Ratnagunasamcayagatha 30

भगवत्यां रत्नगुणसंचयगाथायामनुगमपरिवर्तो नामैकूनत्रिंशतिमः ॥ यो बोधिसत्त्व चिरसंसरणाभिप्रायो सत्त्वार्थ क्षेत्रपरिशोधनयुक्तयोगी । न च खेदबुद्धि अणुमात्र उपादियाति सो वीर्यपारमितयुक्त अतन्द्रितश्च

bhagavatyāṃ ratnaguṇasaṃcayagāthāyāmanugamaparivarto nāmaikūnatriṃśatimaḥ // yo bodhisattva cirasaṃsaraṇābhiprāyo sattvārtha kṣetrapariśodhanayuktayogī / na ca khedabuddhi aṇumātra upādiyāti so vīryapāramitayukta atandritaśca

Sanskrit only: no published translation is held for this verse.

सचि कल्पकोटि गणये विदु बोधिसत्त्वो चिरसंज्ञ बोधि समुदानिय तेन दुःखे । चिरदुःख भेष्यति समाचरमाणु धर्मं ततु वीर्यपारमितहीन कुसीदरूपो

saci kalpakoṭi gaṇaye vidu bodhisattvo cirasaṃjña bodhi samudāniya tena duḥkhe / ciraduḥkha bheṣyati samācaramāṇu dharmaṃ tatu vīryapāramitahīna kusīdarūpo

Sanskrit only: no published translation is held for this verse.

प्रथमं उपादु वरबोधयि चित्तुपादो सो वा अनुत्तरशिवामनुप्रापुणेया । रात्रिंदिवैकमनसा तमधिष्ठिहेया आरम्भवीर्य विदु पण्डितु वेदितव्यो

prathamaṃ upādu varabodhayi cittupādo so vā anuttaraśivāmanuprāpuṇeyā / rātriṃdivaikamanasā tamadhiṣṭhiheyā ārambhavīrya vidu paṇḍitu veditavyo

Sanskrit only: no published translation is held for this verse.

सचि कश्चिदेव वदयेय सुमेरुशैलं भिन्दित्व पश्च अधिगम्यसि अग्रबोधिम् । सचि खेदबुद्धि कुरुते च प्रमाणबुद्धिं कौसीद्यप्राप्त भवते तद बोधिसत्त्वो

saci kaścideva vadayeya sumeruśailaṃ bhinditva paśca adhigamyasi agrabodhim / saci khedabuddhi kurute ca pramāṇabuddhiṃ kausīdyaprāpta bhavate tada bodhisattvo

Sanskrit only: no published translation is held for this verse.

अथ तस्युपद्यति मती किमुताल्पमात्रं क्षणमात्र भस्म नयती विलयं सुमेरुम् । आरम्भवीर्य भवते विदु बोधिसत्त्वो नचिरेण बोधिवर लप्स्यति नायकानाम्

atha tasyupadyati matī kimutālpamātraṃ kṣaṇamātra bhasma nayatī vilayaṃ sumerum / ārambhavīrya bhavate vidu bodhisattvo nacireṇa bodhivara lapsyati nāyakānām

Sanskrit only: no published translation is held for this verse.

सचि कायचित्तवचसा च पराक्रमेय्या परिपाचयित्व जगती करिष्यामि अर्थम् । कौसीद्यप्राप्त भवती स्थितु आत्मसंज्ञैः नैरात्मभावनविदूरि नभं व भूमेः

saci kāyacittavacasā ca parākrameyyā paripācayitva jagatī kariṣyāmi artham / kausīdyaprāpta bhavatī sthitu ātmasaṃjñaiḥ nairātmabhāvanavidūri nabhaṃ va bhūmeḥ

Sanskrit only: no published translation is held for this verse.

यस्मिन्न कायु न पि चित्त न सत्त्वसंज्ञा संज्ञाविवर्ति स्थितु अद्वयधर्मचारी । अयु वीर्यपारमित उक्त हितंकरेण आकाङ्क्षमाणु शिवमच्युतमग्रबोधिम्

yasminna kāyu na pi citta na sattvasaṃjñā saṃjñāvivarti sthitu advayadharmacārī / ayu vīryapāramita ukta hitaṃkareṇa ākāṅkṣamāṇu śivamacyutamagrabodhim

Sanskrit only: no published translation is held for this verse.

