Pāraskara Gṛhya-sūtra 1.16

सोष्यन्तीमद्भिरभ्युक्षति । एजतु दशमास्य इति प्राग्यस्यै त इति

soṣyantīmadbhirabhyukṣati | ejatu daśamāsya iti prāgyasyai ta iti

Sanskrit only: no published translation is held for this verse.

अथावरावपतनम् । अवैतु पृश्निशेवलं शुनेजराय्वत्तवे । नैव मांसेन पीवसि न कस्मिंश्चनायतनमवजरायुपद्यतामिति

athāvarāvapatanam | avaitu pṛśniśevalaṃ śunejarāyvattave | naiva māṃsena pīvasi na kasmiṃścanāyatanamavajarāyupadyatāmiti

Sanskrit only: no published translation is held for this verse.

जातस्य कुमारस्याच्छिन्नायां नाड्यां मेधाजननायुष्ये करोति

jātasya kumārasyācchinnāyāṃ nāḍyāṃ medhājananāyuṣye karoti

Sanskrit only: no published translation is held for this verse.

अनामिकया सुवर्णान्तर्हितया मधुघृते प्राजयति घृतं वा भूस्त्वयि दधामि भुवस्त्वयि दधामि स्वस्त्वयि दधामि भूर्भुवः स्वः सर्वं त्वयि दधामीति

anāmikayā suvarṇāntarhitayā madhughṛte prājayati ghṛtaṃ vā bhūstvayi dadhāmi bhuvastvayi dadhāmi svastvayi dadhāmi bhūrbhuvaḥ svaḥ sarvaṃ tvayi dadhāmīti

Sanskrit only: no published translation is held for this verse.

अथास्यायुष्यं करोति

athāsyāyuṣyaṃ karoti

Sanskrit only: no published translation is held for this verse.

नाभ्यां दक्षिणे वा कर्णे जपति अग्निरायुष्मान्त्स वनस्पतिभिरायुष्मांस्तेन त्वाऽऽयुषाऽऽयुष्मन्तं करोमि । सोम आयुष्मान्त्स ओषधीभिरायुष्मांस्तेनत्वाऽऽयुषाऽऽयुष्मन्तं करोमि । ब्रह्मायुष्मत्तद्ब्राह्मणैरायुष्मत्तेन त्वाऽऽयुषाऽऽयुष्मन्तं करोमि । देवा आयुष्मन्तरतेऽमृतेनायुष्मन्तस्तेन त्वाऽऽयुषाऽऽयुष्मन्तं करोमि । ऋषय आयुष्मन्तस्ते व्रतैरायुष्मन्तस्तेन त्वाऽऽयुषाऽऽयुष्मन्तं करोमि । पितर आयुष्मन्तस्ते स्वधाभिरायुष्मन्तस्तेन त्वाऽऽयुषाऽऽयुष्मन्तं करोमि । यज्ञ आयुष्मान्त्स दक्षिणाभिरायुष्मांस्तेन त्वाऽऽयुषाऽऽयुष्मन्तं करोमि । समुद्र आयुष्मान्त्स स्रवन्तीभिरायुष्मांस्तेन त्वाऽऽयुषाऽऽयुष्मन्तं करोमीति

nābhyāṃ dakṣiṇe vā karṇe japati agnirāyuṣmāntsa vanaspatibhirāyuṣmāṃstena tvā''yuṣā''yuṣmantaṃ karomi | soma āyuṣmāntsa oṣadhībhirāyuṣmāṃstenatvā''yuṣā''yuṣmantaṃ karomi | brahmāyuṣmattadbrāhmaṇairāyuṣmattena tvā''yuṣā''yuṣmantaṃ karomi | devā āyuṣmantarate'mṛtenāyuṣmantastena tvā''yuṣā''yuṣmantaṃ karomi | ṛṣaya āyuṣmantaste vratairāyuṣmantastena tvā''yuṣā''yuṣmantaṃ karomi | pitara āyuṣmantaste svadhābhirāyuṣmantastena tvā''yuṣā''yuṣmantaṃ karomi | yajña āyuṣmāntsa dakṣiṇābhirāyuṣmāṃstena tvā''yuṣā''yuṣmantaṃ karomi | samudra āyuṣmāntsa sravantībhirāyuṣmāṃstena tvā''yuṣā''yuṣmantaṃ karomīti

Sanskrit only: no published translation is held for this verse.

