Library·Padma Purāṇa·7·7.13
व्यास उवाच- ज्येष्ठे मासि द्विजश्रेष्ठ भगवंतं जनार्दनम् । पूजयेद्भक्तिभावेन जलैः संस्नाप्य शीतलैः
vyāsa uvāca- jyeṣṭhe māsi dvijaśreṣṭha bhagavaṃtaṃ janārdanam | pūjayedbhaktibhāvena jalaiḥ saṃsnāpya śītalaiḥ
Sanskrit only: no published translation is held for this verse.
उद्वर्तनं च दातव्यं सुगन्ध्यामलकं तथा । तैलं सुंगंधं हरये ग्रीष्मकाले दिनेदिने
udvartanaṃ ca dātavyaṃ sugandhyāmalakaṃ tathā | tailaṃ suṃgaṃdhaṃ haraye grīṣmakāle dinedine
Sanskrit only: no published translation is held for this verse.
सुवासिते शीतले च मन्दिरेऽतिमनोरमे । प्रत्यहं कमलाकांतं स्थापयेज्जनमंडपे
suvāsite śītale ca mandire'timanorame | pratyahaṃ kamalākāṃtaṃ sthāpayejjanamaṃḍape
Sanskrit only: no published translation is held for this verse.
न रौद्रदेशे विप्रेन्द्र सधूमे इंधनालये । न सूतिकागृहे चैव स्थापयेत्कमलापतिम्
na raudradeśe viprendra sadhūme iṃdhanālaye | na sūtikāgṛhe caiva sthāpayetkamalāpatim
Sanskrit only: no published translation is held for this verse.
चामरैर्वीजितः श्वेतैः सुदीर्घैः कमलापतिम् । ज्येष्ठे मासि द्विजश्रेष्ठ सुप्रीतः किं न यच्छति
cāmarairvījitaḥ śvetaiḥ sudīrghaiḥ kamalāpatim | jyeṣṭhe māsi dvijaśreṣṭha suprītaḥ kiṃ na yacchati
Sanskrit only: no published translation is held for this verse.
मयूरपुच्छव्यजनैर्निदार्घैर्वीजितो हरिः । ददात्यभिमतं सर्वमचिरेणैव सत्तम
mayūrapucchavyajanairnidārghairvījito hariḥ | dadātyabhimataṃ sarvamacireṇaiva sattama
Sanskrit only: no published translation is held for this verse.
तालवृंतकवातेन पवित्रांबरवायुना । यै ग्रीष्मे वीज्यते विष्णुस्ते सर्वे स्वर्गगामिनः
tālavṛṃtakavātena pavitrāṃbaravāyunā | yai grīṣme vījyate viṣṇuste sarve svargagāminaḥ
Sanskrit only: no published translation is held for this verse.
यो गात्रलेपनं कुर्यात्सुगन्धीयैश्च कर्दमैः । ग्रीष्मे हरिं चंदनैश्च स विशेन्माधवीं तनुम्
yo gātralepanaṃ kuryātsugandhīyaiśca kardamaiḥ | grīṣme hariṃ caṃdanaiśca sa viśenmādhavīṃ tanum
Sanskrit only: no published translation is held for this verse.
उष्मागमे द्विजश्रेष्ठ स मुक्तो नात्र संशयः । प्रफुल्लकुसुमोद्याने तुलसीकानने तथा
uṣmāgame dvijaśreṣṭha sa mukto nātra saṃśayaḥ | praphullakusumodyāne tulasīkānane tathā
Sanskrit only: no published translation is held for this verse.
संध्यायां स्थापयेद्विष्णुं देशे धीरसमीरणे । स्रग्भिः पाटलपुष्पाणां येन विष्णुरलंकृतः
saṃdhyāyāṃ sthāpayedviṣṇuṃ deśe dhīrasamīraṇe | sragbhiḥ pāṭalapuṣpāṇāṃ yena viṣṇuralaṃkṛtaḥ
Sanskrit only: no published translation is held for this verse.
ज्येष्ठे मासि स विज्ञेयो अश्वमेधसहस्रकृत् । यस्तु मुक्तावलिं दद्याद्ग्रीष्मे वै श्रीपतेर्जनः
jyeṣṭhe māsi sa vijñeyo aśvamedhasahasrakṛt | yastu muktāvaliṃ dadyādgrīṣme vai śrīpaterjanaḥ
Sanskrit only: no published translation is held for this verse.
भूपालत्वं हरिस्तस्मै यच्छेज्जन्मनि जन्मनि । यस्तु मण्डयति ग्रीष्मे श्रीकृष्णं मणिमालया
bhūpālatvaṃ haristasmai yacchejjanmani janmani | yastu maṇḍayati grīṣme śrīkṛṣṇaṃ maṇimālayā
Sanskrit only: no published translation is held for this verse.
तस्य पुण्यफलं विप्र वदतो मे निशामय । यावद्ब्रह्मा सृजत्येतज्जैमिने सकलं जगत्
tasya puṇyaphalaṃ vipra vadato me niśāmaya | yāvadbrahmā sṛjatyetajjaimine sakalaṃ jagat
Sanskrit only: no published translation is held for this verse.
तिष्ठेद्विष्णुपुरे तावन्मणिमालाविभूषितः । सुवर्णाभरणैर्यस्तु रजताभरणैस्तथा
tiṣṭhedviṣṇupure tāvanmaṇimālāvibhūṣitaḥ | suvarṇābharaṇairyastu rajatābharaṇaistathā
Sanskrit only: no published translation is held for this verse.
कृष्णं मंडयति ग्रीष्मे सोऽपि तत्फलमाप्नुयात् । विचित्रं यस्तु पर्यंकं सगंडूकं प्रयच्छति
kṛṣṇaṃ maṃḍayati grīṣme so'pi tatphalamāpnuyāt | vicitraṃ yastu paryaṃkaṃ sagaṃḍūkaṃ prayacchati
Sanskrit only: no published translation is held for this verse.
