यज्ञकाले पठेद्यस्तु देवताराधने तथा । दानकाले च यात्रायां स वै तत्फलमाप्नुयात्
yajñakāle paṭhedyastu devatārādhane tathā | dānakāle ca yātrāyāṃ sa vai tatphalamāpnuyāt
Sanskrit only: no published translation is held for this verse.
Library·Padma Purāṇa·7·7.17
Padma Purāṇa 7.17
अपुत्रो लभते पुत्रं धनार्थी लभते धनम् । विद्यार्थी लभते विद्यां स्तवस्यास्य प्रकीर्तनात्
aputro labhate putraṃ dhanārthī labhate dhanam | vidyārthī labhate vidyāṃ stavasyāsya prakīrtanāt
Sanskrit only: no published translation is held for this verse.
ये पठंति हरेर्भक्त्या नाम्नामष्टोत्तरं शतम् । नाशुभं विद्यते तेषां कदाचिदपि भूतले
ye paṭhaṃti harerbhaktyā nāmnāmaṣṭottaraṃ śatam | nāśubhaṃ vidyate teṣāṃ kadācidapi bhūtale
Sanskrit only: no published translation is held for this verse.
दांत उवाच- गच्छ ब्राह्मण भद्रं ते प्रोक्तेन विधिना मया । समाराध्य हरिं भक्त्या परमं क्षेममाप्स्यसि
dāṃta uvāca- gaccha brāhmaṇa bhadraṃ te proktena vidhinā mayā | samārādhya hariṃ bhaktyā paramaṃ kṣemamāpsyasi
Sanskrit only: no published translation is held for this verse.
एवं प्रबोधितस्तेन दांतेन परमार्थिना । तस्मिन्क्षेत्रवरे पुण्ये हरिपूजापरोऽभवत्
evaṃ prabodhitastena dāṃtena paramārthinā | tasminkṣetravare puṇye haripūjāparo'bhavat
Sanskrit only: no published translation is held for this verse.
नित्यं तु भक्त्या विप्रोऽसौ पंचाहानि च जैमिने । दांतप्रोक्तेन विधिना चकार हरिपूजनम्
nityaṃ tu bhaktyā vipro'sau paṃcāhāni ca jaimine | dāṃtaproktena vidhinā cakāra haripūjanam
Sanskrit only: no published translation is held for this verse.
ज्ञात्वा भक्तिं हरिस्तस्य सुदृढां करुणामयः । आविर्बभूव सहसा कोटिसूर्यइवांशुमान्
jñātvā bhaktiṃ haristasya sudṛḍhāṃ karuṇāmayaḥ | āvirbabhūva sahasā koṭisūryaivāṃśumān
Sanskrit only: no published translation is held for this verse.
तं दृष्ट्वा जगतामीशं कमलाप्रियमच्युतम् । ववंदे शिरसा विप्रस्तत्पादकमलद्वये
taṃ dṛṣṭvā jagatāmīśaṃ kamalāpriyamacyutam | vavaṃde śirasā viprastatpādakamaladvaye
Sanskrit only: no published translation is held for this verse.
अथासौ ब्राह्मणश्रेष्ठो हर्षनिर्भरमानसः । कृताञ्जलिर्जगन्नाथमस्तौषीत्कमलापतिम्
athāsau brāhmaṇaśreṣṭho harṣanirbharamānasaḥ | kṛtāñjalirjagannāthamastauṣītkamalāpatim
Sanskrit only: no published translation is held for this verse.
दृष्टिं हरे दुरितगामपि मे कृपालां भक्तिं निजां प्रति विभो शुभदामनैषीः । तस्मादहं विहितविस्तरपातकोऽपि ग्राम्यस्त्वयाकारि पुमानिवाद्य
dṛṣṭiṃ hare duritagāmapi me kṛpālāṃ bhaktiṃ nijāṃ prati vibho śubhadāmanaiṣīḥ | tasmādahaṃ vihitavistarapātako'pi grāmyastvayākāri pumānivādya
Sanskrit only: no published translation is held for this verse.
रुष्टे त्वयि त्रिदशवंदितपादयुग्मे दृष्टिः प्रयाति दुरितं खलु मानवस्य । तुष्टे च याति सुकृतं प्रति सैव दृष्टिर्ज्ञातं मयैव परमेश्वर केवलं च
ruṣṭe tvayi tridaśavaṃditapādayugme dṛṣṭiḥ prayāti duritaṃ khalu mānavasya | tuṣṭe ca yāti sukṛtaṃ prati saiva dṛṣṭirjñātaṃ mayaiva parameśvara kevalaṃ ca
Sanskrit only: no published translation is held for this verse.
त्वां वच्मि नाथ भवतः स्मरणं प्रभावं यस्माद्व्रजामि निखिलार्जितपातकोऽपि । स्थानं जगाम परमं त्रिदशैकलभ्यमारुह्य शुद्धकनकच्छुरितं विमानम्
tvāṃ vacmi nātha bhavataḥ smaraṇaṃ prabhāvaṃ yasmādvrajāmi nikhilārjitapātako'pi | sthānaṃ jagāma paramaṃ tridaśaikalabhyamāruhya śuddhakanakacchuritaṃ vimānam
Sanskrit only: no published translation is held for this verse.
त्वत्पादपद्मसलिलस्य सदागुणाढ्यो व्याधः स वेत्ति कनिकः कृतसर्वपापः । त्वद्वेश्ममार्जनफलं जगदेकनाथ यज्ञध्वजः क्षितिपतिः सुरवंदितश्च
tvatpādapadmasalilasya sadāguṇāḍhyo vyādhaḥ sa vetti kanikaḥ kṛtasarvapāpaḥ | tvadveśmamārjanaphalaṃ jagadekanātha yajñadhvajaḥ kṣitipatiḥ suravaṃditaśca
Sanskrit only: no published translation is held for this verse.
