Padma Purāṇa 6.71

फणामणिकणाकारयोजिताब्ध्यंबुदक्षितिः । कालाग्निरुद्रजनको मुशलास्त्रो हलायुधः

phaṇāmaṇikaṇākārayojitābdhyaṃbudakṣitiḥ | kālāgnirudrajanako muśalāstro halāyudhaḥ

Sanskrit only: no published translation is held for this verse.

नीलांबरो वारुणीशो मनोवाक्कायदोषहा । असंतोषो दृष्टिमात्रपातितैकदशाननः

nīlāṃbaro vāruṇīśo manovākkāyadoṣahā | asaṃtoṣo dṛṣṭimātrapātitaikadaśānanaḥ

Sanskrit only: no published translation is held for this verse.

बलिसंयमनो घोरो रौहिणेयः प्रलंबहा । मुष्टिकघ्नो द्विविदहा कालिंदीकर्षणो बलः

balisaṃyamano ghoro rauhiṇeyaḥ pralaṃbahā | muṣṭikaghno dvividahā kāliṃdīkarṣaṇo balaḥ

Sanskrit only: no published translation is held for this verse.

रेवतीरमणः पूर्वभक्तिखेदाच्युताग्रजः । देवकीवसुदेवाह्व कश्यपादितिनंदनः

revatīramaṇaḥ pūrvabhaktikhedācyutāgrajaḥ | devakīvasudevāhva kaśyapāditinaṃdanaḥ

Sanskrit only: no published translation is held for this verse.

वार्ष्णेयः सात्वतां श्रेष्ठः शौरिर्यदुकुलोद्वहः । नराकृतिः परंब्रह्म सव्यसाची वरप्रदः

vārṣṇeyaḥ sātvatāṃ śreṣṭhaḥ śauriryadukulodvahaḥ | narākṛtiḥ paraṃbrahma savyasācī varapradaḥ

Sanskrit only: no published translation is held for this verse.

ब्रह्मादिकाम्यलालित्य जगदाश्चर्य शैशवः । पूतनाघ्नः शकटभिद्यमलार्जुनभंजनः 6.71.२५०। वातासुरारिः केशिघ्नो धेनुकारिर्गवीश्वरः । दामोदरो गोपदेवो यशोदानंददायकः

brahmādikāmyalālitya jagadāścarya śaiśavaḥ | pūtanāghnaḥ śakaṭabhidyamalārjunabhaṃjanaḥ 6.71.250| vātāsurāriḥ keśighno dhenukārirgavīśvaraḥ | dāmodaro gopadevo yaśodānaṃdadāyakaḥ

Sanskrit only: no published translation is held for this verse.

कालीयमर्दनः सर्वगोपगोपीजनप्रियः । लीलागोवर्द्धनधरो गोविंदो गोकुलोत्सवः

kālīyamardanaḥ sarvagopagopījanapriyaḥ | līlāgovarddhanadharo goviṃdo gokulotsavaḥ

Sanskrit only: no published translation is held for this verse.

अरिष्टमथनः कामोन्मत्तगोपीविमुक्तिदः । सद्यः कुवलयापीडघाती चाणूरमर्दनः

ariṣṭamathanaḥ kāmonmattagopīvimuktidaḥ | sadyaḥ kuvalayāpīḍaghātī cāṇūramardanaḥ

Sanskrit only: no published translation is held for this verse.

कंसारिरुग्रसेनादिराज्यव्यापारितापरः । सुधर्मांकितभूर्लोको जरासंधबलांतकः

kaṃsārirugrasenādirājyavyāpāritāparaḥ | sudharmāṃkitabhūrloko jarāsaṃdhabalāṃtakaḥ

Sanskrit only: no published translation is held for this verse.

त्यक्तभग्नजरासंधो भीमसेनयशःप्रदः । सांदीपनमृतापत्यदाता कालांतकादिजित्

tyaktabhagnajarāsaṃdho bhīmasenayaśaḥpradaḥ | sāṃdīpanamṛtāpatyadātā kālāṃtakādijit

Sanskrit only: no published translation is held for this verse.

समस्तनारकित्राता सर्वभूपतिकोटिजित् । रुक्मिणीरमणो रुक्मिशासनो नरकांतकः

samastanārakitrātā sarvabhūpatikoṭijit | rukmiṇīramaṇo rukmiśāsano narakāṃtakaḥ

Sanskrit only: no published translation is held for this verse.

