Padma Purāṇa 6.204

शिवशर्मोवाच- विष्णुशर्मंस्ततो वैश्यः शरभः सह भार्यया । नीत्वा पूजोपकरणं ययौ श्रीचंडिकालयम्

śivaśarmovāca- viṣṇuśarmaṃstato vaiśyaḥ śarabhaḥ saha bhāryayā | nītvā pūjopakaraṇaṃ yayau śrīcaṃḍikālayam

Sanskrit only: no published translation is held for this verse.

तत्र तौविधिवत्स्नात्वा सुमनो धूपदीपकैः । आनर्चतुर्भक्तियुक्तौ चंडिकां पुत्रकाम्यया

tatra tauvidhivatsnātvā sumano dhūpadīpakaiḥ | ānarcaturbhaktiyuktau caṃḍikāṃ putrakāmyayā

Sanskrit only: no published translation is held for this verse.

श्रद्धया पूजिता ताभ्यां दिनैः सप्तभिरंबिका । उवाच वाचा प्रत्यक्षं भूत्वा विशदमानसा

śraddhayā pūjitā tābhyāṃ dinaiḥ saptabhiraṃbikā | uvāca vācā pratyakṣaṃ bhūtvā viśadamānasā

Sanskrit only: no published translation is held for this verse.

पार्वत्युवाच- भो भो वैश्य प्रसन्नास्मि भक्त्या सुदृढया तव । ददामि पुत्रं ते साधो यदर्थे यत्नवानसि

pārvatyuvāca- bho bho vaiśya prasannāsmi bhaktyā sudṛḍhayā tava | dadāmi putraṃ te sādho yadarthe yatnavānasi

Sanskrit only: no published translation is held for this verse.

गच्छ त्वं मा विलंबस्व वनमैद्रं च खांडवम् । तत्र तीर्थं महापुण्यमिंद्रप्रस्थाख्यमुत्तमम्

gaccha tvaṃ mā vilaṃbasva vanamaidraṃ ca khāṃḍavam | tatra tīrthaṃ mahāpuṇyamiṃdraprasthākhyamuttamam

Sanskrit only: no published translation is held for this verse.

निगमोद्बोधकं तत्र तीर्थं निखिलकामदम् । बृहस्पतिकृतं तत्र स्नाहि त्वं सुतवांछया

nigamodbodhakaṃ tatra tīrthaṃ nikhilakāmadam | bṛhaspatikṛtaṃ tatra snāhi tvaṃ sutavāṃchayā

Sanskrit only: no published translation is held for this verse.

भविष्यति सुतस्तात तव स्नानेन तत्र हि । तत्र स्नात्वा मयाप्यंग लब्धः स्कंदः सुरारिहा

bhaviṣyati sutastāta tava snānena tatra hi | tatra snātvā mayāpyaṃga labdhaḥ skaṃdaḥ surārihā

Sanskrit only: no published translation is held for this verse.

शिवशर्मोवाच- इत्याकर्ण्य वचो देव्याः पिता मम सहस्त्रिया । अत्राजगाम सत्तीर्थे सस्नौ च सुतवांछया

śivaśarmovāca- ityākarṇya vaco devyāḥ pitā mama sahastriyā | atrājagāma sattīrthe sasnau ca sutavāṃchayā

Sanskrit only: no published translation is held for this verse.

उपस्करवतीर्धेनूर्द्विजेभ्यः प्रददौ शतम् । देवान्पितॄंश्च संतर्प्य यथाविध्यत्र बुद्धिमान्

upaskaravatīrdhenūrdvijebhyaḥ pradadau śatam | devānpitṝṃśca saṃtarpya yathāvidhyatra buddhimān

Sanskrit only: no published translation is held for this verse.

सप्तरात्रमुषित्वा तु दंपती यतमानसौ । जग्मतुः स्वगृहानिष्टलाभोत्फुल्लमुखांबुजौ

saptarātramuṣitvā tu daṃpatī yatamānasau | jagmatuḥ svagṛhāniṣṭalābhotphullamukhāṃbujau

Sanskrit only: no published translation is held for this verse.

तस्मिन्नेवाभवद्गर्भो मासि मातुर्ममान्वहम् । व्यतीते नवमे मासि जातोऽहं दशमे शुभे

tasminnevābhavadgarbho māsi māturmamānvaham | vyatīte navame māsi jāto'haṃ daśame śubhe

Sanskrit only: no published translation is held for this verse.

विष्णुशर्मन्यदुक्तं ते पुरावृत्तमिदं मया । दशाब्दद्वयमेवैतच्छ्रुतं सर्वं पितुर्मुखात्

viṣṇuśarmanyaduktaṃ te purāvṛttamidaṃ mayā | daśābdadvayamevaitacchrutaṃ sarvaṃ piturmukhāt

Sanskrit only: no published translation is held for this verse.

एकदा क्षममालोक्य गृहकर्मणि मां पिता । गृहं मामर्पयामास विश्वाद्वैराग्यमाप्नुवन्

ekadā kṣamamālokya gṛhakarmaṇi māṃ pitā | gṛhaṃ māmarpayāmāsa viśvādvairāgyamāpnuvan

Sanskrit only: no published translation is held for this verse.

मां चोवाच स धर्मात्मा गोविंदासक्तमानसः । विनिंदन्विषयासक्तिं विष्णुभक्तिं स्तुवन्मुहुः

māṃ covāca sa dharmātmā goviṃdāsaktamānasaḥ | viniṃdanviṣayāsaktiṃ viṣṇubhaktiṃ stuvanmuhuḥ

Sanskrit only: no published translation is held for this verse.

पितोवाच- सुमते वार्द्धकं प्राप्तं पलिताश्चिकुरा मम । गोविंदचरणांभोजं सेविष्ये साधुसेवितम्

pitovāca- sumate vārddhakaṃ prāptaṃ palitāścikurā mama | goviṃdacaraṇāṃbhojaṃ seviṣye sādhusevitam

Sanskrit only: no published translation is held for this verse.

