Padma Purāṇa 6.71

परो व्यक्तात्परं व्योम परमर्द्धिः परेश्वरः । निरामयो निर्विकारो निर्विकल्पो निराश्रयः

paro vyaktātparaṃ vyoma paramarddhiḥ pareśvaraḥ | nirāmayo nirvikāro nirvikalpo nirāśrayaḥ

Sanskrit only: no published translation is held for this verse.

निरंजनो निरातंको निर्लेपो निरवग्रहः । निर्गुणो निष्कलोऽनंतोऽभयोऽचिंत्योऽबलोचितः

niraṃjano nirātaṃko nirlepo niravagrahaḥ | nirguṇo niṣkalo'naṃto'bhayo'ciṃtyo'balocitaḥ

Sanskrit only: no published translation is held for this verse.

अतीन्द्रियो मितो पारोऽनीशोऽनीहोऽव्ययोऽक्षयः । सर्वज्ञः सर्वगः सर्वः सर्वदः सर्वभावनः

atīndriyo mito pāro'nīśo'nīho'vyayo'kṣayaḥ | sarvajñaḥ sarvagaḥ sarvaḥ sarvadaḥ sarvabhāvanaḥ

Sanskrit only: no published translation is held for this verse.

सर्वशास्ता सर्वसाक्षी पूज्यः सर्वस्य सर्वदृक्? । सर्वशक्तिः सर्वसारः सर्वात्मा सर्वतोमुखः

sarvaśāstā sarvasākṣī pūjyaḥ sarvasya sarvadṛk? | sarvaśaktiḥ sarvasāraḥ sarvātmā sarvatomukhaḥ

Sanskrit only: no published translation is held for this verse.

सर्वावासः सर्वरूपः सर्वादिः सर्वदुःखहा । सर्वार्थः सर्वतोभद्रः सर्वकारणकारणम्

sarvāvāsaḥ sarvarūpaḥ sarvādiḥ sarvaduḥkhahā | sarvārthaḥ sarvatobhadraḥ sarvakāraṇakāraṇam

Sanskrit only: no published translation is held for this verse.

सर्वातिशयितः सर्वाध्यक्षः सर्वसुरेश्वरः । षड्विंशको महाविष्णुर्महागुह्यो महाविभुः

sarvātiśayitaḥ sarvādhyakṣaḥ sarvasureśvaraḥ | ṣaḍviṃśako mahāviṣṇurmahāguhyo mahāvibhuḥ

Sanskrit only: no published translation is held for this verse.

नित्योदितो नित्ययुक्तो नित्यानंदः सनातनः । मायापतिर्योगपतिः कैवल्यपतिरात्मभूः

nityodito nityayukto nityānaṃdaḥ sanātanaḥ | māyāpatiryogapatiḥ kaivalyapatirātmabhūḥ

Sanskrit only: no published translation is held for this verse.

जन्ममृत्युजरातीतः कालातीतो भवातिगः । पूर्णः सत्यः शुद्धबुद्धस्वरूपो नित्यचिन्मयः

janmamṛtyujarātītaḥ kālātīto bhavātigaḥ | pūrṇaḥ satyaḥ śuddhabuddhasvarūpo nityacinmayaḥ

Sanskrit only: no published translation is held for this verse.

योगप्रियो योगगम्यो भवबंधैकमोचकः । पुराणपुरुषः प्रत्यक्चैतन्यः पुरुषोत्तमः

yogapriyo yogagamyo bhavabaṃdhaikamocakaḥ | purāṇapuruṣaḥ pratyakcaitanyaḥ puruṣottamaḥ

Sanskrit only: no published translation is held for this verse.

वेदांतवेद्यो दुर्ज्ञेयस्तपत्रयविवर्जितः । ब्रह्मविद्याश्रयो नाद्यः स्वप्रकाशः स्वयंप्रभुः

vedāṃtavedyo durjñeyastapatrayavivarjitaḥ | brahmavidyāśrayo nādyaḥ svaprakāśaḥ svayaṃprabhuḥ

Sanskrit only: no published translation is held for this verse.

सर्वोपेय उदासीनः प्रणवः सर्वतः समः । सर्वानवद्यो दुष्प्राप्यस्तुरीयस्तमसः परः

sarvopeya udāsīnaḥ praṇavaḥ sarvataḥ samaḥ | sarvānavadyo duṣprāpyasturīyastamasaḥ paraḥ

Sanskrit only: no published translation is held for this verse.

कूटस्थः सर्वसंश्लिष्टो वाङ्मनोगोचरातिगः । संकर्षणः सर्वहरः कालः सर्वभयंकरः

kūṭasthaḥ sarvasaṃśliṣṭo vāṅmanogocarātigaḥ | saṃkarṣaṇaḥ sarvaharaḥ kālaḥ sarvabhayaṃkaraḥ

Sanskrit only: no published translation is held for this verse.

अनुल्लंघ्यश्चित्रगतिर्महारुद्रो दुरासदः । मूलप्रकृतिरानंदः प्रद्युम्नो विश्वमोहनः

anullaṃghyaścitragatirmahārudro durāsadaḥ | mūlaprakṛtirānaṃdaḥ pradyumno viśvamohanaḥ

Sanskrit only: no published translation is held for this verse.

महामायो विश्वबीजं परशक्तिः सुखैकभूः । सर्वकाम्योऽनतलीलः सर्वभूतवशंकरः

mahāmāyo viśvabījaṃ paraśaktiḥ sukhaikabhūḥ | sarvakāmyo'natalīlaḥ sarvabhūtavaśaṃkaraḥ

Sanskrit only: no published translation is held for this verse.

अनिरुद्धः सर्वजीवो हृषीकेशो मनःपतिः । निरुपाधिप्रियो हंसोक्षरः सर्वनियोजकः

aniruddhaḥ sarvajīvo hṛṣīkeśo manaḥpatiḥ | nirupādhipriyo haṃsokṣaraḥ sarvaniyojakaḥ

Sanskrit only: no published translation is held for this verse.

