Library·Ṛgveda Saṃhitā·2·2.11
श्रुधी हवम् इन्द्र मा रिषण्यः स्याम ते दावने वसूनाम् । इमा हि त्वाम् ऊर्जो वर्धयन्ति वसूयवः सिन्धवो न क्षरन्तः ॥
śrudhī havam indra mā riṣaṇyaḥ syāma te dāvane vasūnām | imā hi tvām ūrjo vardhayanti vasūyavaḥ sindhavo na kṣarantaḥ ||
Hear thou my call, O Indra; be not heedless: thine may we be for thee to give us treasures; For these presented viands, seeking riches, increase thy strength like streams of water flowing.
Translated by Ralph T. H. Griffith (1896)
सृजो महीर् इन्द्र या अपिन्वः परिष्ठिता अहिना शूर पूर्वीः । अमर्त्यं चिद् दासम् मन्यमानम् अवाभिनद् उक्थैर् वावृधानः ॥
sṛjo mahīr indra yā apinvaḥ pariṣṭhitā ahinā śūra pūrvīḥ | amartyaṃ cid dāsam manyamānam avābhinad ukthair vāvṛdhānaḥ ||
Floods great and many, compassed by the Dragon, thou badest swell and settest free, O Hero. Strengthened by songs of praise thou rentest piecemeal the Dasa, him who deemed himself immortal.
Translated by Ralph T. H. Griffith (1896)
उक्थेष्व् इन् नु शूर येषु चाकन् स्तोमेष्व् इन्द्र रुद्रियेषु च । तुभ्येद् एता यासु मन्दसानः प्र वायवे सिस्रते न शुभ्राः ॥
uktheṣv in nu śūra yeṣu cākan stomeṣv indra rudriyeṣu ca | tubhyed etā yāsu mandasānaḥ pra vāyave sisrate na śubhrāḥ ||
For, Hero, in the lauds wherein thou joyedst, in hymns of praise, O Indra, songs of Rudras, These streams in which is thy delight approach thee, even as the brilliant ones draw near to Vayu.
Translated by Ralph T. H. Griffith (1896)
शुभ्रं नु ते शुष्मं वर्धयन्तः शुभ्रं वज्रम् बाह्वोर् दधानाः । शुभ्रस् त्वम् इन्द्र वावृधानो अस्मे दासीर् विशः सूर्येण सह्याः ॥
śubhraṃ nu te śuṣmaṃ vardhayantaḥ śubhraṃ vajram bāhvor dadhānāḥ | śubhras tvam indra vāvṛdhāno asme dāsīr viśaḥ sūryeṇa sahyāḥ ||
We who add strength to thine own splendid vigour, laying within thine arms the splendid thunder- With us mayst thou, O Indra, waxen splendid, with Surya overcome the Dasa races.
Translated by Ralph T. H. Griffith (1896)
गुहा हितं गुह्यं गूळ्हम् अप्स्व् अपीवृतम् मायिनं क्षियन्तम् । उतो अपो द्यां तस्तभ्वांसम् अहन्न् अहिं शूर वीर्येण ॥
guhā hitaṃ guhyaṃ gūḷham apsv apīvṛtam māyinaṃ kṣiyantam | uto apo dyāṃ tastabhvāṃsam ahann ahiṃ śūra vīryeṇa ||
Hero, thou slewest in thy valour Ahi concealed in depths, mysterious, great enchanter, Dwelling enveloped deep within the waters, him who checked heaven and stayed the floods from flowing.
Translated by Ralph T. H. Griffith (1896)
स्तवा नु त इन्द्र पूर्व्या महान्य् उत स्तवाम नूतना कृतानि । स्तवा वज्रम् बाह्वोर् उशन्तं स्तवा हरी सूर्यस्य केतू ॥
stavā nu ta indra pūrvyā mahāny uta stavāma nūtanā kṛtāni | stavā vajram bāhvor uśantaṃ stavā harī sūryasya ketū ||
Indra, we laud thy great deeds wrought aforetime, we laud thine exploits later of achievement; We laud the bolt that in thine arms lies eager; we laud thy two Bay Steeds, heralds of Surya.
Translated by Ralph T. H. Griffith (1896)
हरी नु त इन्द्र वाजयन्ता घृतश्चुतं स्वारम् अस्वार्ष्टाम् । वि समना भूमिर् अप्रथिष्टारंस्त पर्वतश् चित् सरिष्यन् ॥
harī nu ta indra vājayantā ghṛtaścutaṃ svāram asvārṣṭām | vi samanā bhūmir aprathiṣṭāraṃsta parvataś cit sariṣyan ||
Indra, thy Bay Steeds showing forth their vigour have sent a loud cry out that droppeth fatness. The earth hath spread herself in all her fulness: the cloud that was about to move hath rested.