त्रिस्त्रिस्त्र्यायुषमिति च

tristristryāyuṣamiti ca

Sanskrit only: no published translation is held for this verse.

स यदि कामयेत सर्वमायुरियादिति वात्सप्रेणैनमभिमृशेत्

sa yadi kāmayeta sarvamāyuriyāditi vātsapreṇainamabhimṛśet

Sanskrit only: no published translation is held for this verse.

दिवस्परीत्येतस्यानुवाकस्योत्तमामृचं परिशिनष्टि

divasparītyetasyānuvākasyottamāmṛcaṃ pariśinaṣṭi

Sanskrit only: no published translation is held for this verse.

प्रतिदिशं पञ्च ब्राह्मणानवस्थाप्य ब्रूयादिममनुप्राणितेति

pratidiśaṃ pañca brāhmaṇānavasthāpya brūyādimamanuprāṇiteti

Sanskrit only: no published translation is held for this verse.

पूर्वो ब्रूयात्प्राणेति

pūrvo brūyātprāṇeti

Sanskrit only: no published translation is held for this verse.

व्यानेतिदक्षिणः

vyānetidakṣiṇaḥ

Sanskrit only: no published translation is held for this verse.

अपानेत्यपरः

apānetyaparaḥ

Sanskrit only: no published translation is held for this verse.

उदानेत्युत्तरः

udānetyuttaraḥ

Sanskrit only: no published translation is held for this verse.

समानेति पञ्चम उपरिष्टादवेक्षमाणो ब्रूयात्

samāneti pañcama upariṣṭādavekṣamāṇo brūyāt

Sanskrit only: no published translation is held for this verse.

स्वयम् वा कुर्यादनुपरिक्राममविद्यमानेषु

svayam vā kuryādanuparikrāmamavidyamāneṣu

Sanskrit only: no published translation is held for this verse.

स यस्मिन्देशे जातो भवति तमभिमन्त्रयते वेद ते भूमि हृदयं दिवि चन्द्रमसि श्रितम् । वेदाहं तन्मां तद्विद्यात्पश्येम शरदः शतं जीवेम शरदः शतं शृणुयाम शरदः शतमिति

sa yasmindeśe jāto bhavati tamabhimantrayate veda te bhūmi hṛdayaṃ divi candramasi śritam | vedāhaṃ tanmāṃ tadvidyātpaśyema śaradaḥ śataṃ jīvema śaradaḥ śataṃ śṛṇuyāma śaradaḥ śatamiti

Sanskrit only: no published translation is held for this verse.

अथैनमभिमृशत्यश्मा भव परशुर्भव हिरण्यमस्रुतं भव । आत्मा वै पुत्रनामाऽसि स जीव शरदः शतमिति

athainamabhimṛśatyaśmā bhava paraśurbhava hiraṇyamasrutaṃ bhava | ātmā vai putranāmā'si sa jīva śaradaḥ śatamiti

Sanskrit only: no published translation is held for this verse.

अथास्य मातरमभिमन्त्रयत इडासि मैत्रावरुणी वीरे वीरमजीजनथाः । सा त्वं वीरवती भव याऽस्मान्वीरवतोऽकरदिति

athāsya mātaramabhimantrayata iḍāsi maitrāvaruṇī vīre vīramajījanathāḥ | sā tvaṃ vīravatī bhava yā'smānvīravato'karaditi

Sanskrit only: no published translation is held for this verse.