ब्रह्मप्राणेश्वरः सर्वभूतभृद्देहनायकः । क्षेत्रज्ञः प्रकृतिः स्वामी पुरुषो विश्वसूत्रधृक्

brahmaprāṇeśvaraḥ sarvabhūtabhṛddehanāyakaḥ | kṣetrajñaḥ prakṛtiḥ svāmī puruṣo viśvasūtradhṛk

Sanskrit only: no published translation is held for this verse.

अंतर्यामी त्रिधामांतः साक्षी त्रिगुण ईश्वरः । योगिगम्यः पद्मनाभः शेषशायी श्रियःपतिः

aṃtaryāmī tridhāmāṃtaḥ sākṣī triguṇa īśvaraḥ | yogigamyaḥ padmanābhaḥ śeṣaśāyī śriyaḥpatiḥ

Sanskrit only: no published translation is held for this verse.

श्रीसदोपास्यपादाब्जो नित्यश्रीः श्रीनिकेतनः । नित्यं वक्षःस्थलस्थश्रीः श्रीनिधिः श्रीधरो हरिः

śrīsadopāsyapādābjo nityaśrīḥ śrīniketanaḥ | nityaṃ vakṣaḥsthalasthaśrīḥ śrīnidhiḥ śrīdharo hariḥ

Sanskrit only: no published translation is held for this verse.

वश्यश्रीर्निश्चलः श्रीदो विष्णुः क्षीराब्धिमंदिरः । कौस्तुभोद्भासितोरस्को माधवो जगदार्तिहा

vaśyaśrīrniścalaḥ śrīdo viṣṇuḥ kṣīrābdhimaṃdiraḥ | kaustubhodbhāsitorasko mādhavo jagadārtihā

Sanskrit only: no published translation is held for this verse.

श्रीवत्सवक्षा निःसीम कल्याणगुणभाजनः । पीतांबरो जगन्नाथो जगत्त्राता जगत्पिता

śrīvatsavakṣā niḥsīma kalyāṇaguṇabhājanaḥ | pītāṃbaro jagannātho jagattrātā jagatpitā

Sanskrit only: no published translation is held for this verse.

जगद्बंधुर्जर्गत्स्रष्टा जगद्धाता जगन्निधिः । जगदेकस्फुरद्वीर्योऽनहंवादी जगन्मयः

jagadbaṃdhurjargatsraṣṭā jagaddhātā jagannidhiḥ | jagadekasphuradvīryo'nahaṃvādī jaganmayaḥ

Sanskrit only: no published translation is held for this verse.

सर्वाश्चर्यमयः सर्वसिद्धार्थः सर्वरंजितः । सर्वामोघोद्यमो ब्रह्मरुद्राद्युत्कृष्टचेतनाः

sarvāścaryamayaḥ sarvasiddhārthaḥ sarvaraṃjitaḥ | sarvāmoghodyamo brahmarudrādyutkṛṣṭacetanāḥ

Sanskrit only: no published translation is held for this verse.

शंभोः पितामहो ब्रह्मपिता शक्राद्यधीश्वरः । सर्वदेवप्रियः सर्वदेवमूर्तिरनुत्तमः

śaṃbhoḥ pitāmaho brahmapitā śakrādyadhīśvaraḥ | sarvadevapriyaḥ sarvadevamūrtiranuttamaḥ

Sanskrit only: no published translation is held for this verse.

सर्वदेवैकशरणं सर्वदेवैकदैवतम् । यज्ञभुग्यज्ञफलदो यज्ञेशो यज्ञभावनः

sarvadevaikaśaraṇaṃ sarvadevaikadaivatam | yajñabhugyajñaphalado yajñeśo yajñabhāvanaḥ

Sanskrit only: no published translation is held for this verse.

यज्ञत्राता यज्ञपुमान्वनमाली द्विजप्रियः । द्विजैकमानदो विप्र कुलदेवो सुरांतकः

yajñatrātā yajñapumānvanamālī dvijapriyaḥ | dvijaikamānado vipra kuladevo surāṃtakaḥ

Sanskrit only: no published translation is held for this verse.

सर्वदुष्टांतकृत्सर्वसज्जनानन्यपालकः । सप्तलोकैकजठरः सप्तलोकैकमंडनः

sarvaduṣṭāṃtakṛtsarvasajjanānanyapālakaḥ | saptalokaikajaṭharaḥ saptalokaikamaṃḍanaḥ

Sanskrit only: no published translation is held for this verse.

सृष्टिस्थित्यंतकृच्चक्री शार्ङ्गधन्वा गदाधरः । शंखभृन्नंदकी पद्मपाणिर्गरुडवाहनः

sṛṣṭisthityaṃtakṛccakrī śārṅgadhanvā gadādharaḥ | śaṃkhabhṛnnaṃdakī padmapāṇirgaruḍavāhanaḥ

Sanskrit only: no published translation is held for this verse.

अनिर्देश्यवपुः सर्वपूज्यस्त्रैलोक्यपावनः । अनंतकीर्तिर्निःसीम पौरुषः सर्वमंगलः 6.71.१५०। सूर्यकोटिप्रतीकाशो यमकोटिदुरासदः । मयकोटिजगत्स्रष्टा वायुकोटिमहाबलः

anirdeśyavapuḥ sarvapūjyastrailokyapāvanaḥ | anaṃtakīrtirniḥsīma pauruṣaḥ sarvamaṃgalaḥ 6.71.150| sūryakoṭipratīkāśo yamakoṭidurāsadaḥ | mayakoṭijagatsraṣṭā vāyukoṭimahābalaḥ

Sanskrit only: no published translation is held for this verse.

कोटींदु जगदानंदी शंभुकोटिमहेश्वरः । कंदर्पकोटिलावण्यो दुर्गकोट्यरिमर्दनः

koṭīṃdu jagadānaṃdī śaṃbhukoṭimaheśvaraḥ | kaṃdarpakoṭilāvaṇyo durgakoṭyarimardanaḥ

Sanskrit only: no published translation is held for this verse.