वेश्मोपलेपनफलं भवतो मुरारे सृष्टिस्थितिप्रलयकारण ईश्वरस्य । जानाति पन्नग रिपुध्वज यज्ञमाली भ्राता च तस्य कृतपापभयः सुमाली
veśmopalepanaphalaṃ bhavato murāre sṛṣṭisthitipralayakāraṇa īśvarasya | jānāti pannaga ripudhvaja yajñamālī bhrātā ca tasya kṛtapāpabhayaḥ sumālī
Sanskrit only: no published translation is held for this verse.
हरिं प्रदक्षिणीकृत्य भवंतं यत्फलं भवेत् । धर्म एव स जानाति नान्यः कश्चिज्जगत्त्रये
hariṃ pradakṣiṇīkṛtya bhavaṃtaṃ yatphalaṃ bhavet | dharma eva sa jānāti nānyaḥ kaścijjagattraye
Sanskrit only: no published translation is held for this verse.
तव चित्तं दयां नाथ गदितुं भुवि कः क्षमः । त्वां विद्ध्वापि शरैर्व्याधो जगाम परमं पदम्
tava cittaṃ dayāṃ nātha gadituṃ bhuvi kaḥ kṣamaḥ | tvāṃ viddhvāpi śarairvyādho jagāma paramaṃ padam
Sanskrit only: no published translation is held for this verse.
निंदित्वापि जगन्नाथ भवंतं त्रिदशेश्वरम् । शिशुपालो ययौ मोक्षं तव भक्तस्य का कथा
niṃditvāpi jagannātha bhavaṃtaṃ tridaśeśvaram | śiśupālo yayau mokṣaṃ tava bhaktasya kā kathā
Sanskrit only: no published translation is held for this verse.
ब्रह्मरूपेण येनासौ त्वया सृष्टमिदं जगत् । त्वयि तस्मिन्महाविष्णो रमतां मम मानसम्
brahmarūpeṇa yenāsau tvayā sṛṣṭamidaṃ jagat | tvayi tasminmahāviṣṇo ramatāṃ mama mānasam
Sanskrit only: no published translation is held for this verse.
सर्वो विष्णो त्वयानेन क्रियते जगतः क्षयः । रुद्र रूपेण संसारे तस्मै तुभ्यं नमोऽस्तु मे
sarvo viṣṇo tvayānena kriyate jagataḥ kṣayaḥ | rudra rūpeṇa saṃsāre tasmai tubhyaṃ namo'stu me
Sanskrit only: no published translation is held for this verse.
यस्मादल्पतमं नास्ति यस्मान्नास्ति महत्तमम् । येन व्याप्तं जगत्सर्वं त्वया तस्मै नमोऽस्तु ते
yasmādalpatamaṃ nāsti yasmānnāsti mahattamam | yena vyāptaṃ jagatsarvaṃ tvayā tasmai namo'stu te
Sanskrit only: no published translation is held for this verse.
नेत्राभ्यां यस्यदेवस्य सूर्योऽजनि दिवाकरः । मुखादग्निश्च जायेत तव तस्मै नमोऽस्तु ते
netrābhyāṃ yasyadevasya sūryo'jani divākaraḥ | mukhādagniśca jāyeta tava tasmai namo'stu te
Sanskrit only: no published translation is held for this verse.
यस्य श्रोत्राद्वायवोऽपि जाताः प्राणाश्च केशव । तव तस्मै सुरश्रेष्ठ नमोऽस्तु मम सर्वदा
yasya śrotrādvāyavo'pi jātāḥ prāṇāśca keśava | tava tasmai suraśreṣṭha namo'stu mama sarvadā
Sanskrit only: no published translation is held for this verse.
लक्ष्मीर्यस्य सदा क्रोडे श्यामाङ्गस्य सुनिर्वृता । सौदामिनीव मेघस्य तव तस्मै नमोऽस्तु ते
lakṣmīryasya sadā kroḍe śyāmāṅgasya sunirvṛtā | saudāminīva meghasya tava tasmai namo'stu te
Sanskrit only: no published translation is held for this verse.
गंतुं महिम्नां सीमानं ब्रह्माद्या अपि निर्जराः । न शक्नुवंति वै यस्य तव तस्मै नमोऽस्तु ते
gaṃtuṃ mahimnāṃ sīmānaṃ brahmādyā api nirjarāḥ | na śaknuvaṃti vai yasya tava tasmai namo'stu te
Sanskrit only: no published translation is held for this verse.
धर्माणां स्थापनार्थाय विनाशाय च पापिनाम् । युगेयुगे यः प्रभवेत्तस्मै तुभ्यं नमोऽस्तु मे
dharmāṇāṃ sthāpanārthāya vināśāya ca pāpinām | yugeyuge yaḥ prabhavettasmai tubhyaṃ namo'stu me
Sanskrit only: no published translation is held for this verse.
मायया मोहितं येन जगदेतन्महात्मना । क्षिणोति मायया शंभुर्यस्तस्मै ते नमोऽस्तु मे
māyayā mohitaṃ yena jagadetanmahātmanā | kṣiṇoti māyayā śaṃbhuryastasmai te namo'stu me
Sanskrit only: no published translation is held for this verse.
भक्तिमात्रेण यस्तुष्टो न धनैर्न स्तवैस्तथा । न दानैर्न तपोभिश्च तस्मै तुभ्यं नमोऽस्तु मे
bhaktimātreṇa yastuṣṭo na dhanairna stavaistathā | na dānairna tapobhiśca tasmai tubhyaṃ namo'stu me
Sanskrit only: no published translation is held for this verse.
गवां च ब्राह्मणानां च साधूनां च हितं तथा । कृपां च कुरुते यस्तु तस्मै तुभ्यं नमोऽस्तु मे १५० 7.17.150। अनाथानां च बंधूनां योगिनां दुःखिनां तथा । दुःखं हरति यो देवस्तस्मै तुभ्यं नमोऽस्तु मे
gavāṃ ca brāhmaṇānāṃ ca sādhūnāṃ ca hitaṃ tathā | kṛpāṃ ca kurute yastu tasmai tubhyaṃ namo'stu me 150 7.17.150| anāthānāṃ ca baṃdhūnāṃ yogināṃ duḥkhināṃ tathā | duḥkhaṃ harati yo devastasmai tubhyaṃ namo'stu me
Sanskrit only: no published translation is held for this verse.
