Rasendracintāmaṇi 8

समृदङ्गारकरालितनतभूभागे शिवं समभ्यर्च्य । वैदिकविधिना वह्णिं निधाय दत्त्वाहुतीस्तत्र

samṛdaṅgārakarālitanatabhūbhāge śivaṃ samabhyarcya / vaidikavidhinā vahṇiṃ nidhāya dattvāhutīstatra

Sanskrit only: no published translation is held for this verse.

धर्मात् सिध्यति सर्वं श्रेयस्तद्धर्मसिद्धये किमपि । शक्त्यनुरूपं दद्याद् द्विजाय संतोषिणे गुणिने

dharmāt sidhyati sarvaṃ śreyastaddharmasiddhaye kimapi / śaktyanurūpaṃ dadyād dvijāya saṃtoṣiṇe guṇine

Sanskrit only: no published translation is held for this verse.

संतोष्य कर्मकारं प्रसादपूगादिदानसत्पानैः । आदौ तदश्मसारं निर्मलमेकान्ततः कुर्यात्

saṃtoṣya karmakāraṃ prasādapūgādidānasatpānaiḥ / ādau tadaśmasāraṃ nirmalamekāntataḥ kuryāt

Sanskrit only: no published translation is held for this verse.

<??> तदनु कुठारच्छिन्नात्रिफलागिरिकर्णिकास्थिसंहारैः । करिकर्णच्छदमूलशतावरीकेशराजाख्यैः

<??> tadanu kuṭhāracchinnātriphalāgirikarṇikāsthisaṃhāraiḥ / karikarṇacchadamūlaśatāvarīkeśarājākhyaiḥ

Sanskrit only: no published translation is held for this verse.

शालिं च मूलकाशीमूलप्रावृड्जभृङ्गराजैश् च । लिप्त्वा दग्धव्यं तद्दृष्टक्रियलौहकारेण

śāliṃ ca mūlakāśīmūlaprāvṛḍjabhṛṅgarājaiś ca / liptvā dagdhavyaṃ taddṛṣṭakriyalauhakāreṇa

Sanskrit only: no published translation is held for this verse.

चिरजलभावितनिर्मलशालाङ्गारेण परित आच्छाद्य । कुशलाध्मापितभस्त्रानवरतमुक्तेन पवनेन

cirajalabhāvitanirmalaśālāṅgāreṇa parita ācchādya / kuśalādhmāpitabhastrānavaratamuktena pavanena

Sanskrit only: no published translation is held for this verse.

<??> वह्णेर्बाह्यज्वाला बोद्धव्या जातु नैव कुञ्चिकया । मृल्लवणसलिलभाजा किं तु स्वच्छाम्बुसंप्लुतया

<??> vahṇerbāhyajvālā boddhavyā jātu naiva kuñcikayā / mṛllavaṇasalilabhājā kiṃ tu svacchāmbusaṃplutayā

Sanskrit only: no published translation is held for this verse.

<द्रुग्स्:: लोसे पोतेन्च्य् ब्य् इम्पुरितिएस्> द्रव्यान्तरसंयोगात् स्वां शक्तिं भेषजानि मुञ्चन्ति । मलधूलिमत् सर्वं सर्वत्र विवर्जयेत्तस्मात्

<drugs:: lose potency by impurities> dravyāntarasaṃyogāt svāṃ śaktiṃ bheṣajāni muñcanti / maladhūlimat sarvaṃ sarvatra vivarjayettasmāt

Sanskrit only: no published translation is held for this verse.

<मेतल्स्:: मेथोद् फ़ोर् मेल्तिन्ग्> सन्दंशेन गृहीत्वान्तः प्रज्वलिताग्निमध्यमुपनीय । गलति यथायथमग्रे तथैव मृदु वर्धयेन्निपुणः

<metals:: method for melting> sandaṃśena gṛhītvāntaḥ prajvalitāgnimadhyamupanīya / galati yathāyathamagre tathaiva mṛdu vardhayennipuṇaḥ

Sanskrit only: no published translation is held for this verse.

<निर्वापण:: मेथोद्> तलनिहितोर्ध्वमुखाङ्कुशलग्नं त्रिफलाजले विनिक्षिप्य । निर्वापयेदशेषं शेषं त्रिफलाम्बु रक्षेच्च

<nirvāpaṇa:: method> talanihitordhvamukhāṅkuśalagnaṃ triphalājale vinikṣipya / nirvāpayedaśeṣaṃ śeṣaṃ triphalāmbu rakṣecca

Sanskrit only: no published translation is held for this verse.

<इरोन्।मेतल्स्:: परीक्षा:: उन्मेल्तब्ले> यल्लौहं न मृतं तत्पुनरपि पक्तव्यम् उक्तमार्गेण । यन्न मृतं तथापि तत् त्यक्तव्यम् अलौहमेव हि यत्

<iron/metals:: parīkṣā:: unmeltable> yallauhaṃ na mṛtaṃ tatpunarapi paktavyam uktamārgeṇa / yanna mṛtaṃ tathāpi tat tyaktavyam alauhameva hi yat

Sanskrit only: no published translation is held for this verse.

<जारणा (?):: => क्षालन> तदनु घनलौहपात्रे कालायसमुद्गरेण संचूर्ण्य । दत्त्वा बहुशः सलिलं प्रक्षाल्याङ्गारम् उद्धृत्य

<jāraṇā (?):: => kṣālana> tadanu ghanalauhapātre kālāyasamudgareṇa saṃcūrṇya / dattvā bahuśaḥ salilaṃ prakṣālyāṅgāram uddhṛtya

Sanskrit only: no published translation is held for this verse.

तदयः केवलम् अग्नौ शुष्कीकृत्याथवातपे पश्चात् । लौहशिलायां पिंष्यादसितेऽश्मनि वा तदप्राप्तौ

tadayaḥ kevalam agnau śuṣkīkṛtyāthavātape paścāt / lauhaśilāyāṃ piṃṣyādasite'śmani vā tadaprāptau

Sanskrit only: no published translation is held for this verse.

<स्थालीपाक> अथ कृत्वायो भाण्डे दत्त्वा त्रिफलाम्बु शेषमन्यद्वा । प्रथमं स्थालीपाकं दद्याद् आ तत्क्षयात् तदनु

<sthālīpāka> atha kṛtvāyo bhāṇḍe dattvā triphalāmbu śeṣamanyadvā / prathamaṃ sthālīpākaṃ dadyād ā tatkṣayāt tadanu

Sanskrit only: no published translation is held for this verse.

गजकर्णपत्रमूलशतावरीभृङ्गकेशराजरसैः । प्राग्वत् स्थालीपाकं कुर्यात्प्रत्येकमेकं वा

gajakarṇapatramūlaśatāvarībhṛṅgakeśarājarasaiḥ / prāgvat sthālīpākaṃ kuryātpratyekamekaṃ vā

Sanskrit only: no published translation is held for this verse.

