Rasendracintāmaṇi 8

अथातः प्रयोगीयम् अध्यायं व्याचक्ष्महे

athātaḥ prayogīyam adhyāyaṃ vyācakṣmahe

Sanskrit only: no published translation is held for this verse.

तत्रश्लोकचतुष्टयं प्रागधिगन्तव्यम्

tatraślokacatuṣṭayaṃ prāgadhigantavyam

Sanskrit only: no published translation is held for this verse.

साग्नीनां चरकमतं फलमूलाद्यौषधं यदविरुद्धम् । तद्यदि रसानुपीतं भवेत्तदा त्वरितम् उल्लाघः

sāgnīnāṃ carakamataṃ phalamūlādyauṣadhaṃ yadaviruddham / tadyadi rasānupītaṃ bhavettadā tvaritam ullāghaḥ

Sanskrit only: no published translation is held for this verse.

मात्रावृद्धिः कार्या तुल्यायामुपकृतौ क्रमाद्विदुषा । मात्राह्रासः कार्यो वैगुण्ये त्यागसमये च

mātrāvṛddhiḥ kāryā tulyāyāmupakṛtau kramādviduṣā / mātrāhrāsaḥ kāryo vaiguṇye tyāgasamaye ca

Sanskrit only: no published translation is held for this verse.

वल्मीककूपतरुतलरथ्यादेवालयश्मशानेषु । जाता विधिनापि हृता ओषध्यः सिद्धिदा न स्युः

valmīkakūpatarutalarathyādevālayaśmaśāneṣu / jātā vidhināpi hṛtā oṣadhyaḥ siddhidā na syuḥ

Sanskrit only: no published translation is held for this verse.

कचकचिति न दन्ताग्रे कुर्वन्ति समानि केतकीरजसा । योज्यानि हि प्रयोगे रसोपरसलोहचूर्णानि

kacakaciti na dantāgre kurvanti samāni ketakīrajasā / yojyāni hi prayoge rasoparasalohacūrṇāni

Sanskrit only: no published translation is held for this verse.

सर्वप्रयोगयोग्यतया रसेन्द्रमारणाय शाम्भवीमुद्रामभिदध्मः

sarvaprayogayogyatayā rasendramāraṇāya śāmbhavīmudrāmabhidadhmaḥ

Sanskrit only: no published translation is held for this verse.

<अन्तर्धूम (?)> अधस्ताप उपर्यापो मध्ये पारदगन्धकौ । यदि स्यात्सुदृढा मुद्रा मन्दभाग्योऽपि सिध्यति

<antardhūma (?)> adhastāpa uparyāpo madhye pāradagandhakau / yadi syātsudṛḍhā mudrā mandabhāgyo'pi sidhyati

Sanskrit only: no published translation is held for this verse.

यदि कार्यम् अयोयन्त्रं तदा तत्सार इष्यते

yadi kāryam ayoyantraṃ tadā tatsāra iṣyate

Sanskrit only: no published translation is held for this verse.

समे गन्धे तु रोगघ्नो द्विगुणे राजयक्ष्मनुत् । जीर्णे गुणत्रये गन्धे कामिनीदर्पनाशनः

same gandhe tu rogaghno dviguṇe rājayakṣmanut / jīrṇe guṇatraye gandhe kāminīdarpanāśanaḥ

Sanskrit only: no published translation is held for this verse.

चतुर्गुणे तु तेजस्वी सर्वशास्त्रविशारदः । भवेत्पञ्चगुणे सिद्धः षड्गुणे मृत्युजिद्भवेत्

caturguṇe tu tejasvī sarvaśāstraviśāradaḥ / bhavetpañcaguṇe siddhaḥ ṣaḍguṇe mṛtyujidbhavet

Sanskrit only: no published translation is held for this verse.

षड्गुणे रोगघ्न इतियदुक्तं तत्तु बहिर्धूममूर्च्छायाम् एवाधिगन्तव्यम् तत्र गन्धस्य समग्रजारणाभावात् स्वर्णादिपिष्टिकायामपि रीतिरियम्

ṣaḍguṇe rogaghna itiyaduktaṃ tattu bahirdhūmamūrcchāyām evādhigantavyam tatra gandhasya samagrajāraṇābhāvāt svarṇādipiṣṭikāyāmapi rītiriyam

Sanskrit only: no published translation is held for this verse.

<मेदिचिने:: स्तोरगे> वंशे वा माहिषे शृङ्गे स्थापयेत् साधितं रसम्

<medicine:: storage> vaṃśe vā māhiṣe śṛṅge sthāpayet sādhitaṃ rasam

Sanskrit only: no published translation is held for this verse.

अमृतं च विषं प्रोक्तं शिवेन च रसायनम् । अमृतं विधिसंयुक्तं विधिहीनं तु तद्विषम्

amṛtaṃ ca viṣaṃ proktaṃ śivena ca rasāyanam / amṛtaṃ vidhisaṃyuktaṃ vidhihīnaṃ tu tadviṣam

Sanskrit only: no published translation is held for this verse.

<गन्धामृत> भस्मसूतं द्विधा गन्धं शतं कन्याम्बुमर्दितम् । रुद्ध्वा लघुपुटे पच्यादुद्धृत्य मधुसर्पिषा

<gandhāmṛta> bhasmasūtaṃ dvidhā gandhaṃ śataṃ kanyāmbumarditam / ruddhvā laghupuṭe pacyāduddhṛtya madhusarpiṣā

Sanskrit only: no published translation is held for this verse.

निष्कमात्रं जरामृत्युं हन्ति गन्धामृतो रसः । समूलं भृङ्गराजं तु छायाशुष्कं विमर्दयेत्

niṣkamātraṃ jarāmṛtyuṃ hanti gandhāmṛto rasaḥ / samūlaṃ bhṛṅgarājaṃ tu chāyāśuṣkaṃ vimardayet

Sanskrit only: no published translation is held for this verse.

तत्समं त्रिफलाचूर्णं सर्वतुल्या सिता भवेत् । पलैकं भक्षयेच्चानु वर्षान्मृत्युजरापहम्

tatsamaṃ triphalācūrṇaṃ sarvatulyā sitā bhavet / palaikaṃ bhakṣayeccānu varṣānmṛtyujarāpaham

Sanskrit only: no published translation is held for this verse.

<हेमसुन्दररसः> मृतसूतस्य पादांशं हेमभस्म प्रकल्पयेत् । क्षीराज्यमधुना मिश्रं माषैकं कान्तपात्रके

<hemasundararasaḥ> mṛtasūtasya pādāṃśaṃ hemabhasma prakalpayet / kṣīrājyamadhunā miśraṃ māṣaikaṃ kāntapātrake

Sanskrit only: no published translation is held for this verse.