समुद्रकोटिगंभीरस्तीर्थकोटि समाह्वयः । कुबेरकोटि लक्ष्मीवाञ्छक्रकोटि विलासवान्

samudrakoṭigaṃbhīrastīrthakoṭi samāhvayaḥ | kuberakoṭi lakṣmīvāñchakrakoṭi vilāsavān

Sanskrit only: no published translation is held for this verse.

हिमवत्कोटिनिष्कंपः कोटिब्रह्मांडविग्रहः । कोट्यश्वमेधपापघ्नो यज्ञकोटिसमार्चनः

himavatkoṭiniṣkaṃpaḥ koṭibrahmāṃḍavigrahaḥ | koṭyaśvamedhapāpaghno yajñakoṭisamārcanaḥ

Sanskrit only: no published translation is held for this verse.

सुधाकोटिस्वास्थ्यहेतुः कामधुक्कोटिकामदः । ब्रह्मविद्याकोटिरूपः शिपिविष्टः शुचिश्रवाः

sudhākoṭisvāsthyahetuḥ kāmadhukkoṭikāmadaḥ | brahmavidyākoṭirūpaḥ śipiviṣṭaḥ śuciśravāḥ

Sanskrit only: no published translation is held for this verse.

विश्वंभरस्तीर्थपादः पुण्यश्रवणकीर्तनः । आदिदेवो जगज्जैत्रो मुकुंदः कालनेमिहा

viśvaṃbharastīrthapādaḥ puṇyaśravaṇakīrtanaḥ | ādidevo jagajjaitro mukuṃdaḥ kālanemihā

Sanskrit only: no published translation is held for this verse.

वैकुंठोऽनंतमाहात्म्यो महायोगेश्वरोत्सवः । नित्यतृप्तोलसद्भावो निःशंको नरकांतकः

vaikuṃṭho'naṃtamāhātmyo mahāyogeśvarotsavaḥ | nityatṛptolasadbhāvo niḥśaṃko narakāṃtakaḥ

Sanskrit only: no published translation is held for this verse.

दीनानाथैकशरणं विश्वैकव्यसनापहः । जगत्कृपाक्षमो नित्यं कृपालुः सज्जनाश्रयः

dīnānāthaikaśaraṇaṃ viśvaikavyasanāpahaḥ | jagatkṛpākṣamo nityaṃ kṛpāluḥ sajjanāśrayaḥ

Sanskrit only: no published translation is held for this verse.

योगेश्वरः सदोदीर्णो वृद्धिक्षयविवर्जितः । अधोक्षजो विश्वरेताः प्रजापति शताधिपः

yogeśvaraḥ sadodīrṇo vṛddhikṣayavivarjitaḥ | adhokṣajo viśvaretāḥ prajāpati śatādhipaḥ

Sanskrit only: no published translation is held for this verse.

शक्रब्रह्मार्चितपदः शंभुब्रह्मोर्ध्वधामगः । सूर्यसोमेक्षणो विश्वभोक्ता सर्वस्य पारगः

śakrabrahmārcitapadaḥ śaṃbhubrahmordhvadhāmagaḥ | sūryasomekṣaṇo viśvabhoktā sarvasya pāragaḥ

Sanskrit only: no published translation is held for this verse.

जगत्सेतुर्धर्मसेतुधरो विश्वधुरंधरः । निर्ममोऽखिललोकेशो निःसंगोऽद्भुतभोगवान्

jagatseturdharmasetudharo viśvadhuraṃdharaḥ | nirmamo'khilalokeśo niḥsaṃgo'dbhutabhogavān

Sanskrit only: no published translation is held for this verse.

वश्यमायो वश्यविश्वो विष्वक्सेनः सुरोत्तमः । सर्वश्रेयः पतिर्दिव्यानर्घ्यभूषणभूषितः

vaśyamāyo vaśyaviśvo viṣvaksenaḥ surottamaḥ | sarvaśreyaḥ patirdivyānarghyabhūṣaṇabhūṣitaḥ

Sanskrit only: no published translation is held for this verse.

सर्वलक्षणलक्षण्यः सर्वदैत्येंद्रदर्पहा । समस्तदेवसर्वस्वं सर्वदैवत नायकः

sarvalakṣaṇalakṣaṇyaḥ sarvadaityeṃdradarpahā | samastadevasarvasvaṃ sarvadaivata nāyakaḥ

Sanskrit only: no published translation is held for this verse.

समस्तदेवकवचं सर्वदेवशिरोमणिः । समस्तदेवतादुर्गः प्रपन्नाशनिपंजरः

samastadevakavacaṃ sarvadevaśiromaṇiḥ | samastadevatādurgaḥ prapannāśanipaṃjaraḥ

Sanskrit only: no published translation is held for this verse.

समस्तभयहृन्नामा भगवान्विष्टरश्रवाः । विभुः सर्वहितोदर्को हतारिः स्वर्गतिप्रदः

samastabhayahṛnnāmā bhagavānviṣṭaraśravāḥ | vibhuḥ sarvahitodarko hatāriḥ svargatipradaḥ

Sanskrit only: no published translation is held for this verse.

सर्वदैवतजीवेशो ब्राह्मणादिनियोजकः । ब्रह्मशंभुः परार्धायुर्ब्रह्मज्येष्ठः शिशुः स्वराट्

sarvadaivatajīveśo brāhmaṇādiniyojakaḥ | brahmaśaṃbhuḥ parārdhāyurbrahmajyeṣṭhaḥ śiśuḥ svarāṭ

Sanskrit only: no published translation is held for this verse.

विराड्भक्तपराधीनः स्तुत्यः स्तोत्रार्थसाधकः । परार्थकर्त्ताकृत्यज्ञः स्वार्थकृत्य सदोज्झितः

virāḍbhaktaparādhīnaḥ stutyaḥ stotrārthasādhakaḥ | parārthakarttākṛtyajñaḥ svārthakṛtya sadojjhitaḥ

Sanskrit only: no published translation is held for this verse.

सदानंदः सदाभद्रः सदाशांतः सदाशिवः । सदाप्रियः सदातुष्टः सदापुष्टः सदार्चितः

sadānaṃdaḥ sadābhadraḥ sadāśāṃtaḥ sadāśivaḥ | sadāpriyaḥ sadātuṣṭaḥ sadāpuṣṭaḥ sadārcitaḥ

Sanskrit only: no published translation is held for this verse.