<पुटपाक> हस्तप्रमाणवदनं श्वभ्रं हस्तैकखाति सममध्यम् । कृत्वा कटाहसदृशं तत्र करीषं तुषं च काष्ठं च

<puṭapāka> hastapramāṇavadanaṃ śvabhraṃ hastaikakhāti samamadhyam / kṛtvā kaṭāhasadṛśaṃ tatra karīṣaṃ tuṣaṃ ca kāṣṭhaṃ ca

Sanskrit only: no published translation is held for this verse.

अन्तर्घनतरम् अर्धं सुषिरं परिपूर्य दहनमायोज्य । पश्चादयसश्चूर्णं श्लक्ष्णं पङ्कोपमं कुर्यात्

antarghanataram ardhaṃ suṣiraṃ paripūrya dahanamāyojya / paścādayasaścūrṇaṃ ślakṣṇaṃ paṅkopamaṃ kuryāt

Sanskrit only: no published translation is held for this verse.

त्रिफलाम्बुभृङ्गकेशरशतावरीकन्दमाणसहजरसैः । भल्लातककरिकर्णच्छदमूलपुनर्नवास्वरसैः

triphalāmbubhṛṅgakeśaraśatāvarīkandamāṇasahajarasaiḥ / bhallātakakarikarṇacchadamūlapunarnavāsvarasaiḥ

Sanskrit only: no published translation is held for this verse.

क्षिप्त्वाथ लौहपात्रे मार्दे वा लौहमार्दपात्राभ्याम् । तुल्याभ्यां पृष्ठेनाच्छाद्यान्ते रन्ध्रम् आलिप्य

kṣiptvātha lauhapātre mārde vā lauhamārdapātrābhyām / tulyābhyāṃ pṛṣṭhenācchādyānte randhram ālipya

Sanskrit only: no published translation is held for this verse.

तत्पुटपात्रं तत्र श्वभ्रज्वलने निधाय भूयोभिः । काष्ठकरीषतुषैस् तत् संछाद्याहर्निशं दहेत्प्राज्ञः

tatpuṭapātraṃ tatra śvabhrajvalane nidhāya bhūyobhiḥ / kāṣṭhakarīṣatuṣais tat saṃchādyāharniśaṃ dahetprājñaḥ

Sanskrit only: no published translation is held for this verse.

एवं नवभिरमीभिर् मेषजराजैः पचेत्तु पुटपाकम् । प्रत्येकमेकमेभिर्मिलितैर्वा त्रिचतुरान् वारान्

evaṃ navabhiramībhir meṣajarājaiḥ pacettu puṭapākam / pratyekamekamebhirmilitairvā tricaturān vārān

Sanskrit only: no published translation is held for this verse.

<पुटपाक:: ग्रिन्दिन्ग् अफ़्तेर् एअछ् ँ> प्रति पुटनं तत्पिंष्यात् स्थालीपाकं विधाय तथैव तत् । तादृशि दृषदि न पिंष्याद् विगलद्रजसा तु युज्यते यत्र

<puṭapāka:: grinding after each ~> prati puṭanaṃ tatpiṃṣyāt sthālīpākaṃ vidhāya tathaiva tat / tādṛśi dṛṣadi na piṃṣyād vigaladrajasā tu yujyate yatra

Sanskrit only: no published translation is held for this verse.

तदयश्चूर्णं पिष्टं घृष्टं घनसूक्ष्मवाससि श्लक्ष्णम् । यदि रजसा सदृशं स्यात्केतक्यास्तर्हि तद्भद्रम्

tadayaścūrṇaṃ piṣṭaṃ ghṛṣṭaṃ ghanasūkṣmavāsasi ślakṣṇam / yadi rajasā sadṛśaṃ syātketakyāstarhi tadbhadram

Sanskrit only: no published translation is held for this verse.

पुटने स्थालीपाके ऽधिकृतपुरुषे स्वभावरुगधिगमात् । कथितमपि हेयम् औषधम् उचितम् उपादेयम् अन्यद् अपि

puṭane sthālīpāke 'dhikṛtapuruṣe svabhāvarugadhigamāt / kathitamapi heyam auṣadham ucitam upādeyam anyad api

Sanskrit only: no published translation is held for this verse.

अभ्यस्तकर्मविधिभिर् वालकुशाग्रीयबुद्धिभिर् अलक्ष्यम् । लौहस्य पाकमधुना नागार्जुनशिष्टमभिदध्मः

abhyastakarmavidhibhir vālakuśāgrīyabuddhibhir alakṣyam / lauhasya pākamadhunā nāgārjunaśiṣṭamabhidadhmaḥ

Sanskrit only: no published translation is held for this verse.

<लौहपाक (हेअतिन्ग्।मेल्तिन्ग् इरोन्)> लोहारकूटताम्रकटाहे दृढमृन्मये प्रणम्य शिवम् । तदयः पचेदचपलः काष्ठेन्धनेन वह्णिना मृदुना

<lauhapāka (heating/melting iron)> lohārakūṭatāmrakaṭāhe dṛḍhamṛnmaye praṇamya śivam / tadayaḥ pacedacapalaḥ kāṣṭhendhanena vahṇinā mṛdunā

Sanskrit only: no published translation is held for this verse.

निक्षिप्य त्रिफलाजलम् उदितं यत्तद् घृतं च दुग्धं च । संचाल्य लौहमय्या दर्व्या लग्नं समुत्पाट्य

nikṣipya triphalājalam uditaṃ yattad ghṛtaṃ ca dugdhaṃ ca / saṃcālya lauhamayyā darvyā lagnaṃ samutpāṭya

Sanskrit only: no published translation is held for this verse.

<पाक (मेल्तिन्ग्, हेअतिन्ग्):: थ्रेए ग्रदेस्> मृदुमध्यखरभावैः पाकस् त्रिविधो ऽत्र वक्ष्यते पुंसाम् । पित्तसमीरणश्लेष्मप्रकृतीनां मध्यमस्तु समः

<pāka (melting, heating):: three grades> mṛdumadhyakharabhāvaiḥ pākas trividho 'tra vakṣyate puṃsām / pittasamīraṇaśleṣmaprakṛtīnāṃ madhyamastu samaḥ

Sanskrit only: no published translation is held for this verse.

<पाक:: देतेच्तिन्ग् थे इन्तेन्सित्य्> अभ्यक्तदर्विलौहं सुखदुःखस्खलनयोगि मृदु मध्यम् । उज्झितदर्विखरं परिभाषन्ते केचिदाचार्याः

<pāka:: detecting the intensity> abhyaktadarvilauhaṃ sukhaduḥkhaskhalanayogi mṛdu madhyam / ujjhitadarvikharaṃ paribhāṣante kecidācāryāḥ

Sanskrit only: no published translation is held for this verse.

अन्ये विहीनदर्वीप्रलेपम् आखूत्कराकृतिं ब्रुवते । मृदु मध्यम् अर्धचूर्णं सिकतापुञ्जोपमं तु खरम्

anye vihīnadarvīpralepam ākhūtkarākṛtiṃ bruvate / mṛdu madhyam ardhacūrṇaṃ sikatāpuñjopamaṃ tu kharam

Sanskrit only: no published translation is held for this verse.

