<चूर्णरत्न> वृष्यगणचूर्णतुल्यं तत् पुटपक्वं घनं सिता द्विगुणम् । वृष्यात्परमतिवृष्यं रसायनं चूर्णरत्नमिदम्
<cūrṇaratna> vṛṣyagaṇacūrṇatulyaṃ tat puṭapakvaṃ ghanaṃ sitā dviguṇam / vṛṣyātparamativṛṣyaṃ rasāyanaṃ cūrṇaratnamidam
Sanskrit only: no published translation is held for this verse.
<शृङ्गाराभ्ररसः> शुद्धं कृष्णाभ्रचूर्णं द्विपलपरिमितं शाणमानं यदन्यत् । कर्पूरं जातिकोषं सजलमिभकणा तेजपत्रं लवङ्गम्
<śṛṅgārābhrarasaḥ> śuddhaṃ kṛṣṇābhracūrṇaṃ dvipalaparimitaṃ śāṇamānaṃ yadanyat / karpūraṃ jātikoṣaṃ sajalamibhakaṇā tejapatraṃ lavaṅgam
Sanskrit only: no published translation is held for this verse.
मांसी तालीशचोचे गजकुसुमगदं धातकी चेति तुल्यं । पथ्या धात्री विभीतं त्रिकटुरथ पृथक् त्वर्द्धशाणं द्विशाणम्
māṃsī tālīśacoce gajakusumagadaṃ dhātakī ceti tulyaṃ / pathyā dhātrī vibhītaṃ trikaṭuratha pṛthak tvarddhaśāṇaṃ dviśāṇam
Sanskrit only: no published translation is held for this verse.
एलाजातीफलाख्यं क्षितितलविधिना शुद्धगन्धाश्मकोलं कोलार्द्धं पारदस्य प्रतिपदविहितं पिष्टमेकत्र मिश्रम् । पानीयेनैव कार्याः परिणतचणकस्विन्नतुल्याश्च वट्यः प्रातः खाद्याश् चतस्रस् तदनु च हि कियच्छृङ्गवेरं सपर्णम्
elājātīphalākhyaṃ kṣititalavidhinā śuddhagandhāśmakolaṃ kolārddhaṃ pāradasya pratipadavihitaṃ piṣṭamekatra miśram / pānīyenaiva kāryāḥ pariṇatacaṇakasvinnatulyāśca vaṭyaḥ prātaḥ khādyāś catasras tadanu ca hi kiyacchṛṅgaveraṃ saparṇam
Sanskrit only: no published translation is held for this verse.
पानीयं पीतमन्ते ध्रुवमपहरति क्षिप्रमेतान् विकारान् कोष्ठे दुष्टाग्निजातान् ज्वरमुदररुजो राजयक्ष्मं क्षयं च । कासं श्वासं सशोथं नयनपरिभवं मेहमेदोविकारान् छर्दिं शूलाम्लपित्तं तृषमपि महतीं गुल्मजालं विशालम्
pānīyaṃ pītamante dhruvamapaharati kṣiprametān vikārān koṣṭhe duṣṭāgnijātān jvaramudararujo rājayakṣmaṃ kṣayaṃ ca / kāsaṃ śvāsaṃ saśothaṃ nayanaparibhavaṃ mehamedovikārān chardiṃ śūlāmlapittaṃ tṛṣamapi mahatīṃ gulmajālaṃ viśālam
Sanskrit only: no published translation is held for this verse.
पाण्डुत्वं रक्तपित्तं गरलभवगदान् पीनसं प्लीहरोगं हन्याद् आमानिलोत्थान् कफपवनकृतान् पित्तरोगानशेषान् । बल्यो वृष्यश्च योगस्तरुणतरकरः सर्वरोगे प्रशस्तः पथ्यं मांसैश्च यूषैर् घृतपरिलुलितैर् गव्यदुग्धैश्च भूयः
pāṇḍutvaṃ raktapittaṃ garalabhavagadān pīnasaṃ plīharogaṃ hanyād āmānilotthān kaphapavanakṛtān pittarogānaśeṣān / balyo vṛṣyaśca yogastaruṇatarakaraḥ sarvaroge praśastaḥ pathyaṃ māṃsaiśca yūṣair ghṛtaparilulitair gavyadugdhaiśca bhūyaḥ
Sanskrit only: no published translation is held for this verse.
