इत्य् अभिनन्दकृतौ रामचरिते महाकाव्ये सन्ध्यातमश्चन्द्रोदयवर्णनो नाम द्वितीयः सर्गः समाप्तः ॥ कवीनां किं दत्तैर् नृपपशुभिर् अन्यैर् अवसरे परं पृथ्वीपालः क्षणम् अपि स कर्णो वितरतु । अनात्तं तत्त्वज्ञैर् अपि सुविपुलार्थव्ययभिया प्रतिष्ठां येनोच्चैर् जगति गमितं रामचरितम् ॥ न्ब् ।म्स्च्। रेअद्स् हेरे (इन्स्तेअद् ओफ़् थिस् वेर्से?) पालान्वयाम्बुजवनैकविरोचनाय तस्मै नमो ऽस्तु युवराजनरेश्वराय । कोटिप्रदानघटितोज्ज्वलकीर्तिमूर्तिर् येनामरत्वपदवीं गमितो ऽभिनन्दः ॥ तृतीयः सर्गः अथ प्रबुद्धः प्रथमं विबुद्धम् आसीनम् आदाय तदङ्घ्रियुग्मम् । प्रकामनिद्राभिगमाभिरामो रामः सुमित्रासुतम् इत्य् उवाच
ity abhinandakṛtau rāmacarite mahākāvye sandhyātamaścandrodayavarṇano nāma dvitīyaḥ sargaḥ samāptaḥ // kavīnāṃ kiṃ dattair nṛpapaśubhir anyair avasare paraṃ pṛthvīpālaḥ kṣaṇam api sa karṇo vitaratu / anāttaṃ tattvajñair api suvipulārthavyayabhiyā pratiṣṭhāṃ yenoccair jagati gamitaṃ rāmacaritam // NB /msC/ reads here (instead of this verse?) pālānvayāmbujavanaikavirocanāya tasmai namo 'stu yuvarājanareśvarāya / koṭipradānaghaṭitojjvalakīrtimūrtir yenāmaratvapadavīṃ gamito 'bhinandaḥ // tṛtīyaḥ sargaḥ atha prabuddhaḥ prathamaṃ vibuddham āsīnam ādāya tadaṅghriyugmam / prakāmanidrābhigamābhirāmo rāmaḥ sumitrāsutam ity uvāca
Sanskrit only: no published translation is held for this verse.
किम् इत्थम् एव क्षपितो निशीथः कच्चिन् मुहूरार्धम् असि प्रसुप्तः । अस्मिन् प्रसादावसरे धियां च प्रतिष्ठितश् चेतसि कस् तवार्थः
kim ittham eva kṣapito niśīthaḥ kaccin muhūrārdham asi prasuptaḥ / asmin prasādāvasare dhiyāṃ ca pratiṣṭhitaś cetasi kas tavārthaḥ
Sanskrit only: no published translation is held for this verse.
वनौकसस् तस्य नवेश्वरस्य भावावबोधाय पुनर् विमृश्य । यत् प्राप्तकालं तद् उदाहराशु प्रस्थानकालो ऽयम् अतिप्रशस्तः
vanaukasas tasya naveśvarasya bhāvāvabodhāya punar vimṛśya / yat prāptakālaṃ tad udāharāśu prasthānakālo 'yam atipraśastaḥ
Sanskrit only: no published translation is held for this verse.
स्वकार्यलाभस्तिमितः कपिश् चेन् न कश्चिद् अर्थो ऽनुसृतेन तेन । रिपऊपेतं वरम् अर्थिभावाद् विकारसंदेहसहे न मित्रे
svakāryalābhastimitaḥ kapiś cen na kaścid artho 'nusṛtena tena / ripaūpetaṃ varam arthibhāvād vikārasaṃdehasahe na mitre
Sanskrit only: no published translation is held for this verse.
कार्यान्तराशारहितेन तेन व्यक्तं खलेनाद्य वयं निरस्ताः । दत्तः प्रदीर्घाग्रहणाभिधानो येनायम् आराद् अपि नो ऽर्धचन्द्रः
kāryāntarāśārahitena tena vyaktaṃ khalenādya vayaṃ nirastāḥ / dattaḥ pradīrghāgrahaṇābhidhāno yenāyam ārād api no 'rdhacandraḥ
Sanskrit only: no published translation is held for this verse.
रुद्धस् तपस्वी स कथं न कैश्चिन् मोहान्धकूपे निपतन् मदान्धः । किं देशकास् ते ऽपि हनूमदाद्याः सद्यः पदं प्राप्य समं विपन्नाः
ruddhas tapasvī sa kathaṃ na kaiścin mohāndhakūpe nipatan madāndhaḥ / kiṃ deśakās te 'pi hanūmadādyāḥ sadyaḥ padaṃ prāpya samaṃ vipannāḥ
Sanskrit only: no published translation is held for this verse.
रिष्टं न दृष्टं पवमानसूनोर् न चाग्निसूनोर् न च वालिसूनोः । सर्वे ऽपि किंकारणम् एकदैव प्रमीतकल्पाः कपिदारकास् ते
riṣṭaṃ na dṛṣṭaṃ pavamānasūnor na cāgnisūnor na ca vālisūnoḥ / sarve 'pi kiṃkāraṇam ekadaiva pramītakalpāḥ kapidārakās te
Sanskrit only: no published translation is held for this verse.
स दुर्निवारो हरिर् अद्य शेताम् आस्वादितैश्वर्यमधुर् मदेन । कथं पुनर् जागरकाल एव सुप्तास् तदाप्ता इति मे वितर्कः
sa durnivāro harir adya śetām āsvāditaiśvaryamadhur madena / kathaṃ punar jāgarakāla eva suptās tadāptā iti me vitarkaḥ
Sanskrit only: no published translation is held for this verse.
देवात् प्रसूतेन हिमेतरांशोर् ऊर्जस्वलैस् तैः सखिभिर् वृतेन । उदारदेहद्युतिनास्मदर्थे निरन्वयं तेन तमः प्रपन्नम्
devāt prasūtena himetarāṃśor ūrjasvalais taiḥ sakhibhir vṛtena / udāradehadyutināsmadarthe niranvayaṃ tena tamaḥ prapannam
Sanskrit only: no published translation is held for this verse.
अहो महन् मोहजम् अन्धकारं येनाद्य मध्येसभम् उद्धुरेण । उत्सार्य तान् मन्त्रिमणिप्रदीपान् प्लवङ्गराजः प्रसभं गृहीतः
aho mahan mohajam andhakāraṃ yenādya madhyesabham uddhureṇa / utsārya tān mantrimaṇipradīpān plavaṅgarājaḥ prasabhaṃ gṛhītaḥ
Sanskrit only: no published translation is held for this verse.