मनुष्येषु च देवेषु गजेषु सकलेषु च । वर्तते यः समत्वेन तस्मै तुभ्यं नमोऽस्तु मे
manuṣyeṣu ca deveṣu gajeṣu sakaleṣu ca | vartate yaḥ samatvena tasmai tubhyaṃ namo'stu me
Sanskrit only: no published translation is held for this verse.
यस्मिंस्तुष्टे पर्वतोऽपि सद्य एव तृणायते । शैलीयते तृणं रुष्टे तस्मै तुभ्यं नमोऽस्तु मे
yasmiṃstuṣṭe parvato'pi sadya eva tṛṇāyate | śailīyate tṛṇaṃ ruṣṭe tasmai tubhyaṃ namo'stu me
Sanskrit only: no published translation is held for this verse.
पुण्यानां च यथा पुण्ये निजे पुत्रे यथा पितुः । यथा पत्यौ सतीनां च तथा त्वयि ममास्तु वै
puṇyānāṃ ca yathā puṇye nije putre yathā pituḥ | yathā patyau satīnāṃ ca tathā tvayi mamāstu vai
Sanskrit only: no published translation is held for this verse.
यूनां चित्तं यथा स्त्रीषु लुब्धानां च यथा धने । क्षुधितानां यथा चान्ने तथा त्वयि ममास्तु वै
yūnāṃ cittaṃ yathā strīṣu lubdhānāṃ ca yathā dhane | kṣudhitānāṃ yathā cānne tathā tvayi mamāstu vai
Sanskrit only: no published translation is held for this verse.
घर्मार्तानां यथा चन्द्रे शीतार्तानां रवाविति । तृषार्तानां यथा तोये तथा त्वयि ममास्तु वै
gharmārtānāṃ yathā candre śītārtānāṃ ravāviti | tṛṣārtānāṃ yathā toye tathā tvayi mamāstu vai
Sanskrit only: no published translation is held for this verse.
यन्मया बुद्धिहीनेन गुरुस्त्रीगमनं कृतम् । तत्पातकं क्षयं यातु भवंतं पश्यतो मम
yanmayā buddhihīnena gurustrīgamanaṃ kṛtam | tatpātakaṃ kṣayaṃ yātu bhavaṃtaṃ paśyato mama
Sanskrit only: no published translation is held for this verse.
अवध्यानां वधो यस्तु मायामोहवता कृतः । तत्पातकं क्षयं यातु भवंतंपश्यतो मम
avadhyānāṃ vadho yastu māyāmohavatā kṛtaḥ | tatpātakaṃ kṣayaṃ yātu bhavaṃtaṃpaśyato mama
Sanskrit only: no published translation is held for this verse.
अपेयपानं च मया विहितं परमेश्वर । तत्पातकं क्षयं यातु भवं तं पश्यतो मम
apeyapānaṃ ca mayā vihitaṃ parameśvara | tatpātakaṃ kṣayaṃ yātu bhavaṃ taṃ paśyato mama
Sanskrit only: no published translation is held for this verse.
अप्सुयोनौ तथा तोये यद्रेतः सेचनं कृतम् । तत्पातकं क्षयं यातु भवंतं पश्यतो मम
apsuyonau tathā toye yadretaḥ secanaṃ kṛtam | tatpātakaṃ kṣayaṃ yātu bhavaṃtaṃ paśyato mama
Sanskrit only: no published translation is held for this verse.
विश्वासघातकं यञ्च अज्ञात्वा मा यया कृतम् । तत्पातकं क्षयं यातु भवंतं पश्यतो मम
viśvāsaghātakaṃ yañca ajñātvā mā yayā kṛtam | tatpātakaṃ kṣayaṃ yātu bhavaṃtaṃ paśyato mama
Sanskrit only: no published translation is held for this verse.
असत्यवचनं यच्च मया प्रोक्तं क्षणे क्षणे । तत्पातकं क्षयं यातु भवंतं पश्यतोमम
asatyavacanaṃ yacca mayā proktaṃ kṣaṇe kṣaṇe | tatpātakaṃ kṣayaṃ yātu bhavaṃtaṃ paśyatomama
Sanskrit only: no published translation is held for this verse.
सतां निंदा कृता या च परहिंसा च सर्वदा । तत्पातकं क्षयंयातु भवंतं पश्यतो मम
satāṃ niṃdā kṛtā yā ca parahiṃsā ca sarvadā | tatpātakaṃ kṣayaṃyātu bhavaṃtaṃ paśyato mama
Sanskrit only: no published translation is held for this verse.
श्लेष्मा च कफकं चैव यद्वक्त्रे च मया कृतम् । तत्पातकं क्षयं यातु भवंतं पश्यतो मम
śleṣmā ca kaphakaṃ caiva yadvaktre ca mayā kṛtam | tatpātakaṃ kṣayaṃ yātu bhavaṃtaṃ paśyato mama
Sanskrit only: no published translation is held for this verse.
वनस्पतिगते सोमे यत्कृतं तरुघातनम् । तत्पातकं क्षयं यातु भवंतं पश्यतो मम
vanaspatigate some yatkṛtaṃ tarughātanam | tatpātakaṃ kṣayaṃ yātu bhavaṃtaṃ paśyato mama
Sanskrit only: no published translation is held for this verse.
पथि देवालये गोष्ठे मूलमंत्रं च यत्कृतम् । तत्पातकं क्षयं यातु भवंतं पश्यतो मम
pathi devālaye goṣṭhe mūlamaṃtraṃ ca yatkṛtam | tatpātakaṃ kṣayaṃ yātu bhavaṃtaṃ paśyato mama
Sanskrit only: no published translation is held for this verse.
अभक्तिर्वितता या च पितुर्मातुश्च केशव । तत्पातकं क्षयं यातु भवंतं पश्यतो मम
abhaktirvitatā yā ca piturmātuśca keśava | tatpātakaṃ kṣayaṃ yātu bhavaṃtaṃ paśyato mama
Sanskrit only: no published translation is held for this verse.
