Library·Padma Purāṇa·7·7.20
व्यास उवाच- विष्णुपूजाफलं विप्र संक्षेपात्कथितं मया । इदानीं वच्मि दानानि निशामय समाहितः
vyāsa uvāca- viṣṇupūjāphalaṃ vipra saṃkṣepātkathitaṃ mayā | idānīṃ vacmi dānāni niśāmaya samāhitaḥ
Sanskrit only: no published translation is held for this verse.
दानं तपो द्वयोर्मध्ये दानमेकं परं स्मृतम् । तपसा पापमित्युक्तं न पापो दानकर्मणि
dānaṃ tapo dvayormadhye dānamekaṃ paraṃ smṛtam | tapasā pāpamityuktaṃ na pāpo dānakarmaṇi
Sanskrit only: no published translation is held for this verse.
तपः कृतयुगे श्रेष्ठं त्रेतायां ध्यानमेव च । सपर्या द्वापरे श्रेष्ठा दानं श्रेष्ठं कलौ युगे
tapaḥ kṛtayuge śreṣṭhaṃ tretāyāṃ dhyānameva ca | saparyā dvāpare śreṣṭhā dānaṃ śreṣṭhaṃ kalau yuge
Sanskrit only: no published translation is held for this verse.
तस्मात्कलियुगे दानं प्रीतये कमलापतेः । कर्तव्यं सततं प्राज्ञैरिच्छद्भिः परमं पदम्
tasmātkaliyuge dānaṃ prītaye kamalāpateḥ | kartavyaṃ satataṃ prājñairicchadbhiḥ paramaṃ padam
Sanskrit only: no published translation is held for this verse.
कलया कलया चन्द्र कलां संवर्द्धते तथा । दानस्य सा गतिः प्रोक्ता तपसश्च मनीषिभिः
kalayā kalayā candra kalāṃ saṃvarddhate tathā | dānasya sā gatiḥ proktā tapasaśca manīṣibhiḥ
Sanskrit only: no published translation is held for this verse.
पलादपि द्विजश्रेष्ठ कर्तव्यो वित्तसंग्रहः । संचितं तु धनं प्राज्ञो दानकर्मणि संक्षिपेत्
palādapi dvijaśreṣṭha kartavyo vittasaṃgrahaḥ | saṃcitaṃ tu dhanaṃ prājño dānakarmaṇi saṃkṣipet
Sanskrit only: no published translation is held for this verse.
धने स्थितोपि यो मर्त्यो नाश्नाति न ददाति यः । दरिद्र सः च विज्ञेयो दानभोगविवर्जितः
dhane sthitopi yo martyo nāśnāti na dadāti yaḥ | daridra saḥ ca vijñeyo dānabhogavivarjitaḥ
Sanskrit only: no published translation is held for this verse.
वित्तं केन सहायाति याति तेन तु को द्विज । आयाति तत्पुरा दत्तमिह पंचत्वमागते
vittaṃ kena sahāyāti yāti tena tu ko dvija | āyāti tatpurā dattamiha paṃcatvamāgate
Sanskrit only: no published translation is held for this verse.
दत्वा दत्वा सदा दानं मानवा ये दरिद्रति । न ते दरिद्रा विज्ञेयाः परलोके महेश्वराः
datvā datvā sadā dānaṃ mānavā ye daridrati | na te daridrā vijñeyāḥ paraloke maheśvarāḥ
Sanskrit only: no published translation is held for this verse.
धनं रक्षंति कार्पण्याद्ये ते ज्ञेयाः सुदुःखिताः । अंते त्यक्त्वा च तत्सर्वं निराशा यांति जैमिने
dhanaṃ rakṣaṃti kārpaṇyādye te jñeyāḥ suduḥkhitāḥ | aṃte tyaktvā ca tatsarvaṃ nirāśā yāṃti jaimine
Sanskrit only: no published translation is held for this verse.
परलोके द्विजश्रेष्ठः साधुसद्बलवर्जितः । निर्द्धने बंधुहीने च नादत्तमुपतिष्ठते
paraloke dvijaśreṣṭhaḥ sādhusadbalavarjitaḥ | nirddhane baṃdhuhīne ca nādattamupatiṣṭhate
Sanskrit only: no published translation is held for this verse.
स्तोकं स्तोकं च विप्रेन्द्र भक्तिश्रद्धासमन्वितः । नित्यं देयानि दानानि वैष्णवैर्निजभक्तितः
stokaṃ stokaṃ ca viprendra bhaktiśraddhāsamanvitaḥ | nityaṃ deyāni dānāni vaiṣṇavairnijabhaktitaḥ
Sanskrit only: no published translation is held for this verse.
सर्वेषामेव दानानामन्नदानं द्विजोत्तम । जलदानं च तत्वज्ञैरतिश्रेष्ठं प्रकीर्तितम्
sarveṣāmeva dānānāmannadānaṃ dvijottama | jaladānaṃ ca tatvajñairatiśreṣṭhaṃ prakīrtitam
Sanskrit only: no published translation is held for this verse.
विनान्नेन न तिष्ठंति प्राणा देहेषु देहिनाम् । अन्नदः प्राणदो ज्ञेयः प्राणदः सकलप्रदः
vinānnena na tiṣṭhaṃti prāṇā deheṣu dehinām | annadaḥ prāṇado jñeyaḥ prāṇadaḥ sakalapradaḥ
Sanskrit only: no published translation is held for this verse.
तस्मात्समस्तदानानामन्नदो लभते फलम् । अन्नदानसमं दानं जलदानं च जैमिने
tasmātsamastadānānāmannado labhate phalam | annadānasamaṃ dānaṃ jaladānaṃ ca jaimine
Sanskrit only: no published translation is held for this verse.