लोहयेन् माषषट्कं तु जरामृत्युविनाशनम् । वाकुचीचूर्णकर्षैकं धात्रीफलरसप्लुतम् । अनुपानं लिहेन्नित्यं स्याद्रसो हेमसुन्दरः

lohayen māṣaṣaṭkaṃ tu jarāmṛtyuvināśanam / vākucīcūrṇakarṣaikaṃ dhātrīphalarasaplutam / anupānaṃ lihennityaṃ syādraso hemasundaraḥ

Sanskrit only: no published translation is held for this verse.

<चन्द्रोदयरसः> पलं मृदु स्वर्णदलं रसेन्द्रात्पलाष्टकं षोडशगन्धकस्य । शोणैः सुकार्पासभवप्रसूनैः सर्वं विमर्द्याथ कुमारिकाद्भिः

<candrodayarasaḥ> palaṃ mṛdu svarṇadalaṃ rasendrātpalāṣṭakaṃ ṣoḍaśagandhakasya / śoṇaiḥ sukārpāsabhavaprasūnaiḥ sarvaṃ vimardyātha kumārikādbhiḥ

Sanskrit only: no published translation is held for this verse.

तत्काचकुम्भे निहितं सुगाढे मृत्कर्पटैस् तद्दिवसत्रयं च । पचेत्क्रमाग्नौ सिकताख्ययन्त्रे ततो रसः पल्लवरागरम्यः

tatkācakumbhe nihitaṃ sugāḍhe mṛtkarpaṭais taddivasatrayaṃ ca / pacetkramāgnau sikatākhyayantre tato rasaḥ pallavarāgaramyaḥ

Sanskrit only: no published translation is held for this verse.

संगृह्य चैतस्य पलं पलं पलानि चत्वारि कर्पूररजस् तथैव । जातीफलं शोषणम् इन्द्रपुष्पं कस्तूरिकाया इह शाण एकः

saṃgṛhya caitasya palaṃ palaṃ palāni catvāri karpūrarajas tathaiva / jātīphalaṃ śoṣaṇam indrapuṣpaṃ kastūrikāyā iha śāṇa ekaḥ

Sanskrit only: no published translation is held for this verse.

चन्द्रोदयोऽयं कथितो ऽस्य वल्लो भुक्तोऽहिवल्लो दलमध्यवर्ती । मदोन्मदानां प्रमदाशतानां गर्वाधिकत्वं श्लथयत्यकाण्डे

candrodayo'yaṃ kathito 'sya vallo bhukto'hivallo dalamadhyavartī / madonmadānāṃ pramadāśatānāṃ garvādhikatvaṃ ślathayatyakāṇḍe

Sanskrit only: no published translation is held for this verse.

शृतं घनीभूतम् अतीवदुग्धं गुरूणि मांसानि समण्डकानि । माषान्नपिष्टानि भवन्ति पथ्यान्यानन्ददायीन्यपराणि चात्र

śṛtaṃ ghanībhūtam atīvadugdhaṃ gurūṇi māṃsāni samaṇḍakāni / māṣānnapiṣṭāni bhavanti pathyānyānandadāyīnyaparāṇi cātra

Sanskrit only: no published translation is held for this verse.

रतिकाले रतान्ते च सेवितोऽयं रसेश्वरः । मानहानिं करोत्येष प्रमदानां सुनिश्चितम्

ratikāle ratānte ca sevito'yaṃ raseśvaraḥ / mānahāniṃ karotyeṣa pramadānāṃ suniścitam

Sanskrit only: no published translation is held for this verse.

कृत्रिमं स्थावरं चैव जङ्गमं चैव यद् विषम् । न विकाराय भवति साधकेन्द्रस्य वत्सरात्

kṛtrimaṃ sthāvaraṃ caiva jaṅgamaṃ caiva yad viṣam / na vikārāya bhavati sādhakendrasya vatsarāt

Sanskrit only: no published translation is held for this verse.

यथामृत्युञ्जयो ऽभ्यासान्मृत्युं जयति देहिनाम् । तथायं साधकेन्द्रस्य जरामरणनाशनः

yathāmṛtyuñjayo 'bhyāsānmṛtyuṃ jayati dehinām / tathāyaṃ sādhakendrasya jarāmaraṇanāśanaḥ

Sanskrit only: no published translation is held for this verse.

वलीपलितनाशनस् तनुधृतां वयःस्तम्भनः । समस्तगदखण्डनः प्रचुररोगपञ्चाननः । गृहे च रसराडयं भवति यस्य चन्द्रोदयः । स पञ्चशरदर्पितो मृगदृशां भवेद् वल्लभः

valīpalitanāśanas tanudhṛtāṃ vayaḥstambhanaḥ / samastagadakhaṇḍanaḥ pracurarogapañcānanaḥ / gṛhe ca rasarāḍayaṃ bhavati yasya candrodayaḥ / sa pañcaśaradarpito mṛgadṛśāṃ bhaved vallabhaḥ

Sanskrit only: no published translation is held for this verse.

<मृत्युञ्जयरसः> बलिः सूतो निम्बूरसविमृदितो भस्मसिकताह्वये यन्त्रे कृत्वा समरविकणाटङ्कणरजः । त्रिघस्रं लुङ्गाम्भोलवकदलितः क्षौद्रहविषा विलीढो माषैको दलयति समस्तं गदगणम्

<mṛtyuñjayarasaḥ> baliḥ sūto nimbūrasavimṛdito bhasmasikatāhvaye yantre kṛtvā samaravikaṇāṭaṅkaṇarajaḥ / trighasraṃ luṅgāmbholavakadalitaḥ kṣaudrahaviṣā vilīḍho māṣaiko dalayati samastaṃ gadagaṇam

Sanskrit only: no published translation is held for this verse.

जरां वर्षैकेन क्षपयति च पुष्टिं वितनुते तनौ तेजस्कारं रमयति वधूनामपि शतम् । रसः श्रीमान्मृत्युञ्जय इति गिरीशेन गदितः प्रभावं को वान्यः कथयितुमपारं प्रभवति

jarāṃ varṣaikena kṣapayati ca puṣṭiṃ vitanute tanau tejaskāraṃ ramayati vadhūnāmapi śatam / rasaḥ śrīmānmṛtyuñjaya iti girīśena gaditaḥ prabhāvaṃ ko vānyaḥ kathayitumapāraṃ prabhavati

Sanskrit only: no published translation is held for this verse.