परुषं श्रुणित्व वचनं परतो दुरुक्तं परितोषयाति सुसुखं विदु बोधिसत्त्वो । को भाषते क शृणुते कुतु कस्य केन सो युक्त क्षान्तिवरपारमिताय विज्ञो

paruṣaṃ śruṇitva vacanaṃ parato duruktaṃ paritoṣayāti susukhaṃ vidu bodhisattvo / ko bhāṣate ka śṛṇute kutu kasya kena so yukta kṣāntivarapāramitāya vijño

Sanskrit only: no published translation is held for this verse.

सो बोधिसत्त्व क्षमते गुणधर्मयुक्तो यश्चैव रत्नभरितं त्रिसहस्र दद्यात् । बुद्धान लोकविदुनार्हतप्रत्ययानां कलपुण्य सो न भवते इह दानस्कन्धे

so bodhisattva kṣamate guṇadharmayukto yaścaiva ratnabharitaṃ trisahasra dadyāt / buddhāna lokavidunārhatapratyayānāṃ kalapuṇya so na bhavate iha dānaskandhe

Sanskrit only: no published translation is held for this verse.

क्षान्तीस्थितस्य परिशुध्यति आत्मभावो द्वात्रिंशलक्षणप्रभाव अनन्तपारो । [सत्त्वान शून्यवरधर्म निशामयाती प्रियु भोति सर्वजगती क्षममाणु विज्ञो

kṣāntīsthitasya pariśudhyati ātmabhāvo dvātriṃśalakṣaṇaprabhāva anantapāro / [sattvāna śūnyavaradharma niśāmayātī priyu bhoti sarvajagatī kṣamamāṇu vijño

Sanskrit only: no published translation is held for this verse.

सचि कश्चि चन्दनपुटं ग्रहियान सत्त्वो अभ्योकिरेय गुरुप्रेमत बोधिसत्त्वम् । द्वितीयो ऽपि] अग्नि सकले शिरसि क्षिपेया उभयत्र तुल्यु मनु तेन उपादितव्यो

saci kaści candanapuṭaṃ grahiyāna sattvo abhyokireya gurupremata bodhisattvam / dvitīyo 'pi] agni sakale śirasi kṣipeyā ubhayatra tulyu manu tena upāditavyo

Sanskrit only: no published translation is held for this verse.

एवं क्षमित्व विदु पण्डितु बोधिसत्त्वो तं चित्तुपादु परिणामयि अग्रबोधौ । यावन्ति क्षान्ति रहप्रत्ययसत्त्वधातोः अभिभोति सर्वजगती क्षममाणु शूरः

evaṃ kṣamitva vidu paṇḍitu bodhisattvo taṃ cittupādu pariṇāmayi agrabodhau / yāvanti kṣānti rahapratyayasattvadhātoḥ abhibhoti sarvajagatī kṣamamāṇu śūraḥ

Sanskrit only: no published translation is held for this verse.

क्षममाणु एव पुन चित्त उपादितव्यो नरकेषु तिर्ययमलोकि अनेक दुःखा । अनुभूय कामगुणहेतु अकामकारा कस्मा हु अद्य न क्षमेय निदान बोधौ

kṣamamāṇu eva puna citta upāditavyo narakeṣu tiryayamaloki aneka duḥkhā / anubhūya kāmaguṇahetu akāmakārā kasmā hu adya na kṣameya nidāna bodhau

Sanskrit only: no published translation is held for this verse.

कशदण्डशस्त्रवधबन्धनताडनाश्च शिरछेदकर्णचरणाकरनासछेदाः । यावन्ति दुःख जगती अहु तत्सहामि क्षान्तीय पारमित तिष्ठति बोधिसत्त्वो

kaśadaṇḍaśastravadhabandhanatāḍanāśca śirachedakarṇacaraṇākaranāsachedāḥ / yāvanti duḥkha jagatī ahu tatsahāmi kṣāntīya pāramita tiṣṭhati bodhisattvo

Sanskrit only: no published translation is held for this verse.