स्नानार्थं भोजनार्थं च गच्छन्यस्तु निवारितः । तत्पातकंक्षयंयातुभवंतंपश्यतोमम
snānārthaṃ bhojanārthaṃ ca gacchanyastu nivāritaḥ | tatpātakaṃkṣayaṃyātubhavaṃtaṃpaśyatomama
Sanskrit only: no published translation is held for this verse.
एकादश्यांसुरश्रेष्ठयन्मयाभोजनंकृतम् । तत्पातकं क्षयं यातु भवंतं पश्यतो मम
ekādaśyāṃsuraśreṣṭhayanmayābhojanaṃkṛtam | tatpātakaṃ kṣayaṃ yātu bhavaṃtaṃ paśyato mama
Sanskrit only: no published translation is held for this verse.
अतिथिर्गृहमागच्छन्पूजितो न मया प्रभो । तत्पातकं क्षयं यातु भवंतं पश्यतो मम
atithirgṛhamāgacchanpūjito na mayā prabho | tatpātakaṃ kṣayaṃ yātu bhavaṃtaṃ paśyato mama
Sanskrit only: no published translation is held for this verse.
द्वादश्यां च दशम्यां च कृतं यच्च द्विभोजनम् । तत्पातकं क्षयं यातु भवंतं पश्यतो मम
dvādaśyāṃ ca daśamyāṃ ca kṛtaṃ yacca dvibhojanam | tatpātakaṃ kṣayaṃ yātu bhavaṃtaṃ paśyato mama
Sanskrit only: no published translation is held for this verse.
निवारणं कृतं यच्च पानार्थं धावती गवाम् । तत्पातकं क्षयं यातु भवंतं पश्यतो मम
nivāraṇaṃ kṛtaṃ yacca pānārthaṃ dhāvatī gavām | tatpātakaṃ kṣayaṃ yātu bhavaṃtaṃ paśyato mama
Sanskrit only: no published translation is held for this verse.
असमाप्य परित्यक्तं व्रतमारभ्य यन्मया । तत्पातकं क्षयं यातु भवंतं पश्यतो मम
asamāpya parityaktaṃ vratamārabhya yanmayā | tatpātakaṃ kṣayaṃ yātu bhavaṃtaṃ paśyato mama
Sanskrit only: no published translation is held for this verse.
कूटसाक्ष्यं निरुक्तं यन्मित्रवात्सल्यतो मया । तत्पातकं क्षयं यातु भवंतं पश्यतो मम
kūṭasākṣyaṃ niruktaṃ yanmitravātsalyato mayā | tatpātakaṃ kṣayaṃ yātu bhavaṃtaṃ paśyato mama
Sanskrit only: no published translation is held for this verse.
ऋतुकालाभिगमनं निजपत्न्यां कृतं न यत् । तत्पातकं क्षयं यातु भवंतं पश्यतो मम
ṛtukālābhigamanaṃ nijapatnyāṃ kṛtaṃ na yat | tatpātakaṃ kṣayaṃ yātu bhavaṃtaṃ paśyato mama
Sanskrit only: no published translation is held for this verse.
असंस्कृते गृहे यच्च भोजनं विहितं मया । तत्पातकं क्षयं यातु भवंतं पश्यतो मम
asaṃskṛte gṛhe yacca bhojanaṃ vihitaṃ mayā | tatpātakaṃ kṣayaṃ yātu bhavaṃtaṃ paśyato mama
Sanskrit only: no published translation is held for this verse.
ग्रामयाचकवृत्तिश्च या मया नृहरे कृता । तत्पातकं क्षयं यातु भवंतं पश्यतो मम
grāmayācakavṛttiśca yā mayā nṛhare kṛtā | tatpātakaṃ kṣayaṃ yātu bhavaṃtaṃ paśyato mama
Sanskrit only: no published translation is held for this verse.
दण्ड्यमाने मया भूपे प्रभुत्वं यत्कृतं प्रभो । तत्पातकं क्षयं यातु भवंतं पश्यतो मम
daṇḍyamāne mayā bhūpe prabhutvaṃ yatkṛtaṃ prabho | tatpātakaṃ kṣayaṃ yātu bhavaṃtaṃ paśyato mama
Sanskrit only: no published translation is held for this verse.
पौराणिककथामध्ये यो विघ्नो विहितो मया । तत्पातकं क्षयं यातु भवंतं पश्यतो मम
paurāṇikakathāmadhye yo vighno vihito mayā | tatpātakaṃ kṣayaṃ yātu bhavaṃtaṃ paśyato mama
Sanskrit only: no published translation is held for this verse.
आदरेण मया या च परपाककथा श्रुता । तत्पातकं क्षयं यातु भवंतं पश्यतो मम
ādareṇa mayā yā ca parapākakathā śrutā | tatpātakaṃ kṣayaṃ yātu bhavaṃtaṃ paśyato mama
Sanskrit only: no published translation is held for this verse.
अश्वत्थच्छेदनं यच्च धात्र्याश्च च्छेदनं कृतम् । तत्पातकं क्षयं यातु भवंतं पश्यतो मम
aśvatthacchedanaṃ yacca dhātryāśca cchedanaṃ kṛtam | tatpātakaṃ kṣayaṃ yātu bhavaṃtaṃ paśyato mama
Sanskrit only: no published translation is held for this verse.
दधिदुग्धघृतानां च विक्रयो यः कृतो मया । तत्पातकं क्षयं यातु भवंतं पश्यतो मम
dadhidugdhaghṛtānāṃ ca vikrayo yaḥ kṛto mayā | tatpātakaṃ kṣayaṃ yātu bhavaṃtaṃ paśyato mama
Sanskrit only: no published translation is held for this verse.
आशां दत्वा परेभ्यश्च कृता सा निष्फला मया । तत्पातकं क्षयं यातु भवंतं पश्यतो मम
āśāṃ datvā parebhyaśca kṛtā sā niṣphalā mayā | tatpātakaṃ kṣayaṃ yātu bhavaṃtaṃ paśyato mama
Sanskrit only: no published translation is held for this verse.
