Pāraskara Gṛhya-sūtra 1.18

प्रोष्येत्य गृहानुपतिष्ठते पूर्ववत्

proṣyetya gṛhānupatiṣṭhate pūrvavat

Sanskrit only: no published translation is held for this verse.

पुत्रं दृष्ट्वा जपति अङ्गादङ्गात्संभवसि हृदयादधिजायसे । आत्मा वै पुत्रनामाऽसि स जीव शरदः शतमिति

putraṃ dṛṣṭvā japati aṅgādaṅgātsaṃbhavasi hṛdayādadhijāyase | ātmā vai putranāmā'si sa jīva śaradaḥ śatamiti

Sanskrit only: no published translation is held for this verse.

अथास्य मूर्द्धानमवजिघ्रति । प्रजापतेष्ट्वा हिंकारेणावजिघ्रामि सहस्रायुषाऽसौ जीव शरदः शतमिति

athāsya mūrddhānamavajighrati | prajāpateṣṭvā hiṃkāreṇāvajighrāmi sahasrāyuṣā'sau jīva śaradaḥ śatamiti

Sanskrit only: no published translation is held for this verse.

गवां त्वा हिंकारेणेति च त्रिर्दक्षिणेऽस्य कर्णे जपति । अस्मे प्रयन्धि मघवन्नृजीषिन्निन्द्ररायोविश्ववारस्य भूरेः । अस्मे शतं शरदो जीवसे धा अस्मै वीराञ्च्छश्वत इन्द्र शिप्रिन्निति

gavāṃ tvā hiṃkāreṇeti ca trirdakṣiṇe'sya karṇe japati | asme prayandhi maghavannṛjīṣinnindrarāyoviśvavārasya bhūreḥ | asme śataṃ śarado jīvase dhā asmai vīrāñcchaśvata indra śiprinniti

Sanskrit only: no published translation is held for this verse.

इन्द्र श्रेष्ठानि द्रविणानि धेहि चित्तिं दक्षस्य सुभगत्वमस्मे । पोषं रयीणामरिष्टिं तनूनां स्वात्मानं वाचः सुदिनत्वमह्नामिति सव्ये

indra śreṣṭhāni draviṇāni dhehi cittiṃ dakṣasya subhagatvamasme | poṣaṃ rayīṇāmariṣṭiṃ tanūnāṃ svātmānaṃ vācaḥ sudinatvamahnāmiti savye

Sanskrit only: no published translation is held for this verse.

स्त्रियै तु मूर्द्धानमेवावजिघ्रति तूष्णीम्

striyai tu mūrddhānamevāvajighrati tūṣṇīm

Sanskrit only: no published translation is held for this verse.