Library·Ṛgveda Saṃhitā·1·1.36
प्र वो यह्वम् पुरूणां विशां देवयतीनाम् । अग्निं सूक्तेभिर् वचोभिर् ईमहे यं सीम् इद् अन्य ईळते ॥
pra vo yahvam purūṇāṃ viśāṃ devayatīnām | agniṃ sūktebhir vacobhir īmahe yaṃ sīm id anya īḷate ||
With words sent forth in holy hymns, Agni we supplicate, the Lord Of many families who duly serve the Gods, yea, him whom others also praise.
Translated by Ralph T. H. Griffith (1896)
जनासो अग्निं दधिरे सहोवृधं हविष्मन्तो विधेम ते । स त्वं नो अद्य सुमना इहाविता भवा वाजेषु सन्त्य ॥
janāso agniṃ dadhire sahovṛdhaṃ haviṣmanto vidhema te | sa tvaṃ no adya sumanā ihāvitā bhavā vājeṣu santya ||
Men have won Agni, him who makes their strength abound: we, with oblations, worship thee. Our gracious-minded Helper in our deeds of might, be thou, O Excellent, this day.
Translated by Ralph T. H. Griffith (1896)
प्र त्वा दूतं वृणीमहे होतारं विश्ववेदसम् । महस् ते सतो वि चरन्त्य् अर्चयो दिवि स्पृशन्ति भानवः ॥
pra tvā dūtaṃ vṛṇīmahe hotāraṃ viśvavedasam | mahas te sato vi caranty arcayo divi spṛśanti bhānavaḥ ||
Thee for our messenger we choose, thee, the Omniscient, for our Priest. The flames of thee the mighty are spread wide around: thy splendour reaches to the sky.
Translated by Ralph T. H. Griffith (1896)
देवासस् त्वा वरुणो मित्रो अर्यमा सं दूतम् प्रत्नम् इन्धते । विश्वं सो अग्ने जयति त्वया धनं यस् ते ददाश मर्त्यः ॥
devāsas tvā varuṇo mitro aryamā saṃ dūtam pratnam indhate | viśvaṃ so agne jayati tvayā dhanaṃ yas te dadāśa martyaḥ ||
The Gods enkindle thee their ancient messenger,--Varuna, Mitra, Aryaman. That mortal man, O Agni, gains through thee all wealth, who hath poured offerings unto thee.
Translated by Ralph T. H. Griffith (1896)
मन्द्रो होता गृहपतिर् अग्ने दूतो विशाम् असि । त्वे विश्वा संगतानि व्रता ध्रुवा यानि देवा अकृण्वत ॥
mandro hotā gṛhapatir agne dūto viśām asi | tve viśvā saṃgatāni vratā dhruvā yāni devā akṛṇvata ||
Thou, Agni, art a cheering Priest, Lord of the House, men's messenger: All constant high decrees established by the Gods, gathered together, meet in thee.
Translated by Ralph T. H. Griffith (1896)
त्वे इद् अग्ने सुभगे यविष्ठ्य विश्वम् आ हूयते हविः । स त्वं नो अद्य सुमना उतापरं यक्षि देवान् सुवीर्या ॥
tve id agne subhage yaviṣṭhya viśvam ā hūyate haviḥ | sa tvaṃ no adya sumanā utāparaṃ yakṣi devān suvīryā ||
In thee, the auspicious One, O Agni, youthfullest, each sacred gift is offered up: This day, and after, gracious, worship thou our Gods, that we may have heroic sons.
Translated by Ralph T. H. Griffith (1896)
तं घेम् इत्था नमस्विन उप स्वराजम् आसते । होत्राभिर् अग्निम् मनुषः सम् इन्धते तितिर्वांसो अति स्रिधः ॥
taṃ ghem itthā namasvina upa svarājam āsate | hotrābhir agnim manuṣaḥ sam indhate titirvāṃso ati sridhaḥ ||
To him in his own splendour bright draw near in worship the devout. Men kindle Agni with their sacrificial gifts, victorious o'er the enemies.