अथास्यै दक्षिणं स्तनं प्रक्षाल्य प्रयच्छतीमं स्तनमिति

athāsyai dakṣiṇaṃ stanaṃ prakṣālya prayacchatīmaṃ stanamiti

Sanskrit only: no published translation is held for this verse.

यस्ते स्तन इत्युत्तरमेताभ्याम्

yaste stana ityuttarametābhyām

Sanskrit only: no published translation is held for this verse.

उदपात्रं शिरस्तो निदधात्यापो देवेषु जाग्रथ यथा देवेषु जाग्रथ । एवमस्यां सूतिकायांसपुत्रिकायां जाग्रथेति

udapātraṃ śirasto nidadhātyāpo deveṣu jāgratha yathā deveṣu jāgratha | evamasyāṃ sūtikāyāṃsaputrikāyāṃ jāgratheti

Sanskrit only: no published translation is held for this verse.

द्वारदेशे सूतिकाग्निमुपसमाधायोत्थानात्संधिवेलयोः फलीकरणमिश्रान्सर्षपानग्नावावपति शण्डामर्क्का उपवीरः शौण्डिकेय उलूखलः । मलिम्लुचो द्रोणासश्च्यवनो नश्यतादितः स्वाहा । आलिखन्ननिमिषः किंवदन्त उपश्रुतिर्हर्यक्षः कुम्भी शत्रुः पात्रपाणिर्नृमणिर्हन्त्रीमुखः सर्षपारुणश्च्यवनो नश्यतादितः स्वाहेति

dvāradeśe sūtikāgnimupasamādhāyotthānātsaṃdhivelayoḥ phalīkaraṇamiśrānsarṣapānagnāvāvapati śaṇḍāmarkkā upavīraḥ śauṇḍikeya ulūkhalaḥ | malimluco droṇāsaścyavano naśyatāditaḥ svāhā | ālikhannanimiṣaḥ kiṃvadanta upaśrutirharyakṣaḥ kumbhī śatruḥ pātrapāṇirnṛmaṇirhantrīmukhaḥ sarṣapāruṇaścyavano naśyatāditaḥ svāheti

Sanskrit only: no published translation is held for this verse.

यदि कुमार उपद्रवेज्जालेन प्रच्छाद्योत्तरीयेण वा पिताऽङ्क आधाय जपति कूर्कुरः सुकूर्कुरः कूर्कुरो बालबन्धनः । चेच्चेच्छुनक सृज नमस्ते अस्तु सीसरो लपेतापह्वर तत्सत्यम् । यत्ते देवा वरमददुः स त्वं कुमारमेव वा वृणीथाः । चेच्चेच्छुनक सृज नमस्ते अस्तु सीसरो लपेतापह्वर तत्सत्यम् । यत्ते सरमा माता सीसरः पिता श्यामशबलौ भ्रातरौ चेच्चेच्छुनक सृज नमस्ते अस्तु सीसरो लपेतापह्वरेति

yadi kumāra upadravejjālena pracchādyottarīyeṇa vā pitā'ṅka ādhāya japati kūrkuraḥ sukūrkuraḥ kūrkuro bālabandhanaḥ | ceccecchunaka sṛja namaste astu sīsaro lapetāpahvara tatsatyam | yatte devā varamadaduḥ sa tvaṃ kumārameva vā vṛṇīthāḥ | ceccecchunaka sṛja namaste astu sīsaro lapetāpahvara tatsatyam | yatte saramā mātā sīsaraḥ pitā śyāmaśabalau bhrātarau ceccecchunaka sṛja namaste astu sīsaro lapetāpahvareti

Sanskrit only: no published translation is held for this verse.

अभिमृशति न नामयति न रुदति न हृष्यति न ग्लायति यत्र वयं वदामो यत्र चाभिमृशामसीति

abhimṛśati na nāmayati na rudati na hṛṣyati na glāyati yatra vayaṃ vadāmo yatra cābhimṛśāmasīti

Sanskrit only: no published translation is held for this verse.