Library·Ṛgveda Saṃhitā·8·8.9
आ नूनम् अश्विना युवं वत्सस्य गन्तम् अवसे । प्रास्मै यच्छतम् अवृकम् पृथु च्छर्दिर् युयुतं या अरातयः ॥
ā nūnam aśvinā yuvaṃ vatsasya gantam avase | prāsmai yacchatam avṛkam pṛthu cchardir yuyutaṃ yā arātayaḥ ||
To help and favour Vatsa now, O Asvins, come ye hitherward. Bestow on him a dwelling spacious and secure, and keep malignities away.
Translated by Ralph T. H. Griffith (1896)
यद् अन्तरिक्षे यद् दिवि यत् पञ्च मानुषां अनु । नृम्णं तद् धत्तम् अश्विना ॥
yad antarikṣe yad divi yat pañca mānuṣāṃ anu | nṛmṇaṃ tad dhattam aśvinā ||
All manliness that is in heaven, with the Five Tribes, or in mid-air, Bestow, ye Asvins, upon us.
Translated by Ralph T. H. Griffith (1896)
ये वां दंसांस्य् अश्विना विप्रासः परिमामृशुः । एवेत् काण्वस्य बोधतम् ॥
ye vāṃ daṃsāṃsy aśvinā viprāsaḥ parimāmṛśuḥ | evet kāṇvasya bodhatam ||
Remember Kanva first of all among the singers, Asvins, who Have thought upon your wondrous deeds.
Translated by Ralph T. H. Griffith (1896)
अयं वां घर्मो अश्विना स्तोमेन परि षिच्यते । अयं सोमो मधुमान् वाजिनीवसू येन वृत्रं चिकेतथः ॥
ayaṃ vāṃ gharmo aśvinā stomena pari ṣicyate | ayaṃ somo madhumān vājinīvasū yena vṛtraṃ ciketathaḥ ||
Asvins, for you with song of praise this hot oblation is effused, This your sweet Soma juice, ye Lords of ample wealth, through which ye think upon the foe.
Translated by Ralph T. H. Griffith (1896)
यद् अप्सु यद् वनस्पतौ यद् ओषधीषु पुरुदंससा कृतम् । तेन माविष्टम् अश्विना ॥
yad apsu yad vanaspatau yad oṣadhīṣu purudaṃsasā kṛtam | tena māviṣṭam aśvinā ||
Whatever ye have done in floods, in the tree, Wonder-Workers, and in growing plants, Therewith, O Asvins, succour me.
Translated by Ralph T. H. Griffith (1896)
यन् नासत्या भुरण्यथो यद् वा देव भिषज्यथः । अयं वां वत्सो मतिभिर् न विन्धते हविष्मन्तं हि गच्छथः ॥
yan nāsatyā bhuraṇyatho yad vā deva bhiṣajyathaḥ | ayaṃ vāṃ vatso matibhir na vindhate haviṣmantaṃ hi gacchathaḥ ||
What force, Nasatyas, ye exert, whatever, Gods, ye tend and heal, This your own Vatsa gains not by his hymns alone: ye visit him who offers gifts.
Translated by Ralph T. H. Griffith (1896)
आ नूनम् अश्विनोर् ऋषि स्तोमं चिकेत वामया । आ सोमम् मधुमत्तमं घर्मं सिञ्चाद् अथर्वणि ॥
ā nūnam aśvinor ṛṣi stomaṃ ciketa vāmayā | ā somam madhumattamaṃ gharmaṃ siñcād atharvaṇi ||
Now hath the Rsi splendidly thought out the Asvins' hymn of praise. Let the Atharvan pour the warm oblation forth, and Soma very rich in sweets.
Translated by Ralph T. H. Griffith (1896)
आ नूनं रघुवर्तनिं रथं तिष्ठाथो अश्विना । आ वां स्तोमा इमे मम नभो न चुच्यवीरत ॥
ā nūnaṃ raghuvartaniṃ rathaṃ tiṣṭhātho aśvinā | ā vāṃ stomā ime mama nabho na cucyavīrata ||
Ye Asvins, now ascend your car that lightly rolls upon its way. May these my praises make you speed hitherward like a cloud of heaven.
Translated by Ralph T. H. Griffith (1896)
यद् अद्य वां नासत्योक्थैर् आचुच्युवीमहि । यद् वा वाणीभिर् अश्विनेवेत् काण्वस्य बोधतम् ॥
yad adya vāṃ nāsatyokthair ācucyuvīmahi | yad vā vāṇībhir aśvinevet kāṇvasya bodhatam ||
When, O Nasatyas, we this day make you speed hither with our hymns, Or, Asvins, with our songs of praise, remember Kanya specially.
Translated by Ralph T. H. Griffith (1896)
यद् वां कक्षीवां उत यद् व्यश्व ऋषिर् यद् वां दीर्घतमा जुहाव । पृथी यद् वां वैन्यः सादनेष्व् एवेद् अतो अश्विना चेतयेथाम् ॥
yad vāṃ kakṣīvāṃ uta yad vyaśva ṛṣir yad vāṃ dīrghatamā juhāva | pṛthī yad vāṃ vainyaḥ sādaneṣv eved ato aśvinā cetayethām ||
As erst Kaksivan and the Rsi Vyasva, as erst Dirghatamas invoked your presence, Or, in the sacrificial chambers, Vainya Prthi, so be ye mindful of us here, O Asvins.