विना तोयेन नान्नं स्यादतस्तोयं प्रदीयते । क्षुधा तृषापि विप्रेन्द्र द्वे तुल्ये तु प्रकीर्तिते
vinā toyena nānnaṃ syādatastoyaṃ pradīyate | kṣudhā tṛṣāpi viprendra dve tulye tu prakīrtite
Sanskrit only: no published translation is held for this verse.
तस्माद्दत्वा च तोयं च श्रेष्ठं प्रोक्तं मनीषिभिः । जीवनं जीवनं नॄणां जीवनं न च जीवनम्
tasmāddatvā ca toyaṃ ca śreṣṭhaṃ proktaṃ manīṣibhiḥ | jīvanaṃ jīvanaṃ nṝṇāṃ jīvanaṃ na ca jīvanam
Sanskrit only: no published translation is held for this verse.
अतो जीवनरक्षार्थं जीवनं प्राज्ञ उत्सृजेत् । अन्नं तोयं च विप्रेन्द्र दत्तं येन महीतले
ato jīvanarakṣārthaṃ jīvanaṃ prājña utsṛjet | annaṃ toyaṃ ca viprendra dattaṃ yena mahītale
Sanskrit only: no published translation is held for this verse.
तेन सर्वाणि दानानि कृतानि नात्र संशयः । अन्नदानस्य माहात्म्यं जलदानस्य वै शृणु
tena sarvāṇi dānāni kṛtāni nātra saṃśayaḥ | annadānasya māhātmyaṃ jaladānasya vai śṛṇu
Sanskrit only: no published translation is held for this verse.
बभूव हास्तिनपुरे कुबेर इव वित्तवान् । तस्मिन्नेव पुरे वेश्या बभूव सुरसुंदरी
babhūva hāstinapure kubera iva vittavān | tasminneva pure veśyā babhūva surasuṃdarī
Sanskrit only: no published translation is held for this verse.
ख्याता रतिविदग्धेति सर्वलक्षणसंयुता । तत्र क्षेमंकरी नाम ब्राह्मणी श्रेष्ठवंशजा
khyātā ratividagdheti sarvalakṣaṇasaṃyutā | tatra kṣemaṃkarī nāma brāhmaṇī śreṣṭhavaṃśajā
Sanskrit only: no published translation is held for this verse.
समस्तगुणसम्पन्ना विधवासीद्द्विजात्मजा । सा ब्राह्मणी द्विजश्रेष्ठ जारानुरक्तमानसा
samastaguṇasampannā vidhavāsīddvijātmajā | sā brāhmaṇī dvijaśreṣṭha jārānuraktamānasā
Sanskrit only: no published translation is held for this verse.
निषिद्धं कर्म कुर्वंती त्यक्त्वा यात्यविवेकताम् । तया संनिहिता विप्र वेश्यापि ब्राह्मणी च सा
niṣiddhaṃ karma kurvaṃtī tyaktvā yātyavivekatām | tayā saṃnihitā vipra veśyāpi brāhmaṇī ca sā
Sanskrit only: no published translation is held for this verse.
चकार सख्यं स्नेहेन वेश्यावृत्तिमुपेत्य सा । सा वेश्या ब्राह्मणी चापि द्वेऽप्येकत्र दिने दिने
cakāra sakhyaṃ snehena veśyāvṛttimupetya sā | sā veśyā brāhmaṇī cāpi dve'pyekatra dine dine
Sanskrit only: no published translation is held for this verse.
पापानि चक्रतुः प्रीत्या असंख्यातानि जैमिने । ततो रतिविदग्धा सा वृद्धभावमुपागता
pāpāni cakratuḥ prītyā asaṃkhyātāni jaimine | tato ratividagdhā sā vṛddhabhāvamupāgatā
Sanskrit only: no published translation is held for this verse.
ब्राह्मणी चापि विप्रेन्द्र दुःशीलात्यंतपापिनी । कदाचिद्वारमुख्या सा जरंती तां निजां सखीम्
brāhmaṇī cāpi viprendra duḥśīlātyaṃtapāpinī | kadācidvāramukhyā sā jaraṃtī tāṃ nijāṃ sakhīm
Sanskrit only: no published translation is held for this verse.
प्राहेति विस्मिता विप्र वचनं विनयान्विता । रतिविदग्धोवाच - सखि त्वया सहानेकं दारुणं पातकं कृतम्
prāheti vismitā vipra vacanaṃ vinayānvitā | ratividagdhovāca - sakhi tvayā sahānekaṃ dāruṇaṃ pātakaṃ kṛtam
Sanskrit only: no published translation is held for this verse.
अद्यापि पातके दृष्टिर्महती वर्तते मम । सौन्दर्यं च बलं चैव सर्वं मे जरया हृतम्
adyāpi pātake dṛṣṭirmahatī vartate mama | saundaryaṃ ca balaṃ caiva sarvaṃ me jarayā hṛtam
Sanskrit only: no published translation is held for this verse.
इत्थमस्वास्थ्यकृन्नित्यमाशां त्यक्तुं न शक्यते । स्थावरं सुमहत्प्राप्तं कृतपातकया मया
itthamasvāsthyakṛnnityamāśāṃ tyaktuṃ na śakyate | sthāvaraṃ sumahatprāptaṃ kṛtapātakayā mayā
Sanskrit only: no published translation is held for this verse.
समागतमिवैतर्हि समीक्ष्य मरणं गतम् । उपार्जितेन पापेन यानि वित्तानि वै मया
samāgatamivaitarhi samīkṣya maraṇaṃ gatam | upārjitena pāpena yāni vittāni vai mayā
Sanskrit only: no published translation is held for this verse.
रक्षिष्यंत्यनपत्यायां मृतायां मयि तानि के । तस्मात्सर्वाणि वित्तानि अन्यायोपार्जितानि च
rakṣiṣyaṃtyanapatyāyāṃ mṛtāyāṃ mayi tāni ke | tasmātsarvāṇi vittāni anyāyopārjitāni ca
Sanskrit only: no published translation is held for this verse.