तत्सैवया भवेत्स्वच्छं मनो यस्य च सुस्थिरम् । स पुमानात्मसंतुष्टो न किंचिदभिवांछति

tatsaivayā bhavetsvacchaṃ mano yasya ca susthiram | sa pumānātmasaṃtuṣṭo na kiṃcidabhivāṃchati

Sanskrit only: no published translation is held for this verse.

निष्कामः सुखदुःखाभ्यां भुंजन्सुकृतदुष्कृते । प्राकृते तत्समाप्तौ च त्यजन्देहं भवत्यजः

niṣkāmaḥ sukhaduḥkhābhyāṃ bhuṃjansukṛtaduṣkṛte | prākṛte tatsamāptau ca tyajandehaṃ bhavatyajaḥ

Sanskrit only: no published translation is held for this verse.

तां वद्द्रव्यं गुणसुखं यावत्प्राप्तं न चित्सुखम् । तत्प्राप्तौ तद्भवेत्तुच्छं सुधाया इव तक्रकम्

tāṃ vaddravyaṃ guṇasukhaṃ yāvatprāptaṃ na citsukham | tatprāptau tadbhavettucchaṃ sudhāyā iva takrakam

Sanskrit only: no published translation is held for this verse.

हरेर्मायाबलवतीयं मोहयति देहिनम् । हितानि तं न जानाति स यथा मदिरामदः

harermāyābalavatīyaṃ mohayati dehinam | hitāni taṃ na jānāti sa yathā madirāmadaḥ

Sanskrit only: no published translation is held for this verse.

प्रवृत्तिं च निवृत्तिं च विद्ययाविद्यया च सः । करोति स्वेच्छया काले बाललीलो हि स प्रभुः

pravṛttiṃ ca nivṛttiṃ ca vidyayāvidyayā ca saḥ | karoti svecchayā kāle bālalīlo hi sa prabhuḥ

Sanskrit only: no published translation is held for this verse.

वेदोदितं यदा कर्म क्रियते फलमिच्छता । प्रवृत्तिं सा परा तात तेषामर्पणमीश्वरे

vedoditaṃ yadā karma kriyate phalamicchatā | pravṛttiṃ sā parā tāta teṣāmarpaṇamīśvare

Sanskrit only: no published translation is held for this verse.

यथा निर्दग्धाबीजानि न प्ररोहंति यत्नतः । यथा कर्माणि विश्वेशे निःकामेनार्पितानि तु

yathā nirdagdhābījāni na prarohaṃti yatnataḥ | yathā karmāṇi viśveśe niḥkāmenārpitāni tu

Sanskrit only: no published translation is held for this verse.

कर्मणां च लयो मोक्षः सुखदुःखप्रदायिनाम् । तदुत्पत्तिस्तु बंधः स्यादित्यसौ शास्त्रनिर्णयः

karmaṇāṃ ca layo mokṣaḥ sukhaduḥkhapradāyinām | tadutpattistu baṃdhaḥ syādityasau śāstranirṇayaḥ

Sanskrit only: no published translation is held for this verse.

अतोऽहं कर्मवेदोक्तं कुर्वन्नाभिलषन्फलम् । पर्यटिष्यामि तीर्थेषु हृदि भक्ति दधद्धरेः

ato'haṃ karmavedoktaṃ kurvannābhilaṣanphalam | paryaṭiṣyāmi tīrtheṣu hṛdi bhakti dadhaddhareḥ

Sanskrit only: no published translation is held for this verse.

एवं प्रारब्धकर्माणि भुंजन्नान्यान्यतर्जयन्। हनिष्यामि जगद्रोगं पीत्वा सत्संगमौषधम्

evaṃ prārabdhakarmāṇi bhuṃjannānyānyatarjayan| haniṣyāmi jagadrogaṃ pītvā satsaṃgamauṣadham

Sanskrit only: no published translation is held for this verse.

शिवशर्मोवाच- एवमाकर्ण्य वचनं तस्याहं पितुरात्मनः । अवदं विष्णुशर्मस्त्वं तन्निशामय तत्वतः

śivaśarmovāca- evamākarṇya vacanaṃ tasyāhaṃ piturātmanaḥ | avadaṃ viṣṇuśarmastvaṃ tanniśāmaya tatvataḥ

Sanskrit only: no published translation is held for this verse.

वैश्यपुत्र उवाच- अयं जनो दुराराध्यः कथयिष्यति नो यशः । दुष्टकुटुंबादुद्विज्य निःसृत्य गत इत्ययम्

vaiśyaputra uvāca- ayaṃ jano durārādhyaḥ kathayiṣyati no yaśaḥ | duṣṭakuṭuṃbādudvijya niḥsṛtya gata ityayam

Sanskrit only: no published translation is held for this verse.

इयं विष्णुपदी तात भुवनत्रयपावनी । स्मृता हरत्यघं दूरात्कस्मादेनां विमुंचसि

iyaṃ viṣṇupadī tāta bhuvanatrayapāvanī | smṛtā haratyaghaṃ dūrātkasmādenāṃ vimuṃcasi

Sanskrit only: no published translation is held for this verse.

पापकारी जनस्तात म्रियते मगधे तु यः । सोप्यस्तपापो गंगायां स्वर्याति त्यजमाशुभम्

pāpakārī janastāta mriyate magadhe tu yaḥ | sopyastapāpo gaṃgāyāṃ svaryāti tyajamāśubham

Sanskrit only: no published translation is held for this verse.