सदापूतो पावनाग्र्यो वेदगुह्यो वृषाकपिः । सहस्रनामा त्रियुगश्चतुर्मूर्तिश्चतुर्भुजः

sadāpūto pāvanāgryo vedaguhyo vṛṣākapiḥ | sahasranāmā triyugaścaturmūrtiścaturbhujaḥ

Sanskrit only: no published translation is held for this verse.

भूतभव्यभवन्नाथो महापुरुषपूर्वजः । नारायणो मुंजकेशः सर्वयोगविनिःसृतः

bhūtabhavyabhavannātho mahāpuruṣapūrvajaḥ | nārāyaṇo muṃjakeśaḥ sarvayogaviniḥsṛtaḥ

Sanskrit only: no published translation is held for this verse.

वेदसारो यज्ञसारः सामसारस्तपोनिधिः । साध्यः श्रेष्ठः पुराणर्षिः निष्ठा शांतिः परायणः

vedasāro yajñasāraḥ sāmasārastaponidhiḥ | sādhyaḥ śreṣṭhaḥ purāṇarṣiḥ niṣṭhā śāṃtiḥ parāyaṇaḥ

Sanskrit only: no published translation is held for this verse.

शिवत्रिशूलविध्वंसी श्रीकंठैकवरप्रदः । नरः कृष्णो हरिर्धर्मनंदनो धर्मजीवनः

śivatriśūlavidhvaṃsī śrīkaṃṭhaikavarapradaḥ | naraḥ kṛṣṇo harirdharmanaṃdano dharmajīvanaḥ

Sanskrit only: no published translation is held for this verse.

आदिकर्त्ता सर्वसत्यः सर्वस्त्रीरत्नदर्पहा । त्रिकालजित कंदर्प्प उर्वशीसृङ्मुनीश्वरः

ādikarttā sarvasatyaḥ sarvastrīratnadarpahā | trikālajita kaṃdarppa urvaśīsṛṅmunīśvaraḥ

Sanskrit only: no published translation is held for this verse.

आद्यः कविर्हयग्रीवः सर्ववागीश्वरेश्वरः । सर्वदेवमयो ब्रह्मा गुरुर्वागीश्वरीपतिः

ādyaḥ kavirhayagrīvaḥ sarvavāgīśvareśvaraḥ | sarvadevamayo brahmā gururvāgīśvarīpatiḥ

Sanskrit only: no published translation is held for this verse.

अनंतविद्याप्रभवो मूलाविद्याविनाशकः । सर्वज्ञदो जगज्जाड्यनाशको मधुसूदनः

anaṃtavidyāprabhavo mūlāvidyāvināśakaḥ | sarvajñado jagajjāḍyanāśako madhusūdanaḥ

Sanskrit only: no published translation is held for this verse.

अनेकमंत्रकोटीशः शब्दब्रह्मैकपारगः । आदिविद्वान्वेदकर्त्ता वेदात्मा श्रुतिसागरः

anekamaṃtrakoṭīśaḥ śabdabrahmaikapāragaḥ | ādividvānvedakarttā vedātmā śrutisāgaraḥ

Sanskrit only: no published translation is held for this verse.

ब्रह्मार्थवेदहरणः सर्वविज्ञानजन्मभूः । विद्याराजो ज्ञानमूर्त्तिर्ज्ञानसिंधुरखंडधीः

brahmārthavedaharaṇaḥ sarvavijñānajanmabhūḥ | vidyārājo jñānamūrttirjñānasiṃdhurakhaṃḍadhīḥ

Sanskrit only: no published translation is held for this verse.

मत्स्यदेवो महाशृंगो जगद्बीजबहित्रदृक् । लीलाव्याप्ताखिलांभोधिश्चतुर्वेदप्रवर्त्तकः

matsyadevo mahāśṛṃgo jagadbījabahitradṛk | līlāvyāptākhilāṃbhodhiścaturvedapravarttakaḥ

Sanskrit only: no published translation is held for this verse.

आदिकूर्मोऽखिलाधारस्तृणीकृतजगद्भरः । अमरीकृतदेवौघः पीयूषोत्पत्तिकारणम्

ādikūrmo'khilādhārastṛṇīkṛtajagadbharaḥ | amarīkṛtadevaughaḥ pīyūṣotpattikāraṇam

Sanskrit only: no published translation is held for this verse.

आत्माधारो धराधारो यज्ञांगो धरणीधरः । हिरण्याक्षहरः पृथ्वीपतिः श्राद्धादिकल्पकः

ātmādhāro dharādhāro yajñāṃgo dharaṇīdharaḥ | hiraṇyākṣaharaḥ pṛthvīpatiḥ śrāddhādikalpakaḥ

Sanskrit only: no published translation is held for this verse.

समस्तपितृभीतिघ्नः समस्तपितृजीवनम् । हव्यकव्यैकभुक्हव्यकव्यैकफलदायकः

samastapitṛbhītighnaḥ samastapitṛjīvanam | havyakavyaikabhukhavyakavyaikaphaladāyakaḥ

Sanskrit only: no published translation is held for this verse.

रोमांतर्लीनजलधिः क्षोभिताशेषसागरः । महावराहो यज्ञघ्नध्वंसको यज्ञिकाश्रयः

romāṃtarlīnajaladhiḥ kṣobhitāśeṣasāgaraḥ | mahāvarāho yajñaghnadhvaṃsako yajñikāśrayaḥ

Sanskrit only: no published translation is held for this verse.

श्रीनृसिंहो दिव्यसिंहः सर्वानिष्टार्थदुःखहा । एकवीरोऽद्भुतबलो यंत्रमंत्रैकभंजनः

śrīnṛsiṃho divyasiṃhaḥ sarvāniṣṭārthaduḥkhahā | ekavīro'dbhutabalo yaṃtramaṃtraikabhaṃjanaḥ

Sanskrit only: no published translation is held for this verse.