दातुमिच्छामि विप्रेभ्यो यदि त्वं मन्यसे सखि । ब्राह्मण्युवाच- मया यावन्ति वित्तानि पश्येति संचितानि च
dātumicchāmi viprebhyo yadi tvaṃ manyase sakhi | brāhmaṇyuvāca- mayā yāvanti vittāni paśyeti saṃcitāni ca
Sanskrit only: no published translation is held for this verse.
असत्पात्रेषु दत्तानि तानि सर्वाणि नित्यशः । तस्मादहं धनैर्हीना किं दास्यामि द्विजातये
asatpātreṣu dattāni tāni sarvāṇi nityaśaḥ | tasmādahaṃ dhanairhīnā kiṃ dāsyāmi dvijātaye
Sanskrit only: no published translation is held for this verse.
अस्ति चेद्यदि वित्तं ते दानमाशु तदा कुरु । तस्या एवं वचः श्रुत्वा सा वेश्यात्यंतहर्षिता
asti cedyadi vittaṃ te dānamāśu tadā kuru | tasyā evaṃ vacaḥ śrutvā sā veśyātyaṃtaharṣitā
Sanskrit only: no published translation is held for this verse.
वित्तेन सकलेनैव अन्नदानं चकार ह । हरिशर्मा च विप्रेन्द्रो धनवानतिभक्तितः
vittena sakalenaiva annadānaṃ cakāra ha | hariśarmā ca viprendro dhanavānatibhaktitaḥ
Sanskrit only: no published translation is held for this verse.
पूजयामास सततं भगवंतं जनार्दनम् । जितेन्द्रियो जितक्रोधो हिंसादम्भविवर्जितः
pūjayāmāsa satataṃ bhagavaṃtaṃ janārdanam | jitendriyo jitakrodho hiṃsādambhavivarjitaḥ
Sanskrit only: no published translation is held for this verse.
प्रीतये कमलाभर्तुः स तेपे सुमहत्तपः । गंधपुष्पैश्च बलिभिर्घृतधूपैः प्रदीपकैः
prītaye kamalābhartuḥ sa tepe sumahattapaḥ | gaṃdhapuṣpaiśca balibhirghṛtadhūpaiḥ pradīpakaiḥ
Sanskrit only: no published translation is held for this verse.
पूजयामास देवेशं नित्यमेव जनार्दनम् । धनवानपि विप्रोऽसौ वित्तस्य क्षयशंकितः
pūjayāmāsa deveśaṃ nityameva janārdanam | dhanavānapi vipro'sau vittasya kṣayaśaṃkitaḥ
Sanskrit only: no published translation is held for this verse.
पिपीलिकामूषिकाश्च तथान्येऽपि च जंतवः । कृपणस्य द्विजश्रेष्ठ गृहे नित्यं बुभुक्षिताः
pipīlikāmūṣikāśca tathānye'pi ca jaṃtavaḥ | kṛpaṇasya dvijaśreṣṭha gṛhe nityaṃ bubhukṣitāḥ
Sanskrit only: no published translation is held for this verse.
उपार्जितं धनं सर्वं स्वयमेव दिनेदिने । बुभुजे ब्राह्मणश्रेष्ठ दानकर्मविवर्जितः
upārjitaṃ dhanaṃ sarvaṃ svayameva dinedine | bubhuje brāhmaṇaśreṣṭha dānakarmavivarjitaḥ
Sanskrit only: no published translation is held for this verse.
सुहृदां ब्राह्मणानां च बांधवानां कदापि सः । चकार न च संभाषामर्थप्रार्थनशंकया
suhṛdāṃ brāhmaṇānāṃ ca bāṃdhavānāṃ kadāpi saḥ | cakāra na ca saṃbhāṣāmarthaprārthanaśaṃkayā
Sanskrit only: no published translation is held for this verse.
विगणय्य स्ववित्तानि सुबहूनि निजालये । मत्वा श्रेष्ठमिवात्मानं मोदतेऽसौ द्विजोत्तम
vigaṇayya svavittāni subahūni nijālaye | matvā śreṣṭhamivātmānaṃ modate'sau dvijottama
Sanskrit only: no published translation is held for this verse.
कदाचित्प्राप्तकालोऽसौ ब्राह्मणोऽत्यंतवित्तवान् । गणिका ब्राह्मणी सा च एककाले मृता द्विज
kadācitprāptakālo'sau brāhmaṇo'tyaṃtavittavān | gaṇikā brāhmaṇī sā ca ekakāle mṛtā dvija
Sanskrit only: no published translation is held for this verse.
अथ दूताः समायातास्तान्नेतुमतिभीषणाः । धर्मराजस्य देवस्य पाशमुद्गरपाणयः
atha dūtāḥ samāyātāstānnetumatibhīṣaṇāḥ | dharmarājasya devasya pāśamudgarapāṇayaḥ
Sanskrit only: no published translation is held for this verse.
ते च चण्डादयो दूतास्तान्समादाय जैमिने । ययुर्धर्मपुरं सद्यो दुर्गमेन पथा ततः
te ca caṇḍādayo dūtāstānsamādāya jaimine | yayurdharmapuraṃ sadyo durgamena pathā tataḥ
Sanskrit only: no published translation is held for this verse.
चण्ड उवाच- आनीतो हरिशर्मा च वेश्या च ब्राह्मणी च सा । तवाज्ञया जीवितेश पश्यैतान्पुरतः स्थितान्
caṇḍa uvāca- ānīto hariśarmā ca veśyā ca brāhmaṇī ca sā | tavājñayā jīviteśa paśyaitānpurataḥ sthitān
Sanskrit only: no published translation is held for this verse.
