Parasurama-Kalpasutra 6

इयम् एव महती विद्या सिंहासनेश्वरी साम्राज्ञी, तस्याः प्रधानसचिवपदं श्यामा, तत्क्रमविमृष्टिः सदा कार्या

iyam eva mahatī vidyā siṃhāsaneśvarī sāmrājñī, tasyāḥ pradhānasacivapadaṃ śyāmā, tatkramavimṛṣṭiḥ sadā kāryā

Sanskrit only: no published translation is held for this verse.

प्रधानद्वारा राजप्रसादनं हि न्याय्यम्

pradhānadvārā rājaprasādanaṃ hi nyāyyam

Sanskrit only: no published translation is held for this verse.

ब्राह्मे मुहूर्ते चोत्थाय शयने स्थित्वैव श्रीपादुकां प्रणम्य प्राणान् आयम्य मूलादिद्वादशान्तपर्यन्तं ज्वलन्तीं परसंविदं विचिन्त्य मनसा मूलं त्रिशो जप्त्वा बहिर् निर्गत्य विमुक्तमलमूत्रो दन्तधावनजिह्वाघर्षणकफविमोचननासशोधनविंशतिगण्डूषान् विधाय

brāhme muhūrte cotthāya śayane sthitvaiva śrīpādukāṃ praṇamya prāṇān āyamya mūlādidvādaśāntaparyantaṃ jvalantīṃ parasaṃvidaṃ vicintya manasā mūlaṃ triśo japtvā bahir nirgatya vimuktamalamūtro dantadhāvanajihvāgharṣaṇakaphavimocananāsaśodhanaviṃśatigaṇḍūṣān vidhāya

Sanskrit only: no published translation is held for this verse.

मन्त्रभस्मजलस्नानेष्व् इष्टं विधाय वस्त्रं परिधाय

mantrabhasmajalasnāneṣv iṣṭaṃ vidhāya vastraṃ paridhāya

Sanskrit only: no published translation is held for this verse.

सन्ध्याम् उपास्य सवितृमण्डले देवीं सावरणं विचिन्त्य मूलेन त्रिर् अर्घ्यं दत्त्वा यथाशक्ति सन्तर्प्य

sandhyām upāsya savitṛmaṇḍale devīṃ sāvaraṇaṃ vicintya mūlena trir arghyaṃ dattvā yathāśakti santarpya

Sanskrit only: no published translation is held for this verse.

यागगृहं प्रविश्यासने आधारशक्तिकमलासनाय नम इत्य् उपविश्य

yāgagṛhaṃ praviśyāsane ādhāraśaktikamalāsanāya nama ity upaviśya

Sanskrit only: no published translation is held for this verse.

समस्तप्रकटगुप्तसिद्धयोगिनीचक्रश्रीपादुकाभ्यो नम इति शिरस्य् अञ्जलिम् आधाय स्वगुरुपादुकापूजां च विधाय

samastaprakaṭaguptasiddhayoginīcakraśrīpādukābhyo nama iti śirasy añjalim ādhāya svagurupādukāpūjāṃ ca vidhāya

Sanskrit only: no published translation is held for this verse.

ऐं ह्रः अस्त्राय फट् इत्य् अस्त्रमन्त्रेण अङ्गुष्ठादिकनिष्ठान्तं करतलयोः कूर्परयोः देहे च व्यापकत्वेन विन्यस्य

aiṃ hraḥ astrāya phaṭ ity astramantreṇa aṅguṣṭhādikaniṣṭhāntaṃ karatalayoḥ kūrparayoḥ dehe ca vyāpakatvena vinyasya

Sanskrit only: no published translation is held for this verse.

यं इति वायुं पिङ्गलयाकृष्य देहम् उपविशोष्य, रं इति वायुम् आकृष्य देहं दग्ध्वा, वं इति वायुम् आकृष्यामृतेन दग्धदेहभस्म सिक्त्वा, लं इति वायुम् आकृष्य दृढं विधाय, हंस इति वायुम् आकृष्य शिवचैतन्यम् उत्पाद्य

yaṃ iti vāyuṃ piṅgalayākṛṣya deham upaviśoṣya, raṃ iti vāyum ākṛṣya dehaṃ dagdhvā, vaṃ iti vāyum ākṛṣyāmṛtena dagdhadehabhasma siktvā, laṃ iti vāyum ākṛṣya dṛḍhaṃ vidhāya, haṃsa iti vāyum ākṛṣya śivacaitanyam utpādya

Sanskrit only: no published translation is held for this verse.

