नवं स्थालीपाकं श्रपयित्वाज्यभागाविष्ट्वाज्याहुती जुहोति । शतायुधाय शतवीर्याय शतोतये अभिमातिषाहे । शतं यो नः शरदोऽजीजानिन्द्रो नेषदति दुरितानि विश्वा स्वाहा । ये चत्वारः पथयो देवयाना अन्तराद्यावापृथिवी वियन्ति । तेषां योऽज्यानिमजीजिमावहात्तस्मै नो देवाः परिधत्तेह सर्वे स्वाहेति
navaṃ sthālīpākaṃ śrapayitvājyabhāgāviṣṭvājyāhutī juhoti | śatāyudhāya śatavīryāya śatotaye abhimātiṣāhe | śataṃ yo naḥ śarado'jījānindro neṣadati duritāni viśvā svāhā | ye catvāraḥ pathayo devayānā antarādyāvāpṛthivī viyanti | teṣāṃ yo'jyānimajījimāvahāttasmai no devāḥ paridhatteha sarve svāheti
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.