भोज्यं योज्यं यथेष्टं ललितललनया दीयमानं मुदा यच्छृङ्गाराभ्रेण कामी युवतिजनशतां भोगयोगादतुष्टः । वर्ज्यं शाकाम्लमादौ दिनकतिपयचित् स्वेच्छया भोज्यमन्यद् दीर्घायुः काममूर्तिर् गतवलिपलितो मानवोऽस्य प्रसादात्
bhojyaṃ yojyaṃ yatheṣṭaṃ lalitalalanayā dīyamānaṃ mudā yacchṛṅgārābhreṇa kāmī yuvatijanaśatāṃ bhogayogādatuṣṭaḥ / varjyaṃ śākāmlamādau dinakatipayacit svecchayā bhojyamanyad dīrghāyuḥ kāmamūrtir gatavalipalito mānavo'sya prasādāt
Sanskrit only: no published translation is held for this verse.
<जयावटी> विषं त्रिकटुकं मुस्तं हरिद्रा निम्बपत्रकम् । विडङ्गमष्टमं चूर्णं छागमूत्रैः समं समम् । चणकाभा वटी कार्या स्याज्जया योगवाहिका
<jayāvaṭī> viṣaṃ trikaṭukaṃ mustaṃ haridrā nimbapatrakam / viḍaṅgamaṣṭamaṃ cūrṇaṃ chāgamūtraiḥ samaṃ samam / caṇakābhā vaṭī kāryā syājjayā yogavāhikā
Sanskrit only: no published translation is held for this verse.
<त्रिनेत्ररसः> आदौ गन्धहतं शुल्वं पश्चात्तुल्याहिपारदम् । त्रिनेत्रो हविषा पिष्टः शीतवीर्योऽर्द्धगन्धकः
<trinetrarasaḥ> ādau gandhahataṃ śulvaṃ paścāttulyāhipāradam / trinetro haviṣā piṣṭaḥ śītavīryo'rddhagandhakaḥ
Sanskrit only: no published translation is held for this verse.
उष्णश्चेत्तुल्यगन्धेन कुर्यात् संमर्द्य पर्पटीम् । देहसिद्धिकरो ह्येष सर्वरोगनिकृन्तनः
uṣṇaścettulyagandhena kuryāt saṃmardya parpaṭīm / dehasiddhikaro hyeṣa sarvaroganikṛntanaḥ
Sanskrit only: no published translation is held for this verse.
<सिद्धयोगेश्वररसः> शुद्धं सूतं द्विधा गन्धं खल्वे घृष्ट्वा तु कज्जलीम् । तयोः समं कान्तलौहमभावे तस्य तीक्ष्णकम्
<siddhayogeśvararasaḥ> śuddhaṃ sūtaṃ dvidhā gandhaṃ khalve ghṛṣṭvā tu kajjalīm / tayoḥ samaṃ kāntalauhamabhāve tasya tīkṣṇakam
Sanskrit only: no published translation is held for this verse.
मेलितं देवदेवेशि मर्दितं कन्यकाद्रवैः । यामद्वयं ततः पश्चात्तद्गोलं ताम्रसम्पुटे
melitaṃ devadeveśi marditaṃ kanyakādravaiḥ / yāmadvayaṃ tataḥ paścāttadgolaṃ tāmrasampuṭe
Sanskrit only: no published translation is held for this verse.
