Padma Purāṇa 7.17

दांत उवाच- दयालो कमलाकांत शरणागतपालक । नमस्तुभ्यं नमस्तुभ्यं नमस्तुभ्यं नमोनमः

dāṃta uvāca- dayālo kamalākāṃta śaraṇāgatapālaka | namastubhyaṃ namastubhyaṃ namastubhyaṃ namonamaḥ

Sanskrit only: no published translation is held for this verse.

अद्य मे सफलं जन्म अद्य मे सफलं तपः । अद्य मे सफलं सर्वं प्राप्तं त्वद्दर्शनं मया

adya me saphalaṃ janma adya me saphalaṃ tapaḥ | adya me saphalaṃ sarvaṃ prāptaṃ tvaddarśanaṃ mayā

Sanskrit only: no published translation is held for this verse.

पूर्वमालोचितं यद्यद्वचनं श्रीपते प्रभो । सिंधुकोटिगभीरस्य प्रसृतं पुरतस्तव

pūrvamālocitaṃ yadyadvacanaṃ śrīpate prabho | siṃdhukoṭigabhīrasya prasṛtaṃ puratastava

Sanskrit only: no published translation is held for this verse.

स्तोत्रं तन्नास्ति संसारे वागीशस्य जगत्पतेः । येन स्तोत्रेण ते प्रीतिं जनयिष्यामि चेतसि

stotraṃ tannāsti saṃsāre vāgīśasya jagatpateḥ | yena stotreṇa te prītiṃ janayiṣyāmi cetasi

Sanskrit only: no published translation is held for this verse.

रक्षरक्ष प्रभो रक्ष मां प्रसीद जगत्पते । त्वद्दासदासदासानां दासत्वेनापि मां वृणु । व्यास उवाच- ततः प्रहस्य देवेशो भक्तिग्राही दयामयः । करारविंदं तन्मूर्ध्नि दत्वा प्राहेति जैमिने २५० 7.17.250। श्रीभगवानुवाच- मद्भक्तोऽसि द्विजश्रेष्ठ प्राप्तं मद्दर्शनं त्वया । मत्प्रसादेन भद्रं ते सर्वमेव भविष्यति

rakṣarakṣa prabho rakṣa māṃ prasīda jagatpate | tvaddāsadāsadāsānāṃ dāsatvenāpi māṃ vṛṇu | vyāsa uvāca- tataḥ prahasya deveśo bhaktigrāhī dayāmayaḥ | karāraviṃdaṃ tanmūrdhni datvā prāheti jaimine 250 7.17.250| śrībhagavānuvāca- madbhakto'si dvijaśreṣṭha prāptaṃ maddarśanaṃ tvayā | matprasādena bhadraṃ te sarvameva bhaviṣyati

Sanskrit only: no published translation is held for this verse.

व्यास उवाच- तमालिङ्ग्य ततो दांतं प्रेम्णा भद्रतनुं च तम् । तत्रैवांतर्दधे विप्र सहसा परमेश्वर

vyāsa uvāca- tamāliṅgya tato dāṃtaṃ premṇā bhadratanuṃ ca tam | tatraivāṃtardadhe vipra sahasā parameśvara

Sanskrit only: no published translation is held for this verse.

तस्मिन्क्षेत्रवरे पुण्ये दुर्ल्लभे पुरुषोत्तमे । क्रियायोगैर्हरिन्दृष्ट्वा दांतो धाम परं ययौ

tasminkṣetravare puṇye durllabhe puruṣottame | kriyāyogairharindṛṣṭvā dāṃto dhāma paraṃ yayau

Sanskrit only: no published translation is held for this verse.

सोऽपि भद्रतनुर्विप्रो हरिभक्तिपरायणः । आयुषोंते ययौ मोक्षं देवानामपि दुर्ल्लभम्

so'pi bhadratanurvipro haribhaktiparāyaṇaḥ | āyuṣoṃte yayau mokṣaṃ devānāmapi durllabham

Sanskrit only: no published translation is held for this verse.

एकाहमपि यो भक्त्या पूजयेत्परमेश्वरम् । बहुजन्मकृतं पापं प्रीतिः संवर्द्धते हरौ

ekāhamapi yo bhaktyā pūjayetparameśvaram | bahujanmakṛtaṃ pāpaṃ prītiḥ saṃvarddhate harau

Sanskrit only: no published translation is held for this verse.