द्विजाश्च याचकाश्चैव कोपदृष्ट्या मयेक्षिताः । तत्पातकं क्षयं यातु भवंतं पश्यतो मम
dvijāśca yācakāścaiva kopadṛṣṭyā mayekṣitāḥ | tatpātakaṃ kṣayaṃ yātu bhavaṃtaṃ paśyato mama
Sanskrit only: no published translation is held for this verse.
जीवनोपायदातारः कोपान्निर्भर्त्सिता मया । तत्पातकं क्षयं यातु भवंतं पश्यतो मम
jīvanopāyadātāraḥ kopānnirbhartsitā mayā | tatpātakaṃ kṣayaṃ yātu bhavaṃtaṃ paśyato mama
Sanskrit only: no published translation is held for this verse.
बहुनात्र किमुक्तेन बहुजन्मार्जितानि च । क्षयं गतानि पापानि भवंतं पश्यतो मम
bahunātra kimuktena bahujanmārjitāni ca | kṣayaṃ gatāni pāpāni bhavaṃtaṃ paśyato mama
Sanskrit only: no published translation is held for this verse.
कृतार्थोऽस्मि कृतार्थोऽस्मि कृतार्थोऽस्मि न संशयः । नमस्तुभ्यं नमस्तुभ्यं नमस्तुभ्यं जगत्पते
kṛtārtho'smi kṛtārtho'smi kṛtārtho'smi na saṃśayaḥ | namastubhyaṃ namastubhyaṃ namastubhyaṃ jagatpate
Sanskrit only: no published translation is held for this verse.
इत्युक्त्वाऽसौ द्विजो भक्त्या पुलकांचितविग्रहः । पपात जैमिने विष्णोश्चारुपादांबुजद्वये
ityuktvā'sau dvijo bhaktyā pulakāṃcitavigrahaḥ | papāta jaimine viṣṇoścārupādāṃbujadvaye
Sanskrit only: no published translation is held for this verse.
श्रीभगवानुवाच- उत्तिष्ठोत्तिष्ठ ते विप्र तुष्टोऽस्मि तव भक्तितः । किंतेऽभिलषितं ब्रूहि तत्ते दास्याम्यहं ध्रुवम्
śrībhagavānuvāca- uttiṣṭhottiṣṭha te vipra tuṣṭo'smi tava bhaktitaḥ | kiṃte'bhilaṣitaṃ brūhi tatte dāsyāmyahaṃ dhruvam
Sanskrit only: no published translation is held for this verse.
भद्रतनुरुवाच- परमेश्वरगोविन्द दयालो परमाच्युत । यत्संप्रति मया प्राप्तं तत्केन भुवि लभ्यते
bhadratanuruvāca- parameśvaragovinda dayālo paramācyuta | yatsaṃprati mayā prāptaṃ tatkena bhuvi labhyate
Sanskrit only: no published translation is held for this verse.
तथाप्येकं वरं याचे मुरारे तव सन्निधौ । जन्मजन्मनिमे भक्तिस्त्वय्यस्तु सुदृढा प्रभो
tathāpyekaṃ varaṃ yāce murāre tava sannidhau | janmajanmanime bhaktistvayyastu sudṛḍhā prabho
Sanskrit only: no published translation is held for this verse.
मया कृतमिदं स्तोत्रं यः पठेद्भक्तितो नरः । तस्याभिलषितं सर्वं प्रसन्नस्त्वं प्रदास्यसि
mayā kṛtamidaṃ stotraṃ yaḥ paṭhedbhaktito naraḥ | tasyābhilaṣitaṃ sarvaṃ prasannastvaṃ pradāsyasi
Sanskrit only: no published translation is held for this verse.
श्रीभगवानुवाच- दत्तोऽयं ते वरः कोऽपि विप्र नास्त्यत्र संशयः । किंतु त्वया सह प्राज्ञ सख्यं कर्तुं मयेष्यते
śrībhagavānuvāca- datto'yaṃ te varaḥ ko'pi vipra nāstyatra saṃśayaḥ | kiṃtu tvayā saha prājña sakhyaṃ kartuṃ mayeṣyate
Sanskrit only: no published translation is held for this verse.
न मे सेवकयोग्यास्ते भवानहमिह द्विज । अतः सख्यं प्रविवृतं त्वया सह मयाधुना
na me sevakayogyāste bhavānahamiha dvija | ataḥ sakhyaṃ pravivṛtaṃ tvayā saha mayādhunā
Sanskrit only: no published translation is held for this verse.
व्यास उवाच- ततो नारायणो देवो दयालुर्भक्तवत्सलः । चकार जैमिने सख्यं तेन पुण्यात्मना सह
vyāsa uvāca- tato nārāyaṇo devo dayālurbhaktavatsalaḥ | cakāra jaimine sakhyaṃ tena puṇyātmanā saha
Sanskrit only: no published translation is held for this verse.
निजकण्ठगतां मालां ददौ तस्मै मुदा हरिः । सोऽपि विप्रो ददौ भक्त्या हरेस्तुलसिकास्रजम्
nijakaṇṭhagatāṃ mālāṃ dadau tasmai mudā hariḥ | so'pi vipro dadau bhaktyā harestulasikāsrajam
Sanskrit only: no published translation is held for this verse.
प्रसार्य चतुरो बाहूंस्तमालिंगितवान्हरिः । स विप्रोऽपि मुदा विष्णुं तमालिंगितवान्प्रभुः
prasārya caturo bāhūṃstamāliṃgitavānhariḥ | sa vipro'pi mudā viṣṇuṃ tamāliṃgitavānprabhuḥ
Sanskrit only: no published translation is held for this verse.
इत्थं कृत्वा हरिः सख्यं तेनाग्रजन्मना सह । भक्तिग्राही दयालुः स तत्रैवांतरधीयत
itthaṃ kṛtvā hariḥ sakhyaṃ tenāgrajanmanā saha | bhaktigrāhī dayāluḥ sa tatraivāṃtaradhīyata
Sanskrit only: no published translation is held for this verse.