आच्छाद्यैरण्डपत्रैस्तु धान्यराशौ निधापयेत् । त्रिदिनान्ते समुद्धृत्य पिष्टं वारितरं भवेत्
ācchādyairaṇḍapatraistu dhānyarāśau nidhāpayet / tridinānte samuddhṛtya piṣṭaṃ vāritaraṃ bhavet
Sanskrit only: no published translation is held for this verse.
कुमारी भृङ्गकोरण्टौ काकमाची पुनर्नवा । नीली मुण्डी च निर्गुण्डी सहदेवी शतावरी
kumārī bhṛṅgakoraṇṭau kākamācī punarnavā / nīlī muṇḍī ca nirguṇḍī sahadevī śatāvarī
Sanskrit only: no published translation is held for this verse.
अम्लपर्णी गोक्षुरकः कच्छूमूलं वटाङ्कुराः । एतेषां भावयेद्द्रावैः सप्तवारान् पृथक् पृथक्
amlaparṇī gokṣurakaḥ kacchūmūlaṃ vaṭāṅkurāḥ / eteṣāṃ bhāvayeddrāvaiḥ saptavārān pṛthak pṛthak
Sanskrit only: no published translation is held for this verse.
त्र्यूषणत्रिफलासोमराजीनां च कषायकैः । शुष्केऽस्मिंस्तोलितं चूर्णं सममेकादशाभिधम्
tryūṣaṇatriphalāsomarājīnāṃ ca kaṣāyakaiḥ / śuṣke'smiṃstolitaṃ cūrṇaṃ samamekādaśābhidham
Sanskrit only: no published translation is held for this verse.
वराव्योषाग्निविश्वैला जातीफललवङ्गकम् । संयोज्य मधुनालोड्य विमर्द्येदं भजेत्सदा
varāvyoṣāgniviśvailā jātīphalalavaṅgakam / saṃyojya madhunāloḍya vimardyedaṃ bhajetsadā
Sanskrit only: no published translation is held for this verse.
रात्रौ पिबेद् गवां क्षीरं कृष्णानां च विशेषतः । संवत्सराज्जरामृत्युरोगजालं निवारयेत्
rātrau pibed gavāṃ kṣīraṃ kṛṣṇānāṃ ca viśeṣataḥ / saṃvatsarājjarāmṛtyurogajālaṃ nivārayet
Sanskrit only: no published translation is held for this verse.
वीर्यवृद्धिकरं श्रेष्ठं रामाशतसुखप्रदम् । तावन्न च्यवते वीर्यं यावदम्लं न सेवते
vīryavṛddhikaraṃ śreṣṭhaṃ rāmāśatasukhapradam / tāvanna cyavate vīryaṃ yāvadamlaṃ na sevate
Sanskrit only: no published translation is held for this verse.
दीपनं कान्तिदं पुष्टितुष्टिकृत्सेविनां सदा । सुगुप्तः कथितः सूतः सिद्धयोगेश्वराभिधः
dīpanaṃ kāntidaṃ puṣṭituṣṭikṛtsevināṃ sadā / suguptaḥ kathitaḥ sūtaḥ siddhayogeśvarābhidhaḥ
Sanskrit only: no published translation is held for this verse.
<पलितघ्नचूर्णम्> त्रिफला लोहजं चूर्णं रक्तचित्रकजा जटा । च्युतक्षुद्राम्रकं बीजं पालाशं क्षुद्रदुग्धिका
<palitaghnacūrṇam> triphalā lohajaṃ cūrṇaṃ raktacitrakajā jaṭā / cyutakṣudrāmrakaṃ bījaṃ pālāśaṃ kṣudradugdhikā
Sanskrit only: no published translation is held for this verse.
एतदष्टकमादाय पृथक् पञ्चपलोन्मितम् । मिश्रयित्वा पलाशस्य सर्वाङ्गरसभावितम्
etadaṣṭakamādāya pṛthak pañcapalonmitam / miśrayitvā palāśasya sarvāṅgarasabhāvitam
Sanskrit only: no published translation is held for this verse.