पुत्राः षष्टिसहस्राणि सगरस्य महात्मनः । कपिलक्रोधनिर्दग्धा गतायत्स्पर्शनाद्दिवम्

putrāḥ ṣaṣṭisahasrāṇi sagarasya mahātmanaḥ | kapilakrodhanirdagdhā gatāyatsparśanāddivam

Sanskrit only: no published translation is held for this verse.

तामिमां त्रिदिवश्रेणीं मुक्तेरपि विधायिनीम् । मुमुक्षुसेवितां तात मुक्त्वा मान्यत्र गम्यताम्

tāmimāṃ tridivaśreṇīṃ mukterapi vidhāyinīm | mumukṣusevitāṃ tāta muktvā mānyatra gamyatām

Sanskrit only: no published translation is held for this verse.

मावजानीहि सामीप्ये गंगा त्रिदशमानिताम् । यदिच्छसि महाभाग सेवितैषा प्रदास्यति

māvajānīhi sāmīpye gaṃgā tridaśamānitām | yadicchasi mahābhāga sevitaiṣā pradāsyati

Sanskrit only: no published translation is held for this verse.

तिर्यंचोऽपि विना ज्ञानाज्जले चेत्स्युर्गतासवः । भवेयुस्तर्हि ते ब्रह्म सा कथं त्यज्यते त्वया

tiryaṃco'pi vinā jñānājjale cetsyurgatāsavaḥ | bhaveyustarhi te brahma sā kathaṃ tyajyate tvayā

Sanskrit only: no published translation is held for this verse.

शिवशर्मोवाच- निशम्यैतद्वचस्तातस्ततो मम ऋतप्रियः । उवास सदने सर्वविषयेभ्यः पराङ्मुखः

śivaśarmovāca- niśamyaitadvacastātastato mama ṛtapriyaḥ | uvāsa sadane sarvaviṣayebhyaḥ parāṅmukhaḥ

Sanskrit only: no published translation is held for this verse.

त्रिषु कालेषुं गगायां प्रत्यहं स्नानमाचरन् । पुराणं स्याद्गृहे यत्र तत्र याति स नित्यशः

triṣu kāleṣuṃ gagāyāṃ pratyahaṃ snānamācaran | purāṇaṃ syādgṛhe yatra tatra yāti sa nityaśaḥ

Sanskrit only: no published translation is held for this verse.

एकदाकर्णयन्धीरो यमुनातीर्थगौरवम् । तत्र शुश्राव माहात्म्यमस्यतीर्थस्य पुत्र सः

ekadākarṇayandhīro yamunātīrthagauravam | tatra śuśrāva māhātmyamasyatīrthasya putra saḥ

Sanskrit only: no published translation is held for this verse.

अविमुक्त हरिद्वार प्रयागेभ्यश्च पुष्करात् । अयोध्याद्वारिका कांची मथुराभ्यस्तथान्यतः

avimukta haridvāra prayāgebhyaśca puṣkarāt | ayodhyādvārikā kāṃcī mathurābhyastathānyataḥ

Sanskrit only: no published translation is held for this verse.

सर्वतीर्थमयस्यास्य पुण्यं शतगुणाधिकम् । कथितं तेन विदुषा सुतेनाकर्ण्यमत्पिता

sarvatīrthamayasyāsya puṇyaṃ śataguṇādhikam | kathitaṃ tena viduṣā sutenākarṇyamatpitā

Sanskrit only: no published translation is held for this verse.

त्यक्त्वा गृहमगादत्र तीर्थे सर्वैरलक्षितः । आवामिव महाभागो गोविंदपदसेवकः

tyaktvā gṛhamagādatra tīrthe sarvairalakṣitaḥ | āvāmiva mahābhāgo goviṃdapadasevakaḥ

Sanskrit only: no published translation is held for this verse.

अत्रागत्य महाभागो मत्पिता मोक्षवांछया । निगमोद्बोधके तीर्थे त्रिकालं स्नानमाचरन्

atrāgatya mahābhāgo matpitā mokṣavāṃchayā | nigamodbodhake tīrthe trikālaṃ snānamācaran

Sanskrit only: no published translation is held for this verse.

उवास कतिचिन्मासानत्र तीर्थोत्तमे हि सः

uvāsa katicinmāsānatra tīrthottame hi saḥ

Sanskrit only: no published translation is held for this verse.

कुर्वन्निजक्रियां धीमान्निस्पृहोप्यजवेश्मनि । एकदा सहसा तस्य ज्वरोऽभूदतिदारुणः

kurvannijakriyāṃ dhīmānnispṛhopyajaveśmani | ekadā sahasā tasya jvaro'bhūdatidāruṇaḥ

Sanskrit only: no published translation is held for this verse.

महत्या पीडया तस्य मुमोह गतचेतनः । मुहूर्तं स पिता मुह्यं तदवस्थो व्यतिष्ठित

mahatyā pīḍayā tasya mumoha gatacetanaḥ | muhūrtaṃ sa pitā muhyaṃ tadavastho vyatiṣṭhita

Sanskrit only: no published translation is held for this verse.

पश्चात्समागतप्राणो विचिंत्य यदिदं तदा । अहो मे कष्टमापन्नं दूरे पुत्रः स धार्मिकः

paścātsamāgataprāṇo viciṃtya yadidaṃ tadā | aho me kaṣṭamāpannaṃ dūre putraḥ sa dhārmikaḥ

Sanskrit only: no published translation is held for this verse.

यो मां ज्वरवितप्तांगमाश्वासयति बुद्धिमान् । अगम्यागमनं पापं कृतं यन्मे सुदारुणम्

yo māṃ jvaravitaptāṃgamāśvāsayati buddhimān | agamyāgamanaṃ pāpaṃ kṛtaṃ yanme sudāruṇam

Sanskrit only: no published translation is held for this verse.