ततः प्रतिदिनं तत्र क्षेत्रे च पुरुषोत्तमे । आरेभे कंदुकक्रीडां हरिस्तेनाग्रजन्मना २०० 7.17.200। कदाचिद्दुर्बलं दृष्ट्वा तं विप्रं करुणामयः । उवाच वाचं विप्रर्षेमित्रवात्सल्यतो हरिः
tataḥ pratidinaṃ tatra kṣetre ca puruṣottame | ārebhe kaṃdukakrīḍāṃ haristenāgrajanmanā 200 7.17.200| kadāciddurbalaṃ dṛṣṭvā taṃ vipraṃ karuṇāmayaḥ | uvāca vācaṃ viprarṣemitravātsalyato hariḥ
Sanskrit only: no published translation is held for this verse.
श्रीभगवानुवाच- सखे कथं दुर्बलस्त्वं हृतं केन धनं तव । हृदि का वा च ते चिन्ता सखे तद्वक्तुमर्हसि
śrībhagavānuvāca- sakhe kathaṃ durbalastvaṃ hṛtaṃ kena dhanaṃ tava | hṛdi kā vā ca te cintā sakhe tadvaktumarhasi
Sanskrit only: no published translation is held for this verse.
भद्रतनुरुवाच- त्वत्प्रीतये जगन्नाथ नित्यमेव मया तपः । क्रियते तेन मे गात्रं याति दुर्बलतां प्रभो
bhadratanuruvāca- tvatprītaye jagannātha nityameva mayā tapaḥ | kriyate tena me gātraṃ yāti durbalatāṃ prabho
Sanskrit only: no published translation is held for this verse.
श्रीभगवानुवाच- यथा त्वयि प्रसन्नोऽस्मि कस्मिंश्च न तथा सखे । कायक्लेशं पुनः कस्मात्करोषि द्विजसत्तम
śrībhagavānuvāca- yathā tvayi prasanno'smi kasmiṃśca na tathā sakhe | kāyakleśaṃ punaḥ kasmātkaroṣi dvijasattama
Sanskrit only: no published translation is held for this verse.
दुर्बलं त्वां समालोक्य हृदि मे जायते व्यथा । कायक्लेशमतः सर्वं जहीहि द्विजसत्तम
durbalaṃ tvāṃ samālokya hṛdi me jāyate vyathā | kāyakleśamataḥ sarvaṃ jahīhi dvijasattama
Sanskrit only: no published translation is held for this verse.
निजोत्तरीयैर्निजवस्त्रभूषण्सुचारुचामीकरकुड्मलाभ्याम् । स्वहस्तराजद्वलयैश्च विप्रः स्वयं सुरेशेन च मंडितोऽसौ
nijottarīyairnijavastrabhūṣaṇsucārucāmīkarakuḍmalābhyām | svahastarājadvalayaiśca vipraḥ svayaṃ sureśena ca maṃḍito'sau
Sanskrit only: no published translation is held for this verse.
किरीटमानीय निजाल्ललाटात्पादाच्च पादांगदयुग्ममीशः । सुवर्णहारं निजकंठदेशात्तस्मै ददौ विप्रवराय कृष्णः
kirīṭamānīya nijāllalāṭātpādācca pādāṃgadayugmamīśaḥ | suvarṇahāraṃ nijakaṃṭhadeśāttasmai dadau vipravarāya kṛṣṇaḥ
Sanskrit only: no published translation is held for this verse.
तैर्भूषणैः श्रीहरिणा प्रदत्तैर्विभूषितोऽयं सुकृती द्विजन्मा । क्रीडेत्सदा कंदुककेलिवेत्ता कृष्णेन कृष्णांबुजसुंदरेण
tairbhūṣaṇaiḥ śrīhariṇā pradattairvibhūṣito'yaṃ sukṛtī dvijanmā | krīḍetsadā kaṃdukakelivettā kṛṣṇena kṛṣṇāṃbujasuṃdareṇa
Sanskrit only: no published translation is held for this verse.
तमेकदा भूषणभूषिताड्गं तांबूलरागारुचिरोष्ठयुग्मम् । दिव्यांबरं चारुतरोत्तरीयं स्मेराननं तत्र ददर्श दांतः
tamekadā bhūṣaṇabhūṣitāḍgaṃ tāṃbūlarāgāruciroṣṭhayugmam | divyāṃbaraṃ cārutarottarīyaṃ smerānanaṃ tatra dadarśa dāṃtaḥ
Sanskrit only: no published translation is held for this verse.
दांत उवाच- भद्र भद्रतनोऽद्यापि पापदृष्टिं न मुंचसि । दृष्ट्वापि भवतः कार्यं निंदितं सकलैर्जनैः
dāṃta uvāca- bhadra bhadratano'dyāpi pāpadṛṣṭiṃ na muṃcasi | dṛṣṭvāpi bhavataḥ kāryaṃ niṃditaṃ sakalairjanaiḥ
Sanskrit only: no published translation is held for this verse.
शिष्यः कृतस्त्वं यस्मान्मे सर्वमेव हि भूषणम् । अहंयुश्चापि दुःशीलो निर्दयः पापतत्परः
śiṣyaḥ kṛtastvaṃ yasmānme sarvameva hi bhūṣaṇam | ahaṃyuścāpi duḥśīlo nirdayaḥ pāpatatparaḥ
Sanskrit only: no published translation is held for this verse.
गुरुकीर्तिविनाशी च पंचैते शिष्यपांसुलाः । अभक्तो बहुभाषी च तथा चंचलमानसः
gurukīrtivināśī ca paṃcaite śiṣyapāṃsulāḥ | abhakto bahubhāṣī ca tathā caṃcalamānasaḥ
Sanskrit only: no published translation is held for this verse.
परोक्षगुरुनिंदाकृत्प्रोक्ताः शिष्याधमा इमे । चरित्रमुत्तमं ज्ञात्वा शिष्यः कार्यो विचक्षणैः
parokṣaguruniṃdākṛtproktāḥ śiṣyādhamā ime | caritramuttamaṃ jñātvā śiṣyaḥ kāryo vicakṣaṇaiḥ
Sanskrit only: no published translation is held for this verse.