महाकालजबीजानां भागत्रयमथाहरेत् । भागं कृष्णतिलस्यैकं मिश्रयित्वा निपीडयेत्
mahākālajabījānāṃ bhāgatrayamathāharet / bhāgaṃ kṛṣṇatilasyaikaṃ miśrayitvā nipīḍayet
Sanskrit only: no published translation is held for this verse.
तेन तैलेन तच्चूर्णं पिण्डीकार्यं विमर्दनात् । स्निग्धे भाण्डे तदाधाय शरावेण निरोधयेत्
tena tailena taccūrṇaṃ piṇḍīkāryaṃ vimardanāt / snigdhe bhāṇḍe tadādhāya śarāveṇa nirodhayet
Sanskrit only: no published translation is held for this verse.
लिप्त्वा तदाशु धान्ये च पललौघे निधापयेत् । मासमात्रात्समाहृत्य पूजयित्वा शिवं शिवम्
liptvā tadāśu dhānye ca palalaughe nidhāpayet / māsamātrātsamāhṛtya pūjayitvā śivaṃ śivam
Sanskrit only: no published translation is held for this verse.
तोलैकं भक्षयेत्प्रातस्तोलैकं भोजनोपरि । एवं मासत्रयाभ्यासात्पलितं हन्त्यसंशयम् । वर्षैकेन जरां हत्वा मृत्युं जयति मानवः
tolaikaṃ bhakṣayetprātastolaikaṃ bhojanopari / evaṃ māsatrayābhyāsātpalitaṃ hantyasaṃśayam / varṣaikena jarāṃ hatvā mṛtyuṃ jayati mānavaḥ
Sanskrit only: no published translation is held for this verse.
<कामिनीमदनिधूननरसः> कज्जलीकृतसुगन्धकशम्भोस् तुल्यभागकनकस्य बीजम् । मर्दयेत्कनकतैलयुतं स्यात् कामिनीमदविधूनन एषः
<kāminīmadanidhūnanarasaḥ> kajjalīkṛtasugandhakaśambhos tulyabhāgakanakasya bījam / mardayetkanakatailayutaṃ syāt kāminīmadavidhūnana eṣaḥ
Sanskrit only: no published translation is held for this verse.
अस्य वल्लयुगलं ससितं चेत् सेवितं हरति मेहगणौघम् । वीर्यदार्ढ्यकरणं कमनीयं द्रावणं निधुवने वनितानाम्
asya vallayugalaṃ sasitaṃ cet sevitaṃ harati mehagaṇaugham / vīryadārḍhyakaraṇaṃ kamanīyaṃ drāvaṇaṃ nidhuvane vanitānām
Sanskrit only: no published translation is held for this verse.
<चतुर्मुखरसः> रसगन्धकलौहाभ्रं समं सूताङ्घ्रि हेम च । सर्वं खल्वतले क्षिप्त्वा कन्यास्वरसमर्दितम्
<caturmukharasaḥ> rasagandhakalauhābhraṃ samaṃ sūtāṅghri hema ca / sarvaṃ khalvatale kṣiptvā kanyāsvarasamarditam
Sanskrit only: no published translation is held for this verse.
त्रिफलातुलसीब्राह्मीरसैश्चानु विमर्दयेत् । एरण्डपत्रैरावेष्ट्य धान्यराशौ दिनत्रयम्
triphalātulasībrāhmīrasaiścānu vimardayet / eraṇḍapatrairāveṣṭya dhānyarāśau dinatrayam
Sanskrit only: no published translation is held for this verse.
संस्थाप्य च तदुद्धृत्य त्रिफलामधुसंयुतम् । एतद्रसायनवरं सर्वरोगेषु योजयेत्
saṃsthāpya ca taduddhṛtya triphalāmadhusaṃyutam / etadrasāyanavaraṃ sarvarogeṣu yojayet
Sanskrit only: no published translation is held for this verse.
