नंदिप्रहारेण पेतुः संग्राममूर्धनि । बाणैश्च जर्जरान्कृत्वा शुंभादीन्वृषभध्वजः
kecinnaṃdiprahāreṇa petuḥ saṃgrāmamūrdhani | bāṇaiśca jarjarānkṛtvā śuṃbhādīnvṛṣabhadhvajaḥ
Sanskrit only: no published translation is held for this verse.
शेषं सैन्यं जघानाशु शस्त्रास्त्रैः समरांगणे । गजैर्नरैर्हयैर्व्याप्तं पतितैः समरांगणम्
śeṣaṃ sainyaṃ jaghānāśu śastrāstraiḥ samarāṃgaṇe | gajairnarairhayairvyāptaṃ patitaiḥ samarāṃgaṇam
Sanskrit only: no published translation is held for this verse.
बभूव वज्रनिर्भिन्नैः पर्वतैरिव भूतलम् । अथ मायामयीं गौरीं विदधे सिंधुनंदनः
babhūva vajranirbhinnaiḥ parvatairiva bhūtalam | atha māyāmayīṃ gaurīṃ vidadhe siṃdhunaṃdanaḥ
Sanskrit only: no published translation is held for this verse.
सौंदर्यगुणसंपन्नां सर्वालंकारभूषिताम् । जयां मायामयीं कृत्वा समुवाचाब्धिनंदनः
sauṃdaryaguṇasaṃpannāṃ sarvālaṃkārabhūṣitām | jayāṃ māyāmayīṃ kṛtvā samuvācābdhinaṃdanaḥ
Sanskrit only: no published translation is held for this verse.
गच्छ त्वं पुरतो रुद्रं विमोहय रणे द्रुतम् । इत्युक्त्वा दैत्यपतिना ययौ मायामयी जया
gaccha tvaṃ purato rudraṃ vimohaya raṇe drutam | ityuktvā daityapatinā yayau māyāmayī jayā
Sanskrit only: no published translation is held for this verse.
रणे गत्वा शिवस्याग्रे मुक्तकेशी रुरोद ह । पृष्टा हरेण सा प्राह मानसोत्तरपर्वतात्
raṇe gatvā śivasyāgre muktakeśī ruroda ha | pṛṣṭā hareṇa sā prāha mānasottaraparvatāt
Sanskrit only: no published translation is held for this verse.
हृता तव प्रिया देव पार्वती सिंधुसूनुना । श्रुत्वेति वचनं तस्यास्तामुवाच वृषध्वजः
hṛtā tava priyā deva pārvatī siṃdhusūnunā | śrutveti vacanaṃ tasyāstāmuvāca vṛṣadhvajaḥ
Sanskrit only: no published translation is held for this verse.
जये त्वमेहि वृषभं त्वां हरिष्यंति दानवाः । ततो वृषभमारुह्य जया चालिंग्य शंकरम्
jaye tvamehi vṛṣabhaṃ tvāṃ hariṣyaṃti dānavāḥ | tato vṛṣabhamāruhya jayā cāliṃgya śaṃkaram
Sanskrit only: no published translation is held for this verse.
प्राह प्रयामि पार्वत्या न जीवामि विना हर । चंद्रं शंभुजटाविष्टं गृहीत्वा वृषभाद्द्रुतम्
prāha prayāmi pārvatyā na jīvāmi vinā hara | caṃdraṃ śaṃbhujaṭāviṣṭaṃ gṛhītvā vṛṣabhāddrutam
Sanskrit only: no published translation is held for this verse.
अवारोहत सा माया मायाष्वक्तो रणं ययौ । ततो गौरीं हृतां श्रुत्वा चिंतयामास शंकरः
avārohata sā māyā māyāṣvakto raṇaṃ yayau | tato gaurīṃ hṛtāṃ śrutvā ciṃtayāmāsa śaṃkaraḥ
Sanskrit only: no published translation is held for this verse.
दैत्यमायापरिष्वक्तो नात्मानं बुबुधे नृप । एतस्मिन्नंतरे प्राप्तः सैन्येन महता वृतः
daityamāyāpariṣvakto nātmānaṃ bubudhe nṛpa | etasminnaṃtare prāptaḥ sainyena mahatā vṛtaḥ
Sanskrit only: no published translation is held for this verse.
मायामृडानीं स्वरथे निधायार्णवजः शिवम् । जालंधरजये तद्वदासीद्वादित्रनिस्वनः
māyāmṛḍānīṃ svarathe nidhāyārṇavajaḥ śivam | jālaṃdharajaye tadvadāsīdvāditranisvanaḥ
Sanskrit only: no published translation is held for this verse.
चचाल वसुधा येन प्रतिनेदुर्महीधराः । हरस्य दर्शयामास पार्वतीं सिंधुनंदनः
cacāla vasudhā yena pratinedurmahīdharāḥ | harasya darśayāmāsa pārvatīṃ siṃdhunaṃdanaḥ
Sanskrit only: no published translation is held for this verse.
रुद्रोऽप्यरिरथस्थां तां ददर्श निजवल्लभाम् । वियोगविधुरां दीनां तन्वीमातुरलोचनाम्
rudro'pyarirathasthāṃ tāṃ dadarśa nijavallabhām | viyogavidhurāṃ dīnāṃ tanvīmāturalocanām
Sanskrit only: no published translation is held for this verse.
हा नाथ प्रिय रुद्रेति प्रजल्पंतीं पुनः पुनः । प्रौढवैरिरथे दृष्ट्वा पाखंडिस्थां यथा श्रुतिम्
hā nātha priya rudreti prajalpaṃtīṃ punaḥ punaḥ | prauḍhavairirathe dṛṣṭvā pākhaṃḍisthāṃ yathā śrutim
Sanskrit only: no published translation is held for this verse.
