यथा नवमे - कृष्णः (सहर्षम्) सुकण्ठिके! बाढम् अस्मिन्न् अर्थे दुष्करस् ते मया निष्क्रयः । अत्र श्री-कृष्णस्य प्रसादः स्पष्ट एव । अथानन्दः - आनन्दोऽभीष्ट-सम्प्राप्तिः॥। यथा तत्रैव दशमे - नयनयोः स्तनयोर् अपि युग्मतः परिपतद्भिर् असौ पयसाञ्झिरैः । अहह वल्लव-राज-गृहेश्वरी स्वतनयं प्रणयाद् अभिषिञ्चति ॥(१०।१४)॥ अत्र यशोदाया आनन्दः । यथा वा तत्रैव - कृष्णः (सानन्दम्) चिरेणाद्य गोकुल-वासिनाम् इवात्मानम् अभिमन्यमानः प्रमोद-मुग्धोऽस्मि । अत्र कृष्णस्यानन्दः । अथ समयः - समयो दुःख-सङ्क्षयः
yathā navame - kṛṣṇaḥ (saharṣam) sukaṇṭhike! bāḍham asminn arthe duṣkaras te mayā niṣkrayaḥ | atra śrī-kṛṣṇasya prasādaḥ spaṣṭa eva | athānandaḥ - ānando'bhīṣṭa-samprāptiḥ... yathā tatraiva daśame - nayanayoḥ stanayor api yugmataḥ paripatadbhir asau payasāñjhiraiḥ | ahaha vallava-rāja-gṛheśvarī svatanayaṃ praṇayād abhiṣiñcati ||(10.14)|| atra yaśodāyā ānandaḥ | yathā vā tatraiva - kṛṣṇaḥ (sānandam) cireṇādya gokula-vāsinām ivātmānam abhimanyamānaḥ pramoda-mugdho'smi | atra kṛṣṇasyānandaḥ | atha samayaḥ - samayo duḥkha-saṅkṣayaḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.