लोभस्य मोहस्य मनोभवस्य मदस्य चातिप्रसरो न रुद्धः । रुद्धः परं पूर्णमनोरथेन तेनाद्य नः प्रत्युपकारवेगः
lobhasya mohasya manobhavasya madasya cātiprasaro na ruddhaḥ / ruddhaḥ paraṃ pūrṇamanorathena tenādya naḥ pratyupakāravegaḥ
Sanskrit only: no published translation is held for this verse.
सम्राट्पदस्थस्य पदाद् अपेताः सम्प्रीतये सम्प्रति मा स्म भूमः । दृष्टास्त्रसारा अपि तस्य भीरोः किं भीतये वत्स वयं न भूताः
samrāṭpadasthasya padād apetāḥ samprītaye samprati mā sma bhūmaḥ / dṛṣṭāstrasārā api tasya bhīroḥ kiṃ bhītaye vatsa vayaṃ na bhūtāḥ
Sanskrit only: no published translation is held for this verse.
स्थाने निरस्तः सुधियाग्रजेन स तेन मायामसृणो दुरात्मा । मया मदान्धेन पुनर् वृथैव क्रोष्टा मृगेन्द्रस्य पदे ऽभिषिक्तः
sthāne nirastaḥ sudhiyāgrajena sa tena māyāmasṛṇo durātmā / mayā madāndhena punar vṛthaiva kroṣṭā mṛgendrasya pade 'bhiṣiktaḥ
Sanskrit only: no published translation is held for this verse.
निर्वेशनिर्यातनशाठ्यनिद्रां नीचेषु दण्डः परुषो निहन्ति । तथापि दाक्षिण्यविलम्बितव्यम् इदं धनुस् तं प्रति मामकीनम्
nirveśaniryātanaśāṭhyanidrāṃ nīceṣu daṇḍaḥ paruṣo nihanti / tathāpi dākṣiṇyavilambitavyam idaṃ dhanus taṃ prati māmakīnam
Sanskrit only: no published translation is held for this verse.
यावन् न विश्राम्यति वेगजन्मा दिक्षु ध्वनिर् वालिभिदः शरस्य । तावत् पुनस् तङ्क इह त्रिलोक्याम् आक्रान्तकिष्किन्धम् उपक्रमेत
yāvan na viśrāmyati vegajanmā dikṣu dhvanir vālibhidaḥ śarasya / tāvat punas taṅka iha trilokyām ākrāntakiṣkindham upakrameta
Sanskrit only: no published translation is held for this verse.
अस्मासु नावेदयति स्म गर्वात् कुर्वीत शेषारिवधं भुजाभ्याम् । विधाय सौराज्यम् असऊपेयाद् इत्य् अर्थिता पश्यति न प्रमाणम्
asmāsu nāvedayati sma garvāt kurvīta śeṣārivadhaṃ bhujābhyām / vidhāya saurājyam asaūpeyād ity arthitā paśyati na pramāṇam
Sanskrit only: no published translation is held for this verse.
तद् एष मे निर्मलसर्गसर्गः षड्वर्गरुद्धो रिपुवत् स हेयः । नासौ निषिद्धस् तव यानपक्षो मया बत प्राग् असमाहितेन
tad eṣa me nirmalasargasargaḥ ṣaḍvargaruddho ripuvat sa heyaḥ / nāsau niṣiddhas tava yānapakṣo mayā bata prāg asamāhitena
Sanskrit only: no published translation is held for this verse.
असंशयं स प्रतिहारपालीससम्भ्रमावेदितसन्निकर्षम् । त्वां प्रत्य् असूयां हृदयेन धास्यत्य् उपस्थितान्तःपुरविप्रयोगः
asaṃśayaṃ sa pratihārapālīsasambhramāveditasannikarṣam / tvāṃ praty asūyāṃ hṛdayena dhāsyaty upasthitāntaḥpuraviprayogaḥ
Sanskrit only: no published translation is held for this verse.
तद्वक्त्रम् आर्केस् तरुणार्कताम्रं त्वत्प्रीतिवाक्यैर् अकृतप्रमोदम् । भविष्यति प्रत्युपकारभारनिर्वाहचिन्तागमसान्धकारम्
tadvaktram ārkes taruṇārkatāmraṃ tvatprītivākyair akṛtapramodam / bhaviṣyati pratyupakārabhāranirvāhacintāgamasāndhakāram
Sanskrit only: no published translation is held for this verse.
स्मरिष्यति त्वां न स बोध्यमानो ऽप्य् आलोकयिष्यत्य् अथवा न पृष्टः । प्रत्येषि कान्ताजनमध्यवर्ती स चिन्तयास्मद्गतयाधुनास्ते
smariṣyati tvāṃ na sa bodhyamāno 'py ālokayiṣyaty athavā na pṛṣṭaḥ / pratyeṣi kāntājanamadhyavartī sa cintayāsmadgatayādhunāste
Sanskrit only: no published translation is held for this verse.
आवां यदैवाद्रितटे निविष्टौ स कालिकां वीक्ष्य पुरीं प्रविष्टः । आमृष्टम् आसीच् चपलेन तेन सौहार्दम् अस्मद्विषयं तदैव
āvāṃ yadaivādritaṭe niviṣṭau sa kālikāṃ vīkṣya purīṃ praviṣṭaḥ / āmṛṣṭam āsīc capalena tena sauhārdam asmadviṣayaṃ tadaiva
Sanskrit only: no published translation is held for this verse.
अहःस्व् अमीषु क्षण एव नासीद् आसीन् न संदेशहरो ऽनुरूपः । इत्यादि स व्यक्तम् अलीकम् एव त्वत्प्रीत्युपालम्भपदेषु वक्ता
ahaḥsv amīṣu kṣaṇa eva nāsīd āsīn na saṃdeśaharo 'nurūpaḥ / ityādi sa vyaktam alīkam eva tvatprītyupālambhapadeṣu vaktā
Sanskrit only: no published translation is held for this verse.
कृतावहेलः प्रणयप्रसन्नं निरुत्तरः सत्वरकार्यवादम् । प्रेक्षिष्यते रोषलवानुरक्तं वलीमुखः शुष्कमुखो मुखं ते
kṛtāvahelaḥ praṇayaprasannaṃ niruttaraḥ satvarakāryavādam / prekṣiṣyate roṣalavānuraktaṃ valīmukhaḥ śuṣkamukho mukhaṃ te
Sanskrit only: no published translation is held for this verse.