गौरीं दध्यौ तथा स्थाणुः कथं प्राप्या प्रिया मया । विललाप ततः शंभुर्दैत्यमायाविमोहितः
gaurīṃ dadhyau tathā sthāṇuḥ kathaṃ prāpyā priyā mayā | vilalāpa tataḥ śaṃbhurdaityamāyāvimohitaḥ
Sanskrit only: no published translation is held for this verse.
मोहो मे दानवैः कांते हृतासि त्वां कथं प्रिये । शोकमोहप्लुतं दृष्ट्वा शंकरं सागरात्मजः
moho me dānavaiḥ kāṃte hṛtāsi tvāṃ kathaṃ priye | śokamohaplutaṃ dṛṣṭvā śaṃkaraṃ sāgarātmajaḥ
Sanskrit only: no published translation is held for this verse.
जगाद प्रहसन्वाक्यं कश्चित्कारुण्यवान्यथा । सर्वप्रमाणशून्योऽसि स्मर शृंगारवर्जितः
jagāda prahasanvākyaṃ kaścitkāruṇyavānyathā | sarvapramāṇaśūnyo'si smara śṛṃgāravarjitaḥ
Sanskrit only: no published translation is held for this verse.
ईश्वरोऽपि वराकस्त्वं संजातोंबिकया विना । मा रोदीर्हि विरूपाक्ष ददामि तव वल्लभाम्
īśvaro'pi varākastvaṃ saṃjātoṃbikayā vinā | mā rodīrhi virūpākṣa dadāmi tava vallabhām
Sanskrit only: no published translation is held for this verse.
रक्षितोऽसि मया रुद्र गृहीत्वा पार्वतीं रणात् । इत्युक्त्वा गिरिशं तूर्णमुत्तार्य स्वरथादुमाम्
rakṣito'si mayā rudra gṛhītvā pārvatīṃ raṇāt | ityuktvā giriśaṃ tūrṇamuttārya svarathādumām
Sanskrit only: no published translation is held for this verse.
सैन्यं संप्रेषयामास शंकराभिमुखं किल । हरोऽपि वृषभेणाशु तत्सैन्यं समधावत
sainyaṃ saṃpreṣayāmāsa śaṃkarābhimukhaṃ kila | haro'pi vṛṣabheṇāśu tatsainyaṃ samadhāvata
Sanskrit only: no published translation is held for this verse.
गृहीतुं पार्वतीं पाहि त्राहित्राहीति जल्पतीम् । यावद्गृह्णाति तां गौरीं करेण वृषभध्वजः
gṛhītuṃ pārvatīṃ pāhi trāhitrāhīti jalpatīm | yāvadgṛhṇāti tāṃ gaurīṃ kareṇa vṛṣabhadhvajaḥ
Sanskrit only: no published translation is held for this verse.
तावच्छुंभासुरः शीघ्रं गृहीत्वा चांबरे स्थितः । शूलं मुमोच बलवान्हंतुं शुंभासुरं हरः
tāvacchuṃbhāsuraḥ śīghraṃ gṛhītvā cāṃbare sthitaḥ | śūlaṃ mumoca balavānhaṃtuṃ śuṃbhāsuraṃ haraḥ
Sanskrit only: no published translation is held for this verse.
शुंभेन सा परित्यक्ता शूलोपरि पपात ह । रुदंती चारुसर्वांगी त्यक्ता शूलेन संयुता
śuṃbhena sā parityaktā śūlopari papāta ha | rudaṃtī cārusarvāṃgī tyaktā śūlena saṃyutā
Sanskrit only: no published translation is held for this verse.
पतिता शंकरस्याग्रे तथेत्युक्त्वा ममार च । मायागौरीं मृतां दृष्ट्वा शोकमोहपरिप्लुतः
patitā śaṃkarasyāgre tathetyuktvā mamāra ca | māyāgaurīṃ mṛtāṃ dṛṣṭvā śokamohapariplutaḥ
Sanskrit only: no published translation is held for this verse.
हा प्रियेति रुदन्रुद्रः पपात भुवि मूर्च्छितः । क्षणं संज्ञामवाप्याथ रणभूमावुमापतिः । शशाप शुंभप्रमुखान्गौरी युष्मान्हनिष्यति
hā priyeti rudanrudraḥ papāta bhuvi mūrcchitaḥ | kṣaṇaṃ saṃjñāmavāpyātha raṇabhūmāvumāpatiḥ | śaśāpa śuṃbhapramukhāngaurī yuṣmānhaniṣyati
Sanskrit only: no published translation is held for this verse.
नारद उवाच- अथ शुंभादयो दैत्या रणे देव्या निपातिताः । महेश्वरस्य शापेन गते मंन्वतरे नृप
nārada uvāca- atha śuṃbhādayo daityā raṇe devyā nipātitāḥ | maheśvarasya śāpena gate maṃnvatare nṛpa
Sanskrit only: no published translation is held for this verse.
शपित्वा तान्रुरोदाथ जल्पन्निर्गत्य शंकरः । क्व गतासि प्रियेत्युक्त्वा दुःखितं मां रणांगणे
śapitvā tānrurodātha jalpannirgatya śaṃkaraḥ | kva gatāsi priyetyuktvā duḥkhitaṃ māṃ raṇāṃgaṇe
Sanskrit only: no published translation is held for this verse.