प्रायश्चित्तं न तस्यापि कृतं कामे गतिर्भवेत् । आगमिष्यति पुत्रो मे तस्मै दास्यामि वस्विति

prāyaścittaṃ na tasyāpi kṛtaṃ kāme gatirbhavet | āgamiṣyati putro me tasmai dāsyāmi vasviti

Sanskrit only: no published translation is held for this verse.

यन्मया गोपितं गेहे न दृष्टं च तदप्यहम् । शिवशर्मोवाच- इति चिंतयतस्तस्य पान्थो वर्षेण पीडितः

yanmayā gopitaṃ gehe na dṛṣṭaṃ ca tadapyaham | śivaśarmovāca- iti ciṃtayatastasya pāntho varṣeṇa pīḍitaḥ

Sanskrit only: no published translation is held for this verse.

शीतार्तः कंपितवपुरुटजं प्राविशत्तदा । स तं संविष्टमालोक्य भूयो गत्वा तदंतिके

śītārtaḥ kaṃpitavapuruṭajaṃ prāviśattadā | sa taṃ saṃviṣṭamālokya bhūyo gatvā tadaṃtike

Sanskrit only: no published translation is held for this verse.

मुनिरेष इति ज्ञात्वा ववंदे शिरसाध्वगः । ऊचे च कस्मात्सुप्तोसि मुने संध्या समागता

munireṣa iti jñātvā vavaṃde śirasādhvagaḥ | ūce ca kasmātsuptosi mune saṃdhyā samāgatā

Sanskrit only: no published translation is held for this verse.

रविरस्तं प्रयात्येष न सुप्तेः काल एष ते । इत्युक्तमात्रे वचसि पथिकेन पिता मम

ravirastaṃ prayātyeṣa na supteḥ kāla eṣa te | ityuktamātre vacasi pathikena pitā mama

Sanskrit only: no published translation is held for this verse.

शरभो ज्वरतप्तांगस्तमाह कथमप्यहो । शरभ उवाच- श्रूयतां वचनं पांथ यद्वदामि पुरस्तव

śarabho jvarataptāṃgastamāha kathamapyaho | śarabha uvāca- śrūyatāṃ vacanaṃ pāṃtha yadvadāmi purastava

Sanskrit only: no published translation is held for this verse.

श्रुत्वा मद्भाग्ययातेन त्वया साधो विधीयताम् । वैश्योऽहं शरभो नाम्ना कान्यकुब्जे गृहं मम

śrutvā madbhāgyayātena tvayā sādho vidhīyatām | vaiśyo'haṃ śarabho nāmnā kānyakubje gṛhaṃ mama

Sanskrit only: no published translation is held for this verse.

अत्रागतो निषिद्धोपि जायामित्रसुतैरहम् । अस्य तीर्थस्य माहात्म्यं श्रुत्वा सूनुमुखेरितम्

atrāgato niṣiddhopi jāyāmitrasutairaham | asya tīrthasya māhātmyaṃ śrutvā sūnumukheritam

Sanskrit only: no published translation is held for this verse.

मासास्तु कतिचित्साधो व्यतीता मयि चागते । दिनत्रयमतिक्रांतं ज्वरितस्य ममाधुना

māsāstu katicitsādho vyatītā mayi cāgate | dinatrayamatikrāṃtaṃ jvaritasya mamādhunā

Sanskrit only: no published translation is held for this verse.

प्राणा मे विगता आसन्नद्यभूयः समागताः । कियानप्यायुषः शेषः साधो मे खलु तिष्ठति

prāṇā me vigatā āsannadyabhūyaḥ samāgatāḥ | kiyānapyāyuṣaḥ śeṣaḥ sādho me khalu tiṣṭhati

Sanskrit only: no published translation is held for this verse.

शमनस्य गृहं दृष्ट्वा यदहं पुनरागतः । भाग्योदयेन केनापि ममात्र त्वं समागतः

śamanasya gṛhaṃ dṛṣṭvā yadahaṃ punarāgataḥ | bhāgyodayena kenāpi mamātra tvaṃ samāgataḥ

Sanskrit only: no published translation is held for this verse.

नय मां मद्गृहं मित्र द्रव्यं बहु ददामि ते । दास्याम्यपि गृहं गत्वा कृपां कुरु कृपानिधे

naya māṃ madgṛhaṃ mitra dravyaṃ bahu dadāmi te | dāsyāmyapi gṛhaṃ gatvā kṛpāṃ kuru kṛpānidhe

Sanskrit only: no published translation is held for this verse.

इह भूभाग उत्खाय गृह्यतां मामकं धनम् । शिवशर्मोवाच- इत्याकर्ण्य स दुर्बुद्धिर्ग्राम्यो विषयलंपटः

iha bhūbhāga utkhāya gṛhyatāṃ māmakaṃ dhanam | śivaśarmovāca- ityākarṇya sa durbuddhirgrāmyo viṣayalaṃpaṭaḥ

Sanskrit only: no published translation is held for this verse.

उवाच धनलुब्धस्तं त्वदुक्तं साधयाम्यहम् । इत्युक्त्वा धनमुत्खाय तस्माद्भूभागतस्तदा

uvāca dhanalubdhastaṃ tvaduktaṃ sādhayāmyaham | ityuktvā dhanamutkhāya tasmādbhūbhāgatastadā

Sanskrit only: no published translation is held for this verse.

अग्रतः स्थापयामास शरभस्याह चाध्वगः । अध्वग उवाच- धनमेतद्विशांनाथ तव भूभागतो मया

agrataḥ sthāpayāmāsa śarabhasyāha cādhvagaḥ | adhvaga uvāca- dhanametadviśāṃnātha tava bhūbhāgato mayā

Sanskrit only: no published translation is held for this verse.

निष्कासितं प्रयच्छाशु शिबिकानयनाय मे । यामारोप्य ज्वरार्तं त्वां नयामि तव केतनम्

niṣkāsitaṃ prayacchāśu śibikānayanāya me | yāmāropya jvarārtaṃ tvāṃ nayāmi tava ketanam

Sanskrit only: no published translation is held for this verse.

