Rupa Gosvamin: Haribhaktirasamrtasindhu 1.2

द्वितीया लहरी साधन-भक्तिः सा भक्तिः साधनं भावः प्रेमा चेति त्रिधोदिता

dvitīyā laharī sādhana-bhaktiḥ sā bhaktiḥ sādhanaṃ bhāvaḥ premā ceti tridhoditā

Sanskrit only: no published translation is held for this verse.

तत्र साधन-भक्तिः - कृति-साध्या भवेत् साध्य-भावा सा साधनाभिधा । नित्य-सिद्धस्य भावस्य प्राकट्यं हृदि साध्यता

tatra sādhana-bhaktiḥ - kṛti-sādhyā bhavet sādhya-bhāvā sā sādhanābhidhā | nitya-siddhasya bhāvasya prākaṭyaṃ hṛdi sādhyatā

Sanskrit only: no published translation is held for this verse.

सा भक्तिः सप्तम-स्कन्धे भङ्ग्या देवर्षिणोदिता

sā bhaktiḥ saptama-skandhe bhaṅgyā devarṣiṇoditā

Sanskrit only: no published translation is held for this verse.

यथा सप्तमे (७।१।३१)-- तस्मात् केनाप्य् उपायेन मनः कृष्णे निवेशयेत् ॥ र्भ्र्स् १,२।४ ॥ इति । वैधी रागानुगा चेति सा द्विधा साधनाभिधा

yathā saptame (7.1.31)-- tasmāt kenāpy upāyena manaḥ kṛṣṇe niveśayet || RBhrs 1,2.4 || iti | vaidhī rāgānugā ceti sā dvidhā sādhanābhidhā

Sanskrit only: no published translation is held for this verse.

तत्र वैधी-- यत्र रागानवाप्तत्वात् प्रवृत्तिर् उपजायते । शासनेनैव शास्त्रस्य सा वैधी भक्तिर् उच्यते

tatra vaidhī-- yatra rāgānavāptatvāt pravṛttir upajāyate | śāsanenaiva śāstrasya sā vaidhī bhaktir ucyate

Sanskrit only: no published translation is held for this verse.

यथ, द्वितीये (२।१।६)-- तस्माद् भारत सर्वात्मा भगवान् ईश्वरो हरिः । श्रोतव्यः कीर्तितव्यश् च स्मर्तव्यश् चेच्छताभयम्

yatha, dvitīye (2.1.6)-- tasmād bhārata sarvātmā bhagavān īśvaro hariḥ | śrotavyaḥ kīrtitavyaś ca smartavyaś cecchatābhayam

Sanskrit only: no published translation is held for this verse.

पाद्मे च-- स्मर्तव्यः सततं विष्णुर् विस्मर्तव्यो न जातुचित् । सर्वे विधि-निषेधाः स्युर् एतयोर् एव किङ्कराः

pādme ca-- smartavyaḥ satataṃ viṣṇur vismartavyo na jātucit | sarve vidhi-niṣedhāḥ syur etayor eva kiṅkarāḥ

Sanskrit only: no published translation is held for this verse.

इत्य् असौ स्याद् विधिर् नित्यः सर्व-वर्णाश्रमादिषु । नित्यत्वे ऽप्य् अस्य निर्णीतम् एकादश्य्-आदिवत्-फलम्

ity asau syād vidhir nityaḥ sarva-varṇāśramādiṣu | nityatve 'py asya nirṇītam ekādaśy-ādivat-phalam

Sanskrit only: no published translation is held for this verse.

यथा, एकादाशे (११।५।२-३) तु व्यक्तम् एवोक्तम्-- मुख बाहूरु-पादेभ्यः पुरुषस्याश्रमैः सह । चत्वारो जज्ञिरे वर्णा गुणैर् विप्रादयः पृथक्

yathā, ekādāśe (11.5.2-3) tu vyaktam evoktam-- mukha bāhūru-pādebhyaḥ puruṣasyāśramaiḥ saha | catvāro jajñire varṇā guṇair viprādayaḥ pṛthak

Sanskrit only: no published translation is held for this verse.

य एषां पुरुषं साक्षाद् आत्म-प्रभवम् ईश्वरम् । न भजन्त्य् अवजानन्ति स्थानाद् भ्रष्टाः पतन्त्य् अधः

ya eṣāṃ puruṣaṃ sākṣād ātma-prabhavam īśvaram | na bhajanty avajānanti sthānād bhraṣṭāḥ patanty adhaḥ

Sanskrit only: no published translation is held for this verse.

तत् फलं च, तत्रैव (११।२७।४९)-- एवं क्रिया-योग-पथैः पुमान् वैदिक-तान्त्रिकैः । अर्चन्न् उभ्यतः सिद्धिं मत्तो विन्दत्य् अभीप्सिताम्

tat phalaṃ ca, tatraiva (11.27.49)-- evaṃ kriyā-yoga-pathaiḥ pumān vaidika-tāntrikaiḥ | arcann ubhyataḥ siddhiṃ matto vindaty abhīpsitām

Sanskrit only: no published translation is held for this verse.

पञ्चरात्रे च-- सुरर्षे विहिता शास्त्रे हरिम् उद्दिश्य या क्रिया । सैव भक्तिर् इति प्रोक्ता तया भक्तिः परा भवेत्

pañcarātre ca-- surarṣe vihitā śāstre harim uddiśya yā kriyā | saiva bhaktir iti proktā tayā bhaktiḥ parā bhavet

Sanskrit only: no published translation is held for this verse.

तत्र अधिकारी-- यः केनाप्य् अतिभाग्येन जात-श्रद्धो ऽस्य सेवने । नातिसक्तो न वैराग्य-भाग् अस्याम् अधिकार्य् असौ

tatra adhikārī-- yaḥ kenāpy atibhāgyena jāta-śraddho 'sya sevane | nātisakto na vairāgya-bhāg asyām adhikāry asau

Sanskrit only: no published translation is held for this verse.

यथैकादशे (११।२०।२८)-- यदृच्छया मत्-कथादौ जात-श्रद्धो ऽस्तु यः पुमान् । न निर्विण्णो नातिसक्तो भक्ति-योगो ऽस्य सिद्धिदः

yathaikādaśe (11.20.28)-- yadṛcchayā mat-kathādau jāta-śraddho 'stu yaḥ pumān | na nirviṇṇo nātisakto bhakti-yogo 'sya siddhidaḥ

Sanskrit only: no published translation is held for this verse.

उत्तमो मध्यमश् च स्यात् कनिष्ठश् चेति स त्रिधा

uttamo madhyamaś ca syāt kaniṣṭhaś ceti sa tridhā

Sanskrit only: no published translation is held for this verse.

तत्र उत्तमः-- शास्त्रे युक्तौ च निपुणः सर्वथा दृढ-निश्चयः । प्रौढ-श्रद्धो ऽधिकारी यः स भक्ताव् उत्तमो मतः

tatra uttamaḥ-- śāstre yuktau ca nipuṇaḥ sarvathā dṛḍha-niścayaḥ | prauḍha-śraddho 'dhikārī yaḥ sa bhaktāv uttamo mataḥ

Sanskrit only: no published translation is held for this verse.