रतिं त्यक्त्वा वियोगार्तः श्रीकंठोऽहं त्वया कृतः । वासुदेवोऽपि मां त्यक्तं न जानाति त्वया प्रिये
ratiṃ tyaktvā viyogārtaḥ śrīkaṃṭho'haṃ tvayā kṛtaḥ | vāsudevo'pi māṃ tyaktaṃ na jānāti tvayā priye
Sanskrit only: no published translation is held for this verse.
यज्ञे दक्षस्याग्निकुंडे शिरो देवि हुतं त्वया । भूयो हि भवती लब्धा कथं त्यजसि मां पुनः
yajñe dakṣasyāgnikuṃḍe śiro devi hutaṃ tvayā | bhūyo hi bhavatī labdhā kathaṃ tyajasi māṃ punaḥ
Sanskrit only: no published translation is held for this verse.
उतिष्ठोतिष्ठ चार्वंगि गिरिजे मां प्रबोधय । अत्रांतरे शिवं ज्ञात्वा दैत्यमायाविमोहितम्
utiṣṭhotiṣṭha cārvaṃgi girije māṃ prabodhaya | atrāṃtare śivaṃ jñātvā daityamāyāvimohitam
Sanskrit only: no published translation is held for this verse.
देवतागणमध्यस्थो ह्यंतरिक्षादुपागमत् । विलपंतमुवाचेदमदृश्यः कमलासनः
devatāgaṇamadhyastho hyaṃtarikṣādupāgamat | vilapaṃtamuvācedamadṛśyaḥ kamalāsanaḥ
Sanskrit only: no published translation is held for this verse.
ब्रह्मोवाच- त्वं शोकमोहपितृमातृविवर्जितोऽसि दुःखं सुखं सुतकलत्ररिपुर्न चास्ति । जातोऽसि नैव जनकेन जनिष्यमाणस्त्वं मन्यसे ऋषिगणैश्च कुतो विमोहः
brahmovāca- tvaṃ śokamohapitṛmātṛvivarjito'si duḥkhaṃ sukhaṃ sutakalatraripurna cāsti | jāto'si naiva janakena janiṣyamāṇastvaṃ manyase ṛṣigaṇaiśca kuto vimohaḥ
Sanskrit only: no published translation is held for this verse.
एकोऽसि नाथ बहुधा कृतविग्रहोऽसि सूर्यो यथा जलधिवीचिषु दृश्यमानः । ध्यानेन यांति यमिनस्तव पादमूलं रूपं परं दुरवबोधमवाच्यमेव
eko'si nātha bahudhā kṛtavigraho'si sūryo yathā jaladhivīciṣu dṛśyamānaḥ | dhyānena yāṃti yaminastava pādamūlaṃ rūpaṃ paraṃ duravabodhamavācyameva
Sanskrit only: no published translation is held for this verse.
नैषा प्रिया तव समानतया विपन्ना जालंधरेण रचितां जहि देव मायाम् । सा पार्वती कमलकोशगता हि शंभो युद्धस्व वैरिनिवहं जहि पाहि चास्मान्
naiṣā priyā tava samānatayā vipannā jālaṃdhareṇa racitāṃ jahi deva māyām | sā pārvatī kamalakośagatā hi śaṃbho yuddhasva vairinivahaṃ jahi pāhi cāsmān
Sanskrit only: no published translation is held for this verse.
श्रुत्वेति ब्रह्मणो वाक्यमवबुद्धो महेश्वरः । ज्ञात्वा तां दानवीमायां मुमोच महती शिलाम्
śrutveti brahmaṇo vākyamavabuddho maheśvaraḥ | jñātvā tāṃ dānavīmāyāṃ mumoca mahatī śilām
Sanskrit only: no published translation is held for this verse.
तया जघान समरे दैत्यकोटिशतत्रयम् । ततो वृषभमारुह्य क्रोधेन महता नृप
tayā jaghāna samare daityakoṭiśatatrayam | tato vṛṣabhamāruhya krodhena mahatā nṛpa
Sanskrit only: no published translation is held for this verse.
धनुः पिनाकं युद्धाय धूर्जटिर्जगृहे शरान् । अथ मायापरित्यक्तं शर्वमालोक्य सिंधुजः
dhanuḥ pinākaṃ yuddhāya dhūrjaṭirjagṛhe śarān | atha māyāparityaktaṃ śarvamālokya siṃdhujaḥ
Sanskrit only: no published translation is held for this verse.
सुरेशमोहनं मायाजालमत्यद्भुतं नृप । अन्यदाविश्चकाराशु भृशं मायामहाबलम्
sureśamohanaṃ māyājālamatyadbhutaṃ nṛpa | anyadāviścakārāśu bhṛśaṃ māyāmahābalam
Sanskrit only: no published translation is held for this verse.
जालंधरः कोटिभुजो बभूव वृक्षास्त्रशस्त्रैर्युयुधे वृषांकम् । अथांतराले पृथिवीं चकार समुद्रसूनुर्गिरिधातुमंडिताम् 6.18.५०। देवतायतनै रम्यैर्नानापुष्पसमाकुलैः । मंडितां नृप भूमिं च चकारोदधिनंदनः । नृत्यंति यत्राप्सरसो मेनकाद्या मनोहरा
jālaṃdharaḥ koṭibhujo babhūva vṛkṣāstraśastrairyuyudhe vṛṣāṃkam | athāṃtarāle pṛthivīṃ cakāra samudrasūnurgiridhātumaṃḍitām 6.18.50| devatāyatanai ramyairnānāpuṣpasamākulaiḥ | maṃḍitāṃ nṛpa bhūmiṃ ca cakārodadhinaṃdanaḥ | nṛtyaṃti yatrāpsaraso menakādyā manoharā
Sanskrit only: no published translation is held for this verse.
