Library·Padma Purāṇa·6·6.229
पार्वत्युवाच- विस्तरेण ममाख्याहि देवसर्गमनुत्तमम् । ब्रह्मादि त्रिदिवश्रेष्ठाः कथं जाताः सनातनाः । ईश्वरस्यावतारांश्च विस्तरेण वदस्व मे
pārvatyuvāca- vistareṇa mamākhyāhi devasargamanuttamam | brahmādi tridivaśreṣṭhāḥ kathaṃ jātāḥ sanātanāḥ | īśvarasyāvatārāṃśca vistareṇa vadasva me
Sanskrit only: no published translation is held for this verse.
रुद्र उवाच- आकाशानिलतेजोंबु भुवः सृष्टा यथाक्रमम् । तासां मध्येऽसृजद्ब्रह्मा अगाधजलमर्णवम्
rudra uvāca- ākāśānilatejoṃbu bhuvaḥ sṛṣṭā yathākramam | tāsāṃ madhye'sṛjadbrahmā agādhajalamarṇavam
Sanskrit only: no published translation is held for this verse.
अस्मिन्नेकार्णवीभूते जलमायावटच्छदे । आदाय सर्व्वभूतानि योगनिद्रां ययौ हरिः
asminnekārṇavībhūte jalamāyāvaṭacchade | ādāya sarvvabhūtāni yoganidrāṃ yayau hariḥ
Sanskrit only: no published translation is held for this verse.
स जगत्स्रष्टुकामस्तु योगनिद्रामुपेयिवान् । तया रेमे चिरं कालं मायया मधुसूदनः
sa jagatsraṣṭukāmastu yoganidrāmupeyivān | tayā reme ciraṃ kālaṃ māyayā madhusūdanaḥ
Sanskrit only: no published translation is held for this verse.
तस्यां तु जनयामास कालात्मानमनुत्तमम् । कलाकाष्ठादि भूता ये पक्षमासादिरूपिणः
tasyāṃ tu janayāmāsa kālātmānamanuttamam | kalākāṣṭhādi bhūtā ye pakṣamāsādirūpiṇaḥ
Sanskrit only: no published translation is held for this verse.
तस्मिन्काले हरेर्न्नाभिपंकजं मुकुलाकृति । विकसत्सर्वजगतो बीजभूतं सुवर्चसम्
tasminkāle harernnābhipaṃkajaṃ mukulākṛti | vikasatsarvajagato bījabhūtaṃ suvarcasam
Sanskrit only: no published translation is held for this verse.
उदस्थादुदभूत्तत्र ब्रह्मा च सुमहामतिः । स जगत्स्रष्टुकामस्तु रजोगुणविचोदितः । तुष्टाव योगनिद्रायां शयानं परमेश्वरम्
udasthādudabhūttatra brahmā ca sumahāmatiḥ | sa jagatsraṣṭukāmastu rajoguṇavicoditaḥ | tuṣṭāva yoganidrāyāṃ śayānaṃ parameśvaram
Sanskrit only: no published translation is held for this verse.
ब्रह्मोवाच- नमोस्तु विष्णवे तुभ्यं सर्गस्थित्यंतहेतवे । जगद्भूषणभूषाय श्रीमते विश्वरूपिणे
brahmovāca- namostu viṣṇave tubhyaṃ sargasthityaṃtahetave | jagadbhūṣaṇabhūṣāya śrīmate viśvarūpiṇe
Sanskrit only: no published translation is held for this verse.
नमो ब्रह्मण्यदेवाय गोब्राह्मणहिताय च । जगद्धिताय कृष्णाय गोविंदाय नमोनमः
namo brahmaṇyadevāya gobrāhmaṇahitāya ca | jagaddhitāya kṛṣṇāya goviṃdāya namonamaḥ
Sanskrit only: no published translation is held for this verse.
प्रधानकालरूपाय पुरुषायेश्वराय च । नमः प्रपंचरूपाय निष्प्रपंचस्वरूपिणे
pradhānakālarūpāya puruṣāyeśvarāya ca | namaḥ prapaṃcarūpāya niṣprapaṃcasvarūpiṇe
Sanskrit only: no published translation is held for this verse.
नारायणाय विश्वाय विश्वेशाय नमोनमः । श्रीभूलीलाधिपतये ब्रह्मणे परमात्मने
nārāyaṇāya viśvāya viśveśāya namonamaḥ | śrībhūlīlādhipataye brahmaṇe paramātmane
Sanskrit only: no published translation is held for this verse.
नमोस्तु वासुदेवाय विश्वरूपाय शार्ङ्गिणे । त्रयीनाथाय हरये विश्वनाथस्वरूपिणे
namostu vāsudevāya viśvarūpāya śārṅgiṇe | trayīnāthāya haraye viśvanāthasvarūpiṇe
Sanskrit only: no published translation is held for this verse.
अनंतकल्याणगुणपरिपूर्णाय ते नमः । जगच्च सर्व्वं स्वपिति त्वयि सुप्ते जगन्मये
anaṃtakalyāṇaguṇaparipūrṇāya te namaḥ | jagacca sarvvaṃ svapiti tvayi supte jaganmaye
Sanskrit only: no published translation is held for this verse.
वृतं सर्वं जगन्नाथ प्रपंचे सचराचरम् । त्वमेव कारणं कर्त्ता कार्य्यं च त्रिगुणोद्भवम्
vṛtaṃ sarvaṃ jagannātha prapaṃce sacarācaram | tvameva kāraṇaṃ karttā kāryyaṃ ca triguṇodbhavam
Sanskrit only: no published translation is held for this verse.