त्रिविधोऽपि पाक ईदृक् सर्वेषां गुणकृदेव न तु विफलः । प्रकृतिविशेषे सूक्ष्मौ गुणदोषौ जनयतीत्यल्पम्

trividho'pi pāka īdṛk sarveṣāṃ guṇakṛdeva na tu viphalaḥ / prakṛtiviśeṣe sūkṣmau guṇadoṣau janayatītyalpam

Sanskrit only: no published translation is held for this verse.

<प्रक्षेप> विज्ञाय पाकमेव द्रागवतार्य क्षितौ क्षणान् कियतः । विश्राम्य तत्र लौहे त्रिफलादेः प्रक्षिपेच्चूर्णम्

<prakṣepa> vijñāya pākameva drāgavatārya kṣitau kṣaṇān kiyataḥ / viśrāmya tatra lauhe triphalādeḥ prakṣipeccūrṇam

Sanskrit only: no published translation is held for this verse.

यदि कर्पूरप्राप्तिर्भवति ततो विगलिते तदुष्णत्वे । चूर्णीकृतमनुरूपं क्षिपेन्न वा न यदि तल्लाभः

yadi karpūraprāptirbhavati tato vigalite taduṣṇatve / cūrṇīkṛtamanurūpaṃ kṣipenna vā na yadi tallābhaḥ

Sanskrit only: no published translation is held for this verse.

<इरोन्:: मोल्तेन्:: स्तोरगे> पक्वं तदश्मसारं सुचिरघृतस्थित्यभाविरूक्षत्वे । गोदोहनादिभाण्डे लौहभाण्डाभावे सति स्थाप्यम्

<iron:: molten:: storage> pakvaṃ tadaśmasāraṃ suciraghṛtasthityabhāvirūkṣatve / godohanādibhāṇḍe lauhabhāṇḍābhāve sati sthāpyam

Sanskrit only: no published translation is held for this verse.

यदि तु परिप्लुतिहेतोर् घृतम् ईक्षेताधिकं ततोऽन्यस्मिन् । भाण्डे निधाय रक्षेद् भाव्युपयोगो ह्यनेन महान्

yadi tu pariplutihetor ghṛtam īkṣetādhikaṃ tato'nyasmin / bhāṇḍe nidhāya rakṣed bhāvyupayogo hyanena mahān

Sanskrit only: no published translation is held for this verse.

<इरोन्:: स्नेहन> अयसि विरूक्षीभूते स्नेहस्त्रिफलाघृतेन संपाद्यः । एतत्ततो गुणोत्तरमित्यमुना स्नेहनीयं तत्

<iron:: snehana> ayasi virūkṣībhūte snehastriphalāghṛtena saṃpādyaḥ / etattato guṇottaramityamunā snehanīyaṃ tat

Sanskrit only: no published translation is held for this verse.

<इरोन्:: सेवन> अत्यन्तकफप्रकृतेर् भक्षणम् अयसो ऽमुनैव शंसन्ति । केवलम् अपीदम् अशितं जनत्ययसो गुणान् कियतः

<iron:: sevana> atyantakaphaprakṛter bhakṣaṇam ayaso 'munaiva śaṃsanti / kevalam apīdam aśitaṃ janatyayaso guṇān kiyataḥ

Sanskrit only: no published translation is held for this verse.

अथवा वक्तव्यविधिसंस्कृतकृष्णाभ्रचूर्णम् आदाय । लोहचतुर्थार्धसमद्वित्रिचतुःपञ्चगुणभागम्

athavā vaktavyavidhisaṃskṛtakṛṣṇābhracūrṇam ādāya / lohacaturthārdhasamadvitricatuḥpañcaguṇabhāgam

Sanskrit only: no published translation is held for this verse.

प्रक्षिप्यायः प्राग्वत्पचेदुभाभ्यां भवेद्रजो यावत् । तावन्मानानुस्मृतेः स्यात्त्रिफलादिद्रव्यपरिमाणम्

prakṣipyāyaḥ prāgvatpacedubhābhyāṃ bhavedrajo yāvat / tāvanmānānusmṛteḥ syāttriphalādidravyaparimāṇam

Sanskrit only: no published translation is held for this verse.

इदम् आप्यायकम् इदम् अतिपित्तनुद् इदमेव कान्तिबलजननम् । स्तभ्नाति तृट्क्षुधौ परम् अधिकाधिकमात्रया क्षिप्तम्

idam āpyāyakam idam atipittanud idameva kāntibalajananam / stabhnāti tṛṭkṣudhau param adhikādhikamātrayā kṣiptam

Sanskrit only: no published translation is held for this verse.

<अभ्र:: शोधन:: निश्चन्द्रिक> कृष्णाभ्रम् भेकवपुर् वज्राख्यं चैकपत्रकं कृत्वा । काष्ठमयोदूखलके चूर्णं मुशलेन कुर्वीत

<abhra:: śodhana:: niścandrika> kṛṣṇābhram bhekavapur vajrākhyaṃ caikapatrakaṃ kṛtvā / kāṣṭhamayodūkhalake cūrṇaṃ muśalena kurvīta

Sanskrit only: no published translation is held for this verse.

भूयो दृषदि च पिष्टं वासः सूक्ष्मावकाशतलगलितम् । मण्डूकपर्णिकायाःप्रचुररसे स्थापयेत् त्रिदिनम्

bhūyo dṛṣadi ca piṣṭaṃ vāsaḥ sūkṣmāvakāśatalagalitam / maṇḍūkaparṇikāyāḥpracurarase sthāpayet tridinam

Sanskrit only: no published translation is held for this verse.

उद्धृत्य तद्रसादथ पिंष्याद्धैमन्तिकधान्यभक्तस्य । अक्षोदात्यन्ताम्लस्वच्छजलेन प्रयत्नेन

uddhṛtya tadrasādatha piṃṣyāddhaimantikadhānyabhaktasya / akṣodātyantāmlasvacchajalena prayatnena

Sanskrit only: no published translation is held for this verse.

मण्डूकपर्णिकायाः पूर्वरसेनैव मर्दनं कुर्यात् । स्थालीपाकं पुटनं चाद्यैरपि भृङ्गराजाद्यैः

maṇḍūkaparṇikāyāḥ pūrvarasenaiva mardanaṃ kuryāt / sthālīpākaṃ puṭanaṃ cādyairapi bhṛṅgarājādyaiḥ

Sanskrit only: no published translation is held for this verse.

अर्कादिपत्रमध्ये कृत्वा पिण्डं निधाय भस्त्राग्नौ । तावद्दहेन्न यावन्नीलोऽग्निर्दृश्यते सुचिरम्

arkādipatramadhye kṛtvā piṇḍaṃ nidhāya bhastrāgnau / tāvaddahenna yāvannīlo'gnirdṛśyate suciram

Sanskrit only: no published translation is held for this verse.

निर्वापयेच्च दुग्धे दुग्धं प्रक्षाल्य वारिणा तदनु । पिष्ट्वा घृष्ट्वा गाल्य वस्त्रे चूर्णं निश्चन्द्रकं कुर्यात्

nirvāpayecca dugdhe dugdhaṃ prakṣālya vāriṇā tadanu / piṣṭvā ghṛṣṭvā gālya vastre cūrṇaṃ niścandrakaṃ kuryāt

Sanskrit only: no published translation is held for this verse.