हरये देवदेवाय न स दुःखी कदाचन । ग्रीष्मकाले न देयानि गुरूणि वसनानि च
haraye devadevāya na sa duḥkhī kadācana | grīṣmakāle na deyāni gurūṇi vasanāni ca
Sanskrit only: no published translation is held for this verse.
हरये ब्राह्मणश्रेष्ठ देयं तन्वंशुंकं शुचि । यस्त्वच्युतफलैर्दिव्यैः सुगंधैः पूजयेद्धरिम्
haraye brāhmaṇaśreṣṭha deyaṃ tanvaṃśuṃkaṃ śuci | yastvacyutaphalairdivyaiḥ sugaṃdhaiḥ pūjayeddharim
Sanskrit only: no published translation is held for this verse.
अंते शक्रपुरं गत्वा सपिबेदमृतं मुदा । प्रियालानां फलैर्दिव्यैर्योऽर्चयेत्कमलापतिम्
aṃte śakrapuraṃ gatvā sapibedamṛtaṃ mudā | priyālānāṃ phalairdivyairyo'rcayetkamalāpatim
Sanskrit only: no published translation is held for this verse.
सोऽपि तत्फलमाप्नोति किमन्यैर्बहुभाषितैः । निदाघे हरये यस्तु यवागूमतिशीतलाम्
so'pi tatphalamāpnoti kimanyairbahubhāṣitaiḥ | nidāghe haraye yastu yavāgūmatiśītalām
Sanskrit only: no published translation is held for this verse.
नानाव्यंजनसंयुक्तां श्रद्धया वैष्णवो जनः । आषाढे मासि विप्रेन्द्र देवदेवं जगद्गुरुम्
nānāvyaṃjanasaṃyuktāṃ śraddhayā vaiṣṇavo janaḥ | āṣāḍhe māsi viprendra devadevaṃ jagadgurum
Sanskrit only: no published translation is held for this verse.
दधिभिः स्नापयित्वा च पूजयेद्भक्तितो बुधः । मातुः पयोधरपयः पुनस्तेन न पीयते
dadhibhiḥ snāpayitvā ca pūjayedbhaktito budhaḥ | mātuḥ payodharapayaḥ punastena na pīyate
Sanskrit only: no published translation is held for this verse.
घनागमे घनश्यामं कदंबकुसुमैर्हरिम् । आराधयति विप्रर्षे पराङ्गतिमवाप्नुयात्
ghanāgame ghanaśyāmaṃ kadaṃbakusumairharim | ārādhayati viprarṣe parāṅgatimavāpnuyāt
Sanskrit only: no published translation is held for this verse.
कदम्बपुष्पमालाभिर्मण्डपं ज्वलनोपमम् । यस्तस्य ब्राह्मणश्रेष्ठ वाजिमेधफलं भवेत्
kadambapuṣpamālābhirmaṇḍapaṃ jvalanopamam | yastasya brāhmaṇaśreṣṭha vājimedhaphalaṃ bhavet
Sanskrit only: no published translation is held for this verse.
सुगन्धैः केतकीपुष्पैः पूजितः कमलापतिः । सर्वदुःखं हरत्येव मानवानां द्विजोत्तम
sugandhaiḥ ketakīpuṣpaiḥ pūjitaḥ kamalāpatiḥ | sarvaduḥkhaṃ haratyeva mānavānāṃ dvijottama
Sanskrit only: no published translation is held for this verse.
पनसानां फलैर्दिव्यैः सुपक्वैर्घृतमिश्रितैः । पूजितो भगवान्विष्णुर्दद्यादैश्वर्यमुत्तमम्
panasānāṃ phalairdivyaiḥ supakvairghṛtamiśritaiḥ | pūjito bhagavānviṣṇurdadyādaiśvaryamuttamam
Sanskrit only: no published translation is held for this verse.
आषाढे मासि दध्यन्नं हरये प्रतिवासरम् । श्रद्धया वैष्णवो दद्यान्मुक्तिमिच्छन्द्विजोत्तम
āṣāḍhe māsi dadhyannaṃ haraye prativāsaram | śraddhayā vaiṣṇavo dadyānmuktimicchandvijottama
Sanskrit only: no published translation is held for this verse.
कृष्णाय नवनीतं यो ददाति वैष्णवो जनः । विशुद्धः सकलैः पापैर्ब्रह्मलोकं स गच्छति
kṛṣṇāya navanītaṃ yo dadāti vaiṣṇavo janaḥ | viśuddhaḥ sakalaiḥ pāpairbrahmalokaṃ sa gacchati
Sanskrit only: no published translation is held for this verse.
शेफालिकाप्रसूनैश्च यूथिकाकुसुमैस्तथा । योऽर्चयेत्परमात्मानं सगच्छेत्परमं पदम्
śephālikāprasūnaiśca yūthikākusumaistathā | yo'rcayetparamātmānaṃ sagacchetparamaṃ padam
Sanskrit only: no published translation is held for this verse.
प्रफुल्लमालतीपुष्पैः सुगन्धैर्योऽर्चयेद्धरिम् । तत्पुण्येनास्य तत्पुण्यं येन नो भविता द्विज
praphullamālatīpuṣpaiḥ sugandhairyo'rcayeddharim | tatpuṇyenāsya tatpuṇyaṃ yena no bhavitā dvija
Sanskrit only: no published translation is held for this verse.
कंदपुष्पैश्च बकुलैर्जगद्बंधुं जनार्दनम् । अर्चयन्सकलं कामं प्राप्नोति भुवि मानवः
kaṃdapuṣpaiśca bakulairjagadbaṃdhuṃ janārdanam | arcayansakalaṃ kāmaṃ prāpnoti bhuvi mānavaḥ
Sanskrit only: no published translation is held for this verse.