मूलम् एकश उच्चार्य वायुम् आकृष्य त्रिशः उच्चार्य कुम्भयित्वा सकृद् उच्चार्य रेचयेत् । एवं रेचकपूरककुम्भकं त्रिधा सप्तधा दशधा षोडशधा वा विरच्य तेजोमयतनुः

mūlam ekaśa uccārya vāyum ākṛṣya triśaḥ uccārya kumbhayitvā sakṛd uccārya recayet | evaṃ recakapūrakakumbhakaṃ tridhā saptadhā daśadhā ṣoḍaśadhā vā viracya tejomayatanuḥ

Sanskrit only: no published translation is held for this verse.

षडङ्गं बालासहितां मातृकां मूलहृन्मुखेषु रतिप्रीतिमनोभवान् विन्यस्य

ṣaḍaṅgaṃ bālāsahitāṃ mātṛkāṃ mūlahṛnmukheṣu ratiprītimanobhavān vinyasya

Sanskrit only: no published translation is held for this verse.

मूलं सप्तदशधा खण्डयित्वा षट् ब्रह्मबिले त्रीणि ललाटे चत्वारि भ्रूमध्ये दक्षवामेक्षणयोः षट् चाष्टौ सप्तास्ये दक्षवामश्रुतिकण्ठेष्व् एकैकं दक्षवामांसयोर् अष्टौ च दश हृदि दश दक्षवामस्तनयोर् अष्टाव् अष्टौ नव नाभौ द्विः स्वाधिष्ठाने षड् आधार एवं विन्यस्य

mūlaṃ saptadaśadhā khaṇḍayitvā ṣaṭ brahmabile trīṇi lalāṭe catvāri bhrūmadhye dakṣavāmekṣaṇayoḥ ṣaṭ cāṣṭau saptāsye dakṣavāmaśrutikaṇṭheṣv ekaikaṃ dakṣavāmāṃsayor aṣṭau ca daśa hṛdi daśa dakṣavāmastanayor aṣṭāv aṣṭau nava nābhau dviḥ svādhiṣṭhāne ṣaḍ ādhāra evaṃ vinyasya

Sanskrit only: no published translation is held for this verse.

पुनर् आधारादिब्रह्मबिलपर्यन्तं सप्तदशखण्डान् उक्तस्थानेषु विन्यस्य

punar ādhārādibrahmabilaparyantaṃ saptadaśakhaṇḍān uktasthāneṣu vinyasya

Sanskrit only: no published translation is held for this verse.

अमृतोदधिमध्यरत्नद्वीपे मुक्तामालाद्यलङ्कृतं चतुर्द्वारसहितं मण्डपं विचिन्त्य तस्य प्रागादिचतुर्द्वारेषु सां सरस्वत्यै, लां लक्ष्म्यै, शं शङ्खनिधये, पं पद्मनिधये नमः लां इन्द्राय वज्रहस्ताय सुराधिपतये ऐरावतवाहनाय सपरिवाराय नमः रां अग्नये शक्तिहस्ताय तेजोऽधिपतये अजवाहनाय सपरिवाराय नमः टां यमाय दण्डहस्ताय प्रेताधिपतये महिषवाहनाय सपरिवाराय नमः क्षां निरृतये खड्गहस्ताय रक्षोऽधिपतये नरवाहनाय सपरिवाराय नमः वां वरुणाय पाशहस्ताय जलाधिपतये मकरवाहनाय सपरिवाराय नमः यां वायवे ध्वजहस्ताय प्राणाधिपतये रुरुवाहनाय सपरिवाराय नमः सां सोमाय शङ्खहस्ताय नक्षत्राधिपतये अश्ववाहनाय सपरिवाराय नमः हां ईशानाय त्रिशूलहस्ताय विद्याधिपतये वृषभवाहनाय सपरिवाराय नमः ॐ ब्रह्मणे पद्महस्ताय सत्यलोकाधिपतये हंसवाहनाय सपरिवाराय नमः श्रीं विष्णवे चक्रहस्ताय नागाधिपतये गरुडवाहनाय सपरिवाराय नमः ॐ वास्तुपतये ब्रह्मणे नमः इत्य् एकादशदिक्षु एकादशदेवान् अर्चयेत्