स्रष्टा ध्याता विधाता च त्वमेव परमेश्वरः । जागर्षिशुद्धसत्वस्थस्तवनिद्रा कुतःप्रभो । देवत्वयि स्थितालोकाः समाधिष्ठाः सनातनाः
sraṣṭā dhyātā vidhātā ca tvameva parameśvaraḥ | jāgarṣiśuddhasatvasthastavanidrā kutaḥprabho | devatvayi sthitālokāḥ samādhiṣṭhāḥ sanātanāḥ
Sanskrit only: no published translation is held for this verse.
शिव उवाच- एवमुक्तो हृषीकेशो ब्रह्मणा परमेश्वरः । उत्तस्थौ शयनात्तस्माद्विमुक्तो योगनिद्रया
śiva uvāca- evamukto hṛṣīkeśo brahmaṇā parameśvaraḥ | uttasthau śayanāttasmādvimukto yoganidrayā
Sanskrit only: no published translation is held for this verse.
नियम्य योगनिद्रां तां जगत्स्रष्टुं प्रचक्रमे । अचिंत्यस्तत्क्षणाद्देवो जगतां प्रभुरच्युतः
niyamya yoganidrāṃ tāṃ jagatsraṣṭuṃ pracakrame | aciṃtyastatkṣaṇāddevo jagatāṃ prabhuracyutaḥ
Sanskrit only: no published translation is held for this verse.
चिंतयित्वा जगत्सर्वमसृजत्स पुमांस्ततः । लोकान्सर्व्वांस्तदा ह्यप्सु गतमंडं हिरण्मयम्
ciṃtayitvā jagatsarvamasṛjatsa pumāṃstataḥ | lokānsarvvāṃstadā hyapsu gatamaṃḍaṃ hiraṇmayam
Sanskrit only: no published translation is held for this verse.
सप्तद्वीपान्समुद्रांतान्मेदिनी भूधरैर्युतान् । सहैकाण्डकटाहेन नाभिपद्मेऽसृजत्प्रभुः
saptadvīpānsamudrāṃtānmedinī bhūdharairyutān | sahaikāṇḍakaṭāhena nābhipadme'sṛjatprabhuḥ
Sanskrit only: no published translation is held for this verse.
तदण्डमध्ये चास्थानमीश्वरः कृतवान्हरिः । अथ नारायणंकस्तु दध्यावध्यात्मचेतसा
tadaṇḍamadhye cāsthānamīśvaraḥ kṛtavānhariḥ | atha nārāyaṇaṃkastu dadhyāvadhyātmacetasā
Sanskrit only: no published translation is held for this verse.
ध्यानांते तस्य भालात्तु स्वेदबिंदुरजायत । स बिंदुर्बुद्बुदाकारः पृथिव्यामपतत्क्षणात्
dhyānāṃte tasya bhālāttu svedabiṃdurajāyata | sa biṃdurbudbudākāraḥ pṛthivyāmapatatkṣaṇāt
Sanskrit only: no published translation is held for this verse.
तस्मात्तु बुद्बुदात्सोऽहमुत्पन्नोस्मि वरानने । त्र्यक्षस्त्रिशूलहस्तोऽहं जटामुकुटमंडितः
tasmāttu budbudātso'hamutpannosmi varānane | tryakṣastriśūlahasto'haṃ jaṭāmukuṭamaṃḍitaḥ
Sanskrit only: no published translation is held for this verse.
किंकरोमीति देवेशमवोचं विनयान्वितः । ततो नारायणो देवो मामित्याह मुदान्वितः
kiṃkaromīti deveśamavocaṃ vinayānvitaḥ | tato nārāyaṇo devo māmityāha mudānvitaḥ
Sanskrit only: no published translation is held for this verse.
कर्त्तासि जगतो रुद्र संहारं भीमदर्शनम् । साक्षात्संकर्षणांशेन संहारार्थे वरानने
karttāsi jagato rudra saṃhāraṃ bhīmadarśanam | sākṣātsaṃkarṣaṇāṃśena saṃhārārthe varānane
Sanskrit only: no published translation is held for this verse.
तस्मान्नारायणाद्देवि उत्पन्नोस्मि भयंकरः । नियोज्य मां तु संहारे पुनरेव जनार्दनः
tasmānnārāyaṇāddevi utpannosmi bhayaṃkaraḥ | niyojya māṃ tu saṃhāre punareva janārdanaḥ
Sanskrit only: no published translation is held for this verse.
नेत्राभ्यामसृजच्चंद्रसूर्य्यौ ध्वांतापहारिणौ । वायुं दिशश्च श्रोत्राभ्यामिंद्राग्नीमुखतोऽसृजत्
netrābhyāmasṛjaccaṃdrasūryyau dhvāṃtāpahāriṇau | vāyuṃ diśaśca śrotrābhyāmiṃdrāgnīmukhato'sṛjat
Sanskrit only: no published translation is held for this verse.
नासाभ्यां वरुणं मित्रमसृजत्पंकजेक्षणः । बाहुभ्यामखिलान्देवान्ससाध्यान्समरुद्गणान्
nāsābhyāṃ varuṇaṃ mitramasṛjatpaṃkajekṣaṇaḥ | bāhubhyāmakhilāndevānsasādhyānsamarudgaṇān
Sanskrit only: no published translation is held for this verse.
समस्तरोमकूपेभ्यो रत्नान्योषधयस्तथा । त्वचि शैलान्समुद्राश्च गवाद्याः पशवस्तथा
samastaromakūpebhyo ratnānyoṣadhayastathā | tvaci śailānsamudrāśca gavādyāḥ paśavastathā
Sanskrit only: no published translation is held for this verse.
मुखतो ब्राह्मणः सृष्टो बाहुभ्यां क्षत्रियस्तथा । ऊर्व्वोर्वैश्यस्ततः पद्भ्यां शूद्रश्चैवमजायत
mukhato brāhmaṇaḥ sṛṣṭo bāhubhyāṃ kṣatriyastathā | ūrvvorvaiśyastataḥ padbhyāṃ śūdraścaivamajāyata
Sanskrit only: no published translation is held for this verse.
