Library·Ṛgveda Saṃhitā·1·1.40
उत् तिष्ठ ब्रह्मणस् पते देवयन्तस् त्वेमहे । उप प्र यन्तु मरुतः सुदानव इन्द्र प्राशूर् भवा सचा ॥
ut tiṣṭha brahmaṇas pate devayantas tvemahe | upa pra yantu marutaḥ sudānava indra prāśūr bhavā sacā ||
O BRAMANASPATI, stand up: God-serving men we pray to thee. May they who give good gifts, the Maruts, come to us. Indra, most swift, be thou with them.
Translated by Ralph T. H. Griffith (1896)
त्वाम् इद् धि सहसस् पुत्र मर्त्य उपब्रूते धने हिते । सुवीर्यम् मरुत आ स्वश्व्यं दधीत यो व आचके ॥
tvām id dhi sahasas putra martya upabrūte dhane hite | suvīryam maruta ā svaśvyaṃ dadhīta yo va ācake ||
O Son of Strength, each mortal calls to thee for aid when spoil of battle waits for him. O Maruts, may this man who loves you well obtain wealth of good steeds and hero might.
Translated by Ralph T. H. Griffith (1896)
प्रैतु ब्रह्मणस् पतिः प्र देव्य् एतु सूनृता । अच्छा वीरं नर्यम् पङ्क्तिराधसं देवा यज्ञं नयन्तु नः ॥
praitu brahmaṇas patiḥ pra devy etu sūnṛtā | acchā vīraṃ naryam paṅktirādhasaṃ devā yajñaṃ nayantu naḥ ||
May Brahmanaspati draw nigh, may Sunrta the Goddess come, And Gods bring to this rite which gives the five-fold gift the Hero, lover of mankind.
Translated by Ralph T. H. Griffith (1896)
यो वाघते ददाति सूनरं वसु स धत्ते अक्षिति श्रवः । तस्मा इळां सुवीराम् आ यजामहे सुप्रतूर्तिम् अनेहसम् ॥
yo vāghate dadāti sūnaraṃ vasu sa dhatte akṣiti śravaḥ | tasmā iḷāṃ suvīrām ā yajāmahe supratūrtim anehasam ||
He who bestows a noble guerdon on the priest wins fame that never shall decay. For him we offer sacred hero-giving food, peerless and conquering easily.
Translated by Ralph T. H. Griffith (1896)
प्र नूनम् ब्रह्मणस् पतिर् मन्त्रं वदत्य् उक्थ्यम् । यस्मिन्न् इन्द्रो वरुणो मित्रो अर्यमा देवा ओकांसि चक्रिरे ॥
pra nūnam brahmaṇas patir mantraṃ vadaty ukthyam | yasminn indro varuṇo mitro aryamā devā okāṃsi cakrire ||
Now Brahmanaspati speaks forth aloud the solemn hymn of praise, Wherein Indra and Varuna, Mitra, Aryaman, the Gods, have made their dwelling place.
Translated by Ralph T. H. Griffith (1896)
तम् इद् वोचेमा विदथेषु शम्भुवम् मन्त्रं देवा अनेहसम् । इमां च वाचम् प्रतिहर्यथा नरो विश्वेद् वामा वो अश्नवत् ॥
tam id vocemā vidatheṣu śambhuvam mantraṃ devā anehasam | imāṃ ca vācam pratiharyathā naro viśved vāmā vo aśnavat ||
May we in holy synods, Gods! recite that hymn, peerless, that brings felicity. If you, O Heroes, graciously accept this word, may it obtain all bliss from you.
Translated by Ralph T. H. Griffith (1896)
को देवयन्तम् अश्नवज् जनं को वृक्तबर्हिषम् । प्र-प्र दाश्वान् पस्त्याभिर् अस्थितान्तर्वावत् क्षयं दधे ॥
ko devayantam aśnavaj janaṃ ko vṛktabarhiṣam | pra-pra dāśvān pastyābhir asthitāntarvāvat kṣayaṃ dadhe ||
Who shall approach the pious? who the man whose sacred grass is trimmed? The offerer with his folk advances more and more: he fills his house with precious things.
Translated by Ralph T. H. Griffith (1896)
उप क्षत्रम् पृञ्चीत हन्ति राजभिर् भये चित् सुक्षितिं दधे । नास्य वर्ता न तरुता महाधने नार्भे अस्ति वज्रिणः ॥
upa kṣatram pṛñcīta hanti rājabhir bhaye cit sukṣitiṃ dadhe | nāsya vartā na tarutā mahādhane nārbhe asti vajriṇaḥ ||
He amplifies his lordly might, with kings he slays: e'en mid alarms he dwells secure In great or lesser fight none checks him, none subdues,--the wielder of the thunderbolt.
Translated by Ralph T. H. Griffith (1896)