Padma Purāṇa 7.11

व्यास उवाच- जैमिने विधिना येन पूजितव्यो हरिः सदा । तमहं वच्मि विप्रर्षे शृणु वत्स समाहितः

vyāsa uvāca- jaimine vidhinā yena pūjitavyo hariḥ sadā | tamahaṃ vacmi viprarṣe śṛṇu vatsa samāhitaḥ

Sanskrit only: no published translation is held for this verse.

कल्य उत्थाय पर्यंकाद्गृहीत्वा पात्रमंभसाम् । बहिर्देशं व्रजेत्प्राज्ञः शीर्षमाच्छाद्य वाससा

kalya utthāya paryaṃkādgṛhītvā pātramaṃbhasām | bahirdeśaṃ vrajetprājñaḥ śīrṣamācchādya vāsasā

Sanskrit only: no published translation is held for this verse.

तत्रोदीच्यां दिशि मौनी यज्ञसूत्राणि कर्णयोः । कृत्वोपविष्टः प्राज्ञस्तु मलमूत्रं विसर्जयेत्

tatrodīcyāṃ diśi maunī yajñasūtrāṇi karṇayoḥ | kṛtvopaviṣṭaḥ prājñastu malamūtraṃ visarjayet

Sanskrit only: no published translation is held for this verse.

देवतायतने मार्गे गोष्ठेषु चत्वरेषु च । रथ्यायां कृष्टभूमौ च दर्भमूले तथांगणे

devatāyatane mārge goṣṭheṣu catvareṣu ca | rathyāyāṃ kṛṣṭabhūmau ca darbhamūle tathāṃgaṇe

Sanskrit only: no published translation is held for this verse.

तटिनी पुलिने चैत्त्यवृक्षमूले तथा वने । तडागवापीगर्भेषु मलमूत्रं च न त्यजेत्

taṭinī puline caittyavṛkṣamūle tathā vane | taḍāgavāpīgarbheṣu malamūtraṃ ca na tyajet

Sanskrit only: no published translation is held for this verse.

रविं चंद्रमसं चैव द्विजान्गाश्च दिशो दश । मलमूत्रं त्यजेद्यावत्तावत्प्राज्ञो न पश्यति

raviṃ caṃdramasaṃ caiva dvijāngāśca diśo daśa | malamūtraṃ tyajedyāvattāvatprājño na paśyati

Sanskrit only: no published translation is held for this verse.

खनितां मूषिकाद्यैश्च बिलाभ्यंतरवर्तिनीम् । फालकृष्टां मृदं चैव न गृह्णीयाच्छौचहेतवे

khanitāṃ mūṣikādyaiśca bilābhyaṃtaravartinīm | phālakṛṣṭāṃ mṛdaṃ caiva na gṛhṇīyācchaucahetave

Sanskrit only: no published translation is held for this verse.

जलाज्जलं समानीय शौचं कुर्याद्विचक्षणः । पादं जलेषु वै दत्वा न शौचं कुरुते बुधः

jalājjalaṃ samānīya śaucaṃ kuryādvicakṣaṇaḥ | pādaṃ jaleṣu vai datvā na śaucaṃ kurute budhaḥ

Sanskrit only: no published translation is held for this verse.

दक्षिणाभिमुखो रात्रौ कुर्यात्प्राज्ञो बहिःक्रियाम् । शिरः प्रावृत्य वस्त्रेण ततः शौचं समाचरेत्

dakṣiṇābhimukho rātrau kuryātprājño bahiḥkriyām | śiraḥ prāvṛtya vastreṇa tataḥ śaucaṃ samācaret

Sanskrit only: no published translation is held for this verse.

मृत्तिकैका प्रदातव्या लिंगे तिस्रस्तु वै गुदे । सप्त सव्ये करे प्राज्ञैर्हस्तयोरुभयोर्दश

mṛttikaikā pradātavyā liṃge tisrastu vai gude | sapta savye kare prājñairhastayorubhayordaśa

Sanskrit only: no published translation is held for this verse.

पादयोः षट्प्रदातव्या मृत्तिका च विचक्षणैः । कृतशौचक्रियः प्राज्ञः कुर्याद्दंतस्य धावनम्

pādayoḥ ṣaṭpradātavyā mṛttikā ca vicakṣaṇaiḥ | kṛtaśaucakriyaḥ prājñaḥ kuryāddaṃtasya dhāvanam

Sanskrit only: no published translation is held for this verse.

जिह्वपामार्जनं चैव दशनाच्छादनादिभिः । दक्षिणाभिमुखो भूत्वा पश्चिमाभिमुखस्तथा

jihvapāmārjanaṃ caiva daśanācchādanādibhiḥ | dakṣiṇābhimukho bhūtvā paścimābhimukhastathā

Sanskrit only: no published translation is held for this verse.

न दंतधावनं कुर्यात्कुर्याच्चेन्नारकी भवेत् । मध्यमानामिकाभ्यां च वृद्धांगुष्ठेन च द्विज

na daṃtadhāvanaṃ kuryātkuryāccennārakī bhavet | madhyamānāmikābhyāṃ ca vṛddhāṃguṣṭhena ca dvija

Sanskrit only: no published translation is held for this verse.

दंतस्य धावनं कुर्यान्न तर्जन्या कदाचन । अश्वत्थवटवृक्षाणां धात्र्या कैथिकया बुधः

daṃtasya dhāvanaṃ kuryānna tarjanyā kadācana | aśvatthavaṭavṛkṣāṇāṃ dhātryā kaithikayā budhaḥ

Sanskrit only: no published translation is held for this verse.

न दंतधावनं कुर्यात्तथेंद्रस्यसुरस्य च । नित्यं क्रियाफलं तस्य सर्वमेव विनश्यति

na daṃtadhāvanaṃ kuryāttatheṃdrasyasurasya ca | nityaṃ kriyāphalaṃ tasya sarvameva vinaśyati

Sanskrit only: no published translation is held for this verse.