<सिद्धलौहसेवन> नानाविधरुक्शान्त्यै पुष्ट्यै कान्त्यै शिवं समभ्यर्च्य । सुविशुद्धेऽहनि पुण्ये तदमृतमादाय लौहाख्यम्

<siddhalauhasevana> nānāvidharukśāntyai puṣṭyai kāntyai śivaṃ samabhyarcya / suviśuddhe'hani puṇye tadamṛtamādāya lauhākhyam

Sanskrit only: no published translation is held for this verse.

दशकृष्णलपरिमाणं शक्तिवयोभेदमाकलय्य पुनः । इदमधिकं तद् अधिकतरम् इयदेव न मातृमोदकवत्

daśakṛṣṇalaparimāṇaṃ śaktivayobhedamākalayya punaḥ / idamadhikaṃ tad adhikataram iyadeva na mātṛmodakavat

Sanskrit only: no published translation is held for this verse.

सममसृणामलपात्रे लौहे लौहेन मर्दयेच्च पुनः । दत्त्वा मध्वनुरूपं तदनु घृतं योजयेद् अधिकम्

samamasṛṇāmalapātre lauhe lauhena mardayecca punaḥ / dattvā madhvanurūpaṃ tadanu ghṛtaṃ yojayed adhikam

Sanskrit only: no published translation is held for this verse.

बन्धं गृह्णाति यथा मध्वपृथक्त्वेन पङ्कमविशिंषत् । इदमिह दृष्टोपकरणमेतद् अदृष्टं तु मन्त्रेण

bandhaṃ gṛhṇāti yathā madhvapṛthaktvena paṅkamaviśiṃṣat / idamiha dṛṣṭopakaraṇametad adṛṣṭaṃ tu mantreṇa

Sanskrit only: no published translation is held for this verse.

स्वाहान्तेन विमर्दो भवति फडन्तेन लौहबलरक्षा । सनमस्कारेण बलिर्भक्षणमयसो हूमन्तेण

svāhāntena vimardo bhavati phaḍantena lauhabalarakṣā / sanamaskāreṇa balirbhakṣaṇamayaso hūmanteṇa

Sanskrit only: no published translation is held for this verse.

ॐ अमृतोद्भवाय स्वाहा ॐ अमृते हूं फट् । ॐ नमश्चण्डवज्रपाणये महायक्षसेनाधिपतये सुरगुरुविद्यामहाबलाय स्वाहा । ॐ अमृते हूम् । जग्ध्वा तदमृतसारं नीरं वा क्षीरमेवानुपिबेत् । कान्तक्रामकममलं संचर्व्य रसं पिबेद् गिलेन्न तु तत्

oṃ amṛtodbhavāya svāhā oṃ amṛte hūṃ phaṭ / oṃ namaścaṇḍavajrapāṇaye mahāyakṣasenādhipataye suraguruvidyāmahābalāya svāhā / oṃ amṛte hūm / jagdhvā tadamṛtasāraṃ nīraṃ vā kṣīramevānupibet / kāntakrāmakamamalaṃ saṃcarvya rasaṃ pibed gilenna tu tat

Sanskrit only: no published translation is held for this verse.

आचम्य च ताम्बूलं लाभे घनसारसहितमुपयोज्यम्

ācamya ca tāmbūlaṃ lābhe ghanasārasahitamupayojyam

Sanskrit only: no published translation is held for this verse.

नात्युपविष्टो नाप्यतिभाषी नातिस्थितस् तिष्ठेत्

nātyupaviṣṭo nāpyatibhāṣī nātisthitas tiṣṭhet

Sanskrit only: no published translation is held for this verse.

अत्यन्तवातशीतातपयानस्नानवेगरोधादीन् । जह्याच्च दिवानिद्रासहितं चाकालभुक्तं च

atyantavātaśītātapayānasnānavegarodhādīn / jahyācca divānidrāsahitaṃ cākālabhuktaṃ ca

Sanskrit only: no published translation is held for this verse.

वातकृतः पित्तकृतः सर्वान् कट्वम्लतिक्तकषायान् । तत्क्षणविनाशहेतून् मैथुनकोपश्रमान् दूरे

vātakṛtaḥ pittakṛtaḥ sarvān kaṭvamlatiktakaṣāyān / tatkṣaṇavināśahetūn maithunakopaśramān dūre

Sanskrit only: no published translation is held for this verse.

अशितं तदयः पश्चात्पततु न वा पाटवं छडु प्रथताम् । आर्तिर्भवतु नवान्त्रे कूजति भोक्तव्यमव्याजम्

aśitaṃ tadayaḥ paścātpatatu na vā pāṭavaṃ chaḍu prathatām / ārtirbhavatu navāntre kūjati bhoktavyamavyājam

Sanskrit only: no published translation is held for this verse.

प्रथमं पीत्वा दुग्धं शाल्यन्नं विशदसिद्धम् अक्लिन्नम् । घृतसंप्लुतम् अश्नीयान्मांसैर् वैहङ्गमैः प्रायः

prathamaṃ pītvā dugdhaṃ śālyannaṃ viśadasiddham aklinnam / ghṛtasaṃplutam aśnīyānmāṃsair vaihaṅgamaiḥ prāyaḥ

Sanskrit only: no published translation is held for this verse.

उत्तममूषरभूचरविष्किरमांसं तथाजम् ऐणादि । अन्यदपि जलचराणां पृथुरोमापेक्षया ज्यायः

uttamamūṣarabhūcaraviṣkiramāṃsaṃ tathājam aiṇādi / anyadapi jalacarāṇāṃ pṛthuromāpekṣayā jyāyaḥ

Sanskrit only: no published translation is held for this verse.

मांसालाभे मत्स्या अदोषलाः स्थूलसद्गुणा ग्राह्याः । मद्गुररोहितशकुला दग्धाः पललान्मनाङ्न्यूनाः

māṃsālābhe matsyā adoṣalāḥ sthūlasadguṇā grāhyāḥ / madgurarohitaśakulā dagdhāḥ palalānmanāṅnyūnāḥ

Sanskrit only: no published translation is held for this verse.

शृङ्गाटकफलकशेरुकदलीफलतालनारिकेलादि । अन्यदपि यच्च वृष्यं मधुरं पनसादिकं ज्यायः

śṛṅgāṭakaphalakaśerukadalīphalatālanārikelādi / anyadapi yacca vṛṣyaṃ madhuraṃ panasādikaṃ jyāyaḥ

Sanskrit only: no published translation is held for this verse.

केबुकतालकरीरान् वार्ताकुपटोलफलदलसमेतान् । मुद्गमसूरेक्षुरसान् शंसन्ति निरामिषेष्वेतान्

kebukatālakarīrān vārtākupaṭolaphaladalasametān / mudgamasūrekṣurasān śaṃsanti nirāmiṣeṣvetān

Sanskrit only: no published translation is held for this verse.