तस्यागमाद् यः सहसा भविष्यत्य् अर्थस्य तस्याभवनं ममास्तु । बाधिष्यते वालिवधातिरिक्तस् तद्वेश्मयात्रानुशयः सदा नौ
tasyāgamād yaḥ sahasā bhaviṣyaty arthasya tasyābhavanaṃ mamāstu / bādhiṣyate vālivadhātiriktas tadveśmayātrānuśayaḥ sadā nau
Sanskrit only: no published translation is held for this verse.
स प्राक्तनो नूनम् अनर्थभाजा नीतस् तलं तेन हितैषिवर्गः । उत्थापितैर् दूरम् असाव् इदानीं दिवानिशं दीव्यति दुर्विदग्धैः
sa prāktano nūnam anarthabhājā nītas talaṃ tena hitaiṣivargaḥ / utthāpitair dūram asāv idānīṃ divāniśaṃ dīvyati durvidagdhaiḥ
Sanskrit only: no published translation is held for this verse.
अक्षा मृगाक्ष्यो मृगया मधूनि प्रेक्षाश् च तस्याद्य हरन्ति कालम् । न प्राप्नुवन्ति क्षणम् आप्तवाचः सदादृताश् चारणचाटुवादाः
akṣā mṛgākṣyo mṛgayā madhūni prekṣāś ca tasyādya haranti kālam / na prāpnuvanti kṣaṇam āptavācaḥ sadādṛtāś cāraṇacāṭuvādāḥ
Sanskrit only: no published translation is held for this verse.
वदन्ति भीताः सचिवा न किंचित् किं चिन्तयास्मद्गतया विटानाम् । स्वयं न सम्प्रत्य् अनुसंदधाति पूर्वापरं कामपरः स राजा
vadanti bhītāḥ sacivā na kiṃcit kiṃ cintayāsmadgatayā viṭānām / svayaṃ na sampraty anusaṃdadhāti pūrvāparaṃ kāmaparaḥ sa rājā
Sanskrit only: no published translation is held for this verse.
न सूरयो न स्थविरा न धीराः पुरःस्थिताः प्राश्निकतां प्रयान्ति । संतिष्ठते संसदि संशयानः पृष्ठोपविष्टासु विलासिनीषु
na sūrayo na sthavirā na dhīrāḥ puraḥsthitāḥ prāśnikatāṃ prayānti / saṃtiṣṭhate saṃsadi saṃśayānaḥ pṛṣṭhopaviṣṭāsu vilāsinīṣu
Sanskrit only: no published translation is held for this verse.
इत्थंगते तत्र गतस्य केन मन्युस् तवोदीर्णरयो निवार्यः । विचायमाणो न गुणाय नः स्याद् असौ कपीनां कदनानुबन्धः
itthaṃgate tatra gatasya kena manyus tavodīrṇarayo nivāryaḥ / vicāyamāṇo na guṇāya naḥ syād asau kapīnāṃ kadanānubandhaḥ
Sanskrit only: no published translation is held for this verse.
प्रपन्नशाठ्यस्य हठोपनामाद् आनेष्यमाणस्य गुणं न वीक्षे । तथाविधा हि द्विषतां स्तवेन कषन्ति कर्णौ परम् अन्तिकस्थाः
prapannaśāṭhyasya haṭhopanāmād āneṣyamāṇasya guṇaṃ na vīkṣe / tathāvidhā hi dviṣatāṃ stavena kaṣanti karṇau param antikasthāḥ
Sanskrit only: no published translation is held for this verse.
स्पृषो न चेद् विक्रियया कयापि नोपस्थितः कार्यवशाद् इदानीम् । एतु स्वयं न क्रियते वृथैव स त्वद्बलात्कारनिरुद्धशोभः
spṛṣ.o na ced vikriyayā kayāpi nopasthitaḥ kāryavaśād idānīm / etu svayaṃ na kriyate vṛthaiva sa tvadbalātkāraniruddhaśobhaḥ
Sanskrit only: no published translation is held for this verse.
यथावयोस् तातजटायुषोक्तम् उक्तं कबन्धेन यथा च तेन । तथोपयास्यत्य् अचिराद् अवश्यम् आहूतचक्रो हरिचक्रवर्ती
yathāvayos tātajaṭāyuṣoktam uktaṃ kabandhena yathā ca tena / tathopayāsyaty acirād avaśyam āhūtacakro haricakravartī
Sanskrit only: no published translation is held for this verse.
यत् सत्यम् आदित्यसमुद्भवत्वाद् उद्भूतिम् एष्यन्ति गुणास् तदीयाः । तुलाग्रसम्पातविलम्बदोषे तस्मिन् विसंवादम् अहं न शङ्के
yat satyam ādityasamudbhavatvād udbhūtim eṣyanti guṇās tadīyāḥ / tulāgrasampātavilambadoṣe tasmin visaṃvādam ahaṃ na śaṅke
Sanskrit only: no published translation is held for this verse.
विरोपतप्तस्य विदेशवासाद् आजग्मुषस् तस्य निजाधिवासम् । इयन्त्य् अहान्य् उत्सुकबन्धुवर्गसंवर्गणव्यग्रतयैव यान्ति
viropataptasya videśavāsād ājagmuṣas tasya nijādhivāsam / iyanty ahāny utsukabandhuvargasaṃvargaṇavyagratayaiva yānti
Sanskrit only: no published translation is held for this verse.
स नूनम् आयास्यति वानरेन्द्रः संदेशकार्पण्यम् असंमतं मे । सर्वस्वभूतं विसृजन्ति वत्स कार्यातिपाते ऽपि न धैर्यम् आर्याः
sa nūnam āyāsyati vānarendraḥ saṃdeśakārpaṇyam asaṃmataṃ me / sarvasvabhūtaṃ visṛjanti vatsa kāryātipāte 'pi na dhairyam āryāḥ
Sanskrit only: no published translation is held for this verse.
व्यतीतविघ्नः सुहृदर्थनिघ्नो न शीतलः स्थास्यति किं गतेन । स त्वर्यमाणस् त्वरमाण एव धैर्यस्य नः पारम् अवाप्स्यतीव
vyatītavighnaḥ suhṛdarthanighno na śītalaḥ sthāsyati kiṃ gatena / sa tvaryamāṇas tvaramāṇa eva dhairyasya naḥ pāram avāpsyatīva
Sanskrit only: no published translation is held for this verse.
धिग् अस्तु मां तं प्रति विप्रतीपम् आशङ्कितं तद् बहु येन यद् वा । स्वकार्यदोलासु जनो ऽल्पभाग्यः प्राङ् निश्चिनोति व्यतिरेकम् एव
dhig astu māṃ taṃ prati vipratīpam āśaṅkitaṃ tad bahu yena yad vā / svakāryadolāsu jano 'lpabhāgyaḥ prāṅ niścinoti vyatirekam eva
Sanskrit only: no published translation is held for this verse.