तान्समालोक्य जीवेशः प्रहस्य द्विजसत्तम । चित्रगुप्तमिति प्राह सर्वकार्यविचक्षणम्
tānsamālokya jīveśaḥ prahasya dvijasattama | citraguptamiti prāha sarvakāryavicakṣaṇam
Sanskrit only: no published translation is held for this verse.
यम उवाच- एतेषां सर्वकार्याणि शुभदान्यशुभानि च । मूलाद्विचारय प्राज्ञ चित्रगुप्त महामते
yama uvāca- eteṣāṃ sarvakāryāṇi śubhadānyaśubhāni ca | mūlādvicāraya prājña citragupta mahāmate
Sanskrit only: no published translation is held for this verse.
यमादेशात्ततस्तेषां चित्रगुप्तो विचक्षणः । सर्वं विचारयामास शुभकर्माशुभं तथा
yamādeśāttatasteṣāṃ citragupto vicakṣaṇaḥ | sarvaṃ vicārayāmāsa śubhakarmāśubhaṃ tathā
Sanskrit only: no published translation is held for this verse.
चित्रगुप्त उवाच- देवाकर्णय वक्ष्यामि पुण्यं च पातकं तथा । इयं वेश्या ब्राह्मणी च हरिशर्मा चकार यत् ५० 7.20.50। एषा रतिविदग्धाख्या गणिकाति दुराशया । चकार यानि पापानि वक्तुं तानि न शक्यते
citragupta uvāca- devākarṇaya vakṣyāmi puṇyaṃ ca pātakaṃ tathā | iyaṃ veśyā brāhmaṇī ca hariśarmā cakāra yat 50 7.20.50| eṣā ratividagdhākhyā gaṇikāti durāśayā | cakāra yāni pāpāni vaktuṃ tāni na śakyate
Sanskrit only: no published translation is held for this verse.
अन्यायोपार्जितैर्वित्तैरखिलैरेव सूर्यज । अन्नदानं चकारेयं गणिका गतयौवना
anyāyopārjitairvittairakhilaireva sūryaja | annadānaṃ cakāreyaṃ gaṇikā gatayauvanā
Sanskrit only: no published translation is held for this verse.
अन्नदानप्रभावेण यातनागृहवासदैः । त्यक्तेयं पातकैः सर्वैः कोटिजन्मार्जितैरपि
annadānaprabhāveṇa yātanāgṛhavāsadaiḥ | tyakteyaṃ pātakaiḥ sarvaiḥ koṭijanmārjitairapi
Sanskrit only: no published translation is held for this verse.
अन्नदानं महाराज ये कुर्वंति जनाः क्षितौ । ते पापिनोऽपि गच्छंति तद्विष्णोः परमं पदम्
annadānaṃ mahārāja ye kurvaṃti janāḥ kṣitau | te pāpino'pi gacchaṃti tadviṣṇoḥ paramaṃ padam
Sanskrit only: no published translation is held for this verse.
यावन्त्यन्नानि यच्छंति मानवाः क्षितिमण्डले । तावंत्यो ब्रह्महत्याश्च तस्य नश्यंत्यसंशयः
yāvantyannāni yacchaṃti mānavāḥ kṣitimaṇḍale | tāvaṃtyo brahmahatyāśca tasya naśyaṃtyasaṃśayaḥ
Sanskrit only: no published translation is held for this verse.
अन्नानि यच्छतां त्यक्त्वा शरीराणि च पातकम् । गृह्णतामेव पात्राणि सहसा याति सूर्यज
annāni yacchatāṃ tyaktvā śarīrāṇi ca pātakam | gṛhṇatāmeva pātrāṇi sahasā yāti sūryaja
Sanskrit only: no published translation is held for this verse.
तस्मात्पापिनामन्नानि न गृह्णंति विचक्षणाः । मोहाद्गृह्णंति ये मूढास्त एव पापभागिनः
tasmātpāpināmannāni na gṛhṇaṃti vicakṣaṇāḥ | mohādgṛhṇaṃti ye mūḍhāsta eva pāpabhāginaḥ
Sanskrit only: no published translation is held for this verse.
शुभकर्माशुभं वापि वेश्यायाः कथितं प्रभो । ब्राह्मण्याः शृणु कर्माणि शुभानि चाशुभानि च
śubhakarmāśubhaṃ vāpi veśyāyāḥ kathitaṃ prabho | brāhmaṇyāḥ śṛṇu karmāṇi śubhāni cāśubhāni ca
Sanskrit only: no published translation is held for this verse.
इयं क्षेमंकरी नाम ब्राह्मणी शुद्धवंशजा । भद्रकीर्तिप्रिया सर्वं चकार दुरितं प्रभो
iyaṃ kṣemaṃkarī nāma brāhmaṇī śuddhavaṃśajā | bhadrakīrtipriyā sarvaṃ cakāra duritaṃ prabho
Sanskrit only: no published translation is held for this verse.
त्यक्त्वा निजाश्रमाचारं निजयौवनगर्विता । बभूवात्यंतपापिष्ठा जारसंगमलोलुपा
tyaktvā nijāśramācāraṃ nijayauvanagarvitā | babhūvātyaṃtapāpiṣṭhā jārasaṃgamalolupā
Sanskrit only: no published translation is held for this verse.
कदाचिच्छैशवे राजन्खेलंती शिशुभिः सह । रथ्यायां खननं चक्रे चतुष्कोणसमन्वितम्
kadācicchaiśave rājankhelaṃtī śiśubhiḥ saha | rathyāyāṃ khananaṃ cakre catuṣkoṇasamanvitam
Sanskrit only: no published translation is held for this verse.
तस्मिन्नेव दिने मेघ उदकानि ववर्ष च । पूरितं तज्जलैः खातं तया विनिर्मितं प्रभो
tasminneva dine megha udakāni vavarṣa ca | pūritaṃ tajjalaiḥ khātaṃ tayā vinirmitaṃ prabho
Sanskrit only: no published translation is held for this verse.