तत्र मध्यमः-- यः शास्त्रादिष्व् अनिपुणः श्रद्धावान् स तु मध्यमः

tatra madhyamaḥ-- yaḥ śāstrādiṣv anipuṇaḥ śraddhāvān sa tu madhyamaḥ

Sanskrit only: no published translation is held for this verse.

तत्र कनिष्ठः-- यो भवेत् कोमल-श्रद्धः स कनिष्ठो निगद्यते

tatra kaniṣṭhaḥ-- yo bhavet komala-śraddhaḥ sa kaniṣṭho nigadyate

Sanskrit only: no published translation is held for this verse.

तत्र गीतादिषूक्तानां चतुर्णाम् अधिकारिणाम् । मध्ये यस्मिन् भगवतह् कृपा स्यात् तत्-प्रियस्य वा

tatra gītādiṣūktānāṃ caturṇām adhikāriṇām | madhye yasmin bhagavatah kṛpā syāt tat-priyasya vā

Sanskrit only: no published translation is held for this verse.

स क्षीण-तत्-तद्-भावः स्याच् छुद्ध-भक्त्य्-अधिकारवान् । यथेभः शौनकादिश् च ध्रुवः स च चतुःसनः

sa kṣīṇa-tat-tad-bhāvaḥ syāc chuddha-bhakty-adhikāravān | yathebhaḥ śaunakādiś ca dhruvaḥ sa ca catuḥsanaḥ

Sanskrit only: no published translation is held for this verse.

भुक्ति-मुक्ति-स्पृहा यावत् पिशाची हृदि वर्तते । तावद् भक्ति-सुखस्यात्र कथम् अभ्युदयो भवेत्

bhukti-mukti-spṛhā yāvat piśācī hṛdi vartate | tāvad bhakti-sukhasyātra katham abhyudayo bhavet

Sanskrit only: no published translation is held for this verse.

तत्रापि च विशेषेण गतिम् अण्वीम् अनिच्छतः । भक्तिर् हृत-मनः-प्राणान् प्रेम्णा तान् कुरुते जनान्

tatrāpi ca viśeṣeṇa gatim aṇvīm anicchataḥ | bhaktir hṛta-manaḥ-prāṇān premṇā tān kurute janān

Sanskrit only: no published translation is held for this verse.

तथा च, तृतीये (३।२५।३६)-- तैर् दर्शनीयावयवैर् उदार- विलास-हासेक्षित-वाम-सूक्तैः । हृतात्मनो हृत-प्राणांश् च भक्तिर् अनिच्छतो मे गतिम् अण्वीं प्रयुङ्क्ते

tathā ca, tṛtīye (3.25.36)-- tair darśanīyāvayavair udāra- vilāsa-hāsekṣita-vāma-sūktaiḥ | hṛtātmano hṛta-prāṇāṃś ca bhaktir anicchato me gatim aṇvīṃ prayuṅkte

Sanskrit only: no published translation is held for this verse.

श्री कृष्ण-चरणाम्भोज-सेवा-निर्वृत-चेतसाम् । एषां मोक्षाय भक्तानां न कदाचित् स्पृहा भवेत्

śrī kṛṣṇa-caraṇāmbhoja-sevā-nirvṛta-cetasām | eṣāṃ mokṣāya bhaktānāṃ na kadācit spṛhā bhavet

Sanskrit only: no published translation is held for this verse.

यथा तत्रैव, श्रीमद्-उद्धवोक्तौ (३।४।१५)-- को न्व् ईश ते पाद-सरोज-भाजां सुदुर्लभो ऽर्थेषु चतुर्ष्व् अपीह । तथापि नाहं प्रवृणोमि भूमन् भवत्-पदाम्भोज-निषेवणोत्सुकः

yathā tatraiva, śrīmad-uddhavoktau (3.4.15)-- ko nv īśa te pāda-saroja-bhājāṃ sudurlabho 'rtheṣu caturṣv apīha | tathāpi nāhaṃ pravṛṇomi bhūman bhavat-padāmbhoja-niṣevaṇotsukaḥ

Sanskrit only: no published translation is held for this verse.

तत्रैव, श्रीकपिल-देवोक्तौ (३।२५।३५)-- नैकात्मतां मे स्पृहयन्ति केचिन् मत्-पाद-सेवाभिरता मद्-ईहाः । ये ऽन्योन्यतो भागवताः प्रसज्य सभाजयन्ते मम पौरुषाणि

tatraiva, śrīkapila-devoktau (3.25.35)-- naikātmatāṃ me spṛhayanti kecin mat-pāda-sevābhiratā mad-īhāḥ | ye 'nyonyato bhāgavatāḥ prasajya sabhājayante mama pauruṣāṇi

Sanskrit only: no published translation is held for this verse.

तत्रैव (३।२९।१३)-- सालोक्य-सार्ष्टि-सामीप्य- सारूप्यैकत्वम् अप्य् उत । दीयमानं न गृह्णन्ति विना मत्-सेवनं जनाः

tatraiva (3.29.13)-- sālokya-sārṣṭi-sāmīpya- sārūpyaikatvam apy uta | dīyamānaṃ na gṛhṇanti vinā mat-sevanaṃ janāḥ

Sanskrit only: no published translation is held for this verse.

चतुर्थे श्री-ध्रुवोक्तौ (४।९।१०)-- या निर्वृतिस् तनु-भृतां तव पाद-पद्म- ध्यानाद् भवज्-जन-कथा-श्रवणेन वा स्यात् । सा ब्रह्मणि स्व-महिमन्य् अपि नाथ मा भूत् किं त्व् अन्तकासि-लुलितात् पततां विमानात्

caturthe śrī-dhruvoktau (4.9.10)-- yā nirvṛtis tanu-bhṛtāṃ tava pāda-padma- dhyānād bhavaj-jana-kathā-śravaṇena vā syāt | sā brahmaṇi sva-mahimany api nātha mā bhūt kiṃ tv antakāsi-lulitāt patatāṃ vimānāt

Sanskrit only: no published translation is held for this verse.

तत्रैव श्रीमद्-आदिराजोक्तौ (४।२०।२४)-- न कामये नाथ तद् अप्य् अहं क्वचिन् न यत्र युष्मच्-चरणाम्बुजासवः । महत्तमान्तर्-हृदयान् मुख-च्युतो विधत्स्व कर्णायुतम् एष मे वरः

tatraiva śrīmad-ādirājoktau (4.20.24)-- na kāmaye nātha tad apy ahaṃ kvacin na yatra yuṣmac-caraṇāmbujāsavaḥ | mahattamāntar-hṛdayān mukha-cyuto vidhatsva karṇāyutam eṣa me varaḥ

Sanskrit only: no published translation is held for this verse.