विस्मृत्य शंभुस्तदपास्यकार्मुकं सद्यः प्रतस्थे वृषभोपरि स्थितः । वादित्रगीतैर्भुवि मोहितो भृशं दैत्येंद्रमायामय तांडवेन सः
vismṛtya śaṃbhustadapāsyakārmukaṃ sadyaḥ pratasthe vṛṣabhopari sthitaḥ | vāditragītairbhuvi mohito bhṛśaṃ daityeṃdramāyāmaya tāṃḍavena saḥ
Sanskrit only: no published translation is held for this verse.
विमोहितं वीक्ष्य वृषस्थितं हरं नित्यं समुद्रः सह तांडवेन । गीतेन वाद्येन च नृत्यलीलया ननाद रूपी तरसा विमोहितुम्
vimohitaṃ vīkṣya vṛṣasthitaṃ haraṃ nityaṃ samudraḥ saha tāṃḍavena | gītena vādyena ca nṛtyalīlayā nanāda rūpī tarasā vimohitum
Sanskrit only: no published translation is held for this verse.
जंतून्क्षिप्त्वोदधौ तांश्च सहस्रं स ततोत्सवः । क्व च ता देवताः सर्वाः क्व नंदिप्रमुखा गणाः
jaṃtūnkṣiptvodadhau tāṃśca sahasraṃ sa tatotsavaḥ | kva ca tā devatāḥ sarvāḥ kva naṃdipramukhā gaṇāḥ
Sanskrit only: no published translation is held for this verse.
अपि त्वं माननीयोऽसि मोहितो दैत्यमायया । किमद्य शंभो भगवन्नुपेक्ष्यते उदीर्यचक्रं जठरस्थितं च
api tvaṃ mānanīyo'si mohito daityamāyayā | kimadya śaṃbho bhagavannupekṣyate udīryacakraṃ jaṭharasthitaṃ ca
Sanskrit only: no published translation is held for this verse.
वधाय चास्यैव कृतं महेश जालंधरं संहरते न चाजौ । इति कृष्णस्य वचनात्तत्स्मृत्वात्मानमीश्वरम्
vadhāya cāsyaiva kṛtaṃ maheśa jālaṃdharaṃ saṃharate na cājau | iti kṛṣṇasya vacanāttatsmṛtvātmānamīśvaram
Sanskrit only: no published translation is held for this verse.
आरुह्य वृषभं शीघ्रमाजगाम महारणम् । तमागतं शिवं दृष्ट्वा सर्वसैन्यसमावृतः
āruhya vṛṣabhaṃ śīghramājagāma mahāraṇam | tamāgataṃ śivaṃ dṛṣṭvā sarvasainyasamāvṛtaḥ
Sanskrit only: no published translation is held for this verse.
रुरोध समरे राजन्क्रुद्धो जालंधरोऽसुरः । हरस्य कुपितस्यासीत्सृष्टिसंहारकारकम्
rurodha samare rājankruddho jālaṃdharo'suraḥ | harasya kupitasyāsītsṛṣṭisaṃhārakārakam
Sanskrit only: no published translation is held for this verse.
रूपं तृतीयनेत्राग्नौ दानवाः शलभा यथा । रुपं दृष्ट्वा भगवतो रौद्रज्वालामयं नृप
rūpaṃ tṛtīyanetrāgnau dānavāḥ śalabhā yathā | rupaṃ dṛṣṭvā bhagavato raudrajvālāmayaṃ nṛpa
Sanskrit only: no published translation is held for this verse.
शुंभादयस्तदा दैत्या राहुप्रभृतयश्च ये । रुद्रं निरीक्ष्य संत्रस्ताः पातालं विविशुर्भयात्
śuṃbhādayastadā daityā rāhuprabhṛtayaśca ye | rudraṃ nirīkṣya saṃtrastāḥ pātālaṃ viviśurbhayāt
Sanskrit only: no published translation is held for this verse.
सेनाभटाननेकांश्च हतान्दृष्ट्वा महामृधे । शुंभादीन्हतशेषांस्तान्दृष्ट्वात्मानं पलायितान्
senābhaṭānanekāṃśca hatāndṛṣṭvā mahāmṛdhe | śuṃbhādīnhataśeṣāṃstāndṛṣṭvātmānaṃ palāyitān
Sanskrit only: no published translation is held for this verse.
तदा जालंधरः संख्ये एको गिरिरिवस्थितः । परमार्थं रुद्ररूपं हृष्टः साक्षाद्विलोकयन्
tadā jālaṃdharaḥ saṃkhye eko giririvasthitaḥ | paramārthaṃ rudrarūpaṃ hṛṣṭaḥ sākṣādvilokayan
Sanskrit only: no published translation is held for this verse.
ततो जालंधरः प्राह महादेवं प्रहस्य च । रूपं संहर येन त्वं दहसे सचराचरम्
tato jālaṃdharaḥ prāha mahādevaṃ prahasya ca | rūpaṃ saṃhara yena tvaṃ dahase sacarācaram
Sanskrit only: no published translation is held for this verse.
शस्त्रेण कुरु संग्रामं त्यक्त्वा योगबलं निजम् । इति जालंधरवचः श्रुत्वोवाच ततः शिवः
śastreṇa kuru saṃgrāmaṃ tyaktvā yogabalaṃ nijam | iti jālaṃdharavacaḥ śrutvovāca tataḥ śivaḥ
Sanskrit only: no published translation is held for this verse.
वरं वरय दैत्येश प्रीतोऽस्मि तव कर्मणा । ईदृक्षमपि मद्रूपं दृष्ट्वा यन्निर्भयोऽधुना
varaṃ varaya daityeśa prīto'smi tava karmaṇā | īdṛkṣamapi madrūpaṃ dṛṣṭvā yannirbhayo'dhunā
Sanskrit only: no published translation is held for this verse.