ततो मध्याह्नसमये गौरेकस्तृषितो नृप । अपिबत्तत्र पानीयं तापितस्तपनातपैः
tato madhyāhnasamaye gaurekastṛṣito nṛpa | apibattatra pānīyaṃ tāpitastapanātapaiḥ
Sanskrit only: no published translation is held for this verse.
तेनैव सर्वपापानि विनष्टानि महांति वै । तस्याः सूर्यसुत प्राज्ञ जलदानप्रभावतः
tenaiva sarvapāpāni vinaṣṭāni mahāṃti vai | tasyāḥ sūryasuta prājña jaladānaprabhāvataḥ
Sanskrit only: no published translation is held for this verse.
विमुक्ताः सकलैः पापैर्व्रजेन्नारायणालयम् । कृतपापा हि देवेश ब्राह्मणीयं दुराशया
vimuktāḥ sakalaiḥ pāpairvrajennārāyaṇālayam | kṛtapāpā hi deveśa brāhmaṇīyaṃ durāśayā
Sanskrit only: no published translation is held for this verse.
विमुक्ता सकलैः पापैर्जलदानप्रभावतः । अयं विप्रो महाभक्तो देवदेवस्य चक्रिणः
vimuktā sakalaiḥ pāpairjaladānaprabhāvataḥ | ayaṃ vipro mahābhakto devadevasya cakriṇaḥ
Sanskrit only: no published translation is held for this verse.
ततोऽस्योपरि जीवेश प्रभुरेकोऽच्युतः स्मृतः । व्यास उवाच- चित्रगुप्तस्य तद्वाक्यं समाकर्ण्य स दंडभृत्
tato'syopari jīveśa prabhureko'cyutaḥ smṛtaḥ | vyāsa uvāca- citraguptasya tadvākyaṃ samākarṇya sa daṃḍabhṛt
Sanskrit only: no published translation is held for this verse.
तां वेश्यां ब्राह्मणीं चापि ववंदे ब्राह्मणं च तम् । दिव्यैः सुवर्णालंकारैर्वस्त्रैर्नानाविधैस्तथा
tāṃ veśyāṃ brāhmaṇīṃ cāpi vavaṃde brāhmaṇaṃ ca tam | divyaiḥ suvarṇālaṃkārairvastrairnānāvidhaistathā
Sanskrit only: no published translation is held for this verse.
यम उवाच- यूयं सर्वे महात्मानो विनष्टाखिलपातकाः । समस्तसुखदं स्थानं गच्छत श्रीपतेः प्रभोः
yama uvāca- yūyaṃ sarve mahātmāno vinaṣṭākhilapātakāḥ | samastasukhadaṃ sthānaṃ gacchata śrīpateḥ prabhoḥ
Sanskrit only: no published translation is held for this verse.
तानारोप्य ततो दिव्ये यमः कांचननिर्मिते । राजहंसयुते स्थाने प्रेषयामास चक्रिणः
tānāropya tato divye yamaḥ kāṃcananirmite | rājahaṃsayute sthāne preṣayāmāsa cakriṇaḥ
Sanskrit only: no published translation is held for this verse.
ततो दिव्यरथारूढाः सर्वाभरणभूषिताः । पुरं भगवतो जग्मुस्ते सर्वे गतपातकाः
tato divyarathārūḍhāḥ sarvābharaṇabhūṣitāḥ | puraṃ bhagavato jagmuste sarve gatapātakāḥ
Sanskrit only: no published translation is held for this verse.
गणिका ब्राह्मणी सा च विनष्टाखिलकल्मषा । सान्निध्यं प्राप्य देवस्य तस्थौ विप्र चिरं सुखम्
gaṇikā brāhmaṇī sā ca vinaṣṭākhilakalmaṣā | sānnidhyaṃ prāpya devasya tasthau vipra ciraṃ sukham
Sanskrit only: no published translation is held for this verse.
हरिशर्माणमालोक्य समायांतं जनार्द्दनः । ददौ वरासनं तस्मै स्नेहात्कनकनिर्मितम्
hariśarmāṇamālokya samāyāṃtaṃ janārddanaḥ | dadau varāsanaṃ tasmai snehātkanakanirmitam
Sanskrit only: no published translation is held for this verse.
पाद्यार्घ्याचमनीयैश्च तमभ्यर्च द्विजोत्तमम् । वरासनोपविष्टं च पप्रच्छेति मुदा हरिः
pādyārghyācamanīyaiśca tamabhyarca dvijottamam | varāsanopaviṣṭaṃ ca papraccheti mudā hariḥ
Sanskrit only: no published translation is held for this verse.
श्रीभगवानुवाच- द्विजन्म कुशलं ब्रूहि मद्भक्तप्रवरोऽसि यत् । चिरं मे मंदिरं तिष्ठ सर्वोपद्रववर्जिते
śrībhagavānuvāca- dvijanma kuśalaṃ brūhi madbhaktapravaro'si yat | ciraṃ me maṃdiraṃ tiṣṭha sarvopadravavarjite
Sanskrit only: no published translation is held for this verse.
ब्राह्मण उवाच- त्वां स्मृत्वापीक्षितो देव लभते कुशलं प्रभो । त्वत्सान्निध्यं मया प्राप्तं कुशलं किमतः परम्
brāhmaṇa uvāca- tvāṃ smṛtvāpīkṣito deva labhate kuśalaṃ prabho | tvatsānnidhyaṃ mayā prāptaṃ kuśalaṃ kimataḥ param
Sanskrit only: no published translation is held for this verse.
व्यास उवाच- एतस्य वचनं श्रुत्वा भगवान्प्रणयोदितम् । दत्तवान्निजसारूप्यं प्रीतस्तस्मै द्विजन्मने
vyāsa uvāca- etasya vacanaṃ śrutvā bhagavānpraṇayoditam | dattavānnijasārūpyaṃ prītastasmai dvijanmane
Sanskrit only: no published translation is held for this verse.