समस्तसुंदरीकांतो मुरारिर्गरुडध्वजः । एकाकीजितरुद्रार्क मरुदाद्यखिलेश्वरः

samastasuṃdarīkāṃto murārirgaruḍadhvajaḥ | ekākījitarudrārka marudādyakhileśvaraḥ

Sanskrit only: no published translation is held for this verse.

देवेंद्रदर्पहा कल्पद्रुमालंकृतभूतलः । बाणबाहुसहच्छिन्नं नद्यादिगणकोटिजित्

deveṃdradarpahā kalpadrumālaṃkṛtabhūtalaḥ | bāṇabāhusahacchinnaṃ nadyādigaṇakoṭijit

Sanskrit only: no published translation is held for this verse.

लीलाजित महादेवो महादेवैकपूजितः । इंद्रार्थार्जुननिर्भंग जयदः पांडवैकधृक्

līlājita mahādevo mahādevaikapūjitaḥ | iṃdrārthārjunanirbhaṃga jayadaḥ pāṃḍavaikadhṛk

Sanskrit only: no published translation is held for this verse.

काशिराजशिरश्छेत्ता रुद्रशक्त्यैकमर्दनः । विश्वेश्वरप्रसादाक्षः काशीराजसुतार्दनः

kāśirājaśiraśchettā rudraśaktyaikamardanaḥ | viśveśvaraprasādākṣaḥ kāśīrājasutārdanaḥ

Sanskrit only: no published translation is held for this verse.

शंभुप्रतिज्ञाविध्वंसी काशीनिर्दग्धनायकः । काशीशगतकोटिघ्नो लोकशिक्षाद्विजार्चकः

śaṃbhupratijñāvidhvaṃsī kāśīnirdagdhanāyakaḥ | kāśīśagatakoṭighno lokaśikṣādvijārcakaḥ

Sanskrit only: no published translation is held for this verse.

युवतीव्रतयोवश्यः पुराशिववरप्रदः । शंकरैकप्रतिष्ठाधृक्स्वांश शंकरपूजकः

yuvatīvratayovaśyaḥ purāśivavarapradaḥ | śaṃkaraikapratiṣṭhādhṛksvāṃśa śaṃkarapūjakaḥ

Sanskrit only: no published translation is held for this verse.

शिवकन्याव्रतपतिः कृष्णरूप शिवारिहा । महालक्ष्मीवपुर्गौरीत्राता वैदलवृत्रहा

śivakanyāvratapatiḥ kṛṣṇarūpa śivārihā | mahālakṣmīvapurgaurītrātā vaidalavṛtrahā

Sanskrit only: no published translation is held for this verse.

स्वधाममुचुकुंदैकनिष्कालयवनेष्टकृत् । यमुनापतिरानीत परिलीनद्विजात्मजः

svadhāmamucukuṃdaikaniṣkālayavaneṣṭakṛt | yamunāpatirānīta parilīnadvijātmajaḥ

Sanskrit only: no published translation is held for this verse.

श्रीदामरंकभक्तार्थभूम्यानीतेंद्रवैभवः । दुर्वृत्तशिशुपालैकमुक्तिदो द्वारकेश्वरः

śrīdāmaraṃkabhaktārthabhūmyānīteṃdravaibhavaḥ | durvṛttaśiśupālaikamuktido dvārakeśvaraḥ

Sanskrit only: no published translation is held for this verse.

आचांडालदिकप्राप्य द्वारकानिधिकोटिकृत् । अक्रूरोद्धवमुख्यैकभक्तस्वच्छंदमुक्तिदः

ācāṃḍāladikaprāpya dvārakānidhikoṭikṛt | akrūroddhavamukhyaikabhaktasvacchaṃdamuktidaḥ

Sanskrit only: no published translation is held for this verse.

सबालस्त्रीजलक्रीडामृतवापीकृतार्णवः । ब्रह्मास्त्रदग्धगर्भस्थ परीक्षिज्जीवनैककृत्

sabālastrījalakrīḍāmṛtavāpīkṛtārṇavaḥ | brahmāstradagdhagarbhastha parīkṣijjīvanaikakṛt

Sanskrit only: no published translation is held for this verse.