शाकं प्रहेयमखिलं स्तोकं रुचये तु वास्तुकं दद्यात् । विहितनिषिद्धाद् अन्यन्मध्यमकोटिस्थितं विद्यात्

śākaṃ praheyamakhilaṃ stokaṃ rucaye tu vāstukaṃ dadyāt / vihitaniṣiddhād anyanmadhyamakoṭisthitaṃ vidyāt

Sanskrit only: no published translation is held for this verse.

तप्तदुग्धानुपानं प्रायः सारयति बद्धकोष्ठस्य । अनुपीतमम्बु यद्वा कोमलशस्यस्य नारिकेलस्य

taptadugdhānupānaṃ prāyaḥ sārayati baddhakoṣṭhasya / anupītamambu yadvā komalaśasyasya nārikelasya

Sanskrit only: no published translation is held for this verse.

यस्य न तथापि सरति सयवक्षारं जलं पिबेत्कोष्णम् । कोष्णं त्रिफलाक्वाथं क्षारसनाथं ततोऽप्यधिकम्

yasya na tathāpi sarati sayavakṣāraṃ jalaṃ pibetkoṣṇam / koṣṇaṃ triphalākvāthaṃ kṣārasanāthaṃ tato'pyadhikam

Sanskrit only: no published translation is held for this verse.

त्रीणि दिनानि समं स्यादह्नि चतुर्थे तु वर्धयेत् क्रमशः । यावत्तदष्टमाषं न वर्धयेत् पुनरितो ऽप्यधिकम्

trīṇi dināni samaṃ syādahni caturthe tu vardhayet kramaśaḥ / yāvattadaṣṭamāṣaṃ na vardhayet punarito 'pyadhikam

Sanskrit only: no published translation is held for this verse.

आदौ रक्तिद्वितयं द्वितीयवृद्धौ तु रक्तिकात्रितयम् । रक्तीपञ्चकपञ्चकम् अत ऊर्ध्वं वर्धयेन्नियतम्

ādau raktidvitayaṃ dvitīyavṛddhau tu raktikātritayam / raktīpañcakapañcakam ata ūrdhvaṃ vardhayenniyatam

Sanskrit only: no published translation is held for this verse.

वात्सरिककल्पपक्षे दिनानि यावन्ति वर्धितं प्रथमम् । तावन्ति वर्षशेषे प्रतिलोमं ह्रासयेत्तदयः

vātsarikakalpapakṣe dināni yāvanti vardhitaṃ prathamam / tāvanti varṣaśeṣe pratilomaṃ hrāsayettadayaḥ

Sanskrit only: no published translation is held for this verse.

तेष्वष्टमाषकेषु प्रातर्माषत्रयं समश्नीयात् । सायं च तावदह्णो मध्ये माषद्वयं शेषम्

teṣvaṣṭamāṣakeṣu prātarmāṣatrayaṃ samaśnīyāt / sāyaṃ ca tāvadahṇo madhye māṣadvayaṃ śeṣam

Sanskrit only: no published translation is held for this verse.

एवं तदमृतमश्नन्कान्तिं लभते चिरस्थिरं देहम् । सप्ताहत्रयमात्रात्सर्वरुजो हन्ति किं बहुना

evaṃ tadamṛtamaśnankāntiṃ labhate cirasthiraṃ deham / saptāhatrayamātrātsarvarujo hanti kiṃ bahunā

Sanskrit only: no published translation is held for this verse.

आर्याभिर् इह नवत्या सप्तविधिभिर् यथावद् आख्यातम् । अमतिविपर्ययसंशयशून्यम् अनुष्ठानम् उन्नीतम्

āryābhir iha navatyā saptavidhibhir yathāvad ākhyātam / amativiparyayasaṃśayaśūnyam anuṣṭhānam unnītam

Sanskrit only: no published translation is held for this verse.

मुनिरचितशास्त्रपारं गत्वा सारं ततः समुद्धृत्य । निबबन्ध बान्धवानामुपकृतये कोऽपि षट्कर्मा

muniracitaśāstrapāraṃ gatvā sāraṃ tataḥ samuddhṛtya / nibabandha bāndhavānāmupakṛtaye ko'pi ṣaṭkarmā

Sanskrit only: no published translation is held for this verse.

<ताम्रयोग> कन्यातोये ताम्रपत्रं सुतप्तं कृत्वा वारान् विंशतिं प्रक्षिपेत्तत् । शुद्धं गन्धं तद्द्विभागं विमर्द्य निम्बूतोयैस्ताम्रपत्राणि लिप्त्वा

<tāmrayoga> kanyātoye tāmrapatraṃ sutaptaṃ kṛtvā vārān viṃśatiṃ prakṣipettat / śuddhaṃ gandhaṃ taddvibhāgaṃ vimardya nimbūtoyaistāmrapatrāṇi liptvā

Sanskrit only: no published translation is held for this verse.

भाण्डे कृत्वा रोधयित्वा तु भाण्डं शालाग्नौ तं निक्षिपेत् पञ्चरात्रम् । शीतं जातं भावयेदुक्ततोयैर् यद्वा नीरैस् त्रैफलैर् एकघस्रम्

bhāṇḍe kṛtvā rodhayitvā tu bhāṇḍaṃ śālāgnau taṃ nikṣipet pañcarātram / śītaṃ jātaṃ bhāvayeduktatoyair yadvā nīrais traiphalair ekaghasram

Sanskrit only: no published translation is held for this verse.

मध्वाज्याभ्यां पेषयित्वा पुटेत् तच्छुद्धं सिद्धं जायते देहसिद्ध्यै । गुञ्जामात्रं शाल्मलीनीरयुक्तं मध्वाज्याभ्यां सेवयेद् वत्सरार्धम्

madhvājyābhyāṃ peṣayitvā puṭet tacchuddhaṃ siddhaṃ jāyate dehasiddhyai / guñjāmātraṃ śālmalīnīrayuktaṃ madhvājyābhyāṃ sevayed vatsarārdham

Sanskrit only: no published translation is held for this verse.

दुग्धं खण्डं वानुपानं विदध्यात् साज्यं भोज्यं गौड्यम् अम्लेन युक्तम् । वीर्यं पुष्टिं दीपनं देहदार्ढ्यं दिव्यां दृष्टिं दीर्घमायुः करोति

dugdhaṃ khaṇḍaṃ vānupānaṃ vidadhyāt sājyaṃ bhojyaṃ gauḍyam amlena yuktam / vīryaṃ puṣṭiṃ dīpanaṃ dehadārḍhyaṃ divyāṃ dṛṣṭiṃ dīrghamāyuḥ karoti

Sanskrit only: no published translation is held for this verse.

<ताम्रयोग (२)> रसतस्ताम्रं द्विगुणं ताम्रात् कृष्णाभ्रकं तथा द्विगुणम् । पृथगेवैषां शुद्धिस्ताम्रे शुद्धिस्ततो द्विविधा

<tāmrayoga (2)> rasatastāmraṃ dviguṇaṃ tāmrāt kṛṣṇābhrakaṃ tathā dviguṇam / pṛthagevaiṣāṃ śuddhistāmre śuddhistato dvividhā

Sanskrit only: no published translation is held for this verse.

