Library·Padma Purāṇa·6·6.231
श्रीरुद्र उवाच- यत्कौर्म्यवैभवं विष्णोः सर्वलोकनमस्कृतम् । तद्वक्ष्यामि प्रिये सम्यक्शृणुष्वेकाग्रचेतसा
śrīrudra uvāca- yatkaurmyavaibhavaṃ viṣṇoḥ sarvalokanamaskṛtam | tadvakṣyāmi priye samyakśṛṇuṣvekāgracetasā
Sanskrit only: no published translation is held for this verse.
अत्रिपुत्रो महातेजा दुर्वासा इति विश्रुतः । प्रचण्डः सर्वलोकानां क्षोभकारी महातपाः
atriputro mahātejā durvāsā iti viśrutaḥ | pracaṇḍaḥ sarvalokānāṃ kṣobhakārī mahātapāḥ
Sanskrit only: no published translation is held for this verse.
स ययौ हिमवत्पृष्ठं ब्रह्मर्षिस्तपसो निधिः । ममांशभूतो ब्रह्मर्षिः सर्वेषां भयदस्सदा
sa yayau himavatpṛṣṭhaṃ brahmarṣistapaso nidhiḥ | mamāṃśabhūto brahmarṣiḥ sarveṣāṃ bhayadassadā
Sanskrit only: no published translation is held for this verse.
उषितस्तत्र वर्षं तु किन्नरीभिः स पूजितः । महेंद्रं द्रष्टुकामोऽसौ स्वर्लोकं प्रययौ मुनिः
uṣitastatra varṣaṃ tu kinnarībhiḥ sa pūjitaḥ | maheṃdraṃ draṣṭukāmo'sau svarlokaṃ prayayau muniḥ
Sanskrit only: no published translation is held for this verse.
तस्मिन्काले महातेजा गजारूढं महेश्वरम् । ददर्श सर्वदेवैस्तं पूज्यमानं शचीपतिम्
tasminkāle mahātejā gajārūḍhaṃ maheśvaram | dadarśa sarvadevaistaṃ pūjyamānaṃ śacīpatim
Sanskrit only: no published translation is held for this verse.
तच्च दृष्ट्वा स हृष्टात्मा दुर्वासा सुमहातपाः । पारिजातस्रजं तस्मै प्रददौ विनयान्वितः
tacca dṛṣṭvā sa hṛṣṭātmā durvāsā sumahātapāḥ | pārijātasrajaṃ tasmai pradadau vinayānvitaḥ
Sanskrit only: no published translation is held for this verse.
आदाय देवताधीशस्तां स्रजं गजमूर्द्धनि । विन्यस्य तत्र देवेशः प्रययौ नंदनं प्रति
ādāya devatādhīśastāṃ srajaṃ gajamūrddhani | vinyasya tatra deveśaḥ prayayau naṃdanaṃ prati
Sanskrit only: no published translation is held for this verse.
करेणादाय तां मालां मदोद्रिक्तस्ततो गजः । पीडयित्वाथ चिक्षेप संस्थितां धरणीतले
kareṇādāya tāṃ mālāṃ madodriktastato gajaḥ | pīḍayitvātha cikṣepa saṃsthitāṃ dharaṇītale
Sanskrit only: no published translation is held for this verse.
ततः क्रुद्धो महातेजा दुर्वासा रक्तलोचनः । प्रशप्तवान्महेंद्रं तं संतप्तक्रोधवह्निना
tataḥ kruddho mahātejā durvāsā raktalocanaḥ | praśaptavānmaheṃdraṃ taṃ saṃtaptakrodhavahninā
Sanskrit only: no published translation is held for this verse.
दुर्वासा उवाच- त्रैलोक्यैकश्रियायुक्तो यस्मान्मामवमन्यते । तस्मात्त्रैलोक्यश्रीर्नष्टा भवत्वेव न संशयः
durvāsā uvāca- trailokyaikaśriyāyukto yasmānmāmavamanyate | tasmāttrailokyaśrīrnaṣṭā bhavatveva na saṃśayaḥ
Sanskrit only: no published translation is held for this verse.