यतो दुर्जनगा विद्या गुरूणां चापि दुःखदा । कीर्तिदास्तैश्च या विद्या निरुक्तास्तत्वदर्शिभिः
yato durjanagā vidyā gurūṇāṃ cāpi duḥkhadā | kīrtidāstaiśca yā vidyā niruktāstatvadarśibhiḥ
Sanskrit only: no published translation is held for this verse.
ता वै दुर्जनगाः सद्यो गुरोर्घ्नंति यशस्तरुम् । पापेभ्यः पुण्यकर्माणि न रोचंते कदापि च
tā vai durjanagāḥ sadyo gurorghnaṃti yaśastarum | pāpebhyaḥ puṇyakarmāṇi na rocaṃte kadāpi ca
Sanskrit only: no published translation is held for this verse.
न रोचते मक्षिकाभ्यः सुगन्धिचंदनं यथा । यथा मिष्टान्नपानेन न हि तृप्यंति गर्दभा
na rocate makṣikābhyaḥ sugandhicaṃdanaṃ yathā | yathā miṣṭānnapānena na hi tṛpyaṃti gardabhā
Sanskrit only: no published translation is held for this verse.
दुर्जना न हि तृप्यंति यथा धर्मस्य चिंतया । अपकीर्तिभयाल्लक्ष्मीर्धर्मश्च सर्वकामदः
durjanā na hi tṛpyaṃti yathā dharmasya ciṃtayā | apakīrtibhayāllakṣmīrdharmaśca sarvakāmadaḥ
Sanskrit only: no published translation is held for this verse.
कदाचिन्न भजेद्दुष्टं भजेद्वा गच्छति क्षयम् । प्रतिजन्मनि या विद्या भाग्येन लभते परा
kadācinna bhajedduṣṭaṃ bhajedvā gacchati kṣayam | pratijanmani yā vidyā bhāgyena labhate parā
Sanskrit only: no published translation is held for this verse.
कदाचिल्लभते वापि तदा त्वं तरते विधिः
kadācillabhate vāpi tadā tvaṃ tarate vidhiḥ
Sanskrit only: no published translation is held for this verse.
भद्रतनुरुवाच- सत्यं ब्रवीषि विप्रर्षे नास्मि शास्त्रविशारदः । मया शिष्येण ते क्वापि नापकीर्तिर्भविष्यति
bhadratanuruvāca- satyaṃ bravīṣi viprarṣe nāsmi śāstraviśāradaḥ | mayā śiṣyeṇa te kvāpi nāpakīrtirbhaviṣyati
Sanskrit only: no published translation is held for this verse.
त्वत्प्रसादाद्दिवजश्रेष्ठ सर्वाभिलषितं मम । सिद्धिं प्रतिगतं यस्मात्त्वमेको भुवि दुर्ल्लभः
tvatprasādāddivajaśreṣṭha sarvābhilaṣitaṃ mama | siddhiṃ pratigataṃ yasmāttvameko bhuvi durllabhaḥ
Sanskrit only: no published translation is held for this verse.
दांत उवाच- किं तेऽभिलषितं विप्र सिद्धिं प्रतिगतं वद । अचिरेणैव तपसां कथमुद्यापनं कृतम्
dāṃta uvāca- kiṃ te'bhilaṣitaṃ vipra siddhiṃ pratigataṃ vada | acireṇaiva tapasāṃ kathamudyāpanaṃ kṛtam
Sanskrit only: no published translation is held for this verse.
भद्रतनुरुवाच- स्वल्पश्रमैरपि प्राप्तं मया संदर्शनं हरेः । यस्याज्ञया गुरो त्यक्तं मया नित्यक्रियादिकम्
bhadratanuruvāca- svalpaśramairapi prāptaṃ mayā saṃdarśanaṃ hareḥ | yasyājñayā guro tyaktaṃ mayā nityakriyādikam
Sanskrit only: no published translation is held for this verse.
निजोत्तरीयं वस्त्रं च सुवर्णकलशद्वयम् । स्वहस्तवलयं चापि स्वललाटकिरीटकम्
nijottarīyaṃ vastraṃ ca suvarṇakalaśadvayam | svahastavalayaṃ cāpi svalalāṭakirīṭakam
Sanskrit only: no published translation is held for this verse.
निजपादतुलाकोटिं निजमुक्तावलीं ददौ । तथा मे भगवान्विष्णुः सुप्रीतो द्विजसत्तम
nijapādatulākoṭiṃ nijamuktāvalīṃ dadau | tathā me bhagavānviṣṇuḥ suprīto dvijasattama
Sanskrit only: no published translation is held for this verse.
मया सह स कृत्वास्ते सख्यं सेवकदुःखहा । करोमि कंदुकाक्रीडां गुरो तेन सहानिशम्
mayā saha sa kṛtvāste sakhyaṃ sevakaduḥkhahā | karomi kaṃdukākrīḍāṃ guro tena sahāniśam
Sanskrit only: no published translation is held for this verse.
एतन्मे वचनं श्रुत्वा गच्छामि न हि यद्यपि । प्रतीत्या च मया प्रोक्तं तथापि तव सन्निधौ
etanme vacanaṃ śrutvā gacchāmi na hi yadyapi | pratītyā ca mayā proktaṃ tathāpi tava sannidhau
Sanskrit only: no published translation is held for this verse.
दांत उवाच- सप्तवर्षसहस्राणि भक्त्या परमया मया । आराधितोऽपि मे विष्णुर्दर्शनं न ददौ विभुः
dāṃta uvāca- saptavarṣasahasrāṇi bhaktyā paramayā mayā | ārādhito'pi me viṣṇurdarśanaṃ na dadau vibhuḥ
Sanskrit only: no published translation is held for this verse.
अहो विष्णुं समाराध्य पंचाहान्येव सत्तम । त्वया संदर्शनं प्राप्तं दैवतैरपि दुर्ल्लभम्
aho viṣṇuṃ samārādhya paṃcāhānyeva sattama | tvayā saṃdarśanaṃ prāptaṃ daivatairapi durllabham
Sanskrit only: no published translation is held for this verse.