महामहाप्रसूनैश्च तथा कुरुबकैर्हरिम् । प्रफुल्लैः पूजयेद्यस्तु तस्य तुष्टः सदा हरिः
mahāmahāprasūnaiśca tathā kurubakairharim | praphullaiḥ pūjayedyastu tasya tuṣṭaḥ sadā hariḥ
Sanskrit only: no published translation is held for this verse.
सैरीयकैश्च यो विष्णुं प्रसूपुष्पैश्च योऽर्चयेत् । करवीरप्रसूनैश्च स याति हरिसन्निधिम्
sairīyakaiśca yo viṣṇuṃ prasūpuṣpaiśca yo'rcayet | karavīraprasūnaiśca sa yāti harisannidhim
Sanskrit only: no published translation is held for this verse.
श्रावणे चैव यो दद्याल्लाजान्घृतसमन्वितान् । हरये तस्य विप्रर्षे गृहे श्रीःस र्वतोमुखी
śrāvaṇe caiva yo dadyāllājānghṛtasamanvitān | haraye tasya viprarṣe gṛhe śrīḥsa rvatomukhī
Sanskrit only: no published translation is held for this verse.
भाद्रे मासि द्विजश्रेष्ठ नारायणमनामयम् । श्रद्धया पूजयेत्प्राज्ञश्चतुर्वर्गप्रदायकम्
bhādre māsi dvijaśreṣṭha nārāyaṇamanāmayam | śraddhayā pūjayetprājñaścaturvargapradāyakam
Sanskrit only: no published translation is held for this verse.
निर्मिते नूतनागारे सर्वोपद्रववर्जिते । स्थापयेत्पुण्डरीकाक्षं भगवंतं जनार्दनम्
nirmite nūtanāgāre sarvopadravavarjite | sthāpayetpuṇḍarīkākṣaṃ bhagavaṃtaṃ janārdanam
Sanskrit only: no published translation is held for this verse.
दंशैश्च मशकैश्चापि प्रकीर्णे मक्षिकादिभिः । हरिं पुरातनागारे स्थापयेन्न हि मानवः
daṃśaiśca maśakaiścāpi prakīrṇe makṣikādibhiḥ | hariṃ purātanāgāre sthāpayenna hi mānavaḥ
Sanskrit only: no published translation is held for this verse.
सकर्दमे पतद्द्वारे गलद्भित्तौ गृहे तथा । हरिं न स्थापयेत्प्राज्ञो वर्षासु परमेश्वरम्
sakardame pataddvāre galadbhittau gṛhe tathā | hariṃ na sthāpayetprājño varṣāsu parameśvaram
Sanskrit only: no published translation is held for this verse.
विष्ण्वाल्ये द्विजश्रेष्ठ प्रकुर्याद्यस्तु मानवः । चन्द्रातपं विचित्रं च चन्द्रलोकं स गच्छति
viṣṇvālye dvijaśreṣṭha prakuryādyastu mānavaḥ | candrātapaṃ vicitraṃ ca candralokaṃ sa gacchati
Sanskrit only: no published translation is held for this verse.
रात्रौ नानाविधैर्धूपैर्मन्दिरे जगतीपतेः । दंशाश्च मशकाश्चैव पूजाकाले निवारयेत्
rātrau nānāvidhairdhūpairmandire jagatīpateḥ | daṃśāśca maśakāścaiva pūjākāle nivārayet
Sanskrit only: no published translation is held for this verse.
मंसारिकाभिः प्रावृत्य मंचशायिनमच्युतम् । प्रावृषि स्थापयेद्विष्णुं निशायां दिव्यमंदिरे
maṃsārikābhiḥ prāvṛtya maṃcaśāyinamacyutam | prāvṛṣi sthāpayedviṣṇuṃ niśāyāṃ divyamaṃdire
Sanskrit only: no published translation is held for this verse.
कह्लारपत्रैर्देवेशं सुगंधैर्नूतनैस्तथा । मुमुक्षुः पूजयेन्मर्त्यो भाद्रे मासि दिनेदिने
kahlārapatrairdeveśaṃ sugaṃdhairnūtanaistathā | mumukṣuḥ pūjayenmartyo bhādre māsi dinedine
Sanskrit only: no published translation is held for this verse.
न भाद्रे केतकीपुष्पैः पूजितव्यो जनार्दनः । यतो भाद्रपदेमासि केतकी स्यात्सुरा समा
na bhādre ketakīpuṣpaiḥ pūjitavyo janārdanaḥ | yato bhādrapademāsi ketakī syātsurā samā
Sanskrit only: no published translation is held for this verse.
पक्वैस्तालफलैर्दिव्यैर्योऽर्चयेद्यदुनंदनम् । गर्भवासमहादुःखं स भूयो लभते न च
pakvaistālaphalairdivyairyo'rcayedyadunaṃdanam | garbhavāsamahāduḥkhaṃ sa bhūyo labhate na ca
Sanskrit only: no published translation is held for this verse.
संयुक्तं घृतदुग्धाभ्यां पक्वतालं मुरारये । यो दद्याच्छ्रद्धया मर्त्यः स गच्छेन्मन्दिरं हरेः
saṃyuktaṃ ghṛtadugdhābhyāṃ pakvatālaṃ murāraye | yo dadyācchraddhayā martyaḥ sa gacchenmandiraṃ hareḥ
Sanskrit only: no published translation is held for this verse.
भाद्रे मासि द्विजश्रेष्ठ हरये तालपिष्टकम् । सघृतं वैष्णवो दद्यात्केवलप्राप्तिहेतवे
bhādre māsi dvijaśreṣṭha haraye tālapiṣṭakam | saghṛtaṃ vaiṣṇavo dadyātkevalaprāptihetave
Sanskrit only: no published translation is held for this verse.