रुद्र उवाच- इति शप्तस्ततः शक्रो जगाम स्वपुरं पुनः । ततः श्रीर्जगतां धात्री क्षणादंतर्दधे स्वयम्
rudra uvāca- iti śaptastataḥ śakro jagāma svapuraṃ punaḥ | tataḥ śrīrjagatāṃ dhātrī kṣaṇādaṃtardadhe svayam
Sanskrit only: no published translation is held for this verse.
अंतर्द्धानं गता लक्ष्मीस्तदा नष्टं जगत्त्रयम् । यदपांगाश्रितं सर्वं जगत्स्थावरजंगमम्
aṃtarddhānaṃ gatā lakṣmīstadā naṣṭaṃ jagattrayam | yadapāṃgāśritaṃ sarvaṃ jagatsthāvarajaṃgamam
Sanskrit only: no published translation is held for this verse.
तस्यामंतर्द्धानवत्यां सर्वं नष्टतरं भवत् । ब्रह्मादि त्रिदशाः सर्वे गंधर्वा यक्ष किन्नराः
tasyāmaṃtarddhānavatyāṃ sarvaṃ naṣṭataraṃ bhavat | brahmādi tridaśāḥ sarve gaṃdharvā yakṣa kinnarāḥ
Sanskrit only: no published translation is held for this verse.
दैत्याश्च दानावा नागा मनुष्या राक्षसास्तथा । पशवः पक्षिणः कीटाः सर्वे स्थावरजंगमाः
daityāśca dānāvā nāgā manuṣyā rākṣasāstathā | paśavaḥ pakṣiṇaḥ kīṭāḥ sarve sthāvarajaṃgamāḥ
Sanskrit only: no published translation is held for this verse.
तया लक्ष्म्या जगन्मात्रा ते सर्वे नावलोकिताः । दारिद्र्येनैव विहितास्ते सर्वे दुःखभागिनः
tayā lakṣmyā jaganmātrā te sarve nāvalokitāḥ | dāridryenaiva vihitāste sarve duḥkhabhāginaḥ
Sanskrit only: no published translation is held for this verse.
क्षुत्पिपासार्दिता देवाश्चुक्रुशुर्गतचेतसः । न ववर्ष जलधरः सर्वे शुष्का जलाशयाः
kṣutpipāsārditā devāścukruśurgatacetasaḥ | na vavarṣa jaladharaḥ sarve śuṣkā jalāśayāḥ
Sanskrit only: no published translation is held for this verse.
सर्वे ते पादपा शुष्काः फलपुष्पविवर्जिताः । तदा देवाः सगंधर्वा दैत्यदानवराक्षसाः
sarve te pādapā śuṣkāḥ phalapuṣpavivarjitāḥ | tadā devāḥ sagaṃdharvā daityadānavarākṣasāḥ
Sanskrit only: no published translation is held for this verse.
क्षुत्पिपासार्द्दिता जग्मुः ब्रह्माणममितौजसम् । ऊचुस्तं देवदेवेशमब्जयोनिं पितामहम्
kṣutpipāsārdditā jagmuḥ brahmāṇamamitaujasam | ūcustaṃ devadeveśamabjayoniṃ pitāmaham
Sanskrit only: no published translation is held for this verse.
देवा ऊचुः - भगवन्क्षुत्पिपासाभ्यां पीडितं हि जगत्त्रयम् । न हुतं न वषट्कारः सर्वधर्म्मविवर्जितम्
devā ūcuḥ - bhagavankṣutpipāsābhyāṃ pīḍitaṃ hi jagattrayam | na hutaṃ na vaṣaṭkāraḥ sarvadharmmavivarjitam
Sanskrit only: no published translation is held for this verse.