परिलीनद्विजसुतानेताऽर्जुनमदापहः । गूढमुद्राकृतिग्रस्त भीष्माद्यखिलकौरवः

parilīnadvijasutānetā'rjunamadāpahaḥ | gūḍhamudrākṛtigrasta bhīṣmādyakhilakauravaḥ

Sanskrit only: no published translation is held for this verse.

यथार्थखंडिताशेष दिव्यास्त्रपार्थमोहहृत् । गर्भशापछलध्वस्तयादेवोर्वी भयापहः

yathārthakhaṃḍitāśeṣa divyāstrapārthamohahṛt | garbhaśāpachaladhvastayādevorvī bhayāpahaḥ

Sanskrit only: no published translation is held for this verse.

जराव्याधारिगतिदः स्मृतिमात्राखिलेष्टदः । कामदेवो रतिपतिर्मन्मथः शंबरांतकः

jarāvyādhārigatidaḥ smṛtimātrākhileṣṭadaḥ | kāmadevo ratipatirmanmathaḥ śaṃbarāṃtakaḥ

Sanskrit only: no published translation is held for this verse.

अनंगो जितगौरीशो रतिकांतः सदेप्सितः । पुष्पेषुर्विश्वविजयि स्मरः कामेश्वरीप्रियः

anaṃgo jitagaurīśo ratikāṃtaḥ sadepsitaḥ | puṣpeṣurviśvavijayi smaraḥ kāmeśvarīpriyaḥ

Sanskrit only: no published translation is held for this verse.

उषापतिर्विश्वकेतुर्विश्वदृप्तोऽधिपूरुषः । चतुरात्मा चतुर्व्यूहश्चतुर्युगविधायकः

uṣāpatirviśvaketurviśvadṛpto'dhipūruṣaḥ | caturātmā caturvyūhaścaturyugavidhāyakaḥ

Sanskrit only: no published translation is held for this verse.

चतुर्वेदैकविश्वात्मा सर्वोत्कृष्टांशकोटिशः । आश्रमात्मा पुराणर्षिर्व्यासः शाखासहस्रकृत्

caturvedaikaviśvātmā sarvotkṛṣṭāṃśakoṭiśaḥ | āśramātmā purāṇarṣirvyāsaḥ śākhāsahasrakṛt

Sanskrit only: no published translation is held for this verse.

महाभारतनिर्माता कवींद्रो बादरायणः । कृष्णद्वैपायनः सर्वपुरुषार्थैकबोधकः

mahābhāratanirmātā kavīṃdro bādarāyaṇaḥ | kṛṣṇadvaipāyanaḥ sarvapuruṣārthaikabodhakaḥ

Sanskrit only: no published translation is held for this verse.

वेदांतकर्ता ब्रह्मैकव्यंजकः पुरुवंशकृत् । बुद्धो ध्यानजिताशेष देवदेवो जगत्प्रियः

vedāṃtakartā brahmaikavyaṃjakaḥ puruvaṃśakṛt | buddho dhyānajitāśeṣa devadevo jagatpriyaḥ

Sanskrit only: no published translation is held for this verse.

निरायुधो जगज्जैत्रः श्रीधरो दुष्टमोहनः । दैत्यवेदबहिःकर्त्ता वेदार्थश्रुतिगोपकः

nirāyudho jagajjaitraḥ śrīdharo duṣṭamohanaḥ | daityavedabahiḥkarttā vedārthaśrutigopakaḥ

Sanskrit only: no published translation is held for this verse.

शौद्धोदनिर्दष्टदृष्टिः सुखदः सदसस्पतिः । यथायोग्याखिलकृपः सर्वशून्योऽखिलेष्टदः

śauddhodanirdaṣṭadṛṣṭiḥ sukhadaḥ sadasaspatiḥ | yathāyogyākhilakṛpaḥ sarvaśūnyo'khileṣṭadaḥ

Sanskrit only: no published translation is held for this verse.

चतुष्कोटिपृथक्तत्वं प्रज्ञापारमितेश्वरः । पाखंडवेदमार्गेशः पाखंडश्रुतिगोपकः

catuṣkoṭipṛthaktatvaṃ prajñāpāramiteśvaraḥ | pākhaṃḍavedamārgeśaḥ pākhaṃḍaśrutigopakaḥ

Sanskrit only: no published translation is held for this verse.

