Library·Ṛgveda Saṃhitā·5·5.4
त्वाम् अग्ने वसुपतिं वसूनाम् अभि प्र मन्दे अध्वरेषु राजन् । त्वया वाजं वाजयन्तो जयेमाभि ष्याम पृत्सुतीर् मर्त्यानाम् ॥
tvām agne vasupatiṃ vasūnām abhi pra mande adhvareṣu rājan | tvayā vājaṃ vājayanto jayemābhi ṣyāma pṛtsutīr martyānām ||
O AGNI, King and Lord of wealth and treasures, in thee is my delight at sacrifices. Through thee may we obtain the strength we long for, and overcome the fierce attacks of mortals.
Translated by Ralph T. H. Griffith (1896)
हव्यवाळ् अग्निर् अजरः पिता नो विभुर् विभावा सुदृशीको अस्मे । सुगार्हपत्याः सम् इषो दिदीह्य् अस्मद्र्यक् सम् मिमीहि श्रवांसि ॥
havyavāḷ agnir ajaraḥ pitā no vibhur vibhāvā sudṛśīko asme | sugārhapatyāḥ sam iṣo didīhy asmadryak sam mimīhi śravāṃsi ||
Agni, Eternal Father, offering- bearer, fair to behold, far-reaching, far-refulgent, From well-kept household fire beam food to feed us, and measure out to us abundant glory.
Translated by Ralph T. H. Griffith (1896)
विशां कविं विश्पतिम् मानुषीणां शुचिम् पावकं घृतपृष्ठम् अग्निम् । नि होतारं विश्वविदं दधिध्वे स देवेषु वनते वार्याणि ॥
viśāṃ kaviṃ viśpatim mānuṣīṇāṃ śucim pāvakaṃ ghṛtapṛṣṭham agnim | ni hotāraṃ viśvavidaṃ dadhidhve sa deveṣu vanate vāryāṇi ||
The Sage of men, the Lord of human races, pure, purifying Agni, balmed with butter, Him the Omniscient as your Priest ye stablish: he wins among the Gods things worth the choosing.
Translated by Ralph T. H. Griffith (1896)
जुषस्वाग्न इळया सजोषा यतमानो रश्मिभिः सूर्यस्य । जुषस्व नः समिधं जातवेद आ च देवान् हविरद्याय वक्षि ॥
juṣasvāgna iḷayā sajoṣā yatamāno raśmibhiḥ sūryasya | juṣasva naḥ samidhaṃ jātaveda ā ca devān haviradyāya vakṣi ||
Agni, enjoy, of one accord with Ila, striving in rivalry with beams of Sarya, Enjoy, O Jatavedas, this our fuel, and bring the Gods to us to taste oblations.
Translated by Ralph T. H. Griffith (1896)
जुष्टो दमूना अतिथिर् दुरोण इमं नो यज्ञम् उप याहि विद्वान् । विश्वा अग्ने अभियुजो विहत्या शत्रूयताम् आ भरा भोजनानि ॥
juṣṭo damūnā atithir duroṇa imaṃ no yajñam upa yāhi vidvān | viśvā agne abhiyujo vihatyā śatrūyatām ā bharā bhojanāni ||
As dear House-Friend, guest welcome in the dwelling, to this our sacrifice come thou who knowest. And, Agni, having scattered all assailants, bring to us the possessions of our foemen.
Translated by Ralph T. H. Griffith (1896)
वधेन दस्युम् प्र हि चातयस्व वयः कृण्वानस् तन्वे स्वायै । पिपर्षि यत् सहसस् पुत्र देवान्त् सो अग्ने पाहि नृतम वाजे अस्मान् ॥
vadhena dasyum pra hi cātayasva vayaḥ kṛṇvānas tanve svāyai | piparṣi yat sahasas putra devānt so agne pāhi nṛtama vāje asmān ||
Drive thou away the Dasyu with thy weapon. As, gaining vital power for thine own body, O Son of Strength, the Gods thou satisfiest, so in fight save us, most heroic Agni.
Translated by Ralph T. H. Griffith (1896)
वयं ते अग्न उक्थैर् विधेम वयं हव्यैः पावक भद्रशोचे । अस्मे रयिं विश्ववारं सम् इन्वास्मे विश्वानि द्रविणानि धेहि ॥
vayaṃ te agna ukthair vidhema vayaṃ havyaiḥ pāvaka bhadraśoce | asme rayiṃ viśvavāraṃ sam invāsme viśvāni draviṇāni dhehi ||
May we, O Agni, with our lauds adore thee, and with our gifts, fair-beaming Purifier! Send to us wealth containing all things precious: bestow upon us every sort of riches.
Translated by Ralph T. H. Griffith (1896)
अस्माकम् अग्ने अध्वरं जुषस्व सहसः सूनो त्रिषधस्थ हव्यम् । वयं देवेषु सुकृतः स्याम शर्मणा नस् त्रिवरूथेन पाहि ॥
asmākam agne adhvaraṃ juṣasva sahasaḥ sūno triṣadhastha havyam | vayaṃ deveṣu sukṛtaḥ syāma śarmaṇā nas trivarūthena pāhi ||
Son of Strength, Agni, dweller in three regions, accept our sacrifice and our oblation. Among the Gods may we be counted pious: protect us with a triply-guarding shelter.
Translated by Ralph T. H. Griffith (1896)
विश्वानि नो दुर्गहा जातवेदः सिन्धुं न नावा दुरिताति पर्षि । अग्ने अत्रिवन् नमसा गृणानो ऽस्माकम् बोध्य् अविता तनूनाम् ॥
viśvāni no durgahā jātavedaḥ sindhuṃ na nāvā duritāti parṣi | agne atrivan namasā gṛṇāno 'smākam bodhy avitā tanūnām ||
Over all woes and dangers, Jatavedas, bear us as in a boat across a river. Praised with our homage even as Atri praised thee, O Agni, be the guardian of our bodies.
Translated by Ralph T. H. Griffith (1896)
यस् त्वा हृदा कीरिणा मन्यमानो ऽमर्त्यम् मर्त्यो जोहवीमि । जातवेदो यशो अस्मासु धेहि प्रजाभिर् अग्ने अमृतत्वम् अश्याम् ॥
yas tvā hṛdā kīriṇā manyamāno 'martyam martyo johavīmi | jātavedo yaśo asmāsu dhehi prajābhir agne amṛtatvam aśyām ||
As I, remembering thee with grateful spirit, a mortal, call with might on thee Immortal, Vouchsafe us high renown, O Jatavedas, and may I be immortal by my children.
Translated by Ralph T. H. Griffith (1896)
यस्मै त्वं सुकृते जातवेद उ लोकम् अग्ने कृणवः स्योनम् । अश्विनं स पुत्रिणं वीरवन्तं गोमन्तं रयिं नशते स्वस्ति ॥
yasmai tvaṃ sukṛte jātaveda u lokam agne kṛṇavaḥ syonam | aśvinaṃ sa putriṇaṃ vīravantaṃ gomantaṃ rayiṃ naśate svasti ||
The pious man, O Jatavedas Agni, to whom thou grantest ample room and pleasure, Gaineth abundant wealth with sons and horses, with heroes and with kine for his well-being.
Translated by Ralph T. H. Griffith (1896)