पत्त्रीकृतस्य गन्धकयोगाद्वा मारणं तथा लवणैः । आक्ते ध्मापितताम्रे निर्गुण्डीकल्ककाञ्जिके मग्ने

pattrīkṛtasya gandhakayogādvā māraṇaṃ tathā lavaṇaiḥ / ākte dhmāpitatāmre nirguṇḍīkalkakāñjike magne

Sanskrit only: no published translation is held for this verse.

यद्भवति गैरिकाभं तत्पिष्टम् अर्धगन्धकं तदनु । पुटपाकेन विशुद्धं शुद्धं स्यादभ्रकं तु पुनः

yadbhavati gairikābhaṃ tatpiṣṭam ardhagandhakaṃ tadanu / puṭapākena viśuddhaṃ śuddhaṃ syādabhrakaṃ tu punaḥ

Sanskrit only: no published translation is held for this verse.

हिलमोचिमूलपिण्डे क्षिप्तं तदनु मार्दसम्पुटे लिप्ते । तीक्ष्णं दग्धं पिष्टम् अम्लाम्भसा साधु चन्द्रिकाविरहितम्

hilamocimūlapiṇḍe kṣiptaṃ tadanu mārdasampuṭe lipte / tīkṣṇaṃ dagdhaṃ piṣṭam amlāmbhasā sādhu candrikāvirahitam

Sanskrit only: no published translation is held for this verse.

रेचितताम्रेण रसः खल्वशिलायां घृष्टः पिण्डिका कार्या । उत्स्वेद्य गृहसलिलेन निर्गुण्डीकल्केऽसकृच्छुद्धौ

recitatāmreṇa rasaḥ khalvaśilāyāṃ ghṛṣṭaḥ piṇḍikā kāryā / utsvedya gṛhasalilena nirguṇḍīkalke'sakṛcchuddhau

Sanskrit only: no published translation is held for this verse.

एतत्सिद्धं त्रितयं चूर्णितताम्रार्धिकैः पृथग्युक्तम् । पिप्पलीविडङ्गमरिचैः श्लक्ष्णं द्वित्रिमाषकं भक्ष्यम्

etatsiddhaṃ tritayaṃ cūrṇitatāmrārdhikaiḥ pṛthagyuktam / pippalīviḍaṅgamaricaiḥ ślakṣṇaṃ dvitrimāṣakaṃ bhakṣyam

Sanskrit only: no published translation is held for this verse.

शूलाम्लपित्तश्वयथुग्रहणीयक्ष्मादिकुक्षिरोगेषु । रसायनं महदेतत्परिहारो नियमतो नात्र

śūlāmlapittaśvayathugrahaṇīyakṣmādikukṣirogeṣu / rasāyanaṃ mahadetatparihāro niyamato nātra

Sanskrit only: no published translation is held for this verse.

<लक्ष्मीविलासरसः> पलं कृष्णाभ्रचूर्णस्य तदर्धौ रसगन्धकौ । कर्पूरस्य तदर्द्धं तु जातीकोषफले तथा

<lakṣmīvilāsarasaḥ> palaṃ kṛṣṇābhracūrṇasya tadardhau rasagandhakau / karpūrasya tadarddhaṃ tu jātīkoṣaphale tathā

Sanskrit only: no published translation is held for this verse.

वृद्धदारकबीजं च बीजमुन्मत्तकस्य च । त्रैलोक्यविजयाबीजं विदारीकन्दम् एव च

vṛddhadārakabījaṃ ca bījamunmattakasya ca / trailokyavijayābījaṃ vidārīkandam eva ca

Sanskrit only: no published translation is held for this verse.

नारायणी तथा नागबला चातिबला तथा । बीजं गोक्षुरकस्यापि हैज्जलं बीजमेव च

nārāyaṇī tathā nāgabalā cātibalā tathā / bījaṃ gokṣurakasyāpi haijjalaṃ bījameva ca

Sanskrit only: no published translation is held for this verse.

एतेषां कार्षिकं चूर्णं गृहीत्वा वारिणा पुनः । निष्पिष्य वटिका कार्या त्रिगुञ्जाफलमानतः

eteṣāṃ kārṣikaṃ cūrṇaṃ gṛhītvā vāriṇā punaḥ / niṣpiṣya vaṭikā kāryā triguñjāphalamānataḥ

Sanskrit only: no published translation is held for this verse.

निहन्ति सन्निपातोत्थान् गदान् घोरान् सुदारुणान् । वातोत्थान् पैत्तिकांश्चापि नास्त्यत्र नियमः क्वचित्

nihanti sannipātotthān gadān ghorān sudāruṇān / vātotthān paittikāṃścāpi nāstyatra niyamaḥ kvacit

Sanskrit only: no published translation is held for this verse.

कुष्ठमष्टादशविधं प्रमेहान् विंशतिं तथा । नाडीव्रणं व्रणं घोरं गुदामयभगन्दरम्

kuṣṭhamaṣṭādaśavidhaṃ pramehān viṃśatiṃ tathā / nāḍīvraṇaṃ vraṇaṃ ghoraṃ gudāmayabhagandaram

Sanskrit only: no published translation is held for this verse.

श्लीपदं कफवातोत्थं चिरजं कुलसम्भवम् । गलशोथमन्त्रवृद्धिमतिसारं सुदारुणम्

ślīpadaṃ kaphavātotthaṃ cirajaṃ kulasambhavam / galaśothamantravṛddhimatisāraṃ sudāruṇam

Sanskrit only: no published translation is held for this verse.

कासपीनसयक्ष्मार्शः स्थौल्यं दौर्बल्यमेव च । आमवातं सर्वरूपं जिह्वास्तम्भं गलग्रहम्

kāsapīnasayakṣmārśaḥ sthaulyaṃ daurbalyameva ca / āmavātaṃ sarvarūpaṃ jihvāstambhaṃ galagraham

Sanskrit only: no published translation is held for this verse.

उदरं कर्णनासाक्षिमुखवैजात्यमेव च । सर्वशूलं शिरःशूलं स्त्रीणां गदनिषूदनम्

udaraṃ karṇanāsākṣimukhavaijātyameva ca / sarvaśūlaṃ śiraḥśūlaṃ strīṇāṃ gadaniṣūdanam

Sanskrit only: no published translation is held for this verse.

वटिकां प्रातरेकैकां खादेन्नित्यं यथाबलम् । अनुपानमिदं प्रोक्तं मांसं पिष्टं पयो दधि

vaṭikāṃ prātarekaikāṃ khādennityaṃ yathābalam / anupānamidaṃ proktaṃ māṃsaṃ piṣṭaṃ payo dadhi

Sanskrit only: no published translation is held for this verse.

वारितक्रसुरासीधुसेवनात् कामरूपधृक् । वृद्धोऽपि तरुणस्पर्धी न च शुक्रस्य संक्षयः

vāritakrasurāsīdhusevanāt kāmarūpadhṛk / vṛddho'pi taruṇaspardhī na ca śukrasya saṃkṣayaḥ

Sanskrit only: no published translation is held for this verse.