यः स्नानसमये कुर्याज्जैमिने दंतधावनम् । निराशाः पितरो यांति तस्य देवाः सुरर्षयः

yaḥ snānasamaye kuryājjaimine daṃtadhāvanam | nirāśāḥ pitaro yāṃti tasya devāḥ surarṣayaḥ

Sanskrit only: no published translation is held for this verse.

दंतस्य धावनं कुर्याद्यो मध्याह्नापराह्णयोः । तस्य पूजां न गृह्णंति देवताः पितरो जलम्

daṃtasya dhāvanaṃ kuryādyo madhyāhnāparāhṇayoḥ | tasya pūjāṃ na gṛhṇaṃti devatāḥ pitaro jalam

Sanskrit only: no published translation is held for this verse.

स्नानकाले पुष्करिण्यां यः कुर्याद्दंतधावनम् । ततो ज्ञेयः स चांडालो यावद्गंगां न पश्यति

snānakāle puṣkariṇyāṃ yaḥ kuryāddaṃtadhāvanam | tato jñeyaḥ sa cāṃḍālo yāvadgaṃgāṃ na paśyati

Sanskrit only: no published translation is held for this verse.

भगवत्युदिते सूर्ये यः कुर्याद्दंतधावनम् । तद्दंतकाष्ठं पितरो भुक्त्वा गच्छंति दुःखिनः

bhagavatyudite sūrye yaḥ kuryāddaṃtadhāvanam | taddaṃtakāṣṭhaṃ pitaro bhuktvā gacchaṃti duḥkhinaḥ

Sanskrit only: no published translation is held for this verse.

उपवासदिने विप्र पितृश्राद्धदिने तथा । न तत्फलमवाप्नोति दंतधावनकृन्नरः

upavāsadine vipra pitṛśrāddhadine tathā | na tatphalamavāpnoti daṃtadhāvanakṛnnaraḥ

Sanskrit only: no published translation is held for this verse.

प्रभाते मार्जयेद्दंतान्वाससा रसनां तथा । कुर्याद्द्वादश विप्रेंद्र कल्लोलानि जलैर्बुधः

prabhāte mārjayeddaṃtānvāsasā rasanāṃ tathā | kuryāddvādaśa vipreṃdra kallolāni jalairbudhaḥ

Sanskrit only: no published translation is held for this verse.

उपवासे पितृश्राद्धे विधिनाऽनेन जैमिने । दंतधावनकृन्मर्त्यः संपूर्णं लभते फलम्

upavāse pitṛśrāddhe vidhinā'nena jaimine | daṃtadhāvanakṛnmartyaḥ saṃpūrṇaṃ labhate phalam

Sanskrit only: no published translation is held for this verse.

अनेन विधिना कृत्वा दीर्घदर्शी बहिः क्रियाम् । ततो निजगृहं गत्वा रात्रिवस्त्रं परित्यजेत्

anena vidhinā kṛtvā dīrghadarśī bahiḥ kriyām | tato nijagṛhaṃ gatvā rātrivastraṃ parityajet

Sanskrit only: no published translation is held for this verse.

ततो देवगृहद्वारे चोपविष्टो बुधः शुचिः । स्मरेन्नारायणं देवमनंतं परमेश्वरम्

tato devagṛhadvāre copaviṣṭo budhaḥ śuciḥ | smarennārāyaṇaṃ devamanaṃtaṃ parameśvaram

Sanskrit only: no published translation is held for this verse.

रामश्यामतनो विष्णो नारायण दयामय । जनार्दन जगद्धाम पापं मे हर केशव

rāmaśyāmatano viṣṇo nārāyaṇa dayāmaya | janārdana jagaddhāma pāpaṃ me hara keśava

Sanskrit only: no published translation is held for this verse.

पीतांबरधरानंत पद्मनाभ जगन्मय । वामन प्रणतस्येश विभो त्वं शरणं भव

pītāṃbaradharānaṃta padmanābha jaganmaya | vāmana praṇatasyeśa vibho tvaṃ śaraṇaṃ bhava

Sanskrit only: no published translation is held for this verse.

दामोदर यदुश्रेष्ठ श्रीकृष्ण करुणार्णव । कमलेक्षण देवेंद्र वासुदेव कृपां कुरु

dāmodara yaduśreṣṭha śrīkṛṣṇa karuṇārṇava | kamalekṣaṇa deveṃdra vāsudeva kṛpāṃ kuru

Sanskrit only: no published translation is held for this verse.

गरुडध्वज गोविंद विश्वंभर गदाधर । शंखपाणे चक्रपाणे पद्महस्त हरापदः

garuḍadhvaja goviṃda viśvaṃbhara gadādhara | śaṃkhapāṇe cakrapāṇe padmahasta harāpadaḥ

Sanskrit only: no published translation is held for this verse.

लक्ष्मीविलास वैकुंठ हृषीकेश सुरोत्तम । पुरुषोत्तम कंसारे कैटभारे भयं हर

lakṣmīvilāsa vaikuṃṭha hṛṣīkeśa surottama | puruṣottama kaṃsāre kaiṭabhāre bhayaṃ hara

Sanskrit only: no published translation is held for this verse.

श्रीपते श्रीधर विभो श्रीद श्रीकर माधव । परंब्रह्म परंधाम शरणं मे भवाव्यय

śrīpate śrīdhara vibho śrīda śrīkara mādhava | paraṃbrahma paraṃdhāma śaraṇaṃ me bhavāvyaya

Sanskrit only: no published translation is held for this verse.

इत्थं कृत्वा द्विजश्रेष्ठ श्रीविष्णुस्मरणं बुधः । बद्धांजलिरिति ब्रूते प्रविश्य निलयं गतः

itthaṃ kṛtvā dvijaśreṣṭha śrīviṣṇusmaraṇaṃ budhaḥ | baddhāṃjaliriti brūte praviśya nilayaṃ gataḥ

Sanskrit only: no published translation is held for this verse.