पञ्चमे श्री-शुकोक्तौ (५।१४।४४)-- यो दुस्त्यजान् क्षिति-सुत-स्वजनार्थ-दारान् प्रार्थ्यां श्रियं सुर-वरैः सदयावलोकाम् । नैच्छन् नृपस् तद्-उचितं महतां मधुद्विट्- सेवानुरक्त-मनसाम् अभवो ऽपि फल्गुः

pañcame śrī-śukoktau (5.14.44)-- yo dustyajān kṣiti-suta-svajanārtha-dārān prārthyāṃ śriyaṃ sura-varaiḥ sadayāvalokām | naicchan nṛpas tad-ucitaṃ mahatāṃ madhudviṭ- sevānurakta-manasām abhavo 'pi phalguḥ

Sanskrit only: no published translation is held for this verse.

षष्ठे श्री-वृत्रोक्तौ (६।११।२५)-- न नाक-पृष्ठं न च पारमेष्ठ्यं न सार्व-भौमं न रसाधिपत्यम् । न योग-सिद्धीर् अपुनर्-भवं वा समञ्जस त्वा विरहय्य काङ्क्षे

ṣaṣṭhe śrī-vṛtroktau (6.11.25)-- na nāka-pṛṣṭhaṃ na ca pārameṣṭhyaṃ na sārva-bhaumaṃ na rasādhipatyam | na yoga-siddhīr apunar-bhavaṃ vā samañjasa tvā virahayya kāṅkṣe

Sanskrit only: no published translation is held for this verse.

तत्रैव श्री-रुद्रोक्तौ (६।१७।२८)-- नारायण-पराः सर्वे न कुतश्चन बिभ्यति । स्वर्गापवर्ग-नरकेष्व् अपि तुल्यार्थ-दर्शिनः

tatraiva śrī-rudroktau (6.17.28)-- nārāyaṇa-parāḥ sarve na kutaścana bibhyati | svargāpavarga-narakeṣv api tulyārtha-darśinaḥ

Sanskrit only: no published translation is held for this verse.

तत्रैव इन्द्रोक्तौ (६।१८।७४)-- आराधनं भगवत ईहमाना निराशिषः । ये तु नेच्छन्त्य् अपि परं ते स्वार्थ-कुशलाः स्मृताः

tatraiva indroktau (6.18.74)-- ārādhanaṃ bhagavata īhamānā nirāśiṣaḥ | ye tu necchanty api paraṃ te svārtha-kuśalāḥ smṛtāḥ

Sanskrit only: no published translation is held for this verse.

सप्तमे प्रह्लादोक्तौ (७।६।२५)-- तुष्टे च तत्र किम् अलभ्यम् अनन्त आद्ये किं तैर् गुण-व्यतिकराद् इह ये स्व-सिद्धाः । धर्मादयः किम् अगुणेन च काङ्क्षितेन सारं जुषां चरणयोर् उपगायतां नः

saptame prahlādoktau (7.6.25)-- tuṣṭe ca tatra kim alabhyam ananta ādye kiṃ tair guṇa-vyatikarād iha ye sva-siddhāḥ | dharmādayaḥ kim aguṇena ca kāṅkṣitena sāraṃ juṣāṃ caraṇayor upagāyatāṃ naḥ

Sanskrit only: no published translation is held for this verse.

तत्रैव शक्रोक्तौ (७।८।४२)-- प्रत्यानीताः परम भवता त्रायता नः स्व-भागा दैत्याक्रान्तं हृदय-कमलं तद्-गृहं प्रत्यबोधि । काल-ग्रस्तं कियद् इदम् अहो नाथ शुश्रूषतां ते मुक्तिस् तेषां न हि बहुमता नारसिंहापरैः किम्

tatraiva śakroktau (7.8.42)-- pratyānītāḥ parama bhavatā trāyatā naḥ sva-bhāgā daityākrāntaṃ hṛdaya-kamalaṃ tad-gṛhaṃ pratyabodhi | kāla-grastaṃ kiyad idam aho nātha śuśrūṣatāṃ te muktis teṣāṃ na hi bahumatā nārasiṃhāparaiḥ kim

Sanskrit only: no published translation is held for this verse.

अष्टमे श्री-गजेन्द्रोक्तौ (८।३।२०)-- एकान्तिनो यस्य न कञ्चनार्थं वाञ्छन्ति ये वै भगवत्-प्रपन्नाः । अत्य्-अद्भुतं तच्-चरितं सुमङ्गलं गायन्त आनन्द-समुद्र-मग्नाः

aṣṭame śrī-gajendroktau (8.3.20)-- ekāntino yasya na kañcanārthaṃ vāñchanti ye vai bhagavat-prapannāḥ | aty-adbhutaṃ tac-caritaṃ sumaṅgalaṃ gāyanta ānanda-samudra-magnāḥ

Sanskrit only: no published translation is held for this verse.

नवमे श्री-वैकुण्ठनाथोक्तौ (९।४।६७)-- मत्-सेवया प्रतीतं ते सालोक्यादि-चतुष्टयम् । नेच्छन्ति सेवया पूर्णाः कुतो ऽन्यत् काल-विप्लुतम्

navame śrī-vaikuṇṭhanāthoktau (9.4.67)-- mat-sevayā pratītaṃ te sālokyādi-catuṣṭayam | necchanti sevayā pūrṇāḥ kuto 'nyat kāla-viplutam

Sanskrit only: no published translation is held for this verse.

श्री-दशमे नागपत्नी-स्तुतौ (१०।१६।३७)-- न नाक-पृष्ठं न च सार्व-भौमं न पारमेष्ठ्यं न रसाधिपत्यम् । न योग-सिद्धीर् अपुनर्-भवं वा वाञ्छन्ति यत्-पाद-रजः-प्रपन्नाः

śrī-daśame nāgapatnī-stutau (10.16.37)-- na nāka-pṛṣṭhaṃ na ca sārva-bhaumaṃ na pārameṣṭhyaṃ na rasādhipatyam | na yoga-siddhīr apunar-bhavaṃ vā vāñchanti yat-pāda-rajaḥ-prapannāḥ

Sanskrit only: no published translation is held for this verse.

तत्रैव श्री-वेद-स्तुतौ (१०।८७।२१)-- दुरवगमात्म-तत्त्व-निगमाय तवात्त-तनोश् चरित-महामृताब्धि-परिवर्त-परिश्रमणाः । न परिलषन्ति केचिद् अपवर्गम् अपीश्वर ते चरण-सरोज-हंस-कुल-सङ्ग-विसृष्ट-गृहाः

tatraiva śrī-veda-stutau (10.87.21)-- duravagamātma-tattva-nigamāya tavātta-tanoś carita-mahāmṛtābdhi-parivarta-pariśramaṇāḥ | na parilaṣanti kecid apavargam apīśvara te caraṇa-saroja-haṃsa-kula-saṅga-visṛṣṭa-gṛhāḥ

Sanskrit only: no published translation is held for this verse.

एकादशे श्री-भगवद्-उक्तौ (११।२०।३४)-- न किञ्चित् साधवो धीरा भक्ता ह्य् एकान्तिनो मम । वाञ्छन्त्य् अपि मया दत्तं कैवल्यम् अपुनर्-भवम्

ekādaśe śrī-bhagavad-uktau (11.20.34)-- na kiñcit sādhavo dhīrā bhaktā hy ekāntino mama | vāñchanty api mayā dattaṃ kaivalyam apunar-bhavam

Sanskrit only: no published translation is held for this verse.