न च लिङ्गस्य शैथिल्यं न केशा यान्ति पक्वताम् । नित्यं शतस्त्रियो गच्छेन्मत्तवारणविक्रमः

na ca liṅgasya śaithilyaṃ na keśā yānti pakvatām / nityaṃ śatastriyo gacchenmattavāraṇavikramaḥ

Sanskrit only: no published translation is held for this verse.

द्विलक्षयोजनी दृष्टिर्जायते पौष्टिकः परः । प्रोक्तः प्रयोगराजोऽयं नारदेन महात्मना

dvilakṣayojanī dṛṣṭirjāyate pauṣṭikaḥ paraḥ / proktaḥ prayogarājo'yaṃ nāradena mahātmanā

Sanskrit only: no published translation is held for this verse.

रसो लक्ष्मीविलासस्तु वासुदेवो जगद्गुरौ । अभ्यासाद्यस्य भगवान् लक्षनारीषु वल्लभः

raso lakṣmīvilāsastu vāsudevo jagadgurau / abhyāsādyasya bhagavān lakṣanārīṣu vallabhaḥ

Sanskrit only: no published translation is held for this verse.

<शिलाजतु:: ओरिगिन्> हेमाद्याः सूर्यसंतप्ताः स्रवन्ति गिरिधातवः । जत्वाभं मृदुमृत्स्नाच्छं यन्मलं तच्छिलाजतु

<śilājatu:: origin> hemādyāḥ sūryasaṃtaptāḥ sravanti giridhātavaḥ / jatvābhaṃ mṛdumṛtsnācchaṃ yanmalaṃ tacchilājatu

Sanskrit only: no published translation is held for this verse.

<शिलाजतु:: मेदिच्। प्रोपेर्तिएस्> अनम्लं चाकषायं च कटुपाकि शिलाजतु । नात्युष्णशीतं धातुभ्यश् चतुर्भ्यस्तस्य सम्भवः । हेम्नोऽथ रजतात्ताम्राद्वरात्कृष्णायसादपि

<śilājatu:: medic. properties> anamlaṃ cākaṣāyaṃ ca kaṭupāki śilājatu / nātyuṣṇaśītaṃ dhātubhyaś caturbhyastasya sambhavaḥ / hemno'tha rajatāttāmrādvarātkṛṣṇāyasādapi

Sanskrit only: no published translation is held for this verse.

<शिलाजतु:: फ़्रोम् गोल्द्:: मेदिच्।।फ्य्स्। प्रोपेर्तिएस्> मधुरश्च सतिक्तश्च जपापुष्पनिभश्च यः । कटुर्विपाके शीतश्च स सुवर्णस्य निस्रवः

<śilājatu:: from gold:: medic./phys. properties> madhuraśca satiktaśca japāpuṣpanibhaśca yaḥ / kaṭurvipāke śītaśca sa suvarṇasya nisravaḥ

Sanskrit only: no published translation is held for this verse.

<शिलाजतु:: फ़्रोम् सिल्वेर्:: मेदिच्।।फ्य्स्। प्रोपेर्तिएस्> रूप्यस्य कटुकः श्वेतः शीतः स्वादुर्विपच्यते । <शिलाजतु:: फ़्रोम् चोप्पेर्:: मेदिच्।।फ्य्स्। प्रोपेर्तिएस्> ताम्रस्य बर्हिकण्ठाभस् तिक्तोष्णः पच्यते कटुः

<śilājatu:: from silver:: medic./phys. properties> rūpyasya kaṭukaḥ śvetaḥ śītaḥ svādurvipacyate / <śilājatu:: from copper:: medic./phys. properties> tāmrasya barhikaṇṭhābhas tiktoṣṇaḥ pacyate kaṭuḥ

Sanskrit only: no published translation is held for this verse.

<शिलाजतु:: फ़्रोम् इरोन्:: मेदिच्।।फ्य्स्। प्रोपेर्तिएस्> यस्तु गुग्गुलुकाभासस्तिक्तको लवणान्वितः । कटुर्विपाके शीतश्च सर्वश्रेष्ठः स चायसः

<śilājatu:: from iron:: medic./phys. properties> yastu guggulukābhāsastiktako lavaṇānvitaḥ / kaṭurvipāke śītaśca sarvaśreṣṭhaḥ sa cāyasaḥ

Sanskrit only: no published translation is held for this verse.

गोमूत्रगन्धयः सर्वे सर्वकर्मसु यौगिकाः । रसायनप्रयोगेषु पश्चिमस्तु विशिष्यते

gomūtragandhayaḥ sarve sarvakarmasu yaugikāḥ / rasāyanaprayogeṣu paścimastu viśiṣyate

Sanskrit only: no published translation is held for this verse.

यथाक्रमं वातपित्ते श्लेष्मपित्ते कफे त्रिषु । विशेषेण प्रशस्यन्ते मला हेमादिधातुजाः

yathākramaṃ vātapitte śleṣmapitte kaphe triṣu / viśeṣeṇa praśasyante malā hemādidhātujāḥ

Sanskrit only: no published translation is held for this verse.

<शिलाजतु:: परीक्षा> लौहकिट्टायते वह्नौ विधूमं दह्यतेऽम्भसि । तृणात्यग्रे कृतं श्रेष्ठमधो गलति तन्तुवत्

<śilājatu:: parīkṣā> lauhakiṭṭāyate vahnau vidhūmaṃ dahyate'mbhasi / tṛṇātyagre kṛtaṃ śreṣṭhamadho galati tantuvat

Sanskrit only: no published translation is held for this verse.

<शिलाजतु:: शोधन> मलिनं यद्भवेत् तच्च क्षालयेत्केवलाम्भसा । लौहपात्रेषु विधिना ऊर्ध्वीभूतं च संहरेत्

<śilājatu:: śodhana> malinaṃ yadbhavet tacca kṣālayetkevalāmbhasā / lauhapātreṣu vidhinā ūrdhvībhūtaṃ ca saṃharet

Sanskrit only: no published translation is held for this verse.

वातपित्तकफघ्नैस्तु निर्यूहैस् तत् सुभावितम् । वीर्योत्कर्षं परं याति सर्वैर् एकैकशोऽपि वा

vātapittakaphaghnaistu niryūhais tat subhāvitam / vīryotkarṣaṃ paraṃ yāti sarvair ekaikaśo'pi vā

Sanskrit only: no published translation is held for this verse.

प्रक्षिप्योद्धृतमावानं पुनस्तत्प्रक्षिपेद्रसे । कोष्णे सप्ताहमेतेन विधिना तस्य भावनां

prakṣipyoddhṛtamāvānaṃ punastatprakṣipedrase / koṣṇe saptāhametena vidhinā tasya bhāvanāṃ

Sanskrit only: no published translation is held for this verse.

<शिलाजतु:: सोअकिन्ग्> तुल्यं गिरिजेन जले चतुर्गुणे भावनौषधं क्वाथ्यम् । ततः क्वाथे च पादांशे पूतोष्णे प्रक्षिपेद्गिरिजम् । तत् समरसतां यातं संशुष्कं प्रक्षिपेद्रसे भूयः

<śilājatu:: soaking> tulyaṃ girijena jale caturguṇe bhāvanauṣadhaṃ kvāthyam / tataḥ kvāthe ca pādāṃśe pūtoṣṇe prakṣipedgirijam / tat samarasatāṃ yātaṃ saṃśuṣkaṃ prakṣipedrase bhūyaḥ

Sanskrit only: no published translation is held for this verse.