एवं सृष्ट्वा जगत्सर्व्वमचेतनमवस्थितम् । विश्वरूपेण देवेशो यस्यांतरमधिष्ठितः
evaṃ sṛṣṭvā jagatsarvvamacetanamavasthitam | viśvarūpeṇa deveśo yasyāṃtaramadhiṣṭhitaḥ
Sanskrit only: no published translation is held for this verse.
शक्त्या विना हरेस्तस्य नोन्मेषो विद्यते यतः । तस्मात्सर्वजगत्प्राणो विष्णुरेव सनातनः
śaktyā vinā harestasya nonmeṣo vidyate yataḥ | tasmātsarvajagatprāṇo viṣṇureva sanātanaḥ
Sanskrit only: no published translation is held for this verse.
स एवाव्यक्तरूपः सन्परमात्मा व्यवस्थितः । सर्गस्थितिलयं ब्रह्मा स्वयमेव प्रवर्त्तते
sa evāvyaktarūpaḥ sanparamātmā vyavasthitaḥ | sargasthitilayaṃ brahmā svayameva pravarttate
Sanskrit only: no published translation is held for this verse.
षाड्गुण्यपरिपूर्णोऽसौ वासुदेवः सनातनः । त्रिगुणादात्मनोरूपं चतुर्द्धा कुरुते जगत्
ṣāḍguṇyaparipūrṇo'sau vāsudevaḥ sanātanaḥ | triguṇādātmanorūpaṃ caturddhā kurute jagat
Sanskrit only: no published translation is held for this verse.
प्रद्युम्नमूर्त्तिर्भगवान्सर्वैश्वर्य्यसमन्वितः । विधेः प्रजापतीनां च कालस्य च जनस्य च
pradyumnamūrttirbhagavānsarvaiśvaryyasamanvitaḥ | vidheḥ prajāpatīnāṃ ca kālasya ca janasya ca
Sanskrit only: no published translation is held for this verse.
अंतर्य्यामित्वमापन्नो सर्गं सम्यक्करोति हि । सेतिहासांस्ततो वेदान्ददौ तस्मै महात्मने
aṃtaryyāmitvamāpanno sargaṃ samyakkaroti hi | setihāsāṃstato vedāndadau tasmai mahātmane
Sanskrit only: no published translation is held for this verse.
प्रद्युम्नस्यांशभागोऽसौ ब्रह्मा लोकपितामहः । जगत्सर्गस्थितिं सर्व्वं प्रकरोत्यंशसंभवः
pradyumnasyāṃśabhāgo'sau brahmā lokapitāmahaḥ | jagatsargasthitiṃ sarvvaṃ prakarotyaṃśasaṃbhavaḥ
Sanskrit only: no published translation is held for this verse.
अनिरुद्धश्च भगवाञ्छक्तितेजः समन्वितः । मनूनां पार्थिवानां च कालस्य च जनस्य च
aniruddhaśca bhagavāñchaktitejaḥ samanvitaḥ | manūnāṃ pārthivānāṃ ca kālasya ca janasya ca
Sanskrit only: no published translation is held for this verse.
स्थितिं करोति भगवानंतर्य्यामित्वमास्थितः । संकर्षणो महाविष्णुर्विद्याबलसमन्वितः
sthitiṃ karoti bhagavānaṃtaryyāmitvamāsthitaḥ | saṃkarṣaṇo mahāviṣṇurvidyābalasamanvitaḥ
Sanskrit only: no published translation is held for this verse.
कालस्य सर्वभूतानां रुद्रस्य च यमस्य च । अंतर्य्यामित्वमास्थाय जगत्संहरते प्रभुः
kālasya sarvabhūtānāṃ rudrasya ca yamasya ca | aṃtaryyāmitvamāsthāya jagatsaṃharate prabhuḥ
Sanskrit only: no published translation is held for this verse.
इत्यंतर्य्याम्यवस्थायामंतर्य्यामित्वमात्मनः । मत्स्यः कूर्म्मो वराहश्च नरसिंहोऽथ वामनः
ityaṃtaryyāmyavasthāyāmaṃtaryyāmitvamātmanaḥ | matsyaḥ kūrmmo varāhaśca narasiṃho'tha vāmanaḥ
Sanskrit only: no published translation is held for this verse.
रामो रामश्च कृष्णश्च बुद्धः कल्की च ते दश । एते तु विभवावस्था ब्रह्मणः परमात्मनः
rāmo rāmaśca kṛṣṇaśca buddhaḥ kalkī ca te daśa | ete tu vibhavāvasthā brahmaṇaḥ paramātmanaḥ
Sanskrit only: no published translation is held for this verse.
नृसिंहरामकृष्णेषु षाड्गुण्यं परिकीर्तितम् । परावस्था तु देवस्य दीपादुत्पन्न दीपवत्
nṛsiṃharāmakṛṣṇeṣu ṣāḍguṇyaṃ parikīrtitam | parāvasthā tu devasya dīpādutpanna dīpavat
Sanskrit only: no published translation is held for this verse.
सा ह्यवस्था हरेरस्य शृणुष्व गिरिजे शुभे । वैकुंठं परमं लोकं विष्णुलोकमनुत्तमम्
sā hyavasthā harerasya śṛṇuṣva girije śubhe | vaikuṃṭhaṃ paramaṃ lokaṃ viṣṇulokamanuttamam
Sanskrit only: no published translation is held for this verse.
श्वेतदीपं स्वरूपं तु क्षीरसागरमुत्तमम् । एवं चतुर्द्धा व्यूहं तु सम्यगुक्तं महर्षिभिः
śvetadīpaṃ svarūpaṃ tu kṣīrasāgaramuttamam | evaṃ caturddhā vyūhaṃ tu samyaguktaṃ maharṣibhiḥ
Sanskrit only: no published translation is held for this verse.