क्षुत्पिपासार्द्दिताः सर्वे देवदानवमानवाः । त्रातारं सर्वलोकेशं भवंतं शरणं गताः
kṣutpipāsārdditāḥ sarve devadānavamānavāḥ | trātāraṃ sarvalokeśaṃ bhavaṃtaṃ śaraṇaṃ gatāḥ
Sanskrit only: no published translation is held for this verse.
त्रातुमर्हसि देवेश क्षुत्पिपासार्दिताञ्जनान् । रुद्र उवाच- इति तेषां वचः श्रुत्वा सर्वलोकपितामहः
trātumarhasi deveśa kṣutpipāsārditāñjanān | rudra uvāca- iti teṣāṃ vacaḥ śrutvā sarvalokapitāmahaḥ
Sanskrit only: no published translation is held for this verse.
उवाच परमप्रीतस्तान्सर्वान्प्रति मानदः । ब्रह्मोवाच- शृणुध्वं देवताः सर्वे दैत्यगंधर्वमानवाः
uvāca paramaprītastānsarvānprati mānadaḥ | brahmovāca- śṛṇudhvaṃ devatāḥ sarve daityagaṃdharvamānavāḥ
Sanskrit only: no published translation is held for this verse.
महेंद्रस्यापचारेण सर्वमेतदुपस्थितम् । समुद्भूतमिदं घोरं जगत्संवर्त्तकं महत्
maheṃdrasyāpacāreṇa sarvametadupasthitam | samudbhūtamidaṃ ghoraṃ jagatsaṃvarttakaṃ mahat
Sanskrit only: no published translation is held for this verse.
दुर्वासाः सुमहात्मातु यतः क्रोधमवाप्तवान् । तस्मात्क्रोधेन तेनेदं नष्टं लोकत्रयं सुराः
durvāsāḥ sumahātmātu yataḥ krodhamavāptavān | tasmātkrodhena tenedaṃ naṣṭaṃ lokatrayaṃ surāḥ
Sanskrit only: no published translation is held for this verse.
असौ रोषपरीतात्मा क्रोधेन कलुषीकृतः । जगत्त्रयं च श्रीनष्टं भवत्वित्याह दुर्मतिः
asau roṣaparītātmā krodhena kaluṣīkṛtaḥ | jagattrayaṃ ca śrīnaṣṭaṃ bhavatvityāha durmatiḥ
Sanskrit only: no published translation is held for this verse.
तच्छापाज्जगतां धात्री लक्ष्मीर्न्नारायणप्रिया । अंतर्द्धानं गता देवी जगन्माता महेश्वरी
tacchāpājjagatāṃ dhātrī lakṣmīrnnārāyaṇapriyā | aṃtarddhānaṃ gatā devī jaganmātā maheśvarī
Sanskrit only: no published translation is held for this verse.
यदपाङ्गे क्षिता लोका भवंति सुखितास्तथा । नालोकिता जगन्मात्रा दुःखभागिन एव हि
yadapāṅge kṣitā lokā bhavaṃti sukhitāstathā | nālokitā jaganmātrā duḥkhabhāgina eva hi
Sanskrit only: no published translation is held for this verse.
तस्मात्सर्वे वयं गत्वा दुग्धाब्धौ स्थितमुत्तमम् । तत्र नारायणं देवमर्च्चयामः सनातनम्
tasmātsarve vayaṃ gatvā dugdhābdhau sthitamuttamam | tatra nārāyaṇaṃ devamarccayāmaḥ sanātanam
Sanskrit only: no published translation is held for this verse.
तस्मिन्प्रसन्ने देवेशे शिवमेतद्भवेज्जगत् । इति निश्चित्य मनसा ब्रह्मा देवगणैर्युतः
tasminprasanne deveśe śivametadbhavejjagat | iti niścitya manasā brahmā devagaṇairyutaḥ
Sanskrit only: no published translation is held for this verse.