Translated by Ralph T. H. Griffith (1896)
घ्नन्तो वृत्रम् अतरन् रोदसी अप उरु क्षयाय चक्रिरे । भुवत् कण्वे वृषा द्युम्न्य् आहुतः क्रन्दद् अश्वो गविष्टिषु ॥
ghnanto vṛtram ataran rodasī apa uru kṣayāya cakrire | bhuvat kaṇve vṛṣā dyumny āhutaḥ krandad aśvo gaviṣṭiṣu ||
Vrtra they smote and slew, and made the earth and heaven and firmament a wide abode. The glorious Bull, invoked, hath stood at Kanva's side: loud neighed the Steed in frays for kine.
Translated by Ralph T. H. Griffith (1896)
सं सीदस्व महां असि शोचस्व देववीतमः । वि धूमम् अग्ने अरुषम् मियेध्य सृज प्रशस्त दर्शतम् ॥
saṃ sīdasva mahāṃ asi śocasva devavītamaḥ | vi dhūmam agne aruṣam miyedhya sṛja praśasta darśatam ||
Seat thee, for thou art mighty; shine, best entertainer of the Gods. Worthy of sacred food, praised Agni! loose the smoke, ruddy and beautiful to see.
Translated by Ralph T. H. Griffith (1896)
यं त्वा देवासो मनवे दधुर् इह यजिष्ठं हव्यवाहन । यं कण्वो मेध्यातिथिर् धनस्पृतं यं वृषा यम् उपस्तुतः ॥
yaṃ tvā devāso manave dadhur iha yajiṣṭhaṃ havyavāhana | yaṃ kaṇvo medhyātithir dhanaspṛtaṃ yaṃ vṛṣā yam upastutaḥ ||
Bearer of offerings, whom, best sacrificing Priest, the Gods for Manu's sake ordained; Whom Kanva, whom Medhyatithi made the source of wealth, and Vrsan and Upastuta.
Translated by Ralph T. H. Griffith (1896)
यम् अग्निम् मेध्यातिथिः कण्व ईध ऋताद् अधि । तस्य प्रेषो दीदियुस् तम् इमा ऋचस् तम् अग्निं वर्धयामसि ॥
yam agnim medhyātithiḥ kaṇva īdha ṛtād adhi | tasya preṣo dīdiyus tam imā ṛcas tam agniṃ vardhayāmasi ||
Him, Agni, whom Medhyatithi, whom Kanva kindled for his rite, Him these our songs of praise, him, Agni, we extol: his powers shine out preeminent.
Translated by Ralph T. H. Griffith (1896)
रायस् पूर्धि स्वधावो ऽस्ति हि ते ऽग्ने देवेष्व् आप्यम् । त्वं वाजस्य श्रुत्यस्य राजसि स नो मृळ महां असि ॥
rāyas pūrdhi svadhāvo 'sti hi te 'gne deveṣv āpyam | tvaṃ vājasya śrutyasya rājasi sa no mṛḷa mahāṃ asi ||
Make our wealth perfect thou, O Agni, Lord divine: for thou hast kinship with the Gods. Thou rulest as a King o'er widely-famous strength: be good to us, for thou art great.
Translated by Ralph T. H. Griffith (1896)
ऊर्ध्व ऊ षु ण ऊतये तिष्ठा देवो न सविता । ऊर्ध्वो वाजस्य सनिता यद् अञ्जिभिर् वाघद्भिर् विह्वयामहे ॥
ūrdhva ū ṣu ṇa ūtaye tiṣṭhā devo na savitā | ūrdhvo vājasya sanitā yad añjibhir vāghadbhir vihvayāmahe ||
Stand up erect to lend us aid, stand up like Savitar the God: Erect as strength-bestower we call aloud, with unguents and with priests, on thee.