अद्यापि त्रिदशाः सर्वे ब्रह्माद्या अपि जैमिने । प्रभावं न हि जानंति हरिभक्तस्य भूतले

adyāpi tridaśāḥ sarve brahmādyā api jaimine | prabhāvaṃ na hi jānaṃti haribhaktasya bhūtale

Sanskrit only: no published translation is held for this verse.

कर्मभूमिरियं विप्र स्वर्गादपि च दुर्ल्लभा । यत्र विष्णुं समभ्यर्च्य मर्त्याः स्युः सुरवंदिताः

karmabhūmiriyaṃ vipra svargādapi ca durllabhā | yatra viṣṇuṃ samabhyarcya martyāḥ syuḥ suravaṃditāḥ

Sanskrit only: no published translation is held for this verse.

शक्राद्यास्त्रिदशाः सर्वे सुपुण्यक्षयभीरवः । अन्योन्यमपि जल्पंतोऽनिशं च द्विजसत्तम

śakrādyāstridaśāḥ sarve supuṇyakṣayabhīravaḥ | anyonyamapi jalpaṃto'niśaṃ ca dvijasattama

Sanskrit only: no published translation is held for this verse.

भूय एव गमिष्यामः कर्मभूमिं कदा वयम् । कदा तत्र करिष्यामः पूजां श्रीकमलापतेः

bhūya eva gamiṣyāmaḥ karmabhūmiṃ kadā vayam | kadā tatra kariṣyāmaḥ pūjāṃ śrīkamalāpateḥ

Sanskrit only: no published translation is held for this verse.

अतिधन्या इमे लोका अस्मत्तोऽपि महत्तराः । दुर्ल्लभे भारते वर्षे पूजयंति हरिं प्रभुम्

atidhanyā ime lokā asmatto'pi mahattarāḥ | durllabhe bhārate varṣe pūjayaṃti hariṃ prabhum

Sanskrit only: no published translation is held for this verse.

अहो भारतवर्षस्य कः शक्तो गुणभाषणे । यत्राराध्य हरिं पूर्वं वयं देवत्वमागताः

aho bhāratavarṣasya kaḥ śakto guṇabhāṣaṇe | yatrārādhya hariṃ pūrvaṃ vayaṃ devatvamāgatāḥ

Sanskrit only: no published translation is held for this verse.

इत्थं देवगणाः सर्वे वासवाद्या द्विजोत्तम । नित्यं भारतभूभागं प्रशंसंति शुभप्रदम्

itthaṃ devagaṇāḥ sarve vāsavādyā dvijottama | nityaṃ bhāratabhūbhāgaṃ praśaṃsaṃti śubhapradam

Sanskrit only: no published translation is held for this verse.

तत्र जन्म समासाद्य येन नाराधितो हरिः । तत्तुल्यः कोऽपि संसारे कोऽपि दृष्टः श्रुतो न च

tatra janma samāsādya yena nārādhito hariḥ | tattulyaḥ ko'pi saṃsāre ko'pi dṛṣṭaḥ śruto na ca

Sanskrit only: no published translation is held for this verse.

सत्यं सत्यं पुनरपि गद्यते सत्यमेव तत् । विश्वात्मानं सकृदपि मानवा येऽर्चयंति च

satyaṃ satyaṃ punarapi gadyate satyameva tat | viśvātmānaṃ sakṛdapi mānavā ye'rcayaṃti ca

Sanskrit only: no published translation is held for this verse.

अप्यश्रांतं द्विज सुदृढया कर्मभूमौ च भक्त्या । मुक्ताः पापैः सुकररचितैर्यांति कैवल्यमाशु

apyaśrāṃtaṃ dvija sudṛḍhayā karmabhūmau ca bhaktyā | muktāḥ pāpaiḥ sukararacitairyāṃti kaivalyamāśu

Sanskrit only: no published translation is held for this verse.

भ्रूणहत्या कृता या च रेतसां सेचनं भुवि । तत्पातकं क्षयं यातु भवंतं पश्यतो मम

bhrūṇahatyā kṛtā yā ca retasāṃ secanaṃ bhuvi | tatpātakaṃ kṣayaṃ yātu bhavaṃtaṃ paśyato mama

Sanskrit only: no published translation is held for this verse.