<गन्धदाह> पिष्टिः कार्या गन्धकेनेन्दुमौलेर् ऊर्ध्वं चाधो गन्धमादाय तुल्यम् । धार्या मध्ये पक्वमूषा तुषाग्नौ स्थाप्या चेत्थं मन्यते गन्धदाहः

<gandhadāha> piṣṭiḥ kāryā gandhakenendumauler ūrdhvaṃ cādho gandhamādāya tulyam / dhāryā madhye pakvamūṣā tuṣāgnau sthāpyā cetthaṃ manyate gandhadāhaḥ

Sanskrit only: no published translation is held for this verse.

<आनन्दसूतरसः> शुद्धं रसं समविषं प्रहरं विमर्द्य तद्गोलकं कनकचारुफले निधाय । दोलागतं पञ्चदिनं विषमुष्टितोये प्रक्षाल्य तत्पुनरपीह तथा द्विवारम्

<ānandasūtarasaḥ> śuddhaṃ rasaṃ samaviṣaṃ praharaṃ vimardya tadgolakaṃ kanakacāruphale nidhāya / dolāgataṃ pañcadinaṃ viṣamuṣṭitoye prakṣālya tatpunarapīha tathā dvivāram

Sanskrit only: no published translation is held for this verse.

तत्सूतके गिरिशलोचनयुग्मगन्धं युक्त्यावजार्य कुरु भस्म समं च तस्य । वैक्रान्तभस्म जयपालनवांशकार्धं सर्वैर् विषं द्विगुणितं मृदितं च खल्वे

tatsūtake giriśalocanayugmagandhaṃ yuktyāvajārya kuru bhasma samaṃ ca tasya / vaikrāntabhasma jayapālanavāṃśakārdhaṃ sarvair viṣaṃ dviguṇitaṃ mṛditaṃ ca khalve

Sanskrit only: no published translation is held for this verse.

घस्रत्रयं कनकभृङ्गरसेन गाढम् आवेश्य भाजनतले विषधूपभाजि । भृङ्गद्रवेण शिथिलं लघुकाचकूप्याम् आपूर्य रुद्धवदनां सिकताख्ययन्त्रे

ghasratrayaṃ kanakabhṛṅgarasena gāḍham āveśya bhājanatale viṣadhūpabhāji / bhṛṅgadraveṇa śithilaṃ laghukācakūpyām āpūrya ruddhavadanāṃ sikatākhyayantre

Sanskrit only: no published translation is held for this verse.

तां वासरार्थम् उपदीप्य निसर्गशीतां दृष्ट्वा विचूर्ण्य गदशालिषु शालिमात्रम् । आनन्दसूतम् अखिलामयकुम्भिसिंहं गद्याणकार्धसितया सह देहि पश्चात्

tāṃ vāsarārtham upadīpya nisargaśītāṃ dṛṣṭvā vicūrṇya gadaśāliṣu śālimātram / ānandasūtam akhilāmayakumbhisiṃhaṃ gadyāṇakārdhasitayā saha dehi paścāt

Sanskrit only: no published translation is held for this verse.

रोगानुरूपमनुपानमपि प्रकाशं क्षोणीभुजां प्रचुरपूजनमाप्नुहि त्वम् । कीर्त्या दिशो धवलय स्फुरदिन्दुकान्त्या वैद्येश्वरेति विरुदं भज वैद्यराज

rogānurūpamanupānamapi prakāśaṃ kṣoṇībhujāṃ pracurapūjanamāpnuhi tvam / kīrtyā diśo dhavalaya sphuradindukāntyā vaidyeśvareti virudaṃ bhaja vaidyarāja

Sanskrit only: no published translation is held for this verse.

<अर्कानलेश्वररसः> माक्षीककनकौ गन्धं भ्रामयित्वा विचूर्णयेत् । रसं गन्धाद् द्विभागं च सिकतायन्त्रगं पचेत्

<arkānaleśvararasaḥ> mākṣīkakanakau gandhaṃ bhrāmayitvā vicūrṇayet / rasaṃ gandhād dvibhāgaṃ ca sikatāyantragaṃ pacet

Sanskrit only: no published translation is held for this verse.

दिनमेवं च तारं वा जरारोगहरं महत् । <रविचन्द्रेश्वररसः> रसेन पिष्ट्वा स्वर्णं वा ताप्यं पश्चाद् विमिश्रयेत्

dinamevaṃ ca tāraṃ vā jarārogaharaṃ mahat / <ravicandreśvararasaḥ> rasena piṣṭvā svarṇaṃ vā tāpyaṃ paścād vimiśrayet

Sanskrit only: no published translation is held for this verse.

ताप्यस्थाने मृतं तालं तारकर्मणि कस्यचित् । रससंख्यान्पुटान्दद्याद्गन्धैर्वा वीर्यवृद्धये

tāpyasthāne mṛtaṃ tālaṃ tārakarmaṇi kasyacit / rasasaṃkhyānpuṭāndadyādgandhairvā vīryavṛddhaye

Sanskrit only: no published translation is held for this verse.

<प्राणिकल्पद्रुमगुटी> सूतं गन्धं कान्तपाषाणमिश्रं ब्राह्मैर् बीजैर् मर्दयेद् एकघस्रम् । गोलं कृत्वा टङ्कणेन प्रवेष्ट्य पश्चान्मृत्स्नागोमयाभ्यां धमेत्तम्

<prāṇikalpadrumaguṭī> sūtaṃ gandhaṃ kāntapāṣāṇamiśraṃ brāhmair bījair mardayed ekaghasram / golaṃ kṛtvā ṭaṅkaṇena praveṣṭya paścānmṛtsnāgomayābhyāṃ dhamettam

Sanskrit only: no published translation is held for this verse.

शुष्कं यन्त्रे सत्त्वपातप्रधाने किट्टः सूतो बद्धतामेति नूनम् । बद्धं पश्चात् सारकाचप्रयोगाद्धेम्ना तुल्यं सूतमावर्तयेत्तु

śuṣkaṃ yantre sattvapātapradhāne kiṭṭaḥ sūto baddhatāmeti nūnam / baddhaṃ paścāt sārakācaprayogāddhemnā tulyaṃ sūtamāvartayettu

Sanskrit only: no published translation is held for this verse.

वक्त्रे गोलः स्थापितो वत्सरार्थं रोगान् सर्वान्हन्ति सौख्यं करोति । यद्वा दुग्धे गोलकं पाचयित्वा दद्याद् दुग्धं पिप्पलीभिः क्षये तत्

vaktre golaḥ sthāpito vatsarārthaṃ rogān sarvānhanti saukhyaṃ karoti / yadvā dugdhe golakaṃ pācayitvā dadyād dugdhaṃ pippalībhiḥ kṣaye tat

Sanskrit only: no published translation is held for this verse.

