Library·Ṛgveda Saṃhitā·10·10.8
प्र केतुना बृहता यात्य् अग्निर् आ रोदसी वृषभो रोरवीति । दिवश् चिद् अन्तां उपमां उद् आनळ् अपाम् उपस्थे महिषो ववर्ध ॥
pra ketunā bṛhatā yāty agnir ā rodasī vṛṣabho roravīti | divaś cid antāṃ upamāṃ ud ānaḷ apām upasthe mahiṣo vavardha ||
Agni advances with his lofty banner: the Bull is bellowing to the earth and heavens. He hath attained the sky's supremest limits. the Steer hath waxen in the lap of waters.
Translated by Ralph T. H. Griffith (1896)
मुमोद गर्भो वृषभः ककुद्मान् अस्रेमा वत्सः शिमीवां अरावीत् । स देवतात्य् उद्यतानि कृण्वन् स्वेषु क्षयेषु प्रथमो जिगाति ॥
mumoda garbho vṛṣabhaḥ kakudmān asremā vatsaḥ śimīvāṃ arāvīt | sa devatāty udyatāni kṛṇvan sveṣu kṣayeṣu prathamo jigāti ||
The Bull, the youngling with the hump, hath frolicked, the strong and never-ceasing Calf hath bellowed. Bringing our offerings to the God's assembly, he moves as Chief in his own dwelling-places.
Translated by Ralph T. H. Griffith (1896)
आ यो मूर्धानम् पित्रोर् अरब्ध न्य् अध्वरे दधिरे सूरो अर्णः । अस्य पत्मन्न् अरुषीर् अश्वबुध्ना ऋतस्य योनौ तन्वो जुषन्त ॥
ā yo mūrdhānam pitror arabdha ny adhvare dadhire sūro arṇaḥ | asya patmann aruṣīr aśvabudhnā ṛtasya yonau tanvo juṣanta ||
Him who hath grasped his Parents' head, they stablished at sacrifice a wave of heavenly lustre. In his swift flight the red Dawns borne by horses refresh their bodies in the home of Order.
Translated by Ralph T. H. Griffith (1896)
उष-उषो हि वसो अग्रम् एषि त्वं यमयोर् अभवो विभावा । ऋताय सप्त दधिषे पदानि जनयन् मित्रं तन्वे स्वायै ॥
uṣa-uṣo hi vaso agram eṣi tvaṃ yamayor abhavo vibhāvā | ṛtāya sapta dadhiṣe padāni janayan mitraṃ tanve svāyai ||
For, Vasu thou precedest every Morning, and still hast been the Twins' illuminator. For sacrifice, seven places thou retainest while for thine own self thou engenderest Mitra.
Translated by Ralph T. H. Griffith (1896)
भुवश् चक्षुर् मह ऋतस्य गोपा भुवो वरुणो यद् ऋताय वेषि । भुवो अपां नपाज् जातवेदो भुवो दूतो यस्य हव्यं जुजोषः ॥
bhuvaś cakṣur maha ṛtasya gopā bhuvo varuṇo yad ṛtāya veṣi | bhuvo apāṃ napāj jātavedo bhuvo dūto yasya havyaṃ jujoṣaḥ ||
Thou art the Eye and Guard of mighty Order, and Varuna when to sacrifice thou comest. Thou art the Waters' Child O Jatavedas, envoy of him whose offering thou acceptest.
Translated by Ralph T. H. Griffith (1896)
भुवो यज्ञस्य रजसश् च नेता यत्रा नियुद्भिः सचसे शिवाभिः । दिवि मूर्धानं दधिषे स्वर्षां जिह्वाम् अग्ने चकृषे हव्यवाहम् ॥
bhuvo yajñasya rajasaś ca netā yatrā niyudbhiḥ sacase śivābhiḥ | divi mūrdhānaṃ dadhiṣe svarṣāṃ jihvām agne cakṛṣe havyavāham ||
Thou art the Leader of the rite and region, to which with thine auspicious teams thou leadest, Thy light-bestowing head to heaven thou liftest, making thy tongue the oblationbearer, Agni.
Translated by Ralph T. H. Griffith (1896)
अस्य त्रितः क्रतुना वव्रे अन्तर् इच्छन् धीतिम् पितुर् एवैः परस्य । सचस्यमानः पित्रोर् उपस्थे जामि ब्रुवाण आयुधानि वेति ॥
asya tritaḥ kratunā vavre antar icchan dhītim pitur evaiḥ parasya | sacasyamānaḥ pitror upasthe jāmi bruvāṇa āyudhāni veti ||
Through his wise insight Trita in the cavern, seeking as ever the Chief Sire's intention, Carefully tended in his Parents' bosom, calling the weapons kin, goes forth to combat.
Translated by Ralph T. H. Griffith (1896)
स पित्र्याण्य् आयुधानि विद्वान् इन्द्रेषित आप्त्यो अभ्य् अयुध्यत् । त्रिशीर्षाणं सप्तरश्मिं जघन्वान् त्वाष्ट्रस्य चिन् निः ससृजे त्रितो गाः ॥
sa pitryāṇy āyudhāni vidvān indreṣita āptyo abhy ayudhyat | triśīrṣāṇaṃ saptaraśmiṃ jaghanvān tvāṣṭrasya cin niḥ sasṛje trito gāḥ ||
Well-skilled to use the weapons of his Father, Aptya, urged on by Indra, fought the battle. Then Trita slew the foe seven-rayed, three-headed, and freed the cattle of the Son of Tvastar.
Translated by Ralph T. H. Griffith (1896)
भूरीद् इन्द्र उदिनक्षन्तम् ओजो ऽवाभिनत् सत्पतिर् मन्यमानम् । त्वाष्ट्रस्य चिद् विश्वरूपस्य गोनाम् आचक्राणस् त्रीणि शीर्षा परा वर्क् ॥
bhūrīd indra udinakṣantam ojo 'vābhinat satpatir manyamānam | tvāṣṭrasya cid viśvarūpasya gonām ācakrāṇas trīṇi śīrṣā parā vark ||
Lord of the brave, Indra cleft him in pieces who sought to gain much strength and deemed him mighty. He smote his three heads from his body, seizing the cattle of the omniform Son of Tvastar.
Translated by Ralph T. H. Griffith (1896)