कल्की विष्णुयशःपुत्रः कलिकालविलोपकः । समस्तम्लेच्छदुष्टघ्नः सर्वशिष्टद्विजातिकृत्

kalkī viṣṇuyaśaḥputraḥ kalikālavilopakaḥ | samastamlecchaduṣṭaghnaḥ sarvaśiṣṭadvijātikṛt

Sanskrit only: no published translation is held for this verse.

सत्यप्रवर्त्तको देव द्विजदीर्घक्षुधापहः । अश्ववारादि रेवंतः पृथ्वीदुर्गतिनाशनः

satyapravarttako deva dvijadīrghakṣudhāpahaḥ | aśvavārādi revaṃtaḥ pṛthvīdurgatināśanaḥ

Sanskrit only: no published translation is held for this verse.

सद्यः क्ष्माऽनंतलक्ष्मीकृन्नष्टनिःशेषधर्मवित् । अनंतस्वर्णयोगैक हेमपूर्णाखिलद्विजः

sadyaḥ kṣmā'naṃtalakṣmīkṛnnaṣṭaniḥśeṣadharmavit | anaṃtasvarṇayogaika hemapūrṇākhiladvijaḥ

Sanskrit only: no published translation is held for this verse.

असाध्यैकजगच्छास्ता विश्ववंद्यो जयध्वजः । आत्मतत्वाधिपः कर्तृश्रेष्ठो विधिरुमापतिः

asādhyaikajagacchāstā viśvavaṃdyo jayadhvajaḥ | ātmatatvādhipaḥ kartṛśreṣṭho vidhirumāpatiḥ

Sanskrit only: no published translation is held for this verse.

भर्तृश्रेष्ठः प्रजेशाग्र्यो मरीचिर्जनकाग्रणीः । कश्यपो देवराजेंद्रः प्रह्लादो दैत्यराट्शशी

bhartṛśreṣṭhaḥ prajeśāgryo marīcirjanakāgraṇīḥ | kaśyapo devarājeṃdraḥ prahlādo daityarāṭśaśī

Sanskrit only: no published translation is held for this verse.

नक्षत्रेशो रविस्तेजः श्रेष्ठः शुक्रः कवीश्वरः । महर्षिराट्भृगुर्विष्णुरादित्येशो बलिस्वराट्

nakṣatreśo ravistejaḥ śreṣṭhaḥ śukraḥ kavīśvaraḥ | maharṣirāṭbhṛgurviṣṇurādityeśo balisvarāṭ

Sanskrit only: no published translation is held for this verse.

वायुर्वह्निः शुचिः श्रेष्ठः शंकरो रुद्रराट्गुरुः । विद्वत्तमश्चित्ररथो गंधर्वाग्र्योक्षरोत्तमः

vāyurvahniḥ śuciḥ śreṣṭhaḥ śaṃkaro rudrarāṭguruḥ | vidvattamaścitraratho gaṃdharvāgryokṣarottamaḥ

Sanskrit only: no published translation is held for this verse.

वर्णादिरग्र्यस्त्रीगौरीशक्त्याग्र्याशीश्च नारदः । देवर्षिराट्पांडवाग्र्योऽर्जुनोवादः प्रवादराट्

varṇādiragryastrīgaurīśaktyāgryāśīśca nāradaḥ | devarṣirāṭpāṃḍavāgryo'rjunovādaḥ pravādarāṭ

Sanskrit only: no published translation is held for this verse.

पवनः पवनेशानो वरुणो यादसां पतिः । गंगातीर्थोत्तमोद्यूतं छलकाग्र्यं वरौषधम्

pavanaḥ pavaneśāno varuṇo yādasāṃ patiḥ | gaṃgātīrthottamodyūtaṃ chalakāgryaṃ varauṣadham

Sanskrit only: no published translation is held for this verse.

अन्नं सुदर्शनोऽस्त्राग्र्यं वज्रं प्रहरणोत्तमम् । उच्चैःश्रवावाजिराज ऐरावतइभेश्वरः

annaṃ sudarśano'strāgryaṃ vajraṃ praharaṇottamam | uccaiḥśravāvājirāja airāvataibheśvaraḥ

Sanskrit only: no published translation is held for this verse.