तथा (११।१४।१४)-- न पारमेष्ठ्यं न महेन्द्र-धिष्ण्यं न सार्वभौमं न रसाधिपत्यम् । न योग-सिद्धीर् अपुनर्-भवं वा मय्य् अर्पितात्मेच्छति मद् विनान्यत्

tathā (11.14.14)-- na pārameṣṭhyaṃ na mahendra-dhiṣṇyaṃ na sārvabhaumaṃ na rasādhipatyam | na yoga-siddhīr apunar-bhavaṃ vā mayy arpitātmecchati mad vinānyat

Sanskrit only: no published translation is held for this verse.

द्वादशे श्री-रुद्रोक्तौ (१२।१०।६)-- नैवेच्छत्य् आशिषः क्वापि ब्रह्मर्षिर् मोक्षम् अप्य् उत । भक्तिं परां भगवति लब्धवान् पुरुषे ऽव्यये

dvādaśe śrī-rudroktau (12.10.6)-- naivecchaty āśiṣaḥ kvāpi brahmarṣir mokṣam apy uta | bhaktiṃ parāṃ bhagavati labdhavān puruṣe 'vyaye

Sanskrit only: no published translation is held for this verse.

पद्म-पुराणे च कार्त्तिक-माहात्म्ये (दामोदराष्टके)-- वरं देव मोक्षं न मोक्षावधिं वा न चान्यं वृणे ऽहं वरेशाद् अपीह । इदं ते वपुर् नाथ गोपाल-बालं सदा मे मनस्य् अविरास्तां किम् अन्यैः

padma-purāṇe ca kārttika-māhātmye (dāmodarāṣṭake)-- varaṃ deva mokṣaṃ na mokṣāvadhiṃ vā na cānyaṃ vṛṇe 'haṃ vareśād apīha | idaṃ te vapur nātha gopāla-bālaṃ sadā me manasy avirāstāṃ kim anyaiḥ

Sanskrit only: no published translation is held for this verse.

कुवेरात्मजौ बद्ध-मूर्त्यैव यद्वत् त्वया मोचितौ भक्ति-बद्धौ कृतौ च । तथा प्रेम-भक्तिं स्वकां मे प्रयच्छ न मोक्षे ग्रहो मे ऽस्ति दामोदरेह

kuverātmajau baddha-mūrtyaiva yadvat tvayā mocitau bhakti-baddhau kṛtau ca | tathā prema-bhaktiṃ svakāṃ me prayaccha na mokṣe graho me 'sti dāmodareha

Sanskrit only: no published translation is held for this verse.

हयशीर्षीय-श्री-नारायण-व्यूह-स्तवे च-- न धर्म कामम् अर्थं वा मोक्षं वा वरदेश्वर । प्रार्थये तव पादाब्जे दास्यम् एवाभिकामये

hayaśīrṣīya-śrī-nārāyaṇa-vyūha-stave ca-- na dharma kāmam arthaṃ vā mokṣaṃ vā varadeśvara | prārthaye tava pādābje dāsyam evābhikāmaye

Sanskrit only: no published translation is held for this verse.

तत्रैव-- पुनः पुनर् वरान् दित्सुर् विष्णुर् मुक्तिं न याचितः । भक्तिर् एव वृता येन प्रह्लादं तं नमाम्य् अहं

tatraiva-- punaḥ punar varān ditsur viṣṇur muktiṃ na yācitaḥ | bhaktir eva vṛtā yena prahlādaṃ taṃ namāmy ahaṃ

Sanskrit only: no published translation is held for this verse.

यदृच्छया लब्धम् अपि विष्णोर् दाशरथेस् तु यः । नैच्छन् मोक्षं विना दास्यं तस्मै हनुमते नमः

yadṛcchayā labdham api viṣṇor dāśarathes tu yaḥ | naicchan mokṣaṃ vinā dāsyaṃ tasmai hanumate namaḥ

Sanskrit only: no published translation is held for this verse.

अत एव प्रसिद्धम् श्री-हनुमद्-वाक्यम्-- भव-बन्ध-च्छिदे तस्यै स्पृहयामि न मुक्तये । भवान् प्रभुर् अहं दास इति यत्र विलुप्यते

ata eva prasiddham śrī-hanumad-vākyam-- bhava-bandha-cchide tasyai spṛhayāmi na muktaye | bhavān prabhur ahaṃ dāsa iti yatra vilupyate

Sanskrit only: no published translation is held for this verse.

श्री-नारद पञ्चरात्रे च जितन्ते-स्तोत्रे-- धर्मार्थ-काम-मोक्षेषु नेच्छा मम कदाचन । त्वत्-पाद-पञ्कजस्याधो जीवितं दीयतं मम

śrī-nārada pañcarātre ca jitante-stotre-- dharmārtha-kāma-mokṣeṣu necchā mama kadācana | tvat-pāda-pañkajasyādho jīvitaṃ dīyataṃ mama

Sanskrit only: no published translation is held for this verse.

मोक्ष-सालोक्य-सारूप्यान् प्रार्थये न धराधर । इच्छामि हि महाभाग कारुण्यं तव सुव्रत

mokṣa-sālokya-sārūpyān prārthaye na dharādhara | icchāmi hi mahābhāga kāruṇyaṃ tava suvrata

Sanskrit only: no published translation is held for this verse.

अतएव श्री-भागवते षष्ठे (६।१४।५)-- मुक्तानाम् अपि सिद्धानां नारायण-परायणः । सुदुर्लभः प्रशान्तात्मा कोटिष्व् अपि महा-मुने

ataeva śrī-bhāgavate ṣaṣṭhe (6.14.5)-- muktānām api siddhānāṃ nārāyaṇa-parāyaṇaḥ | sudurlabhaḥ praśāntātmā koṭiṣv api mahā-mune

Sanskrit only: no published translation is held for this verse.

प्रथमे च श्री-धर्मराज-मातुः स्तुतौ (१।८।२०)-- तथा परमहंसानां मुनीनाम् अमलात्मनाम् । भक्ति-योग-विधानार्थं कथं पश्येम हि स्त्रियः

prathame ca śrī-dharmarāja-mātuḥ stutau (1.8.20)-- tathā paramahaṃsānāṃ munīnām amalātmanām | bhakti-yoga-vidhānārthaṃ kathaṃ paśyema hi striyaḥ

Sanskrit only: no published translation is held for this verse.

तत्रैव श्री-सूतोक्तौ (१।७।१०)-- आत्मारामाश् च मुनयो निर्ग्रन्था अप्य् उरुक्रमे । कुर्वन्त्य् अहैतुकीं भक्तिम् इत्थम्-भूत-गुणो हरिः

tatraiva śrī-sūtoktau (1.7.10)-- ātmārāmāś ca munayo nirgranthā apy urukrame | kurvanty ahaitukīṃ bhaktim ittham-bhūta-guṇo hariḥ

Sanskrit only: no published translation is held for this verse.