जलावरणमध्ये तु वैकुंठं कारणं शुभम् । कोटिवैश्वानरप्रख्यं सर्वं धर्म्मवदव्ययम्
jalāvaraṇamadhye tu vaikuṃṭhaṃ kāraṇaṃ śubham | koṭivaiśvānaraprakhyaṃ sarvaṃ dharmmavadavyayam
Sanskrit only: no published translation is held for this verse.
आमोदमंदारकरैर्वृक्षैर्वह्निभिरास्थितम् । नानामणिमयं दिव्यं विमानकोटिभिर्य्युतम्
āmodamaṃdārakarairvṛkṣairvahnibhirāsthitam | nānāmaṇimayaṃ divyaṃ vimānakoṭibhiryyutam
Sanskrit only: no published translation is held for this verse.
यदुक्तं परमं धाम तादृक्लक्षणसंस्थितम् । तस्मिन्वैकुंठनगरे नानारत्नसमुज्ज्वले
yaduktaṃ paramaṃ dhāma tādṛklakṣaṇasaṃsthitam | tasminvaikuṃṭhanagare nānāratnasamujjvale
Sanskrit only: no published translation is held for this verse.
मध्ये देवजयारामं पुरं रम्यमनुत्तमम् । चतुर्द्वारसमायुक्तं हेमप्राकारतोरणम्
madhye devajayārāmaṃ puraṃ ramyamanuttamam | caturdvārasamāyuktaṃ hemaprākāratoraṇam
Sanskrit only: no published translation is held for this verse.
चंडादिद्वारपालाद्यैः कुमुदाद्यैश्च रक्षितम् । नानामणिमयैर्दिव्यैर्गृहैः पंक्तिभिरावृतम्
caṃḍādidvārapālādyaiḥ kumudādyaiśca rakṣitam | nānāmaṇimayairdivyairgṛhaiḥ paṃktibhirāvṛtam
Sanskrit only: no published translation is held for this verse.
विततं पंचपद्माभिर्योजनैश्च समंततः । सहस्रयोजनोत्तुंगैः प्रासादैः कोटिभिर्वृतम्
vitataṃ paṃcapadmābhiryojanaiśca samaṃtataḥ | sahasrayojanottuṃgaiḥ prāsādaiḥ koṭibhirvṛtam
Sanskrit only: no published translation is held for this verse.
आरूढयौवनैर्द्दिव्यैः पुंभिः स्त्रीभिश्च शोभितम् । स्त्रियश्च पुरुषाश्चास्मिन्सर्वलक्षणशोभिताः
ārūḍhayauvanairddivyaiḥ puṃbhiḥ strībhiśca śobhitam | striyaśca puruṣāścāsminsarvalakṣaṇaśobhitāḥ
Sanskrit only: no published translation is held for this verse.
समरूपाश्च श्रीविष्णोः सर्व्वालंकारभूषिताः । दिव्यस्रग्वस्त्रसंछन्ना दिव्यचंदनभूषिताः
samarūpāśca śrīviṣṇoḥ sarvvālaṃkārabhūṣitāḥ | divyasragvastrasaṃchannā divyacaṃdanabhūṣitāḥ
Sanskrit only: no published translation is held for this verse.
मोदंते तत्र देवेश भक्त्या त्वात्ममनोरमे । मंत्राष्टाक्षरसंसिद्धा भक्त्या षोडशरूपया
modaṃte tatra deveśa bhaktyā tvātmamanorame | maṃtrāṣṭākṣarasaṃsiddhā bhaktyā ṣoḍaśarūpayā
Sanskrit only: no published translation is held for this verse.
वृतास्तत्पदमाविश्य मोदंते मनसीप्सितम् । गत्वास्मिन्न निवर्तंते विष्णुना सह संस्थिताः
vṛtāstatpadamāviśya modaṃte manasīpsitam | gatvāsminna nivartaṃte viṣṇunā saha saṃsthitāḥ
Sanskrit only: no published translation is held for this verse.
अविच्छिन्नात्मना ते वै विष्णुना संगताः शुभाः । तत्समानसुखं नित्यं प्राप्नुवंति मनीषिणः
avicchinnātmanā te vai viṣṇunā saṃgatāḥ śubhāḥ | tatsamānasukhaṃ nityaṃ prāpnuvaṃti manīṣiṇaḥ
Sanskrit only: no published translation is held for this verse.
यत्रतत्र हरेर्लोकानाविश्य शुभचेतसः । प्राप्नुवंति पुनः स्वर्गं स्वर्गस्थाइव जंतवः
yatratatra harerlokānāviśya śubhacetasaḥ | prāpnuvaṃti punaḥ svargaṃ svargasthāiva jaṃtavaḥ
Sanskrit only: no published translation is held for this verse.
यथा सौमित्रि भरतौ यथा संकर्षणादयः । तथा तेपि च जायंते सत्यलोके यथेच्छया
yathā saumitri bharatau yathā saṃkarṣaṇādayaḥ | tathā tepi ca jāyaṃte satyaloke yathecchayā
Sanskrit only: no published translation is held for this verse.
पुनस्तेनैव यास्यंति तत्पदं शाश्वतं परम् । न कर्म्मबंधनं जन्म वैष्णवानां च विद्यते
punastenaiva yāsyaṃti tatpadaṃ śāśvataṃ param | na karmmabaṃdhanaṃ janma vaiṣṇavānāṃ ca vidyate
Sanskrit only: no published translation is held for this verse.
विष्णोरनुचरत्वं हि मोक्षयाहुर्मनीषिणः । न दास्यममरेशस्य बंधनं परिकीर्तितम्
viṣṇoranucaratvaṃ hi mokṣayāhurmanīṣiṇaḥ | na dāsyamamareśasya baṃdhanaṃ parikīrtitam
Sanskrit only: no published translation is held for this verse.