ईश्वर श्रीपते कृष्ण देवकीनंदन प्रभो । निद्रां मुंच जगन्नाथ प्रभातसमयोऽभवत्

īśvara śrīpate kṛṣṇa devakīnaṃdana prabho | nidrāṃ muṃca jagannātha prabhātasamayo'bhavat

Sanskrit only: no published translation is held for this verse.

अथोस्थितमिव प्राज्ञः पर्यंके देवकीसुतम् । निद्रां त्यक्त्वा सलक्ष्मीकं चिंतयेन्निज चेतसा

athosthitamiva prājñaḥ paryaṃke devakīsutam | nidrāṃ tyaktvā salakṣmīkaṃ ciṃtayennija cetasā

Sanskrit only: no published translation is held for this verse.

ततः कृतच्छदं दिव्यं पात्रं च जलपूरितम् । मुखप्रक्षालनार्थाय दद्यात्कृष्णाय वैष्णवः

tataḥ kṛtacchadaṃ divyaṃ pātraṃ ca jalapūritam | mukhaprakṣālanārthāya dadyātkṛṣṇāya vaiṣṇavaḥ

Sanskrit only: no published translation is held for this verse.

ईश्वरं वर्तनार्थाय सेवंते सेवका यथा । तथैव मतिमंतोपि सेवंते परमेश्वरम्

īśvaraṃ vartanārthāya sevaṃte sevakā yathā | tathaiva matimaṃtopi sevaṃte parameśvaram

Sanskrit only: no published translation is held for this verse.

यस्तु सेवकरूपेण सेवते जगदीश्वरम् । अचिरेणैव विप्रर्षे तस्य सिध्यति वांछितम्

yastu sevakarūpeṇa sevate jagadīśvaram | acireṇaiva viprarṣe tasya sidhyati vāṃchitam

Sanskrit only: no published translation is held for this verse.

यथेश्वरस्य सभयाः सेवां कुर्वंति चेटकाः । प्राज्ञास्तथैव सेवंते सर्वदैव हरिं प्रभुम्

yatheśvarasya sabhayāḥ sevāṃ kurvaṃti ceṭakāḥ | prājñāstathaiva sevaṃte sarvadaiva hariṃ prabhum

Sanskrit only: no published translation is held for this verse.

निजेच्छयानया विष्णुं निर्भयः पूजयेन्नरः । कुसेवकः स एवास्ति तदा नहि भवेद्द्विज

nijecchayānayā viṣṇuṃ nirbhayaḥ pūjayennaraḥ | kusevakaḥ sa evāsti tadā nahi bhaveddvija

Sanskrit only: no published translation is held for this verse.

अतएव द्विजश्रेष्ठ त्वरया कमलापतेः । कर्त्तव्या सर्वदा सेवा पुंसा कैवल्यमिच्छुना

ataeva dvijaśreṣṭha tvarayā kamalāpateḥ | karttavyā sarvadā sevā puṃsā kaivalyamicchunā

Sanskrit only: no published translation is held for this verse.

निर्माल्यं रात्रिवस्त्रं च गंधं पर्युषितं तथा । हरेरुत्तारयेदंगात्प्रभाते वैष्णवो जनः

nirmālyaṃ rātrivastraṃ ca gaṃdhaṃ paryuṣitaṃ tathā | hareruttārayedaṃgātprabhāte vaiṣṇavo janaḥ

Sanskrit only: no published translation is held for this verse.

ततो देवालये तस्मिन्स्वयमेव हि मार्जयेत् । कुर्याच्छनैःशनैः प्राज्ञः संमार्जन्या परिष्क्रियाम्

tato devālaye tasminsvayameva hi mārjayet | kuryācchanaiḥśanaiḥ prājñaḥ saṃmārjanyā pariṣkriyām

Sanskrit only: no published translation is held for this verse.

यावंतो निलयात्तस्माद्गच्छंति रेणवो बहिः । तावन्मन्वंतरशतं तिष्ठेद्विष्णुगृहे नरः

yāvaṃto nilayāttasmādgacchaṃti reṇavo bahiḥ | tāvanmanvaṃtaraśataṃ tiṣṭhedviṣṇugṛhe naraḥ

Sanskrit only: no published translation is held for this verse.

यस्तु संमार्जनं कुर्याद्ब्रह्महापि हरेर्गृहे । सोपि याति परं धाम किमन्यैर्बहुभाषितैः

yastu saṃmārjanaṃ kuryādbrahmahāpi harergṛhe | sopi yāti paraṃ dhāma kimanyairbahubhāṣitaiḥ

Sanskrit only: no published translation is held for this verse.

तथोपलेपनं कुर्यादूर्णकैर्गोमयैर्द्विज । तस्मिन्विष्णुगृहे प्राज्ञः स्मरेन्नारायणं प्रभुम्

tathopalepanaṃ kuryādūrṇakairgomayairdvija | tasminviṣṇugṛhe prājñaḥ smarennārāyaṇaṃ prabhum

Sanskrit only: no published translation is held for this verse.

यस्तूपलेपनं कुर्यात्केशवस्य च मंदिरे । तस्य पुण्यमहं वच्मि संक्षेपाच्छृणु जैमिने

yastūpalepanaṃ kuryātkeśavasya ca maṃdire | tasya puṇyamahaṃ vacmi saṃkṣepācchṛṇu jaimine

Sanskrit only: no published translation is held for this verse.

रजांसि तत्र यावंति विनश्यंति द्विजोत्तम । तावत्कल्पसहस्राणि तिष्ठेद्विष्णुगृहे सुखी

rajāṃsi tatra yāvaṃti vinaśyaṃti dvijottama | tāvatkalpasahasrāṇi tiṣṭhedviṣṇugṛhe sukhī

Sanskrit only: no published translation is held for this verse.