लौहे पात्रे पाचयित्वा तु देयं शुष्के पाण्डौ कामले पित्तरोगे । वाते गोलं व्योषवातारितैले पक्त्वा तैलं गन्धयुक्तं ददीत

lauhe pātre pācayitvā tu deyaṃ śuṣke pāṇḍau kāmale pittaroge / vāte golaṃ vyoṣavātāritaile paktvā tailaṃ gandhayuktaṃ dadīta

Sanskrit only: no published translation is held for this verse.

भार्ङ्गीमुण्डीकासमर्दाटरूषद्रावैर् गोलं पाचयेच्छ्लेष्मनुत्त्यै । कासे श्वासे तं च दद्यात् कषायं माध्वीकाक्तं पिप्पलीचूर्णयुक्तम्

bhārṅgīmuṇḍīkāsamardāṭarūṣadrāvair golaṃ pācayecchleṣmanuttyai / kāse śvāse taṃ ca dadyāt kaṣāyaṃ mādhvīkāktaṃ pippalīcūrṇayuktam

Sanskrit only: no published translation is held for this verse.

यस्मिन् रोगे यः कषायोऽस्ति चोक्तस्तस्मिन् गोलं पाचयित्वा कषाये । दद्यात्तत्तद्रोगनाशाय पथ्यं तत्तद्रोगे कीर्तितं यत्तदेव

yasmin roge yaḥ kaṣāyo'sti coktastasmin golaṃ pācayitvā kaṣāye / dadyāttattadroganāśāya pathyaṃ tattadroge kīrtitaṃ yattadeva

Sanskrit only: no published translation is held for this verse.

उक्तो गोलः प्राणिकल्पद्रुमोऽयं पूजां कृत्वा योजयेद्भक्तियोगात् । <रसशार्दूलरसः> रसस्य द्विगुणं गन्धं शुद्धं संमर्दयेद् दिनम् । प्रतिलौहं सूततुल्यमष्टलौहं मृतं क्षिपेत्

ukto golaḥ prāṇikalpadrumo'yaṃ pūjāṃ kṛtvā yojayedbhaktiyogāt / <rasaśārdūlarasaḥ> rasasya dviguṇaṃ gandhaṃ śuddhaṃ saṃmardayed dinam / pratilauhaṃ sūtatulyamaṣṭalauhaṃ mṛtaṃ kṣipet

Sanskrit only: no published translation is held for this verse.

ब्राह्मी जयन्ती निर्गुण्डी मधुयष्टी पुनर्नवा । नीलिका गिरिकर्ण्यर्ककृष्णधत्तूरकं यवाः

brāhmī jayantī nirguṇḍī madhuyaṣṭī punarnavā / nīlikā girikarṇyarkakṛṣṇadhattūrakaṃ yavāḥ

Sanskrit only: no published translation is held for this verse.

आटरूषः काकमाची द्रवैरासां विमर्दयेत् । गुञ्जात्रयं चतुष्कं वा सर्वरोगेषु योजयेत् । रोगोक्तमनुपानं वा कवोष्णं वा जलं पिबेत्

āṭarūṣaḥ kākamācī dravairāsāṃ vimardayet / guñjātrayaṃ catuṣkaṃ vā sarvarogeṣu yojayet / rogoktamanupānaṃ vā kavoṣṇaṃ vā jalaṃ pibet

Sanskrit only: no published translation is held for this verse.

<त्रिनेत्ररसः> रसगन्धकताम्राणि सिन्धुवाररसौदनम् । मर्दयेदातपे पश्चाद्वालुकायन्त्रमध्यगम्

<trinetrarasaḥ> rasagandhakatāmrāṇi sindhuvārarasaudanam / mardayedātape paścādvālukāyantramadhyagam

Sanskrit only: no published translation is held for this verse.

रुद्ध्वा मूषागतं यामत्रयं तीव्राग्निना पचेत् । तद्गुञ्जा सर्वरोगेषु पर्णखण्डिकया सह

ruddhvā mūṣāgataṃ yāmatrayaṃ tīvrāgninā pacet / tadguñjā sarvarogeṣu parṇakhaṇḍikayā saha

Sanskrit only: no published translation is held for this verse.

दातव्या देहसिद्ध्यर्थं पुष्टिवीर्यबलाय च । रसोऽयं हेमताराभ्याम् अपि सिध्यति कन्यया

dātavyā dehasiddhyarthaṃ puṣṭivīryabalāya ca / raso'yaṃ hematārābhyām api sidhyati kanyayā

Sanskrit only: no published translation is held for this verse.

<अमृतार्णवरसः> सूतभस्म चतुर्भागं लौहभस्म तथाष्टकम् । मेघभस्म च षड्भागं शुद्धगन्धस्य पञ्चकम्

<amṛtārṇavarasaḥ> sūtabhasma caturbhāgaṃ lauhabhasma tathāṣṭakam / meghabhasma ca ṣaḍbhāgaṃ śuddhagandhasya pañcakam

Sanskrit only: no published translation is held for this verse.

भावयेत्त्रिफलाक्वाथैस् तत् सर्वं भृङ्गजैर्द्रवैः । शिग्रुवह्णिकटुक्यद्भिः सप्तधा भावयेत्पृथक्

bhāvayettriphalākvāthais tat sarvaṃ bhṛṅgajairdravaiḥ / śigruvahṇikaṭukyadbhiḥ saptadhā bhāvayetpṛthak

Sanskrit only: no published translation is held for this verse.

सर्वतुल्या कणा योज्या गुडैर्मिश्रं पुरातनैः । निष्कमात्रं सदा खादेज्जरां मृत्युं निहन्त्यलम्

sarvatulyā kaṇā yojyā guḍairmiśraṃ purātanaiḥ / niṣkamātraṃ sadā khādejjarāṃ mṛtyuṃ nihantyalam

Sanskrit only: no published translation is held for this verse.

ब्रह्मायुःस्याच्चतुर्मासै रसोऽयममृतार्णवः । तिलकौरण्टपत्राणि गुडेन भक्षयेदनु

brahmāyuḥsyāccaturmāsai raso'yamamṛtārṇavaḥ / tilakauraṇṭapatrāṇi guḍena bhakṣayedanu

Sanskrit only: no published translation is held for this verse.