मासि भाद्रपदे विप्र न कुर्याच्छाकभक्षणम् । न रात्रौ भोजनं कुर्यान्मुमुक्षुर्वैष्णवो जनः
māsi bhādrapade vipra na kuryācchākabhakṣaṇam | na rātrau bhojanaṃ kuryānmumukṣurvaiṣṇavo janaḥ
Sanskrit only: no published translation is held for this verse.
आश्विने मासि विप्रेन्द्र केशवं क्लेशनाशनम् । यत्तोयं दीयते विप्र पूर्वाह्णे हरये जनैः
āśvine māsi viprendra keśavaṃ kleśanāśanam | yattoyaṃ dīyate vipra pūrvāhṇe haraye janaiḥ
Sanskrit only: no published translation is held for this verse.
पीयूषमिव तत्तोयं गृह्णाति कमलापतिः । मध्याह्ने दीयते यच्च तत्तोयं चक्रपाणये
pīyūṣamiva tattoyaṃ gṛhṇāti kamalāpatiḥ | madhyāhne dīyate yacca tattoyaṃ cakrapāṇaye
Sanskrit only: no published translation is held for this verse.
तत्तोयमिव वेत्तव्यं तद्गृह्णाति द्विजोत्तम । अपराह्णे च यत्तोयं गोविन्दाय प्रदीयते
tattoyamiva vettavyaṃ tadgṛhṇāti dvijottama | aparāhṇe ca yattoyaṃ govindāya pradīyate
Sanskrit only: no published translation is held for this verse.
तत्तोयं रक्ततुल्यं स्यान्न गृह्णाति ततो हरिः । अतएव द्विजश्रेष्ठ पूर्वाह्णे हरिमर्चयेत् ५० 7.13.50। समस्तं लभते कामं केशवस्यानुकंपया । एकवस्त्रेण विप्रेन्द्र न कुर्यात्पूजनं हरेः
tattoyaṃ raktatulyaṃ syānna gṛhṇāti tato hariḥ | ataeva dvijaśreṣṭha pūrvāhṇe harimarcayet 50 7.13.50| samastaṃ labhate kāmaṃ keśavasyānukaṃpayā | ekavastreṇa viprendra na kuryātpūjanaṃ hareḥ
Sanskrit only: no published translation is held for this verse.
कुर्याद्वापि तथा पूजां न गृह्णाति च केशवः । अधौतेन च वस्त्रेण यः पूजां कुरुते हरेः
kuryādvāpi tathā pūjāṃ na gṛhṇāti ca keśavaḥ | adhautena ca vastreṇa yaḥ pūjāṃ kurute hareḥ
Sanskrit only: no published translation is held for this verse.
विफला सा च पूजा स्यान्न च विष्णुः प्रसीदति । यैस्त्वबद्धशिखैः पूजा क्रियते चक्रिणो जनैः
viphalā sā ca pūjā syānna ca viṣṇuḥ prasīdati | yaistvabaddhaśikhaiḥ pūjā kriyate cakriṇo janaiḥ
Sanskrit only: no published translation is held for this verse.
पूजाफलं नाप्नुवंति बलिग्राह्या च सा भवेत् । असंस्कृतगृहे पूजा क्रियते जगतीपतेः
pūjāphalaṃ nāpnuvaṃti baligrāhyā ca sā bhavet | asaṃskṛtagṛhe pūjā kriyate jagatīpateḥ
Sanskrit only: no published translation is held for this verse.
सा पूजा ब्राह्मणश्रेष्ठ बलिग्राह्या भवेत्खलु । स्नानं देवार्चनं चैव दानं च पितृपूजनम्
sā pūjā brāhmaṇaśreṣṭha baligrāhyā bhavetkhalu | snānaṃ devārcanaṃ caiva dānaṃ ca pitṛpūjanam
Sanskrit only: no published translation is held for this verse.
तिलकेन विना विप्र कुरुते न विचक्षणः । तिलकान्यगृहीत्वा यत्पुण्यकर्म विधीयते
tilakena vinā vipra kurute na vicakṣaṇaḥ | tilakānyagṛhītvā yatpuṇyakarma vidhīyate
Sanskrit only: no published translation is held for this verse.
भस्मीभवति तत्सर्वं कर्ता च नारकी भवेत् । शङ्खचक्रगदापद्मैरङ्कितं यस्य दृश्यते
bhasmībhavati tatsarvaṃ kartā ca nārakī bhavet | śaṅkhacakragadāpadmairaṅkitaṃ yasya dṛśyate
Sanskrit only: no published translation is held for this verse.
शरीरं ब्राह्मणश्रेष्ठ विज्ञेयः सोऽच्युतः स्वयम् । यो लिखेद्दक्षिणे बाहौ शङ्ख पद्मे च वैष्णवः
śarīraṃ brāhmaṇaśreṣṭha vijñeyaḥ so'cyutaḥ svayam | yo likheddakṣiṇe bāhau śaṅkha padme ca vaiṣṇavaḥ
Sanskrit only: no published translation is held for this verse.
सव्ये चक्रं गदां चैव स विष्णुर्नात्र संशयः । पङ्कजं दक्षिणे बाहौ शङ्खस्योपरि यो लिखेत्
savye cakraṃ gadāṃ caiva sa viṣṇurnātra saṃśayaḥ | paṅkajaṃ dakṣiṇe bāhau śaṅkhasyopari yo likhet
Sanskrit only: no published translation is held for this verse.
पातकं सकलं तस्य क्षणादेव तु नश्यति । चक्रोपरि गदां यस्तु लिखेत्सव्ये भुजे द्विज
pātakaṃ sakalaṃ tasya kṣaṇādeva tu naśyati | cakropari gadāṃ yastu likhetsavye bhuje dvija
Sanskrit only: no published translation is held for this verse.
तं वंदंते द्विजश्रेष्ठ शक्राद्या अपि निर्जराः । मुरारिपादयुग्मं च स्वललाटे लिखेद्बुधः
taṃ vaṃdaṃte dvijaśreṣṭha śakrādyā api nirjarāḥ | murāripādayugmaṃ ca svalalāṭe likhedbudhaḥ
Sanskrit only: no published translation is held for this verse.
