Library·Ṛgveda Saṃhitā·1·1.126
अमन्दान् स्तोमान् प्र भरे मनीषा सिन्धाव् अधि क्षियतो भाव्यस्य । यो मे सहस्रम् अमिमीत सवान् अतूर्तो राजा श्रव इच्छमानः ॥
amandān stomān pra bhare manīṣā sindhāv adhi kṣiyato bhāvyasya | yo me sahasram amimīta savān atūrto rājā śrava icchamānaḥ ||
With wisdom I present these lively praises of Bhavya dweller on the bank of Sindhu; For he, unconquered King, desiring glory, hath furnished me a thousand sacrifices.
Translated by Ralph T. H. Griffith (1896)
शतं राज्ञो नाधमानस्य निष्काञ् छतम् अश्वान् प्रयतान् सद्य आदम् । शतं कक्षीवां असुरस्य गोनां दिवि श्रवो ऽजरम् आ ततान ॥
śataṃ rājño nādhamānasya niṣkāñ chatam aśvān prayatān sadya ādam | śataṃ kakṣīvāṃ asurasya gonāṃ divi śravo 'jaram ā tatāna ||
A hundred necklets from the King, beseeching, a hundred gift-steeds I at once accepted; Of the lord's cows a thousand, I Kaksivan. His deathless glory hath he spread to heaven.
Translated by Ralph T. H. Griffith (1896)
उप मा श्यावाः स्वनयेन दत्ता वधूमन्तो दश रथासो अस्थुः । षष्टिः सहस्रम् अनु गव्यम् आगात् सनत् कक्षीवां अभिपित्वे अह्नाम् ॥
upa mā śyāvāḥ svanayena dattā vadhūmanto daśa rathāso asthuḥ | ṣaṣṭiḥ sahasram anu gavyam āgāt sanat kakṣīvāṃ abhipitve ahnām ||
Horses of dusky colour stood beside me, ten chariots, Svanaya's gift, with mares to draw them. Kine numbering sixty thousand followed after. Kaksivan gained them when the days were closing.
Translated by Ralph T. H. Griffith (1896)
चत्वारिंशद् दशरथस्य शोणाः सहस्रस्याग्रे श्रेणिं नयन्ति । मदच्युतः कृशनावतो अत्यान् कक्षीवन्त उद् अमृक्षन्त पज्राः ॥
catvāriṃśad daśarathasya śoṇāḥ sahasrasyāgre śreṇiṃ nayanti | madacyutaḥ kṛśanāvato atyān kakṣīvanta ud amṛkṣanta pajrāḥ ||
Forty bay horses of the ten cars' master before a thousand lead the long procession. Reeling in joy Kaksivan's sons and Pajra's have grounded the coursers decked with pearly trappings.
Translated by Ralph T. H. Griffith (1896)
पूर्वाम् अनु प्रयतिम् आ ददे वस् त्रीन् युक्तां अष्टाव् अरिधायसो गाः । सुबन्धवो ये विश्या इव व्रा अनस्वन्तः श्रव ऐषन्त पज्राः ॥
pūrvām anu prayatim ā dade vas trīn yuktāṃ aṣṭāv aridhāyaso gāḥ | subandhavo ye viśyā iva vrā anasvantaḥ śrava aiṣanta pajrāḥ ||
An earlier gift for you have I accepted eight cows, good milkers, and three harnessed horses, Pajras, who with your wains with your great kinsman, like troops of subjects, have been fain for glory.
Translated by Ralph T. H. Griffith (1896)
आगधिता परिगधिता या कशीकेव जङ्गहे । ददाति मह्यं यादुरी याशूनाम् भोज्या शता ॥
āgadhitā parigadhitā yā kaśīkeva jaṅgahe | dadāti mahyaṃ yādurī yāśūnām bhojyā śatā ||
[Ille loquitur]. Adhaerens, arcte adhaerens, illa quae mustelae similis se abdidit, multum humorem effundens, dat mihi complexuum centum gaudia.
Translated by Ralph T. H. Griffith (1896)
उपोप मे परा मृश मा मे दभ्राणि मन्यथाः । सर्वाहम् अस्मि रोमशा गन्धारीणाम् इवाविका ॥
upopa me parā mṛśa mā me dabhrāṇi manyathāḥ | sarvāham asmi romaśā gandhārīṇām ivāvikā ||
[Ille loquitur]. Prope, prope accede; molliter me tange. Ne putes pilos corporis mei-paucos esse: tota sum villosa sicut Gandharium ovis.
Translated by Ralph T. H. Griffith (1896)