ब्रह्मादिदुःसहज्योतिर्युगांताग्र्यतिभीषणः । कोटिवज्राधिकनखो जगद्दुष्प्रेक्ष्यमूर्तिधृक्

brahmādiduḥsahajyotiryugāṃtāgryatibhīṣaṇaḥ | koṭivajrādhikanakho jagadduṣprekṣyamūrtidhṛk

Sanskrit only: no published translation is held for this verse.

मातृचक्रप्रमथनो महामातृगणेश्वरः । अचिंत्यामोघवीर्याढ्यः समस्तासुरघस्मरः

mātṛcakrapramathano mahāmātṛgaṇeśvaraḥ | aciṃtyāmoghavīryāḍhyaḥ samastāsuraghasmaraḥ

Sanskrit only: no published translation is held for this verse.

हिरण्यकशिपुछेदी कालः संकर्षणीपतिः । कृतांतवाहनासह्यः समस्तभयनाशनः

hiraṇyakaśipuchedī kālaḥ saṃkarṣaṇīpatiḥ | kṛtāṃtavāhanāsahyaḥ samastabhayanāśanaḥ

Sanskrit only: no published translation is held for this verse.

सर्वविघ्नांतकः सर्वसिद्धिदः सर्वपूरकः । समस्तपातकध्वंसी सिद्धमंत्राधिकाह्वयः

sarvavighnāṃtakaḥ sarvasiddhidaḥ sarvapūrakaḥ | samastapātakadhvaṃsī siddhamaṃtrādhikāhvayaḥ

Sanskrit only: no published translation is held for this verse.

भैरवेशो हरार्तिघ्नः कालकोटिदुरासदः । दैत्यगर्भश्राविनामास्फुटद्र् ब्रह्मांडगर्जितः

bhairaveśo harārtighnaḥ kālakoṭidurāsadaḥ | daityagarbhaśrāvināmāsphuṭadr brahmāṃḍagarjitaḥ

Sanskrit only: no published translation is held for this verse.

स्मृतमात्राखिलत्राताऽद्भुतरूपो महाहरिः । ब्रह्मचर्यशिरः पिंडी दिक्पालोऽर्द्धांगभूषणः

smṛtamātrākhilatrātā'dbhutarūpo mahāhariḥ | brahmacaryaśiraḥ piṃḍī dikpālo'rddhāṃgabhūṣaṇaḥ

Sanskrit only: no published translation is held for this verse.

द्वादशार्कशिरोदामा रुद्रशीर्षैकनूपुरः । योगिनीग्रस्तगिरजा त्राताभैरवतर्जकः

dvādaśārkaśirodāmā rudraśīrṣaikanūpuraḥ | yoginīgrastagirajā trātābhairavatarjakaḥ

Sanskrit only: no published translation is held for this verse.

वीरचक्रेश्वरोऽत्युग्रोऽपमारिः कालशंबरः । क्रोधेश्वरो रुद्रचंडी परिवारादिदुष्टभुक्

vīracakreśvaro'tyugro'pamāriḥ kālaśaṃbaraḥ | krodheśvaro rudracaṃḍī parivārādiduṣṭabhuk

Sanskrit only: no published translation is held for this verse.

सर्वाक्षोभ्यो मृत्युमृत्युः कालमृत्युनिवर्त्तकः । असाध्यसर्वरोगघ्नः सर्वदुर्ग्रहसौम्यकृत्

sarvākṣobhyo mṛtyumṛtyuḥ kālamṛtyunivarttakaḥ | asādhyasarvarogaghnaḥ sarvadurgrahasaumyakṛt

Sanskrit only: no published translation is held for this verse.

गणेशकोटिदर्पघ्नो दुःसहाशेषगोत्रहा । देवदानवदुर्दर्शो जगद्भयदभीषणः

gaṇeśakoṭidarpaghno duḥsahāśeṣagotrahā | devadānavadurdarśo jagadbhayadabhīṣaṇaḥ

Sanskrit only: no published translation is held for this verse.

समस्तदुर्गतित्राता जगद्भक्षकभक्षकः । उग्रशोंबरमार्जारः कालमूषकभक्षकः । अनंतायुधदोर्दंडी नृसिंहो वीरभद्रजित्

samastadurgatitrātā jagadbhakṣakabhakṣakaḥ | ugraśoṃbaramārjāraḥ kālamūṣakabhakṣakaḥ | anaṃtāyudhadordaṃḍī nṛsiṃho vīrabhadrajit

Sanskrit only: no published translation is held for this verse.

योगिनीचक्रगुह्येशः शक्रारि पशुमांसभुक् । रुद्रो नारायणो मेषरूप शंकरवाहनः

yoginīcakraguhyeśaḥ śakrāri paśumāṃsabhuk | rudro nārāyaṇo meṣarūpa śaṃkaravāhanaḥ

Sanskrit only: no published translation is held for this verse.

मेषरूपशिवत्राता दुष्टशक्तिसहस्रभुक् । तुलसीवल्लभो वीरो वामाचारोऽखिलेष्टदः

meṣarūpaśivatrātā duṣṭaśaktisahasrabhuk | tulasīvallabho vīro vāmācāro'khileṣṭadaḥ

Sanskrit only: no published translation is held for this verse.

महाशिवः शिवारूढो भैरवैककपालधृक् । किल्लीचक्रेश्वरः शक्र दिव्यमोहनरूपदः

mahāśivaḥ śivārūḍho bhairavaikakapāladhṛk | killīcakreśvaraḥ śakra divyamohanarūpadaḥ

Sanskrit only: no published translation is held for this verse.

गौरीसौभाग्यदो मायानिधीर्मायाभयापहः । ब्रह्मतेजोमयो ब्रह्मश्रीमयश्च त्रयीमयः

gaurīsaubhāgyado māyānidhīrmāyābhayāpahaḥ | brahmatejomayo brahmaśrīmayaśca trayīmayaḥ

Sanskrit only: no published translation is held for this verse.