पापात्मापि च तं दृष्ट्वा मुक्तो भवति पातकात् । अष्टाक्षरं महामंत्रं मत्स्यं कूर्मं च यो हृदि
pāpātmāpi ca taṃ dṛṣṭvā mukto bhavati pātakāt | aṣṭākṣaraṃ mahāmaṃtraṃ matsyaṃ kūrmaṃ ca yo hṛdi
Sanskrit only: no published translation is held for this verse.
लिखेत्स वैष्णवश्रेष्ठः पुनाति भुवनत्रयम् । कृष्णायुधांकितं यस्य शरीरं स्याद्दिनेदिने
likhetsa vaiṣṇavaśreṣṭhaḥ punāti bhuvanatrayam | kṛṣṇāyudhāṃkitaṃ yasya śarīraṃ syāddinedine
Sanskrit only: no published translation is held for this verse.
तस्य कृष्णो जगन्नाथो ददाति परमं पदम् । कृष्णायुधांकिततनुर्यत्कर्म कुरुते नरः
tasya kṛṣṇo jagannātho dadāti paramaṃ padam | kṛṣṇāyudhāṃkitatanuryatkarma kurute naraḥ
Sanskrit only: no published translation is held for this verse.
शुभं वाप्यशुभं वापि तत्सर्वमक्षयं भवेत् । दानवा राक्षसाश्चैव भूतवेतालकास्तथा
śubhaṃ vāpyaśubhaṃ vāpi tatsarvamakṣayaṃ bhavet | dānavā rākṣasāścaiva bhūtavetālakāstathā
Sanskrit only: no published translation is held for this verse.
पिशाचाः पन्नगाश्चापि यक्षविद्याधरास्तथा । किन्नरा गुह्यकाश्चैव ग्रहा बालग्रहास्तथा
piśācāḥ pannagāścāpi yakṣavidyādharāstathā | kinnarā guhyakāścaiva grahā bālagrahāstathā
Sanskrit only: no published translation is held for this verse.
कूष्माण्डाश्चैव डाकिन्यस्तथान्ये विघ्नकारकाः । सर्वे भीत्या पलायंते दृष्ट्वा कृष्णायुधाङ्कितम्
kūṣmāṇḍāścaiva ḍākinyastathānye vighnakārakāḥ | sarve bhītyā palāyaṃte dṛṣṭvā kṛṣṇāyudhāṅkitam
Sanskrit only: no published translation is held for this verse.
द्वीपाश्च द्वीपिनश्चैव तथान्ये वनवासिनः । दृष्ट्वैव प्रपलायंते भयात्कृष्णायुधांकितम्
dvīpāśca dvīpinaścaiva tathānye vanavāsinaḥ | dṛṣṭvaiva prapalāyaṃte bhayātkṛṣṇāyudhāṃkitam
Sanskrit only: no published translation is held for this verse.
कामलाद्या महारोगा देहदेहावपातिनः । कृष्णायुधांकिततनुं भक्त्या पश्यति यो जनः
kāmalādyā mahārogā dehadehāvapātinaḥ | kṛṣṇāyudhāṃkitatanuṃ bhaktyā paśyati yo janaḥ
Sanskrit only: no published translation is held for this verse.
कृष्णदर्शनतुल्यस्य फलं प्राप्नोति मानवः । त्रिपत्रीकृतदूर्वाभिरश्विने योऽर्चयेद्धरिम्
kṛṣṇadarśanatulyasya phalaṃ prāpnoti mānavaḥ | tripatrīkṛtadūrvābhiraśvine yo'rcayeddharim
Sanskrit only: no published translation is held for this verse.
दूर्वावत्संततिस्तस्य अविच्छिन्ना प्रवर्तते । आश्विने मासि यो दद्याद्धरये कर्कटीफलम्
dūrvāvatsaṃtatistasya avicchinnā pravartate | āśvine māsi yo dadyāddharaye karkaṭīphalam
Sanskrit only: no published translation is held for this verse.
शोको न जायते तस्य कदाचिद्धृदये द्विज । कार्तिके च समायाते सर्वमासोत्तमे शुभे
śoko na jāyate tasya kadāciddhṛdaye dvija | kārtike ca samāyāte sarvamāsottame śubhe
Sanskrit only: no published translation is held for this verse.
दामोदरं देवदेवं भक्त्या प्राज्ञः प्रपूजयेत् । कार्तिके मासि विप्रेन्द्र विष्णुप्रीणनहेतवे
dāmodaraṃ devadevaṃ bhaktyā prājñaḥ prapūjayet | kārtike māsi viprendra viṣṇuprīṇanahetave
Sanskrit only: no published translation is held for this verse.
यथोक्तविधिना प्राज्ञः प्रातःस्नानं समाचरेत् । आमिषं मैथुनं चैव कार्तिके मासि यस्त्यजेत्
yathoktavidhinā prājñaḥ prātaḥsnānaṃ samācaret | āmiṣaṃ maithunaṃ caiva kārtike māsi yastyajet
Sanskrit only: no published translation is held for this verse.
जन्मान्तरार्जितैः पापैर्मुक्तो याति पराङ्गतिम् । तुलाराशिगते सूर्ये प्रातःस्नानं द्विजोत्तम
janmāntarārjitaiḥ pāpairmukto yāti parāṅgatim | tulārāśigate sūrye prātaḥsnānaṃ dvijottama
Sanskrit only: no published translation is held for this verse.
हविष्यं ब्रह्मचर्यं च महापातकनाशनम् । आमिषं मैथुनं चैव कार्तिकेमासि सेवते
haviṣyaṃ brahmacaryaṃ ca mahāpātakanāśanam | āmiṣaṃ maithunaṃ caiva kārtikemāsi sevate
Sanskrit only: no published translation is held for this verse.