तद्यथाग्निबलं खादेद्वलीपलितनाशनम् । पौष्टिकं बल्यमायुष्यं पुत्रप्रसवकारकम्
tadyathāgnibalaṃ khādedvalīpalitanāśanam / pauṣṭikaṃ balyamāyuṣyaṃ putraprasavakārakam
Sanskrit only: no published translation is held for this verse.
क्षयमेकादशविधं कासं पञ्चविधं तथा । कुष्ठमष्टादशविधं पाण्डुरोगान् प्रमेहकान्
kṣayamekādaśavidhaṃ kāsaṃ pañcavidhaṃ tathā / kuṣṭhamaṣṭādaśavidhaṃ pāṇḍurogān pramehakān
Sanskrit only: no published translation is held for this verse.
शूलं श्वासं च हिक्कां च मन्दाग्निं चाम्लपित्तकम् । व्रणान् सर्वानामवातं विसर्पं विद्रधिं तथा
śūlaṃ śvāsaṃ ca hikkāṃ ca mandāgniṃ cāmlapittakam / vraṇān sarvānāmavātaṃ visarpaṃ vidradhiṃ tathā
Sanskrit only: no published translation is held for this verse.
अपस्मारं महोन्मादं सर्वार्शांसि त्वगामयान् । क्रमेण शीलितं हन्ति वृक्षमिन्द्राशनिर्यथा । चतुर्मुखेन देवेन कृष्णात्रेयाय सूचितम्
apasmāraṃ mahonmādaṃ sarvārśāṃsi tvagāmayān / krameṇa śīlitaṃ hanti vṛkṣamindrāśaniryathā / caturmukhena devena kṛṣṇātreyāya sūcitam
Sanskrit only: no published translation is held for this verse.
<गन्धलौह> गन्धं लौहं भस्म मध्वाज्ययुक्तं सेव्यं वर्षं वारिणा त्रैफलेन । शुक्ले केशे कालिमा दिव्यदृष्टिः पुष्टिवीर्यं जायते दीर्घमायुः
<gandhalauha> gandhaṃ lauhaṃ bhasma madhvājyayuktaṃ sevyaṃ varṣaṃ vāriṇā traiphalena / śukle keśe kālimā divyadṛṣṭiḥ puṣṭivīryaṃ jāyate dīrghamāyuḥ
Sanskrit only: no published translation is held for this verse.
<सिद्धलक्ष्मीश्वररसः> अष्टांशहेम्नि हरजे शिखिमूषिकायां संजार्य षड्गुणबलिं क्रमशो ऽधिकं च । ऊर्ध्वं पयोऽग्निम् अधरे विनिधाय धीराः सिद्धीः समग्रमतुलाः स्वकरे कुरुध्वम्
<siddhalakṣmīśvararasaḥ> aṣṭāṃśahemni haraje śikhimūṣikāyāṃ saṃjārya ṣaḍguṇabaliṃ kramaśo 'dhikaṃ ca / ūrdhvaṃ payo'gnim adhare vinidhāya dhīrāḥ siddhīḥ samagramatulāḥ svakare kurudhvam
Sanskrit only: no published translation is held for this verse.
<वह्निसिद्धरसः> लौहं गन्धं टङ्कणं भ्रामयित्वा सार्धस् तस्मिन् सूतकोऽन्यश्च गन्धः । कन्याम्भोभिर् मर्दितः काचकूप्यां क्षिप्तो वह्णौ सिद्धये वह्णिसिद्धः
<vahnisiddharasaḥ> lauhaṃ gandhaṃ ṭaṅkaṇaṃ bhrāmayitvā sārdhas tasmin sūtako'nyaśca gandhaḥ / kanyāmbhobhir marditaḥ kācakūpyāṃ kṣipto vahṇau siddhaye vahṇisiddhaḥ
Sanskrit only: no published translation is held for this verse.