Padma Purāṇa 6.242

हनुमंतं सुषेणं च भरतः परिषस्वजे । भ्रातृभिः सानुगैस्तत्र मंगलस्नानपूर्वकम्

hanumaṃtaṃ suṣeṇaṃ ca bharataḥ pariṣasvaje | bhrātṛbhiḥ sānugaistatra maṃgalasnānapūrvakam

Sanskrit only: no published translation is held for this verse.

दिव्यमाल्यांबरधरो दिव्यगंधानुलेपनः । आरुरोह रथं दिव्यं सुमंत्राधिष्ठितं शुभम्

divyamālyāṃbaradharo divyagaṃdhānulepanaḥ | āruroha rathaṃ divyaṃ sumaṃtrādhiṣṭhitaṃ śubham

Sanskrit only: no published translation is held for this verse.

संस्तूयमानस्त्रिदशैर्वैदेह्या लक्ष्मणेन च । भरतश्चैव सुग्रीवः शत्रुघ्नश्च विभीषणः

saṃstūyamānastridaśairvaidehyā lakṣmaṇena ca | bharataścaiva sugrīvaḥ śatrughnaśca vibhīṣaṇaḥ

Sanskrit only: no published translation is held for this verse.

अङ्गदश्च सुषेणश्च जाम्बवान्मारुतात्मजः । नीलो नलश्च सुभगः शरभो गंधमादनः

aṅgadaśca suṣeṇaśca jāmbavānmārutātmajaḥ | nīlo nalaśca subhagaḥ śarabho gaṃdhamādanaḥ

Sanskrit only: no published translation is held for this verse.

अन्ये च कपयः शूरा निषादाधिपतिर्गुहः । राक्षसाश्च महावीर्याः पार्थिवेंद्रा महाबलाः

anye ca kapayaḥ śūrā niṣādādhipatirguhaḥ | rākṣasāśca mahāvīryāḥ pārthiveṃdrā mahābalāḥ

Sanskrit only: no published translation is held for this verse.

गजानश्वानथो सम्यगारुह्य बहुशः शुभान् । नानामंगलवादित्रैः स्तुतिभिः पुष्कलैस्तथा

gajānaśvānatho samyagāruhya bahuśaḥ śubhān | nānāmaṃgalavāditraiḥ stutibhiḥ puṣkalaistathā

Sanskrit only: no published translation is held for this verse.

आलोक्य राजनगरीं पथि राजपुत्रो राजानमेव पितरं परिचिंतयानः । सुग्रीवमारुतिविभीषणपुण्यपादसंचारपूतभवनं प्रविवेश रामः

ālokya rājanagarīṃ pathi rājaputro rājānameva pitaraṃ pariciṃtayānaḥ | sugrīvamārutivibhīṣaṇapuṇyapādasaṃcārapūtabhavanaṃ praviveśa rāmaḥ

Sanskrit only: no published translation is held for this verse.