<रत्नेश्वररसः> अर्धं पारदतुल्येन तारं ताम्रेण मेलयेत् । मारयेत् सिकतायन्त्रे शिलाहिङ्गुलगन्धकैः

<ratneśvararasaḥ> ardhaṃ pāradatulyena tāraṃ tāmreṇa melayet / mārayet sikatāyantre śilāhiṅgulagandhakaiḥ

Sanskrit only: no published translation is held for this verse.

अयं रत्नेश्वरः सूतः सर्वत्रैव प्रयुज्यते । हेम्नो ऽन्तर्योजितो ह्येषो हेमतां प्रतिपद्यते

ayaṃ ratneśvaraḥ sūtaḥ sarvatraiva prayujyate / hemno 'ntaryojito hyeṣo hematāṃ pratipadyate

Sanskrit only: no published translation is held for this verse.

शेषोऽर्कश्चेद्गन्धकैर्वा कुनट्या वाहतद्विपैः । शोधयेत् कनकं सम्यग् अन्यैर् वा कालिकापहैः । वर्णह्रासे तु ताप्येन कारयेद्वर्णमुत्तमम्

śeṣo'rkaścedgandhakairvā kunaṭyā vāhatadvipaiḥ / śodhayet kanakaṃ samyag anyair vā kālikāpahaiḥ / varṇahrāse tu tāpyena kārayedvarṇamuttamam

Sanskrit only: no published translation is held for this verse.

<दुर्नामारि> प्रणम्य शङ्करं रुद्रं दण्डपाणिं महेश्वरम् । जीवितारोग्यमन्विच्छन्नारदोऽपृच्छदीश्वरम्

<durnāmāri> praṇamya śaṅkaraṃ rudraṃ daṇḍapāṇiṃ maheśvaram / jīvitārogyamanvicchannārado'pṛcchadīśvaram

Sanskrit only: no published translation is held for this verse.

सुखोपायेन हे नाथ शस्त्रक्षाराग्निभिर्विना । दुर्बलानां च भीरूणां चिकित्सां वक्तुमर्हसि

sukhopāyena he nātha śastrakṣārāgnibhirvinā / durbalānāṃ ca bhīrūṇāṃ cikitsāṃ vaktumarhasi

Sanskrit only: no published translation is held for this verse.

तच्छिष्यवचनं श्रुत्वा लोकानां हितकाम्यया । अर्शसां नाशनं श्रेष्ठं भैषज्यम् इदम् ईरितम्

tacchiṣyavacanaṃ śrutvā lokānāṃ hitakāmyayā / arśasāṃ nāśanaṃ śreṣṭhaṃ bhaiṣajyam idam īritam

Sanskrit only: no published translation is held for this verse.

पाण्डिवज्रादिलोहानाम् आदायान्यतमं शुभम् । कृत्वा निर्मलम् आदौ तु कुनट्या माक्षिकेण च

pāṇḍivajrādilohānām ādāyānyatamaṃ śubham / kṛtvā nirmalam ādau tu kunaṭyā mākṣikeṇa ca

Sanskrit only: no published translation is held for this verse.

पत्तूरमूलकल्केन स्वरसेन दहेत्ततः । वह्नौ निक्षिप्य विधिवच्छालाङ्गारेण निर्धमेत्

pattūramūlakalkena svarasena dahettataḥ / vahnau nikṣipya vidhivacchālāṅgāreṇa nirdhamet

Sanskrit only: no published translation is held for this verse.

ज्वाला च तस्य रोद्धव्या त्रिफलाया रसेन च । ततो विज्ञाय गलितं शङ्कुनोर्ध्वं समुत्क्षिपेत्

jvālā ca tasya roddhavyā triphalāyā rasena ca / tato vijñāya galitaṃ śaṅkunordhvaṃ samutkṣipet

Sanskrit only: no published translation is held for this verse.

त्रिफलाया रसे पूते तदाकृष्य तु निर्वपेत् । न सम्यग्गलितं यत्तु तेनैव विधिना पुनः

triphalāyā rase pūte tadākṛṣya tu nirvapet / na samyaggalitaṃ yattu tenaiva vidhinā punaḥ

Sanskrit only: no published translation is held for this verse.

ध्मातं निर्वापयेत्तस्मिंल्लौहं तत्त्रिफलारसे । यल्लौहं न मृतं तत्र पाच्यं भूयोऽपि पूर्ववत्

dhmātaṃ nirvāpayettasmiṃllauhaṃ tattriphalārase / yallauhaṃ na mṛtaṃ tatra pācyaṃ bhūyo'pi pūrvavat

Sanskrit only: no published translation is held for this verse.

मारणान्न मृतं यच्च तत् त्यक्तव्यम् अलौहवत् । ततः संशोष्य विधिवच्चूर्णयेल्लौहभाजने

māraṇānna mṛtaṃ yacca tat tyaktavyam alauhavat / tataḥ saṃśoṣya vidhivaccūrṇayellauhabhājane

Sanskrit only: no published translation is held for this verse.

लोहखल्वे तथा पिंष्याद् दृषदि श्लक्ष्णचूर्णितम् । कृत्वा लोहमये पात्रे सार्द्रे वा लिप्तरन्धके

lohakhalve tathā piṃṣyād dṛṣadi ślakṣṇacūrṇitam / kṛtvā lohamaye pātre sārdre vā liptarandhake

Sanskrit only: no published translation is held for this verse.

रसैः पङ्कसमं कृत्वा पचेत्तद्गोमयाग्निना । पुटानि क्रमशो दद्यात्पृथगेषां विधानतः

rasaiḥ paṅkasamaṃ kṛtvā pacettadgomayāgninā / puṭāni kramaśo dadyātpṛthageṣāṃ vidhānataḥ

Sanskrit only: no published translation is held for this verse.

त्रिफलार्द्रकभृङ्गाणां केशराजस्य बुद्धिमान् । मानकन्दकभल्लातवह्नीनां सूरणस्य च

triphalārdrakabhṛṅgāṇāṃ keśarājasya buddhimān / mānakandakabhallātavahnīnāṃ sūraṇasya ca

Sanskrit only: no published translation is held for this verse.

हस्तिकर्णपलाशस्य कुलिशस्य तथैव च । पुटे पुटे चूर्णयित्वा लोहात्षोडशिकं पलम्

hastikarṇapalāśasya kuliśasya tathaiva ca / puṭe puṭe cūrṇayitvā lohātṣoḍaśikaṃ palam

Sanskrit only: no published translation is held for this verse.