इत्थं न मां प्रत्युपपत्तिम् एति तत्राद्यपक्षद्वितये ऽपि यात्रा । वरं विसोढानि कियन्त्य् अपीह सङ्ख्यातकालाभ्यधिकान्य् अहानि
itthaṃ na māṃ pratyupapattim eti tatrādyapakṣadvitaye 'pi yātrā / varaṃ visoḍhāni kiyanty apīha saṅkhyātakālābhyadhikāny ahāni
Sanskrit only: no published translation is held for this verse.
स्वालोचितं वक्तु भवान् इदानीम् इत्य् अनुष्ठेयम् असंशयं यत् । बाल्यात् प्रभृत्य् एव तवोत्तरा धीर् न पूर्वपक्षे ऽभिनिवेशम् एति
svālocitaṃ vaktu bhavān idānīm ity anuṣṭheyam asaṃśayaṃ yat / bālyāt prabhṛty eva tavottarā dhīr na pūrvapakṣe 'bhiniveśam eti
Sanskrit only: no published translation is held for this verse.
इति प्रसन्नां गिरम् अग्रजस्य श्रुत्वा चिराद् वीतविषादपङ्कः । मुखश्रियैवोज्ज्वलयाभिनन्दन्न् इदं सुमित्रातनयो जगाद
iti prasannāṃ giram agrajasya śrutvā cirād vītaviṣādapaṅkaḥ / mukhaśriyaivojjvalayābhinandann idaṃ sumitrātanayo jagāda
Sanskrit only: no published translation is held for this verse.
समर्थितं साधु समस्तम् एव कृती कपिः किं बहुनोदितेन । प्रव्यक्तम् अप्य् एतद् अदोषदृष्ट्या गृहीतम् आर्येण न यत् तदागः
samarthitaṃ sādhu samastam eva kṛtī kapiḥ kiṃ bahunoditena / pravyaktam apy etad adoṣadṛṣṭyā gṛhītam āryeṇa na yat tadāgaḥ
Sanskrit only: no published translation is held for this verse.
तस्योर्जितेनातिरवेर् अवद्यं नैवेक्षते ऽन्तःकरणं ममापि । अयं पुनस् तेन कुतो न जानाम्य् अतिक्रमः कालकृतो न दृष्टः
tasyorjitenātiraver avadyaṃ naivekṣate 'ntaḥkaraṇaṃ mamāpi / ayaṃ punas tena kuto na jānāmy atikramaḥ kālakṛto na dṛṣṭaḥ
Sanskrit only: no published translation is held for this verse.
विसर्जिता वा पुनरागमाय समापतन्त्य् अद्य न ते नलाद्याः । समाहरतिउद्यतवित्तवर्षो वर्षान्तरेभ्यः प्रवरान् हरीन् वा
visarjitā vā punarāgamāya samāpatanty adya na te nalādyāḥ / samāharatiudyatavittavarṣo varṣāntarebhyaḥ pravarān harīn vā
Sanskrit only: no published translation is held for this verse.
अष्टादशद्वीपकपीन्द्रमौलिर् मौलान् असौ वालिवधप्रलीनान् । नैकाभ्युपायोपहितान् इदानीम् उत प्रतीच्छत्य् अतिसत्क्रियाभिः
aṣṭādaśadvīpakapīndramaulir maulān asau vālivadhapralīnān / naikābhyupāyopahitān idānīm uta pratīcchaty atisatkriyābhiḥ
Sanskrit only: no published translation is held for this verse.
अप्राप्तसंतोषम् असंविभक्तसम्भुक्तसर्वस्वम् अनुप्लवेषु । अथादिशत्य् अर्पितसारकोशः प्रकामपाथेयपरिग्रहाय
aprāptasaṃtoṣam asaṃvibhaktasambhuktasarvasvam anuplaveṣu / athādiśaty arpitasārakośaḥ prakāmapātheyaparigrahāya
Sanskrit only: no published translation is held for this verse.
अथो स भीतातुरबालवृद्धान् वृद्धोपसेवी सनिभं नियुङ्क्ते । यथायथं सद्मनि पद्मसंख्यासमेतशाखामृगयूथनाथः
atho sa bhītāturabālavṛddhān vṛddhopasevī sanibhaṃ niyuṅkte / yathāyathaṃ sadmani padmasaṃkhyāsametaśākhāmṛgayūthanāthaḥ
Sanskrit only: no published translation is held for this verse.
तद् इत्थम् उत्थानसमाकुलत्वान् न त्वर्यमाणो ऽपि स दूषणाय । आर्येण तत्राप्य् असमागतस्य छायाच्युतिः कैव निरूपिता मे
tad ittham utthānasamākulatvān na tvaryamāṇo 'pi sa dūṣaṇāya / āryeṇa tatrāpy asamāgatasya chāyācyutiḥ kaiva nirūpitā me
Sanskrit only: no published translation is held for this verse.
ज्ञेयो ऽस्ति नः पूर्वम् अरेर् उदन्तस् ततस् तदन्ताय विधेयम् अस्ति । इत्य् आकुलत्वान् मम तावद् आर्य कार्योपतप्तिः क्षमते न धैर्यम्
jñeyo 'sti naḥ pūrvam arer udantas tatas tadantāya vidheyam asti / ity ākulatvān mama tāvad ārya kāryopataptiḥ kṣamate na dhairyam
Sanskrit only: no published translation is held for this verse.
अनर्थिभावाद् उपचारवादाद् आकारगुप्तेश् च परीभवन्ति । यथातथार्थप्रतिपादनेन प्रयान्ति मित्राणि निरन्तरत्वम्
anarthibhāvād upacāravādād ākāragupteś ca parībhavanti / yathātathārthapratipādanena prayānti mitrāṇi nirantaratvam
Sanskrit only: no published translation is held for this verse.
मिथः प्रसादस्खलनाद् उपाधेर् उपैति सख्यं खलयोः खिलत्वम् । गृह्णाति सत्पूरुषयोर् न दोषम् औदार्यसंवादकृता तु मैत्री
mithaḥ prasādaskhalanād upādher upaiti sakhyaṃ khalayoḥ khilatvam / gṛhṇāti satpūruṣayor na doṣam audāryasaṃvādakṛtā tu maitrī
Sanskrit only: no published translation is held for this verse.