<शिलाजतु:: मेदिच्। प्रोपेर्तिएस्> पूर्वोक्तेन विधानेन लौहैश्चूर्णीकृतैः सह । तत्पीतं पयसा दद्याद् दीर्घमायुः सुखान्वितम्

<śilājatu:: medic. properties> pūrvoktena vidhānena lauhaiścūrṇīkṛtaiḥ saha / tatpītaṃ payasā dadyād dīrghamāyuḥ sukhānvitam

Sanskrit only: no published translation is held for this verse.

जराव्याधिप्रशमनं देहदार्ढ्यकरं परम् । मेधास्मृतिकरं धन्यं क्षीराशी तत्प्रयोजयेत्

jarāvyādhipraśamanaṃ dehadārḍhyakaraṃ param / medhāsmṛtikaraṃ dhanyaṃ kṣīrāśī tatprayojayet

Sanskrit only: no published translation is held for this verse.

प्रयोगः सप्तसप्ताहास्त्रयश्चैकश्च सप्तकः । निर्दिष्टस् त्रिविधस् तस्य परो मध्योऽवरस्तथा

prayogaḥ saptasaptāhāstrayaścaikaśca saptakaḥ / nirdiṣṭas trividhas tasya paro madhyo'varastathā

Sanskrit only: no published translation is held for this verse.

<शिलाजतु:: मेअसुरे फ़ोर् मेदिच्। उसे> मात्रा पलं त्वर्द्धपलं स्यात्कर्षं तु कनीयसी

<śilājatu:: measure for medic. use> mātrā palaṃ tvarddhapalaṃ syātkarṣaṃ tu kanīyasī

Sanskrit only: no published translation is held for this verse.

<शिलाजतु:: रेगुलतिओन्स्।दिएत्> शिलाजतुप्रयोगेषु विदाहीनि गुरूणि च । वर्जयेत् सर्वकालं च कुलत्थान् परिवर्जयेत्

<śilājatu:: regulations/diet> śilājatuprayogeṣu vidāhīni gurūṇi ca / varjayet sarvakālaṃ ca kulatthān parivarjayet

Sanskrit only: no published translation is held for this verse.

पयांसि शुक्तानि रसाः सयूषास् तोयं समूत्रं विविधाः कषायाः । आलोडनार्थं गिरिजस्य शस्तास्ते ते प्रयोज्याः प्रसमीक्ष्य कार्यम्

payāṃsi śuktāni rasāḥ sayūṣās toyaṃ samūtraṃ vividhāḥ kaṣāyāḥ / āloḍanārthaṃ girijasya śastāste te prayojyāḥ prasamīkṣya kāryam

Sanskrit only: no published translation is held for this verse.

<कामेश्वरमोदक> सम्यङ्मारितमभ्रकं कटुफलं कुष्ठाश्वगन्धामृता मेथी मोचरसो विदारिमुशली गोक्षूरकं चेक्षुरम् । रम्भाकन्दशतावरी ह्यजमोदा माषास्तिला धान्यकं यष्टी नागबला बला मधुरिका जातीफलं सैन्धवम्

<kāmeśvaramodaka> samyaṅmāritamabhrakaṃ kaṭuphalaṃ kuṣṭhāśvagandhāmṛtā methī mocaraso vidārimuśalī gokṣūrakaṃ cekṣuram / rambhākandaśatāvarī hyajamodā māṣāstilā dhānyakaṃ yaṣṭī nāgabalā balā madhurikā jātīphalaṃ saindhavam

Sanskrit only: no published translation is held for this verse.

भार्ङ्गीकर्कटशृङ्गिका त्रिकटुकं जीरद्वयं चित्रकं चातुर्जातपुनर्नवे गजकणा द्राक्षा शठी वासकम् । शाल्मल्यङ्घ्रिफलत्रिकं कपिभवं बीजं समं चूर्णयेत् चूर्णांशा विजया सिता द्विगुणिता मध्वाज्यमिश्रं तु तत्

bhārṅgīkarkaṭaśṛṅgikā trikaṭukaṃ jīradvayaṃ citrakaṃ cāturjātapunarnave gajakaṇā drākṣā śaṭhī vāsakam / śālmalyaṅghriphalatrikaṃ kapibhavaṃ bījaṃ samaṃ cūrṇayet cūrṇāṃśā vijayā sitā dviguṇitā madhvājyamiśraṃ tu tat

Sanskrit only: no published translation is held for this verse.

कर्षार्द्धा गुडिकाथ कर्षमथवा सेव्या सतां सर्वदा पेया क्षीरसितानुवीर्यकरणे स्तम्भेऽप्ययं कामिनाम् । वामावश्यकरः सुखातिसुखदः प्रौढाङ्गनाद्रावकः क्षीणे पुष्टिकरः क्षयक्षयकरो नानामयध्वंसकः

karṣārddhā guḍikātha karṣamathavā sevyā satāṃ sarvadā peyā kṣīrasitānuvīryakaraṇe stambhe'pyayaṃ kāminām / vāmāvaśyakaraḥ sukhātisukhadaḥ prauḍhāṅganādrāvakaḥ kṣīṇe puṣṭikaraḥ kṣayakṣayakaro nānāmayadhvaṃsakaḥ

Sanskrit only: no published translation is held for this verse.

कासश्वासमहातिसारशमनो मन्दाग्निसन्दीपनः दुर्नामग्रहणीप्रमेहनिवहश्लेष्मास्रपित्तप्रणुत् । नित्यानन्दकरो विशेषकवितावाचां विलासोद्भवं धत्ते सर्वगुणं महास्थिरवयो ध्यानावधाने ऽप्यलम्

kāsaśvāsamahātisāraśamano mandāgnisandīpanaḥ durnāmagrahaṇīpramehanivahaśleṣmāsrapittapraṇut / nityānandakaro viśeṣakavitāvācāṃ vilāsodbhavaṃ dhatte sarvaguṇaṃ mahāsthiravayo dhyānāvadhāne 'pyalam

Sanskrit only: no published translation is held for this verse.

अभ्यासेन निहन्ति मृत्युपलितं कामेश्वरो वत्सरात् सर्वेषां हितकारिणा निगदितः श्रीनित्यनाथेन सः । वृद्धानाम् अपि कामवर्धनकरः प्रौढाङ्गनासङ्गमे सिद्धोऽयं मम दृष्टिप्रत्ययकरो भूपैः सदा सेव्यताम्

abhyāsena nihanti mṛtyupalitaṃ kāmeśvaro vatsarāt sarveṣāṃ hitakāriṇā nigaditaḥ śrīnityanāthena saḥ / vṛddhānām api kāmavardhanakaraḥ prauḍhāṅganāsaṅgame siddho'yaṃ mama dṛṣṭipratyayakaro bhūpaiḥ sadā sevyatām

Sanskrit only: no published translation is held for this verse.