संमार्जनं विष्णुगृहे जनः कृत्वोपलेपनम् । लभते परमं धाम किं पूजाफलवित्प्रभोः

saṃmārjanaṃ viṣṇugṛhe janaḥ kṛtvopalepanam | labhate paramaṃ dhāma kiṃ pūjāphalavitprabhoḥ

Sanskrit only: no published translation is held for this verse.

देव राज विरोधेन न शक्नोति यदा स्वयम् । तदा विष्णुगृहे चापि धर्मपत्नीं नियोजयेत्

deva rāja virodhena na śaknoti yadā svayam | tadā viṣṇugṛhe cāpi dharmapatnīṃ niyojayet

Sanskrit only: no published translation is held for this verse.

अथवा तनयं भक्तं सुचरित्रं तथात्मनः । भ्रातरं भगिनीं वापि देवागारे नियोजयेत्

athavā tanayaṃ bhaktaṃ sucaritraṃ tathātmanaḥ | bhrātaraṃ bhaginīṃ vāpi devāgāre niyojayet

Sanskrit only: no published translation is held for this verse.

हरेः सपर्यावस्तूनि सप्तधा शुद्धवारिभिः । प्रक्षालयेत्त्रिधा वापि स्वयमेवातियत्नतः ५० 7.11.50। अम्लेन ताम्रपात्राणि कांस्यपात्राणि भस्मना । वह्निना लोहपात्राणि शुध्यंति नात्र संशयः

hareḥ saparyāvastūni saptadhā śuddhavāribhiḥ | prakṣālayettridhā vāpi svayamevātiyatnataḥ 50 7.11.50| amlena tāmrapātrāṇi kāṃsyapātrāṇi bhasmanā | vahninā lohapātrāṇi śudhyaṃti nātra saṃśayaḥ

Sanskrit only: no published translation is held for this verse.

धनाढ्यो लोहपात्रस्थैर्यः स्नापयति वारिभिः । नारायणं जगन्नाथं तस्य तुष्टो न केशवः

dhanāḍhyo lohapātrasthairyaḥ snāpayati vāribhiḥ | nārāyaṇaṃ jagannāthaṃ tasya tuṣṭo na keśavaḥ

Sanskrit only: no published translation is held for this verse.

अज्ञानाद्वापि चेत्तर्हि गंगास्नानेन शुद्ध्यति । संपदि ब्राह्मणश्रेष्ठ कर्त्तव्यो नियमः सदा

ajñānādvāpi cettarhi gaṃgāsnānena śuddhyati | saṃpadi brāhmaṇaśreṣṭha karttavyo niyamaḥ sadā

Sanskrit only: no published translation is held for this verse.

विपत्त्यां नियमो नास्ति शास्त्रेष्विति विनिश्चयः । यत्नात्प्रक्षालितः शङ्खो यदा भूमिं स्पृशेत्पुनः

vipattyāṃ niyamo nāsti śāstreṣviti viniścayaḥ | yatnātprakṣālitaḥ śaṅkho yadā bhūmiṃ spṛśetpunaḥ

Sanskrit only: no published translation is held for this verse.

तदा स शङ्खो विप्रेंद्र शतधौतेन शुध्यति । इत्थं प्रक्षाल्य यत्नेन पूजाद्रव्याणि चक्रिणः

tadā sa śaṅkho vipreṃdra śatadhautena śudhyati | itthaṃ prakṣālya yatnena pūjādravyāṇi cakriṇaḥ

Sanskrit only: no published translation is held for this verse.

गृहीत्वा स्नानवस्तूनि स्नानार्थं सरसीं व्रजेत् । अकृत्वा स्नानकर्माणि गृहमायाति यः पुनः

gṛhītvā snānavastūni snānārthaṃ sarasīṃ vrajet | akṛtvā snānakarmāṇi gṛhamāyāti yaḥ punaḥ

Sanskrit only: no published translation is held for this verse.

तस्मिन्दिने पितृगणस्तस्य नाप्नोति तर्पणम् । स्नानार्थं भोजनार्थं वा गच्छतो विघ्नकृद्भवेत्

tasmindine pitṛgaṇastasya nāpnoti tarpaṇam | snānārthaṃ bhojanārthaṃ vā gacchato vighnakṛdbhavet

Sanskrit only: no published translation is held for this verse.

यस्तु मोहाद्द्विजश्रेष्ठ स नूनं नारकी भवेत् । स्नानार्थं सरसीं गत्वा मलमूत्रं करोति यः

yastu mohāddvijaśreṣṭha sa nūnaṃ nārakī bhavet | snānārthaṃ sarasīṃ gatvā malamūtraṃ karoti yaḥ

Sanskrit only: no published translation is held for this verse.

पितरस्तस्य विण्वमूत्रभोजिनः स्युर्न संशयः । ततः कृत्वा विधानेन स्नानं च तर्पणादिकम्

pitarastasya viṇvamūtrabhojinaḥ syurna saṃśayaḥ | tataḥ kṛtvā vidhānena snānaṃ ca tarpaṇādikam

Sanskrit only: no published translation is held for this verse.

स्वकीयं गृहमागच्छेत्स्मरेन्नारायणं बुधः । ततश्च प्रांगणे विप्र प्रक्षाल्य चरणद्वयम्

svakīyaṃ gṛhamāgacchetsmarennārāyaṇaṃ budhaḥ | tataśca prāṃgaṇe vipra prakṣālya caraṇadvayam

Sanskrit only: no published translation is held for this verse.

प्रविशेद्देवतागारं शुचिर्ब्राह्मणसत्तमः । अप्रक्षालितपादो यः प्रविशेन्निलयं जनः

praviśeddevatāgāraṃ śucirbrāhmaṇasattamaḥ | aprakṣālitapādo yaḥ praviśennilayaṃ janaḥ

Sanskrit only: no published translation is held for this verse.