भृग्वादिमुनिभिः सार्द्धं प्रययौ क्षीरसागरम् । क्षीराब्धावुत्तरतटे ब्रह्मरुद्रादिदेवताः
bhṛgvādimunibhiḥ sārddhaṃ prayayau kṣīrasāgaram | kṣīrābdhāvuttarataṭe brahmarudrādidevatāḥ
Sanskrit only: no published translation is held for this verse.
विष्णुं समर्च्चयामासुः पौरुषेण विधानतः । जपन्नष्टाक्षरं मंत्रं पौरुषं सूक्तमेव च
viṣṇuṃ samarccayāmāsuḥ pauruṣeṇa vidhānataḥ | japannaṣṭākṣaraṃ maṃtraṃ pauruṣaṃ sūktameva ca
Sanskrit only: no published translation is held for this verse.
ध्यायंतोऽनन्यमनसो जुहुवुः परमेश्वरम् । तुष्टुवुः स्तवनैर्दिव्यैर्नमश्चक्रुर्विचित्रधा
dhyāyaṃto'nanyamanaso juhuvuḥ parameśvaram | tuṣṭuvuḥ stavanairdivyairnamaścakrurvicitradhā
Sanskrit only: no published translation is held for this verse.
ततः प्रसन्नो भगवान्सर्वेषां च दिवौकसाम् । तेषां संदर्शने तस्थौ स्तूयमानो महर्षिभिः
tataḥ prasanno bhagavānsarveṣāṃ ca divaukasām | teṣāṃ saṃdarśane tasthau stūyamāno maharṣibhiḥ
Sanskrit only: no published translation is held for this verse.
वैनतेयं समारुह्य सर्वदेवमयं विभुम् । तं दृष्ट्वा जगतामीशं शंखचक्रगदाधरम्
vainateyaṃ samāruhya sarvadevamayaṃ vibhum | taṃ dṛṣṭvā jagatāmīśaṃ śaṃkhacakragadādharam
Sanskrit only: no published translation is held for this verse.
पीतवस्त्रं चतुर्बाहुं पुंडरीकनिभेक्षणम् । श्रीवत्सकौस्तुभोरस्कं वनमालाविभूषितम्
pītavastraṃ caturbāhuṃ puṃḍarīkanibhekṣaṇam | śrīvatsakaustubhoraskaṃ vanamālāvibhūṣitam
Sanskrit only: no published translation is held for this verse.
किरीटहारकेयूरनूपुरैरुपशोभितम् । तुष्टुवुर्जयशब्देन नमश्चक्रुर्निरंतरम्
kirīṭahārakeyūranūpurairupaśobhitam | tuṣṭuvurjayaśabdena namaścakrurniraṃtaram
Sanskrit only: no published translation is held for this verse.
ततः प्रोवाच भगवान्कृपया सर्वदेवताः । वरदोस्मि वरं देवा वृणीध्वमिति चाब्रवीत्
tataḥ provāca bhagavānkṛpayā sarvadevatāḥ | varadosmi varaṃ devā vṛṇīdhvamiti cābravīt
Sanskrit only: no published translation is held for this verse.
इति श्रुत्वा तदा सर्वे देवा ब्रह्मपुरोगमाः । ऊचुः प्रांजलयो देवमिदं वचनमीश्वरम्
iti śrutvā tadā sarve devā brahmapurogamāḥ | ūcuḥ prāṃjalayo devamidaṃ vacanamīśvaram
Sanskrit only: no published translation is held for this verse.
देवा ऊचुः। भगवन्मुनिशापेन संप्रतीदं जगत्त्रयम् । क्षुत्पिपासार्दितं सर्वं सदेवासुरमानुषम्
devā ūcuḥ| bhagavanmuniśāpena saṃpratīdaṃ jagattrayam | kṣutpipāsārditaṃ sarvaṃ sadevāsuramānuṣam
Sanskrit only: no published translation is held for this verse.