तन्मानं त्रिफलायाश्च पलेनाधिकम् आहरेत् । अष्टभागावशिष्टे तु रसे तस्याः पचेद् बुधः

tanmānaṃ triphalāyāśca palenādhikam āharet / aṣṭabhāgāvaśiṣṭe tu rase tasyāḥ paced budhaḥ

Sanskrit only: no published translation is held for this verse.

अष्टौ पलानि दत्त्वा तु सर्पिषो लोहभाजने । ताम्रे वा लोहदर्व्या तु चालयेद् विधिपूर्वकम्

aṣṭau palāni dattvā tu sarpiṣo lohabhājane / tāmre vā lohadarvyā tu cālayed vidhipūrvakam

Sanskrit only: no published translation is held for this verse.

ततः पाकविधानज्ञः स्वच्छे चोर्ध्वे च सर्पिषि । मृदुमध्यादिभेदेन गृह्णीयात्पाकमन्यतः

tataḥ pākavidhānajñaḥ svacche cordhve ca sarpiṣi / mṛdumadhyādibhedena gṛhṇīyātpākamanyataḥ

Sanskrit only: no published translation is held for this verse.

आरभेत विधानेन कृतकौतुकमङ्गलः । घृतभ्रामरसंयुक्तं लिहेद् आ रक्तिकं क्रमात्

ārabheta vidhānena kṛtakautukamaṅgalaḥ / ghṛtabhrāmarasaṃyuktaṃ lihed ā raktikaṃ kramāt

Sanskrit only: no published translation is held for this verse.

वर्धमानानुपानं च गव्यं क्षीरोत्तमं मतम् । गव्याभावेऽप्यजायाश्च स्निग्धवृष्यादिभोजनम्

vardhamānānupānaṃ ca gavyaṃ kṣīrottamaṃ matam / gavyābhāve'pyajāyāśca snigdhavṛṣyādibhojanam

Sanskrit only: no published translation is held for this verse.

सद्यो वह्णिकरं चैव भस्मकं च नियच्छति । हन्ति वातं तथा पित्तं कुष्ठानि विषमज्वरम्

sadyo vahṇikaraṃ caiva bhasmakaṃ ca niyacchati / hanti vātaṃ tathā pittaṃ kuṣṭhāni viṣamajvaram

Sanskrit only: no published translation is held for this verse.

गुल्माक्षिपाण्डुरोगांश्च तन्द्रालस्यमरोचकम् । परिणामभवं शूलं प्रमेहमपबाहुकम्

gulmākṣipāṇḍurogāṃśca tandrālasyamarocakam / pariṇāmabhavaṃ śūlaṃ pramehamapabāhukam

Sanskrit only: no published translation is held for this verse.

श्वयथुं रुधिरस्रावं दुर्नामानं विशेषतः । बलकृद् बृंहणं चैव कान्तिदं स्वरवर्धनम्

śvayathuṃ rudhirasrāvaṃ durnāmānaṃ viśeṣataḥ / balakṛd bṛṃhaṇaṃ caiva kāntidaṃ svaravardhanam

Sanskrit only: no published translation is held for this verse.

शरीरलाघवकरमारोग्यं पुष्टिवर्धनम् । आयुष्यं श्रीकरं चैव वयस्तेजस्करं तथा

śarīralāghavakaramārogyaṃ puṣṭivardhanam / āyuṣyaṃ śrīkaraṃ caiva vayastejaskaraṃ tathā

Sanskrit only: no published translation is held for this verse.

सश्रीकपुत्रजननं वलीपलितनाशनम् । दुर्नामारिर् अयं नाम्ना दृष्टो वारान् सहस्रशः । निर्मूलं दह्यते शीघ्रं यथा तूलं च वह्णिना

saśrīkaputrajananaṃ valīpalitanāśanam / durnāmārir ayaṃ nāmnā dṛṣṭo vārān sahasraśaḥ / nirmūlaṃ dahyate śīghraṃ yathā tūlaṃ ca vahṇinā

Sanskrit only: no published translation is held for this verse.

सौकुमार्याल्पकायत्वे मद्यसेवां समाचरेत् । जीर्णमद्यानि युक्तानि भोजनैः सह पाययेत्

saukumāryālpakāyatve madyasevāṃ samācaret / jīrṇamadyāni yuktāni bhojanaiḥ saha pāyayet

Sanskrit only: no published translation is held for this verse.

लावतित्तिरिवर्तीरमयूरशशकादयः । चटकः कलविङ्कश्च वर्तको हरितालकः

lāvatittirivartīramayūraśaśakādayaḥ / caṭakaḥ kalaviṅkaśca vartako haritālakaḥ

Sanskrit only: no published translation is held for this verse.

श्येनकश्च बृहल्लावो वनविष्किरकादयः । पारावतमृगादीनां मांसं जाङ्गलजं तथा

śyenakaśca bṛhallāvo vanaviṣkirakādayaḥ / pārāvatamṛgādīnāṃ māṃsaṃ jāṅgalajaṃ tathā

Sanskrit only: no published translation is held for this verse.

मद्गुरो रोहितः श्रेष्ठः शकुलश्च विशेषतः । मत्स्यराजा इमे प्रोक्ता हितमत्स्येषु योजयेत्

madguro rohitaḥ śreṣṭhaḥ śakulaśca viśeṣataḥ / matsyarājā ime proktā hitamatsyeṣu yojayet

Sanskrit only: no published translation is held for this verse.

प्रशस्तं वार्ताकफलं पटोलं बृहतीफलम् । प्रलम्बाभीरुवेत्राग्रजातुकं तण्डुलीयकम्

praśastaṃ vārtākaphalaṃ paṭolaṃ bṛhatīphalam / pralambābhīruvetrāgrajātukaṃ taṇḍulīyakam

Sanskrit only: no published translation is held for this verse.

वास्तुकं धान्यशाकं च कर्णालुकपुनर्नवाम् । नारिकेलं च खर्जूरं दाडिमं लवलीफलम्

vāstukaṃ dhānyaśākaṃ ca karṇālukapunarnavām / nārikelaṃ ca kharjūraṃ dāḍimaṃ lavalīphalam

Sanskrit only: no published translation is held for this verse.

शृङ्गाटकं च पक्वाम्रं द्राक्षा तालफलानि च । जातिकोषं लवङ्गं च पूगं ताम्बूलपत्रकम् । हितान्येतानि वसूनि लोहमेतत्समश्नताम्

śṛṅgāṭakaṃ ca pakvāmraṃ drākṣā tālaphalāni ca / jātikoṣaṃ lavaṅgaṃ ca pūgaṃ tāmbūlapatrakam / hitānyetāni vasūni lohametatsamaśnatām

Sanskrit only: no published translation is held for this verse.