सुब्रह्मण्यो बलिध्वंसी वामनोऽदितिदुःखहा । उपेंद्रो नृपतिर्विष्णुः कश्यपान्वयमंडनः

subrahmaṇyo balidhvaṃsī vāmano'ditiduḥkhahā | upeṃdro nṛpatirviṣṇuḥ kaśyapānvayamaṃḍanaḥ

Sanskrit only: no published translation is held for this verse.

बलिस्वराज्यदः सर्वदेवविप्रान्नदोऽच्युतः । उरुक्रमस्तीर्थपादस्त्रिपदस्थस्त्रिविक्रमः 6.71.२००। व्योमपादः स्वपादांभः पवित्रितजगत्त्रयः । ब्रह्मेशाद्यभिवंद्यांघ्रिर्द्रुतधर्मांघ्रिधावनः

balisvarājyadaḥ sarvadevaviprānnado'cyutaḥ | urukramastīrthapādastripadasthastrivikramaḥ 6.71.200| vyomapādaḥ svapādāṃbhaḥ pavitritajagattrayaḥ | brahmeśādyabhivaṃdyāṃghrirdrutadharmāṃghridhāvanaḥ

Sanskrit only: no published translation is held for this verse.

अचिंत्याद्भुतविस्तारो विश्ववृक्षो महाबलः । राहुमूर्धापरांगच्छिद्भृगुपत्नीशिरोहरः

aciṃtyādbhutavistāro viśvavṛkṣo mahābalaḥ | rāhumūrdhāparāṃgacchidbhṛgupatnīśiroharaḥ

Sanskrit only: no published translation is held for this verse.

पापत्रस्तः सदापुण्यो दैत्याशानित्यखंडनः । पूरिताखिलदेवाशो विश्वार्थैकावतारकृत्

pāpatrastaḥ sadāpuṇyo daityāśānityakhaṃḍanaḥ | pūritākhiladevāśo viśvārthaikāvatārakṛt

Sanskrit only: no published translation is held for this verse.

स्वमायानित्यगुप्तात्मा भक्तचिन्तामणिः सदा । वरदः कार्त्तवीर्यादि राजराज्यप्रदोऽनघः

svamāyānityaguptātmā bhaktacintāmaṇiḥ sadā | varadaḥ kārttavīryādi rājarājyaprado'naghaḥ

Sanskrit only: no published translation is held for this verse.

विश्वश्लाघ्यामिताचारो दत्तात्रेयो मुनीश्वरः । पराशक्तिसदाश्लिष्टो योगानंदः सदोन्मदः

viśvaślāghyāmitācāro dattātreyo munīśvaraḥ | parāśaktisadāśliṣṭo yogānaṃdaḥ sadonmadaḥ

Sanskrit only: no published translation is held for this verse.

समस्तेंद्रारितेजोहृत्परमामृतपद्मपः । अनुसूयागर्भरत्नं भोगमोक्षसुखप्रदः

samasteṃdrāritejohṛtparamāmṛtapadmapaḥ | anusūyāgarbharatnaṃ bhogamokṣasukhapradaḥ

Sanskrit only: no published translation is held for this verse.

जमदग्निकुलादित्यो रेणुकाद्भुतशक्तिकृत् । मातृहत्यादिनिर्लेपः स्कंदजिद्विप्रराज्यदः

jamadagnikulādityo reṇukādbhutaśaktikṛt | mātṛhatyādinirlepaḥ skaṃdajidviprarājyadaḥ

Sanskrit only: no published translation is held for this verse.

सर्वक्षत्रांतकृद्वीरदर्पहा कार्त्तवीर्यजित् । सप्तद्वीपावतीदाता शिवार्चक यशप्रदः

sarvakṣatrāṃtakṛdvīradarpahā kārttavīryajit | saptadvīpāvatīdātā śivārcaka yaśapradaḥ

Sanskrit only: no published translation is held for this verse.

भीमः परशुरामश्च शिवाचार्यैकविश्वभुक् । शिवाखिलज्ञानकोशो भीष्माचार्योऽग्निदैवतः

bhīmaḥ paraśurāmaśca śivācāryaikaviśvabhuk | śivākhilajñānakośo bhīṣmācāryo'gnidaivataḥ

Sanskrit only: no published translation is held for this verse.

द्रोणाचार्यगुरुर्विश्वजैत्रधन्वाकृतांतजित् । अद्वितीयतपोमूर्त्तिर्ब्रह्मचर्यैकदक्षिणः

droṇācāryagururviśvajaitradhanvākṛtāṃtajit | advitīyatapomūrttirbrahmacaryaikadakṣiṇaḥ

Sanskrit only: no published translation is held for this verse.

मनुःश्रेष्ठः सतांसेतुर्महीयान्वृषभो विराट् । आदिराजः क्षितिपिता सर्वरत्नैकदोहकृत्

manuḥśreṣṭhaḥ satāṃseturmahīyānvṛṣabho virāṭ | ādirājaḥ kṣitipitā sarvaratnaikadohakṛt

Sanskrit only: no published translation is held for this verse.

पृथुर्जन्माद्येकदक्षो गीः श्रीः कीर्तिः स्वयंवृतः । जगद्वृत्तिप्रदश्चक्रवर्त्तिश्रेष्ठोद्वयास्त्रधृक्

pṛthurjanmādyekadakṣo gīḥ śrīḥ kīrtiḥ svayaṃvṛtaḥ | jagadvṛttipradaścakravarttiśreṣṭhodvayāstradhṛk

Sanskrit only: no published translation is held for this verse.

सनकादिमुनिप्राप्य भगवद्भक्तिवर्द्धनः । वर्णाश्रमादिधर्माणां कर्त्ता वक्ता प्रवर्त्तकः

sanakādimuniprāpya bhagavadbhaktivarddhanaḥ | varṇāśramādidharmāṇāṃ karttā vaktā pravarttakaḥ

Sanskrit only: no published translation is held for this verse.

सूर्यवंशध्वजो रामो राघवः सद्गुणार्णवः । काकुत्स्थो वीरराड्राजा राजधर्मधुरंधरः

sūryavaṃśadhvajo rāmo rāghavaḥ sadguṇārṇavaḥ | kākutstho vīrarāḍrājā rājadharmadhuraṃdharaḥ

Sanskrit only: no published translation is held for this verse.