निर्यन्त्रणं यत्र न वर्तितव्यं न मोदितव्यं प्रणयातिवादे । विशङ्कितान्योन्यभयं विदूरान् नमस्क्रियाम् अर्हति सौहृदं तत्
niryantraṇaṃ yatra na vartitavyaṃ na moditavyaṃ praṇayātivāde / viśaṅkitānyonyabhayaṃ vidūrān namaskriyām arhati sauhṛdaṃ tat
Sanskrit only: no published translation is held for this verse.
विस्रब्धम् आज्ञापय किं करोमि कथं घटेन प्लवगाधिराजः । यत् किंचिद् आदिश्य निभेन किं मां निषेधसि क्लेशम् इवेक्षमाणः
visrabdham ājñāpaya kiṃ karomi kathaṃ ghaṭena plavagādhirājaḥ / yat kiṃcid ādiśya nibhena kiṃ māṃ niṣedhasi kleśam ivekṣamāṇaḥ
Sanskrit only: no published translation is held for this verse.
स्थितो ऽस्मि तावद् दिनम् एतद् एष्यत्य् अन्येद्युर् आज्ञां तव न प्रतीक्षे । आर्यो ऽनुरोधान् न युनक्ति यत्र तत्राहम् अम्बानियमात् स्वतन्त्रः
sthito 'smi tāvad dinam etad eṣyaty anyedyur ājñāṃ tava na pratīkṣe / āryo 'nurodhān na yunakti yatra tatrāham ambāniyamāt svatantraḥ
Sanskrit only: no published translation is held for this verse.
तद् एष निष्क्रम्य तथा करोमि तत्पूर्वसङ्गः प्लवगो यथाशु । तं वैरिसंहारमहोपकारम् आर्याय निर्यातयितुं यतेन
tad eṣa niṣkramya tathā karomi tatpūrvasaṅgaḥ plavago yathāśu / taṃ vairisaṃhāramahopakāram āryāya niryātayituṃ yatena
Sanskrit only: no published translation is held for this verse.
धिक् तं धनुष्पाणिम् अनुप्लवं मां मुधा मनःपर्युषितावलेपम् । अन्वीक्षते यस्य ममावसादाद् आर्यः सहायान्तरम् अन्तरज्ञः
dhik taṃ dhanuṣpāṇim anuplavaṃ māṃ mudhā manaḥparyuṣitāvalepam / anvīkṣate yasya mamāvasādād āryaḥ sahāyāntaram antarajñaḥ
Sanskrit only: no published translation is held for this verse.
धिक्शाततां सन्नतपर्वतां धिग् धिक् पातवेगं च ममाशुगानाम् । अलक्षितोद्देशम् अपि द्विषन्तं निहत्य नायान्ति हि यत् क्षणेन
dhikśātatāṃ sannataparvatāṃ dhig dhik pātavegaṃ ca mamāśugānām / alakṣitoddeśam api dviṣantaṃ nihatya nāyānti hi yat kṣaṇena
Sanskrit only: no published translation is held for this verse.
खरादिरक्षःकदनेषु दीर्घम् अमी परिज्ञातरसाः किम् अन्यत् । असृग्भुजां भोक्तुम् असृक् त्वरन्तां भूयो ऽपि भूचन्द्र तवार्धचन्द्राः
kharādirakṣaḥkadaneṣu dīrgham amī parijñātarasāḥ kim anyat / asṛgbhujāṃ bhoktum asṛk tvarantāṃ bhūyo 'pi bhūcandra tavārdhacandrāḥ
Sanskrit only: no published translation is held for this verse.
आताटकासंज्ञपनात् प्रपन्नस् त्वयैष वर्णाश्रमरक्षणाय । समाप्यतां शेषनिबर्हणेन क्षपाचराणां निधनाधिकारः
ātāṭakāsaṃjñapanāt prapannas tvayaiṣa varṇāśramarakṣaṇāya / samāpyatāṃ śeṣanibarhaṇena kṣapācarāṇāṃ nidhanādhikāraḥ
Sanskrit only: no published translation is held for this verse.
उद्धृत्य घोरायुधवृन्दवृष्टिम् अनुष्ठिताम् ओघशरव्ययेन । स राक्षसेभ्यो ऽम्बरगोचरेभ्यस् त्रातस् त्वयैकेन मखो महर्षेः
uddhṛtya ghorāyudhavṛndavṛṣṭim anuṣṭhitām oghaśaravyayena / sa rākṣasebhyo 'mbaragocarebhyas trātas tvayaikena makho maharṣeḥ
Sanskrit only: no published translation is held for this verse.
तं कालकल्पं कियता श्रमेण तथावधीर् मार्गरुधं विराधम् । आसन् मुहूर्ताः कति च घ्नतस् ते सैन्यं जनस्थानपतेः स्वरस्य
taṃ kālakalpaṃ kiyatā śrameṇa tathāvadhīr mārgarudhaṃ virādham / āsan muhūrtāḥ kati ca ghnatas te sainyaṃ janasthānapateḥ svarasya
Sanskrit only: no published translation is held for this verse.
आसीत् क्षुरप्रस्य कियान् विलम्बः क्रूरेषु तेषु त्रिशिरःशिरःसु । कतीषवो दूषणदेहयात्रानिवारणार्थं च रणे विसृष्टाः
āsīt kṣuraprasya kiyān vilambaḥ krūreṣu teṣu triśiraḥśiraḥsu / katīṣavo dūṣaṇadehayātrānivāraṇārthaṃ ca raṇe visṛṣṭāḥ
Sanskrit only: no published translation is held for this verse.
कस्यावलम्बाद् अकरोत् परासुं मारीचम् उच्चावचमायम् आर्यः । ज्ञाता च दिक्संज्ञपितस् त्वयैव क्षपाचराणाम् अधिपश् च सो ऽपि
kasyāvalambād akarot parāsuṃ mārīcam uccāvacamāyam āryaḥ / jñātā ca diksaṃjñapitas tvayaiva kṣapācarāṇām adhipaś ca so 'pi
Sanskrit only: no published translation is held for this verse.
इत्य् अप्रपञ्चोदितकारणानि मिथस् तयोस् तथ्यगुणग्रहाणि । नेदुः स्तुवाना इव सूनृतानि खगाः कुलायेषु कृतैकमत्याः
ity aprapañcoditakāraṇāni mithas tayos tathyaguṇagrahāṇi / neduḥ stuvānā iva sūnṛtāni khagāḥ kulāyeṣu kṛtaikamatyāḥ
Sanskrit only: no published translation is held for this verse.