Translated by Ralph T. H. Griffith (1896)
यातं छर्दिष्पा उत नः परस्पा भूतं जगत्पा उत नस् तनूपा । वर्तिस् तोकाय तनयाय यातम् ॥
yātaṃ chardiṣpā uta naḥ paraspā bhūtaṃ jagatpā uta nas tanūpā | vartis tokāya tanayāya yātam ||
Come as home-guardians, saving us from foemen, guarding our living creatures and our bodies, Come to the house to give us seed and offspring,
Translated by Ralph T. H. Griffith (1896)
यद् इन्द्रेण सरथं याथो अश्विना यद् वा वायुना भवथः समोकसा । यद् आदित्येभिर् ऋभुभिः सजोषसा यद् वा विष्णोर् विक्रमणेषु तिष्ठथः ॥
yad indreṇa sarathaṃ yātho aśvinā yad vā vāyunā bhavathaḥ samokasā | yad ādityebhir ṛbhubhiḥ sajoṣasā yad vā viṣṇor vikramaṇeṣu tiṣṭhathaḥ ||
Whether with Indra ye be faring, Asvins, or resting in one dwelling-place with Vayu, In concord with the Rbhus or Adityas, or standing still in Visnu's striding-places.
Translated by Ralph T. H. Griffith (1896)
यद् अद्याश्विनाव् अहं हुवेय वाजसातये । यत् पृत्सु तुर्वणे सहस् तच् छ्रेष्ठम् अश्विनोर् अवः ॥
yad adyāśvināv ahaṃ huveya vājasātaye | yat pṛtsu turvaṇe sahas tac chreṣṭham aśvinor avaḥ ||
When I, O Asvins, call on you to-day that I may gather strength, Or as all-conquering might in war, be that the Asvins' noblest grace.
Translated by Ralph T. H. Griffith (1896)
आ नूनं यातम् अश्विनेमा हव्यानि वां हिता । इमे सोमासो अधि तुर्वशे यदाव् इमे कण्वेषु वाम् अथ ॥
ā nūnaṃ yātam aśvinemā havyāni vāṃ hitā | ime somāso adhi turvaśe yadāv ime kaṇveṣu vām atha ||
Now come, ye Asvins, hitherward: here are oblations set for you; These Soma-draughts to aid Yadu and Turvasa, these offered you mid Kanva's Sons.
Translated by Ralph T. H. Griffith (1896)
यन् नासत्या पराके अर्वाके अस्ति भेषजम् । तेन नूनं विमदाय प्रचेतसा छर्दिर् वत्साय यच्छतम् ॥
yan nāsatyā parāke arvāke asti bheṣajam | tena nūnaṃ vimadāya pracetasā chardir vatsāya yacchatam ||
Whatever healing balm is yours, Nisatyas, near or far away, Therewith, great Sages, grant a home to Vatsa and to Vimada.
Translated by Ralph T. H. Griffith (1896)
अभुत्स्य् उ प्र देव्या साकं वाचाहम् अश्विनोः । व्य् आवर् देव्य् आ मतिं वि रातिम् मर्त्येभ्यः ॥
abhutsy u pra devyā sākaṃ vācāham aśvinoḥ | vy āvar devy ā matiṃ vi rātim martyebhyaḥ ||
Together with the Goddess, with the Asvins' Speech have I awoke. Thou, Goddess, hast disclosed the hymn, and holy gift from mortal men.
Translated by Ralph T. H. Griffith (1896)
प्र बोधयोषो अश्विना प्र देवि सूनृते महि । प्र यज्ञहोतर् आनुषक् प्र मदाय श्रवो बृहत् ॥
pra bodhayoṣo aśvinā pra devi sūnṛte mahi | pra yajñahotar ānuṣak pra madāya śravo bṛhat ||
Awake the Asvins, Goddess Dawn! Up Mighty Lady of sweet strains! Rise, straightway, priest of sacrifice! High glory to the gladdening draught!
Translated by Ralph T. H. Griffith (1896)
यद् उषो यासि भानुना सं सूर्येण रोचसे । आ हायम् अश्विनो रथो वर्तिर् याति नृपाय्यम् ॥
yad uṣo yāsi bhānunā saṃ sūryeṇa rocase | ā hāyam aśvino ratho vartir yāti nṛpāyyam ||
Thou, Dawn, approaching with thy light shinest together with the Sun, And to this man-protecting home the chariot of the Asvins comes.
Translated by Ralph T. H. Griffith (1896)
यद् आपीतासो अंशवो गावो न दुह्र ऊधभिः । यद् वा वाणीर् अनूषत प्र देवयन्तो अश्विना ॥
yad āpītāso aṃśavo gāvo na duhra ūdhabhiḥ | yad vā vāṇīr anūṣata pra devayanto aśvinā ||
When yellow stalks give forth the juice, as cows from udders pour their milk, And voices sound the song of praise, the Asvins' worshippers show first.
Translated by Ralph T. H. Griffith (1896)
प्र द्युम्नाय प्र शवसे प्र नृषाह्याय शर्मणे । प्र दक्षाय प्रचेतसा ॥
pra dyumnāya pra śavase pra nṛṣāhyāya śarmaṇe | pra dakṣāya pracetasā ||
Forward for glory and for strength, protection that shall conquer men, And power and skill, most sapient Ones!
Translated by Ralph T. H. Griffith (1896)
यन् नूनं धीभिर् अश्विना पितुर् योना निषीदथः । यद् वा सुम्नेभिर् उक्थ्या ॥
yan nūnaṃ dhībhir aśvinā pitur yonā niṣīdathaḥ | yad vā sumnebhir ukthyā ||
When Asvins, worthy of our lauds, ye seat you in the father's house. With wisdom or the bliss ye bring.
Translated by Ralph T. H. Griffith (1896)