Library·Ṛgveda Saṃhitā·7·7.55
अमीवहा वास्तोष् पते विश्वा रूपाण्य् आविशन् । सखा सुशेव एधि नः ॥
amīvahā vāstoṣ pate viśvā rūpāṇy āviśan | sakhā suśeva edhi naḥ ||
Vastospati, who killest all disease and wearest every form, Be an auspicious Friend to us.
Translated by Ralph T. H. Griffith (1896)
यद् अर्जुन सारमेय दतः पिशङ्ग यच्छसे । वीव भ्राजन्त ऋष्टय उप स्रक्वेषु बप्सतो नि षु स्वप ॥
yad arjuna sārameya dataḥ piśaṅga yacchase | vīva bhrājanta ṛṣṭaya upa srakveṣu bapsato ni ṣu svapa ||
When, O bright Son of Sarama, thou showest, tawny-hued! thy teeth, They gleam like lances' points within thy mouth when thou wouldst bite; go thou to steep.
Translated by Ralph T. H. Griffith (1896)
स्तेनं राय सारमेय तस्करं वा पुनःसर । स्तोतॄन् इन्द्रस्य रायसि किम् अस्मान् दुच्छुनायसे नि षु स्वप ॥
stenaṃ rāya sārameya taskaraṃ vā punaḥsara | stotṝn indrasya rāyasi kim asmān ducchunāyase ni ṣu svapa ||
Sarama's Son, retrace thy way: bark at the robber and the thief. At Indra's singers barkest thou? Why dust thou seek to terrify us? Go to sleep.
Translated by Ralph T. H. Griffith (1896)
त्वं सूकरस्य दर्दृहि तव दर्दर्तु सूकरः । स्तोतॄन् इन्द्रस्य रायसि किम् अस्मान् दुच्छुनायसे नि षु स्वप ॥
tvaṃ sūkarasya dardṛhi tava dardartu sūkaraḥ | stotṝn indrasya rāyasi kim asmān ducchunāyase ni ṣu svapa ||
Be on thy guard against the boar, and let the boar beware of thee. At Indra's singers barkest thou? Why dost thou seek to terrify us? Go to sleep.
Translated by Ralph T. H. Griffith (1896)
सस्तु माता सस्तु पिता सस्तु श्वा सस्तु विश्पतिः । ससन्तु सर्वे ज्ञातयः सस्त्व् अयम् अभितो जनः ॥
sastu mātā sastu pitā sastu śvā sastu viśpatiḥ | sasantu sarve jñātayaḥ sastv ayam abhito janaḥ ||
Sleep mother, let the father sleep, sleep dog and master of the house. Let all the kinsmen sleep, sleep all the people who are round about.
Translated by Ralph T. H. Griffith (1896)
य आस्ते यश् च चरति यश् च पश्यति नो जनः । तेषां सं हन्मो अक्षाणि यथेदं हर्म्यं तथा ॥
ya āste yaś ca carati yaś ca paśyati no janaḥ | teṣāṃ saṃ hanmo akṣāṇi yathedaṃ harmyaṃ tathā ||
The man who sits, the man who walks, and whosoever looks on us, Of these we closely shut the eyes, even as we closely shut this house.
Translated by Ralph T. H. Griffith (1896)
सहस्रशृङ्गो वृषभो यः समुद्राद् उदाचरत् । तेना सहस्येना वयं नि जनान् स्वापयामसि ॥
sahasraśṛṅgo vṛṣabho yaḥ samudrād udācarat | tenā sahasyenā vayaṃ ni janān svāpayāmasi ||
The Bull who hath a thousand horns, who rises up from out the sea,- By him the Strong and Mighty One we lull and make the people sleep.
Translated by Ralph T. H. Griffith (1896)
प्रोष्ठेशया वह्येशया नारीर् यास् तल्पशीवरीः । स्त्रियो याः पुण्यगन्धास् ताः सर्वाः स्वापयामसि ॥
proṣṭheśayā vahyeśayā nārīr yās talpaśīvarīḥ | striyo yāḥ puṇyagandhās tāḥ sarvāḥ svāpayāmasi ||
The women sleeping in the court, lying without, or stretched on beds, The matrons with their odorous sweets these, one and all, we lull to sleep.
Translated by Ralph T. H. Griffith (1896)