amṛtodadhimadhyaratnadvīpe muktāmālādyalaṅkṛtaṃ caturdvārasahitaṃ maṇḍapaṃ vicintya tasya prāgādicaturdvāreṣu sāṃ sarasvatyai, lāṃ lakṣmyai, śaṃ śaṅkhanidhaye, paṃ padmanidhaye namaḥ lāṃ indrāya vajrahastāya surādhipataye airāvatavāhanāya saparivārāya namaḥ rāṃ agnaye śaktihastāya tejo'dhipataye ajavāhanāya saparivārāya namaḥ ṭāṃ yamāya daṇḍahastāya pretādhipataye mahiṣavāhanāya saparivārāya namaḥ kṣāṃ nirṛtaye khaḍgahastāya rakṣo'dhipataye naravāhanāya saparivārāya namaḥ vāṃ varuṇāya pāśahastāya jalādhipataye makaravāhanāya saparivārāya namaḥ yāṃ vāyave dhvajahastāya prāṇādhipataye ruruvāhanāya saparivārāya namaḥ sāṃ somāya śaṅkhahastāya nakṣatrādhipataye aśvavāhanāya saparivārāya namaḥ hāṃ īśānāya triśūlahastāya vidyādhipataye vṛṣabhavāhanāya saparivārāya namaḥ oṃ brahmaṇe padmahastāya satyalokādhipataye haṃsavāhanāya saparivārāya namaḥ śrīṃ viṣṇave cakrahastāya nāgādhipataye garuḍavāhanāya saparivārāya namaḥ oṃ vāstupataye brahmaṇe namaḥ ity ekādaśadikṣu ekādaśadevān arcayet

Sanskrit only: no published translation is held for this verse.

श्यामाक्रममन्त्राणाम् आदौ त्रितारीकुमारीयोगः कुमारीयोगो वा, त्रितारी पूर्वोक्ता कुमारी बाला शेषम् उत्तानम्

śyāmākramamantrāṇām ādau tritārīkumārīyogaḥ kumārīyogo vā, tritārī pūrvoktā kumārī bālā śeṣam uttānam

Sanskrit only: no published translation is held for this verse.

गन्धद्रव्येण लिप्ताङ्गस् ताम्बूलामोदितवदनः प्रसन्नमना भूत्वा

gandhadravyeṇa liptāṅgas tāmbūlāmoditavadanaḥ prasannamanā bhūtvā

Sanskrit only: no published translation is held for this verse.

सुवर्णरजतताम्रचन्दनमण्डलेषु बिन्दुत्रिकोणपञ्चकोणाष्टदलषोडशदलाष्टदलचतुर्दलचतुरस्रात्मकं चक्रराजं विलिख्य

suvarṇarajatatāmracandanamaṇḍaleṣu bindutrikoṇapañcakoṇāṣṭadalaṣoḍaśadalāṣṭadalacaturdalacaturasrātmakaṃ cakrarājaṃ vilikhya

Sanskrit only: no published translation is held for this verse.

मूलेन त्रिवारजप्तेन शुद्धजलेन चतुरस्रवृत्तषट्कोणत्रिकोणबिन्दून् प्रवेशेन मत्स्यमुद्रया विधाय अं आत्मतत्त्वाय आधारशक्तये वौषट् इत्य् आधारं प्रतिष्ठाप्य धूम्रार्चिर् ऊष्मा ज्वलिनी ज्वालिनी विस्फुलिङ्गिनी सुश्रीः सुरूपा कपिला हव्यवाहा कव्यवाहेत्य् अग्निकला अभ्यर्च्य उं विद्यातत्त्वाय पद्माननाय वौषट् इति पात्रं प्रतिष्ठाप्य तपिनी तापिनी धूम्रा मरीचिर् ज्वालिनी रुचिः सुषुम्ना भोगदा विश्वा बोधिनी धारिणी क्षमा इति पात्रे सूर्यकला अभ्यर्च्य मं शिवतत्त्वाय सोममण्डलाय नमः इति शुद्धजलम् आपूर्य अमृता मानदा पूषा तुष्टिः पुष्टी रतिः धृतिः शशिनी चन्द्रिका कान्तिर् ज्योत्स्ना श्रीः प्रीतिर् अङ्गदा पूर्णा पूर्णामृता चेति चन्द्रकला अभ्यर्च्य अग्नीशासुरवायुषु मध्ये दिक्षु च षडङ्गानि विन्यस्य अस्त्रेण संरक्ष्य कवचेनावकुण्ठ्य धेनुयोनी प्रदर्श्य मूलमन्त्रेण सप्तशो ऽभिमन्त्र्य तज्जलविप्रुड्भिः यागगृहं पूजोपकरणानि चावोक्ष्य

