Pāraskara Gṛhya-sūtra 1.12

पक्षादिषु स्थालीपाकं श्रपयित्वा दर्शपूर्णमासदेवताभ्यो हुत्वा जुहोति ब्रह्मणे प्रजापतये विश्वेभ्यो देवेभ्यो द्यावापृथिवीभ्यामिति

pakṣādiṣu sthālīpākaṃ śrapayitvā darśapūrṇamāsadevatābhyo hutvā juhoti brahmaṇe prajāpataye viśvebhyo devebhyo dyāvāpṛthivībhyāmiti

Sanskrit only: no published translation is held for this verse.

विश्वेभ्यो देवेभ्यो बलिहरणं भूतगृह्येभ्य आकाशाय च

viśvebhyo devebhyo baliharaṇaṃ bhūtagṛhyebhya ākāśāya ca

Sanskrit only: no published translation is held for this verse.

वैश्वदेवस्याग्नौ जुहोत्यग्नये स्वाहा प्रजापतये स्वाहा विश्वेभ्यो देवेभ्यः स्वाहाग्नये स्विष्टकृते स्वाहेति

vaiśvadevasyāgnau juhotyagnaye svāhā prajāpataye svāhā viśvebhyo devebhyaḥ svāhāgnaye sviṣṭakṛte svāheti

Sanskrit only: no published translation is held for this verse.

बाह्यतः स्त्रीबलिं हरति नमः स्त्रियै नमः पुंसे वयसेऽवयसे नमः शुक्लाय कृष्णदन्ताय पापीनां पतये । नमः ये मे प्रजामुपलोभयन्ति ग्रामे वसन्त उत वाऽरण्ये तेभ्यो नमोऽस्तु बलिमेभ्यो हरामि स्वस्ति मेऽस्तु प्रजां मे ददत्विति

bāhyataḥ strībaliṃ harati namaḥ striyai namaḥ puṃse vayase'vayase namaḥ śuklāya kṛṣṇadantāya pāpīnāṃ pataye | namaḥ ye me prajāmupalobhayanti grāme vasanta uta vā'raṇye tebhyo namo'stu balimebhyo harāmi svasti me'stu prajāṃ me dadatviti

Sanskrit only: no published translation is held for this verse.

शेषमद्भिः प्रप्लाव्य ततो ब्राह्मणभोजनम्

śeṣamadbhiḥ praplāvya tato brāhmaṇabhojanam

Sanskrit only: no published translation is held for this verse.