नित्यस्वस्थाश्रयः सर्वभद्र ग्राही शुभैकदृक् । नररत्नं रत्नगर्भो धर्माध्यक्षो महानिधिः । सर्वश्रेष्ठाश्रयः सर्वशास्त्रार्थग्रामवीर्यवान्

nityasvasthāśrayaḥ sarvabhadra grāhī śubhaikadṛk | nararatnaṃ ratnagarbho dharmādhyakṣo mahānidhiḥ | sarvaśreṣṭhāśrayaḥ sarvaśāstrārthagrāmavīryavān

Sanskrit only: no published translation is held for this verse.

जगद्वशो दाशरथिः सर्वरत्नाश्रयो नृपः । समस्तधर्मसूः सर्वधर्मद्रष्टाऽखिलाघहा

jagadvaśo dāśarathiḥ sarvaratnāśrayo nṛpaḥ | samastadharmasūḥ sarvadharmadraṣṭā'khilāghahā

Sanskrit only: no published translation is held for this verse.

अतींद्रो ज्ञानविज्ञानपारदश्च क्षमांबुधिः । सर्वप्रकृष्टशिष्टेष्टो हर्षशोकाद्यनाकुलः । पित्राज्ञात्यक्तसाम्राज्यः सपन्नोदयनिर्भयः

atīṃdro jñānavijñānapāradaśca kṣamāṃbudhiḥ | sarvaprakṛṣṭaśiṣṭeṣṭo harṣaśokādyanākulaḥ | pitrājñātyaktasāmrājyaḥ sapannodayanirbhayaḥ

Sanskrit only: no published translation is held for this verse.

गुहदेशार्पितैश्वर्यः शिवस्पर्द्धाजटाधरः । चित्रकूटाप्तरत्नाद्रिर्जगदीशो वनेचरः

guhadeśārpitaiśvaryaḥ śivasparddhājaṭādharaḥ | citrakūṭāptaratnādrirjagadīśo vanecaraḥ

Sanskrit only: no published translation is held for this verse.

यथेष्टामोघसर्वास्त्रो देवेंद्रतनयाक्षिहा । ब्रह्मेंद्रदिनतैषीको मारीचघ्नो विराधहा

yatheṣṭāmoghasarvāstro deveṃdratanayākṣihā | brahmeṃdradinataiṣīko mārīcaghno virādhahā

Sanskrit only: no published translation is held for this verse.

ब्रह्मशापहताशेष दंडकारण्यपावनः । चतुर्दशसहस्रोग्र रक्षोघ्नैकशरैकधृक्

brahmaśāpahatāśeṣa daṃḍakāraṇyapāvanaḥ | caturdaśasahasrogra rakṣoghnaikaśaraikadhṛk

Sanskrit only: no published translation is held for this verse.

खरारिस्त्रिशिरोहंता दूषणघ्नो जनार्दनः । जटायुषोऽग्निगतिदोऽगस्त्यसर्वस्व मंत्रराट्

kharāristriśirohaṃtā dūṣaṇaghno janārdanaḥ | jaṭāyuṣo'gnigatido'gastyasarvasva maṃtrarāṭ

Sanskrit only: no published translation is held for this verse.

लीलाधनुः कोट्यपास्तदुंदुभ्यस्थिमहाचयः । सप्ततालव्यधाकृष्ट ध्वस्तपातालदानवः

līlādhanuḥ koṭyapāstaduṃdubhyasthimahācayaḥ | saptatālavyadhākṛṣṭa dhvastapātāladānavaḥ

Sanskrit only: no published translation is held for this verse.

सुग्रीवराज्यदो हीनमनसैवाभयप्रदः । हनुमद्रुद्रमुख्येश समस्तकपिदेहभृत्

sugrīvarājyado hīnamanasaivābhayapradaḥ | hanumadrudramukhyeśa samastakapidehabhṛt

Sanskrit only: no published translation is held for this verse.

सनागदैत्यबाणैकव्याकुलीकृतसागरः । सम्लेच्छकोटिबाणैकशुष्कनिर्दग्धसागरः

sanāgadaityabāṇaikavyākulīkṛtasāgaraḥ | samlecchakoṭibāṇaikaśuṣkanirdagdhasāgaraḥ

Sanskrit only: no published translation is held for this verse.

समुद्राद्भुतपूर्वैक बंधसेतुर्यशोनिधिः । असाध्यसाधको लंकासमूलोत्कर्षदक्षिणः

samudrādbhutapūrvaika baṃdhaseturyaśonidhiḥ | asādhyasādhako laṃkāsamūlotkarṣadakṣiṇaḥ

Sanskrit only: no published translation is held for this verse.

वरदृप्तजगच्छल्य पौलस्त्यकुलकृंतनः । रावणिघ्नः प्रहस्तच्छित्कुंभकर्णभिदुग्रहा

varadṛptajagacchalya paulastyakulakṛṃtanaḥ | rāvaṇighnaḥ prahastacchitkuṃbhakarṇabhidugrahā

Sanskrit only: no published translation is held for this verse.

रावणैकशिरश्च्छेत्ता निःशंकेंद्रैकराज्यदः । स्वर्गास्वर्गत्वविच्छेदी देवेंद्रानिंद्रताहरः

rāvaṇaikaśiraścchettā niḥśaṃkeṃdraikarājyadaḥ | svargāsvargatvavicchedī deveṃdrāniṃdratāharaḥ

Sanskrit only: no published translation is held for this verse.

रक्षो देवत्वहृद्धर्मा धर्मत्वघ्नः पुरुष्टुतः । नतिमात्रदशास्यारिर्दत्तराज्यविभीषणः

rakṣo devatvahṛddharmā dharmatvaghnaḥ puruṣṭutaḥ | natimātradaśāsyārirdattarājyavibhīṣaṇaḥ

Sanskrit only: no published translation is held for this verse.

