Library·Ṛgveda Saṃhitā·7·7.81
प्रत्य् उ अदर्श्य् आयत्य् उच्छन्ती दुहिता दिवः । अपो महि व्ययति चक्षसे तमो ज्योतिष् कृणोति सूनरी ॥
praty u adarśy āyaty ucchantī duhitā divaḥ | apo mahi vyayati cakṣase tamo jyotiṣ kṛṇoti sūnarī ||
Advancing, sending forth her rays, the Daughter of the Sky is seen. Uncovering, that we may see, the mighty gloom, the friendly Lady makes the light.
Translated by Ralph T. H. Griffith (1896)
उद् उस्रियाः सृजते सूर्यः सचां उद्यन् नक्षत्रम् अर्चिवत् । तवेद् उषो व्युषि सूर्यस्य च सम् भक्तेन गमेमहि ॥
ud usriyāḥ sṛjate sūryaḥ sacāṃ udyan nakṣatram arcivat | taved uṣo vyuṣi sūryasya ca sam bhaktena gamemahi ||
The Sun ascending, the refulgent Star, pours down his beams together with the Dawn. O Dawn, at thine arising, and the Sun's, may we attain the share allotted us.
Translated by Ralph T. H. Griffith (1896)
प्रति त्वा दुहितर् दिव उषो जीरा अभुत्स्महि । या वहसि पुरु स्पार्हं वनन्वति रत्नं न दाशुषे मयः ॥
prati tvā duhitar diva uṣo jīrā abhutsmahi | yā vahasi puru spārhaṃ vananvati ratnaṃ na dāśuṣe mayaḥ ||
Promptly we woke to welcome thee, O Usas, Daughter of the Sky, Thee, Bounteous One, who bringest all we long to have, and to the offerer health and wealth.
Translated by Ralph T. H. Griffith (1896)
उच्छन्ती या कृणोषि मंहना महि प्रख्यै देवि स्वर् दृशे । तस्यास् ते रत्नभाज ईमहे वयं स्याम मातुर् न सूनवः ॥
ucchantī yā kṛṇoṣi maṃhanā mahi prakhyai devi svar dṛśe | tasyās te ratnabhāja īmahe vayaṃ syāma mātur na sūnavaḥ ||
Thou, dawning, workest fain to light the great world, yea, heaven, Goddess! that it may be seen. We yearn to be thine own, Dealer of Wealth: may we be to this Mother like her sons.
Translated by Ralph T. H. Griffith (1896)
तच् चित्रं राध आ भरोषो यद् दीर्घश्रुत्तमम् । यत् ते दिवो दुहितर् मर्तभोजनं तद् रास्व भुनजामहै ॥
tac citraṃ rādha ā bharoṣo yad dīrghaśruttamam | yat te divo duhitar martabhojanaṃ tad rāsva bhunajāmahai ||
Bring us that wondrous bounty, Dawn, that shall be famed most far away. What, Child of Heaven, thou hast of nourishment for man, bestow thou on us to enjoy.
Translated by Ralph T. H. Griffith (1896)
श्रवः सूरिभ्यो अमृतं वसुत्वनं वाजां अस्मभ्यं गोमतः । चोदयित्री मघोनः सूनृतावत्य् उषा उच्छद् अप स्रिधः ॥
śravaḥ sūribhyo amṛtaṃ vasutvanaṃ vājāṃ asmabhyaṃ gomataḥ | codayitrī maghonaḥ sūnṛtāvaty uṣā ucchad apa sridhaḥ ||
Give to our princes opulence and immortal fame, and strength in herds of kine to us. May she who prompts the wealthy, Lady of sweet strains, may Usas dawn our foes away.
Translated by Ralph T. H. Griffith (1896)