Translated by Ralph T. H. Griffith (1896)
नि पर्वतः साद्य् अप्रयुच्छन् सम् मातृभिर् वावशानो अक्रान् । दूरे पारे वाणीं वर्धयन्त इन्द्रेषितां धमनिम् पप्रथन् नि ॥
ni parvataḥ sādy aprayucchan sam mātṛbhir vāvaśāno akrān | dūre pāre vāṇīṃ vardhayanta indreṣitāṃ dhamanim paprathan ni ||
Down, never ceasing, hath the rain-cloud settled: bellowing, it hath wandered with the Mothers. Swelling the roar in the far distant limits, they have spread wide the blast sent forth by Indra.
Translated by Ralph T. H. Griffith (1896)
इन्द्रो महां सिन्धुम् आशयानम् मायाविनं वृत्रम् अस्फुरन् निः । अरेजेतां रोदसी भियाने कनिक्रदतो वृष्णो अस्य वज्रात् ॥
indro mahāṃ sindhum āśayānam māyāvinaṃ vṛtram asphuran niḥ | arejetāṃ rodasī bhiyāne kanikradato vṛṣṇo asya vajrāt ||
Indra hath hurled down the magician Vrtra who lay beleaguering the mighty river. Then both the heaven and earth trembled in terror at the strong Hero's thunder when he bellowed.
Translated by Ralph T. H. Griffith (1896)
अरोरवीद् वृष्णो अस्य वज्रो ऽमानुषं यन् मानुषो निजूर्वात् । नि मायिनो दानवस्य माया अपादयत् पपिवान् सुतस्य ॥
aroravīd vṛṣṇo asya vajro 'mānuṣaṃ yan mānuṣo nijūrvāt | ni māyino dānavasya māyā apādayat papivān sutasya ||
Loud roared the mighty Hero's bolt of thunder, when he, the Friend of man, burnt up the monster, And, having drunk his fill of flowing Soma, baffled the guileful Danava's devices.
Translated by Ralph T. H. Griffith (1896)
पिबा-पिबेद् इन्द्र शूर सोमम् मन्दन्तु त्वा मन्दिनः सुतासः । पृणन्तस् ते कुक्षी वर्धयन्त्व् इत्था सुतः पौर इन्द्रम् आव ॥
pibā-pibed indra śūra somam mandantu tvā mandinaḥ sutāsaḥ | pṛṇantas te kukṣī vardhayantv itthā sutaḥ paura indram āva ||
Drink thou, O Hero Indra, drink the Soma; let the joy-giving juices make thee joyful. They, filling both thy flanks, shall swell thy vigour. The juice that satisfies hath helped Indra.
Translated by Ralph T. H. Griffith (1896)
त्वे इन्द्राप्य् अभूम विप्रा धियं वनेम ऋतया सपन्तः । अवस्यवो धीमहि प्रशस्तिं सद्यस् ते रायो दावने स्याम ॥
tve indrāpy abhūma viprā dhiyaṃ vanema ṛtayā sapantaḥ | avasyavo dhīmahi praśastiṃ sadyas te rāyo dāvane syāma ||
Singers have we become with thee, O Indra: may we serve duly and prepare devotion. Seeking thy help we meditate thy praises: may we at once enjoy thy gift of riches.
Translated by Ralph T. H. Griffith (1896)
स्याम ते त इन्द्र ये त ऊती अवस्यव ऊर्जं वर्धयन्तः । शुष्मिन्तमं यं चाकनाम देवास्मे रयिं रासि वीरवन्तम् ॥
syāma te ta indra ye ta ūtī avasyava ūrjaṃ vardhayantaḥ | śuṣmintamaṃ yaṃ cākanāma devāsme rayiṃ rāsi vīravantam ||
May we be thine, such by thy help, O Indra, as swell thy vigour while they seek thy favour. Give us, thou God, the riches that we long for, most powerful, with stare of noble children.
Translated by Ralph T. H. Griffith (1896)
रासि क्षयं रासि मित्रम् अस्मे रासि शर्ध इन्द्र मारुतं नः । सजोषसो ये च मन्दसानाः प्र वायवः पान्त्य् अग्रणीतिम् ॥
rāsi kṣayaṃ rāsi mitram asme rāsi śardha indra mārutaṃ naḥ | sajoṣaso ye ca mandasānāḥ pra vāyavaḥ pānty agraṇītim ||
Give us a friend, give us an habitation; Indra, give us the company of Maruts, And those whose minds accord with theirs, the Vayus, who drink the first libation of the Soma.