अरुंधत्येकपत्नीशो ह्यश्वत्थोऽशेषवृक्षराट् । अध्यात्मविद्याविद्याग्र्यः प्रणवच्छंदसां वरः

aruṃdhatyekapatnīśo hyaśvattho'śeṣavṛkṣarāṭ | adhyātmavidyāvidyāgryaḥ praṇavacchaṃdasāṃ varaḥ

Sanskrit only: no published translation is held for this verse.

मेरुर्गिरिपतिर्मार्गो मासाग्र्यः कालसत्तमः । दिनाद्यात्मा पूर्वसिद्धः कपिलः सामवेदराट्

merurgiripatirmārgo māsāgryaḥ kālasattamaḥ | dinādyātmā pūrvasiddhaḥ kapilaḥ sāmavedarāṭ

Sanskrit only: no published translation is held for this verse.

तार्क्ष्यः खगेंद्र ऋत्वग्र्यो वसंतः कल्पपादपः । दातृश्रेष्ठः कामधेनुरार्तिघ्नाग्र्य सुहृत्तमः

tārkṣyaḥ khageṃdra ṛtvagryo vasaṃtaḥ kalpapādapaḥ | dātṛśreṣṭhaḥ kāmadhenurārtighnāgrya suhṛttamaḥ

Sanskrit only: no published translation is held for this verse.

चिंतामणिर्गुरुश्रेष्ठो माता हिततमः पिता । सिंहो मृगेंद्रो नागेंद्रो वासुकिर्नृवरो नृप

ciṃtāmaṇirguruśreṣṭho mātā hitatamaḥ pitā | siṃho mṛgeṃdro nāgeṃdro vāsukirnṛvaro nṛpa

Sanskrit only: no published translation is held for this verse.

वर्णेशो ब्राह्मणश्चेतः करुणाग्र्यं नमोनमः । इत्येतद्वासुदेवस्य विष्णोर्नामसहस्रकम्

varṇeśo brāhmaṇaścetaḥ karuṇāgryaṃ namonamaḥ | ityetadvāsudevasya viṣṇornāmasahasrakam

Sanskrit only: no published translation is held for this verse.

सर्वापराधशमनं परं भक्तिविवर्द्धनम् । अक्षयं ब्रह्मलोकादि सर्वस्वर्गैकसाधनम्

sarvāparādhaśamanaṃ paraṃ bhaktivivarddhanam | akṣayaṃ brahmalokādi sarvasvargaikasādhanam

Sanskrit only: no published translation is held for this verse.

विष्णुलोकैकसोपानं सर्वदुःखविनाशनम् । समस्तसुखदं सद्यः परं निर्वाणदायकम्

viṣṇulokaikasopānaṃ sarvaduḥkhavināśanam | samastasukhadaṃ sadyaḥ paraṃ nirvāṇadāyakam

Sanskrit only: no published translation is held for this verse.

कामक्रोधादिनिःशेषमनोमलविशोधनम् । शांतिदं पावनं नॄणां महापातकिनामपि

kāmakrodhādiniḥśeṣamanomalaviśodhanam | śāṃtidaṃ pāvanaṃ nṝṇāṃ mahāpātakināmapi

Sanskrit only: no published translation is held for this verse.

सर्वेषां प्राणिनामाशु सर्वाभीष्टफलप्रदम् । समस्तविघ्नशमनं सर्वारिष्टविनाशनम्

sarveṣāṃ prāṇināmāśu sarvābhīṣṭaphalapradam | samastavighnaśamanaṃ sarvāriṣṭavināśanam

Sanskrit only: no published translation is held for this verse.

घोरदुःखप्रशमनं तीव्रदारिद्र्यनाशनम् । ऋणत्रयापहं गुह्यं धनधान्ययशस्करम्

ghoraduḥkhapraśamanaṃ tīvradāridryanāśanam | ṛṇatrayāpahaṃ guhyaṃ dhanadhānyayaśaskaram

Sanskrit only: no published translation is held for this verse.

सर्वैश्वर्यप्रदं सर्वसिद्धिदं सर्वधर्मदम् । तीर्थयज्ञतपोदानव्रतकोटिफलप्रदम्

sarvaiśvaryapradaṃ sarvasiddhidaṃ sarvadharmadam | tīrthayajñatapodānavratakoṭiphalapradam

Sanskrit only: no published translation is held for this verse.