आरोप्य सन्ध्यां दिशि वज्रपाणेः पर्यस्य चन्द्रं ककुभि प्रतीच्याम् । उत्सङ्गितोडुप्रकरा खगानाम् आदाय निद्रां रजनी जगाम
āropya sandhyāṃ diśi vajrapāṇeḥ paryasya candraṃ kakubhi pratīcyām / utsaṅgitoḍuprakarā khagānām ādāya nidrāṃ rajanī jagāma
Sanskrit only: no published translation is held for this verse.
कविश् च जीवश् च सुतश् च भूमेः स दक्षिणाशातिलको मुनिश् च । आसन्नसूर्यांशुभयद्रुतस्य क्षणं ररक्षुर् भगणस्य पृष्ठम्
kaviś ca jīvaś ca sutaś ca bhūmeḥ sa dakṣiṇāśātilako muniś ca / āsannasūryāṃśubhayadrutasya kṣaṇaṃ rarakṣur bhagaṇasya pṛṣṭham
Sanskrit only: no published translation is held for this verse.
दिग् दर्शयामास मुखं सरागं न यावद् ऐन्द्री गणिकेव मत्ता । तावद् द्विजेशो ऽङ्कम् इयाय सिन्धोः सन्ध्यासुराशीकरसेकशङ्की
dig darśayāmāsa mukhaṃ sarāgaṃ na yāvad aindrī gaṇikeva mattā / tāvad dvijeśo 'ṅkam iyāya sindhoḥ sandhyāsurāśīkarasekaśaṅkī
Sanskrit only: no published translation is held for this verse.
विसर्जितोडुः क्षणम् इन्दुर् आसीद् आसीद् उपान्तेष्व् अपि नान्धकारम् । भृशं दिशीन्द्रस्य रराज सन्ध्या सिन्दूरिणीव ग्रहराजमुद्रा
visarjitoḍuḥ kṣaṇam indur āsīd āsīd upānteṣv api nāndhakāram / bhṛśaṃ diśīndrasya rarāja sandhyā sindūriṇīva graharājamudrā
Sanskrit only: no published translation is held for this verse.
उच्चेतुम् उच्चैर् उडुकुड्मलानि व्याकुर्वती रागम् अतिप्रगाढम् । शाखाम् इवालम्ब्य दिशं मघोनः सन्ध्या वियद् भूरुहम् आरुरोह
uccetum uccair uḍukuḍmalāni vyākurvatī rāgam atipragāḍham / śākhām ivālambya diśaṃ maghonaḥ sandhyā viyad bhūruham āruroha
Sanskrit only: no published translation is held for this verse.
शेषोडुपुष्पस्तबकोच्चयाय संजातरागातिशयेव सन्ध्या । अप्य् उच्चकैः पूर्वमहीध्रमूर्ध्नि स्थित्वा वियद्भूरुहम् आरुरोह
śeṣoḍupuṣpastabakoccayāya saṃjātarāgātiśayeva sandhyā / apy uccakaiḥ pūrvamahīdhramūrdhni sthitvā viyadbhūruham āruroha
Sanskrit only: no published translation is held for this verse.
विसृज्य पाण्डुच्छदनौघतुल्यं तारागणं व्योमतरुस् तदानीम् । बभार सन्ध्यारुचिमञ्जरीणां जालानि बालाधरकोमलानि
visṛjya pāṇḍucchadanaughatulyaṃ tārāgaṇaṃ vyomatarus tadānīm / babhāra sandhyārucimañjarīṇāṃ jālāni bālādharakomalāni
Sanskrit only: no published translation is held for this verse.
उत्सारितेवाभ्रकरेणुकुम्भाज् जम्भारियुग्याधिकृतैर् मरुद्भिः । ततान सन्ध्येति समुल्लसन्ती नभोङ्गणं रङ्गविकारधूलिः
utsāritevābhrakareṇukumbhāj jambhāriyugyādhikṛtair marudbhiḥ / tatāna sandhyeti samullasantī nabhoṅgaṇaṃ raṅgavikāradhūliḥ
Sanskrit only: no published translation is held for this verse.
संवित्तयस् तत्त्वविगाहशुभ्राः सांसारिके राग इवाधिरूढे । शनैः शनैर् म्लानरुचो ममज्जुस् ताराः प्रसर्पत्य् अरुणे चिरेण
saṃvittayas tattvavigāhaśubhrāḥ sāṃsārike rāga ivādhirūḍhe / śanaiḥ śanair mlānaruco mamajjus tārāḥ prasarpaty aruṇe cireṇa
Sanskrit only: no published translation is held for this verse.
कैः शिक्षिता वर्तयितुं तदासीद् उन्मीलितं तूलिकयेव चित्रम् । तरङ्गवत् तुङ्गशरद्घनालीविसंस्थुले व्योमनि बालसन्ध्या
kaiḥ śikṣitā vartayituṃ tadāsīd unmīlitaṃ tūlikayeva citram / taraṅgavat tuṅgaśaradghanālīvisaṃsthule vyomani bālasandhyā
Sanskrit only: no published translation is held for this verse.
प्रत्युप्तमात्रं दिशि देवभर्तुर् अभ्यक्तखण्डाभ्रतरङ्गमालम् । बभौ विसर्पत्य् अयसीव तैलं नभस्तले बालपतङ्गतेजः
pratyuptamātraṃ diśi devabhartur abhyaktakhaṇḍābhrataraṅgamālam / babhau visarpaty ayasīva tailaṃ nabhastale bālapataṅgatejaḥ
Sanskrit only: no published translation is held for this verse.
प्रसत्तिनिर्व्यूढसुधामयूखं खम् उष्णरश्माव् अपि रक्तिम् ऊहे । भरं प्रतीच्छन्ति महोदयानां पात्राणि पर्यायवशंवदानि
prasattinirvyūḍhasudhāmayūkhaṃ kham uṣṇaraśmāv api raktim ūhe / bharaṃ pratīcchanti mahodayānāṃ pātrāṇi paryāyavaśaṃvadāni
Sanskrit only: no published translation is held for this verse.
तापिञ्छकल्पः ककुभि प्रतीच्याम् आच्छादयामास मृगो मृगाङ्कम् । दूराधिरूढं जनम् आपदीव प्रकाशमानो ऽतिशयाद् अवर्णः
tāpiñchakalpaḥ kakubhi pratīcyām ācchādayāmāsa mṛgo mṛgāṅkam / dūrādhirūḍhaṃ janam āpadīva prakāśamāno 'tiśayād avarṇaḥ
Sanskrit only: no published translation is held for this verse.
प्रदीप्तसन्ध्याग्नि नदद्द्विजौघं निरंशुकध्वस्तपराङ्मुखेन्दु । वियद्विलुप्तोडुकुलं तदाभूच् चक्रान्तराक्रान्तपुरोपमेयम्
pradīptasandhyāgni nadaddvijaughaṃ niraṃśukadhvastaparāṅmukhendu / viyadviluptoḍukulaṃ tadābhūc cakrāntarākrāntapuropameyam
Sanskrit only: no published translation is held for this verse.