mūlena trivārajaptena śuddhajalena caturasravṛttaṣaṭkoṇatrikoṇabindūn praveśena matsyamudrayā vidhāya aṃ ātmatattvāya ādhāraśaktaye vauṣaṭ ity ādhāraṃ pratiṣṭhāpya dhūmrārcir ūṣmā jvalinī jvālinī visphuliṅginī suśrīḥ surūpā kapilā havyavāhā kavyavāhety agnikalā abhyarcya uṃ vidyātattvāya padmānanāya vauṣaṭ iti pātraṃ pratiṣṭhāpya tapinī tāpinī dhūmrā marīcir jvālinī ruciḥ suṣumnā bhogadā viśvā bodhinī dhāriṇī kṣamā iti pātre sūryakalā abhyarcya maṃ śivatattvāya somamaṇḍalāya namaḥ iti śuddhajalam āpūrya amṛtā mānadā pūṣā tuṣṭiḥ puṣṭī ratiḥ dhṛtiḥ śaśinī candrikā kāntir jyotsnā śrīḥ prītir aṅgadā pūrṇā pūrṇāmṛtā ceti candrakalā abhyarcya agnīśāsuravāyuṣu madhye dikṣu ca ṣaḍaṅgāni vinyasya astreṇa saṃrakṣya kavacenāvakuṇṭhya dhenuyonī pradarśya mūlamantreṇa saptaśo 'bhimantrya tajjalavipruḍbhiḥ yāgagṛhaṃ pūjopakaraṇāni cāvokṣya

Sanskrit only: no published translation is held for this verse.

ताभिर् ईकाराङ्कितत्रिकोणवृत्तचतुरस्रं मण्डलं विधाय तस्मिन् पुष्पाणि विकीर्य पूर्ववद् आधारं प्रतिष्ठाप्य अग्निकला अभ्यर्च्य पात्रं प्रतिष्ठाप्य तस्मिन् पात्रे ह्रीं ऐं महालक्ष्मीश्वरि परमस्वामिनि ऊर्ध्व [१९९] शून्यप्रवाहिनि सोमसूर्याग्निभक्षिणि परमाकाशभासुरे आगच्छागच्छ विश विश पात्रं प्रतिगृह्ण प्रतिगृह्ण हुं फट् स्वाहेति पुष्पाञ्जलिं विकीर्य सूर्यकला अभ्यर्च्य ब्रह्माण्डाखण्डसम्भूतम् अशेषरससम्भृतम् । आपूरितं महापात्रं पीयूषरसम् आवह ॥ इत्य् आदिमम् आपूर्य द्वितीयं निक्षिप्य अकथादित्रिरेखाङ्कितकोणत्रये हलक्षान् मध्ये हंसं च विलिख्य मूलेन दशधा अभिमन्त्र्य चन्द्रकलाः अभ्यर्च्य अग्नीशासुरवायुषु मध्ये दिक्षु, षडङ्गानि विन्यस्य अस्त्रेण संरक्ष्य कवचेनावकुण्ठ्य, धेनुयोनी प्रदर्शयेत्