शिवशर्मोवाच- इत्युक्तस्तेन स तदा ददौ स्वर्णपलत्रयम् । सोपि नीत्वा पितुर्द्रव्यं ययौ लवणपत्तनम्

śivaśarmovāca- ityuktastena sa tadā dadau svarṇapalatrayam | sopi nītvā piturdravyaṃ yayau lavaṇapattanam

Sanskrit only: no published translation is held for this verse.

उषित्वा रात्रिमेकां तु शिबिकां सपरिच्छदाम् । सवाहामानयत्पुत्र दत्त्वा स्वर्णपलद्वयम्

uṣitvā rātrimekāṃ tu śibikāṃ saparicchadām | savāhāmānayatputra dattvā svarṇapaladvayam

Sanskrit only: no published translation is held for this verse.

पलं द्वयं गृहीतं तत्तेनैवाधर्मबुद्धिना । आरोप्य शिबिकां तं तु शरभं वैश्यसत्तमम्

palaṃ dvayaṃ gṛhītaṃ tattenaivādharmabuddhinā | āropya śibikāṃ taṃ tu śarabhaṃ vaiśyasattamam

Sanskrit only: no published translation is held for this verse.

पांथः स चलितो वाहांस्त्वरयन्कान्यकुब्जकम् । अस्य तीर्थवरस्याथ कमंडलुजलं धृतम्

pāṃthaḥ sa calito vāhāṃstvarayankānyakubjakam | asya tīrthavarasyātha kamaṃḍalujalaṃ dhṛtam

Sanskrit only: no published translation is held for this verse.

पाययन्नल्पमल्पं तं तृषार्तं सोध्वगो ययौ । अथ ते सरसस्तीरे उत्तीर्णा भोक्तुमध्वनि

pāyayannalpamalpaṃ taṃ tṛṣārtaṃ sodhvago yayau | atha te sarasastīre uttīrṇā bhoktumadhvani

Sanskrit only: no published translation is held for this verse.

स्नात्वा भुक्त्वा पुनस्तस्मात्स्थानाच्चेलुस्त्वरान्विताः । कियंति भूमिमुल्लंघ्य तृषार्तांस्ते कमंडलोः

snātvā bhuktvā punastasmātsthānāccelustvarānvitāḥ | kiyaṃti bhūmimullaṃghya tṛṣārtāṃste kamaṃḍaloḥ

Sanskrit only: no published translation is held for this verse.

जलं पीत्वा तृषार्तं तं शरभं चाप्यपाययत् । अथ कश्चिन्महाभीमो विकटो नाम राक्षसः

jalaṃ pītvā tṛṣārtaṃ taṃ śarabhaṃ cāpyapāyayat | atha kaścinmahābhīmo vikaṭo nāma rākṣasaḥ

Sanskrit only: no published translation is held for this verse.

विचरन्निर्जनेऽरण्ये गच्छतस्तानवैक्षत । तान्दृष्ट्वा स क्षुधाक्रांतो वेगवान्विवृताननः

vicarannirjane'raṇye gacchatastānavaikṣata | tāndṛṣṭvā sa kṣudhākrāṃto vegavānvivṛtānanaḥ

Sanskrit only: no published translation is held for this verse.

अभिदुद्राव चरणाघातेनाकंपयन्महीम् । आगत्य तरसा पार्श्वे तान्वाहान्पथिकं च तम्

abhidudrāva caraṇāghātenākaṃpayanmahīm | āgatya tarasā pārśve tānvāhānpathikaṃ ca tam

Sanskrit only: no published translation is held for this verse.

सकोशेषु समादाय भ्रामयामास खेचरः । गतासून्भ्रामणेनैव भूतले तानपोथयत्

sakośeṣu samādāya bhrāmayāmāsa khecaraḥ | gatāsūnbhrāmaṇenaiva bhūtale tānapothayat

Sanskrit only: no published translation is held for this verse.

चखाद पिशितं तेषां पपौ कोशाच्च शोणितम् । कुत्र यास्यति रोगार्तो नरोऽयं पुरतो मम

cakhāda piśitaṃ teṣāṃ papau kośācca śoṇitam | kutra yāsyati rogārto naro'yaṃ purato mama

Sanskrit only: no published translation is held for this verse.

एनं तु भक्षयिष्यामि पश्चादंबु पिबाम्यहम् । इति कृत्वा मतिर्वारितीर्थस्यास्य कमंडलोः

enaṃ tu bhakṣayiṣyāmi paścādaṃbu pibāmyaham | iti kṛtvā matirvāritīrthasyāsya kamaṃḍaloḥ

Sanskrit only: no published translation is held for this verse.

मुखे चिक्षेप स तदा रजनीचरपुंगवः । क्षिप्तमात्रे जले तस्य पूर्वजन्मभवा स्मृतिः

mukhe cikṣepa sa tadā rajanīcarapuṃgavaḥ | kṣiptamātre jale tasya pūrvajanmabhavā smṛtiḥ

Sanskrit only: no published translation is held for this verse.

जाता स तु वधात्तस्य शरभस्य न्यवर्तत । पूर्वजन्मकृतं पापं तदपि स्मृतिमागमत्

jātā sa tu vadhāttasya śarabhasya nyavartata | pūrvajanmakṛtaṃ pāpaṃ tadapi smṛtimāgamat

Sanskrit only: no published translation is held for this verse.

येन राक्षसभावस्तु भूतो विप्रोद्भवादपि । स्मृत्वा पापमुपेत्याशु समीपे शरभस्य तु । उवाच ज्ञानमापन्नो राक्षसः पितरं मम

yena rākṣasabhāvastu bhūto viprodbhavādapi | smṛtvā pāpamupetyāśu samīpe śarabhasya tu | uvāca jñānamāpanno rākṣasaḥ pitaraṃ mama

Sanskrit only: no published translation is held for this verse.