मिथः कृतालोकमहोत्सवानां कृतारवः सारसदम्पतीनाम् । न बालभानोः किरणाद् अभैषीन् नदीषु नीहारमयो ऽन्धकारः
mithaḥ kṛtālokamahotsavānāṃ kṛtāravaḥ sārasadampatīnām / na bālabhānoḥ kiraṇād abhaiṣīn nadīṣu nīhāramayo 'ndhakāraḥ
Sanskrit only: no published translation is held for this verse.
ततार संतीर्य हिमान्धकारं तता रसन्ती सरितः खगाली । रक्तारविन्दस्य रजोभिर् आर्द्रैर् अक्ता रविं वारिणि वीक्षमाणा
tatāra saṃtīrya himāndhakāraṃ tatā rasantī saritaḥ khagālī / raktāravindasya rajobhir ārdrair aktā raviṃ vāriṇi vīkṣamāṇā
Sanskrit only: no published translation is held for this verse.
स्मरव्ययक्लान्तवलत्पुलिन्दीसर्वाङ्गसंवाहकलाविदग्धः । विलम्ब्य कोशेषु कुशेशयानां ससार कासारतरङ्गवातः
smaravyayaklāntavalatpulindīsarvāṅgasaṃvāhakalāvidagdhaḥ / vilambya kośeṣu kuśeśayānāṃ sasāra kāsārataraṅgavātaḥ
Sanskrit only: no published translation is held for this verse.
अतीत्य शैत्यं तटवालुकानां कोष्णासु सस्नुर् मुनयो नदीषु । अपाम् अपूर्यन्त च नैर्झरीणां कुटा गिरिग्रामकुटुम्बिनीभिः
atītya śaityaṃ taṭavālukānāṃ koṣṇāsu sasnur munayo nadīṣu / apām apūryanta ca nairjharīṇāṃ kuṭā girigrāmakuṭumbinībhiḥ
Sanskrit only: no published translation is held for this verse.
जातप्रकाशासु बहिःस्थलीषु प्रकामचारोत्सवजागरूकः । इभो भुवि प्रस्खलदग्रहस्तः सस्मार शय्योदरकुञ्जशय्याम्
jātaprakāśāsu bahiḥsthalīṣu prakāmacārotsavajāgarūkaḥ / ibho bhuvi praskhaladagrahastaḥ sasmāra śayyodarakuñjaśayyām
Sanskrit only: no published translation is held for this verse.
समेत्य जृम्भानुपदं स्वयूथ्यैर् मिथः क्षणं लीढतुषारलेपाः । प्रतस्थिरे दिग्वलयं विलोक्य यथायथं कच्छभुवः कुरङ्गाः
sametya jṛmbhānupadaṃ svayūthyair mithaḥ kṣaṇaṃ līḍhatuṣāralepāḥ / pratasthire digvalayaṃ vilokya yathāyathaṃ kacchabhuvaḥ kuraṅgāḥ
Sanskrit only: no published translation is held for this verse.
अदृश्यतारात् तरलैः स्थलीषु वनेचराणां पृतना कुरङ्गैः । पपौ रवेः संज्वलितोग्रभासं भुजङ्गम् औघः श्रितनाकुरन्ध्रैः
adṛśyatārāt taralaiḥ sthalīṣu vanecarāṇāṃ pṛtanā kuraṅgaiḥ / papau raveḥ saṃjvalitograbhāsaṃ bhujaṅgam aughaḥ śritanākurandhraiḥ
Sanskrit only: no published translation is held for this verse.
स्थलं कुरङ्गीनयनैर् अनिद्रैर् उन्मुक्तमुद्रैर् जलजैर् जलं च । विलोलतारैस् तरलद्विरेफैर् उवाह भेदं न मिथस् तदानीम्
sthalaṃ kuraṅgīnayanair anidrair unmuktamudrair jalajair jalaṃ ca / vilolatārais taraladvirephair uvāha bhedaṃ na mithas tadānīm
Sanskrit only: no published translation is held for this verse.
जृम्भाभराद् दूरविसंगतानां मुद्राविलम्बेन दलावलीनाम् । निर्विश्य निःशेषम् अलिः परागम् अगाद् अबद्धः कुमुदाकरेभ्यः
jṛmbhābharād dūravisaṃgatānāṃ mudrāvilambena dalāvalīnām / nirviśya niḥśeṣam aliḥ parāgam agād abaddhaḥ kumudākarebhyaḥ
Sanskrit only: no published translation is held for this verse.
विवेश गर्तं गतम् उत्तमोहिर् उच्चैः पदं सन्ततम् उत्तमो हि । आसीन् महः सम्पदि तुङ्गतायां नभो न कैश्चिद् गदितुं गतायाम्
viveśa gartaṃ gatam uttamohir uccaiḥ padaṃ santatam uttamo hi / āsīn mahaḥ sampadi tuṅgatāyāṃ nabho na kaiścid gadituṃ gatāyām
Sanskrit only: no published translation is held for this verse.
नैःसङ्ग्यम् आलम्ब्यत कैरवेषु यैः शान्तिमद्भिः शनकई रवेषु । सौजन्यम् अम्भोजगृहे समेतैश् चिराद् द्विरेफैर् जगृहे समे तैः
naiḥsaṅgyam ālambyata kairaveṣu yaiḥ śāntimadbhiḥ śanakaī raveṣu / saujanyam ambhojagṛhe sametaiś cirād dvirephair jagṛhe same taiḥ
Sanskrit only: no published translation is held for this verse.
रेजे ऽरविन्दैर् अरविन्दबन्धोः संदर्शने दर्शितहर्षवेगैः । विधोर् विषेहे विरहः कथंचिन् निद्रावलम्बात् कुमुदाकरेण
reje 'ravindair aravindabandhoḥ saṃdarśane darśitaharṣavegaiḥ / vidhor viṣehe virahaḥ kathaṃcin nidrāvalambāt kumudākareṇa
Sanskrit only: no published translation is held for this verse.
ऊहे जलैर् आहितकोपरागः क्षोभाद् अल्नीनां नलिनीपरागः । व्यसर्जयद् द्यां विवृतापरागः शशी चिराद् अध्युषितापरागः
ūhe jalair āhitakoparāgaḥ kṣobhād alnīnāṃ nalinīparāgaḥ / vyasarjayad dyāṃ vivṛtāparāgaḥ śaśī cirād adhyuṣitāparāgaḥ
Sanskrit only: no published translation is held for this verse.