संवत्सरकृतं पुण्यं तस्य नश्यति तत्क्षणात् । स्नानं कृत्वा समागत्य प्रांगणेषु विचक्षणः

saṃvatsarakṛtaṃ puṇyaṃ tasya naśyati tatkṣaṇāt | snānaṃ kṛtvā samāgatya prāṃgaṇeṣu vicakṣaṇaḥ

Sanskrit only: no published translation is held for this verse.

तस्मात्प्रक्षाल्य चरणौ प्रविशेद्देवतागृहम् । उपविश्य पादयुग्मं बुधः सव्येन पाणिना

tasmātprakṣālya caraṇau praviśeddevatāgṛham | upaviśya pādayugmaṃ budhaḥ savyena pāṇinā

Sanskrit only: no published translation is held for this verse.

यत्नात्प्रक्षालयेद्विप्र तथा पाणिद्वयं पुनः । पादेन पादं विप्रेंद्र तथा दक्षिणपाणिना

yatnātprakṣālayedvipra tathā pāṇidvayaṃ punaḥ | pādena pādaṃ vipreṃdra tathā dakṣiṇapāṇinā

Sanskrit only: no published translation is held for this verse.

यश्च प्रक्षालयेन्मूढस्तं लक्ष्मीस्त्यजति ध्रुवम् । अथोपविष्टो मतिमान्केशवार्चनमारभेत्

yaśca prakṣālayenmūḍhastaṃ lakṣmīstyajati dhruvam | athopaviṣṭo matimānkeśavārcanamārabhet

Sanskrit only: no published translation is held for this verse.

अनन्यमानसो भूत्वा सर्वकामफलप्रदम् । मृगचर्मासने शुद्ध व्याघ्रचर्मासनेऽपि वा

ananyamānaso bhūtvā sarvakāmaphalapradam | mṛgacarmāsane śuddha vyāghracarmāsane'pi vā

Sanskrit only: no published translation is held for this verse.

वस्त्रासने केवले च तथा कुशमयासने । पुष्पासने चोपविष्टः पूजयेत्कमलापतिम्

vastrāsane kevale ca tathā kuśamayāsane | puṣpāsane copaviṣṭaḥ pūjayetkamalāpatim

Sanskrit only: no published translation is held for this verse.

काष्ठासने द्विजो विद्वान्न कुर्य्याद्विष्णुपूजनम् । विष्णुना त्वं धृता पृथ्वि सर्वेलोकास्त्वया धृताः

kāṣṭhāsane dvijo vidvānna kuryyādviṣṇupūjanam | viṣṇunā tvaṃ dhṛtā pṛthvi sarvelokāstvayā dhṛtāḥ

Sanskrit only: no published translation is held for this verse.

अतः सर्वसहे देहि वस्तुं मे स्थानमुत्तमम् । इत्युक्त्वासनमास्तीर्य वसेन्नारायणार्चकः

ataḥ sarvasahe dehi vastuṃ me sthānamuttamam | ityuktvāsanamāstīrya vasennārāyaṇārcakaḥ

Sanskrit only: no published translation is held for this verse.

दक्षिणाभिमुखो भूत्वा न कुर्याद्विष्णुपूजनम् । शङ्खे कृत्वा तु पानीयं मंत्रपूतं सुवासितम्

dakṣiṇābhimukho bhūtvā na kuryādviṣṇupūjanam | śaṅkhe kṛtvā tu pānīyaṃ maṃtrapūtaṃ suvāsitam

Sanskrit only: no published translation is held for this verse.

स्नापयेत्कमलाकांतं कमलासहितं प्रभुम् । शङ्खेन स्नापयेद्यस्तु भगवंतं जनार्दनम्

snāpayetkamalākāṃtaṃ kamalāsahitaṃ prabhum | śaṅkhena snāpayedyastu bhagavaṃtaṃ janārdanam

Sanskrit only: no published translation is held for this verse.

तत्फलं तस्य वक्ष्यामि शृणु विप्रेंद्र जैमिने । विप्र गो स्त्री भ्रूणहत्या सुरापानादिपातकैः

tatphalaṃ tasya vakṣyāmi śṛṇu vipreṃdra jaimine | vipra go strī bhrūṇahatyā surāpānādipātakaiḥ

Sanskrit only: no published translation is held for this verse.

विमुक्तो याति वैकुंठं भुंक्ते हि सकलं सुखम् । यदि दृष्ट्वा हृषीकेशं पूजयेन्मानवो द्विज

vimukto yāti vaikuṃṭhaṃ bhuṃkte hi sakalaṃ sukham | yadi dṛṣṭvā hṛṣīkeśaṃ pūjayenmānavo dvija

Sanskrit only: no published translation is held for this verse.

लभते तत्तदेवाशु प्रसादात्कमलापतेः । शंखाभावे तु विप्रेंद्र सुगंधितोयकं बुधः

labhate tattadevāśu prasādātkamalāpateḥ | śaṃkhābhāve tu vipreṃdra sugaṃdhitoyakaṃ budhaḥ

Sanskrit only: no published translation is held for this verse.

कृत्वा च तुलसीं पात्रे स्नापयेत्केशवं बुधः । ततो देवं स्नापयित्वा संस्थाप्य च वरासने

kṛtvā ca tulasīṃ pātre snāpayetkeśavaṃ budhaḥ | tato devaṃ snāpayitvā saṃsthāpya ca varāsane

Sanskrit only: no published translation is held for this verse.

सुगन्धैश्चंदनैस्तस्य कुर्यात्सर्वांगलेपनम् । तुलसीकाष्ठपंके च चक्रिणो देहपालनम्

sugandhaiścaṃdanaistasya kuryātsarvāṃgalepanam | tulasīkāṣṭhapaṃke ca cakriṇo dehapālanam

Sanskrit only: no published translation is held for this verse.