जन्मजन्मनि विप्रेन्द्र स भवेद्ग्रामशूकरः । द्विभोजनं परान्नं च तैलं च वैष्णवो जनः
janmajanmani viprendra sa bhavedgrāmaśūkaraḥ | dvibhojanaṃ parānnaṃ ca tailaṃ ca vaiṣṇavo janaḥ
Sanskrit only: no published translation is held for this verse.
आयाते कार्तिके मासि यत्नादपि परित्यजेत् । दामोदराय नभसि दीपं यस्तु प्रयच्छति
āyāte kārtike māsi yatnādapi parityajet | dāmodarāya nabhasi dīpaṃ yastu prayacchati
Sanskrit only: no published translation is held for this verse.
फलं तस्य प्रवक्ष्यामि समासेन शृणु द्विज । ब्रह्महत्यादिभिः पापैर्विमुक्तः क्लेशदायकैः
phalaṃ tasya pravakṣyāmi samāsena śṛṇu dvija | brahmahatyādibhiḥ pāpairvimuktaḥ kleśadāyakaiḥ
Sanskrit only: no published translation is held for this verse.
दामोदरपुरं गत्वा तिष्ठेत्कोटियुगावधि । दीपं ज्वलंतं नभसि त्रिदशा वासवादयः
dāmodarapuraṃ gatvā tiṣṭhetkoṭiyugāvadhi | dīpaṃ jvalaṃtaṃ nabhasi tridaśā vāsavādayaḥ
Sanskrit only: no published translation is held for this verse.
विलोक्य हर्षिताः सर्वे वदंतीति परस्परम् । असौ पुण्यात्मनां श्रेष्ठः केशवार्चनतत्परः
vilokya harṣitāḥ sarve vadaṃtīti parasparam | asau puṇyātmanāṃ śreṣṭhaḥ keśavārcanatatparaḥ
Sanskrit only: no published translation is held for this verse.
प्रदीपं कार्तिके मासि यतो यच्छति चक्रिणे । कार्तिके मासि विप्रेन्द्र तस्य तुष्टः सदा हरिः
pradīpaṃ kārtike māsi yato yacchati cakriṇe | kārtike māsi viprendra tasya tuṣṭaḥ sadā hariḥ
Sanskrit only: no published translation is held for this verse.
दद्यादक्षयदीपं यः कार्तिके हरिमंदिरे । दिनेदिनेऽश्वमेधस्य फलं प्राप्नोति मानवः
dadyādakṣayadīpaṃ yaḥ kārtike harimaṃdire | dinedine'śvamedhasya phalaṃ prāpnoti mānavaḥ
Sanskrit only: no published translation is held for this verse.
तुलसीदललक्षैर्यः कार्तिके पूजयेद्धरिम् । लक्षैकवाजिमेधस्य मानवो लभते फलम्
tulasīdalalakṣairyaḥ kārtike pūjayeddharim | lakṣaikavājimedhasya mānavo labhate phalam
Sanskrit only: no published translation is held for this verse.
बिल्वस्य दललक्षेण योऽर्चयेद्विष्णुमव्ययम् । परमं मोक्षमाप्नोति प्रसादाज्जगतीपते
bilvasya dalalakṣeṇa yo'rcayedviṣṇumavyayam | paramaṃ mokṣamāpnoti prasādājjagatīpate
Sanskrit only: no published translation is held for this verse.
यत्किञ्चित्कार्तिकेमासि विष्णुमुद्दिश्य दीयते । तदक्षयं भवेत्सर्वं सत्यमेतन्मयोच्यते
yatkiñcitkārtikemāsi viṣṇumuddiśya dīyate | tadakṣayaṃ bhavetsarvaṃ satyametanmayocyate
Sanskrit only: no published translation is held for this verse.
घृताक्तं सुरपत्रं यः कार्तिके मासि वैष्णवे । दद्याद्दिनेदिने विप्र तस्य विष्णोः पुरे स्थितिः
ghṛtāktaṃ surapatraṃ yaḥ kārtike māsi vaiṣṇave | dadyāddinedine vipra tasya viṣṇoḥ pure sthitiḥ
Sanskrit only: no published translation is held for this verse.
प्रफुल्लपद्मपत्रेण सितेनाप्यसितेन वा । योऽर्चयेत्कमलाकांतं तस्य किं भुवि दुर्ल्लभम्
praphullapadmapatreṇa sitenāpyasitena vā | yo'rcayetkamalākāṃtaṃ tasya kiṃ bhuvi durllabham
Sanskrit only: no published translation is held for this verse.
द्विजाग्र्यः कार्तिके मासि हरये येन पङ्कजम् । न दत्तं तेन किं विप्र विष्णवे दैत्यजिष्णवे
dvijāgryaḥ kārtike māsi haraye yena paṅkajam | na dattaṃ tena kiṃ vipra viṣṇave daityajiṣṇave
Sanskrit only: no published translation is held for this verse.
एकमेवांबुजं हृत्वा ददाति कैटभारये । तस्मै किं भगवान्विष्णुर्न ददाति श्रियः पतिः
ekamevāṃbujaṃ hṛtvā dadāti kaiṭabhāraye | tasmai kiṃ bhagavānviṣṇurna dadāti śriyaḥ patiḥ
Sanskrit only: no published translation is held for this verse.
कमलैः कार्तिके मासि येन नाराधितो हरिः । जन्मजन्मनि तद्गेहे कमला न हि तिष्ठति
kamalaiḥ kārtike māsi yena nārādhito hariḥ | janmajanmani tadgehe kamalā na hi tiṣṭhati
Sanskrit only: no published translation is held for this verse.
पद्मबीजानि यो दद्यात्केशवाय महात्मने । स जायते विप्रकुले शुद्धे च प्रतिजन्मनि
padmabījāni yo dadyātkeśavāya mahātmane | sa jāyate viprakule śuddhe ca pratijanmani
Sanskrit only: no published translation is held for this verse.