यथा विलुप्तोडुकदम्बकायां बालार्कपादैर् दिवि दीप्यते स्म । तथैव सुप्ताखिलकैरवायां रक्तारविन्दैर् अभितः सरस्याम्
yathā viluptoḍukadambakāyāṃ bālārkapādair divi dīpyate sma / tathaiva suptākhilakairavāyāṃ raktāravindair abhitaḥ sarasyām
Sanskrit only: no published translation is held for this verse.
मुखेन भाति स्म सहस्रपत्रं मित्रोदयालोकविकस्वरेण । मञ्जुस्वनानाम् अलिमार्गणानां स्वयंग्रहायैअव् विमुद्रकोशम्
mukhena bhāti sma sahasrapatraṃ mitrodayālokavikasvareṇa / mañjusvanānām alimārgaṇānāṃ svayaṃgrahāyaiav vimudrakośam
Sanskrit only: no published translation is held for this verse.
श्लथेन केचिद् विविशुर् मुखेन तलेन केचिद् दलसंहतीनाम् । मधूत्सुकानां मधुपव्रजानाम् अब्जेषु न द्वारविनिश्चयो ऽभूत्
ślathena kecid viviśur mukhena talena kecid dalasaṃhatīnām / madhūtsukānāṃ madhupavrajānām abjeṣu na dvāraviniścayo 'bhūt
Sanskrit only: no published translation is held for this verse.
लुलोठ धूलीषु पपौ मधूनि पक्ष्माणि लीढानि पुनर् लिलेह । आगन्तवे स्तोकम् अपि द्विरेफः स्थितो ददौ नान्तरम् अब्जमध्ये
luloṭha dhūlīṣu papau madhūni pakṣmāṇi līḍhāni punar lileha / āgantave stokam api dvirephaḥ sthito dadau nāntaram abjamadhye
Sanskrit only: no published translation is held for this verse.
भेजे विनिद्रां नलिनीं न कूलान् न शीलयामास नवार्कभासम् । प्रियां प्रतीयाय तथैव मूढां खगः स्वबोधागमसाभ्यसूयः
bheje vinidrāṃ nalinīṃ na kūlān na śīlayāmāsa navārkabhāsam / priyāṃ pratīyāya tathaiva mūḍhāṃ khagaḥ svabodhāgamasābhyasūyaḥ
Sanskrit only: no published translation is held for this verse.
बहून् असौ पत्ररथस् तपस्वी चकार चाटून् उपकण्ठलीनः । दृशं प्रमीलापगमात् कषायाम् उन्मीलयामास चिरेण चक्री
bahūn asau patrarathas tapasvī cakāra cāṭūn upakaṇṭhalīnaḥ / dṛśaṃ pramīlāpagamāt kaṣāyām unmīlayāmāsa cireṇa cakrī
Sanskrit only: no published translation is held for this verse.
पारं तुषारक्षणसान्धकारम् अपि स्मरार्तित्वरितः पवित्री । श्रुतप्रियाह्न्वानरवः प्रतस्थे सीमन्तयन्न् अब्जवनं विनिद्रम्
pāraṃ tuṣārakṣaṇasāndhakāram api smarārtitvaritaḥ pavitrī / śrutapriyāhnvānaravaḥ pratasthe sīmantayann abjavanaṃ vinidram
Sanskrit only: no published translation is held for this verse.
जगाम भञ्जन्कमलानि कोकः कोकीपरिष्वङ्गमनोरथोत्कः । साप्य् उत्सुका तत्क्षणम् आजगाम विलोकयन्ती वनम् उत्पलानाम्
jagāma bhañjanKamalāni kokaḥ kokīpariṣvaṅgamanorathotkaḥ / sāpy utsukā tatkṣaṇam ājagāma vilokayantī vanam utpalānām
Sanskrit only: no published translation is held for this verse.
कुर्वाणयोः सरसि पद्मवनावनद्धे भिन्नाध्वनोर् वितथम् एव गतागतानि । संवादिदिक्पतितयोः पततोः कथंचिद् द्वन्द्वं चिराद् घटितम् अर्धपथे बभूव
kurvāṇayoḥ sarasi padmavanāvanaddhe bhinnādhvanor vitatham eva gatāgatāni / saṃvādidikpatitayoḥ patatoḥ kathaṃcid dvandvaṃ cirād ghaṭitam ardhapathe babhūva
Sanskrit only: no published translation is held for this verse.
व्यस्मर्यताम् ऋतमरीचिकराभितापः प्रातः पतत्रिमिथुनैस् तपनं विलोक्य । जात्यैव शीतलम् अथोष्णम् अलं न किंचिच् चित्रा गतिर् जगति जन्तुदशावशेन
vyasmaryatām ṛtamarīcikarābhitāpaḥ prātaḥ patatrimithunais tapanaṃ vilokya / jātyaiva śītalam athoṣṇam alaṃ na kiṃcic citrā gatir jagati jantudaśāvaśena
Sanskrit only: no published translation is held for this verse.
कर्तव्यनिर्णयविरूढमनःप्रसादशंसिस्मितेन मुखचन्द्रमसा विराजन् । रामः प्रभातपवनाहितवीचिकम्पां पम्पाम् इयाय सरसीं सह लक्ष्मणेन
kartavyanirṇayavirūḍhamanaḥprasādaśaṃsismitena mukhacandramasā virājan / rāmaḥ prabhātapavanāhitavīcikampāṃ pampām iyāya sarasīṃ saha lakṣmaṇena
Sanskrit only: no published translation is held for this verse.
पार्श्वस्थावरजससम्भ्रमोपनीतप्रत्यग्रस्फुटितविलोहितारविन्दः । सुस्नातः कृतविधिर् अञ्जसोपतस्थे काकुत्स्थः कनकरसावदातम् अर्कम्
pārśvasthāvarajasasambhramopanītapratyagrasphuṭitavilohitāravindaḥ / susnātaḥ kṛtavidhir añjasopatasthe kākutsthaḥ kanakarasāvadātam arkam
Sanskrit only: no published translation is held for this verse.
तौ दीर्घं विधिवद् उपास्य पूर्वसन्ध्यां पूष्णीषत्प्रकटितरश्मिबर्बरीके । आसातां रहितमहीरुहोपकण्ठऊद्वेल्लस्तिमितजटावनौ वनान्ते
tau dīrghaṃ vidhivad upāsya pūrvasandhyāṃ pūṣṇīṣatprakaṭitaraśmibarbarīke / āsātāṃ rahitamahīruhopakaṇṭhaūdvellastimitajaṭāvanau vanānte
Sanskrit only: no published translation is held for this verse.