अत्र त्याज्यतयैवोक्ता मुक्तिः पञ्च-विधापि चेत् । सालोक्यादिस् तथाप्य् अत्र भक्त्या नातिविरुध्यते

atra tyājyatayaivoktā muktiḥ pañca-vidhāpi cet | sālokyādis tathāpy atra bhaktyā nātivirudhyate

Sanskrit only: no published translation is held for this verse.

सुखैश्वर्योत्तरा सेयं प्रेम-सेवोत्तरेत्य् अपि । सालोक्यादिर् द्विधा तत्र नाद्या सेवा-जुषं मता

sukhaiśvaryottarā seyaṃ prema-sevottarety api | sālokyādir dvidhā tatra nādyā sevā-juṣaṃ matā

Sanskrit only: no published translation is held for this verse.

किन्तु प्रेमैक-माधुर्य-जुष एकान्तिनो हरौ । नैवाङ्गीकुर्वते जातु मुक्तिं पञ्च-विधाम् अपि

kintu premaika-mādhurya-juṣa ekāntino harau | naivāṅgīkurvate jātu muktiṃ pañca-vidhām api

Sanskrit only: no published translation is held for this verse.

तत्राप्य् एकान्तिनां श्रेष्था गोविन्द-हृत-मानसाः । येषां श्रीश-प्रसादो ऽपि मनो हर्तुं न शक्नुयात्

tatrāpy ekāntināṃ śreṣthā govinda-hṛta-mānasāḥ | yeṣāṃ śrīśa-prasādo 'pi mano hartuṃ na śaknuyāt

Sanskrit only: no published translation is held for this verse.

सिद्धान्ततस् त्व् अभेदे ऽपि श्रीश-कृष्ण-स्वरूपयोः । रसेनोत्कृष्यते कृष्ण-रूपम् एषा रस-स्थितिः

siddhāntatas tv abhede 'pi śrīśa-kṛṣṇa-svarūpayoḥ | rasenotkṛṣyate kṛṣṇa-rūpam eṣā rasa-sthitiḥ

Sanskrit only: no published translation is held for this verse.

शास्त्रतः श्रूयते भक्तौ नृ-मात्रस्याधिकारिता । सर्वाधिकारितां माघ-स्नानस्य ब्रुवता यतः । दृष्तान्तिता वशिष्ठेन हरि-भक्तिर् नृपं प्रति

śāstrataḥ śrūyate bhaktau nṛ-mātrasyādhikāritā | sarvādhikāritāṃ māgha-snānasya bruvatā yataḥ | dṛṣtāntitā vaśiṣṭhena hari-bhaktir nṛpaṃ prati

Sanskrit only: no published translation is held for this verse.

यथा पाद्मे - सर्वे ऽधिकारिणो ह्य् अत्र हरि-भक्तौ यथा नृप

yathā pādme - sarve 'dhikāriṇo hy atra hari-bhaktau yathā nṛpa

Sanskrit only: no published translation is held for this verse.

काशी-खण्डे च तथा-- अन्त्यजा अपि तद्-राष्ट्रे शङ्ख-चक्राङ्क-धारिणः । सम्प्राप्य वैष्णवीं दीक्षां दीक्षिता इव सम्बभुः

kāśī-khaṇḍe ca tathā-- antyajā api tad-rāṣṭre śaṅkha-cakrāṅka-dhāriṇaḥ | samprāpya vaiṣṇavīṃ dīkṣāṃ dīkṣitā iva sambabhuḥ

Sanskrit only: no published translation is held for this verse.

अपि च-- अननुष्ठानतो दोषो भक्त्य्-अङ्गानां प्रजायते । न कर्मणाम् अकरणाद् एष भक्त्य्-अधिकारिणाम्

api ca-- ananuṣṭhānato doṣo bhakty-aṅgānāṃ prajāyate | na karmaṇām akaraṇād eṣa bhakty-adhikāriṇām

Sanskrit only: no published translation is held for this verse.

निषिद्धाचारतो दैवात् प्रायश्चित्तं तु नोचितम् । इति वैष्णव-शास्त्राणां रहस्यं तद्-विदां मतम्

niṣiddhācārato daivāt prāyaścittaṃ tu nocitam | iti vaiṣṇava-śāstrāṇāṃ rahasyaṃ tad-vidāṃ matam

Sanskrit only: no published translation is held for this verse.

यथैकादशे (११।२०।२६, ११।२१।२)-- स्वे स्वे ऽधिकारे या निष्ठा सा गुणः परिकीर्तितः । विपर्ययस् तु दोषः स्याद् उभयोर् एष निश्चयः

yathaikādaśe (11.20.26, 11.21.2)-- sve sve 'dhikāre yā niṣṭhā sā guṇaḥ parikīrtitaḥ | viparyayas tu doṣaḥ syād ubhayor eṣa niścayaḥ

Sanskrit only: no published translation is held for this verse.

प्रथमे (१।५।१७)-- त्यक्त्वा स्वधर्मं चरणाम्बुजम् हरेर् भजन्न् अपक्वो ऽथ पतेत् ततो यदि । यत्र क्व वाभद्रम् अभूद् अमुष्य किं को वार्थ आप्तो ऽभजतां स्व-धर्मतः

prathame (1.5.17)-- tyaktvā svadharmaṃ caraṇāmbujam harer bhajann apakvo 'tha patet tato yadi | yatra kva vābhadram abhūd amuṣya kiṃ ko vārtha āpto 'bhajatāṃ sva-dharmataḥ

Sanskrit only: no published translation is held for this verse.

एकादशे (११।११।३७)-- आज्ञायैव गुणान् दोषान् मयादिष्टान् अपि स्वकान् । धर्मान् सन्त्यज्य यः सर्वान् मां भजेत् स च सत्तमः

ekādaśe (11.11.37)-- ājñāyaiva guṇān doṣān mayādiṣṭān api svakān | dharmān santyajya yaḥ sarvān māṃ bhajet sa ca sattamaḥ

Sanskrit only: no published translation is held for this verse.

तत्रैव (११।५।४१)-- देवर्षि-भूताप्त-नॄणां पितॄणां न किङ्करो नायम् ऋणी च राजन् । सर्वात्मना यः शरणं शरण्यं गतो मुकुन्दं परिहृत्य कर्तम्

tatraiva (11.5.41)-- devarṣi-bhūtāpta-nṝṇāṃ pitṝṇāṃ na kiṅkaro nāyam ṛṇī ca rājan | sarvātmanā yaḥ śaraṇaṃ śaraṇyaṃ gato mukundaṃ parihṛtya kartam

Sanskrit only: no published translation is held for this verse.

श्री-भगवद्-गीतासु (१८।६६)-- सर्व-धर्मन् परित्याज्य माम् एकं शरणं व्रज । अहं त्वां सर्व-पापेभ्यो मोक्षयिष्यामि मा सुचः

śrī-bhagavad-gītāsu (18.66)-- sarva-dharman parityājya mām ekaṃ śaraṇaṃ vraja | ahaṃ tvāṃ sarva-pāpebhyo mokṣayiṣyāmi mā sucaḥ

Sanskrit only: no published translation is held for this verse.