ब्राह्मणस्य कुले जातश्चतुर्वेदसुहृद्भवेत् । धनवान्बहुपुत्रश्च कुटुंबानां च पोषकः
brāhmaṇasya kule jātaścaturvedasuhṛdbhavet | dhanavānbahuputraśca kuṭuṃbānāṃ ca poṣakaḥ
Sanskrit only: no published translation is held for this verse.
नास्ति पद्मसमं पुष्पं जैमिने सत्यमुच्यते । येन संपूज्य गोविन्दं पापात्मापि च मोक्षभाक्
nāsti padmasamaṃ puṣpaṃ jaimine satyamucyate | yena saṃpūjya govindaṃ pāpātmāpi ca mokṣabhāk
Sanskrit only: no published translation is held for this verse.
पद्मपुष्पस्य माहात्म्यं विशेषादुच्यते मया । सेतिहासं द्विजश्रेष्ठ सावधानं निशामय
padmapuṣpasya māhātmyaṃ viśeṣāducyate mayā | setihāsaṃ dvijaśreṣṭha sāvadhānaṃ niśāmaya
Sanskrit only: no published translation is held for this verse.
आसीदेकः प्रजा नाम ब्राह्मणः सर्वशास्त्रवित् । हरिपादांबुजे यस्य मनोभृङ्ग सदा स्थितिः
āsīdekaḥ prajā nāma brāhmaṇaḥ sarvaśāstravit | haripādāṃbuje yasya manobhṛṅga sadā sthitiḥ
Sanskrit only: no published translation is held for this verse.
देवानां ब्राह्मणानां च गुरूणां चैव सर्वदा । कृता पूजा द्विजश्रेष्ठ कार्याकार्यशतान्यपि
devānāṃ brāhmaṇānāṃ ca gurūṇāṃ caiva sarvadā | kṛtā pūjā dvijaśreṣṭha kāryākāryaśatānyapi
Sanskrit only: no published translation is held for this verse.
परद्रव्यं विषं चैव परस्त्रीषु स्वमातृवत् । कृतं तेनैव यच्चैवं तथा मित्रे च शात्रवे
paradravyaṃ viṣaṃ caiva parastrīṣu svamātṛvat | kṛtaṃ tenaiva yaccaivaṃ tathā mitre ca śātrave
Sanskrit only: no published translation is held for this verse.
आयांतमतिथिं दृष्ट्वा स विप्रः परमार्थवित् । भृशं मानं न चाप्नोति याचकं च द्विजोत्तमम्
āyāṃtamatithiṃ dṛṣṭvā sa vipraḥ paramārthavit | bhṛśaṃ mānaṃ na cāpnoti yācakaṃ ca dvijottamam
Sanskrit only: no published translation is held for this verse.
सर्वयज्ञाः कृतास्तेन व्रतानि सकलानि च । संसारसागरं घोरमपारंच तितीर्षुणा १०० 7.13.100। एकदा स द्विजश्रेष्ठो हरिभक्तिपरायणः । स्वमृत्युं च निजां जातिं चिंतयामास चेतसा
sarvayajñāḥ kṛtāstena vratāni sakalāni ca | saṃsārasāgaraṃ ghoramapāraṃca titīrṣuṇā 100 7.13.100| ekadā sa dvijaśreṣṭho haribhaktiparāyaṇaḥ | svamṛtyuṃ ca nijāṃ jātiṃ ciṃtayāmāsa cetasā
Sanskrit only: no published translation is held for this verse.
अहं पूर्वं स्थितः को वा किं वा कर्म कृतं पुरा । कथं वा जन्म संप्राप्तं गमिष्यामि क्व वा पुनः
ahaṃ pūrvaṃ sthitaḥ ko vā kiṃ vā karma kṛtaṃ purā | kathaṃ vā janma saṃprāptaṃ gamiṣyāmi kva vā punaḥ
Sanskrit only: no published translation is held for this verse.
इति संचिंत्य विप्रोऽसौ निःश्वस्य च पुनः पुनः । विज्ञातुं पूर्ववृत्तांतं शिवक्षेत्रं जगाम ह
iti saṃciṃtya vipro'sau niḥśvasya ca punaḥ punaḥ | vijñātuṃ pūrvavṛttāṃtaṃ śivakṣetraṃ jagāma ha
Sanskrit only: no published translation is held for this verse.
तत्र बद्धाञ्जलिर्विप्रो भक्त्या परमया युतः । तुष्टाव शंकरं देवं वाचा मधुरया शिवम्
tatra baddhāñjalirvipro bhaktyā paramayā yutaḥ | tuṣṭāva śaṃkaraṃ devaṃ vācā madhurayā śivam
Sanskrit only: no published translation is held for this verse.
ब्राह्मण उवाच- नमस्तुभ्यं महादेव नमस्ते परमेश्वर । नमस्ते शंकरेशान नमस्ते वरद प्रभो
brāhmaṇa uvāca- namastubhyaṃ mahādeva namaste parameśvara | namaste śaṃkareśāna namaste varada prabho
Sanskrit only: no published translation is held for this verse.
नमस्ते ज्ञानरूपाय नमस्ते ज्ञानदायिने । नमस्ते सर्वभूतानां हृदम्बुजनिवासिने
namaste jñānarūpāya namaste jñānadāyine | namaste sarvabhūtānāṃ hṛdambujanivāsine
Sanskrit only: no published translation is held for this verse.
जगत्स्रष्ट्रे नमस्तुभ्यं जगत्पित्रे नमो नमः । नमः संहराकर्त्रे च पशूनां पतये नमः
jagatsraṣṭre namastubhyaṃ jagatpitre namo namaḥ | namaḥ saṃharākartre ca paśūnāṃ pataye namaḥ
Sanskrit only: no published translation is held for this verse.
