Padma Purāṇa 6.204

अथाऽहं पितुराकर्ण्य महतीं गुरुवेदनाम् । तं प्रति प्रेरितो मात्रा चलितो निजसद्मतः

athā'haṃ piturākarṇya mahatīṃ guruvedanām | taṃ prati prerito mātrā calito nijasadmataḥ

Sanskrit only: no published translation is held for this verse.

अत्रागत्य मया दृष्टः स महाज्वरपीडितः । मूर्ध्ना च वंदितस्तेन दत्ताशीर्मेऽभ्यभाषि च

atrāgatya mayā dṛṣṭaḥ sa mahājvarapīḍitaḥ | mūrdhnā ca vaṃditastena dattāśīrme'bhyabhāṣi ca

Sanskrit only: no published translation is held for this verse.

शरभ उवाच- किमर्थमिह भो तात दूरमार्गे समागतः । दिनानि कतिचित्तिष्ठन्कुर्वन्नत्र निजक्रियाम्

śarabha uvāca- kimarthamiha bho tāta dūramārge samāgataḥ | dināni katicittiṣṭhankurvannatra nijakriyām

Sanskrit only: no published translation is held for this verse.

विकटो नाम मे मित्रः राक्षसः समुपैति वै । उत्तिष्ठ वपुषामुष्य दंडवत्पत पादयोः

vikaṭo nāma me mitraḥ rākṣasaḥ samupaiti vai | uttiṣṭha vapuṣāmuṣya daṃḍavatpata pādayoḥ

Sanskrit only: no published translation is held for this verse.

न भेतव्यं त्वयामुष्मात्त्यक्तहिंसादि कर्मणः । अधुना तीर्थमासाद्य सन्निधौ मम तिष्ठति

na bhetavyaṃ tvayāmuṣmāttyaktahiṃsādi karmaṇaḥ | adhunā tīrthamāsādya sannidhau mama tiṣṭhati

Sanskrit only: no published translation is held for this verse.

शिवशर्मोवाच- इत्युक्तोऽहं तदा पित्रा शरभेण महात्मना । उत्थाय पतितस्तस्य पादयोर्दंडवद्भुवि

śivaśarmovāca- ityukto'haṃ tadā pitrā śarabheṇa mahātmanā | utthāya patitastasya pādayordaṃḍavadbhuvi

Sanskrit only: no published translation is held for this verse.

दोर्भ्यामुत्थाप्य मां सोऽथ गाढमालिंग्य राक्षसः । स्वागतं मित्रपुत्रेति जगादाशिषमीरयन्

dorbhyāmutthāpya māṃ so'tha gāḍhamāliṃgya rākṣasaḥ | svāgataṃ mitraputreti jagādāśiṣamīrayan

Sanskrit only: no published translation is held for this verse.

राक्षस उवाच- भाग्यवानसि भो तात यत्त्वमत्र समागतः । पितुर्धर्मात्मनः श्रुत्वा ज्वरपीडां सुदारुणाम्

rākṣasa uvāca- bhāgyavānasi bho tāta yattvamatra samāgataḥ | piturdharmātmanaḥ śrutvā jvarapīḍāṃ sudāruṇām

Sanskrit only: no published translation is held for this verse.

पितुराण्यमाप्नोषि तीर्थे कृत्वा तिलोदकम् । स्नात्वा कुरु क्रियां स्वीयाः पूर्वजन्मस्मरिष्यसि

piturāṇyamāpnoṣi tīrthe kṛtvā tilodakam | snātvā kuru kriyāṃ svīyāḥ pūrvajanmasmariṣyasi

Sanskrit only: no published translation is held for this verse.

शिवशर्मोवाच- एवमुक्तस्तदा तेन स्नातुं तीर्थे वरांभसि । प्रविष्टोऽहं स्मरंस्तात पूर्वजन्मशुभाशुभम्

śivaśarmovāca- evamuktastadā tena snātuṃ tīrthe varāṃbhasi | praviṣṭo'haṃ smaraṃstāta pūrvajanmaśubhāśubham

Sanskrit only: no published translation is held for this verse.

स्नात्वा विधिवदत्रैव पितुरंतिकमागतः । अपृच्छं रक्षसो वृत्तं कुतोऽयं धर्मधीरिति

snātvā vidhivadatraiva pituraṃtikamāgataḥ | apṛcchaṃ rakṣaso vṛttaṃ kuto'yaṃ dharmadhīriti

Sanskrit only: no published translation is held for this verse.