यः करोति जनस्तस्य प्रसन्नः सततं हरिः । तुलसीपत्रमालेयं निजगन्धसुखप्रदा

yaḥ karoti janastasya prasannaḥ satataṃ hariḥ | tulasīpatramāleyaṃ nijagandhasukhapradā

Sanskrit only: no published translation is held for this verse.

दीयते ते जगन्नाथ सुप्रीतो भव सर्वदा । मंत्रेणानेन विप्रेंद्र तुलसीपत्रमालया

dīyate te jagannātha suprīto bhava sarvadā | maṃtreṇānena vipreṃdra tulasīpatramālayā

Sanskrit only: no published translation is held for this verse.

अलंकृतो महाविष्णुः प्रसन्नो न ददाति किम् । ततस्तु वैदिकैर्मंत्रैः कर्तव्यं स्वस्तिवाचनम्

alaṃkṛto mahāviṣṇuḥ prasanno na dadāti kim | tatastu vaidikairmaṃtraiḥ kartavyaṃ svastivācanam

Sanskrit only: no published translation is held for this verse.

दिग्बंधनं च कर्तव्यं मंत्रैः पौराणिकैर्बुधैः । कृष्णो रक्षतु पूर्वस्यामाग्नेय्यां देवकीसुतः

digbaṃdhanaṃ ca kartavyaṃ maṃtraiḥ paurāṇikairbudhaiḥ | kṛṣṇo rakṣatu pūrvasyāmāgneyyāṃ devakīsutaḥ

Sanskrit only: no published translation is held for this verse.

याम्यां रक्षतु दैत्यारिर्नैरृत्यां मधुसूदनः । विदिक्षु रक्षतु श्रीमानूर्ध्वं च श्रीधरः प्रभुः

yāmyāṃ rakṣatu daityārirnairṛtyāṃ madhusūdanaḥ | vidikṣu rakṣatu śrīmānūrdhvaṃ ca śrīdharaḥ prabhuḥ

Sanskrit only: no published translation is held for this verse.

अधो रक्षतु विश्वात्मा कूर्ममूर्तिः कृपामयः । ये विघ्नकारकाः सर्वे पूजाकाले भवंति ह

adho rakṣatu viśvātmā kūrmamūrtiḥ kṛpāmayaḥ | ye vighnakārakāḥ sarve pūjākāle bhavaṃti ha

Sanskrit only: no published translation is held for this verse.

दूरं गच्छंतु ते सर्वे हरिनामास्त्रताडिताः । इत्थं दिग्बंधनं कृत्वा ततः प्रह्वः कृतांजलि

dūraṃ gacchaṃtu te sarve harināmāstratāḍitāḥ | itthaṃ digbaṃdhanaṃ kṛtvā tataḥ prahvaḥ kṛtāṃjali

Sanskrit only: no published translation is held for this verse.

वक्ष्यमाणेन मंत्रेण संकल्पं कुरुते दृढम् । मयारब्धामिमां पूजां देवदेव जनार्दन

vakṣyamāṇena maṃtreṇa saṃkalpaṃ kurute dṛḍham | mayārabdhāmimāṃ pūjāṃ devadeva janārdana

Sanskrit only: no published translation is held for this verse.

सिंद्धिं प्रापय निर्विघ्नां प्रसीद परमेश्वर । ततस्तु कृतसंकल्पो वैष्णवः सर्वतत्ववित्

siṃddhiṃ prāpaya nirvighnāṃ prasīda parameśvara | tatastu kṛtasaṃkalpo vaiṣṇavaḥ sarvatatvavit

Sanskrit only: no published translation is held for this verse.

अंगन्यासादिकं कृत्वा ध्यायेन्नारयणं हृदा । नवीनमेघसंकाशं पुंडरीकनिभेक्षणम्

aṃganyāsādikaṃ kṛtvā dhyāyennārayaṇaṃ hṛdā | navīnameghasaṃkāśaṃ puṃḍarīkanibhekṣaṇam

Sanskrit only: no published translation is held for this verse.

पीतांबरधरं देवं स्मितचारुतराननम् । कदंबपुष्पमालाभिर्भूषितं सुमहाभुजम्

pītāṃbaradharaṃ devaṃ smitacārutarānanam | kadaṃbapuṣpamālābhirbhūṣitaṃ sumahābhujam

Sanskrit only: no published translation is held for this verse.

बर्हिबर्ह(?)श्रेणिबद्धशिखंडधृतकुंडलम् । वंशी मधुरनादेन मोहयंतं दिशो दश

barhibarha(?)śreṇibaddhaśikhaṃḍadhṛtakuṃḍalam | vaṃśī madhuranādena mohayaṃtaṃ diśo daśa

Sanskrit only: no published translation is held for this verse.

आवृतं गोपनारीभिश्चारुवृंदावने स्थितम् । एवं संचिंत्य देवेशं गोविंदं सर्वकामदम्

āvṛtaṃ gopanārībhiścāruvṛṃdāvane sthitam | evaṃ saṃciṃtya deveśaṃ goviṃdaṃ sarvakāmadam

Sanskrit only: no published translation is held for this verse.

ततश्चावाहनं कुर्याद्भक्तिभावेन वैष्णवः । आवाहिताय कृष्णाय चतुर्वर्गप्रदायिने

tataścāvāhanaṃ kuryādbhaktibhāvena vaiṣṇavaḥ | āvāhitāya kṛṣṇāya caturvargapradāyine

Sanskrit only: no published translation is held for this verse.

पाद्यार्घ्याचमनीयानि तत्र दद्याद्विचक्षणः । कोमलैस्तुलसीपत्रै रम्यैर्वा कुसुमैर्बुधः

pādyārghyācamanīyāni tatra dadyādvicakṣaṇaḥ | komalaistulasīpatrai ramyairvā kusumairbudhaḥ

Sanskrit only: no published translation is held for this verse.

