Library·Ṛgveda Saṃhitā·2·2.5
होताजनिष्ट चेतनः पिता पितृभ्य ऊतये । प्रयक्षञ् जेन्यं वसु शकेम वाजिनो यमम् ॥
hotājaniṣṭa cetanaḥ pitā pitṛbhya ūtaye | prayakṣañ jenyaṃ vasu śakema vājino yamam ||
Herald and teacher was he born, a guardian for our patrons' help, Earner by rites of noble wealth. That Strong One may we grasp and guide;
Translated by Ralph T. H. Griffith (1896)
आ यस्मिन् सप्त रश्मयस् तता यज्ञस्य नेतरि । मनुष्वद् दैव्यम् अष्टमम् पोता विश्वं तद् इन्वति ॥
ā yasmin sapta raśmayas tatā yajñasya netari | manuṣvad daivyam aṣṭamam potā viśvaṃ tad invati ||
In whom, Leader of sacrifice, the seven reins, far extended, meet; Who furthers, man-like, eighth in place, as Cleanser, all the work divine.
Translated by Ralph T. H. Griffith (1896)
दधन्वे वा यद् ईम् अनु वोचद् ब्रह्माणि वेर् उ तत् । परि विश्वानि काव्या नेमिश् चक्रम् इवाभवत् ॥
dadhanve vā yad īm anu vocad brahmāṇi ver u tat | pari viśvāni kāvyā nemiś cakram ivābhavat ||
When swift he follows this behest, bird-like he chants the holy prayers. He holds all knowledge in his grasp even as the felly rounds the wheel.
Translated by Ralph T. H. Griffith (1896)
साकं हि शुचिना शुचिः प्रशास्ता क्रतुनाजनि । विद्वां अस्य व्रता ध्रुवा वया इवानु रोहते ॥
sākaṃ hi śucinā śuciḥ praśāstā kratunājani | vidvāṃ asya vratā dhruvā vayā ivānu rohate ||
Together with pure mental power, pure, as Director, was he born. Skilled in his own unchanging laws he waxes like the growing boughs.
Translated by Ralph T. H. Griffith (1896)
ता अस्य वर्णम् आयुवो नेष्टुः सचन्त धेनवः । कुवित् तिसृभ्य आ वरं स्वसारो या इदं ययुः ॥
tā asya varṇam āyuvo neṣṭuḥ sacanta dhenavaḥ | kuvit tisṛbhya ā varaṃ svasāro yā idaṃ yayuḥ ||
Clothing them in his hues, the kine of him the Leader wait on him. Is he not better than the Three, the Sisters who have come to us?
Translated by Ralph T. H. Griffith (1896)
यदी मातुर् उप स्वसा घृतम् भरन्त्य् अस्थित । तासाम् अध्वर्युर् आगतौ यवो वृष्टीव मोदते ॥
yadī mātur upa svasā ghṛtam bharanty asthita | tāsām adhvaryur āgatau yavo vṛṣṭīva modate ||
When, laden with the holy oil, the Sister [sic] by the Mother stands, The Priest delights in their approach, as corn at coming of the rain.
Translated by Ralph T. H. Griffith (1896)
स्वः स्वाय धायसे कृणुताम् ऋत्विग् ऋत्विजम् । स्तोमं यज्ञं चाद् अरं वनेमा ररिमा वयम् ॥
svaḥ svāya dhāyase kṛṇutām ṛtvig ṛtvijam | stomaṃ yajñaṃ cād araṃ vanemā rarimā vayam ||
For his support let him perform as ministrant his priestly task; Yea, song of praise and sacrifice: we have bestowed, let us obtain.
Translated by Ralph T. H. Griffith (1896)
यथा विद्वां अरं करद् विश्वेभ्यो यजतेभ्यः । अयम् अग्ने त्वे अपि यं यज्ञं चकृमा वयम् ॥
yathā vidvāṃ araṃ karad viśvebhyo yajatebhyaḥ | ayam agne tve api yaṃ yajñaṃ cakṛmā vayam ||
That so this man well skilled, may pay worship to all the Holy Ones. And, Agni, this our sacrifice which we have here prepared, to thee.
Translated by Ralph T. H. Griffith (1896)