पित्रोक्तं रक्षसो वृत्तं वाहानां पथिकस्य च । श्रुत्वाऽहं तीर्थराजस्य स्तुतिमस्य चकार वै

pitroktaṃ rakṣaso vṛttaṃ vāhānāṃ pathikasya ca | śrutvā'haṃ tīrtharājasya stutimasya cakāra vai

Sanskrit only: no published translation is held for this verse.

पिता मे रोगनिर्मुक्तो भविष्यति यदा तदा । यास्यामि गृहमित्यत्र दशोषितमहानि मे

pitā me roganirmukto bhaviṣyati yadā tadā | yāsyāmi gṛhamityatra daśoṣitamahāni me

Sanskrit only: no published translation is held for this verse.

दशाहाभ्यंतरे तात तातस्य मरणं मम । अभूदर्धजले ह्यस्य तीर्थराजस्य पश्यतः

daśāhābhyaṃtare tāta tātasya maraṇaṃ mama | abhūdardhajale hyasya tīrtharājasya paśyataḥ

Sanskrit only: no published translation is held for this verse.

अथो गरुडमारुह्य वक्षसो धारयन्श्रियम् । आजगाम स्वयं विष्णुर्नवीन घनविग्रहः

atho garuḍamāruhya vakṣaso dhārayanśriyam | ājagāma svayaṃ viṣṇurnavīna ghanavigrahaḥ

Sanskrit only: no published translation is held for this verse.

पीतवासा चतुर्बाहुः पंकजारुणलोचनः । ब्रह्मेंद्रादिभिरादिव्यैः सनाथैरंधकारिणा

pītavāsā caturbāhuḥ paṃkajāruṇalocanaḥ | brahmeṃdrādibhirādivyaiḥ sanāthairaṃdhakāriṇā

Sanskrit only: no published translation is held for this verse.

सेव्यमानो गुणग्रामान्गायद्भिः किन्नरैः सह । हाहाहूहूप्रभृतिभिः स्तूयमानश्च सर्वतः

sevyamāno guṇagrāmāngāyadbhiḥ kinnaraiḥ saha | hāhāhūhūprabhṛtibhiḥ stūyamānaśca sarvataḥ

Sanskrit only: no published translation is held for this verse.

दत्त्वा स्वकीय सारूप्यमारोप्य गरुडं तदा । पितरं मम ब्रह्माद्यैर्वृतो वैकुंठमारुहत्

dattvā svakīya sārūpyamāropya garuḍaṃ tadā | pitaraṃ mama brahmādyairvṛto vaikuṃṭhamāruhat

Sanskrit only: no published translation is held for this verse.

पितुः सारूप्यमालोक्य विष्णोरहमचिंतयम् । इति चित्ते तदालोक्य जाततत्वोदये तदा

pituḥ sārūpyamālokya viṣṇorahamaciṃtayam | iti citte tadālokya jātatatvodaye tadā

Sanskrit only: no published translation is held for this verse.

न हि वर्णयितुं शक्यो ह्यस्य तीर्थशिरोमणेः । महिमा यज्जलार्द्धे स्यान्मृतो जंतुश्चतुर्भुजः

na hi varṇayituṃ śakyo hyasya tīrthaśiromaṇeḥ | mahimā yajjalārddhe syānmṛto jaṃtuścaturbhujaḥ

Sanskrit only: no published translation is held for this verse.

न मया सर्वथा त्याज्यं तीर्थराजमिदं ननु । अंजसा दृढमाहात्म्यं धनरोगादितृष्ण्या

na mayā sarvathā tyājyaṃ tīrtharājamidaṃ nanu | aṃjasā dṛḍhamāhātmyaṃ dhanarogāditṛṣṇyā

Sanskrit only: no published translation is held for this verse.

पितुरत्रोटजे तावत्स्थातव्यं हि मया मम । यावत्तु कर्मणां भुक्तः प्रारब्धानां महीतले

pituratroṭaje tāvatsthātavyaṃ hi mayā mama | yāvattu karmaṇāṃ bhuktaḥ prārabdhānāṃ mahītale

Sanskrit only: no published translation is held for this verse.

एवं विचिंतयित्वा च पितुः कृत्वा तु सत्क्रियाम् । रक्षसा तेन सहितः स्थितोऽहं मोक्षवांछया

evaṃ viciṃtayitvā ca pituḥ kṛtvā tu satkriyām | rakṣasā tena sahitaḥ sthito'haṃ mokṣavāṃchayā

Sanskrit only: no published translation is held for this verse.