अगस्त्य-संहितायाम्-- यथा विधि-निषेधौ तु मुक्तं नैवोपसर्पतः । तथा न स्पृशतो रामोपासकं विधि-पूर्वकम्

agastya-saṃhitāyām-- yathā vidhi-niṣedhau tu muktaṃ naivopasarpataḥ | tathā na spṛśato rāmopāsakaṃ vidhi-pūrvakam

Sanskrit only: no published translation is held for this verse.

एकादशे एव (११।५।४२)-- स्वपाद-मुलं भजतः प्रियस्य त्यक्तान्य् अभावस्य हरिः परेशः । विकर्म यच् चोत्पतितं कथञ्चिद् धुनोति सर्वं हृदि सन्निविष्टः

ekādaśe eva (11.5.42)-- svapāda-mulaṃ bhajataḥ priyasya tyaktāny abhāvasya hariḥ pareśaḥ | vikarma yac cotpatitaṃ kathañcid dhunoti sarvaṃ hṛdi sanniviṣṭaḥ

Sanskrit only: no published translation is held for this verse.

हरि-भक्ति-विलासे ऽस्या भक्तेर् अङ्गानि लक्षशः । किन्तु तानि प्रसिद्धानि निर्दिश्यन्ते यथामति

hari-bhakti-vilāse 'syā bhakter aṅgāni lakṣaśaḥ | kintu tāni prasiddhāni nirdiśyante yathāmati

Sanskrit only: no published translation is held for this verse.

अत्र अङ्ग-लक्षणम् - आश्रितावान्तरानेक-भेदं केवलम् एव वा । एकं कर्मात्र विद्वद्भिर् एकं भक्त्य्-अङ्गम् उच्यते

atra aṅga-lakṣaṇam - āśritāvāntarāneka-bhedaṃ kevalam eva vā | ekaṃ karmātra vidvadbhir ekaṃ bhakty-aṅgam ucyate

Sanskrit only: no published translation is held for this verse.

अथ अङ्गानि-- गुरु-पादाश्रयस् तस्मात् कृष्ण-दीक्षादि-शिक्षणम् । विश्रम्भेण गुरोः सेवा साधु-वर्त्मानुवर्तनम्

atha aṅgāni-- guru-pādāśrayas tasmāt kṛṣṇa-dīkṣādi-śikṣaṇam | viśrambheṇa guroḥ sevā sādhu-vartmānuvartanam

Sanskrit only: no published translation is held for this verse.

सद्-धर्म-पृच्छा भोगादि-त्यागः कृष्णस्य हेतवे । निवासो द्वारकादौ च गङ्गादेर् अपि सन्निधौ

sad-dharma-pṛcchā bhogādi-tyāgaḥ kṛṣṇasya hetave | nivāso dvārakādau ca gaṅgāder api sannidhau

Sanskrit only: no published translation is held for this verse.

व्यावहारेषु सर्वेषु यावद्-अर्थानुवर्तिता । हरि-वासर-सम्मानो धात्र्य्-अश्वत्थादि-गौरवम्

vyāvahāreṣu sarveṣu yāvad-arthānuvartitā | hari-vāsara-sammāno dhātry-aśvatthādi-gauravam

Sanskrit only: no published translation is held for this verse.

एषाम् अत्र दशाङ्गानां भवेत् प्रारम्भ-रुपता

eṣām atra daśāṅgānāṃ bhavet prārambha-rupatā

Sanskrit only: no published translation is held for this verse.

सङ्ग-त्यागो विदूरेण भगवद्-विमुखैर् जनैः । शिष्याद्य्-अननुबन्धित्वं महारम्भाद्य्-अनुद्यमः

saṅga-tyāgo vidūreṇa bhagavad-vimukhair janaiḥ | śiṣyādy-ananubandhitvaṃ mahārambhādy-anudyamaḥ

Sanskrit only: no published translation is held for this verse.

बहु-ग्रन्थ-कलाभ्यास-व्याख्या-वाद-विवर्जनम्

bahu-grantha-kalābhyāsa-vyākhyā-vāda-vivarjanam

Sanskrit only: no published translation is held for this verse.

व्यावहारे ऽप्य् अकार्पण्यं शोकाद्य्-अवश-वर्तिता

vyāvahāre 'py akārpaṇyaṃ śokādy-avaśa-vartitā

Sanskrit only: no published translation is held for this verse.

अन्य-देवान् अवज्ञा च भूतानुद्वेग-दायिता । सेवा-नामापराधानाम् उद्भवाभाव-कारिता

anya-devān avajñā ca bhūtānudvega-dāyitā | sevā-nāmāparādhānām udbhavābhāva-kāritā

Sanskrit only: no published translation is held for this verse.

कृष्ण-तद्-भक्त-विद्वेष-विनिन्दाद्य्-असहिष्णुता । व्यतिरेकतयामीषां दशानां स्याद् अनुष्ठितीः

kṛṣṇa-tad-bhakta-vidveṣa-vinindādy-asahiṣṇutā | vyatirekatayāmīṣāṃ daśānāṃ syād anuṣṭhitīḥ

Sanskrit only: no published translation is held for this verse.

अस्यास् तत्र प्रवेशाय द्वारत्वे ऽप्य् अङ्ग-विंशतेः । त्रयां प्रधानम् एवोक्तं गुरु-पादाश्रयादिकम्

asyās tatra praveśāya dvāratve 'py aṅga-viṃśateḥ | trayāṃ pradhānam evoktaṃ guru-pādāśrayādikam

Sanskrit only: no published translation is held for this verse.

धृतिर् वैष्णव-चिह्णानां हरेर् नामाक्षरस्य च । निर्माल्यादेश् च तस्याग्रे ताण्डवं दण्डवन्-नतिः

dhṛtir vaiṣṇava-cihṇānāṃ harer nāmākṣarasya ca | nirmālyādeś ca tasyāgre tāṇḍavaṃ daṇḍavan-natiḥ

Sanskrit only: no published translation is held for this verse.

अभ्युत्थानम् अनुव्रज्या गतिः स्थाने परिक्रमः । अर्चनं परिचर्या च गीतं सङ्कीर्तनं जपः

abhyutthānam anuvrajyā gatiḥ sthāne parikramaḥ | arcanaṃ paricaryā ca gītaṃ saṅkīrtanaṃ japaḥ

Sanskrit only: no published translation is held for this verse.

विज्ञप्तिः स्तव-पाठश् च स्वादो नैवेद्य-पाद्ययोः । धूप-माल्यादि-सौरभ्यं श्री-मूर्तेः स्पृष्टिर् ईक्षणम्

vijñaptiḥ stava-pāṭhaś ca svādo naivedya-pādyayoḥ | dhūpa-mālyādi-saurabhyaṃ śrī-mūrteḥ spṛṣṭir īkṣaṇam

Sanskrit only: no published translation is held for this verse.