अपि ब्रह्मांडमखिलं मद्रूपस्यास्य दानव । तेजसो वीक्षणेनालं तत्र त्वमसि निर्भयः
api brahmāṃḍamakhilaṃ madrūpasyāsya dānava | tejaso vīkṣaṇenālaṃ tatra tvamasi nirbhayaḥ
Sanskrit only: no published translation is held for this verse.
नारद उवाच- इति शंभोः प्रसादं च मत्वा संसारनिस्पृहः । जालंधरो हराद्वव्रे मुक्तिं सायुज्यतां पराम्
nārada uvāca- iti śaṃbhoḥ prasādaṃ ca matvā saṃsāranispṛhaḥ | jālaṃdharo harādvavre muktiṃ sāyujyatāṃ parām
Sanskrit only: no published translation is held for this verse.
श्रीमहादेव उवाच-। दिव्यं देहमिदं दैत्य भोगसिद्धियुतं तव । वृंदा मनोहरं रम्यमिहस्थं कालमश्नुते
śrīmahādeva uvāca-| divyaṃ dehamidaṃ daitya bhogasiddhiyutaṃ tava | vṛṃdā manoharaṃ ramyamihasthaṃ kālamaśnute
Sanskrit only: no published translation is held for this verse.
मुहूर्तं परमात्मानं तमेकाकिनमव्ययम् । अबुद्ध्वा त्यजसे मूर्ख कथं त्वं मुक्तिमिच्छसि
muhūrtaṃ paramātmānaṃ tamekākinamavyayam | abuddhvā tyajase mūrkha kathaṃ tvaṃ muktimicchasi
Sanskrit only: no published translation is held for this verse.
वृंदा तव प्रिया राज्ञी हृता सा योगमायया । ब्रह्मस्वरूपं विज्ञाय प्राप्ता तत्परमं पदम्
vṛṃdā tava priyā rājñī hṛtā sā yogamāyayā | brahmasvarūpaṃ vijñāya prāptā tatparamaṃ padam
Sanskrit only: no published translation is held for this verse.
इदानीं दुर्ल्लभा सा च तत्पदं चैव दुर्ल्लभम् । स्वर्गापवर्गयोर्मध्ये संसारे वरमाप्नुहि
idānīṃ durllabhā sā ca tatpadaṃ caiva durllabham | svargāpavargayormadhye saṃsāre varamāpnuhi
Sanskrit only: no published translation is held for this verse.
जालंधर उवाच- देवमुक्तपदं लभ्यं कृतकृत्येन केनचित् । इदानीं कृतकृत्योऽस्मि यत्त्वां पश्ये त्वया हतः
jālaṃdhara uvāca- devamuktapadaṃ labhyaṃ kṛtakṛtyena kenacit | idānīṃ kṛtakṛtyo'smi yattvāṃ paśye tvayā hataḥ
Sanskrit only: no published translation is held for this verse.
शिव उवाच- मत्स्थानं परमं क्षेत्रं यदि त्वं गंतुमुत्सुकः । तर्हि मां कोपयस्वाशु दैत्यं हत्वा दृढैः शरैः
śiva uvāca- matsthānaṃ paramaṃ kṣetraṃ yadi tvaṃ gaṃtumutsukaḥ | tarhi māṃ kopayasvāśu daityaṃ hatvā dṛḍhaiḥ śaraiḥ
Sanskrit only: no published translation is held for this verse.
ततोऽहं त्वां हनिष्यामि मत्स्थानं यास्यसेऽनघ । महेश्वरवचः श्रुत्वा प्राह जालंधरः शिवम्
tato'haṃ tvāṃ haniṣyāmi matsthānaṃ yāsyase'nagha | maheśvaravacaḥ śrutvā prāha jālaṃdharaḥ śivam
Sanskrit only: no published translation is held for this verse.
त्वयि सर्वजगत्पूज्ये पूर्वं न प्रहराम्यहम्
tvayi sarvajagatpūjye pūrvaṃ na praharāmyaham
Sanskrit only: no published translation is held for this verse.
नारद उवाच- एवमुक्तो जघानाशु सिंधुजं विशिखैः शिवः । ते शराः सिंधुपुत्रस्य देहलग्ना विभांति च
nārada uvāca- evamukto jaghānāśu siṃdhujaṃ viśikhaiḥ śivaḥ | te śarāḥ siṃdhuputrasya dehalagnā vibhāṃti ca
Sanskrit only: no published translation is held for this verse.
यथा लोहगिरिप्रांते वेणवो वह्निदीपिताः । जालंधरो हरस्यांगं पूरयामास मार्गणैः
yathā lohagiriprāṃte veṇavo vahnidīpitāḥ | jālaṃdharo harasyāṃgaṃ pūrayāmāsa mārgaṇaiḥ
Sanskrit only: no published translation is held for this verse.
तैः शरैः शुशुभे रुद्रो यथा खं खेचराकुलम् । जालंधरेशयोर्युद्धं तथा द्वंद्वमभून्नृप
taiḥ śaraiḥ śuśubhe rudro yathā khaṃ khecarākulam | jālaṃdhareśayoryuddhaṃ tathā dvaṃdvamabhūnnṛpa
Sanskrit only: no published translation is held for this verse.
हरादन्येन हंतास्ति न सोढान्योऽर्णवात्मजात् । गिरिकोटिसहस्रैस्तु तदा पृथ्वीपुटोद्धृतैः
harādanyena haṃtāsti na soḍhānyo'rṇavātmajāt | girikoṭisahasraistu tadā pṛthvīpuṭoddhṛtaiḥ
Sanskrit only: no published translation is held for this verse.
