Library·Ṛgveda Saṃhitā·1·1.96
स प्रत्नथा सहसा जायमानः सद्यः काव्यानि बळ् अधत्त विश्वा । आपश् च मित्रं धिषणा च साधन् देवा अग्निं धारयन् द्रविणोदाम् ॥
sa pratnathā sahasā jāyamānaḥ sadyaḥ kāvyāni baḷ adhatta viśvā | āpaś ca mitraṃ dhiṣaṇā ca sādhan devā agniṃ dhārayan draviṇodām ||
He in the ancient way by strength engendered, lo! straight hath taken to himself all wisdom. The waters and the bowl have made him friendly. The Gods possessed the wealth bestowing Agni.
Translated by Ralph T. H. Griffith (1896)
स पूर्वया निविदा कव्यतायोर् इमाः प्रजा अजनयन् मनूनाम् । विवस्वता चक्षसा द्याम् अपश् च देवा अग्निं धारयन् द्रविणोदाम् ॥
sa pūrvayā nividā kavyatāyor imāḥ prajā ajanayan manūnām | vivasvatā cakṣasā dyām apaś ca devā agniṃ dhārayan draviṇodām ||
At Ayu's ancient call he by his wisdom gave all this progeny of men their being, And, by refulgent light, heaven and the waters. The Gods possessed the wealth bestowing Agni.
Translated by Ralph T. H. Griffith (1896)
तम् ईळत प्रथमं यज्ञसाधं विश आरीर् आहुतम् ऋञ्जसानम् । ऊर्जः पुत्रम् भरतं सृप्रदानुं देवा अग्निं धारयन् द्रविणोदाम् ॥
tam īḷata prathamaṃ yajñasādhaṃ viśa ārīr āhutam ṛñjasānam | ūrjaḥ putram bharataṃ sṛpradānuṃ devā agniṃ dhārayan draviṇodām ||
Praise him, ye Aryan folk, as chief performer of sacrifice adored and ever toiling, Well-tended, Son of Strength, the Constant Giver. The Gods possessed the wealth bestowing Agni.
Translated by Ralph T. H. Griffith (1896)
स मातरिश्वा पुरुवारपुष्टिर् विदद् गातुं तनयाय स्वर्वित् । विशां गोपा जनिता रोदस्योर् देवा अग्निं धारयन् द्रविणोदाम् ॥
sa mātariśvā puruvārapuṣṭir vidad gātuṃ tanayāya svarvit | viśāṃ gopā janitā rodasyor devā agniṃ dhārayan draviṇodām ||
That Matarisvan rich in wealth and treasure, light-winner, finds a pathway for his offspring. Guard of our folk, Father of earth and heaven. The Gods possessed the wealth bestowing Agni.
Translated by Ralph T. H. Griffith (1896)
नक्तोषासा वर्णम् आमेम्याने धापयेते शिशुम् एकं समीची । द्यावाक्षामा रुक्मो अन्तर् वि भाति देवा अग्निं धारयन् द्रविणोदाम् ॥
naktoṣāsā varṇam āmemyāne dhāpayete śiśum ekaṃ samīcī | dyāvākṣāmā rukmo antar vi bhāti devā agniṃ dhārayan draviṇodām ||
Night and Dawn, changing each the other's colour, meeting together suckle one same Infant: Golden between the heaven and earth he shineth. The Gods possessed the wealth bestowing Agni.
Translated by Ralph T. H. Griffith (1896)
रायो बुध्नः संगमनो वसूनां यज्ञस्य केतुर् मन्मसाधनो वेः । अमृतत्वं रक्षमाणास एनं देवा अग्निं धारयन् द्रविणोदाम् ॥
rāyo budhnaḥ saṃgamano vasūnāṃ yajñasya ketur manmasādhano veḥ | amṛtatvaṃ rakṣamāṇāsa enaṃ devā agniṃ dhārayan draviṇodām ||
Root of wealth, gathering-place of treasures, banner of sacrifice, who grants the suppliant's wishes: Preserving him as their own life immortal, the Gods possessed the wealth-bestowing Agni.
Translated by Ralph T. H. Griffith (1896)
नू च पुरा च सदनं रयीणां जातस्य च जायमानस्य च क्षाम् । सतश् च गोपाम् भवतश् च भूरेर् देवा अग्निं धारयन् द्रविणोदाम् ॥
nū ca purā ca sadanaṃ rayīṇāṃ jātasya ca jāyamānasya ca kṣām | sataś ca gopām bhavataś ca bhūrer devā agniṃ dhārayan draviṇodām ||
Now and of old the home of wealth, the mansion of what is born and what was born aforetime, Guard of what is and what will be hereafter,--the Gods possessed the wealth bestowing Agni.
Translated by Ralph T. H. Griffith (1896)
द्रविणोदा द्रविणसस् तुरस्य द्रविणोदाः सनरस्य प्र यंसत् । द्रविणोदा वीरवतीम् इषं नो द्रविणोदा रासते दीर्घम् आयुः ॥
draviṇodā draviṇasas turasya draviṇodāḥ sanarasya pra yaṃsat | draviṇodā vīravatīm iṣaṃ no draviṇodā rāsate dīrgham āyuḥ ||
May the Wealth-Giver grant us conquering riches; may the Wealth-Giver grant us wealth with heroes. May the Wealth-Giver grant us food with offspring, and length of days may the Wealth-Giver send us.
Translated by Ralph T. H. Griffith (1896)
एवा नो अग्ने समिधा वृधानो रेवत् पावक श्रवसे वि भाहि । तन् नो मित्रो वरुणो मामहन्ताम् अदितिः सिन्धुः पृथिवी उत द्यौः ॥
evā no agne samidhā vṛdhāno revat pāvaka śravase vi bhāhi | tan no mitro varuṇo māmahantām aditiḥ sindhuḥ pṛthivī uta dyauḥ ||
Fed with our fuel, purifying Agni, so blaze to us auspiciously for glory. This prayer of ours may Varuna grant, and Mitra, and Aditi and Sindhu, Earth and Heaven.
Translated by Ralph T. H. Griffith (1896)