राक्षस उवाच- भो भो मनुष्यशार्दूल कस्त्वं के च जना अमी । भक्षिता ये मया घोर रूपेणाधमरक्षसा

rākṣasa uvāca- bho bho manuṣyaśārdūla kastvaṃ ke ca janā amī | bhakṣitā ye mayā ghora rūpeṇādhamarakṣasā

Sanskrit only: no published translation is held for this verse.

कस्य तीर्थवरस्येदं जलं यस्य प्रभावतः । पापिनोऽपि स्मृतिर्जाता पूर्वजन्मभवा मम

kasya tīrthavarasyedaṃ jalaṃ yasya prabhāvataḥ | pāpino'pi smṛtirjātā pūrvajanmabhavā mama

Sanskrit only: no published translation is held for this verse.

वैश्य उवाच- वैश्योऽहं राक्षसश्रेष्ठ कान्यकुब्जे गृहं मम । तीर्थानि पर्यटन्निंद्रप्रस्थेऽहं समुपागतः

vaiśya uvāca- vaiśyo'haṃ rākṣasaśreṣṭha kānyakubje gṛhaṃ mama | tīrthāni paryaṭanniṃdraprasthe'haṃ samupāgataḥ

Sanskrit only: no published translation is held for this verse.

तत्राहमभवं दुःखी ज्वरेण विधियोगतः । ततो मे बुद्धिरुत्पन्ना गंतुं गृहमसत्पथ । तत्र कश्चित्समायातः पांथो वर्षेण पीडितः

tatrāhamabhavaṃ duḥkhī jvareṇa vidhiyogataḥ | tato me buddhirutpannā gaṃtuṃ gṛhamasatpatha | tatra kaścitsamāyātaḥ pāṃtho varṣeṇa pīḍitaḥ

Sanskrit only: no published translation is held for this verse.

प्रार्थितः स मयानीय शिबिकां मां गृहं नय । स चायं शिबिकां पांथः समुपानीय सत्वरः

prārthitaḥ sa mayānīya śibikāṃ māṃ gṛhaṃ naya | sa cāyaṃ śibikāṃ pāṃthaḥ samupānīya satvaraḥ

Sanskrit only: no published translation is held for this verse.

मामारोप्य च तां धीरश्चलितो मद्गृहं प्रति । स पांथस्ते च शिबिकावाहाः संप्रति भक्षिताः

māmāropya ca tāṃ dhīraścalito madgṛhaṃ prati | sa pāṃthaste ca śibikāvāhāḥ saṃprati bhakṣitāḥ

Sanskrit only: no published translation is held for this verse.

त्वया जलमिदं यस्य तीर्थस्यापि च तच्छृणु । इंद्रस्य खांडववने यमुनास्ति सरिद्वरा

tvayā jalamidaṃ yasya tīrthasyāpi ca tacchṛṇu | iṃdrasya khāṃḍavavane yamunāsti saridvarā

Sanskrit only: no published translation is held for this verse.

तत्तीरेऽस्ति हरिप्रस्थं तीर्थं तीर्थोत्तमोत्तमम् । सुराचार्यस्य तत्रास्ति तीर्थं सर्वार्थसाधकम्

tattīre'sti hariprasthaṃ tīrthaṃ tīrthottamottamam | surācāryasya tatrāsti tīrthaṃ sarvārthasādhakam

Sanskrit only: no published translation is held for this verse.

निगमोद्बोधकं जाता स्मृतिस्ते यज्जलाशनात् । एतत्ते सर्वमाख्यातं यत्पृष्टोऽहंमिह त्वया

nigamodbodhakaṃ jātā smṛtiste yajjalāśanāt | etatte sarvamākhyātaṃ yatpṛṣṭo'haṃmiha tvayā

Sanskrit only: no published translation is held for this verse.

पृच्छामि त्वामहं किंचित्तद्वदाशु निशाचर । पूर्वजन्मकृतं कर्म स्मरसि त्वमिहाधुना । वद किं ते कृतं पापं येन जातोऽसि राक्षसः

pṛcchāmi tvāmahaṃ kiṃcittadvadāśu niśācara | pūrvajanmakṛtaṃ karma smarasi tvamihādhunā | vada kiṃ te kṛtaṃ pāpaṃ yena jāto'si rākṣasaḥ

Sanskrit only: no published translation is held for this verse.

राक्षस उवाच- पुराहमभवं विप्रः पुण्ये वेदविदां कुले । दुराचारो ह्यधर्मात्मा शृणु सर्वं वदामि ते

rākṣasa uvāca- purāhamabhavaṃ vipraḥ puṇye vedavidāṃ kule | durācāro hyadharmātmā śṛṇu sarvaṃ vadāmi te

Sanskrit only: no published translation is held for this verse.

क्रीडता हि मया नित्यं द्यूतेन सह तद्विदैः । हारितं द्रविणं भूरि स्वकीयं पितुरेव च

krīḍatā hi mayā nityaṃ dyūtena saha tadvidaiḥ | hāritaṃ draviṇaṃ bhūri svakīyaṃ pitureva ca

Sanskrit only: no published translation is held for this verse.

पित्रा निवेद्य भूपाय मामकं कर्म तज्जनैः । पुरान्निःसारितो निःस्वो गतोऽहं ग्राममंतिके

pitrā nivedya bhūpāya māmakaṃ karma tajjanaiḥ | purānniḥsārito niḥsvo gato'haṃ grāmamaṃtike

Sanskrit only: no published translation is held for this verse.