पूरयामास समरे सिंधुजः पार्वतीपतिम् । ततः शूलेन निहतो रुद्रेणोरसि दानवः
pūrayāmāsa samare siṃdhujaḥ pārvatīpatim | tataḥ śūlena nihato rudreṇorasi dānavaḥ
Sanskrit only: no published translation is held for this verse.
निःससार मुखात्तस्य ज्वरो जंभो भयंकरः । स च वीरज्वरोनाम सिंहवक्त्रो नराकृतिः
niḥsasāra mukhāttasya jvaro jaṃbho bhayaṃkaraḥ | sa ca vīrajvaronāma siṃhavaktro narākṛtiḥ
Sanskrit only: no published translation is held for this verse.
दैत्यदेहाद्विनिष्क्रांतं दृष्ट्वा सिंहमुखं ज्वरम् । हुंकारमकरोद्घोरं शरभस्तत्र निर्ययौ
daityadehādviniṣkrāṃtaṃ dṛṣṭvā siṃhamukhaṃ jvaram | huṃkāramakarodghoraṃ śarabhastatra niryayau
Sanskrit only: no published translation is held for this verse.
शिवस्य निःसृतेनासौ शरभेण निपातितः । अजेयं शंकरं दृष्ट्वा वृषभेंद्रेण संयुतम्
śivasya niḥsṛtenāsau śarabheṇa nipātitaḥ | ajeyaṃ śaṃkaraṃ dṛṣṭvā vṛṣabheṃdreṇa saṃyutam
Sanskrit only: no published translation is held for this verse.
आययौ वृषभाभ्याशे तरसा सागरात्मजः । वृषं पुच्छे गृहीत्वा च भ्रामयामास चांबरे
āyayau vṛṣabhābhyāśe tarasā sāgarātmajaḥ | vṛṣaṃ pucche gṛhītvā ca bhrāmayāmāsa cāṃbare
Sanskrit only: no published translation is held for this verse.
जालंधरो महाबाहुश्चिक्षेप हिमवद्गिरौ । ततस्त्रिशूलमत्युग्रं मुमोच गिरिजापतिः
jālaṃdharo mahābāhuścikṣepa himavadgirau | tatastriśūlamatyugraṃ mumoca girijāpatiḥ
Sanskrit only: no published translation is held for this verse.
तद्धस्तेन गृहीत्वा च दैत्येशः शिवसन्निधौ । रथारूढो धनुर्गृह्य कालकेदारमब्धिजः
taddhastena gṛhītvā ca daityeśaḥ śivasannidhau | rathārūḍho dhanurgṛhya kālakedāramabdhijaḥ
Sanskrit only: no published translation is held for this verse.
पूरयामास विशिखैः शिवमुर्वीतले स्थितम् । उग्रः शस्त्राञ्छरान्छित्वा बाणै रथमचूर्णयत्
pūrayāmāsa viśikhaiḥ śivamurvītale sthitam | ugraḥ śastrāñcharānchitvā bāṇai rathamacūrṇayat
Sanskrit only: no published translation is held for this verse.
दशयोजनविस्तीर्णं सारथ्यश्व समन्वितम् । जालंरोऽपि विरथो अभ्यधावन्मृधे शिवम्
daśayojanavistīrṇaṃ sārathyaśva samanvitam | jālaṃro'pi viratho abhyadhāvanmṛdhe śivam
Sanskrit only: no published translation is held for this verse.
तयोर्युद्धमभूद्घोरमद्भुतं लोमहर्षणम् । तद्दृष्ट्वाऽकांडकल्पांत शंकया तत्र सुःसुराः
tayoryuddhamabhūdghoramadbhutaṃ lomaharṣaṇam | taddṛṣṭvā'kāṃḍakalpāṃta śaṃkayā tatra suḥsurāḥ
Sanskrit only: no published translation is held for this verse.
सर्वास्त्रैस्तावदन्योन्यं जघ्नतुर्भीमविक्रमौ । पद्भिः पृथ्वीं चालयंतौ कंपयंतौ नभः स्वनैः
sarvāstraistāvadanyonyaṃ jaghnaturbhīmavikramau | padbhiḥ pṛthvīṃ cālayaṃtau kaṃpayaṃtau nabhaḥ svanaiḥ
Sanskrit only: no published translation is held for this verse.
अथोत्कटं बलं दृष्ट्वा दानवेंद्रस्य शंकरः । शस्त्रजालं जहाराशु योगमायाबलेन सः
athotkaṭaṃ balaṃ dṛṣṭvā dānaveṃdrasya śaṃkaraḥ | śastrajālaṃ jahārāśu yogamāyābalena saḥ
Sanskrit only: no published translation is held for this verse.
ततः कोटिभुजो दैत्यो दंष्ट्रा भीषणलोचनः । शस्त्रहीनोऽपि तरसा धावमानो हरं ययौ
tataḥ koṭibhujo daityo daṃṣṭrā bhīṣaṇalocanaḥ | śastrahīno'pi tarasā dhāvamāno haraṃ yayau
Sanskrit only: no published translation is held for this verse.
विशालकरबंधेन बबंध समरे शिवम् । ततस्तस्य कृपाणेन चिच्छेद करकाननम्
viśālakarabaṃdhena babaṃdha samare śivam | tatastasya kṛpāṇena ciccheda karakānanam
Sanskrit only: no published translation is held for this verse.