tābhir īkārāṅkitatrikoṇavṛttacaturasraṃ maṇḍalaṃ vidhāya tasmin puṣpāṇi vikīrya pūrvavad ādhāraṃ pratiṣṭhāpya agnikalā abhyarcya pātraṃ pratiṣṭhāpya tasmin pātre hrīṃ aiṃ mahālakṣmīśvari paramasvāmini ūrdhva [199] śūnyapravāhini somasūryāgnibhakṣiṇi paramākāśabhāsure āgacchāgaccha viśa viśa pātraṃ pratigṛhṇa pratigṛhṇa huṃ phaṭ svāheti puṣpāñjaliṃ vikīrya sūryakalā abhyarcya brahmāṇḍākhaṇḍasambhūtam aśeṣarasasambhṛtam | āpūritaṃ mahāpātraṃ pīyūṣarasam āvaha || ity ādimam āpūrya dvitīyaṃ nikṣipya akathāditrirekhāṅkitakoṇatraye halakṣān madhye haṃsaṃ ca vilikhya mūlena daśadhā abhimantrya candrakalāḥ abhyarcya agnīśāsuravāyuṣu madhye dikṣu, ṣaḍaṅgāni vinyasya astreṇa saṃrakṣya kavacenāvakuṇṭhya, dhenuyonī pradarśayet

Sanskrit only: no published translation is held for this verse.

चक्रमध्ये श्रीमातम् उक्त्वा गीश्वरीमूर्तये नमः इति मूर्तिं कल्पयित्वा भूयः श्रीमातम् उक्त्वा गीश्वर्यमृतचैतन्यम् आवाहयामि इत्य् आवाह्य, षोडशभिर् उपचर्य आशुशुक्षणित्र्यक्षरक्षःप्रभञ्जनदिक्षु देव्या मौलौ परितश् च पूज्या अङ्गदेव्यः । तन्मन्त्राः सर्वजनादयः अष्टौ सप्तैकादश दश पुनर् दशाष्टाविंशतिखण्डाः त्रितारीकुमारीवागादयः सजातयः सामान्यमनुयुक्ताः

cakramadhye śrīmātam uktvā gīśvarīmūrtaye namaḥ iti mūrtiṃ kalpayitvā bhūyaḥ śrīmātam uktvā gīśvaryamṛtacaitanyam āvāhayāmi ity āvāhya, ṣoḍaśabhir upacarya āśuśukṣaṇitryakṣarakṣaḥprabhañjanadikṣu devyā maulau paritaś ca pūjyā aṅgadevyaḥ | tanmantrāḥ sarvajanādayaḥ aṣṭau saptaikādaśa daśa punar daśāṣṭāviṃśatikhaṇḍāḥ tritārīkumārīvāgādayaḥ sajātayaḥ sāmānyamanuyuktāḥ

Sanskrit only: no published translation is held for this verse.

पश्चाद् आवरणपूजां कुर्यात्

paścād āvaraṇapūjāṃ kuryāt

Sanskrit only: no published translation is held for this verse.

सर्वचक्रदेवतार्चनानि वामकराङ्गुष्ठानामिकासन्दष्टद्वितीयशकलगृहीतश्रीपात्रप्रथमबिन्दुसहपतितैः दक्षकराक्षतपुष्पक्षेपैः कुर्यात्

sarvacakradevatārcanāni vāmakarāṅguṣṭhānāmikāsandaṣṭadvitīyaśakalagṛhītaśrīpātraprathamabindusahapatitaiḥ dakṣakarākṣatapuṣpakṣepaiḥ kuryāt

Sanskrit only: no published translation is held for this verse.

त्रिकोणे रतिप्रीतिमनोभवान्

trikoṇe ratiprītimanobhavān

Sanskrit only: no published translation is held for this verse.

पञ्चारमूले पुर आदिक्रमेण द्रां द्रावणबाणाय द्रीं शोषणबाणाय क्लीं बन्धनबाणाय ब्लूं मोहनबाणाय सः उन्मादनबाणाय नमः इति तदग्रे मायाकामवाग्ब्लूं स्त्रीम् उपजुष्टाः काममन्मथकन्दर्पमकरकेतनमनोभवाः

pañcāramūle pura ādikrameṇa drāṃ drāvaṇabāṇāya drīṃ śoṣaṇabāṇāya klīṃ bandhanabāṇāya blūṃ mohanabāṇāya saḥ unmādanabāṇāya namaḥ iti tadagre māyākāmavāgblūṃ strīm upajuṣṭāḥ kāmamanmathakandarpamakaraketanamanobhavāḥ

Sanskrit only: no published translation is held for this verse.