ददौ तस्मै सुखं सर्वं दुर्ल्लभं कमलापतिः । आहारमात्रं न ददौ तत्कार्पण्यं स्मरन्प्रभुः
dadau tasmai sukhaṃ sarvaṃ durllabhaṃ kamalāpatiḥ | āhāramātraṃ na dadau tatkārpaṇyaṃ smaranprabhuḥ
Sanskrit only: no published translation is held for this verse.
दिनद्वयांतरे विप्रो निराहारः क्षुधाकुलः । प्रोवाच विष्णुं देवेशं विनयावनतः स्थितः
dinadvayāṃtare vipro nirāhāraḥ kṣudhākulaḥ | provāca viṣṇuṃ deveśaṃ vinayāvanataḥ sthitaḥ
Sanskrit only: no published translation is held for this verse.
ब्राह्मण उवाच- प्रभोप्राप्तंतवस्थानमनेकतपसांफलैः । अत्रापि क्षुधया नित्यं विफलोऽस्मि कथं प्रभो
brāhmaṇa uvāca- prabhoprāptaṃtavasthānamanekatapasāṃphalaiḥ | atrāpi kṣudhayā nityaṃ viphalo'smi kathaṃ prabho
Sanskrit only: no published translation is held for this verse.
देवकन्या गणैर्दिव्यैः संप्राप्तनवयौवनैः । श्वेतचामरवातेन मंचेष्वपि निवीजितः
devakanyā gaṇairdivyaiḥ saṃprāptanavayauvanaiḥ | śvetacāmaravātena maṃceṣvapi nivījitaḥ
Sanskrit only: no published translation is held for this verse.
सुगंधानां प्रसूनानां महास्रग्भिरलंकृतः । चंदनैर्लिप्तसर्वांगो राजश्रेष्ठ इव प्रभो
sugaṃdhānāṃ prasūnānāṃ mahāsragbhiralaṃkṛtaḥ | caṃdanairliptasarvāṃgo rājaśreṣṭha iva prabho
Sanskrit only: no published translation is held for this verse.
चार्वङ्गीभिः कामिनीभिर्नित्यं मत्पुरतः प्रभो । गीतेन नृत्यते चापि नारायण तवाज्ञया
cārvaṅgībhiḥ kāminībhirnityaṃ matpurataḥ prabho | gītena nṛtyate cāpi nārāyaṇa tavājñayā
Sanskrit only: no published translation is held for this verse.
वासवाद्याः सुराः सर्वे रजांसि मम पादयोः । शिरः किरीटशोभीनि नित्यमेव वहंति वै
vāsavādyāḥ surāḥ sarve rajāṃsi mama pādayoḥ | śiraḥ kirīṭaśobhīni nityameva vahaṃti vai
Sanskrit only: no published translation is held for this verse.
देवदेवर्षयश्चापि मुनयश्च जगत्पते । स्तुवंति मां स्तवैर्नित्यं किंकरा इव सर्वदा
devadevarṣayaścāpi munayaśca jagatpate | stuvaṃti māṃ stavairnityaṃ kiṃkarā iva sarvadā
Sanskrit only: no published translation is held for this verse.
चतुर्बाहुरहं श्यामः शङ्खचक्रगदाब्जभृत् । प्रफुल्लपुण्डरीकाक्षः पीतवासाः सुकुण्डलः
caturbāhurahaṃ śyāmaḥ śaṅkhacakragadābjabhṛt | praphullapuṇḍarīkākṣaḥ pītavāsāḥ sukuṇḍalaḥ
Sanskrit only: no published translation is held for this verse.
स्वर्णयज्ञोपवीती च किरीटी कुण्डली तथा । दृश्ये त्वमिव देवाद्यैर्द्वितीयो गरुडध्वजः
svarṇayajñopavītī ca kirīṭī kuṇḍalī tathā | dṛśye tvamiva devādyairdvitīyo garuḍadhvajaḥ
Sanskrit only: no published translation is held for this verse.
तेषां पूजां यमः श्रुत्वा कुटुंबिनां च जैमिने । उवाच प्रहसन्वाक्यं सुप्रीतो मृदुलाक्षरम्
teṣāṃ pūjāṃ yamaḥ śrutvā kuṭuṃbināṃ ca jaimine | uvāca prahasanvākyaṃ suprīto mṛdulākṣaram
Sanskrit only: no published translation is held for this verse.
क्षुधाग्निना च सुमहच्छरीरं मम दह्यते । यथैव ज्वलितो वृक्षः कोटरस्थेन वह्निना
kṣudhāgninā ca sumahaccharīraṃ mama dahyate | yathaiva jvalito vṛkṣaḥ koṭarasthena vahninā
Sanskrit only: no published translation is held for this verse.
सुखमेतत्त्वया दत्तं हरे मह्यं न रोचते । प्रज्वलज्जठराग्नौ तु विह्वलाङ्गाय केशव
sukhametattvayā dattaṃ hare mahyaṃ na rocate | prajvalajjaṭharāgnau tu vihvalāṅgāya keśava
Sanskrit only: no published translation is held for this verse.
कर्मणा मनसा वाचा त्वां विना जगदीश्वरम् । न पूजितो मया कश्चिद्देवदेव गणार्चितः
karmaṇā manasā vācā tvāṃ vinā jagadīśvaram | na pūjito mayā kaściddevadeva gaṇārcitaḥ
Sanskrit only: no published translation is held for this verse.
स्वप्नेनापि जगन्नाथ तस्य भक्तिः कृता नहि । आहारं केन दोषेण ददासि नहि मे प्रभो
svapnenāpi jagannātha tasya bhaktiḥ kṛtā nahi | āhāraṃ kena doṣeṇa dadāsi nahi me prabho
Sanskrit only: no published translation is held for this verse.