Translated by Ralph T. H. Griffith (1896)
ऊर्ध्वो नः पाह्य् अंहसो नि केतुना विश्वं सम् अत्रिणं दह । कृधी न ऊर्ध्वाञ् चरथाय जीवसे विदा देवेषु नो दुवः ॥
ūrdhvo naḥ pāhy aṃhaso ni ketunā viśvaṃ sam atriṇaṃ daha | kṛdhī na ūrdhvāñ carathāya jīvase vidā deveṣu no duvaḥ ||
Erect, preserve us from sore trouble; with thy flame burn thou each ravening demon dead. Raise thou us up that we may walk and live: so thou shalt find our worship mid the Gods.
Translated by Ralph T. H. Griffith (1896)
पाहि नो अग्ने रक्षसः पाहि धूर्तेर् अराव्णः । पाहि रीषत उत वा जिघांसतो बृहद्भानो यविष्ठ्य ॥
pāhi no agne rakṣasaḥ pāhi dhūrter arāvṇaḥ | pāhi rīṣata uta vā jighāṃsato bṛhadbhāno yaviṣṭhya ||
Preserve us, Agni, from the fiend, preserve us from malicious wrong. Save us from him who fain would injure us or slay, Most Youthful, thou with lofty light.
Translated by Ralph T. H. Griffith (1896)
घनेव विष्वग् वि जह्य् अराव्णस् तपुर्जम्भ यो अस्मध्रुक् । यो मर्त्यः शिशीते अत्य् अक्तुभिर् मा नः स रिपुर् ईशत ॥
ghaneva viṣvag vi jahy arāvṇas tapurjambha yo asmadhruk | yo martyaḥ śiśīte aty aktubhir mā naḥ sa ripur īśata ||
Smite down as with a club, thou who hast fire for teeth, smite thou the wicked, right and left. Let not the man who plots against us in the night, nor any foe prevail o'er us.
Translated by Ralph T. H. Griffith (1896)
अग्निर् वव्ने सुवीर्यम् अग्निः कण्वाय सौभगम् । अग्निः प्रावन् मित्रोत मेध्यातिथिम् अग्निः साता उपस्तुतम् ॥
agnir vavne suvīryam agniḥ kaṇvāya saubhagam | agniḥ prāvan mitrota medhyātithim agniḥ sātā upastutam ||
Agni hath given heroic might to Kanva, and felicity: Agni hath helped our friends, hath helped Medhyatithi, hath helped Upastuta to win.
Translated by Ralph T. H. Griffith (1896)
अग्निना तुर्वशं यदुम् परावत उग्रादेवं हवामहे । अग्निर् नयन् नववास्त्वम् बृहद्रथं तुर्वीतिं दस्यवे सहः ॥
agninā turvaśaṃ yadum parāvata ugrādevaṃ havāmahe | agnir nayan navavāstvam bṛhadrathaṃ turvītiṃ dasyave sahaḥ ||
We call on Ugradeva, Yadu, Turvasa, by means of Agni, from afar; Agni, bring Navavastva and Brhadratha, Turviti, to subdue the foe.
Translated by Ralph T. H. Griffith (1896)
नि त्वाम् अग्ने मनुर् दधे ज्योतिर् जनाय शश्वते । दीदेथ कण्व ऋतजात उक्षितो यं नमस्यन्ति कृष्टयः ॥
ni tvām agne manur dadhe jyotir janāya śaśvate | dīdetha kaṇva ṛtajāta ukṣito yaṃ namasyanti kṛṣṭayaḥ ||
Manu hath stablished thee a light, Agni, for all the race of men: Sprung from the Law, oil-fed, for Kanva hast thou blazed, thou whom the people reverence.
Translated by Ralph T. H. Griffith (1896)
त्वेषासो अग्नेर् अमवन्तो अर्चयो भीमासो न प्रतीतये । रक्षस्विनः सदम् इद् यातुमावतो विश्वं सम् अत्रिणं दह ॥
tveṣāso agner amavanto arcayo bhīmāso na pratītaye | rakṣasvinaḥ sadam id yātumāvato viśvaṃ sam atriṇaṃ daha ||
The flames of Agni full of splendour and of might are fearful, not to be approached. Consume for ever all demons and sorcerers, consume thou each devouring fiend.
Translated by Ralph T. H. Griffith (1896)