सिंधुजेन भुजाक्रांतो रुद्रोभून्नीललोहितः । लीलया योधयामास रणेऽसौ सिंधुनंदनः
siṃdhujena bhujākrāṃto rudrobhūnnīlalohitaḥ | līlayā yodhayāmāsa raṇe'sau siṃdhunaṃdanaḥ
Sanskrit only: no published translation is held for this verse.
छिन्नहस्तोऽपि युयुधे स्वर्भानुः शिरसा यथा । नियुद्धेन नदीसूनुस्तोषयामास शंकरम्
chinnahasto'pi yuyudhe svarbhānuḥ śirasā yathā | niyuddhena nadīsūnustoṣayāmāsa śaṃkaram
Sanskrit only: no published translation is held for this verse.
परितुष्टोऽब्रवीच्छंभुर्वरं वरय दुर्लभम् । जालंधरेणसोऽप्युक्तस्त्वं मे देह्यात्मनः पदम्
parituṣṭo'bravīcchaṃbhurvaraṃ varaya durlabham | jālaṃdhareṇaso'pyuktastvaṃ me dehyātmanaḥ padam
Sanskrit only: no published translation is held for this verse.
मम दोःशस्त्रहीनस्य नावज्ञां कर्तुमर्हसि । शीघ्रं प्रयच्छ मे सिद्धिं नोचेत्त्वां संहराम्यहम्
mama doḥśastrahīnasya nāvajñāṃ kartumarhasi | śīghraṃ prayaccha me siddhiṃ nocettvāṃ saṃharāmyaham
Sanskrit only: no published translation is held for this verse.
इत्युक्त्वा सभुजो भूत्वा जघ्ने तं मुष्टिनोरसि । ततः सुदर्शनं चक्रं पुरा यन्निर्मितं स्वयम्
ityuktvā sabhujo bhūtvā jaghne taṃ muṣṭinorasi | tataḥ sudarśanaṃ cakraṃ purā yannirmitaṃ svayam
Sanskrit only: no published translation is held for this verse.
मुखादुद्गीर्य तद्धस्ते गृहीत्वा तोलयद्रुषा । सूर्यकोटिसहस्राभं ग्रसंतं सचराचरम्
mukhādudgīrya taddhaste gṛhītvā tolayadruṣā | sūryakoṭisahasrābhaṃ grasaṃtaṃ sacarācaram
Sanskrit only: no published translation is held for this verse.
तेन चक्रेण चिच्छेद शिरो जालंधरस्य च । ततस्तच्छीर्षमुत्प्लुत्य गगने शतयोजनम् 6.18.१००। दंष्ट्रा शतकरालास्यं स्वर्भूमिनयनं च यत् । व्याघ्रगत्या ततो यातं सदनं ब्रह्मणो नृप
tena cakreṇa ciccheda śiro jālaṃdharasya ca | tatastacchīrṣamutplutya gagane śatayojanam 6.18.100| daṃṣṭrā śatakarālāsyaṃ svarbhūminayanaṃ ca yat | vyāghragatyā tato yātaṃ sadanaṃ brahmaṇo nṛpa
Sanskrit only: no published translation is held for this verse.
भूयः स्वर्गे ततो दृष्ट्वा मृडः शीर्षमधावत । स्रवत्तद्रुधिरं भूरि प्रकुर्वद्भैरवस्वनम्
bhūyaḥ svarge tato dṛṣṭvā mṛḍaḥ śīrṣamadhāvata | sravattadrudhiraṃ bhūri prakurvadbhairavasvanam
Sanskrit only: no published translation is held for this verse.
ततो दिशः प्रणष्टास्ता गगनं विलयं गतम् । न तेजसां प्रकाशोऽस्ति चचाल वसुधा भयात्
tato diśaḥ praṇaṣṭāstā gaganaṃ vilayaṃ gatam | na tejasāṃ prakāśo'sti cacāla vasudhā bhayāt
Sanskrit only: no published translation is held for this verse.
आपतंतं जघानाशु रुद्रश्चक्रेण तच्छिरः । द्विधा भूत्वाथ राजेंद्र पपात हिमवद्गिरौ
āpataṃtaṃ jaghānāśu rudraścakreṇa tacchiraḥ | dvidhā bhūtvātha rājeṃdra papāta himavadgirau
Sanskrit only: no published translation is held for this verse.
ततो जालंधरस्याशु शिरसः शकले किल । विशतः सर्वभूतानां पश्यतां स्म वृषाकपौ
tato jālaṃdharasyāśu śirasaḥ śakale kila | viśataḥ sarvabhūtānāṃ paśyatāṃ sma vṛṣākapau
Sanskrit only: no published translation is held for this verse.
तस्य कंठात्समुद्भूता दैत्याः शतसहस्रशः । ते हतास्तेन चक्रेण कपर्दिकरशालिना
tasya kaṃṭhātsamudbhūtā daityāḥ śatasahasraśaḥ | te hatāstena cakreṇa kapardikaraśālinā
Sanskrit only: no published translation is held for this verse.
जालंधरकबंधं तन्ननर्त रुधिरारुणम् । पुनः पुनः समुद्भूतास्तस्य कंठात्तु दानवाः
jālaṃdharakabaṃdhaṃ tannanarta rudhirāruṇam | punaḥ punaḥ samudbhūtāstasya kaṃṭhāttu dānavāḥ
Sanskrit only: no published translation is held for this verse.
पुनः पुनर्बलवता छिन्नाश्चक्रेण शंभुना । मेदसा सिंधुपुत्रस्य पूरिता सकला मही
punaḥ punarbalavatā chinnāścakreṇa śaṃbhunā | medasā siṃdhuputrasya pūritā sakalā mahī
Sanskrit only: no published translation is held for this verse.