मनस्ते वह्निनेत्राय नमस्ते वह्निचक्षुषे । नमस्ते चन्द्रनेत्राय सूर्यनेत्राय वै नमः
manaste vahninetrāya namaste vahnicakṣuṣe | namaste candranetrāya sūryanetrāya vai namaḥ
Sanskrit only: no published translation is held for this verse.
नमस्ते भस्मभूषाय नमस्ते कृत्तिवाससे । नमोऽस्थिमालिने तुभ्यं नीलकंठाय वै नमः
namaste bhasmabhūṣāya namaste kṛttivāsase | namo'sthimāline tubhyaṃ nīlakaṃṭhāya vai namaḥ
Sanskrit only: no published translation is held for this verse.
नमस्ते पंचक्त्राय नमस्ते शूलपाणिने । कन्दर्पदर्पविध्वंसकारिणे भीममूर्तये
namaste paṃcaktrāya namaste śūlapāṇine | kandarpadarpavidhvaṃsakāriṇe bhīmamūrtaye
Sanskrit only: no published translation is held for this verse.
नमस्ते देवदेवाय नमस्ते त्रिपुरारये । पार्वतीपतये तुभ्यं नमस्ते भीममूर्तये
namaste devadevāya namaste tripurāraye | pārvatīpataye tubhyaṃ namaste bhīmamūrtaye
Sanskrit only: no published translation is held for this verse.
बाणभक्त्यातिसंतुष्ट मानसाय नमोस्तु ते । बहुरूपाय वै तुभ्यं विश्वरूपाय वै नमः
bāṇabhaktyātisaṃtuṣṭa mānasāya namostu te | bahurūpāya vai tubhyaṃ viśvarūpāya vai namaḥ
Sanskrit only: no published translation is held for this verse.
गङ्गाधराय वै तुभ्यं दक्षयज्ञविनाशिने । प्रेतानां पतये तुभ्यं नमस्तुभ्यं पिनाकिने
gaṅgādharāya vai tubhyaṃ dakṣayajñavināśine | pretānāṃ pataye tubhyaṃ namastubhyaṃ pinākine
Sanskrit only: no published translation is held for this verse.
ईशानाय नमस्तुभ्यं मनीषाय नमो नमः । तुभ्यं नमोऽस्तु दृश्याय अदृश्याय नमो नमः । नमश्चिन्त्याय वै तुभ्यमचिन्त्याय नमोनमः
īśānāya namastubhyaṃ manīṣāya namo namaḥ | tubhyaṃ namo'stu dṛśyāya adṛśyāya namo namaḥ | namaścintyāya vai tubhyamacintyāya namonamaḥ
Sanskrit only: no published translation is held for this verse.
ब्रह्मा त्वमेव त्रिदशैकनाथस्त्वमेव विष्णुस्तपनस्त्वमेव । त्वमेव सोमः सकलार्त्तिहारी नमो नमस्ते परमेश्वराय
brahmā tvameva tridaśaikanāthastvameva viṣṇustapanastvameva | tvameva somaḥ sakalārttihārī namo namaste parameśvarāya
Sanskrit only: no published translation is held for this verse.
तस्यस्तवं समाकर्ण्य शंकरो लोकशंकरः । आविर्बभूव सहसा प्रसन्नः परमेश्वरः
tasyastavaṃ samākarṇya śaṃkaro lokaśaṃkaraḥ | āvirbabhūva sahasā prasannaḥ parameśvaraḥ
Sanskrit only: no published translation is held for this verse.
आविर्भूतं समालोक्य सर्वदेवनमस्कृतम् । ववंदे चरणौ तस्य स विप्रोऽत्यंतभक्तिमान्
āvirbhūtaṃ samālokya sarvadevanamaskṛtam | vavaṃde caraṇau tasya sa vipro'tyaṃtabhaktimān
Sanskrit only: no published translation is held for this verse.
भूयोऽपि स द्विजश्रेष्ठो हर्षनिर्भरमानसः । कृताञ्जलिर्महादेवं तुष्टाव वरदं प्रभुम्
bhūyo'pi sa dvijaśreṣṭho harṣanirbharamānasaḥ | kṛtāñjalirmahādevaṃ tuṣṭāva varadaṃ prabhum
Sanskrit only: no published translation is held for this verse.
ब्राह्मण उवाच- यं न पश्यंति देवेशं देवा अपि सवासवाः । पश्यामि तमहं साक्षान्महाभाग्यमिदं मम
brāhmaṇa uvāca- yaṃ na paśyaṃti deveśaṃ devā api savāsavāḥ | paśyāmi tamahaṃ sākṣānmahābhāgyamidaṃ mama
Sanskrit only: no published translation is held for this verse.
ध्यानावस्थितचित्तेन योऽदृश्यः परमेश्वरः । पश्यामि तमहं साक्षान् साध्यं किमपरं मम
dhyānāvasthitacittena yo'dṛśyaḥ parameśvaraḥ | paśyāmi tamahaṃ sākṣān sādhyaṃ kimaparaṃ mama
Sanskrit only: no published translation is held for this verse.
त्वन्नामस्मरणादेव महापातकिनोऽपि च । गच्छंति परमं स्थानं समीक्षे तमहं प्रभुम्
tvannāmasmaraṇādeva mahāpātakino'pi ca | gacchaṃti paramaṃ sthānaṃ samīkṣe tamahaṃ prabhum
Sanskrit only: no published translation is held for this verse.
कृतार्थोऽस्मि कृतार्थोऽस्मि कृतार्थोऽस्मि च भाग्यवान् । नमस्तुभ्यं नमस्तुभ्यं प्रसीद परमेश्वर
kṛtārtho'smi kṛtārtho'smi kṛtārtho'smi ca bhāgyavān | namastubhyaṃ namastubhyaṃ prasīda parameśvara
Sanskrit only: no published translation is held for this verse.