पूजयेत्सर्वदेवेशं श्रीकृष्णं देवकीसुतम् । नमो मत्स्याय कूर्माय वराहाय नमोनमः

pūjayetsarvadeveśaṃ śrīkṛṣṇaṃ devakīsutam | namo matsyāya kūrmāya varāhāya namonamaḥ

Sanskrit only: no published translation is held for this verse.

नमोऽस्तु हरये तुभ्यं वामनाय नमोनमः । नमो रामाय रामाय रामाय बलिने नमः

namo'stu haraye tubhyaṃ vāmanāya namonamaḥ | namo rāmāya rāmāya rāmāya baline namaḥ

Sanskrit only: no published translation is held for this verse.

नमो बुद्धाय शुद्धाय सकृपाय नमोनमः । नमोस्तु कल्किने तुभ्यं नमस्ते बहुमूर्त्तये

namo buddhāya śuddhāya sakṛpāya namonamaḥ | namostu kalkine tubhyaṃ namaste bahumūrttaye

Sanskrit only: no published translation is held for this verse.

नारायणाय कृष्णाय गोविंदाय च शार्ङ्गिणे । दामोदराय देवाय देवदेवाय ते नमः

nārāyaṇāya kṛṣṇāya goviṃdāya ca śārṅgiṇe | dāmodarāya devāya devadevāya te namaḥ

Sanskrit only: no published translation is held for this verse.

हृषीकेशाय शांताय व्योमपादाय वै नमः । नमोस्तु पद्मापतये नमस्ते पद्मचक्षुषे

hṛṣīkeśāya śāṃtāya vyomapādāya vai namaḥ | namostu padmāpataye namaste padmacakṣuṣe

Sanskrit only: no published translation is held for this verse.

अनंताय नमस्तुभ्यं गदाहस्ताय वै नमः । तार्क्ष्यध्वजाय वै तुभ्यं नमस्ते चक्रपाणये

anaṃtāya namastubhyaṃ gadāhastāya vai namaḥ | tārkṣyadhvajāya vai tubhyaṃ namaste cakrapāṇaye

Sanskrit only: no published translation is held for this verse.

पद्महस्ताय वै तुभ्यमच्युताय नमो नमः । नमो दैत्यारये तुभ्यं सर्वकामप्रदायिने

padmahastāya vai tubhyamacyutāya namo namaḥ | namo daityāraye tubhyaṃ sarvakāmapradāyine

Sanskrit only: no published translation is held for this verse.

माधवाय सुरेशाय विष्णवे परमात्मने। किरीटिने कुण्डलिने नमोऽस्तु हरये सदा

mādhavāya sureśāya viṣṇave paramātmane| kirīṭine kuṇḍaline namo'stu haraye sadā

Sanskrit only: no published translation is held for this verse.

नमो भगवते तुभ्यं वाहनं गरुडाह्वयम् । ॐनमो गरुडायेति मंत्रेणैव विचक्षणः १०० 7.11.100। नमः शंखाय चक्राय गदायै च नमोनमः । नमः पद्माय खड्गाय नंदकाय नमोनमः

namo bhagavate tubhyaṃ vāhanaṃ garuḍāhvayam | oṃnamo garuḍāyeti maṃtreṇaiva vicakṣaṇaḥ 100 7.11.100| namaḥ śaṃkhāya cakrāya gadāyai ca namonamaḥ | namaḥ padmāya khaḍgāya naṃdakāya namonamaḥ

Sanskrit only: no published translation is held for this verse.

इति संपूज्य देवेशं सदारं च सवाहनम् । सायुधं च ततो मंत्रं जपेदष्टाक्षरं बुधः

iti saṃpūjya deveśaṃ sadāraṃ ca savāhanam | sāyudhaṃ ca tato maṃtraṃ japedaṣṭākṣaraṃ budhaḥ

Sanskrit only: no published translation is held for this verse.

निजभक्त्या ततो जप्त्वा मंत्रमष्टाक्षरं बुधः । गोविंदाय ततो दद्यान्नानानैवेद्यमुत्तमम्

nijabhaktyā tato japtvā maṃtramaṣṭākṣaraṃ budhaḥ | goviṃdāya tato dadyānnānānaivedyamuttamam

Sanskrit only: no published translation is held for this verse.

धूपं दीपं च तांबूलं देवदेवाय विष्णवे । अन्यान्यप्युपहाराणि प्रदद्याद्वैष्णवो जनः

dhūpaṃ dīpaṃ ca tāṃbūlaṃ devadevāya viṣṇave | anyānyapyupahārāṇi pradadyādvaiṣṇavo janaḥ

Sanskrit only: no published translation is held for this verse.

यस्तु धूपं द्विजश्रेष्ठ चंदनागरुवासितम् । दद्यान्मुरारये तस्य द्रुतं सिध्यति वांछितम्

yastu dhūpaṃ dvijaśreṣṭha caṃdanāgaruvāsitam | dadyānmurāraye tasya drutaṃ sidhyati vāṃchitam

Sanskrit only: no published translation is held for this verse.

धूपं यच्छति यो विप्र हरये घृतवासितम् । स गच्छेद्विष्णुभवनं विमुक्तः पापकोटिभिः

dhūpaṃ yacchati yo vipra haraye ghṛtavāsitam | sa gacchedviṣṇubhavanaṃ vimuktaḥ pāpakoṭibhiḥ

Sanskrit only: no published translation is held for this verse.

नारायणाय यो धूपं दद्याद्गुग्गुलुवासितम् । स याति परमं धाम दुर्ल्लभं यत्सुरैरपि

nārāyaṇāya yo dhūpaṃ dadyādgugguluvāsitam | sa yāti paramaṃ dhāma durllabhaṃ yatsurairapi

Sanskrit only: no published translation is held for this verse.