धन्योऽसि त्वं कृतार्थोऽसि साक्षाद्देवस्त्वमुच्यते । यतस्त्वया सह स्वामी प्रेम्णा सख्यं चकार ह
dhanyo'si tvaṃ kṛtārtho'si sākṣāddevastvamucyate | yatastvayā saha svāmī premṇā sakhyaṃ cakāra ha
Sanskrit only: no published translation is held for this verse.
यदा मयि तव स्नेहो विद्यते द्विजसत्तम । कथं कथय मे विप्र दुर्ल्लभं विष्णुदर्शनम्
yadā mayi tava sneho vidyate dvijasattama | kathaṃ kathaya me vipra durllabhaṃ viṣṇudarśanam
Sanskrit only: no published translation is held for this verse.
व्यास उवाच- इत्युक्तो गुरुणा विप्रो विपिने निजमाश्रमम् । जगाम विस्मितो धीमान्विष्णुभक्तिपरायणः
vyāsa uvāca- ityukto guruṇā vipro vipine nijamāśramam | jagāma vismito dhīmānviṣṇubhaktiparāyaṇaḥ
Sanskrit only: no published translation is held for this verse.
अथान्यस्मिन्दिने गत्वा कंदुकक्रीडनं कृतम् । उवाचेति जगन्नाथं दयालुं विनयान्वितः
athānyasmindine gatvā kaṃdukakrīḍanaṃ kṛtam | uvāceti jagannāthaṃ dayāluṃ vinayānvitaḥ
Sanskrit only: no published translation is held for this verse.
भद्रतनुरुवाच- गुरुर्हि मम देवेंद्र तव दर्शनमिच्छति । काज्ञा ते तिष्ठतो ब्रूहि दयालो कमलापते
bhadratanuruvāca- gururhi mama deveṃdra tava darśanamicchati | kājñā te tiṣṭhato brūhi dayālo kamalāpate
Sanskrit only: no published translation is held for this verse.
एकांतभक्तो विप्रोऽसौ तव पद्मनिभेक्षण । अतस्तस्मै सुरश्रेष्ठ दर्शनं दातुमर्हसि
ekāṃtabhakto vipro'sau tava padmanibhekṣaṇa | atastasmai suraśreṣṭha darśanaṃ dātumarhasi
Sanskrit only: no published translation is held for this verse.
श्रीभगवानुवाच- अनेकजन्म विप्रेन्द्र भक्त्या परमया त्वया । पूजितोऽहमतो दत्तं दर्शनं ते मयाऽधुना
śrībhagavānuvāca- anekajanma viprendra bhaktyā paramayā tvayā | pūjito'hamato dattaṃ darśanaṃ te mayā'dhunā
Sanskrit only: no published translation is held for this verse.
कतिचिद्दिवसांतेन मामभ्यर्च्य द्विजः स च । मां द्रष्टुमिच्छति प्राज्ञस्त्वदृश्यं दैवतैरपि
katiciddivasāṃtena māmabhyarcya dvijaḥ sa ca | māṃ draṣṭumicchati prājñastvadṛśyaṃ daivatairapi
Sanskrit only: no published translation is held for this verse.
मम सोऽपि महाभक्तो मत्सपर्यापरायणः । मम संदर्शनं तस्मात्कदाचिद्द्विज लप्स्यति
mama so'pi mahābhakto matsaparyāparāyaṇaḥ | mama saṃdarśanaṃ tasmātkadāciddvija lapsyati
Sanskrit only: no published translation is held for this verse.
व्यास उवाच- इति तस्य वचः श्रुत्वा स विप्रः कमलापतिम् । इत्युवाच पुनर्भक्त्या केशवं क्लेशनाशनम्
vyāsa uvāca- iti tasya vacaḥ śrutvā sa vipraḥ kamalāpatim | ityuvāca punarbhaktyā keśavaṃ kleśanāśanam
Sanskrit only: no published translation is held for this verse.
भद्रतनुरुवाच- अनुग्रहोस्ति देवेश यदा मयि जगत्पते । तदा मे संमुखे देहि दर्शनं भक्तवत्सल
bhadratanuruvāca- anugrahosti deveśa yadā mayi jagatpate | tadā me saṃmukhe dehi darśanaṃ bhaktavatsala
Sanskrit only: no published translation is held for this verse.
अयाचत गुरुर्देव तव दर्शनदक्षिणाम् । अहो मे गुरवे दत्वा दर्शनं पाहि मां प्रभो
ayācata gururdeva tava darśanadakṣiṇām | aho me gurave datvā darśanaṃ pāhi māṃ prabho
Sanskrit only: no published translation is held for this verse.
श्रीभगवानुवाच- यदा नूनं त्वयोत्सृष्टा मत्संदर्शनदक्षिणा । तदा गुरुं समानीय दर्शनं मम कारय
śrībhagavānuvāca- yadā nūnaṃ tvayotsṛṣṭā matsaṃdarśanadakṣiṇā | tadā guruṃ samānīya darśanaṃ mama kāraya
Sanskrit only: no published translation is held for this verse.
इत्याज्ञप्तस्ततस्तेन गुरोराश्रममुत्तमम् । ययौ भद्रतनुः प्रीत्या पुनः स्वगुरुरागतः
ityājñaptastatastena gurorāśramamuttamam | yayau bhadratanuḥ prītyā punaḥ svagururāgataḥ
Sanskrit only: no published translation is held for this verse.
तस्मिन्विप्रे समायाते दान्ते दातृवरे हरिः । आत्मानं दर्शयामास सर्वलक्षणसंयुतम्
tasminvipre samāyāte dānte dātṛvare hariḥ | ātmānaṃ darśayāmāsa sarvalakṣaṇasaṃyutam
Sanskrit only: no published translation is held for this verse.
ततो हरिं समालोक्य स विप्रो हरिभक्तिकृत् । बद्धाञ्जलिस्तमस्तौषीद्धर्षबाष्पविलोचनः
tato hariṃ samālokya sa vipro haribhaktikṛt | baddhāñjalistamastauṣīddharṣabāṣpavilocanaḥ
Sanskrit only: no published translation is held for this verse.