जगज्जाड्यप्रशमनं सर्वविद्यापवर्त्तकम् । राज्यदं भ्रष्टराज्यानां रोगिणां सर्वरोगहृत् 6.71.३००। वंध्यानां सुतदं चायुःक्षीणानां जीवितप्रदम् । भूतग्रहविषध्वंसि ग्रहपीडाविनाशनम्

jagajjāḍyapraśamanaṃ sarvavidyāpavarttakam | rājyadaṃ bhraṣṭarājyānāṃ rogiṇāṃ sarvarogahṛt 6.71.300| vaṃdhyānāṃ sutadaṃ cāyuḥkṣīṇānāṃ jīvitapradam | bhūtagrahaviṣadhvaṃsi grahapīḍāvināśanam

Sanskrit only: no published translation is held for this verse.

मांगल्यं पुण्यमायुष्यं श्रवणात्पठनाज्जपात् । सकृदस्याखिलावेदाः सांगा मंत्राश्च कोटिशः

māṃgalyaṃ puṇyamāyuṣyaṃ śravaṇātpaṭhanājjapāt | sakṛdasyākhilāvedāḥ sāṃgā maṃtrāśca koṭiśaḥ

Sanskrit only: no published translation is held for this verse.

पुराणशास्त्रस्मृतयः श्रुता स्युः पठितास्तथा । जप्त्वा चैकाक्षरं श्लोकं पादं वा पठति प्रिये

purāṇaśāstrasmṛtayaḥ śrutā syuḥ paṭhitāstathā | japtvā caikākṣaraṃ ślokaṃ pādaṃ vā paṭhati priye

Sanskrit only: no published translation is held for this verse.

नित्यं सिध्यति सर्वेष्टमचिरात्किमुताखिलम् । नानेन सदृशं सद्यः प्रत्ययं सर्वकर्मसु

nityaṃ sidhyati sarveṣṭamacirātkimutākhilam | nānena sadṛśaṃ sadyaḥ pratyayaṃ sarvakarmasu

Sanskrit only: no published translation is held for this verse.

इदं भद्रे त्वया गोप्यं पाठ्यं स्वार्थैकसिद्धये । नावैष्णवाय दातव्यं विकल्पोपहतात्मने

idaṃ bhadre tvayā gopyaṃ pāṭhyaṃ svārthaikasiddhaye | nāvaiṣṇavāya dātavyaṃ vikalpopahatātmane

Sanskrit only: no published translation is held for this verse.

भक्तिश्रद्धाविहीनाय विष्णुसामान्यदर्शिने । देयं पुत्राय शिष्याय सुहृदे हितकाम्यया

bhaktiśraddhāvihīnāya viṣṇusāmānyadarśine | deyaṃ putrāya śiṣyāya suhṛde hitakāmyayā

Sanskrit only: no published translation is held for this verse.

मत्प्रसादादृतेनेदं ग्रहीष्यंत्यल्पमेधसः । कलौ सद्यः फलं कल्पग्रामं नेष्यति नारदः

matprasādādṛtenedaṃ grahīṣyaṃtyalpamedhasaḥ | kalau sadyaḥ phalaṃ kalpagrāmaṃ neṣyati nāradaḥ

Sanskrit only: no published translation is held for this verse.

लोकानां भाग्यहीनानां येन दुःखं विनश्यति । द्वित्रेषु वैष्णवेष्वेतदार्यावर्ते भविष्यति

lokānāṃ bhāgyahīnānāṃ yena duḥkhaṃ vinaśyati | dvitreṣu vaiṣṇaveṣvetadāryāvarte bhaviṣyati

Sanskrit only: no published translation is held for this verse.

नास्ति विष्णोः परं धाम नास्ति विष्णोः परं तपः । नास्ति विष्णोः परो धर्मो नास्ति मंत्रो ह्यवैष्णवः

nāsti viṣṇoḥ paraṃ dhāma nāsti viṣṇoḥ paraṃ tapaḥ | nāsti viṣṇoḥ paro dharmo nāsti maṃtro hyavaiṣṇavaḥ

Sanskrit only: no published translation is held for this verse.

नास्ति विष्णोः परं सत्यं नास्ति विष्णोः परो मखः । नास्ति विष्णोः परं ध्यानं नास्ति विष्णोः परा गतिः

nāsti viṣṇoḥ paraṃ satyaṃ nāsti viṣṇoḥ paro makhaḥ | nāsti viṣṇoḥ paraṃ dhyānaṃ nāsti viṣṇoḥ parā gatiḥ

Sanskrit only: no published translation is held for this verse.