तस्माद्भवंतं शरणं याताः स्म पुरुषोत्तम । त्राहि सर्वमिमं लोकं नान्यः शक्तो भवेत्क्वचित्
tasmādbhavaṃtaṃ śaraṇaṃ yātāḥ sma puruṣottama | trāhi sarvamimaṃ lokaṃ nānyaḥ śakto bhavetkvacit
Sanskrit only: no published translation is held for this verse.
रुद्र उवाच- इत्युक्तो देवतैः सर्वैरच्युतः परमेश्वरः । विचार्य्यैतदुवाचैतान्देवान्ब्रह्मपुरोगमान्
rudra uvāca- ityukto devataiḥ sarvairacyutaḥ parameśvaraḥ | vicāryyaitaduvācaitāndevānbrahmapurogamān
Sanskrit only: no published translation is held for this verse.
श्रीभगवानुवाच- अत्रिसूनोर्मुनेः शापादंतर्द्धानं गता रमा । कटाक्षदर्शनात्तस्या जगदैश्वर्य्यसंयुतम्
śrībhagavānuvāca- atrisūnormuneḥ śāpādaṃtarddhānaṃ gatā ramā | kaṭākṣadarśanāttasyā jagadaiśvaryyasaṃyutam
Sanskrit only: no published translation is held for this verse.
तस्माद्यूयं सुराः सर्वे शिवब्रह्मपुरोगमाः । उत्पाट्य मंदरं शैलं निधाय क्षीरसागरम्
tasmādyūyaṃ surāḥ sarve śivabrahmapurogamāḥ | utpāṭya maṃdaraṃ śailaṃ nidhāya kṣīrasāgaram
Sanskrit only: no published translation is held for this verse.
मंदरं घर्घरं कृत्वा सर्प्पराजेन वेष्टितम् । कुरुध्वं मथनं देवा दैत्यगंधर्वदानवैः
maṃdaraṃ ghargharaṃ kṛtvā sarpparājena veṣṭitam | kurudhvaṃ mathanaṃ devā daityagaṃdharvadānavaiḥ
Sanskrit only: no published translation is held for this verse.
उत्पद्यते च सा लक्ष्मीर्जगत्संरक्षणाय वै । तया हृष्टा महाभागा भविष्यथ न संशयः
utpadyate ca sā lakṣmīrjagatsaṃrakṣaṇāya vai | tayā hṛṣṭā mahābhāgā bhaviṣyatha na saṃśayaḥ
Sanskrit only: no published translation is held for this verse.
धारयाम्यहमेवाद्रिं कूर्मरूपेण संवृतः । मम शक्त्या सुरान्सर्वान्प्रविश्य च बलीयसः
dhārayāmyahamevādriṃ kūrmarūpeṇa saṃvṛtaḥ | mama śaktyā surānsarvānpraviśya ca balīyasaḥ
Sanskrit only: no published translation is held for this verse.
रुद्र उवाच- इत्युक्ता देवताः सर्वा हरिणा कामलक्षणे । साधुसाध्विति देवेशमूचुर्ब्रह्मपुरोगमाः
rudra uvāca- ityuktā devatāḥ sarvā hariṇā kāmalakṣaṇe | sādhusādhviti deveśamūcurbrahmapurogamāḥ
Sanskrit only: no published translation is held for this verse.
संस्तूयमानो भगवानच्युतः सुरसत्तमैः । अंतर्दधे ततः श्रीमान्सर्वलोकनमस्कृतः । सर्वाधारः सर्वदेवः सर्वत्र समदर्शनः
saṃstūyamāno bhagavānacyutaḥ surasattamaiḥ | aṃtardadhe tataḥ śrīmānsarvalokanamaskṛtaḥ | sarvādhāraḥ sarvadevaḥ sarvatra samadarśanaḥ
Sanskrit only: no published translation is held for this verse.