यथा - वयं बालास् तुल्यैः सह रचयितुं युद्धम् उचितं पुरो यूयं मल्लाः प्रकटित-करालाचल-रुचः । मदेनोन्मत्तानां मृदुल-तनुभिः कः कलभकैः करीन्द्राणां धीरः परिणमन-रङ्गं रचयति ॥ अवितथम् असि बालः काल-रूपं विभिन्दन् द्विरद-पतिम् उदग्रं बाल-विक्रीडयैव । इह किल भुज-युद्ध-प्रस्तुतेर् उच्चलेयं तव तनु-कृत-सख्या साक्षिणी बाल-राजिः ॥ अथोत्थापकः - प्रेरणं यत् परस्यादौ युद्धायोत्थापकस् तु सः । यथा - लुञ्छन्न् अस्मि पुरस् त्रिविष्टप-पुरी-सौभाग्य-सार-श्र्यं गीर्वाण्श्वर-पारिजातम् अमरीकन्दर्प-सन्दर्पदम् । पौलोमी-कुच-कुम्भकेलि-मकरी-व्यापार-वैज्ञानिकः पाणिस् तेन हि दक्षिणः कथम् असुअ दम्भोलिम् उद्यच्-छते ॥ अथ सङ्घात्यः - प्रभाव-मन्त्र-देवाद्यैः सङ्घात्यः सङ्घ-भेदनम्
yathā - vayaṃ bālās tulyaiḥ saha racayituṃ yuddham ucitaṃ puro yūyaṃ mallāḥ prakaṭita-karālācala-rucaḥ | madenonmattānāṃ mṛdula-tanubhiḥ kaḥ kalabhakaiḥ karīndrāṇāṃ dhīraḥ pariṇamana-raṅgaṃ racayati || avitatham asi bālaḥ kāla-rūpaṃ vibhindan dvirada-patim udagraṃ bāla-vikrīḍayaiva | iha kila bhuja-yuddha-prastuter uccaleyaṃ tava tanu-kṛta-sakhyā sākṣiṇī bāla-rājiḥ || athotthāpakaḥ - preraṇaṃ yat parasyādau yuddhāyotthāpakas tu saḥ | yathā - luñchann asmi puras triviṣṭapa-purī-saubhāgya-sāra-śryaṃ gīrvāṇśvara-pārijātam amarīkandarpa-sandarpadam | paulomī-kuca-kumbhakeli-makarī-vyāpāra-vaijñānikaḥ pāṇis tena hi dakṣiṇaḥ katham asua dambholim udyac-chate || atha saṅghātyaḥ - prabhāva-mantra-devādyaiḥ saṅghātyaḥ saṅgha-bhedanam
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.