सर्वबंधननिर्मुक्ता हरिदासा निरामयाः । आब्रह्मभुवनाँ लोकाः पुनरावृत्तिलक्षणाः
sarvabaṃdhananirmuktā haridāsā nirāmayāḥ | ābrahmabhuvanā~ lokāḥ punarāvṛttilakṣaṇāḥ
Sanskrit only: no published translation is held for this verse.
कर्मबंधमया दुःखमित्रासख्यभयप्रदाः । बह्वाया सफला देवि जनिनाशकहेतवः
karmabaṃdhamayā duḥkhamitrāsakhyabhayapradāḥ | bahvāyā saphalā devi janināśakahetavaḥ
Sanskrit only: no published translation is held for this verse.
सुखभोगस्तु यन्नॄणां विषमिश्राशनं यथा । स्वर्गसंस्थान्नरान्दृष्ट्वा क्षीणे कर्म्मणि देवताः
sukhabhogastu yannṝṇāṃ viṣamiśrāśanaṃ yathā | svargasaṃsthānnarāndṛṣṭvā kṣīṇe karmmaṇi devatāḥ
Sanskrit only: no published translation is held for this verse.
कुपिताः पातयन्त्येव संसृतौ कार्य्यबंधने । तस्मात्स्वर्गसुखं देवि बहुधायाससाधनम्
kupitāḥ pātayantyeva saṃsṛtau kāryyabaṃdhane | tasmātsvargasukhaṃ devi bahudhāyāsasādhanam
Sanskrit only: no published translation is held for this verse.
अनित्यं कुटिलं दुःखमिश्रं योगी परित्यजेत् । सततं संस्मरेद्विष्णुं सर्वदुःखौघनाशनम्
anityaṃ kuṭilaṃ duḥkhamiśraṃ yogī parityajet | satataṃ saṃsmaredviṣṇuṃ sarvaduḥkhaughanāśanam
Sanskrit only: no published translation is held for this verse.
नामोच्चारणमात्रेण प्राप्नुवंति परं पदम् । तस्मात्तु वैष्णवं लोकं गौरि संप्रार्थयेत्सुधीः
nāmoccāraṇamātreṇa prāpnuvaṃti paraṃ padam | tasmāttu vaiṣṇavaṃ lokaṃ gauri saṃprārthayetsudhīḥ
Sanskrit only: no published translation is held for this verse.
भक्त्या त्वनन्यया देवं भजेत करुणांबुधिम् । स सर्वज्ञानगुणवान्रक्षत्येव न संशयः
bhaktyā tvananyayā devaṃ bhajeta karuṇāṃbudhim | sa sarvajñānaguṇavānrakṣatyeva na saṃśayaḥ
Sanskrit only: no published translation is held for this verse.
तस्मादष्टाक्षरं मन्त्रं जप्त्वा सुखतरं शुभम् । संप्राप्नोति परं लोकं वैष्णवं सर्वकामदम्
tasmādaṣṭākṣaraṃ mantraṃ japtvā sukhataraṃ śubham | saṃprāpnoti paraṃ lokaṃ vaiṣṇavaṃ sarvakāmadam
Sanskrit only: no published translation is held for this verse.
तस्मिन्मणिमये तल्पे सहस्रसूर्य्यरश्मिनि । विमाने शुशुभे दिव्ये संस्थितो भगवान्हरिः
tasminmaṇimaye talpe sahasrasūryyaraśmini | vimāne śuśubhe divye saṃsthito bhagavānhariḥ
Sanskrit only: no published translation is held for this verse.
तत्र चाधारशक्त्यादि धृते पीठे हिरण्मये । नानारत्नमये दिव्ये नानावर्णसमन्विते
tatra cādhāraśaktyādi dhṛte pīṭhe hiraṇmaye | nānāratnamaye divye nānāvarṇasamanvite
Sanskrit only: no published translation is held for this verse.
तस्मिन्नष्टदले पद्मे मंत्राक्षरपदे शुभे । कर्णिकायां सुरम्यायां लक्ष्मीबीजशुभाक्षरे
tasminnaṣṭadale padme maṃtrākṣarapade śubhe | karṇikāyāṃ suramyāyāṃ lakṣmībījaśubhākṣare
Sanskrit only: no published translation is held for this verse.
तस्मिन्वालार्कसाहस्रकोटितुल्य समप्रभे । दिव्ये नारायणः श्रीमानासीनः पंकजासने
tasminvālārkasāhasrakoṭitulya samaprabhe | divye nārāyaṇaḥ śrīmānāsīnaḥ paṃkajāsane
Sanskrit only: no published translation is held for this verse.
तस्य दक्षिणके पार्श्वे जगन्माता हिरण्मयी । गृहीत्वा चामरान्दिव्यान् दिव्यमाल्यविभूषणा
tasya dakṣiṇake pārśve jaganmātā hiraṇmayī | gṛhītvā cāmarāndivyān divyamālyavibhūṣaṇā
Sanskrit only: no published translation is held for this verse.
वसुपात्रं मातुलुंगं स्वर्णपद्मं धृतं करैः । वामतः पृथिवीदेवी नीलोत्पलदलद्युतिः
vasupātraṃ mātuluṃgaṃ svarṇapadmaṃ dhṛtaṃ karaiḥ | vāmataḥ pṛthivīdevī nīlotpaladaladyutiḥ
Sanskrit only: no published translation is held for this verse.
नानाभरणसंयुक्ता विचित्रांबरभूषिता । सा धृत्वा चोर्द्ध्वबाहुभ्यां रम्यं रक्तोत्पलद्वयम्
nānābharaṇasaṃyuktā vicitrāṃbarabhūṣitā | sā dhṛtvā corddhvabāhubhyāṃ ramyaṃ raktotpaladvayam
Sanskrit only: no published translation is held for this verse.