किं तस्य बहुभिर्मंत्रैः शास्त्रैर्वा र्बहुविस्तरैः । वाजपेयसहस्रैर्वा भक्तिर्यस्य जनार्दने

kiṃ tasya bahubhirmaṃtraiḥ śāstrairvā rbahuvistaraiḥ | vājapeyasahasrairvā bhaktiryasya janārdane

Sanskrit only: no published translation is held for this verse.

सर्वतीर्थमयो विष्णुः सर्वशास्त्रमयः प्रभुः । सर्वक्रतुमयो विष्णुः सत्यं सत्यं वदाम्यहम् । आब्रह्मसारसर्वस्वं सर्वमेतन्मयोदितम्

sarvatīrthamayo viṣṇuḥ sarvaśāstramayaḥ prabhuḥ | sarvakratumayo viṣṇuḥ satyaṃ satyaṃ vadāmyaham | ābrahmasārasarvasvaṃ sarvametanmayoditam

Sanskrit only: no published translation is held for this verse.

पार्वत्युवाच- धन्यास्म्यनुगृहीतास्मि कृतार्थास्मि जगत्पते । यन्मयेदं श्रुतं स्तोत्रं त्वद्रहस्यं सुदुर्लभम्

pārvatyuvāca- dhanyāsmyanugṛhītāsmi kṛtārthāsmi jagatpate | yanmayedaṃ śrutaṃ stotraṃ tvadrahasyaṃ sudurlabham

Sanskrit only: no published translation is held for this verse.

अहो बत महत्कष्टं समस्तदुःखहे हरौ । विद्यमानेऽपि देवेशे मूढाः क्लिश्यंति संसृतौ

aho bata mahatkaṣṭaṃ samastaduḥkhahe harau | vidyamāne'pi deveśe mūḍhāḥ kliśyaṃti saṃsṛtau

Sanskrit only: no published translation is held for this verse.

यमुद्दिश्य सदा नाथं महेशोऽपि दिगंबरः । जटिलो भस्मलिप्तांगो तपस्वी वीक्ष्यते जनैः

yamuddiśya sadā nāthaṃ maheśo'pi digaṃbaraḥ | jaṭilo bhasmaliptāṃgo tapasvī vīkṣyate janaiḥ

Sanskrit only: no published translation is held for this verse.

ततोऽधिकोऽस्ति देवः को लक्ष्मीकांतान्मधुद्विषः । यत्तत्त्वं चिंत्यते नित्यं त्वया योगेश्वरेण हि

tato'dhiko'sti devaḥ ko lakṣmīkāṃtānmadhudviṣaḥ | yattattvaṃ ciṃtyate nityaṃ tvayā yogeśvareṇa hi

Sanskrit only: no published translation is held for this verse.

ततः परं किमधिकं पदं श्रीपुरुषोत्तमात् । तमविज्ञाय कं मूढाः यजंते ज्ञानमानिनः

tataḥ paraṃ kimadhikaṃ padaṃ śrīpuruṣottamāt | tamavijñāya kaṃ mūḍhāḥ yajaṃte jñānamāninaḥ

Sanskrit only: no published translation is held for this verse.

मुषितास्मि त्वया नाथ चिरं यदयमीश्वरः । प्रकाशितो न मे यस्मात्त्वदाद्या दिव्यशक्तयः

muṣitāsmi tvayā nātha ciraṃ yadayamīśvaraḥ | prakāśito na me yasmāttvadādyā divyaśaktayaḥ

Sanskrit only: no published translation is held for this verse.

अहो सर्वेश्वरो विष्णुः सर्वदेवोत्तमोत्तमः । भवदादिगुरुर्मूढैः सामान्य इव वीक्ष्यते

aho sarveśvaro viṣṇuḥ sarvadevottamottamaḥ | bhavadādigururmūḍhaiḥ sāmānya iva vīkṣyate

Sanskrit only: no published translation is held for this verse.

महीयसां हि माहात्म्यं भजमानान्भजंति ते । द्विषतोऽपि वृथा पापानुपेक्ष्यंते क्षमान्विताः

mahīyasāṃ hi māhātmyaṃ bhajamānānbhajaṃti te | dviṣato'pi vṛthā pāpānupekṣyaṃte kṣamānvitāḥ

Sanskrit only: no published translation is held for this verse.