तत्रासीन्मे सखा नाम देवको ब्राह्मणोत्तमः । तेनाऽहं रक्षितो गेहे कुर्वता चिरमादरम्

tatrāsīnme sakhā nāma devako brāhmaṇottamaḥ | tenā'haṃ rakṣito gehe kurvatā ciramādaram

Sanskrit only: no published translation is held for this verse.

वस्तुं तत्र सुखेनाहं तद्भार्यां रूपशालिनीम् । कामातुरोऽहमभजं बलान्मित्रे गते क्वचित्

vastuṃ tatra sukhenāhaṃ tadbhāryāṃ rūpaśālinīm | kāmāturo'hamabhajaṃ balānmitre gate kvacit

Sanskrit only: no published translation is held for this verse.

सा मृता तत्क्षणात्साध्वी भक्षयित्वा महाविषम् । तां दृष्ट्वा तमसायुक्ते निशीथेऽहं पलायितः

sā mṛtā tatkṣaṇātsādhvī bhakṣayitvā mahāviṣam | tāṃ dṛṣṭvā tamasāyukte niśīthe'haṃ palāyitaḥ

Sanskrit only: no published translation is held for this verse.

पलायमानस्तरसा धृतोऽहं राजकिंकरैः । चौरोऽयमिति खङ्गेन चिच्छिदुस्ते शिरो मम

palāyamānastarasā dhṛto'haṃ rājakiṃkaraiḥ | cauro'yamiti khaṅgena cicchiduste śiro mama

Sanskrit only: no published translation is held for this verse.

मृतं मां यातनादेहमावेश्य यमकिंकराः । रौरवे निरयघोरे चिक्षिपुर्यमशासनात्

mṛtaṃ māṃ yātanādehamāveśya yamakiṃkarāḥ | raurave nirayaghore cikṣipuryamaśāsanāt

Sanskrit only: no published translation is held for this verse.

षष्टिवर्षसहस्राणि तत्राऽहं तीव्रयातनाम् । भुक्त्वा तेनैव पापेन राक्षसत्वमुपागतः

ṣaṣṭivarṣasahasrāṇi tatrā'haṃ tīvrayātanām | bhuktvā tenaiva pāpena rākṣasatvamupāgataḥ

Sanskrit only: no published translation is held for this verse.

शतवर्षाण्यतीतानि राक्षसत्वे विशांपते । वदामि तमुपायं मे येनास्मान्मुक्तिमाप्नुयाम्

śatavarṣāṇyatītāni rākṣasatve viśāṃpate | vadāmi tamupāyaṃ me yenāsmānmuktimāpnuyām

Sanskrit only: no published translation is held for this verse.

पुण्यं तदर्पिते साधो वदामि शृणु सादरम् । येन तीर्थवरस्येदं जलं मम मुखे गतम्

puṇyaṃ tadarpite sādho vadāmi śṛṇu sādaram | yena tīrthavarasyedaṃ jalaṃ mama mukhe gatam

Sanskrit only: no published translation is held for this verse.

तत्रैव जन्मनि मया कृत्वा हरिदिने व्रतम् । संसर्गान्नेच्छया वैश्य रात्रौ जागरणं कृतम्

tatraiva janmani mayā kṛtvā haridine vratam | saṃsargānnecchayā vaiśya rātrau jāgaraṇaṃ kṛtam

Sanskrit only: no published translation is held for this verse.

द्वादश्यामथ संस्नात्वा भोक्तुंमपि समुद्यते । मद्गृहे कश्चिदायातो वैष्णवो विष्णुरूपधृक्

dvādaśyāmatha saṃsnātvā bhoktuṃmapi samudyate | madgṛhe kaścidāyāto vaiṣṇavo viṣṇurūpadhṛk

Sanskrit only: no published translation is held for this verse.

कुपितोऽहं तमालोक्य दुर्वचो वदमग्रतः । क्व गच्छसि दुराचार दांभिकस्त्रीजनांतरे

kupito'haṃ tamālokya durvaco vadamagrataḥ | kva gacchasi durācāra dāṃbhikastrījanāṃtare

Sanskrit only: no published translation is held for this verse.

इत्युक्तं स मया धीरस्तुल्यो मानापमानयोः । तूष्णीमेव निकेतान्मे निर्गत्य चलितो यदा

ityuktaṃ sa mayā dhīrastulyo mānāpamānayoḥ | tūṣṇīmeva niketānme nirgatya calito yadā

Sanskrit only: no published translation is held for this verse.

तदाभिमुखमायांती पत्नी मम पतिव्रता । पतित्वा पादयोस्तस्य तं साधुं गृहमानयत्

tadābhimukhamāyāṃtī patnī mama pativratā | patitvā pādayostasya taṃ sādhuṃ gṛhamānayat

Sanskrit only: no published translation is held for this verse.

मयापमानितस्यापि न क्रोधोऽभून्महात्मनः । तयादृतस्याप्यानंदो यतः सोरि सुहृत्समः

mayāpamānitasyāpi na krodho'bhūnmahātmanaḥ | tayādṛtasyāpyānaṃdo yataḥ sori suhṛtsamaḥ

Sanskrit only: no published translation is held for this verse.

तमर्चयित्वा विधिवद्विष्टरे चोपवेश्य सा । भोज्यं भोजय जीवेश जयताद्भुवनत्रयम्

tamarcayitvā vidhivadviṣṭare copaveśya sā | bhojyaṃ bhojaya jīveśa jayatādbhuvanatrayam

Sanskrit only: no published translation is held for this verse.

इत्युक्तोऽहं तया साध्व्या न्यगदं तं महाशयम् । म्लानवक्त्रः प्रसन्नास्यमुत्तिष्ठ शमय क्षुधाम्

ityukto'haṃ tayā sādhvyā nyagadaṃ taṃ mahāśayam | mlānavaktraḥ prasannāsyamuttiṣṭha śamaya kṣudhām

Sanskrit only: no published translation is held for this verse.