अष्टदलमूले ब्राह्मीमहेश्वरीकौमारीवैष्णवीवाराहीमाहेन्द्रीचामुण्डाचण्डिकाः, सेन्दुस्वरयुग्मान्त्यादयः पूज्याः । तदग्रे लक्ष्मीसरस्वतीरतिप्रीतिकीर्तिशान्तिपुष्टितुष्टयः

aṣṭadalamūle brāhmīmaheśvarīkaumārīvaiṣṇavīvārāhīmāhendrīcāmuṇḍācaṇḍikāḥ, sendusvarayugmāntyādayaḥ pūjyāḥ | tadagre lakṣmīsarasvatīratiprītikīrtiśāntipuṣṭituṣṭayaḥ

Sanskrit only: no published translation is held for this verse.

षोडशदले वामाज्येष्ठारौद्रीशान्तिश्रद्धासरस्वतीक्रियाशक्तिलक्ष्मीसृष्टिमोहिनीप्रमथिनीआश्वासिनीवीचीविद्युन्मालिनीसुरानन्दानागबुद्धिकाः

ṣoḍaśadale vāmājyeṣṭhāraudrīśāntiśraddhāsarasvatīkriyāśaktilakṣmīsṛṣṭimohinīpramathinīāśvāsinīvīcīvidyunmālinīsurānandānāgabuddhikāḥ

Sanskrit only: no published translation is held for this verse.

अष्टदले असिताङ्गरुरुचण्डक्रोधनौन्मत्तकपालभीषणसंहाराः सदण्डिस्वरयुग्मादिसंयुक्ता भैरवान्ताश् च भावनीयाः

aṣṭadale asitāṅgarurucaṇḍakrodhanaunmattakapālabhīṣaṇasaṃhārāḥ sadaṇḍisvarayugmādisaṃyuktā bhairavāntāś ca bhāvanīyāḥ

Sanskrit only: no published translation is held for this verse.

चतुर्दलं मायुक्ततङ्गी सिद्धलक्ष्मीश् च महामायुक्ततङ्गी महासिद्धलक्ष्मीश् च

caturdalaṃ māyuktataṅgī siddhalakṣmīś ca mahāmāyuktataṅgī mahāsiddhalakṣmīś ca

Sanskrit only: no published translation is held for this verse.

गं गणपति दुं दुर्गा बं बटुक क्षं क्षेत्रपालाः, चतुरस्रे सम्पूज्याः

gaṃ gaṇapati duṃ durgā baṃ baṭuka kṣaṃ kṣetrapālāḥ, caturasre sampūjyāḥ

Sanskrit only: no published translation is held for this verse.

सां सरस्वत्यै नमः, इतिप्रभृति, वास्तुपतये ब्रह्मणे नमः इतिपर्यन्तं पुनस् तत्रैवाभ्यर्च्य

sāṃ sarasvatyai namaḥ, itiprabhṛti, vāstupataye brahmaṇe namaḥ itiparyantaṃ punas tatraivābhyarcya

Sanskrit only: no published translation is held for this verse.

हंसमूर्तिपरप्रकाशपूर्णनित्यकरुणसम्प्रदायगुरूंश् चतुरस्रपूर्वरेखायाम् अभ्यर्च्य

haṃsamūrtiparaprakāśapūrṇanityakaruṇasampradāyagurūṃś caturasrapūrvarekhāyām abhyarcya

Sanskrit only: no published translation is held for this verse.

स्वशिरसि सामान्यविशेषपादुके अभ्यर्चयेत्

svaśirasi sāmānyaviśeṣapāduke abhyarcayet

Sanskrit only: no published translation is held for this verse.

पुनर् देवीम् अभ्यर्च्य बालया षोडशोपचारान् विधाय

punar devīm abhyarcya bālayā ṣoḍaśopacārān vidhāya

Sanskrit only: no published translation is held for this verse.