इतराभ्यां धृतं देव्या धान्यपात्रयुगं तथा । गृहीत्वा चामरान्दिव्यान्शक्तयो विमलादिकाः
itarābhyāṃ dhṛtaṃ devyā dhānyapātrayugaṃ tathā | gṛhītvā cāmarāndivyānśaktayo vimalādikāḥ
Sanskrit only: no published translation is held for this verse.
दलाग्रेषु समासीनाः सर्वलक्षणशोभिताः । तासां मध्ये समासीनो भगवानच्युतो हरिः
dalāgreṣu samāsīnāḥ sarvalakṣaṇaśobhitāḥ | tāsāṃ madhye samāsīno bhagavānacyuto hariḥ
Sanskrit only: no published translation is held for this verse.
शंखचक्रगदापद्मपाणिभिर्दिव्यभूषणैः । केयूरांगदहाराद्यैर्भूषणै रूपशोभितः
śaṃkhacakragadāpadmapāṇibhirdivyabhūṣaṇaiḥ | keyūrāṃgadahārādyairbhūṣaṇai rūpaśobhitaḥ
Sanskrit only: no published translation is held for this verse.
प्रातरुद्यत्सहस्रांशु कुण्डलाभ्यां विराजितः । पूर्वोक्तैस्त्रिदशैर्न्नित्यैः सेवितः परमेश्वरः
prātarudyatsahasrāṃśu kuṇḍalābhyāṃ virājitaḥ | pūrvoktaistridaśairnnityaiḥ sevitaḥ parameśvaraḥ
Sanskrit only: no published translation is held for this verse.
आस्ते वैकुण्ठनगरे नित्ये सत्ये च भोगवान् । श्रीमदष्टाक्षरं मंत्रं सिद्धानां वै मनीषिणाम्
āste vaikuṇṭhanagare nitye satye ca bhogavān | śrīmadaṣṭākṣaraṃ maṃtraṃ siddhānāṃ vai manīṣiṇām
Sanskrit only: no published translation is held for this verse.
गम्यं तद्वैष्णवं लोकं नेतरेषां कथंचन । इत्येवं प्रथमं व्यूहं कथितं ते वरानने
gamyaṃ tadvaiṣṇavaṃ lokaṃ netareṣāṃ kathaṃcana | ityevaṃ prathamaṃ vyūhaṃ kathitaṃ te varānane
Sanskrit only: no published translation is held for this verse.
द्वितीयं वैष्णवं लोकं शृणु वक्ष्यामि सुव्रते । योऽयं नित्य इति ख्यातो लोकाग्र्यो वैष्णवः स्मृतः
dvitīyaṃ vaiṣṇavaṃ lokaṃ śṛṇu vakṣyāmi suvrate | yo'yaṃ nitya iti khyāto lokāgryo vaiṣṇavaḥ smṛtaḥ
Sanskrit only: no published translation is held for this verse.
तं लोकं विपुलं पुण्यं शुद्धं सत्वमयं शुभम् । मध्याह्नसूर्य्यसाहस्रयुगपद्भासितं तदा
taṃ lokaṃ vipulaṃ puṇyaṃ śuddhaṃ satvamayaṃ śubham | madhyāhnasūryyasāhasrayugapadbhāsitaṃ tadā
Sanskrit only: no published translation is held for this verse.
कल्पांतेऽपि न लीयेत तत्वलोकं महत्तरम् । मम ब्रह्मादिदेवानां न द्रष्टुमपि शक्यते
kalpāṃte'pi na līyeta tatvalokaṃ mahattaram | mama brahmādidevānāṃ na draṣṭumapi śakyate
Sanskrit only: no published translation is held for this verse.
सर्वं कल्पद्रुमवनैः परिपूर्णं समंततः । सुधाम्बुपरिपूर्णाभिर्दीर्घिकाभिः समन्वितम्
sarvaṃ kalpadrumavanaiḥ paripūrṇaṃ samaṃtataḥ | sudhāmbuparipūrṇābhirdīrghikābhiḥ samanvitam
Sanskrit only: no published translation is held for this verse.
स्वर्णरत्नमयैर्दिव्यैः पंकजैरुपशोभितम् । जलदग्निनिभैर्दिव्यैर्भूषणैः कोटिभिर्वृतम्
svarṇaratnamayairdivyaiḥ paṃkajairupaśobhitam | jaladagninibhairdivyairbhūṣaṇaiḥ koṭibhirvṛtam
Sanskrit only: no published translation is held for this verse.
निरंतरं सामभिश्च कूजितैः कोकिलादिभिः । ऊह्यमानैर्गन्धर्वृक्षैः पुष्पकैरपि शोभितम्
niraṃtaraṃ sāmabhiśca kūjitaiḥ kokilādibhiḥ | ūhyamānairgandharvṛkṣaiḥ puṣpakairapi śobhitam
Sanskrit only: no published translation is held for this verse.
ऊनषोडशवर्षाब्दैर्दिव्यनारीनरैर्वृतम् । सर्वलक्षणशोभाढ्यैर्दिव्यकल्पविभूषणैः
ūnaṣoḍaśavarṣābdairdivyanārīnarairvṛtam | sarvalakṣaṇaśobhāḍhyairdivyakalpavibhūṣaṇaiḥ
Sanskrit only: no published translation is held for this verse.
तत्रप्रदेशे रम्येषु देशेषु कमलापतिम् । मुदितैः पतिभिः सार्द्धमर्चयंति स्म योषितः
tatrapradeśe ramyeṣu deśeṣu kamalāpatim | muditaiḥ patibhiḥ sārddhamarcayaṃti sma yoṣitaḥ
Sanskrit only: no published translation is held for this verse.
तत्प्रसादोपलभ्यं वै सुखमश्नन्ति सर्वदा । गायंति परमानंदं कृष्णस्य चरितं महत्
tatprasādopalabhyaṃ vai sukhamaśnanti sarvadā | gāyaṃti paramānaṃdaṃ kṛṣṇasya caritaṃ mahat
Sanskrit only: no published translation is held for this verse.