इत्युक्त्वा तस्य चरणौ नोदितस्तनुमध्यमा । प्राक्षालयं पुनस्तं तु निवेश्यासनमुत्तमम्

ityuktvā tasya caraṇau noditastanumadhyamā | prākṣālayaṃ punastaṃ tu niveśyāsanamuttamam

Sanskrit only: no published translation is held for this verse.

अददां पात्रमन्नेन पूर्णं तस्मै विवेकिने । जलं च तत्करे साध्व्या प्रेरितोऽहं तया मुहुः

adadāṃ pātramannena pūrṇaṃ tasmai vivekine | jalaṃ ca tatkare sādhvyā prerito'haṃ tayā muhuḥ

Sanskrit only: no published translation is held for this verse.

उपभुज्य स धर्मात्मा स्वैरं विगतविक्रियः । हरेराम हरेकृष्ण जपन्निति जगाम ह

upabhujya sa dharmātmā svairaṃ vigatavikriyaḥ | harerāma harekṛṣṇa japanniti jagāma ha

Sanskrit only: no published translation is held for this verse.

कृतं पुण्यमिदं वैश्य नोदितेन मया स्त्रिया । पूर्वजन्मनि येनेदं प्रापितं तीर्थवारि मे

kṛtaṃ puṇyamidaṃ vaiśya noditena mayā striyā | pūrvajanmani yenedaṃ prāpitaṃ tīrthavāri me

Sanskrit only: no published translation is held for this verse.

शिवशर्मोवाच- विष्णुशर्मन्निदं वाक्यमुक्त्वा तिष्ठति राक्षसे । पथिकः स च ते वाहाः प्राहुः खे दिव्यदेहिनः

śivaśarmovāca- viṣṇuśarmannidaṃ vākyamuktvā tiṣṭhati rākṣase | pathikaḥ sa ca te vāhāḥ prāhuḥ khe divyadehinaḥ

Sanskrit only: no published translation is held for this verse.

पथिकवाहा ऊचुः भो भो विशांपते साधो प्राप्ता अप्यपमृत्युताम् । त्वत्प्रसादादिदं वारि पीत्वा देवत्वमागताः

pathikavāhā ūcuḥ bho bho viśāṃpate sādho prāptā apyapamṛtyutām | tvatprasādādidaṃ vāri pītvā devatvamāgatāḥ

Sanskrit only: no published translation is held for this verse.

त्वत्संगे धनलोभेन विट्पते चलिता यतः । विगता न धनाकांक्षा मरणावसरेप्यतः

tvatsaṃge dhanalobhena viṭpate calitā yataḥ | vigatā na dhanākāṃkṣā maraṇāvasarepyataḥ

Sanskrit only: no published translation is held for this verse.

तीर्थराजजलस्यास्य तिष्ठतो जठरे हि नः । मरणे ह्यनुभावात्तु मैत्री प्राप्ता धनेशितुः

tīrtharājajalasyāsya tiṣṭhato jaṭhare hi naḥ | maraṇe hyanubhāvāttu maitrī prāptā dhaneśituḥ

Sanskrit only: no published translation is held for this verse.

नमामस्त्वां वयं यामो धनेश नगरीं प्रभो । विमानैस्तद्गणानीतैर्नानामणिविभूषितैः

namāmastvāṃ vayaṃ yāmo dhaneśa nagarīṃ prabho | vimānaistadgaṇānītairnānāmaṇivibhūṣitaiḥ

Sanskrit only: no published translation is held for this verse.

प्रयाहि मा विलंबस्व तीर्थे निगमबोधके । त्वमनेनसमं साधो तारयैनमपि द्रुतम्

prayāhi mā vilaṃbasva tīrthe nigamabodhake | tvamanenasamaṃ sādho tārayainamapi drutam

Sanskrit only: no published translation is held for this verse.

शिवशर्मोवाच- इत्युक्त्वा ते गतास्तात दिश्युदीच्यां समंततः । विमानकिंकिणीनादैर्नादयंतोऽथ रोदसी

śivaśarmovāca- ityuktvā te gatāstāta diśyudīcyāṃ samaṃtataḥ | vimānakiṃkiṇīnādairnādayaṃto'tha rodasī

Sanskrit only: no published translation is held for this verse.

अथ वैश्यो मम पिता तमाह रजनीचरम् । शरभ उवाच- उत्तिष्ठ नय मामाशु तीर्थे निगमबोधके

atha vaiśyo mama pitā tamāha rajanīcaram | śarabha uvāca- uttiṣṭha naya māmāśu tīrthe nigamabodhake

Sanskrit only: no published translation is held for this verse.

ज्वरार्त्तेन मया पद्भ्यां तत्र गंतुं न शक्यते । यो मां नयति तत्तीर्थं त्वदन्यो नास्ति कश्चन

jvarārttena mayā padbhyāṃ tatra gaṃtuṃ na śakyate | yo māṃ nayati tattīrthaṃ tvadanyo nāsti kaścana

Sanskrit only: no published translation is held for this verse.

शिवशर्मोवाच- तथेति तमथाश्वास्य वैश्यं स रजनीचरः । स्कंधमारोप्य वेगेन तत्तीर्थं पावनं ययौ

śivaśarmovāca- tatheti tamathāśvāsya vaiśyaṃ sa rajanīcaraḥ | skaṃdhamāropya vegena tattīrthaṃ pāvanaṃ yayau

Sanskrit only: no published translation is held for this verse.

ऊषतुस्तावुभौ तत्र विश्पतिः स च राक्षसः । कुर्वंतौ स्नानमात्रं तु सर्वतीर्थोत्तमोत्तमे

ūṣatustāvubhau tatra viśpatiḥ sa ca rākṣasaḥ | kurvaṃtau snānamātraṃ tu sarvatīrthottamottame

Sanskrit only: no published translation is held for this verse.