शुद्धजलेन त्रिकोणवृत्तचतुरस्रं विधायार्धान्नपूर्णसलिलं सादिमोपादिममध्यमं सु[स]गन्धपुष्पं साधारं पात्रं निधाय

śuddhajalena trikoṇavṛttacaturasraṃ vidhāyārdhānnapūrṇasalilaṃ sādimopādimamadhyamaṃ su[sa]gandhapuṣpaṃ sādhāraṃ pātraṃ nidhāya

Sanskrit only: no published translation is held for this verse.

श्रीमातम् उक्त्वा गीश्वरीमं बलिं गृह्ण गृह्ण हुं फट् स्वाहा श्रीमातम् उक्त्वा गीश्वरि शरणागतं मां त्राहि त्राहि हुं फट् स्वाहा क्षेत्रपालनाथेमं बलिं गृह्ण गृह्ण फट् स्वाहा इति मन्त्रत्रयेण वामपार्ष्णिघातकरास्फोटसमुदञ्चितवक्त्रनाराचमुद्राभिः बलिं प्रदाय

śrīmātam uktvā gīśvarīmaṃ baliṃ gṛhṇa gṛhṇa huṃ phaṭ svāhā śrīmātam uktvā gīśvari śaraṇāgataṃ māṃ trāhi trāhi huṃ phaṭ svāhā kṣetrapālanāthemaṃ baliṃ gṛhṇa gṛhṇa phaṭ svāhā iti mantratrayeṇa vāmapārṣṇighātakarāsphoṭasamudañcitavaktranārācamudrābhiḥ baliṃ pradāya

Sanskrit only: no published translation is held for this verse.

श्यामलां शक्तिम् आहूय बालया ताम् अभ्यर्च्य तस्या हस्त आदिमोपादिमौ दत्त्वा तत्त्वं शोधयित्वा तच्छेषम् उररीकृत्य योग्यैः सह हविश्शेषं स्वीकुर्यात्

śyāmalāṃ śaktim āhūya bālayā tām abhyarcya tasyā hasta ādimopādimau dattvā tattvaṃ śodhayitvā taccheṣam urarīkṛtya yogyaiḥ saha haviśśeṣaṃ svīkuryāt

Sanskrit only: no published translation is held for this verse.

एवं नित्यसपर्यां कुर्वन् लक्षजपं जप्त्वा तद्दशांशक्रमेण च होमतर्पणब्राह्मणभोजनानि विदध्यात्

evaṃ nityasaparyāṃ kurvan lakṣajapaṃ japtvā taddaśāṃśakrameṇa ca homatarpaṇabrāhmaṇabhojanāni vidadhyāt

Sanskrit only: no published translation is held for this verse.

एतन्मनुजापी न कदम्बं छिन्द्यात् गिरा कालीति न वदेत् वीणावेणुनर्तनगायनगाथागोष्ठीषु न पराङ्मुखो गच्छेत् गायकं न निन्द्यात्

etanmanujāpī na kadambaṃ chindyāt girā kālīti na vadet vīṇāveṇunartanagāyanagāthāgoṣṭhīṣu na parāṅmukho gacchet gāyakaṃ na nindyāt

Sanskrit only: no published translation is held for this verse.

ललितोपासको नेक्षुखण्डं भक्षयेत् न दिवा स्मरेद् वार्तालीं न जुगुप्सेत सिद्धद्रव्याणि न कुर्यात् स्त्रीषु निष्ठुरतां वीरस्त्रियं न गच्छेत् न तं हन्यात् न तद्द्रव्यम् अपहरेत् नात्मेच्छया मपञ्चकम् उररीकुर्यात् कुलभ्रष्टैः सह नासीत न बहु प्रलपेत् योषितं सम्भाषमाणाम् अप्रतिसम्भाषमाणो न गच्छेत् कुलपुस्तकानि गोपायेत् इति शिवम्

lalitopāsako nekṣukhaṇḍaṃ bhakṣayet na divā smared vārtālīṃ na jugupseta siddhadravyāṇi na kuryāt strīṣu niṣṭhuratāṃ vīrastriyaṃ na gacchet na taṃ hanyāt na taddravyam apaharet nātmecchayā mapañcakam urarīkuryāt kulabhraṣṭaiḥ saha nāsīta na bahu pralapet yoṣitaṃ sambhāṣamāṇām apratisambhāṣamāṇo na gacchet kulapustakāni gopāyet iti śivam

Sanskrit only: no published translation is held for this verse.