आरात्रिकोत्सवादेश् च श्रवणं तत्-कृपेक्षणम् । स्मृतिर् ध्यानं तथा दास्यं सख्यम् आत्म-निवेदनम्

ārātrikotsavādeś ca śravaṇaṃ tat-kṛpekṣaṇam | smṛtir dhyānaṃ tathā dāsyaṃ sakhyam ātma-nivedanam

Sanskrit only: no published translation is held for this verse.

निज-प्रियोपहरणं तद्-अर्थे ऽखिल-चेष्टितम् । सर्वथा शरणापत्तिस् तदीयानां च सेवनम्

nija-priyopaharaṇaṃ tad-arthe 'khila-ceṣṭitam | sarvathā śaraṇāpattis tadīyānāṃ ca sevanam

Sanskrit only: no published translation is held for this verse.

तदीयास् तुलसी-शास्त्र-मथुरा-वैष्णवादयः । यथा-वैभव-सामग्री सद्-गोष्ठीभिर् महोत्सवः

tadīyās tulasī-śāstra-mathurā-vaiṣṇavādayaḥ | yathā-vaibhava-sāmagrī sad-goṣṭhībhir mahotsavaḥ

Sanskrit only: no published translation is held for this verse.

ऊर्जादरो विशेषेण यात्रा जन्म-दिनादिषु । श्रद्धा विशेषतः प्रीतिः श्री-मूर्तेर् अङ्घ्रि-सेवने

ūrjādaro viśeṣeṇa yātrā janma-dinādiṣu | śraddhā viśeṣataḥ prītiḥ śrī-mūrter aṅghri-sevane

Sanskrit only: no published translation is held for this verse.

श्रीमद्-भागवतार्थानाम् आस्वादो रसिकैः सह । सजातीयाशये स्निग्धे साधौ सङ्गः स्वतो वरे

śrīmad-bhāgavatārthānām āsvādo rasikaiḥ saha | sajātīyāśaye snigdhe sādhau saṅgaḥ svato vare

Sanskrit only: no published translation is held for this verse.

नाम-सङ्कीर्तनं श्री-मथुरा-मण्डले स्थितिः

nāma-saṅkīrtanaṃ śrī-mathurā-maṇḍale sthitiḥ

Sanskrit only: no published translation is held for this verse.

अङ्गानां पञ्चकस्यास्य पूर्वं विलिखितस्य च । निखिल-श्रैष्ठ्य-बोधाय पुनर् अप्य् अत्र कीर्तनम्

aṅgānāṃ pañcakasyāsya pūrvaṃ vilikhitasya ca | nikhila-śraiṣṭhya-bodhāya punar apy atra kīrtanam

Sanskrit only: no published translation is held for this verse.

इति काय-हृषीकान्तः-करणानाम् उपासनाः

iti kāya-hṛṣīkāntaḥ-karaṇānām upāsanāḥ

Sanskrit only: no published translation is held for this verse.

चतुःषष्टिः पृथक् साङ्घातिक-भेदात् क्रमादिनाः

catuḥṣaṣṭiḥ pṛthak sāṅghātika-bhedāt kramādināḥ

Sanskrit only: no published translation is held for this verse.

अथार्षानुमतेनैषाम् उदाहरणम् ईर्यते

athārṣānumatenaiṣām udāharaṇam īryate

Sanskrit only: no published translation is held for this verse.

तस्माद् गुरुं प्रपद्येत जिज्ञासुः श्रेय उत्तमम् । शाब्दे परे च निष्णातं ब्रह्मण्य् उपशमाश्रयम्

tasmād guruṃ prapadyeta jijñāsuḥ śreya uttamam | śābde pare ca niṣṇātaṃ brahmaṇy upaśamāśrayam

Sanskrit only: no published translation is held for this verse.

तत्र भागवतान् धर्मान् शिक्षेद् गुर्व्-आत्म-दैवतः । अमाययानुवृत्त्या यैस् तुष्येद् आत्मात्म-दो हरिः

tatra bhāgavatān dharmān śikṣed gurv-ātma-daivataḥ | amāyayānuvṛttyā yais tuṣyed ātmātma-do hariḥ

Sanskrit only: no published translation is held for this verse.

आचार्यं मां विजानीयान् नावमन्येत कर्हिचित् । न मर्त्य-बुद्ध्यासूयेत सर्व-देव-मयो गुरुः

ācāryaṃ māṃ vijānīyān nāvamanyeta karhicit | na martya-buddhyāsūyeta sarva-deva-mayo guruḥ

Sanskrit only: no published translation is held for this verse.

स मृग्यः श्रेयसां हेतुः पन्थाः सन्ताप-वर्जितः । अन्वाप्त-श्रमं पूर्वे येन सन्तः प्रतस्थिरे

sa mṛgyaḥ śreyasāṃ hetuḥ panthāḥ santāpa-varjitaḥ | anvāpta-śramaṃ pūrve yena santaḥ pratasthire

Sanskrit only: no published translation is held for this verse.

ब्रह्म-यामले च-- श्रुति-स्मृति-पुराणादि-पञ्चरात्र-विधिं विना । ऐकान्तिकी हरेर् भक्तिर् उत्पातायैव कल्पते

brahma-yāmale ca-- śruti-smṛti-purāṇādi-pañcarātra-vidhiṃ vinā | aikāntikī harer bhaktir utpātāyaiva kalpate

Sanskrit only: no published translation is held for this verse.

भक्तिर् ऐकान्तिकी वेयम् अविचारात् प्रतीयते । वस्तुतस् तु तथा नैव यद् अशास्त्रीयतेक्ष्यते

bhaktir aikāntikī veyam avicārāt pratīyate | vastutas tu tathā naiva yad aśāstrīyatekṣyate

Sanskrit only: no published translation is held for this verse.

अचिराद् एव सर्वार्थः सिध्यत्य् एषाम् अभीप्सितः । सद्-धर्मस्यावबोधाय येषां निर्बन्धिनी मतिः

acirād eva sarvārthaḥ sidhyaty eṣām abhīpsitaḥ | sad-dharmasyāvabodhāya yeṣāṃ nirbandhinī matiḥ

Sanskrit only: no published translation is held for this verse.

हरिम् उद्दिश्य भोगानि काले त्यक्तवतस् तव । विष्णु-लोक-स्थिता सम्पद्-अलोला सा प्रतीक्षते

harim uddiśya bhogāni kāle tyaktavatas tava | viṣṇu-loka-sthitā sampad-alolā sā pratīkṣate

Sanskrit only: no published translation is held for this verse.

संवत्सरं वा षण्मासान् मासं मासार्धम् एव वा । द्वारका-वासिनः सर्वे नरा नार्यश् चतुर्भुजाः

saṃvatsaraṃ vā ṣaṇmāsān māsaṃ māsārdham eva vā | dvārakā-vāsinaḥ sarve narā nāryaś caturbhujāḥ

Sanskrit only: no published translation is held for this verse.