पद्मेक्षणाः पद्महस्ताः पद्मया सदृशः शुभाः । दिव्यस्रग्वसनोपेताः क्रीडंति स्म सुयोषितः
padmekṣaṇāḥ padmahastāḥ padmayā sadṛśaḥ śubhāḥ | divyasragvasanopetāḥ krīḍaṃti sma suyoṣitaḥ
Sanskrit only: no published translation is held for this verse.
शंखचक्रगदापद्मधरा भूषणभूषिताः । स्रग्विणः पीतवसनाः पुरुषास्तत्र संस्थिताः
śaṃkhacakragadāpadmadharā bhūṣaṇabhūṣitāḥ | sragviṇaḥ pītavasanāḥ puruṣāstatra saṃsthitāḥ
Sanskrit only: no published translation is held for this verse.
अनन्यस्पर्शनात्तत्र स्त्रीपुंसोः क्रीडमानयोः । भवत्यनुदिनं वृद्धं हरिभक्तिसुखं रसम्
ananyasparśanāttatra strīpuṃsoḥ krīḍamānayoḥ | bhavatyanudinaṃ vṛddhaṃ haribhaktisukhaṃ rasam
Sanskrit only: no published translation is held for this verse.
तन्मध्येंतःपुरं रम्यं वासुदेवस्य शोभितम् । चंदनागुरुकर्प्पूरकुंकुमोदकसंयुतम्
tanmadhyeṃtaḥpuraṃ ramyaṃ vāsudevasya śobhitam | caṃdanāgurukarppūrakuṃkumodakasaṃyutam
Sanskrit only: no published translation is held for this verse.
नानापुष्पविमानाद्यैः सर्वतः समलंकृतम् । तन्मध्ये कल्पवृक्षस्य च्छायायां कमलासने
nānāpuṣpavimānādyaiḥ sarvataḥ samalaṃkṛtam | tanmadhye kalpavṛkṣasya cchāyāyāṃ kamalāsane
Sanskrit only: no published translation is held for this verse.
विचित्रश्लक्ष्णपर्यंके शुभास्तरणसंवृते । दिव्यगंधसुशोभाढ्यैर्नानापुष्पपरिच्छदैः
vicitraślakṣṇaparyaṃke śubhāstaraṇasaṃvṛte | divyagaṃdhasuśobhāḍhyairnānāpuṣpaparicchadaiḥ
Sanskrit only: no published translation is held for this verse.
तस्मिन्मनोरमे दिव्ये समासीनः श्रिया सह । ईश्वर्य्या सह देवेशो वासुदेवः सनातनः
tasminmanorame divye samāsīnaḥ śriyā saha | īśvaryyā saha deveśo vāsudevaḥ sanātanaḥ
Sanskrit only: no published translation is held for this verse.
सुधांशुकोटिसंकाशो दिव्याभरणभूषितः । सुवर्णशुभ्रयुगल श्लक्ष्णनासांचिताननः
sudhāṃśukoṭisaṃkāśo divyābharaṇabhūṣitaḥ | suvarṇaśubhrayugala ślakṣṇanāsāṃcitānanaḥ
Sanskrit only: no published translation is held for this verse.
स्निग्धायतसुलावण्यकपोलाभ्यां विराजितः । नीलकुंचितकेशाढ्यो रक्ताब्जदललोचनः
snigdhāyatasulāvaṇyakapolābhyāṃ virājitaḥ | nīlakuṃcitakeśāḍhyo raktābjadalalocanaḥ
Sanskrit only: no published translation is held for this verse.
मंदारकेतकीजाती कैरवीकृतशेखरः । स्निग्धबिम्बफलाभौष्ठः सुस्मिताननपंकजः
maṃdāraketakījātī kairavīkṛtaśekharaḥ | snigdhabimbaphalābhauṣṭhaḥ susmitānanapaṃkajaḥ
Sanskrit only: no published translation is held for this verse.
अनर्घ्यमौक्तिकाभासदंतावलिविराजितः । हरिचंदनलिप्तांगः कस्तूरीतिलकांकितः
anarghyamauktikābhāsadaṃtāvalivirājitaḥ | haricaṃdanaliptāṃgaḥ kastūrītilakāṃkitaḥ
Sanskrit only: no published translation is held for this verse.
उन्नतांसभुजैर्दीर्घैश्चतुर्भिरुपशोभितः । जपाकुसुमसंकाशकरपल्लवशोभितः
unnatāṃsabhujairdīrghaiścaturbhirupaśobhitaḥ | japākusumasaṃkāśakarapallavaśobhitaḥ
Sanskrit only: no published translation is held for this verse.
श्रीवत्सकौस्तुभाभ्यां च शोभितः पृथुवक्षसा
śrīvatsakaustubhābhyāṃ ca śobhitaḥ pṛthuvakṣasā
Sanskrit only: no published translation is held for this verse.
मुक्तामयैः सुशोभाढ्यैर्दिव्यस्रग्भिरलंकृतः । बालार्कसदृशज्योत्स्ना पीतवस्त्रेण वेष्टितः
muktāmayaiḥ suśobhāḍhyairdivyasragbhiralaṃkṛtaḥ | bālārkasadṛśajyotsnā pītavastreṇa veṣṭitaḥ
Sanskrit only: no published translation is held for this verse.
माणिक्यनूपुरोपेत पद्मपत्रविराजितः । अकलंकितचंद्राभ नखपंक्तिविराजितः
māṇikyanūpuropeta padmapatravirājitaḥ | akalaṃkitacaṃdrābha nakhapaṃktivirājitaḥ
Sanskrit only: no published translation is held for this verse.