नाश्नीयाल्लकुचं कोलकर्कन्धुबदराणि च । जम्बीरं बीजपूरं च तिन्तिडीकरमर्दकम्

nāśnīyāllakucaṃ kolakarkandhubadarāṇi ca / jambīraṃ bījapūraṃ ca tintiḍīkaramardakam

Sanskrit only: no published translation is held for this verse.

आनूपानि च मांसानि क्रकरं पुण्ड्रकादिकम् । हंससारसदात्यूहचाषक्रौञ्चबलाकिकाः

ānūpāni ca māṃsāni krakaraṃ puṇḍrakādikam / haṃsasārasadātyūhacāṣakrauñcabalākikāḥ

Sanskrit only: no published translation is held for this verse.

माषकन्दकरीराणि चणकं च कलिङ्गकम् । कूष्माण्डकं च कर्कोटीं केबुकं च विशेषतः

māṣakandakarīrāṇi caṇakaṃ ca kaliṅgakam / kūṣmāṇḍakaṃ ca karkoṭīṃ kebukaṃ ca viśeṣataḥ

Sanskrit only: no published translation is held for this verse.

कञ्चटं कारवेल्लं च कशेरुं कर्कटीं तथा । विदलानि च सर्वाणि ककारादींश्च वर्जयेत्

kañcaṭaṃ kāravellaṃ ca kaśeruṃ karkaṭīṃ tathā / vidalāni ca sarvāṇi kakārādīṃśca varjayet

Sanskrit only: no published translation is held for this verse.

शङ्करेण समाख्यातो यक्षराजानुकम्पया । जगतामुपकाराय दुर्नामारिरयं ध्रुवम्

śaṅkareṇa samākhyāto yakṣarājānukampayā / jagatāmupakārāya durnāmārirayaṃ dhruvam

Sanskrit only: no published translation is held for this verse.

स्थानादपैति मेरुश्च पृथ्वी पर्येति वायुना । पतन्ति चन्द्रताराश्च मिथ्या चेदहमब्रुवम्

sthānādapaiti meruśca pṛthvī paryeti vāyunā / patanti candratārāśca mithyā cedahamabruvam

Sanskrit only: no published translation is held for this verse.

ब्रह्मघ्नाश्च कृतघ्नाश्च क्रूराश्चासत्यवादिनः । वर्जनीया विदग्धेन भैषज्यगुरुनिन्दकाः

brahmaghnāśca kṛtaghnāśca krūrāścāsatyavādinaḥ / varjanīyā vidagdhena bhaiṣajyagurunindakāḥ

Sanskrit only: no published translation is held for this verse.

<इरोन्:: दोष:: रेमोवल्> मुनिरसपिष्टविडङ्गं मुनिरसलीढं चिरस्थितं घर्मे । द्रावयति लोहदोषान् वह्णिर्नवनीतपिण्डमिव

<iron:: doṣa:: removal> munirasapiṣṭaviḍaṅgaṃ munirasalīḍhaṃ cirasthitaṃ gharme / drāvayati lohadoṣān vahṇirnavanītapiṇḍamiva

Sanskrit only: no published translation is held for this verse.

कृमिरिपुचूर्णं लीढं सहितं स्वरसेन वङ्गसेनस्य । क्षपयत्यचिरान्नियतं लोहाजीर्णोद्भवं शूलम्

kṛmiripucūrṇaṃ līḍhaṃ sahitaṃ svarasena vaṅgasenasya / kṣapayatyacirānniyataṃ lohājīrṇodbhavaṃ śūlam

Sanskrit only: no published translation is held for this verse.

जीर्णे लौहे त्वपतति चूर्णं भुञ्जीत सिद्धिसाराख्यम् । लौहव्यापन्नश्यति विवर्धते जाठरो वह्णिः

jīrṇe lauhe tvapatati cūrṇaṃ bhuñjīta siddhisārākhyam / lauhavyāpannaśyati vivardhate jāṭharo vahṇiḥ

Sanskrit only: no published translation is held for this verse.

<सिद्धसार> पथ्यासैन्धवशुण्ठीमागधिकानां पृथक्समो भागः । त्रिवृताभागौ निम्बूभाव्यं स्यात् सिद्धिसाराख्यम्

<siddhasāra> pathyāsaindhavaśuṇṭhīmāgadhikānāṃ pṛthaksamo bhāgaḥ / trivṛtābhāgau nimbūbhāvyaṃ syāt siddhisārākhyam

Sanskrit only: no published translation is held for this verse.

आरग्वधस्य मज्जाभी रेचनं किट्टशान्तये । भवेद्यदतिसारस्तु दुग्धं पीत्वा तु तं जयेत्

āragvadhasya majjābhī recanaṃ kiṭṭaśāntaye / bhavedyadatisārastu dugdhaṃ pītvā tu taṃ jayet

Sanskrit only: no published translation is held for this verse.

रक्तिद्वादशकाद् ऊर्ध्वं वृद्धिरस्य भयप्रदा

raktidvādaśakād ūrdhvaṃ vṛddhirasya bhayapradā

Sanskrit only: no published translation is held for this verse.

काले मलप्रवृत्तिर्लाघवमुदरे विशुद्धिर् उद्गारे । अङ्गेषु नावसादो मनःप्रसादोऽस्य परिपाके

kāle malapravṛttirlāghavamudare viśuddhir udgāre / aṅgeṣu nāvasādo manaḥprasādo'sya paripāke

Sanskrit only: no published translation is held for this verse.

नागार्जुनो मुनीन्द्रः शशास यल्लोहशास्त्रम् अतिगहनम् । तस्यार्थस्य स्मृतये वयमेतद्विशदाक्षरैर्ब्रूमः

nāgārjuno munīndraḥ śaśāsa yallohaśāstram atigahanam / tasyārthasya smṛtaye vayametadviśadākṣarairbrūmaḥ

Sanskrit only: no published translation is held for this verse.

मेने मुनिः स्वतन्त्रे यः पाकं न पलपञ्चकादर्वाक् । सुबहुप्रयोगदोषाद् ऊर्ध्वं च पलत्रयोदशकात्

mene muniḥ svatantre yaḥ pākaṃ na palapañcakādarvāk / subahuprayogadoṣād ūrdhvaṃ ca palatrayodaśakāt

Sanskrit only: no published translation is held for this verse.