आदि-पदेन पुरुषोत्तम-वासश् च, यथा ब्राह्मे-- अहो क्षेत्रस्य माहात्म्यं समन्ताद् दश-योजनम् । दिविष्ठा यत्र पश्यन्ति सर्वान् एव चतुर्भुजान्

ādi-padena puruṣottama-vāsaś ca, yathā brāhme-- aho kṣetrasya māhātmyaṃ samantād daśa-yojanam | diviṣṭhā yatra paśyanti sarvān eva caturbhujān

Sanskrit only: no published translation is held for this verse.

गङ्गादि-वासो, यथा प्रथमे (१।१९।६)-- या वै लसच्-छ्री-तुलसी-विमिश्र- कृष्णाङ्घ्रि-रेण्व्-अभ्यधिकाम्बु-नेत्री । पुनाति सेशान् उभयत्र लोकान् कस् तां न सेवेत मरिष्यमाणः

gaṅgādi-vāso, yathā prathame (1.19.6)-- yā vai lasac-chrī-tulasī-vimiśra- kṛṣṇāṅghri-reṇv-abhyadhikāmbu-netrī | punāti seśān ubhayatra lokān kas tāṃ na seveta mariṣyamāṇaḥ

Sanskrit only: no published translation is held for this verse.

यावता स्यात् स्व-निर्वाहः स्वीकुर्यात् तावद् अर्थ-वित् । आधिक्ये न्यूनतायां च च्यवते परमार्थतः

yāvatā syāt sva-nirvāhaḥ svīkuryāt tāvad artha-vit | ādhikye nyūnatāyāṃ ca cyavate paramārthataḥ

Sanskrit only: no published translation is held for this verse.

सर्व-पाप-प्रशमनं पुण्यम् आत्यन्तिकं तथा । गोविन्द-स्मारणं नॄणाम् एकदश्याम् उपोषणम्

sarva-pāpa-praśamanaṃ puṇyam ātyantikaṃ tathā | govinda-smāraṇaṃ nṝṇām ekadaśyām upoṣaṇam

Sanskrit only: no published translation is held for this verse.

अश्वत्थ-तुलसी-धात्री-गो-भूमिसुर-वैष्णवाः । पूजिताः प्रणताः ध्याताः क्षपयन्ति नॄणाम् अघम्

aśvattha-tulasī-dhātrī-go-bhūmisura-vaiṣṇavāḥ | pūjitāḥ praṇatāḥ dhyātāḥ kṣapayanti nṝṇām agham

Sanskrit only: no published translation is held for this verse.

वरं हुत-वह-ज्वाला-पञ्जरान्तर्-व्यवस्थितिः । न शौरि-चिन्ता-विमुख-जन-संवास-वैशसम्

varaṃ huta-vaha-jvālā-pañjarāntar-vyavasthitiḥ | na śauri-cintā-vimukha-jana-saṃvāsa-vaiśasam

Sanskrit only: no published translation is held for this verse.

विष्णु-रहस्ये च-- आलिङ्गनं वरं मन्ये व्याल-व्याघ्र-जलौकसाम् । न सङ्गः शल्य-युक्तानां नाना-देवैक-सेविनाम्

viṣṇu-rahasye ca-- āliṅganaṃ varaṃ manye vyāla-vyāghra-jalaukasām | na saṅgaḥ śalya-yuktānāṃ nānā-devaika-sevinām

Sanskrit only: no published translation is held for this verse.

न शिष्यान् अनुबध्नीत ग्रन्थान् नैवाभ्यसेद् बहून् । न व्याख्याम् उपयुञ्जीत नारम्भान् आरभेत् क्वचित्

na śiṣyān anubadhnīta granthān naivābhyased bahūn | na vyākhyām upayuñjīta nārambhān ārabhet kvacit

Sanskrit only: no published translation is held for this verse.

अलब्धे वा विनष्टे वा भक्ष्याच्छादन-साधने । अविक्लव-मतिर् भूत्वा हरिम् एव धिया स्मरेत्

alabdhe vā vinaṣṭe vā bhakṣyācchādana-sādhane | aviklava-matir bhūtvā harim eva dhiyā smaret

Sanskrit only: no published translation is held for this verse.

हरिर् एव सदाराध्यः सर्व-देवेश्वरेश्वरः । इतरे ब्रह्म-रुद्राद्या नावज्ञेयाः कदाचन

harir eva sadārādhyaḥ sarva-deveśvareśvaraḥ | itare brahma-rudrādyā nāvajñeyāḥ kadācana

Sanskrit only: no published translation is held for this verse.

पितेव पुत्रं करुणो नोद्वेजयति यो जनम् । विशुद्धस्य हृषीकेशस् तूर्णं तस्य प्रसीदति

piteva putraṃ karuṇo nodvejayati yo janam | viśuddhasya hṛṣīkeśas tūrṇaṃ tasya prasīdati

Sanskrit only: no published translation is held for this verse.

ममार्चनापराधा ये कीर्त्यन्ते वसुधे मया । वैष्णवेन सदा ते तु वर्जनीयाः प्रयत्नतः

mamārcanāparādhā ye kīrtyante vasudhe mayā | vaiṣṇavena sadā te tu varjanīyāḥ prayatnataḥ

Sanskrit only: no published translation is held for this verse.

पाद्मे च-- सर्वापराध-कृद् अपि मुच्यते हरि-संश्रयः । हरेर् अप्य् अपराधान् यः कुर्याद् द्विपदपांशुलः

pādme ca-- sarvāparādha-kṛd api mucyate hari-saṃśrayaḥ | harer apy aparādhān yaḥ kuryād dvipadapāṃśulaḥ

Sanskrit only: no published translation is held for this verse.

नामाश्रयः कदाचित् स्यात् तरत्य् एव स नामतः । नाम्नो हि सर्व-सुहृदो ह्य् अपराधात् पतत्य् अधः

nāmāśrayaḥ kadācit syāt taraty eva sa nāmataḥ | nāmno hi sarva-suhṛdo hy aparādhāt pataty adhaḥ

Sanskrit only: no published translation is held for this verse.

निन्दां भगवतः श्र्ण्वंस् तत्-परस्य जनस्य वा । ततो नापैति यः सो ऽपि यात्य् अधः सुकृताच् च्युतः

nindāṃ bhagavataḥ śrṇvaṃs tat-parasya janasya vā | tato nāpaiti yaḥ so 'pi yāty adhaḥ sukṛtāc cyutaḥ

Sanskrit only: no published translation is held for this verse.

ये कण्ठ-लग्न-तुलसी-नलिनाक्षा-माला ये बाहु-मूल-परिचिह्णित-शङ्ख-चक्राः । ये वा ललाट-फलके लसद्-ऊर्ध्व-पुण्ड्रास् ते वैष्णवा भुवनम् आशु पवित्रयन्ति

ye kaṇṭha-lagna-tulasī-nalinākṣā-mālā ye bāhu-mūla-paricihṇita-śaṅkha-cakrāḥ | ye vā lalāṭa-phalake lasad-ūrdhva-puṇḍrās te vaiṣṇavā bhuvanam āśu pavitrayanti

Sanskrit only: no published translation is held for this verse.