घृतेन दीपं यो दद्यात्तिलतैलेन वा पुनः । निमेषात्सकलं तस्य पापं हरति केशवः

ghṛtena dīpaṃ yo dadyāttilatailena vā punaḥ | nimeṣātsakalaṃ tasya pāpaṃ harati keśavaḥ

Sanskrit only: no published translation is held for this verse.

कर्पूरवासितं यस्तु तांबूलं चक्रपाणये । दद्यात्तस्य द्विजश्रेष्ठ मुक्तिर्भवति जैमिने

karpūravāsitaṃ yastu tāṃbūlaṃ cakrapāṇaye | dadyāttasya dvijaśreṣṭha muktirbhavati jaimine

Sanskrit only: no published translation is held for this verse.

यस्तु यच्छति तांबूलं खदिरेण समन्वितम् । इह भुक्त्वाखिलान्भोगानंते याति हरेः पदम्

yastu yacchati tāṃbūlaṃ khadireṇa samanvitam | iha bhuktvākhilānbhogānaṃte yāti hareḥ padam

Sanskrit only: no published translation is held for this verse.

षष्ठी मधुरिकायुक्तं तथा जातिफलादिभिः । तांबूलं हरये दत्वा स्वर्गमाप्नोति मानवः

ṣaṣṭhī madhurikāyuktaṃ tathā jātiphalādibhiḥ | tāṃbūlaṃ haraye datvā svargamāpnoti mānavaḥ

Sanskrit only: no published translation is held for this verse.

शङ्खे कृत्वा तु पानीयं कुर्याद्विष्णुप्रदक्षिणाम् । वक्ष्यमाणेन मंत्रेण जैमिने वैष्णवो जनः

śaṅkhe kṛtvā tu pānīyaṃ kuryādviṣṇupradakṣiṇām | vakṣyamāṇena maṃtreṇa jaimine vaiṣṇavo janaḥ

Sanskrit only: no published translation is held for this verse.

जनार्दन जगद्बंधो शरणागतपालक । त्वद्दासदासदासत्वं दासस्य देहि मे प्रभो

janārdana jagadbaṃdho śaraṇāgatapālaka | tvaddāsadāsadāsatvaṃ dāsasya dehi me prabho

Sanskrit only: no published translation is held for this verse.

मंत्रेणानेन यः कुर्यान्नारायणप्रक्षिणाम् । तस्य पुण्यफलं वच्मि संक्षेपाच्छृणु जैमिने

maṃtreṇānena yaḥ kuryānnārāyaṇaprakṣiṇām | tasya puṇyaphalaṃ vacmi saṃkṣepācchṛṇu jaimine

Sanskrit only: no published translation is held for this verse.

ब्रह्महत्यादिपापानि यानि यानि महांति च । तानि तानि प्रणश्यंति प्रदक्षिणपदे पदे

brahmahatyādipāpāni yāni yāni mahāṃti ca | tāni tāni praṇaśyaṃti pradakṣiṇapade pade

Sanskrit only: no published translation is held for this verse.

यावत्पादं नरो भक्त्या गच्छेद्विष्णुप्रदक्षिणे । तावत्कल्पसहस्राणि विष्णुना सह मोदते

yāvatpādaṃ naro bhaktyā gacchedviṣṇupradakṣiṇe | tāvatkalpasahasrāṇi viṣṇunā saha modate

Sanskrit only: no published translation is held for this verse.

हरिप्रदक्षिणे यावत्पदं गच्छेच्छनैः शनैः । पदेपदेऽश्वमेधस्य फलं प्राप्नोति मानवः

haripradakṣiṇe yāvatpadaṃ gacchecchanaiḥ śanaiḥ | padepade'śvamedhasya phalaṃ prāpnoti mānavaḥ

Sanskrit only: no published translation is held for this verse.

प्रदक्षिणीकृत्य सर्वं संसारे यत्फलं भवेत् । हरिं प्रदक्षिणीकृत्य तस्मात्कोटिगुणं फलम्

pradakṣiṇīkṛtya sarvaṃ saṃsāre yatphalaṃ bhavet | hariṃ pradakṣiṇīkṛtya tasmātkoṭiguṇaṃ phalam

Sanskrit only: no published translation is held for this verse.

अंगं प्रदक्षिणीकृत्य यस्तु नारायणाग्रतः । सोऽपि तत्फलमाप्नोति किमन्यैर्बहुभाषितैः

aṃgaṃ pradakṣiṇīkṛtya yastu nārāyaṇāgrataḥ | so'pi tatphalamāpnoti kimanyairbahubhāṣitaiḥ

Sanskrit only: no published translation is held for this verse.

न लंघयेत्सोमसूत्रं धीमाञ्शंभुप्रदक्षिणे । लंघयित्वा यदा विप्र सा पूजा निष्फला भवेत्

na laṃghayetsomasūtraṃ dhīmāñśaṃbhupradakṣiṇe | laṃghayitvā yadā vipra sā pūjā niṣphalā bhavet

Sanskrit only: no published translation is held for this verse.

प्रदक्षिणा कारतया वारैकं यो हरिं व्रजेत् । जन्मजन्मनि विप्रेंद्र सार्वभौमो भवेद्ध्रुवम्

pradakṣiṇā kāratayā vāraikaṃ yo hariṃ vrajet | janmajanmani vipreṃdra sārvabhaumo bhaveddhruvam

Sanskrit only: no published translation is held for this verse.

यस्तु वारद्वयं विप्र कुर्याद्विष्णुप्रदक्षिणाम् । ऐंद्रं पदमवाप्नोति त्रिदिनेनात्र संशयः

yastu vāradvayaṃ vipra kuryādviṣṇupradakṣiṇām | aiṃdraṃ padamavāpnoti tridinenātra saṃśayaḥ

Sanskrit only: no published translation is held for this verse.