Translated by Ralph T. H. Griffith (1896)
व्यन्त्व् इन् नु येषु मन्दसानस् तृपत् सोमम् पाहि द्रह्यद् इन्द्र । अस्मान् सु पृत्स्व् आ तरुत्रावर्धयो द्याम् बृहद्भिर् अर्कैः ॥
vyantv in nu yeṣu mandasānas tṛpat somam pāhi drahyad indra | asmān su pṛtsv ā tarutrāvardhayo dyām bṛhadbhir arkaiḥ ||
Let those enjoy in whom thou art delighted. Indra, drink Soma for thy strength and gladness. Thou hast exalted us to heaven, Preserver, in battles, through the lofty hymns that praise thee.
Translated by Ralph T. H. Griffith (1896)
बृहन्त इन् नु ये ते तरुत्रोक्थेभिर् वा सुम्नम् आविवासान् । स्तृणानासो बर्हिः पस्त्यावत् त्वोता इद् इन्द्र वाजम् अग्मन् ॥
bṛhanta in nu ye te tarutrokthebhir vā sumnam āvivāsān | stṛṇānāso barhiḥ pastyāvat tvotā id indra vājam agman ||
Great, verily, are they, O thou Protector, who by their songs of praise have won the blessing. They who strew sacred grass to be thy dwelling, helped by thee have got them strength, O Indra.
Translated by Ralph T. H. Griffith (1896)
उग्रेष्व् इन् नु शूर मन्दसानस् त्रिकद्रुकेषु पाहि सोमम् इन्द्र । प्रदोधुवच् छ्मश्रुषु प्रीणानो याहि हरिभ्यां सुतस्य पीतिम् ॥
ugreṣv in nu śūra mandasānas trikadrukeṣu pāhi somam indra | pradodhuvac chmaśruṣu prīṇāno yāhi haribhyāṃ sutasya pītim ||
Upon the great Trikadruka days, Hero, rejoicing thee, O Indra, drink the Soma. Come with Bay Steeds to drink of libation, shaking the drops from out thy beard, contented.
Translated by Ralph T. H. Griffith (1896)
धिष्वा शवः शूर येन वृत्रम् अवाभिनद् दानुम् और्णवाभम् । अपावृणोर् ज्योतिर् आर्याय नि सव्यतः सादि दस्युर् इन्द्र ॥
dhiṣvā śavaḥ śūra yena vṛtram avābhinad dānum aurṇavābham | apāvṛṇor jyotir āryāya ni savyataḥ sādi dasyur indra ||
Hero, assume the might wherewith thou clavest Vrtra piecemeal, the Danava Aurnavabha. Thou hast disclosed the light to light the Arya: on thy left hand, O Indra, sank the Dasyu.
Translated by Ralph T. H. Griffith (1896)
सनेम ये त ऊतिभिस् तरन्तो विश्वा स्पृध आर्येण दस्यून् । अस्मभ्यं तत् त्वाष्ट्रं विश्वरूपम् अरन्धयः साख्यस्य त्रिताय ॥
sanema ye ta ūtibhis taranto viśvā spṛdha āryeṇa dasyūn | asmabhyaṃ tat tvāṣṭraṃ viśvarūpam arandhayaḥ sākhyasya tritāya ||
May we gain wealth, subduing with thy succour and with the Arya, all our foes, the Dasyus. Our gain was that to Trta of our party thou gavest up Tvastar's son Visvarupa.
Translated by Ralph T. H. Griffith (1896)
अस्य सुवानस्य मन्दिनस् त्रितस्य न्य् अर्बुदं वावृधानो अस्तः । अवर्तयत् सूर्यो न चक्रम् भिनद् वलम् इन्द्रो अङ्गिरस्वान् ॥
asya suvānasya mandinas tritasya ny arbudaṃ vāvṛdhāno astaḥ | avartayat sūryo na cakram bhinad valam indro aṅgirasvān ||
He cast down Arbuda what time his vigour was strengthened by libations poured by Trta. Indra sent forth his whirling wheel like Surya, and aided by the Angirases rent Vala.
Translated by Ralph T. H. Griffith (1896)
नूनं सा ते प्रति वरं जरित्रे दुहीयद् इन्द्र दक्षिणा मघोनी । शिक्षा स्तोतृभ्यो माति धग् भगो नो बृहद् वदेम विदथे सुवीराः ॥
nūnaṃ sā te prati varaṃ jaritre duhīyad indra dakṣiṇā maghonī | śikṣā stotṛbhyo māti dhag bhago no bṛhad vadema vidathe suvīrāḥ ||
Now let that wealthy Cow of thine, O Indra, yield in return a boon to him who lauds thee. Give to thy praisers: let not fortune fail us. Loud may we speak, with brave men, in the assembly.
Translated by Ralph T. H. Griffith (1896)