तत्रायसि पचनीये पञ्चपलादौ त्रयोदशपलकान्ते । लौहात्त्रिगुणा त्रिफला ग्राह्या षड्भिः पलैरधिका

tatrāyasi pacanīye pañcapalādau trayodaśapalakānte / lauhāttriguṇā triphalā grāhyā ṣaḍbhiḥ palairadhikā

Sanskrit only: no published translation is held for this verse.

मारणपुटनस्थालीपाकास् त्रिफलैकभागसंपाद्याः । त्रिफलाभागद्वितयं ग्रहणीयं लौहपाकार्थम्

māraṇapuṭanasthālīpākās triphalaikabhāgasaṃpādyāḥ / triphalābhāgadvitayaṃ grahaṇīyaṃ lauhapākārtham

Sanskrit only: no published translation is held for this verse.

सर्वत्रायः पुटनाद्यर्थैकांशे शरावसंख्यातम् । प्रतिपलमेव त्रिगुणं पाथः क्वाथार्थमादेयम्

sarvatrāyaḥ puṭanādyarthaikāṃśe śarāvasaṃkhyātam / pratipalameva triguṇaṃ pāthaḥ kvāthārthamādeyam

Sanskrit only: no published translation is held for this verse.

सप्तपलादौ भागे पञ्चदशान्तेऽम्भसां शरावैश्च । त्र्याद्यैकादशकान्तैर् अधिकं तद्वारि कर्तव्यम्

saptapalādau bhāge pañcadaśānte'mbhasāṃ śarāvaiśca / tryādyaikādaśakāntair adhikaṃ tadvāri kartavyam

Sanskrit only: no published translation is held for this verse.

तत्राष्टमो विभागः शेषः क्वाथस्य यत्नतः स्थाप्यः । तेन हि मारणपुटनस्थालीपाका भविष्यन्ति

tatrāṣṭamo vibhāgaḥ śeṣaḥ kvāthasya yatnataḥ sthāpyaḥ / tena hi māraṇapuṭanasthālīpākā bhaviṣyanti

Sanskrit only: no published translation is held for this verse.

पाकार्थे तु त्रिफलाभागद्वितये शरावसंख्यातम् । प्रतिपलमम्बु समं स्यादधिकं द्वाभ्यां शरावाभ्याम्

pākārthe tu triphalābhāgadvitaye śarāvasaṃkhyātam / pratipalamambu samaṃ syādadhikaṃ dvābhyāṃ śarāvābhyām

Sanskrit only: no published translation is held for this verse.

तत्र चतुर्थो भागः शेषो निपुणैः प्रयत्नतो ग्राह्यः । अयसः पाकार्थत्वात्स च सर्वस्मात् प्रधानतमः

tatra caturtho bhāgaḥ śeṣo nipuṇaiḥ prayatnato grāhyaḥ / ayasaḥ pākārthatvātsa ca sarvasmāt pradhānatamaḥ

Sanskrit only: no published translation is held for this verse.

पाकार्थमश्मसारे पञ्चपलादौ त्रयोदशपलान्ते । दुग्धशरावद्वितयं पादैर् एकादिकैर् अधिकम्

pākārthamaśmasāre pañcapalādau trayodaśapalānte / dugdhaśarāvadvitayaṃ pādair ekādikair adhikam

Sanskrit only: no published translation is held for this verse.

पञ्चपलादिर्मात्रा तदभावे तदनुसारतो ग्राह्यम् । चतुरादिकम् एकान्तं शक्तावधिकं त्रयोदशकात्

pañcapalādirmātrā tadabhāve tadanusārato grāhyam / caturādikam ekāntaṃ śaktāvadhikaṃ trayodaśakāt

Sanskrit only: no published translation is held for this verse.

<इरोन्:: प्रक्षेपचूर्ण> त्रिफलात्रिकटुकचित्रककान्तक्रामकविडङ्गचूर्णानि । जातीफलस्य जातीकोषैलाकङ्कोललवङ्गानाम् । सितकृष्णजीरकयोर् अपि चूर्णान्ययसा समानि स्युः

<iron:: prakṣepacūrṇa> triphalātrikaṭukacitrakakāntakrāmakaviḍaṅgacūrṇāni / jātīphalasya jātīkoṣailākaṅkolalavaṅgānām / sitakṛṣṇajīrakayor api cūrṇānyayasā samāni syuḥ

Sanskrit only: no published translation is held for this verse.

त्रिफलात्रिकटुविडङ्गा नियता अन्ये यथाप्रकृति बोध्याः । कालायसदोषहृते जातीफलादेर्लवङ्गकान्तस्य । क्षेपः प्राप्त्यनुरूपः सर्वस्योनस्य चैकाद्यैः

triphalātrikaṭuviḍaṅgā niyatā anye yathāprakṛti bodhyāḥ / kālāyasadoṣahṛte jātīphalāderlavaṅgakāntasya / kṣepaḥ prāptyanurūpaḥ sarvasyonasya caikādyaiḥ

Sanskrit only: no published translation is held for this verse.

कान्तक्रामकमेकं निःशेषं दोषमपहरत्ययसः

kāntakrāmakamekaṃ niḥśeṣaṃ doṣamapaharatyayasaḥ

Sanskrit only: no published translation is held for this verse.

द्विगुणत्रिगुणचतुर्गुणमाज्यं ग्राह्यं यथाप्रकृति

dviguṇatriguṇacaturguṇamājyaṃ grāhyaṃ yathāprakṛti

Sanskrit only: no published translation is held for this verse.

यदि भेषजभूयस्त्वं स्तोकत्वं वा तथापि चूर्णानाम् । अयसा साम्यं संख्या भूयोऽल्पत्वेन भूयोऽल्पा

yadi bheṣajabhūyastvaṃ stokatvaṃ vā tathāpi cūrṇānām / ayasā sāmyaṃ saṃkhyā bhūyo'lpatvena bhūyo'lpā

Sanskrit only: no published translation is held for this verse.

एवं धात्वनुसारात्तत्तत्कथितौषधस्य बाधेन । सर्वत्रैव विधेयस् तत्तत्कथितस्यौषधस्योहः

evaṃ dhātvanusārāttattatkathitauṣadhasya bādhena / sarvatraiva vidheyas tattatkathitasyauṣadhasyohaḥ

Sanskrit only: no published translation is held for this verse.

<लौहमारणम्> कान्तादिलौहमारणविधानसर्वस्वम् उच्यते तावत् । यस्य कृते तल्लौहं पक्तव्यं तस्य शुभे दिवसे

<lauhamāraṇam> kāntādilauhamāraṇavidhānasarvasvam ucyate tāvat / yasya kṛte tallauhaṃ paktavyaṃ tasya śubhe divase

Sanskrit only: no published translation is held for this verse.