सुधावृष्टिमृताशेष स्वसैन्योज्जीवनैककृत् । देवब्राह्मणनामैक धाता सर्वामरार्चितः

sudhāvṛṣṭimṛtāśeṣa svasainyojjīvanaikakṛt | devabrāhmaṇanāmaika dhātā sarvāmarārcitaḥ

Sanskrit only: no published translation is held for this verse.

ब्रह्मसूर्येंद्ररुद्रादि वृंदार्पितसतीप्रियः । अयोध्याखिलराजन्यः सर्वभूतमनोहरः

brahmasūryeṃdrarudrādi vṛṃdārpitasatīpriyaḥ | ayodhyākhilarājanyaḥ sarvabhūtamanoharaḥ

Sanskrit only: no published translation is held for this verse.

स्वामितुल्यकृपादंडो हीनोत्कृष्टैकसत्प्रियः । स्वपक्षादिन्यायदर्शी हीनार्थाधिकसाधकः

svāmitulyakṛpādaṃḍo hīnotkṛṣṭaikasatpriyaḥ | svapakṣādinyāyadarśī hīnārthādhikasādhakaḥ

Sanskrit only: no published translation is held for this verse.

व्याधव्याजानुचितकृत्तारकोखिलतुल्यकृत् । पार्वत्याधिक्यमुक्तात्मा प्रियात्यक्तः स्मरारिजित्

vyādhavyājānucitakṛttārakokhilatulyakṛt | pārvatyādhikyamuktātmā priyātyaktaḥ smarārijit

Sanskrit only: no published translation is held for this verse.

साक्षात्कुशलवच्छद्मेंद्रादितातोऽपराजितः । कोशलेंद्रो वीरबाहुः सत्यार्थ त्यक्तसोदरः

sākṣātkuśalavacchadmeṃdrāditāto'parājitaḥ | kośaleṃdro vīrabāhuḥ satyārtha tyaktasodaraḥ

Sanskrit only: no published translation is held for this verse.

शरसंधाननिर्धूत धरणीमंडलोदयः । ब्रह्मादिकाम्यसांनिध्यसनाथीकृतदैवतः

śarasaṃdhānanirdhūta dharaṇīmaṃḍalodayaḥ | brahmādikāmyasāṃnidhyasanāthīkṛtadaivataḥ

Sanskrit only: no published translation is held for this verse.

ब्रह्मलोकाप्तचांडालाद्यशेषप्राणिसार्थकः । स्वनीतगर्दभाश्वादिश्चिरायोध्यावनैककृत्

brahmalokāptacāṃḍālādyaśeṣaprāṇisārthakaḥ | svanītagardabhāśvādiścirāyodhyāvanaikakṛt

Sanskrit only: no published translation is held for this verse.

रामद्वितीयः सौमित्रिर्लक्ष्मणः प्रहतेंद्रजित् । विष्णुभक्ताप्तरामांघ्रिपादुकाराज्यनिर्वृतः

rāmadvitīyaḥ saumitrirlakṣmaṇaḥ prahateṃdrajit | viṣṇubhaktāptarāmāṃghripādukārājyanirvṛtaḥ

Sanskrit only: no published translation is held for this verse.

भरतोऽसह्यगंधर्वकोटिघ्नो लवणांतकः । शत्रुघ्नो वैद्यराजायुर्वेदगर्भौषधीपतिः

bharato'sahyagaṃdharvakoṭighno lavaṇāṃtakaḥ | śatrughno vaidyarājāyurvedagarbhauṣadhīpatiḥ

Sanskrit only: no published translation is held for this verse.

नित्यामृतकरो धन्वंतरिर्यज्ञो जगद्धरः । सूर्यारिघ्नः सुराजीवो दक्षिणेशो द्विजप्रियः

nityāmṛtakaro dhanvaṃtariryajño jagaddharaḥ | sūryārighnaḥ surājīvo dakṣiṇeśo dvijapriyaḥ

Sanskrit only: no published translation is held for this verse.

छिन्नमूर्धायदेशार्कः शेषांगस्थापितामरः । विश्वार्थाशेषकद्रास्त्र शिरच्छेदाक्षताकृतिः

chinnamūrdhāyadeśārkaḥ śeṣāṃgasthāpitāmaraḥ | viśvārthāśeṣakadrāstra śiracchedākṣatākṛtiḥ

Sanskrit only: no published translation is held for this verse.

वाजपेयादिनामाग्निर्वेदधर्मपरायणः । श्वेतद्वीपपतिः सांख्यप्रणेता सर्वसिद्धिराट्

vājapeyādināmāgnirvedadharmaparāyaṇaḥ | śvetadvīpapatiḥ sāṃkhyapraṇetā sarvasiddhirāṭ

Sanskrit only: no published translation is held for this verse.

विश्वप्रकाशितज्ञानयोगमोहतमिस्रहा । देवहूत्यात्मजः सिद्धः कपिलः कर्दमात्मजः

viśvaprakāśitajñānayogamohatamisrahā | devahūtyātmajaḥ siddhaḥ kapilaḥ kardamātmajaḥ

Sanskrit only: no published translation is held for this verse.

योगस्वामी ध्यानभंग सगरात्मजभस्मकृत् । धर्मो वृषेन्द्रः सुरभीपतिः शुद्धात्मभावितः

yogasvāmī dhyānabhaṃga sagarātmajabhasmakṛt | dharmo vṛṣendraḥ surabhīpatiḥ śuddhātmabhāvitaḥ

Sanskrit only: no published translation is held for this verse.

शंभुस्त्रिपुरदाहैकस्थैर्थविश्वरथोद्वहः । भक्तशंभुजितो दैत्यामृतवापीसमस्तपः

śaṃbhustripuradāhaikasthairthaviśvarathodvahaḥ | bhaktaśaṃbhujito daityāmṛtavāpīsamastapaḥ

Sanskrit only: no published translation is held for this verse.

महाप्रलयविश्वैकद्वितीयाखिलनागराट् । शेषदेवः सहस्राक्षः सहस्रास्य शिरोभुजः

mahāpralayaviśvaikadvitīyākhilanāgarāṭ | śeṣadevaḥ sahasrākṣaḥ sahasrāsya śirobhujaḥ

Sanskrit only: no published translation is held for this verse.