मेदिनी मेदसैवैषा ख्यातिं प्राप्ता तु पार्थिव । यत्र दैत्यवरस्यास्य शोणितं शैलतां गतम्
medinī medasaivaiṣā khyātiṃ prāptā tu pārthiva | yatra daityavarasyāsya śoṇitaṃ śailatāṃ gatam
Sanskrit only: no published translation is held for this verse.
कैलासस्योत्तरे भागे तत्राभूच्छोणितं पुरम् । अथ मांसचयान्दृष्ट्वा सर्वतो व्याप्य तिष्ठतः
kailāsasyottare bhāge tatrābhūcchoṇitaṃ puram | atha māṃsacayāndṛṣṭvā sarvato vyāpya tiṣṭhataḥ
Sanskrit only: no published translation is held for this verse.
तदा सस्मार देवेशश्चतुःषष्टिगणं रणे । विज्ञानस्मरणाद्देव्यः संप्राप्ताः शंकरांतिकम्
tadā sasmāra deveśaścatuḥṣaṣṭigaṇaṃ raṇe | vijñānasmaraṇāddevyaḥ saṃprāptāḥ śaṃkarāṃtikam
Sanskrit only: no published translation is held for this verse.
कृतांजलिपुटाः प्रोचुः शिव किं करवामहे
kṛtāṃjalipuṭāḥ procuḥ śiva kiṃ karavāmahe
Sanskrit only: no published translation is held for this verse.
महादेव उवाच- य एते दैत्यमांसस्य राशयो गिरिसन्निभाः । भक्षयध्वं युताः शीघ्रं दत्तानुज्ञा मया तु वः
mahādeva uvāca- ya ete daityamāṃsasya rāśayo girisannibhāḥ | bhakṣayadhvaṃ yutāḥ śīghraṃ dattānujñā mayā tu vaḥ
Sanskrit only: no published translation is held for this verse.
ब्राह्मी माहेश्वरी चैव कौमारी वैष्णवी तथा । वाराही चैव माहेंद्री सर्वाः स्वगणशोभिताः
brāhmī māheśvarī caiva kaumārī vaiṣṇavī tathā | vārāhī caiva māheṃdrī sarvāḥ svagaṇaśobhitāḥ
Sanskrit only: no published translation is held for this verse.
एवं शंकरनिर्दिष्टा देव्यस्ता मांससंचयान् । क्रूरेण चक्षुषालोक्य निन्युश्चादर्शनं क्षणात्
evaṃ śaṃkaranirdiṣṭā devyastā māṃsasaṃcayān | krūreṇa cakṣuṣālokya ninyuścādarśanaṃ kṣaṇāt
Sanskrit only: no published translation is held for this verse.
अथ जालंधरवपुः क्षीणं क्रांतं तु शक्तिभिः । ताभिर्ग्रस्ते शरीरे तु तस्य देहाद्विनिःसृता
atha jālaṃdharavapuḥ kṣīṇaṃ krāṃtaṃ tu śaktibhiḥ | tābhirgraste śarīre tu tasya dehādviniḥsṛtā
Sanskrit only: no published translation is held for this verse.
प्रभासा शंकरं प्राप्ता जगामादर्शनं क्षणात् । तत्तेजः सूर्यसंकाशं लयं प्राप्तं महेश्वरे
prabhāsā śaṃkaraṃ prāptā jagāmādarśanaṃ kṣaṇāt | tattejaḥ sūryasaṃkāśaṃ layaṃ prāptaṃ maheśvare
Sanskrit only: no published translation is held for this verse.
एवं स विलयं प्राप्तः त्रिदिशारिस्त्रिलोचनात् । वृणुध्वं च वरं सर्वाः प्रीतः प्राह महेश्वरः
evaṃ sa vilayaṃ prāptaḥ tridiśāristrilocanāt | vṛṇudhvaṃ ca varaṃ sarvāḥ prītaḥ prāha maheśvaraḥ
Sanskrit only: no published translation is held for this verse.
तदा ताः सर्वयोगिन्यः पप्रच्छुर्जगदीश्वरम् । मर्त्यलोकेषु ये लोका भोगमोक्षवरेप्सवः
tadā tāḥ sarvayoginyaḥ papracchurjagadīśvaram | martyalokeṣu ye lokā bhogamokṣavarepsavaḥ
Sanskrit only: no published translation is held for this verse.
पूजयिष्यंति ते नित्यं स्वगृहे योगिनीगणम् । तत्तेषां वांछितं सर्वं सिध्यतां त्वत्प्रसादतः
pūjayiṣyaṃti te nityaṃ svagṛhe yoginīgaṇam | tatteṣāṃ vāṃchitaṃ sarvaṃ sidhyatāṃ tvatprasādataḥ
Sanskrit only: no published translation is held for this verse.
महादेव उवाच- यः कश्चित्पूजयेन्नित्यं भक्तिभावसमन्वितः । युष्मद्गणं च तस्याहं वरदोऽस्मि धरातले
mahādeva uvāca- yaḥ kaścitpūjayennityaṃ bhaktibhāvasamanvitaḥ | yuṣmadgaṇaṃ ca tasyāhaṃ varado'smi dharātale
Sanskrit only: no published translation is held for this verse.
मद्भक्तः केशवस्यापि द्वेष्टि यो योगिनीगणम् । भैरवोऽहं तदा तस्य हरिष्ये सुकृतं कृतम्
madbhaktaḥ keśavasyāpi dveṣṭi yo yoginīgaṇam | bhairavo'haṃ tadā tasya hariṣye sukṛtaṃ kṛtam
Sanskrit only: no published translation is held for this verse.