व्यास उवाच- अथासौ भगवान्विष्णुः कौतुकी समुवाच तम् । गच्छ ब्राह्मण भद्रं ते ब्रह्माणं प्रति सत्वरम्
vyāsa uvāca- athāsau bhagavānviṣṇuḥ kautukī samuvāca tam | gaccha brāhmaṇa bhadraṃ te brahmāṇaṃ prati satvaram
Sanskrit only: no published translation is held for this verse.
इति श्रुत्वा वचो विप्रः शीघ्रं ब्रह्माणमाययौ । ब्रह्मा तं प्रति प्रोवाच कार्पण्यं तस्य दर्शयन्
iti śrutvā vaco vipraḥ śīghraṃ brahmāṇamāyayau | brahmā taṃ prati provāca kārpaṇyaṃ tasya darśayan
Sanskrit only: no published translation is held for this verse.
ब्रह्मोवाच- दुःखादुपार्जितं कर्म दीयते यन्न भूसुरे । स्वयं न भुंजते तच्च नष्टमेव न संशयः
brahmovāca- duḥkhādupārjitaṃ karma dīyate yanna bhūsure | svayaṃ na bhuṃjate tacca naṣṭameva na saṃśayaḥ
Sanskrit only: no published translation is held for this verse.
कारणं तव दुःखस्य सर्वमेव मयोदितम् । गच्छ ब्राह्मण भद्रं ते निःसंदेहोयमागतः
kāraṇaṃ tava duḥkhasya sarvameva mayoditam | gaccha brāhmaṇa bhadraṃ te niḥsaṃdehoyamāgataḥ
Sanskrit only: no published translation is held for this verse.
ब्राह्मण उवाच- निजकर्मविपाकोऽयं त्वत्प्रसादाच्छ्रुतोऽखिलः । इदानीं ब्रूहि दानानि कानि देयानि मानवैः
brāhmaṇa uvāca- nijakarmavipāko'yaṃ tvatprasādācchruto'khilaḥ | idānīṃ brūhi dānāni kāni deyāni mānavaiḥ
Sanskrit only: no published translation is held for this verse.
ब्रह्मोवाच- बहूनि संति दानानि तानि वक्तुं न शक्यते । संक्षेपात्कथ्यते विप्र निशामय समाहितः
brahmovāca- bahūni saṃti dānāni tāni vaktuṃ na śakyate | saṃkṣepātkathyate vipra niśāmaya samāhitaḥ
Sanskrit only: no published translation is held for this verse.
भूमिदानं द्विजश्रेष्ठ सर्वदानोत्तमोत्तमम् । कृतं पुण्यात्मना येन स ज्ञेयः सर्वदानकृत् १०० 7.20.100। गोचर्ममात्रं भूमिं यो ददाति द्विजसत्तम । स गच्छेत्परमं स्थानं विमुक्तः सर्वपातकैः
bhūmidānaṃ dvijaśreṣṭha sarvadānottamottamam | kṛtaṃ puṇyātmanā yena sa jñeyaḥ sarvadānakṛt 100 7.20.100| gocarmamātraṃ bhūmiṃ yo dadāti dvijasattama | sa gacchetparamaṃ sthānaṃ vimuktaḥ sarvapātakaiḥ
Sanskrit only: no published translation is held for this verse.
भूमिं सस्यसमेतां यो दरिद्राय द्विजातये । ददाति ब्राह्मणश्रेष्ठ तस्य पुण्यं निशामय
bhūmiṃ sasyasametāṃ yo daridrāya dvijātaye | dadāti brāhmaṇaśreṣṭha tasya puṇyaṃ niśāmaya
Sanskrit only: no published translation is held for this verse.
सर्वपापविनिर्मुक्तो नारायणपुरं व्रजेत् । तत्र भुंक्ते सुखं सर्वं यावदिंद्राश्चतुर्दश
sarvapāpavinirmukto nārāyaṇapuraṃ vrajet | tatra bhuṃkte sukhaṃ sarvaṃ yāvadiṃdrāścaturdaśa
Sanskrit only: no published translation is held for this verse.
भूयो भूमिं समासाद्य सार्वभौमो नृपो भवेत् । चिरं भुक्त्वा महीं कृत्स्नां नरो नारायणो भवेत्
bhūyo bhūmiṃ samāsādya sārvabhaumo nṛpo bhavet | ciraṃ bhuktvā mahīṃ kṛtsnāṃ naro nārāyaṇo bhavet
Sanskrit only: no published translation is held for this verse.
यस्माद्भूमिर्द्विजैर्ग्राह्या त्यक्त्वा दानशतान्यपि । भूमिदो भूमिनेता च द्वावपि स्वर्गगामिनौ
yasmādbhūmirdvijairgrāhyā tyaktvā dānaśatānyapi | bhūmido bhūminetā ca dvāvapi svargagāminau
Sanskrit only: no published translation is held for this verse.
मंदबुर्द्धिर्द्विजो यस्तु भूमिदानं परित्यजेत् । प्रतिजन्मनि विप्रेन्द्र स भवेदतिदुःखितः
maṃdaburddhirdvijo yastu bhūmidānaṃ parityajet | pratijanmani viprendra sa bhavedatiduḥkhitaḥ
Sanskrit only: no published translation is held for this verse.
अन्येभ्योऽपि समादाय भूमिदानं य आचरेत् । तस्य विष्णुरति प्रीतो ददाति परमं पदम्
anyebhyo'pi samādāya bhūmidānaṃ ya ācaret | tasya viṣṇurati prīto dadāti paramaṃ padam
Sanskrit only: no published translation is held for this verse.