मयापि बाल्ये स्वपितुः प्रजा दृष्टा बुभुक्षिताः । दुःखादशक्तया पोष्टुं श्रियमाराध्य वै भृताः

mayāpi bālye svapituḥ prajā dṛṣṭā bubhukṣitāḥ | duḥkhādaśaktayā poṣṭuṃ śriyamārādhya vai bhṛtāḥ

Sanskrit only: no published translation is held for this verse.

तया संनिहिताभ्यश्च प्रजाभ्यो भवदादयः । विलसंति स शक्राद्याः ससुहृन्मित्रबांधवाः

tayā saṃnihitābhyaśca prajābhyo bhavadādayaḥ | vilasaṃti sa śakrādyāḥ sasuhṛnmitrabāṃdhavāḥ

Sanskrit only: no published translation is held for this verse.

तया विना क्व देवत्वं क्वैश्वर्यं क्व परिग्रहः । सर्वे भवंति जीवंतो यातनास्वेव संस्थिताः

tayā vinā kva devatvaṃ kvaiśvaryaṃ kva parigrahaḥ | sarve bhavaṃti jīvaṃto yātanāsveva saṃsthitāḥ

Sanskrit only: no published translation is held for this verse.

तामृतेनैव धर्मोऽथ कामो मोक्षोऽपि दूरतः । क्षुधितानां दुर्गतानां कुतो योगसमाधयः

tāmṛtenaiva dharmo'tha kāmo mokṣo'pi dūrataḥ | kṣudhitānāṃ durgatānāṃ kuto yogasamādhayaḥ

Sanskrit only: no published translation is held for this verse.

स च संसारसारैकः सर्वलोकैकनायकः । वशगा कमला यस्य त्यक्त्वा तामपि शंकरः

sa ca saṃsārasāraikaḥ sarvalokaikanāyakaḥ | vaśagā kamalā yasya tyaktvā tāmapi śaṃkaraḥ

Sanskrit only: no published translation is held for this verse.

अनौद्धत्येन शौचेन रूपेणार्जवसंपदा । सर्वातिशयवीर्येण संपूर्णस्य महात्मनः

anauddhatyena śaucena rūpeṇārjavasaṃpadā | sarvātiśayavīryeṇa saṃpūrṇasya mahātmanaḥ

Sanskrit only: no published translation is held for this verse.

कस्तेन तुल्यतामेति देवदेवेन विष्णुना । यस्यांशांशावतारेण विना सर्वं विलीयते

kastena tulyatāmeti devadevena viṣṇunā | yasyāṃśāṃśāvatāreṇa vinā sarvaṃ vilīyate

Sanskrit only: no published translation is held for this verse.

जगदेतत्तथाप्याहुर्दोषायैतद्विमोहिताः । नास्य जन्म न वा मृत्युर्नाप्राप्यं स्वार्थमेव च

jagadetattathāpyāhurdoṣāyaitadvimohitāḥ | nāsya janma na vā mṛtyurnāprāpyaṃ svārthameva ca

Sanskrit only: no published translation is held for this verse.

कामाद्यासक्तचित्तत्वात्किं तु सर्वेश्वरप्रभो । त्वन्मयत्वात्प्रमादाद्वा शक्नोमि पठितुं न चेत्

kāmādyāsaktacittatvātkiṃ tu sarveśvaraprabho | tvanmayatvātpramādādvā śaknomi paṭhituṃ na cet

Sanskrit only: no published translation is held for this verse.

विष्णोः सहस्रनामैतत्प्रत्यहं वृषभध्वज । नाम्नैकेन तु येन स्यात्तत्फलं ब्रूहि मे प्रभो

viṣṇoḥ sahasranāmaitatpratyahaṃ vṛṣabhadhvaja | nāmnaikena tu yena syāttatphalaṃ brūhi me prabho

Sanskrit only: no published translation is held for this verse.

महादेव उवाच- रामरामेति रामेति रमे रामे मनोरमे । सहस्रनामतत्तुल्यं रामनाम वरानने

mahādeva uvāca- rāmarāmeti rāmeti rame rāme manorame | sahasranāmatattulyaṃ rāmanāma varānane

Sanskrit only: no published translation is held for this verse.