रक्तोत्पलनिभश्लक्ष्ण शुभ्रांघ्रिकरपंकजः । पांचजन्यरथांगाभ्यां बाहुयुग्मविराजितः
raktotpalanibhaślakṣṇa śubhrāṃghrikarapaṃkajaḥ | pāṃcajanyarathāṃgābhyāṃ bāhuyugmavirājitaḥ
Sanskrit only: no published translation is held for this verse.
इतराभ्यां श्रियो गात्रमाश्लिष्यन्निजवक्षसि । श्लिष्यद्विद्युल्लतोद्गीथ शिताभ्र इव राजते
itarābhyāṃ śriyo gātramāśliṣyannijavakṣasi | śliṣyadvidyullatodgītha śitābhra iva rājate
Sanskrit only: no published translation is held for this verse.
सप्तजांबूनदश्लक्ष्ण शुभांघ्रियुगपंजकः । अत्र क्रीडति देवेशो वासुदेवः सनातनः
saptajāṃbūnadaślakṣṇa śubhāṃghriyugapaṃjakaḥ | atra krīḍati deveśo vāsudevaḥ sanātanaḥ
Sanskrit only: no published translation is held for this verse.
तप्तकांचनसंकाशा सर्वाभरणभूषिता । सुस्निग्धनीलकुटिलचंद्रराविविराजिता
taptakāṃcanasaṃkāśā sarvābharaṇabhūṣitā | susnigdhanīlakuṭilacaṃdrarāvivirājitā
Sanskrit only: no published translation is held for this verse.
मंदारपारिजातादि दिव्यपुष्पविराजिता । कर्णावतंस शोभाढ्या चिकुरांतालिसन्निभा
maṃdārapārijātādi divyapuṣpavirājitā | karṇāvataṃsa śobhāḍhyā cikurāṃtālisannibhā
Sanskrit only: no published translation is held for this verse.
पीनोन्नतस्तनाभ्यां च पीडंति हरिवक्षसि । केयूरांगदहाराद्यैर्भूषणैरुपशोभिता
pīnonnatastanābhyāṃ ca pīḍaṃti harivakṣasi | keyūrāṃgadahārādyairbhūṣaṇairupaśobhitā
Sanskrit only: no published translation is held for this verse.
आरूढयौवना नित्यं सर्वलोकेशसुंदरी । तत्र क्रीडति लोकेश पत्या सह निरंतरम्
ārūḍhayauvanā nityaṃ sarvalokeśasuṃdarī | tatra krīḍati lokeśa patyā saha niraṃtaram
Sanskrit only: no published translation is held for this verse.
स एव वासुदेवोऽत्र सर्वभूतमनोहरः । क्रीडते सर्वलोकेस्मिन्सर्वकामप्रदो नृणाम्
sa eva vāsudevo'tra sarvabhūtamanoharaḥ | krīḍate sarvalokesminsarvakāmaprado nṛṇām
Sanskrit only: no published translation is held for this verse.
अत्राष्टशक्तयो लक्ष्म्यास्तनवः परितः स्थिताः । रमा च रुक्मिणी सीता पद्मा पद्मालया शिवा
atrāṣṭaśaktayo lakṣmyāstanavaḥ paritaḥ sthitāḥ | ramā ca rukmiṇī sītā padmā padmālayā śivā
Sanskrit only: no published translation is held for this verse.
सुलक्षणा सुशीला च रतिकामप्रदाश्च ताः । शंखचक्रगदापद्म शार्ङ्गाद्यैर्हेतिभिस्तथा
sulakṣaṇā suśīlā ca ratikāmapradāśca tāḥ | śaṃkhacakragadāpadma śārṅgādyairhetibhistathā
Sanskrit only: no published translation is held for this verse.
परितः पुष्कराकारैस्तं लोकं परिरक्षते । एवं द्वितीयं रूपं च सम्यक्ते शुभदर्शने
paritaḥ puṣkarākāraistaṃ lokaṃ parirakṣate | evaṃ dvitīyaṃ rūpaṃ ca samyakte śubhadarśane
Sanskrit only: no published translation is held for this verse.
संक्षेपतो मया प्रोक्तं न शक्यं विस्तरेण हि । द्वादशाक्षरमंत्रं वै ये जपंति सुखाह्वयम्
saṃkṣepato mayā proktaṃ na śakyaṃ vistareṇa hi | dvādaśākṣaramaṃtraṃ vai ye japaṃti sukhāhvayam
Sanskrit only: no published translation is held for this verse.
ते प्राप्नुवंति सततं शाश्वतं शुभमक्षयम् । न वेदाध्ययनैर्यज्ञैर्न व्रतैर्नोपवासतः
te prāpnuvaṃti satataṃ śāśvataṃ śubhamakṣayam | na vedādhyayanairyajñairna vratairnopavāsataḥ
Sanskrit only: no published translation is held for this verse.
न प्राप्यं वैष्णवं लोकं विना दास्येन कुत्रचित् । तस्माद्दास्यं हरेर्भक्तं भजेतानन्यमानसः
na prāpyaṃ vaiṣṇavaṃ lokaṃ vinā dāsyena kutracit | tasmāddāsyaṃ harerbhaktaṃ bhajetānanyamānasaḥ
Sanskrit only: no published translation is held for this verse.
प्राप्नोति परमां सिद्धिं कर्मबंधविमोचनीम् । एवं संप्रोच्यते देवि द्वितीयं व्यूहमव्ययम्
prāpnoti paramāṃ siddhiṃ karmabaṃdhavimocanīm | evaṃ saṃprocyate devi dvitīyaṃ vyūhamavyayam
Sanskrit only: no published translation is held for this verse.
तृतीयं तु परं व्यूहं शृणु वक्ष्यामि पार्वति । तोयाब्धेरुत्तरं कूलं श्वेतद्वीपे महामते
tṛtīyaṃ tu paraṃ vyūhaṃ śṛṇu vakṣyāmi pārvati | toyābdheruttaraṃ kūlaṃ śvetadvīpe mahāmate
Sanskrit only: no published translation is held for this verse.