ग्रामं यच्छति यो विप्र दरिद्राय द्विजातये । दापयत्यपि वा तस्य पुण्यं वापि निशामय
grāmaṃ yacchati yo vipra daridrāya dvijātaye | dāpayatyapi vā tasya puṇyaṃ vāpi niśāmaya
Sanskrit only: no published translation is held for this verse.
यावंतो रेणवो भूमौ यावंतो वृष्टिबिंदवः । मन्वंतराणि तावंति विष्णुलोके वसेत्सुधीः
yāvaṃto reṇavo bhūmau yāvaṃto vṛṣṭibiṃdavaḥ | manvaṃtarāṇi tāvaṃti viṣṇuloke vasetsudhīḥ
Sanskrit only: no published translation is held for this verse.
धेनुं पयस्विनीं यस्तु सवत्सां यच्छति द्विज । तस्य ब्रवीम्यहं पुण्यमाकर्णय महात्मनः
dhenuṃ payasvinīṃ yastu savatsāṃ yacchati dvija | tasya bravīmyahaṃ puṇyamākarṇaya mahātmanaḥ
Sanskrit only: no published translation is held for this verse.
सप्तद्वीपां महीं दत्वा ससस्यां यत्फलं लभेत् । तत्फलं लभते मर्त्यो धेनुं यच्छन्द्विजातये
saptadvīpāṃ mahīṃ datvā sasasyāṃ yatphalaṃ labhet | tatphalaṃ labhate martyo dhenuṃ yacchandvijātaye
Sanskrit only: no published translation is held for this verse.
ददाति वृषभं यस्तु ब्राह्मणाय कुटुंबिने । विमुक्तः पातकै रुद्रै रुद्रलोकं स गच्छति
dadāti vṛṣabhaṃ yastu brāhmaṇāya kuṭuṃbine | vimuktaḥ pātakai rudrai rudralokaṃ sa gacchati
Sanskrit only: no published translation is held for this verse.
तस्य यावंति रोमाणि शरीरे वृषभस्य च । तावत्कल्पसहस्राणि रुद्रेण सह मोदते
tasya yāvaṃti romāṇi śarīre vṛṣabhasya ca | tāvatkalpasahasrāṇi rudreṇa saha modate
Sanskrit only: no published translation is held for this verse.
यस्तु वेदविदे धेनुं दद्यादुभयतोमुखीम् । न तस्य पुनरावृत्ती रुद्रलोकात्कदाचन
yastu vedavide dhenuṃ dadyādubhayatomukhīm | na tasya punarāvṛttī rudralokātkadācana
Sanskrit only: no published translation is held for this verse.
वृषं तिलसमायुक्तं कृष्णं यस्तु प्रयच्छति । स रुद्रभवने तिष्ठेद्द्विजेन्द्र तिलसंख्यया
vṛṣaṃ tilasamāyuktaṃ kṛṣṇaṃ yastu prayacchati | sa rudrabhavane tiṣṭheddvijendra tilasaṃkhyayā
Sanskrit only: no published translation is held for this verse.
तिलप्रमाणमपि च स्वर्णं दद्याद्द्विजातये । स याति विष्णुभवनं कुलकोटिसमन्वितः
tilapramāṇamapi ca svarṇaṃ dadyāddvijātaye | sa yāti viṣṇubhavanaṃ kulakoṭisamanvitaḥ
Sanskrit only: no published translation is held for this verse.
यो भक्त्या रजतं यच्छेद्दरिद्राय द्विजातये । चंद्रलोकं समासाद्य सुधापानं करोति सः
yo bhaktyā rajataṃ yaccheddaridrāya dvijātaye | caṃdralokaṃ samāsādya sudhāpānaṃ karoti saḥ
Sanskrit only: no published translation is held for this verse.
हीरकं मौक्तिकं चापि प्रवालं च मणिं तथा । यो ददाति द्विजश्रेष्ठ शक्रलोकं स गच्छति
hīrakaṃ mauktikaṃ cāpi pravālaṃ ca maṇiṃ tathā | yo dadāti dvijaśreṣṭha śakralokaṃ sa gacchati
Sanskrit only: no published translation is held for this verse.
अश्वदानं द्विजश्रेष्ठ यः करोति महाशयः । गन्धर्वराजराजत्वं स प्राप्नोति न संशयः
aśvadānaṃ dvijaśreṣṭha yaḥ karoti mahāśayaḥ | gandharvarājarājatvaṃ sa prāpnoti na saṃśayaḥ
Sanskrit only: no published translation is held for this verse.
ददाति वारणं यस्तु युवानं दोषवर्जितम् । देवराज्ये विभागी स भवेदिन्द्र इव द्विज
dadāti vāraṇaṃ yastu yuvānaṃ doṣavarjitam | devarājye vibhāgī sa bhavedindra iva dvija
Sanskrit only: no published translation is held for this verse.
नरदोलां च यो दद्याद्ब्राह्मणाय सदक्षिणाम् । सोऽपीन्द्रपदमासाद्य वसेत्कल्पचतुष्टयम्
naradolāṃ ca yo dadyādbrāhmaṇāya sadakṣiṇām | so'pīndrapadamāsādya vasetkalpacatuṣṭayam
Sanskrit only: no published translation is held for this verse.
शालिग्रामशिलादानं यो ददाति द्विजातये । तस्य पुण्यं प्रवक्ष्यामि समासेन शृणु द्विज
śāligrāmaśilādānaṃ yo dadāti dvijātaye | tasya puṇyaṃ pravakṣyāmi samāsena śṛṇu dvija
Sanskrit only: no published translation is held for this verse.
सप्तद्वीपां महीं दत्वा सशैलवनकाननाम् । यत्फलं तच्च लभते शालग्रामशिलाप्रदः
saptadvīpāṃ mahīṃ datvā saśailavanakānanām | yatphalaṃ tacca labhate śālagrāmaśilāpradaḥ
Sanskrit only: no published translation is held for this verse.